ବାଲେଶ୍ୱର

ଆକର୍ଷଣ ଅନେକ, ବିକାଶ ଧୀମା

 ଆକର୍ଷଣ ଅନେକ, ବିକାଶ  ଧୀମା
ଭୋଗରାଇ,୨୨।୧୨(ଡି.ଏନ.ଏ.)- ଓଡ଼ିଶାର ସୀମାନ୍ତ ବାଲେଶ୍ୱର ଜିଲାରେ ପ୍ରକୃତିରାଣୀ ଭୋଗରାଇ ମାଟିକୁ ଦେଇଛି ଅଫୁରନ୍ତ ସୌନ୍ଦର୍ଯ୍ୟ। ଏଠାକାର ତାଳସାରୀ, ଉଦୟପୁର ଓ କୀର୍ତ୍ତନିଆର ମନୋରମ ବେଳାଭୂମିର ଆକର୍ଷଣ ନିଆରା। ପ୍ରସିଦ୍ଧ ଶୈବପୀଠ ଚନ୍ଦନେଶ୍ୱର, ସୁବର୍ଣ୍ଣରେଖା ନଦୀକୂଳରେ ସର୍ବବୃହତ୍‌ ଶିବଲିଙ୍ଗ ଭୁଷଣ୍ଡେଶ୍ୱର ଜୀଉ, ଭୋଗରାଇରେ ମା’ ବାସୁଳୀଙ୍କ କାଠରେ ନିର୍ମିତ ବିଶାଳ ମୂର୍ତ୍ତି କଖଡ଼ାରେ ଅଧିଷ୍ଠିତ ମା’ କାଳୀ ମନ୍ଦିର ଏହି ଇଲାକାର ପର୍ଯ୍ୟଟନ ବଳୟ ମଧ୍ୟରେ ରହିଛି, ଯାହାକି ପର୍ଯ୍ୟଟକଙ୍କୁ ଆକୃଷ୍ଟ କରି ଆସୁଛି। ପାନ-ଧାନ-ମୀନ ଓ ଜ୍ଞାନର ଗନ୍ତାଘର କୁହାଯାଉଥିବା ଭୋଗରାଇର ଏସବୁ ପର୍ଯ୍ୟଯନ କ୍ଷେତ୍ର ଓଡ଼ିଶା ମାନଚିତ୍ରରେ ଏକ ସ୍ବତନ୍ତ୍ର ସ୍ଥାନ ଲାଭ କରିଛି। ସଂଖ୍ୟାଲଘୁ ସମ୍ପ୍ରଦାୟର ପ୍ରମୁଖ ଧର୍ମପୀଠ ଓ ନିଆରା ଭାଇଚାରା ଜନ ଜୀବନର ସଂସ୍କୃତି ସହ ଯୋଡି ହୋଇଯାଇଛି। ହେଲେ ନିକଟସ୍ଥ ପଡୋଶୀ ପଶ୍ଚିମବଙ୍ଗର ପର୍ଯ୍ୟଟନ କ୍ଷେତ୍ର ତୁଳନାରେ ଏଠାକାର ପର୍ଯ୍ୟଟନ ଭିତ୍ତିଭୂମି ଅବହେଳିତ ହୋଇ ରହିଛି। ଏଠାକୁ ଆସୁଥିବା ପର୍ଯ୍ୟଟକଙ୍କୁ ଆନୁଷଙ୍ଗିକ ସୁବିଧା ମିଳି ପାରୁ ନାହିଁ । ଓଡ଼ିଶା ସୀମାକୁ ଲାଗିଥିବା ପଶ୍ଚିମବଙ୍ଗର‘ଦୀଘା’ରେ ଭିତ୍ତିଭୂମିର ଉନ୍ନତି ଘଟି ସେଠାରେ ପର୍ଯ୍ୟଟନ ଶିଳ୍ପର ବିକାଶ ଶୀର୍ଷ ଛୁଇଁଛି। ହେଲେ ପ୍ରାକୃତିକ ଶୋଭା ସମ୍ପନ୍ନ ତାଳସାରୀ-ଉଦୟପୁର ବେଳାଭୂମି ଆବଶ୍ୟକ ଭିତ୍ତିଭୂମି ଓ ଆନୁଷଙ୍ଗିକ ସୁବିଧା ଅଭାବରୁ ସବୁବେଳେ ଖାଁ ଖାଁ ଲାଗୁଛି। ରାଜ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୨୦୧୧ରୁ ପ୍ରାୟ ପ୍ରତିବର୍ଷ ତାଳସାରୀ ବେଳାଭୂମି ମହୋତ୍ସବକୁ ଆସି ଏହାକୁ ଉଦ୍‌ଘାଟନ କରି ଆସୁଛନ୍ତି। ବାଲେଶ୍ୱର