ବାଲେଶ୍ୱର

ଉପନିର୍ବାଚନ : ନାମାଙ୍କନ ଦାଖଲ କଲେ ୪ ପ୍ରାର୍ଥୀ

ଉପନିର୍ବାଚନ : ନାମାଙ୍କନ ଦାଖଲ କଲେ ୪ ପ୍ରାର୍ଥୀ

ବାଲେଶ୍ୱର ଅଫିସ,୨୨।୧୨- ବାଲେଶ୍ୱର ଜିଲା ୨୬ନଂ ଜୋନ୍‌ରେ ଉପନିର୍ବାଚନ ପାଇଁ ଶାସକ ବିଜେଡ଼ିକୁ ଛାଡ଼ି ଦେଲେ ଭାଜପା, କଂଗ୍ରେସ, ଭାରତୀୟ କମ୍ୟୁନିଷ୍ଟ ପାର୍ଟି ଏବଂ ଉତ୍କଳ ଭାରତ ଦଳର ସମର୍ଥିତ ପ୍ରାର୍ଥୀମାନେ ଦୁଇଦିନ ଭିତରେ ନାମାଙ୍କନପତ୍ର ଦାଖଲ କରିଛନ୍ତି। ଗୁରୁବାର ମଧ୍ୟାହ୍ନରେ ଉତ୍କଳ ଭାରତ ଦଳର ସମର୍ଥିତ ପ୍ରାର୍ଥୀ ରମାକାନ୍ତ ଗୁଡ଼ ନାମାଙ୍କନ ପତ୍ର ଦାଖଲ କରିଥିବା ବେଳେ ଶୁକ୍ରବାର ଭାରତୀୟ କମ୍ୟୁନିଷ୍ଟ ପାର୍ଟିର ସମର୍ଥିତ ପ୍ରାର୍ଥିନୀ ବନ୍ଦନା ପାତ୍ର, ଭାଜପାର ପର୍ଶୁରାମ ପରିଡ଼ା, ଜାତୀୟ କଂଗ୍ରେସର ମନୋଜ ନାୟକ ନିର୍ବାଚନ ଅଧିକାରୀ ତଥା ଉପଜିଲାପାଳ ଭବତାରଣ ସାହୁଙ୍କ କାର୍ଯ୍ୟାଳୟରେ ପହଞ୍ଚତ୍ ପ୍ରାର୍ଥତ୍ପତ୍ର ଦାଖଲ କରିଥିଲେ । ବଦଳୁଥିବା ରାଜନୈତିକ ପାଣିପାଗ ଦୃଷ୍ଟିରୁ ସବୁ ରାଜନ୍ରେତିକ ଦଳ ବେଶ୍‌ ତତ୍ପର ହୋଇ ଉଠିଛନ୍ତି। ତେବେ ଶାସକ ବିଜେଡିରୁ କିଏ ପ୍ରାର୍ଥୀ ହେବେ ତାହା ଉପରେ ସମସ୍ତଙ୍କ ନଜର ରହିଛି।
ଶୁକ୍ରବାର ଭାରତୀୟ କମ୍ୟୁନିଷ୍ଟ ପାର୍ଟିର ସମର୍ଥତ୍ତ ପ୍ରାର୍ଥୀ ସମର୍ଥକମାନଙ୍କୁ ଧରି ନିରାଡ଼ମ୍ବର ଶୋଭାଯାତ୍ରାରେ ଉପଜିଲାପାଳଙ୍କ କାର୍ଯ୍ୟାଳୟରେ ପହଞ୍ଚଥିଲେ। ସେହିପରି ଭାଜପା ତରଫରୁ ପୁରୁଣା ଷ୍ଟାଡ଼ିୟମ୍‌ ସ୍ଥିତ ଜିଲା କାର୍ଯ୍ୟାଳୟରୁ କର୍ମୀମାନେ ଶୋଭାଯାତ୍ରାରେ ଆସିଥିଲେ। ସମର୍ଥବତ ପ୍ରାର୍ଥୀଙ୍କ ସହିତ ପୂର୍ବତନ ନୀଳଗିିରି ବିଧାୟକ ପ୍ରତାପ ଚନ୍ଦ୍ର ଷଡ଼ଙ୍ଗୀ, ରେମୁଣା ବିଧାୟକ ଗୋବିନ୍ଦ ଚନ୍ଦ୍ର ଦାଶ, ଜିଲାସଭାପତି ମଦନ ମୋହନ ଦତ୍ତ, ଉପସଭାପତି ପର୍ଶୁରାମ ବେହେରା, ରେମୁଣା ବ୍ଲକ ଚେୟାରମ୍ୟାନ୍‌ ସୁଶାନ୍ତ ପଟ୍ଟନାୟକ, ଜିଲାପରିଷଦ ସଦସ୍ୟ ସୁଧାଂଶୁ ପଣ୍ଡା, ବିପିନ୍‌ ମାରାଣ୍ଡି, ସରିତା ଗିରି, ବସୁନ୍ଧରା ସିଂ, ନଗର ସଭାପତି ସୀତାକାନ୍ତ ସ୍ବାଇଁ, ଶୋଭନା ମହାନ୍ତିଙ୍କ ସମେତ ସମସ୍ତ ଜିିଲା କାର୍ଯ୍ୟକର୍ତ୍ତା ଉପସ୍ଥିତ ଥିଲେ। ସେହିପରି ଜାତୀୟ କଂଗ୍ରେସ ଦଳ କର୍ମୀ ଟାଉନହଲ୍‌ ଠାରୁ ଶୋଭାଯାତ୍ରାରେ ବାହାରି ଉପଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚିଥିଲେ। ପ୍ରାର୍ଥୀଙ୍କ ସହିତ ପିସିସି ସଭ୍ୟ ସଞ୍ଜୀବ ଗିରି, ଜିଲା ସଭାପତି ସତ୍ୟ ମହାନ୍ତି, ବେଣୁଗୋପାଳ ପଣ୍ଡା, ବିକ୍ରମ ପଣ୍ଡା, ବିଧାନ ଚନ୍ଦ୍ର ଜେନା, ସନ୍ତୋଷ କୁମାର ଦାସ, ଭାଗବତ ସାହୁ ପ୍ରମୁଖ ପ୍ରାର୍ଥୀପତ୍ର ଦାଖଲ ବେଳେ ଉପସ୍ଥିତ ଥିଲେ। ଏହି ଉଭୟ ଦଳର ଶୋଭାଯାତ୍ରାମଧ୍ୟରେ କଂଗ୍ରେସର ସଂଖ୍ୟା ଅଧିକ ରହିଥିଲା। ଭାଜପାର ସଂଖ୍ୟା କମ୍‌ ଥିବାକୁ ଏହାକୁ ନେଇ ରାଜନୈତିକ ଚର୍ଚ୍ଚା ଚାଲିଛି। ଅ୍ଯଯପକ୍ଷରେ ଶାସକ ଦଳ ବିଜେଡ଼ିର ପ୍ରାର୍ଥୀ ଚୟନକୁ ନେଇ ଟଣାଓଟରା ଚାଲିଥିଲେ ମଧ୍ୟ ଶନିବାର ପ୍ରାର୍ଥୀପତ୍ର ଦାଖଲ କରାଯିବ ଦଳ ତରଫରୁ ସୂଚନା ମିଳିଛି।

All Right Reserved By

ବାଲେଶ୍ୱର

ଘର ଭାଙ୍ଗି ଧାନ ଖାଇଲେ

ଘର ଭାଙ୍ଗି ଧାନ ଖାଇଲେ

ଚମ୍ପୁଆ,୨୦ା୭(ଡି.ଏନ.ଏ.): କେନ୍ଦୁଝର ଚମ୍ପୁଆ ରେଞ୍ଜରେ ହାତୀ ପଲଙ୍କ ଦୌରାମତ୍‌ୟ ବଢିବାରେ ଲାଗିଛି। ହାତୀପଲ ଘର ଭାଙ୍ଗି ଧାନ ଖାଇ ଦେଇଛନ୍ତି। ଏ ନେଇ ଗ୍ରାମରେ ଅସନ୍ତୋଷ ପ୍ରକାଶ ପାଇଛି। ବନ ବିଭାଗ ହାତୀ ସୁରକ୍ଷା ବଳ ଦ୍ୱାରା ଘଉଡାଇବା କାର୍ଯ୍ୟ କରି ବିଫଳ ହୋଇଛି। ବିଭାଗୀୟ ଅଧିକାରୀ ହାତୀ କ୍ଷୟକ୍ଷତି ଦିଆଯିବ କହି ଚୁପ ରହୁଛନ୍ତି। ନିଜ କାର୍ଯ୍ୟ ସମ୍ପାଦନ କରି ଚମ୍ପୁଆ ରେଞ୍ଜରେ ହାତୀ ଘଉଡାଇବା ପାଇଁ କର୍ମଚାରୀ କୁମ୍ଭିର କାନ୍ଦଣା କାନ୍ଦୁଛନ୍ତି ବୋଲି ଲୋକେ ଅଭିଯୋଗ କରିଛନ୍ତି।

ଗଡ଼ ମା’ ତାରିଣୀଙ୍କ ଆଷାଢ଼ୀ ପର୍ବ

ଗଡ଼ ମା’ ତାରିଣୀଙ୍କ ଆଷାଢ଼ୀ ପର୍ବ

କେନ୍ଦୁଝର, ୨୦।୭(ସ୍ବ.ପ୍ର.): କେନ୍ଦୁଝର ପୁରୁଣା ସହର ମା’ ତାରିଣୀ ମନ୍ଦିରରେ ଆଷାଢୀ ପର୍ବ ଗୁରୁବାର ଅନୁଷ୍ଠିତ ହୋଇଯାଇଛି। ଦିନବେଳା ମନ୍ଦିର ବନ୍ଦ ରହିଥାଏ। ସନ୍ଧ୍ୟାରେ ଭକ୍ତଙ୍କ ଦର୍ଶନ ପାଇଁ ଖୋଲାଯାଇ ପୂଜାର୍ଚ୍ଚନା କରାଯାଇଥାଏ। ସାଧାରଣତଃ ଦେହୁରିମାନେ ପୂଜାର୍ଚ୍ଚନା କରିଥାନ୍ତି। ଆଗରୁ ନିଶାର୍ଦ୍ଧରେ ଛାଗ ବଳି ଦେବା ବ୍ୟବସ୍ଥା ଥିଲା। ଏବେ ପଣା ଦେଇ ନୀତି ସମ୍ପନ୍ନ ହେଉଛି। ଆଷାଢୀ ପର୍ବର କେନ୍ଦୁଝର ଜିଲାରେ ସ୍ବାତନ୍ତ୍ର୍ୟ ରହିଛି। ଏହା ରାଜାରାଜୁଡା ସମୟରୁ ପାଳନ କରାଯାଇ ଆସୁଛି। ଏହି ଦିନରେ ରାଜାଙ୍କ ଦ୍ୱାରା ସ୍ଥାପିତ ଜିଲାର ସମସ୍ତ ଜୁଆଙ୍ଗ ଓ ଭୂୟାଁ ପୀଢରେ ଆଷାଢୀ ପୂଜା ଆୟୋଜନ ହୋଇଥାଏ।