ଜିଲାର ତାଳସାରୀ, ଡଗରା, ଚାନ୍ଦିପୁର ଓ ନୀଳଗିରିକୁ ନେଇ ତ୍ରିକୋଣୀୟ ପର୍ଯ୍ୟଟନ ବଳୟ କରାଯାଇ ପର୍ଯ୍ୟଟନ କ୍ଷେତ୍ରରେ ୮ଶହ କୋଟି ଟଙ୍କା ବିନିଯୋଗ କରାଯିବ ବୋଲି ମୁଖ୍ୟମନ୍ତ୍ରୀ ଘୋଷଣା କରିଥିଲେ। ତଦନୁଯାୟୀ ଅଞ୍ଚଳବାସୀ ବେଶ୍‌ ଉତ୍ସାହିତ ହୋଇଥିଲେ। ହେଲେ କାର୍ଯ୍ୟରେ ମନ୍ଥରତା କାରଣରୁ ଅନେକ ପ୍ରକଳ୍ପର କାର୍ଯ୍ୟକାରିତା ନେଇ ସନ୍ଦେହ ପ୍ରକାଶ କରିଛନ୍ତି। ତାଳସାରୀକୁ ବିଶ୍ୱସ୍ତରୀୟ ପର୍ଯ୍ୟଟନସ୍ଥଳୀ ରୂପେ ଗଢ଼ି ତୋଳିବାକୁ ଯୋଜନା ଥିବାବେଳେ ଏଠାରେ ଲାଗିଥିବା ଦୁଇଟି ହାଇମାକ୍ସ ଲାଇଟ୍‌ ଦୀର୍ଘବର୍ଷ ଧରି ଜଳୁ ନାହଁ। ପର୍ଯ୍ୟଟକମାନେ ଅନ୍ଧାରିଆ ପରିବେଶରେ ରାତିରେ ରହିବାକୁ ନିରାପଦ ମଣୁ ନାହାନ୍ତି। ଭୋଗରାଇ ବିଧାୟକ ତଥା ବର୍ତ୍ତମାନର ଉଚ୍ଚ ଶିକ୍ଷାମନ୍ତ୍ରୀ ଅନନ୍ତ ଦାସଙ୍କ ଉଦ୍ୟମରେ ଉଦୟପୁର ବେଳାଭୂମି ଠାରେ ୧୫ଲକ୍ଷ ଟଙ୍କାରେ ବିଜୁ ପଟ୍ଟନାୟକ ପାର୍କ, ତାଳସାରୀ, ସୁବର୍ଣ୍ଣପୁର ଚଡ଼ ଉପରେ ଫୁଟ୍‌ ଓଭରବ୍ରିଜ୍‌ ପାଇଁ ଦେଢ଼କୋଟି ଟଙ୍କା, ତାଳସାରୀ-ଉଦୟପୁର ଦେଢ଼ କି.ମି. ମେରାଇନ୍‌ ଡ୍ରାଇଭ୍‌ ନିମନ୍ତେ ସାଢ଼େ ୧୩କୋଟି ଟଙ୍କା ମଞ୍ଜୁର କରିଛନ୍ତି। ଏଥିଲାଗି କାର୍ଯ୍ୟାଦେଶ ଦିଆଯାଇଥିବା କୁହାଯାଇଛି। କିନ୍ତୁ ବିଜୁ ପାର୍କ କାମ ଅଧାପନ୍ତରିଆ ହୋଇପଡିଥିବା ବେଳେ ଠିକାଦାରୀ ସଂସ୍ଥା ଅନ୍ୟ କାର୍ଯ୍ୟ ଏଯାଏ ଆରମ୍ଭ କରି ନାହାନ୍ତି। ପ୍ରସିଦ୍ଧ ଶୈବପୀଠ ଚନ୍ଦନେଶ୍ୱର ଜୀଉଙ୍କ ମନ୍ଦିର ଗର୍ଭଗୃହରେ ଫାଟ ହୋଇ ଉପରିଭାଗ ତଳକୁ ଦବି ଯାଉଥିବା କୁହାଯାଉଛି। ଏହାର ସୁରକ୍ଷା ଲାଗି ପଦକ୍ଷେପ ନିଆଯାଇ ନାହିଁ । ମନ୍ଦିର ଚାରିପାଖରେ ଆବର୍ଜନା ପଡି ରହି ପରିବେଶକୁ ଦୂଷିତ କରୁଛି। ଏସବୁ ପର୍ଯ୍ୟଟନ କ୍ଷେତ୍ରର ସମନ୍ବିତ ବିକାଶ ହେଲେ ଅଞ୍ଚଳର ଆର୍ଥିକ ବିକାଶ ତ୍ୱରାନ୍ବିତ ହୋଇପାରନ୍ତା ବୋଲି ଅଞ୍ଚଳବାସୀ ମତବ୍ୟକ୍ତ କରିଛନ୍ତି। ଚନ୍ଦନେଶ୍ୱରର ସେବାୟତ ତପନ ପଣ୍ଡା ତାଙ୍କ ପ୍ରତିକ୍ରିୟାରେ କହିଛନ୍ତି, ତାଳସାରୀ-ଉଦୟପୁରକୁ ଦୀଘା ସହିତ ସମକକ୍ଷ କରିବା ଲାଗି ଯୋଜନାବଦ୍ଧ କାର୍ଯ୍ୟ ହେବା ଆବଶ୍ୟକ। ଦୀଘାର କାର୍ଯ୍ୟଶୈଳୀ ଦେଖି ଆମେ ଶିଖିବା ଆବଶ୍ୟକ। ଜିଲା ପରିଷଦ ସଦସ୍ୟ ଦେବାଶିଷ ଚାନ୍ଦ ଓ ସର୍ବେଶ୍ୱର ନାୟକ କହିଛନ୍ତି, ପୂର୍ବ ସରକାର ଏହି ଅଞ୍ଚଳର ପର୍ଯ୍ୟଟନ କ୍ଷେତ୍ରର ବିକାଶ କରି ନ ଥିଲେ। ବିଜେଡି ସରକାରଙ୍କ ଅମଳରେ ବିକାଶ ପାଇଁ ଅନେକ ଅନୁଦାନ ଦିଆଯାଉଛି। ପୂର୍ବତନ ଏମ୍‌ପି ଡ. କାର୍ତ୍ତିକେଶ୍ୱର ରାଜ୍ୟ ସରକାରଙ୍କ ଆନ୍ତରିକତା ଓ ରାଜନୈତିକ ଇଚ୍ଛାଶକ୍ତି ଅଭାବରୁ ଭୋଗରାଇରେ ପର୍ଯ୍ୟଟନ ଶିଳ୍ପର ବିକାଶ ହୋଇପାରି ନାହଁ । ଉତ୍କଳ ଭାରତ କେନ୍ଦ୍ରୀୟ ସଭାପତି ଐର ଖାରବେଳ ସ୍ବାଇଁ କହିଛନ୍ତି, ଭୋଗରାଇରେ ପର୍ଯ୍ୟଟନ ବିକାଶ ପାଇଁ ଉଦ୍ୟମ ଆବଶ୍ୟକ। ସେ ଏମ୍‌ପି ଥିବାବେଳେ ଉଦୟପୁର-ତାଳସାରୀରେ ଝାଉଁ ଚାରାରୋପଣ ପାଇଁ ନିଜସ୍ବ ପାଣ୍ଠିରୁ ପାଇଁ ୬ଲକ୍ଷ ଟଙ୍କା ଦେଇଥିଲେ। ହେଲେ ଝାଉଁଗଛର ସୁରକ୍ଷା କରାଯାଇ ପାରିଲା ନାହଁ। କଂଗ୍ରେସ ନେତା ସତ୍ୟଶିବ ଦାସ ରାଜନୈତିକ ଇଚ୍ଛାଶକ୍ତି ଅଭାବ ଯୋଗୁ ପର୍ଯ୍ୟଟନର ବିକାଶ ହୋଇପାରୁ ନାହଁ ବୋଲି କହିଥିବା ବେଳେ ଭାଜପା ନେତା ପରେଶ ଚନ୍ଦ୍ର ନାୟକ ପର୍ଯ୍ୟଟନର ବିକାଶ ପାଇଁ ରାଜ୍ୟ ସରକାର କେନ୍ଦ୍ରକୁ ଅବଗତି କରାଇବା ଆବଶ୍ୟକ ବୋଲି କହିଛନ୍ତି। ରାଜ୍ୟ ଉଚ୍ଚ ଶିକ୍ଷାମନ୍ତ୍ରୀ ତଥା ଭୋଗରାଇ ବିଧାୟକ ଅନନ୍ତ ଦାସ କହିଛନ୍ତି, ଉଦୟପୁରଠାରୁ ଭୁଷଣ୍ଡେଶ୍ୱର ପର୍ଯ୍ୟନ୍ତ ୨୬ଟି ଗାଁକୁ ନେଇ ପ୍ଲାନିଂ ଅଥରିଟି ଉନ୍ନୟନ କମିଟି ଗଠନ କରାଯାଇଛି। ତାଳସାରୀ ଓ ଉଦୟପୁରଠାରେ ହଟେଲ ଶିଳ୍ପର ବିକାଶ ପାଇଁ ଓଟିଡିସିକୁ ୫୦ଏକର ଜମି ଯୋଗାଇ ଦିଆଯାଇଛି। ବିକାଶ ଧାରା ଜାରି ରହିଛି, ଏଥିପାଇଁ ସମସ୍ତଙ୍କ ସହଯୋଗ ଜରୁରୀ।
All Right Reserved By