ନାଲିଫିତା ତଳେ କାର୍ଯ୍ୟାନୁଷ୍ଠାନ

ଝୁମ୍ପୁରା,୨୦।୭(ଡି.ଏନ.ଏ.): ଝୁମ୍ପୁରା ତହସିଲ ୬ଟି ରାଜସ୍ବ ସର୍କଲରେ ଥିବା କେତେକ ସରକାରୀ ଜମି ଜବରଦଖଲକାରୀଙ୍କ କବ୍‌ଜାରେ ରହିଛି। ସରକାରୀ ଜମି ଜବରଦଖଲ ମାମଲାରେ ଗ୍ରାମ୍ୟ ବିବାଦ, ଗଣ୍ଡଗୋଳ, ଥାନାରେ ଏତଲା ପର୍ଯ୍ୟନ୍ତ କଥା ଯାଉଛି। ଜବରଦଖଲ ଉଚ୍ଛେଦ ପ୍ରକ୍ରିୟା କରାଯାଉ ନ ଥିବାରୁ ଅସନ୍ତୋଷ ବୃଦ୍ଧି ପାଉଛି। ଝୁମ୍ପୁରା ତହସିଲ କାର୍ଯ୍ୟାଳୟ ଅଧୀନରେ କାର୍ଯ୍ୟରତ କେତେକ କର୍ମଚାରୀଙ୍କ ଲାଗି ଜମି ଜବରଦଖଲ ବଢ଼ି ଚାଲିଛି। ଜବରଦଖଲକାରୀଙ୍କୁ ଅନୁକମ୍ପା ଦେଖାଉଥିବା ଆଲୋଚନା ହେଉଛି। କୃଷି, ବ୍ଲକ କାର୍ଯ୍ୟାଳୟର ୨ ପାର୍ଶ୍ୱ, ଏପରିକି ତହସିଲ କାର୍ଯ୍ୟାଳୟର ଗୋଟିଏ ପାର୍ଶ୍ୱ ଜବରଦଖଲକୁ ଚାଲିଯାଇଛି। ଜବରଦଖଲକାରୀ କେନାଲ ହୁଡା, ଗୋଚର, ଗୋଦାଣ୍ଡିକୁ ବି ବାଦ ଦେଉନାହାନ୍ତି।

ଖଣି ଅଞ୍ଚଳରେ ରାସ୍ତା ବେହାଲ

ଖଣି ଅଞ୍ଚଳରେ ରାସ୍ତା ବେହାଲ

କେନ୍ଦୁଝର, ୨୦ା୭(ସ୍ବ.ପ୍ର.): କେନ୍ଦୁଝର ଜିଲାରେ ପାଖାପାଖି ୧୦୨ ଖଣି ସହ ଶିଳ୍ପ ସଂସ୍ଥା ରହିଛି। ଏହା ସତ୍ତ୍ୱେ ଜିଲା ତଥା ଲୋକଙ୍କ ସାମାଜିକ ଓ ଅର୍ଥନୈତିକ ବିକାଶ ହୋଇପାରୁନି। ଖଣି ସଂସ୍ଥା ସେମାନଙ୍କ ଲାଭାଂଶର ୫ ପ୍ରତିଶତ ପାରିପାର୍ଶ୍ୱିକ ଅଞ୍ଚଳର ବିକାଶ ପାଇଁ ଖର୍ଚ୍ଚ କରିବା ବ୍ୟବସ୍ଥା ରହିଛି। ମାତ୍ର ଟାଉନଶିପ ଓ କଲୋନୀ ଅଞ୍ଚଳର ବିକାଶ କରି ଫାଙ୍କି ଦେଉଛି। ତଦାରଖ ପାଇଁ ସରକାରଙ୍କ ସ୍ବତନ୍ତ୍ର କୌଣସି ବ୍ୟବସ୍ଥା ନ ଥିବାରୁ ଫାଇଦାରେ ଶିଳ୍ପ ସଂସ୍ଥା ରହୁଛି।

‘ଏଠି ଗାଁ  ହୋଇଯାଏ ଶ୍ରୀକ୍ଷେତ୍ର’

‘ଏଠି ଗାଁ ହୋଇଯାଏ ଶ୍ରୀକ୍ଷେତ୍ର’

ଆରଡ଼ି,୨୦।୭(ଡି.ଏନ.ଏ.)-ରଥଯାତ୍ରାରୁ ବାହୁଡ଼ା ପର୍ଯ୍ୟନ୍ତ ଦୁଇ ଗାଁ ହୋଇଉଠେ ଚଳଚଞ୍ଚଳ। ଭକ୍ତମାନେ ଆଧ୍ୟାତ୍ମିକ ଭାବନାରେ ନିଜକୁ ହଜେଇ ଦିଅନ୍ତି। ଭାଇଚାରା ସମ୍ପର୍କକୁ ବଢାଇ ଉଭୟ ଗାଁ ଚତୁର୍ଦ୍ଧାମୂର୍ତ୍ତିଙ୍କ ପୂଜାର୍ଚ୍ଚନାରେ ଲାଗିପଡ଼ିଥାନ୍ତି। ସକାଳଠାରୁ ସନ୍ଧ୍ୟା ପର୍ଯ୍ୟନ୍ତ ଭାଗବତ ପଠନ, ସନ୍ଧ୍ୟାରୁ ବିଳମ୍ବିତ ରାତି ପର୍ଯ୍ୟନ୍ତ ବିଭିନ୍ନ ଗାଁ କଳାକାରଙ୍କ ଦ୍ୱାରା ଭଜନ ପରିବେଷଣ ଆଦି ସାଂସ୍କୃତିକ କାର୍ଯ୍ୟକ୍ରମ ଗ୍ରାମ୍ୟ ପରିବେଶକୁ ଜଗନ୍ନାଥମୟ କରିଦିଏ। ଗାଁ ଲୋକେ ଏକାଠି ହୋଇ ପ୍ରସାଦ ସେବନ କରିଥାନ୍ତି। ଏଭଳି ନିଆରା ପରମ୍ପରା ଭଦ୍ରକ ଜିଲା ଧାମନଗର ବ୍ଲକର ରଇପୁର ଓ ବେତାଳି ଗାଁକୁ ଏକ ଭିନ୍ନ ପରିଚୟ ଦେଇଛି।