ବାଲେଶ୍ୱର

୨୯ରେ ଭଦ୍ରକ ବନ୍ଦ ଡାକରା

୨୯ରେ ଭଦ୍ରକ ବନ୍ଦ ଡାକରା

ଭଦ୍ରକ ଅଫିସ,୨୨।୧୦: ଭଦ୍ରକରେ ମେଡିକାଲ କଲେଜ ପ୍ରତିଷ୍ଠା ଦାବିରେ ଆନ୍ଦୋଳନ ଦିନକୁ ଦିନ ତୀବ୍ରତର ରୂପ ନେଉଛି। ଏନେଇ  ସୋମବାର ଜିଲାପାଳଙ୍କ ଅଭିଯୋଗ  ଶୁଣାଣିରେ ଚଳିତ ମାସ ୨୯ରେ ଭଦ୍ରକ ଜିଲାରେ ବନ୍ଦ ପାଳନ  କରାଯିବ  ବୋଲି ଘୋଷଣା କରାଯାଇଛି।

ପାଟଣାରେ ହିନ୍ଦୁ ଜାଗରଣ ସମାବେଶ

ପାଟଣାରେ ହିନ୍ଦୁ ଜାଗରଣ ସମାବେଶ

ପାଟଣା,୨୨।୧୦(ସ୍ବ.ପ୍ର.): କେନ୍ଦୁଝର ଜିଲା ପାଟଣା ଷ୍ଟାଡିୟମ ସନ୍ନିକଟ ପଡ଼ିଆଠାରେ ରାଷ୍ଟ୍ରୀୟ ସ୍ବୟଂ ସେବକ ସଂଘ ଧର୍ମ ଜାଗରଣ ସମିତି ଆନୁକୂଲ୍ୟରେ ପାଟଣା ଖଣ୍ଡ ତରଫରୁ ହିନ୍ଦୁ ସମାଜକୁ ଶୃଙ୍ଖଳିତ କରିବା ସକାଶେ ଏକ ଧର୍ମ ଜାଗରଣ ସଭା ଅନୁଷ୍ଠିତ ହୋଇଛି। 

‘ପରିଶ୍ରମ କର, ସଫଳତା ମିଳିବ’

‘ପରିଶ୍ରମ କର, ସଫଳତା ମିଳିବ’

ଭଦ୍ରକ ଅଫିସ,୨୨।୧୦-କହିବାଠାରୁ କାମରେ କରି ଦେଖାଇବାର ମଜା ନିଆରା। ଏ କଥାକୁ ଗୁରୁତ୍ୱ ଦେଇ ଭଦ୍ରକ କଚେରି ବଜାରର ଜଣାଶୁଣା ବ୍ୟବସାୟୀ ତଥା ଅନୁଷ୍ଠାନପ୍ରେମୀ ନରେନ୍ଦ୍ର ଓରଫ ପାଗୁଳୁ ସାହୁ(୬୨) ପଲିଥିନ ବ୍ୟବହାର ରୋକିବା କାମରେ ଲାଗିପଡ଼ିଛନ୍ତି। ନିଜ ହୋଟେଲ ପରିସରରେ ପଲିଥିନର ବ୍ୟବହାର ବନ୍ଦ କରି ଏଥିଲାଗି ‘ସଚେତନତା ଫଳକ’ ଲଗାଇଛନ୍ତି। ହୋଟେଲରୁ ପାର୍ସଲ ନେଉଥିବା ଲୋକଙ୍କୁ ଫଏଲ ଓ କାଗଜ ପ୍ୟାକେଟରେ ସେ ଖାଦ୍ୟ ସାମଗ୍ରୀ ଯୋଗାଇ ଦେଉଛନ୍ତି। ଘରୁ ବ୍ୟାଗ୍‌ ଆଣିବାକୁ ମଧ୍ୟ ଗ୍ରାହକମାନଙ୍କୁ ବୁଝାଉଛନ୍ତି। ନିଜେ ପରିଚାଳନା କରୁଥିବା ଏକ ଘରୋଇ ସ୍କୁଲ ଓ କଲେଜରେ ଅନୁରୂପ ସଚେତନତା ସୃଷ୍ଟି କରୁଛନ୍ତି।

ଫେସ୍‌ବୁକରେ ଅଶ୍ଳୀଳ ପୋଷ୍ଟ କରି ଶିକ୍ଷକ ଗିରଫ

ଫେସ୍‌ବୁକରେ ଅଶ୍ଳୀଳ ପୋଷ୍ଟ କରି ଶିକ୍ଷକ ଗିରଫ

ଧାମନଗର,୨୨।୧୦(ଡି.ଏନ.ଏ.)-ଭଦ୍ରକ ଜିଲା ଧାମନଗର ଥାନା ଅଧୀନ ପଠାଣମହଲା ଗ୍ରାମର ଶିକ୍ଷକ  ସେକ୍‌ ସବାକତୁଲ୍ଲାଙ୍କୁ ସୋସିଆଲ ମିଡିଆରେ ସାମ୍ପ୍ରଦାୟିକ ନେଇ ଅଶ୍ଳୀଳ ପୋଷ୍ଟ  କରିଥିବା ଅଭିଯୋଗରେ ପୋଲିସ  ଗିରଫ କରିଛି। ଫେସ୍‌ବୁକରେ ଅଶ୍ଳୀଳ ମନ୍ତବ୍ୟ ନେଇ ଦକ୍ଷିଣବାଡ଼ ଗ୍ରାମର ବିଜୟ ରାମଙ୍କ ଅଭିଯୋଗ କ୍ରମେ ଧାମନଗର ଥାନାରେ ଏକ ମାମଲା(ନଂ.୧୭୭/୧୮) ରୁଜୁ କରାଯାଇଛି। ଏନେଇ ପୋଲିସ ତଦନ୍ତ କରି ଶିକ୍ଷକ ସେକ୍‌ ସବାକତୁଲ୍ଲାଙ୍କୁ ଗିରଫ କରି ଶନିବାର କୋର୍ଟ ଚାଲାଣ କରିଛି। ଜଣେ ଶିକ୍ଷକ ହୋଇ ଏଭଳି ସାମ୍ପ୍ରଦାୟିକତା ଭେଦଭାବ ନେଇ ପୋଷ୍ଟ କରିବା ଘଟଣାକୁ ବିଭିନ୍ନ ମହଲରେ ନିନ୍ଦା କରାଯାଇଛି।

ମେଡିକାଲ କଲେଜ ପ୍ରତିଷ୍ଠା ଦାବି ଜୋର ଧରିଲା: ୨୯ରେ ଭଦ୍ରକ ଜିଲା ବନ୍ଦ ଡାକରା

ମେଡିକାଲ କଲେଜ ପ୍ରତିଷ୍ଠା ଦାବି ଜୋର ଧରିଲା: ୨୯ରେ ଭଦ୍ରକ ଜିଲା ବନ୍ଦ ଡାକରା

ଭଦ୍ରକ ଅଫିସ,୨୨।୧୦-ଭଦ୍ରକ ଜିଲାରେ ସରକାରୀ ମେଡିକାଲ କଲେଜ ପ୍ରତିଷ୍ଠା ଦାବି ବଢିବାରେ ଲାଗିଛି। ରବିବାର ଏଥିପାଇଁ ଭଦ୍ରକ ସମେତ ବାଙ୍ଗାଲୋରରେ ବିବିଧ କାର୍ଯ୍ୟକ୍ରମ କରାଯାଇ ଭଦ୍ରକ ମେଡିକାଲ କଲେଜ ସଂଗ୍ରାମୀ ସେନା ପକ୍ଷରୁ ଦାବିକୁ ଜୋରଦାର କରାଯାଇଛି। ବାଙ୍ଗାଲୋରଠାରେ ବସବାସ କରୁଥିବା ଭଦ୍ରକର ବାସିନ୍ଦାମାନେ ଜିଲାରେ ମେଡିକାଲ କଲେଜ ପ୍ରତିଷ୍ଠା ପାଇଁ ଉଠିଥିବା ଦାବିକୁ ସମର୍ଥନ ଜଣାଇ ଆଗକୁ ବାହାରିଥିବା ଜଣାଯାଇଛି। ପ୍ରବାସୀ ଭଦ୍ରକ ବାସିନ୍ଦା ରବିବାର ବାଙ୍ଗାଲୋରସ୍ଥିତ ଆଗ୍ରା ଜଗନ୍ନାଥ ମନ୍ଦିର ନିକଟରେ ଏକତ୍ର ହୋଇଥିଲେ। 

ନିଯୁକ୍ତି ଦାବିରେ ବିକ୍ଷୋଭ

ନିଯୁକ୍ତି ଦାବିରେ ବିକ୍ଷୋଭ

ଭଣ୍ଡାରିପୋଖରୀ,୨୨।୧୦(ସ୍ବ.ପ୍ର.)-ଜମିହରା ଓ କ୍ଷତିଗ୍ରସ୍ତ ଚାଷୀ ଶ୍ରମିକ ସାମ୍ମୁଖ୍ୟ ପକ୍ଷରୁ ନିଯୁକ୍ତି ଦାବିରେ ଭଦ୍ରକ ସହର ଉପକଣ୍ଠ ନଳାଙ୍ଗଠାରେ ଥିବା ଡିବିଏଲ ପ୍ରକଳ୍ପ କାର୍ଯ୍ୟାଳୟ ସମ୍ମୁଖରେ ରବିବାର ବିକ୍ଷୋଭ ପ୍ରଦର୍ଶନ କରାଯାଇଥିଲା। ନଳାଙ୍ଗଠାରେ ୧୬ନମ୍ବର ଜାତୀୟ ରାଜପଥର ସମ୍ପ୍ରସାରଣ ଓ ନିର୍ମାଣ କାର୍ଯ୍ୟ ଦାୟିତ୍ୱରେ ଥିବା ଡିବିଏଲ ରୋଡ କମ୍ପାନୀ ଚାଷୀଙ୍କଠାରୁ ଜମି ଅଧିଗ୍ରହଣ କରି ଜମିହରାଙ୍କୁ ନିଯୁକ୍ତି ନ ଦେବା ଓ କ୍ଷତିପୂରଣ ପ୍ରଦାନରେ ଅନିୟମିତତା କରିଥିବା ପ୍ରତିବାଦରେ ଆନ୍ଦୋଳନ କରାଯାଇଥିଲା। 