ମିଳିନି ଦୁର୍ଘଟଣାଗ୍ରସ୍ତ ବୋଟ୍‌, ନିଖୋଜ ମତ୍ସ୍ୟଜୀବୀଙ୍କ ସନ୍ଧାନ: ନୌସେନାର ସହାୟତା ନିଆଯିବ

ମିଳିନି ଦୁର୍ଘଟଣାଗ୍ରସ୍ତ ବୋଟ୍‌, ନିଖୋଜ ମତ୍ସ୍ୟଜୀବୀଙ୍କ ସନ୍ଧାନ: ନୌସେନାର ସହାୟତା ନିଆଯିବ

ଚାନ୍ଦବାଲି,୨୦ା୭(ଡି.ଏନ.ଏ.)-ଭଦ୍ରକ ଜିଲା ଧାମରା ମୁହାଣ ସଂଲଗ୍ନ ବଙ୍ଗୋପସାଗର ମଧ୍ୟରେ ଥିବା ଅବଦୁଲ କାଲାମ ଦ୍ୱୀପରୁ ପ୍ରାୟ ୫ କି.ମି. ଦୂରରେ ମତ୍ସ୍ୟଜୀବୀଙ୍କ ଏକ ଯନ୍ତ୍ରଚାଳିତ ବୋଟ୍‌ ଦୁର୍ଘଟଣାଗ୍ରସ୍ତ ହେବା ଘଟଣାକୁ ୯ ଦିନ ବିତିଲାଣି। ଦୁର୍ଘଟଣା ପରେ ୬ ମତ୍ସ୍ୟଜୀବୀ ଉଦ୍ଧାର ହୋଇଥିବା ବେଳେ ଜଣେ ନିଖୋଜ ରହିଛନ୍ତି। ଏହି ନିଖୋଜ ମତ୍ସ୍ୟଜୀବୀ ହେଲେ ଝାଡେଶ୍ୱର ମାଇତି(୩୦)। ଦୁର୍ଘଟଣାଗସ୍ତ ବୋଟ୍‌ ଓ ନିଖୋଜ ମତ୍ସ୍ୟଜୀବୀଙ୍କ ସନ୍ଧାନ ଏଯାଏ ମିଳି ପାରିନାହିଁ। ଦୁଇ ପର୍ଯ୍ୟାୟରେ ହୋଇଥିବା ଉଦ୍ଧାର କାର୍ଯ୍ୟ ଫେଲ୍‌ ମାରିଛି। ଅଶାନ୍ତ ସମୁଦ୍ର ଓ ଖରାପ ପାଗ ଉଦ୍ଧାର କାର୍ଯ୍ୟରେ ବାଧା ସୃଷ୍ଟି କରିଆସୁଛି। ଏବେ ତୃତୀୟ ପଯର୍‌ୟାୟ ଖୋଜିବା କାମରେ ନୌସେନାର ସହାୟତା ନେବାକୁ ଯୋଜନା ଆରମ୍ଭ ହୋଇଛି ।