ବାରିପଦାରେ ଦୁର୍ନୀତି -ଭ୍ରଷ୍ଟାଚାର ବିରୋଧୀ ଜନ ସମାବେଶ  ଚାରା ଦୁର୍ନୀତି କଥା ଦୋହରାଇଲେ ଦାମ

ବାରିପଦାରେ ଦୁର୍ନୀତି -ଭ୍ରଷ୍ଟାଚାର ବିରୋଧୀ ଜନ ସମାବେଶ ଚାରା ଦୁର୍ନୀତି କଥା ଦୋହରାଇଲେ ଦାମ

ବାରିପଦା ଅଫିସ,୨୨।୧୦- ମୟୂରଭଞ୍ଜ ଜିଲା ବାରିପଦା ସହର ଛଉ ପଡିଆଠାରେ ମୟୂରଭଞ୍ଜ ମିଳିତ କ୍ରିୟାନୁଷ୍ଠାନ କମିଟି ପକ୍ଷରୁ ରବିବାର ଦୁର୍ନୀତି-ଭ୍ରଷ୍ଟାଚାର ବିରୋଧୀ ଜନସମାବେଶ ଅନୁଷ୍ଠିତ ହୋଇଯାଇଛି। ପୂର୍ବତନ ମନ୍ତ୍ରୀ ଦାମୋଦର ରାଉତ, ପୂର୍ବତନ ଏମ୍‌ପି ବୈଜୟନ୍ତ ପଣ୍ଡା, ବରିଷ୍ଠ ଖବରଦାତା ରବି ଦାସ, ପୂର୍ବତନ ରାଜ୍ୟ ସମବାୟ ସମିତି ସଭାପତି ଯଜ୍ଞେଶ୍ୱର ବାବୁ ଏଥିରେ ଯୋଗ ଦେବାର କାର୍ଯ୍ୟକ୍ରମ ଥିଲା। ଏମାନଙ୍କ ମଧ୍ୟରେ ରବି ଦାସ  ଆସି ନ ଥିବା ବେଳେ ସ୍ବାସ୍ଥ୍ୟବସ୍ଥା ଭଲ ନ ରହିବାରୁ ବୈଜୟନ୍ତ ଅଧା ରାସ୍ତାରୁ ଫେରିଯାଇଥିଲେ। ପୂର୍ବତନ ମନ୍ତ୍ରୀ ଦାମୋଦର ରାଉତ ଓ ପୂର୍ବତନ ରାଜ୍ୟ ସମବାୟ ସମିତି ସଭାପତି ଯଜ୍ଞେଶ୍ୱର ବାବୁ କାର୍ଯ୍ୟକ୍ରମରେ ଯୋଗ ଦେଇ ବକ୍ତବ୍ୟ ରଖିଥିଲେ। ସଭା କାର୍ଯ୍ୟ ଚାଲିଥିବା ବେଳେ ଜଣେ ଯୁବକ ମଞ୍ଚ ଆଡକୁ ମାଡି ଆସି ୨ଟି ପ୍ରଶ୍ନ ପଚାରିବାକୁ ଚାହିଁଥିଲେ। ଏନେଇ ସଭାରେ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା। ପୋଲିସ ଏହି ଯୁବକଙ୍କୁ କାବୁ କରି ନେବା ପରେ ସଭା ଚାଲିଥିଲା। ପୂର୍ବତନ ମନ୍ତ୍ରୀ ରାଉତ ତାଙ୍କ ବକ୍ତବ୍ୟରେ  ମୟୂରଭଞ୍ଜ ଜିଲାରେ ହୋଇଥିବା ଚାରା ଦୁର୍ନୀତି ପ୍ରସଙ୍ଗ ଉଠାଇ ବର୍ତ୍ତମାନର ରାଜ୍ୟ ସରକାରଙ୍କୁ ସମାଲୋଚନା କରିଥିଲେ। ବାରିପଦାର ତତ୍‌କାଳୀନ ଜିଲାପାଳ ଓ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ମିଳିମିଶି ଏହି ଜିଲାରେ ବିଭିନ୍ନ ବେଆଇନ କାର୍ଯ୍ୟ କରିବା ସହ ଖଣି ଲୁଟ କରିଥିଲେ।  ମୟୂରଭଞ୍ଜର  ଚାରା ଦୁର୍ନୀତି ଧରିବାରୁ  ତାଙ୍କୁ  ଏଥିରୁ ନିବୃତ୍ତ ରହିବାକୁ କୋଟିଏ ଟଙ୍କା ଯଚା ଯାଇଥିଲା।  ମନା କରିବାରୁ ମନ୍ତ୍ରୀ ପଦ ଗଲା ବୋଲି ରାଉତ କହିଥିଲେ। 

‘ବଦଳିଛି ଆଇନଶୃଙ୍ଖଳା ପରିସ୍ଥିତି ’

‘ବଦଳିଛି ଆଇନଶୃଙ୍ଖଳା ପରିସ୍ଥିତି ’

ବାଲେଶ୍ୱର ଅଫିସ, ୨୨।୧୦-ବାଲେଶ୍ୱର ପୋଲିସ ପଡ଼ିଆରେ ୫୯ତମ ପୋଲିସ ଶହୀଦ ଦିବସ ରବିବାର ପାଳିତ ହୋଇଯାଇଛି।  ପୂର୍ବାଞ୍ଚଳ ଡିଆଇଜି ଅମିତେନ୍ଦ୍ର ନାଥ ସିହ୍ନା ମୁଖ୍ୟଅତିଥି ଏବଂ ଜିଲା ଆରକ୍ଷୀ ଅଧିକ୍ଷକ ବି. ଯୁଗଳ କିଶୋର କୁମାର  ସମ୍ମାନନୀୟ ଅତିଥି ଭାବେ ଯୋଗଦେଇ ପରେଡ଼୍‌ର ଅଭିବାଦନ ଗ୍ରହଣ କରିଥିଲେ। 

ଅଶ୍ଳୀଳ ଫଟୋ ଭାଇରାଲ ପରେ ଆତ୍ମହତ୍ୟା କମ୍ପାନୀ ଫାଟକ ଆଗରେ ମହିଳା ସିକ୍ୟୁରିଟି କର୍ମଚାରୀଙ୍କ ମୃତଦେହ ରଖି  ଗ୍ରାମବାସୀଙ୍କ ପ୍ରତିବାଦ, ଉତ୍ତେଜନା

ଅଶ୍ଳୀଳ ଫଟୋ ଭାଇରାଲ ପରେ ଆତ୍ମହତ୍ୟା କମ୍ପାନୀ ଫାଟକ ଆଗରେ ମହିଳା ସିକ୍ୟୁରିଟି କର୍ମଚାରୀଙ୍କ ମୃତଦେହ ରଖି ଗ୍ରାମବାସୀଙ୍କ ପ୍ରତିବାଦ, ଉତ୍ତେଜନା

ବାହାନଗା, ୨୨ା୧୦(ଡି.ଏନ.ଏ.)-ଅଶ୍ଳୀଳ ଫଟୋ ଭାଇରାଲ ହେବା ପରେ ଏକ ଘରୋଇ କମ୍ପାନୀରେ କାମ କରୁଥିବା ଜଣେ ମହିଳା ସିକ୍ୟୁରିଟି କର୍ମଚାରୀଙ୍କ ଆତ୍ମହତ୍ୟା ଘଟଣା ନେଇ ବାଲେଶ୍ୱର ଜିଲା ବାହାନଗା ବ୍ଲକ ପଣପଣା ଅଞ୍ଚଳରେ ତୀବ୍ର ଉତ୍ତେଜନା ପ୍ରକାଶ ପାଇଛି। ଉତ୍ତ୍ୟକ୍ତ ଗ୍ରାମବାସୀ କମ୍ପାନୀ ଫାଟକ ଆଗରେ ମୃତଦେହ ରଖି ପ୍ରତିବାଦ କରିବା ସହ କ୍ଷତିପୂରଣ ଦାବି କରିଥିଲେ। ଏନେଇ ଅଶାନ୍ତ ପରିସ୍ଥିତି ସୃଷ୍ଟି ହୋଇଥିଲା। କମ୍ପାନୀ କର୍ତ୍ତୃପକ୍ଷ ମୃତ କର୍ମଚାରୀଙ୍କ ଦୁଇ ପିଲାଙ୍କ ପାଇଁ ୫ଲକ୍ଷ ଟଙ୍କା କ୍ଷତିପୂରଣ ଦେବାର ପ୍ରତିଶ୍ରୁତି ଦେବା ପରେ ପରିସ୍ଥିତି ଶାନ୍ତ ପଡିଥିଲା। 