ଦୁଇ ଅପହରଣ ମାମଲା: ୪ଗିରଫ

ବାରିପଦା ଅଫିସ,୨୦।୭:ମୟୂରଭଞ୍ଜ ଜିଲା ବାରିପଦା ଟାଉନ ଥାନାରେ ଦୁଇଟି ଅପହରଣ ମାମଲା ରୁଜୁ ହୋଇ ୨ଜଣ ମହିଳାଙ୍କ ସମେତ ୪ଜଣ ଗିରଫ ହୋଇଛନ୍ତି। ବାରିପଦା ଅଞ୍ଚଳର ଜଣେ ଯୁବତୀ ସ୍ଥାନୀୟ ଏକ କୋଚିଂ ସେଣ୍ଟରକୁ କୋଚିଂ ନେବା ପାଇଁ ଯାଇଥିଲେ। ସେହି ସମୟରେ ବାରିପଦା ତୁଳସୀଚଉରା ଅଞ୍ଚଳର ଶିବ ପ୍ରସାଦ ସିଂ(୨୪) ଏବଂ ଯୋଗଶ୍ୱେର ସିଂ(୨୩) ତାଙ୍କୁ ଜୋର ଜବରଦସ୍ତ ଅପହରଣ କରିନେଇଥିଲେ। ସ୍ଥାନୀୟ ଲୋକେ ଦେଖି ଉକ୍ତ ଦୁଇ ଜଣଙ୍କୁ ଅଟକାଇବା ସହ ପୋଲିସକୁ ଖବର ଦେଇଥିଲେ। ପୋଲିସ ଘଟଣା ସ୍ଥଳରେ ପହଞ୍ଚି ଉକ୍ତ ଯୁବତୀଙ୍କୁ ଉଦ୍ଧାର କରିବା ସହ ଶିବ ଓ ଯୋଗେଶ୍ୱରଙ୍କୁ ଗିରଫ କରିଛି।

ଝିଅ ଜନ୍ମ ଦିନରେ ୧୧୦ ବୃକ୍ଷ ରୋପଣ

ଝିଅ ଜନ୍ମ ଦିନରେ ୧୧୦ ବୃକ୍ଷ ରୋପଣ

ଗୋପବନ୍ଧୁନଗର, ୨୦।୭(ଡି.ଏନ୍‌.ଏ):ଗୋପବନ୍ଧୁନଗର ବ୍ଲକ ଅର୍ନ୍ତଗତ ପଶୁଦା ଗାଁର ଅସିତ କୁମାର ଲେଙ୍କା ନିଆରା ଢଙ୍ଗରେ ପାଳିଛନ୍ତି ନିଜ ଝିଅର ତୃତୀୟ ଜନ୍ମଦିନ। ଏହି ଦିନରେ ସମସ୍ତେ ଖିଆପିଆରେ ମସଗୁଲ ରହୁଥିବା ବେଳେ ବୃକ୍ଷ ରୋପଣ କରି ଏକ ନିଆରା ଉଦାହରଣ ସୃଷ୍ଟି କରିଛନ୍ତି ଅସିତ ା ପରିବେଶ ସୁରକ୍ଷାକୁ ଗୁରୁତ୍ୱ ଦେଇ ସେ ସ୍ଥାନୀୟ ଅଞ୍ଚଳର ଖାଲି ସ୍ଥାନରେ ୧୧୦ ଗଛ ଲଗାଇଥିଲେ ା ପରେ ପରିବେଶ ସୁରକ୍ଷା ସଚେତନତାକୁ ନେଇ ଶିକ୍ଷକ ଗଜେନ୍ଦ୍ର କଟୁଆଳଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ସରପଞ୍ଚ ମାଇନ ଟୁଡୁ, ସମିତି ସଭ୍ୟ ନମିତା ରାଇତ, ପ୍ରାକ୍ତନ ଶିକ୍ଷକ ସଂଗ୍ରାମ କେଶରୀ ଲେଙ୍କା, ଗୋପବନ୍ଧୁ ସେବାସଂଘର ସମସ୍ତ କର୍ମକର୍ତ୍ତା, ବିଦ୍ୟାଳୟର ଶିକ୍ଷକ-ଶିକ୍ଷୟିତ୍ରୀ ଓ ଛାତ୍ରଛାତ୍ରୀ ଉପସ୍ଥିତ ଥିଲେ ା