ପଦ୍ମ ଧରିଲେ ପଦ୍ମଲୋଚନ, ଶୁଭଙ୍କର: କଂଗ୍ରେସକୁ ‘ଫୁଟା ଡଙ୍ଗା’ ବୋଲି କହିଲେ

ପଦ୍ମ ଧରିଲେ ପଦ୍ମଲୋଚନ, ଶୁଭଙ୍କର: କଂଗ୍ରେସକୁ ‘ଫୁଟା ଡଙ୍ଗା’ ବୋଲି କହିଲେ

ଖଇରା, ୨୨।୧୦(ଡି.ଏନ.ଏ.)-ଭାଜପାରେ ବିରୋଧାଭାସ ସତ୍ତ୍ୱେ କଂଗ୍ରେସର ବରିଷ୍ଠନେତା, ପୂର୍ବତନ ମନ୍ତ୍ରୀ ପଦ୍ମଲୋଚନ ପଣ୍ଡା ଏବଂ  ଅନ୍ୟତମ ଟାଣୁଆ ନେତା ଶୁଭଙ୍କର ମହାପାତ୍ର ରବିବାର ଆନୁଷ୍ଠାନିକ ଭାବେ ଏହି ଦଳରେ ସାମିଲ ହୋଇଛନ୍ତି। ସେମାନଙ୍କ ସହ ବହୁ ଅନୁଗତ ଓ ସମର୍ଥକ କଂଗ୍ରେସ ଦଳ ଛାଡିଛନ୍ତି।  ସେମାନେ କଂଗ୍ରେସକୁ ଫୁଟା ଡଙ୍ଗା କହିବା ସହ ଏହା କେତେ ବେଳେ ବୁଡିବ ତାହା ଉପରେ ଭରସା ନାହିଁ ବୋଲି ବାଲେଶ୍ୱର ଜିଲା  ଖଇରା ବ୍ଲକର ପତିରାଜପୁର ମେଳନ ପଡିଆଠାରେ ଆୟୋଜିତ ମିଶ୍ରଣ ସଭାରେ ବକ୍ତବ୍ୟ ରଖି କହିଛନ୍ତି। 

ଗୁଣିଗାରେଡି ସନ୍ଦେହରେ ମହିଳାଙ୍କୁ ଆକ୍ରମଣ ଘଟଣା: ୧୦ଜଣଙ୍କ ନାମରେ  ମାମଲା, କଲ୍ୟାଣୀ ଗାଁରେ ଚାପା ଉତ୍ତେଜନା

ଗୁଣିଗାରେଡି ସନ୍ଦେହରେ ମହିଳାଙ୍କୁ ଆକ୍ରମଣ ଘଟଣା: ୧୦ଜଣଙ୍କ ନାମରେ ମାମଲା, କଲ୍ୟାଣୀ ଗାଁରେ ଚାପା ଉତ୍ତେଜନା

ନୀଳଗିରି, ୨୧ା୧୦(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ଥାନା ଅଧୀନ ମଛୁଆ ପଞ୍ଚାୟତ କଲ୍ୟାଣୀ ଗାଁରେ ଗୁଣିଗାରେଡି ସନ୍ଦେହରେ ଶ୍ରୀମତୀ ସିଂ ନାମ୍ନୀ ମହିଳାଙ୍କୁ ଆକ୍ରମଣ ଘଟଣାରେ ପୋଲିସ ରବିବାର ୧୦ଜଣଙ୍କ ନାମରେ ମାମଲା(ନଂ.୨୪୧/୧୮) ରୁଜୁ କରିଛି। ଏହାର ଅଧିକ ତଦନ୍ତ ଜାରି ରହିଥିବା ଥାନା ଅଧିକାରୀ ନଳିତା ମୋଦୀ କହିଛନ୍ତି। ଅଭିଯୁକ୍ତମାନେ ହେଲେ କାର୍ତ୍ତିକ ସିଂ, ଅନାଦି ସିଂ, ଗଙ୍ଗାଧର ସିଂ, ପୂର୍ଣ୍ଣ ସିଂ, ଜଳଧର ସିଂ, ବର୍ଜୁ ସିଂ, କାନ୍ଦୁରୁ ସିଂ ,ବସନ୍ତ ସିଂ, ରମା ସିଂ ଓ ମହେଶ୍ୱର ସିଂ। ଏହାକୁ ନେଇ  ଗାଁରେ ଚାପା ଉତ୍ତେଜନା ଲାଗି ରହିଛି।

‘ବିଜୟା ମିଳନ ସାରସ୍ବତ ଓ ସାଂସ୍କୃତିକ ଜୀବନକୁ ସମୃଦ୍ଧ କରିଛି’

‘ବିଜୟା ମିଳନ ସାରସ୍ବତ ଓ ସାଂସ୍କୃତିକ ଜୀବନକୁ ସମୃଦ୍ଧ କରିଛି’

ଜଳେଶ୍ୱର, ୨୧ା୧୦(ଡି.ଏନ.ଏ.)-ସାଂପ୍ରତିକ ସାମାଜିକ ପରିସ୍ଥିତିରେ ବିଜୟା ମିଳନ ଉତ୍ସବର ପ୍ରାସଙ୍ଗିକତା ରହିଛି ଓ ରହିବ। ଏହା ଆମ ସାରସ୍ବତ ଓ ସାଂସ୍କୃତିକ ଜୀବନକୁ ସମୃଦ୍ଧ ଓ ରୁଚିଶୀଳ କରିଆସିଛି ବୋଲି ବାଲେଶ୍ୱର ଜିଲା ଜଳେଶ୍ୱର ଦୀନକୃଷ୍ଣ ସ୍ମୃତି ପରିଷଦ ତରଫରୁ ରବିବାର ଅନୁଷ୍ଠିତ ବିଜୟା ମିଳନ-୨୦୧୮ ଉତ୍ସବରେ ଅତିଥି ଓ ବକ୍ତାମାନେ ମତବ୍ୟକ୍ତ କରିଛନ୍ତି।