ବିନା ଅନୁମତିରେ ଚାଲିଛି  ମେଳା

ବିନା ଅନୁମତିରେ ଚାଲିଛି ମେଳା

ବାରିପଦା ଅଫିସ,୨୦ା୬- ରଥାଯାତ୍ରା ପାଇଁ ବାରିପଦା ସହର ଚଳଚଞ୍ଚଳ ହୋଇପଡିଛି। ବଡଦାଣ୍ଡରେ ଜିଲା ତଥା ବାହାର ଜିଲା ଏବଂ ବାହାର ରାଜ୍ୟର ବ୍ୟବସାୟୀମାନେ ଉଠା ଦୋକାନ ପକାଇ ବ୍ୟବସାୟ କରୁଛନ୍ତି। ଏହି ଅବସରରେ ବାରିପଦା ଛଉ ପଡିଆକୁ ଲାଗି ରହିଥିବା କଲେଜ ପଡିଆରେ ଗତ ୧୫ ତାରିଖରୁ ଇଣ୍ଡିଆନ ହ୍ୟାଣ୍ଡିକ୍ରାଫ୍ଟ ଓ ହ୍ୟାଣ୍ଡଲୁମ ମେଳା ଆରମ୍ଭ ହୋଇଛି। ଏହି ମେଳା ଆସନ୍ତା ଅଗଷ୍ଟ ୫ ତାରିଖ ପର୍ଯ୍ୟନ୍ତ ଚାଲିବ ।

୩୬୬ ଛାତ୍ରୀଛାତ୍ରଙ୍କୁ ମେଧାବୃତ୍ତି

୩୬୬ ଛାତ୍ରୀଛାତ୍ରଙ୍କୁ ମେଧାବୃତ୍ତି

ରେମୁଣା,୨୦।୭(ଡି.ଏନ.ଏ.)-ବାଲେଶ୍ୱର ବାଲଗୋପାଳପୁର ଶିଳ୍ପାଞ୍ଚଳସ୍ଥିତ ଇମାମୀ ନଗର ଶ୍ରୀଗୁଣ୍ଡିଚା ମନ୍ଦିରରେ ରଥ ଉତ୍ସବର ୬ଷ୍ଠ ଦିନରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସାଙ୍ଗକୁ ୩୬୬ ଛାତ୍ରୀଛାତ୍ରଙ୍କୁ ମେଧାବୃତ୍ତି ପ୍ରଦାନ କରାଯାଇଛି। ପୂର୍ବ ନିର୍ଦ୍ଧାରିତ କାର୍ଯ୍ୟସୂଚୀ ମୁତାବକ ଗୁରୁବାର ସକାଳୁ ଗୁଣ୍ଡିଚା ମନ୍ଦିରରେ ଶ୍ରୀଜୀଉଙ୍କର ସମସ୍ତ ରୀତିନୀତି ଅନୁଯାୟୀ ପୂଜାର୍ଚ୍ଚନା କରାଯାଇଥିଲା। ପୂର୍ବାହ୍ନ ସାଢ଼େ ୧୧ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଥିଲା। କାର୍ଯ୍ୟକ୍ରମରେ ରେମୁଣା ଓ ନୀଳଗିରି ବ୍ଲକର ୬୭ ବିଦ୍ୟାଳୟ ଓ ୫ଟି ମହାବିଦ୍ୟାଳୟରେ ଚଳିତ ଶିକ୍ଷାବର୍ଷରେ ପ୍ରଥମ ଶ୍ରେଣୀରୁ ଯୁକ୍ତ ୩ ଶ୍ରେଣୀ ପର୍ଯ୍ୟନ୍ତ ଶ୍ରେଣୀରେ ସର୍ବୋଚ୍ଚ ନମ୍ବର ରଖିଥିବା ୩୬୬ ମେଧାବୀ ଛାତ୍ରୀଛାତ୍ରଙ୍କୁ ମୋଟ ୩ଲକ୍ଷ ୩୪ହଜାର ୫୦୦ଟଙ୍କାର ନଗଦ ରାଶି ସହ ପାଠ୍ୟ ଉପକରଣ ପ୍ରଦାନ କରାଯାଇଥିଲା।

ଖୋଲିଲାନି ଯୁକ୍ତ ୨ ପାଠ୍ୟକ୍ରମ: ଜେଏମ୍‌ଏମ୍‌ ପକ୍ଷରୁ ଗଣଧାରଣା

ବସ୍ତା,୨୦।୭(ସ୍ବ.ପ୍ର.)-ବସ୍ତା ବ୍ଲକ ମୁଖ୍ୟାଳୟସ୍ଥିତ ସରକାରୀ ଶମ୍ଭୁନାଥ ହାଇସ୍କୁଲରେ ଯୁକ୍ତ ୨ ପାଠ୍ୟକ୍ରମ ଖୋଲାଯାଉ ନ ଥିବାରୁ ଜେଏମ୍‌ଏମ୍‌ (ଝାଡ଼ଖଣ୍ଡ ମୁକ୍ତିମୋର୍ଚ୍ଚା) ପକ୍ଷରୁ ଗୁରୁବାର ହାଇସ୍କୁଲ ଫାଟକ ସମ୍ମୁଖରେ ଗଣଧାରଣା ଦିଆଯାଇଥିଲା। ବାଲେଶ୍ୱର ଜିଲା ସଭାପତି କମଲ୍‌ ଲୋଚନ ବାରିକ ଉପସ୍ଥିତ ଜନସାଧାରଣଙ୍କୁ ଉଦ୍‌ବୋଧନ ଦେଇ ଏହି ଦାବିର ଗୁରୁତ୍ୱ ଉପରେ ଆଲୋଚନା କରିଥିଲେ। ବସ୍ତା ତହସିଲଦାର ଚିନ୍ମୟ କହଁରଙ୍କ ପ୍ରତିଶ୍ରୁତି ପରେ ଧାରଣା ପ୍ରତ୍ୟାହୃତ ହୋଇଛି।

ଶିକ୍ଷକ ନିଯୁକ୍ତି ଦାବିରେ  ଛାତ୍ରୀଛାତ୍ରଙ୍କ ଧାରଣା

ଶିକ୍ଷକ ନିଯୁକ୍ତି ଦାବିରେ ଛାତ୍ରୀଛାତ୍ରଙ୍କ ଧାରଣା

ଖଇରା,୨୦।୭(ଡି.ଏନ.ଏ)-ବାଲେଶ୍ୱର ଜିଲା ଖଇରା ବ୍ଲକ ହରିପୁର ନୋଡାଲ ହାଇସ୍କୁଲରେ ଶିକ୍ଷକ ନିଯୁକ୍ତି ଦାବିରେ ଗୁରୁବାର ଛାତ୍ରୀଛାତ୍ରମାନେ ମୁଖ୍ୟ ଫାଟକ ଆଗରେ ଧାରଣାରେ ବସିଥିଲେ। ପରେ ଜିଲା ଶିକ୍ଷାଧିକାରୀଙ୍କ ପ୍ରତିନିଧି ଭାବେ ସିଆରସିସି ସନ୍ତୋଷ ଦକ୍ଷିଣ ରାୟ କମିଟି ସଭ୍ୟ ସୁବ୍ରତ ନାୟକ ଓ ବାବୁଲା ମହାପାତ୍ର ତଥା ହରିପୁର ଗ୍ରାମବାସୀଙ୍କ ଉପସ୍ଥିତିରେ ପ୍ରତିଶ୍ରୁତି ଦେବା ପରେ ଛାତ୍ରୀଛାତ୍ରମାନେ ଧାରଣାରୁ ଉଠିଥିଲେ। ପ୍ରତିଶ୍ରୁତି ଅନୁଯାୟୀ ଗୁରୁବାର ଅପରାହ୍ନରେ ଗଡପୋଖରୀ ୟୁପି ସ୍କୁଲର ଶିକ୍ଷକ ପବିତ୍ର ମୋହନ ପଣ୍ଡା ଓ ଗଡପୋଖରୀ ହାଇସ୍କୁରର ସଂସ୍କୃତ ଶିକ୍ଷକ ବିଶ୍ୱନାଥ ପଣ୍ଡା ଅପରାହ୍ନରେ ଯୋଗ ଦେବା ପରେ ପଢାପଢି ପୂର୍ବଭଳି ଚାଲୁ ରହିଥିଲା ା

Model This Week

ରୂପେଶ