ସମ୍ବଲପୁର

ହୀରାକୁଦ ଜଳଭଣ୍ଡାର କୂଳରେ ପାଉଁଶ ଡମ୍ପିଂ, ପ୍ରଭାବିତ ହେଉଛି ପାଣି

ହୀରାକୁଦ ଜଳଭଣ୍ଡାର କୂଳରେ ପାଉଁଶ ଡମ୍ପିଂ, ପ୍ରଭାବିତ ହେଉଛି ପାଣି

ଲଖନପୁର,୨୨।୧୨(ଡି.ଏନ୍‌.ଏ.)- ଓଡ଼ିଶା ବିଦ୍ୟୁତ୍‌ ଉତ୍ପାଦନ ନିଗମ (ଓପିଜିସି) ପକ୍ଷରୁ ଲଖନପୁର ତହସିଲ କୁମ୍ଭାରବନ୍ଧ ଆର୍‌ଆଇ ସର୍କଲ ଅଧୀନ ରେଙ୍ଗାଲି ମୌଜାର ହୀରାକୁଦ ଜଳଭଣ୍ଡାର କୂଳରେ ଲକ୍ଷାଧିକ ସିଏମ୍‌ ପରିମାଣର ପାଉଁଶ ଦିନରାତି ଡମ୍ପିଂ ଚାଲିଛି। ପଞ୍ଚାୟତର ଅନ୍ୟାନ ଅଞ୍ଚଳରେ ମଧ୍ୟ ବେଆଇନ୍‌ଭାବେ ପାଉଁଶ ଡମ୍ପିଂ ଚାଲିଛି। ଏହା ଦ୍ୱାରା ଜଳଭଣ୍ଡାର ପାଣି ଓ ଭୂତଳ ଜଳ ପ୍ରଭାବିତ ହେବାର ଆଂଶଙ୍କା ରହିଛି। ଏନେଇ ସ୍ଥାନୀୟ ସରପଞ୍ଚ ଅନିତା ବାରିକ, ପୂର୍ବତନ ସରପଞ୍ଚ ଗୁଣନିଧି ବାରିକ, ଚକାନୟନ ବିଶ୍ୱାଳ, ସୁଶିଲ କରାଳି, କୃଷ୍ଣଚନ୍ଦ୍ର ଭୋଇ ଓ ଉମେଶ ଭୋଇ ପ୍ରମୁଖ ଜନପ୍ରତିନିଧି ଓ ପଞ୍ଚାୟତବାସୀ ଜିଲାପାଳଙ୍କ ନିକଟରେ ଅଭିଯୋଗ କରିଛନ୍ତି। ଏହାର ନକଲ ତହସିଲଦାର, ଆର୍‌ଆଇ, ଏସ୍‌ପି, ଆଇଆଇସି ଓ ପ୍ରଦୂଷଣ ନିୟନ୍ତ୍ରଣ ବିଭାଗକୁ ପ୍ରଦାନ କରାଯାଇଛି। ତଦନ୍ତ କରାଯାଇ କମ୍ପାନୀ ବିରୋଧରେ କାର୍ଯ୍ୟାନୁଷ୍ଠାନ ଦାବି କରାଯାଇଛି। ଦାବି ପୂରଣ ନ ହେଲେ ଆଗାମୀ ଦିନରେ ଜନଆନ୍ଦୋଳନ କରାଯିବ ବୋଲି ଚେତାବନୀ ଦିଆଯାଇଛି।
ଉଲ୍ଲେଖ ଯୋଗ୍ୟ, ହୀରାକୁଦ ଜଳଭଣ୍ଡାର କୂଳକୁ ଲାଗି ରହିଛି ୩ ଓପିଜିସି ପାଉଁଶ ପୋଖରୀ। ଏଥିମଧ୍ୟରୁ ପାଉଁଶ ପୋଖରୀ (ଖ)ରେ ପାଉଁଶ ଭର୍ତ୍ତି ହୋଇଯିବା ପରେ ବାହାରୁ ମାଟି ନେଇ ଏହାକୁ ଢାଙ୍କି ଦିଆଯାଇଛି। ଏହି ମାଟିନେବା ବେଳେ ପାଉଁଶ ପୋଖରୀକୁ ଲାଗି ରହିଥିବା ହୀରାକୁଦ ଜଳଭଣ୍ଡାର କୂଳରେ ବଡ଼ ବଡ଼ ଗର୍ତ୍ତ ହୋଇଥିଲା। ଏହି ଗର୍ତ୍ତରେ ପାଉଁଶ ପୋତିବା ପାଇଁ କମ୍ପାନୀ ପକ୍ଷରୁ ଟେଣ୍ଡ୍‌ର ଆହ୍ବାନ କରାଯାଇଛି। ଏହି ଟେଣ୍ଡ୍‌ର ପାଇଥିବା ଠିକାଦାର ମାଧ୍ୟମରେ କମ୍ପାନୀ ଲକ୍ଷାଧିକ ସିଏମ୍‌ ପରିମାଣର ପାଉଁଶ ଅହରହ ଡମ୍ପିଂ କରି ଚାଲିଛି ା ଡମ୍ପିଂ ହେଉଥିବା ଗର୍ତ୍ତ ଓ ଜଳଭଣ୍ଡାର ମଝିରେ ରହିଛି ଏକ କଚ୍ଚା ରାସ୍ତା। ଯାହାର ଦୂରତ୍ୱ ରହିଛି ମାତ୍ର ୧୫ଫୁଟ। ଏହି ଗର୍ତ୍ତରେ ବର୍ଷାଋତୁରେ ପାଣି ପୂର୍ଣ୍ଣହୋଇ ବୃହତ ଜଳାଶୟ ସୃଷ୍ଟି ହୋଇଥିଲା। ଏହି ଜଳପୂର୍ଣ୍ଣ ଗର୍ତ୍ତରେ ଏବେ ପାଉଁଶ ଡମ୍ପିଂ ଚାଲିଛି। ଗର୍ତ୍ତର ପାଉଁଶ ମିଶା ପାଣି ଏବେ ନିକଟରେ ଥିବା ଜଳଭଣ୍ଡାରକୁ ଲିକ୍‌ କରି ଜଳଭଣ୍ଡାର ପାଣିକୁ ଦୂଷିତ କରୁଛି। ଏହି ପାଉଁଶ ମିଶା ପାଣିରେ ବିଭିନ୍ନ କେମିକାଲ୍‌ ମିଶି ରହିଛି। ଏହାର ପ୍ରଭାବରେ ଜଳଭଣ୍ଡାରରେ ରହୁଥିବା ମାଛ, କଇଁଛ ଆଦି ଜଳଜୀବ ପ୍ରଭାବିତ ହେଉଛନ୍ତି। ଖାଲି ଏତିକି ନୁହେଁ ଏହା ଉପରେ ନିର୍ଭର କରୁଥିବା ବିଦେଶୀ ଅତିଥି ପକ୍ଷୀ, ପାନୀୟଜଳ ଯୋଗାଣ ଆଦି ପ୍ରଭାବିତ ହେଉଛି। ସେହିପରି କମ୍ପାନୀ ପକ୍ଷରୁ କୁମ୍ଭାରବନ୍ଧ ଗ୍ରାମ ନିକଟ ମୁଖ୍ୟରାସ୍ତା ପାର୍ଶ୍ୱରେ ମଧ୍ୟ ପାଉଁଶ ଡମ୍ପିଂ ଚାଲିଛି। ଏହି ପାଉଁଶ ଉଡ଼ି ବାୟୁ ପ୍ରଦୂଷଣ ସାଙ୍ଗକୁ ଚାଷଜମି ମଧ୍ୟ ପ୍ରଭାବିତ ହେଉଛି। ଏଭଳି ମନୁଷ୍ୟକୃତ କୃତ୍ରିମ ପ୍ରଦୂଷଣ ଯୋଗୁ ବର୍ତ୍ତମାନ ବାୟୁ, ଜଳ ପ୍ରଦୂଷଣ ହେବାରେ ଲାଗିଛି। ଏଭଳି ସ୍ଥିତିରେ ରାଜ୍ୟରେ ଥିବା ମହାନଦୀ ସମେତ ସମସ୍ତ ନଦୀଜଳ ଦୂଷିତ ହୋଇଥିବା ଏକ ସର୍ବେକ୍ଷଣ ରିପୋର୍ଟରୁ ଜଣାପଡ଼ିଛି। ଏହା ଜନସାଧାରଣଙ୍କ ପାଇଁ ଚିନ୍ତାର କାରଣ ହୋଇଛି। ଏହାକୁ ରୋକିବା ଦିଗରେ ବିଭାଗୀୟ ଅଧିକାରୀ ଓ ଜନସାଧାରଣଙ୍କ ମିଳିତ ଉଦ୍ୟମରେ ଏକ ସାମୂହିକ ପ୍ରୟାସ ହେବା କଥା ବୋଲି ପରିବେଶବିତ୍‌ ମତ ପ୍ରକାଶ କରିଛନ୍ତି। ଏନେଇ ଓପିଜିସି ଅଧିକାରୀ ଉମାକାନ୍ତ ପହୀଙ୍କୁ ପଚାରିବାରୁ କହିଲେ, ଜଳଭଣ୍ଡାର କୂଳରେ କମ୍ପାନୀ ପକ୍ଷରୁ ଯେଉଁ ପାଉଁଶ ଡମ୍ପିଂ ଚାଲିଛି ତାହା ପ୍ରଦୂଷଣ ବିଭାଗ ଅନୁମତି ନିଆଯାଇ କରାଯାଉଛି। ଏଥିମଧ୍ୟରେ ପାଉଁଶ ଡମ୍ପିଂ ବେଳେ ପ୍ରଦୂଷଣକୁ ଦୃଷ୍ଟିରେ ରଖି କେଲାଇନ୍‌ କରାଯାଇ ସାବଧାନତା ଅବଲମ୍ବନ କରାଯାଉଛି। କୁମ୍ଭାରବନ୍ଧ ଅଞ୍ଚଳରେ ଡମ୍ପିଂ ଚାଲିଥିବା ପାଉଁଶ ସମ୍ପର୍କରେ ସେ ଜଣି ନ ଥିବା କହିଛନ୍ତି। ପାଉଁଶ ପୋଖରୀ ଜଳଭଣ୍ଡାର କୂଳରେ ଥିବାରୁ ଭୂତଳ ଜଳ ଯେମିତି ପ୍ରଭାବିତ ନ ହେବ ସେଥିପାଇଁ କମ୍ପାନୀ ପକ୍ଷରୁ ପାଉଁଶ ପୋଖରୀ (ଗ) ତଳେ ଏକ ଫାଇବର୍‌ ପ୍ଲାଷ୍ଟିକ୍‌ ବିଛାଯାଇ ଆବରଣ କରାଯାଇଛି। ଏନେଇ କମ୍ପାନୀ ପକ୍ଷରୁ ବହୁ କୋଟି ଟଙ୍କା ଖର୍ଚ୍ଚ ହୋଇଛି। ପାଉଁଶ ଡମ୍ପି ହେଉଥିବା ଗର୍ତ୍ତ ନିକଟରେ ରହିଛି ଜଳଭଣ୍ଡାର। ଏଠାରେ କାହିଁକି କମ୍ପାନୀ ଏହି ନିୟମକୁ ପାଳନ କଲାନାହିଁ ବୋଲି ପଚାରିବାରୁ କମ୍ପାନୀର ବିଭାଗୀୟ ଅଧିକାରୀ ପହୀ କହିଛନ୍ତି ଏଠାରେ କେଲାଇନ୍‌ କରାଯାଇ ପାଉଁଶ ଡମ୍ପିଂ ହେଉଛି। ଏନେଇ ଝାରସୁଗୁଡ଼ା ଆଞ୍ଚଳିକ ପ୍ରଦୂଷଣ ବିଭାଗ ଅଧିକାରୀ ନିରଞ୍ଜନ ମଲ୍ଲିକ କହିଛନ୍ତି, ଘଟଣା ସମ୍ପର୍କରେ କମ୍ପାନୀ କର୍ତ୍ତୃପକ୍ଷଙ୍କୁ ପଚାରିଲା ପରେ କ’ଣ ହୋଇଛି ଜଣାପଡ଼ିବ ବୋଲି ସେ କହିଛନ୍ତି। ଯଦି କମ୍ପାନୀ କହୁଛି ପ୍ରଦୂଷଣ ବିଭାଗର ଅନୁମତି ନେଇ ପାଉଁଶ ଡମ୍ପିଂ ଚାଲିଛି ତେବେ ବିଭାଗୀୟ ଅଧିକାରୀ ମଲ୍ଲିକ କାହିଁକି ଏହା ଉପରେ ସ୍ପଷ୍ଟ ନ କରି କମ୍ପାନୀ କର୍ତ୍ତୃପକ୍ଷଙ୍କୁ ପଚାରିଲେ ଜଣାପଡ଼ିବ ବୋଲି କହୁଛନ୍ତି ତାହା ପ୍ରଶନବାଚୀ ସୃଷ୍ଟି କରିଛି। ସେହିଭଳି ହୀରାକୁଦ ନଦୀବନ୍ଧ ବିଭାଗ ଏକ୍‌ଜିକ୍ୟୁଟିଭ୍‌ ଇଞ୍ଜିନିୟର ଚିନ୍ମୟ ରାଉତ କହିଛନ୍ତି, ଏ ସମ୍ପର୍କରେ ତାଙ୍କୁ ପୂର୍ବରୁ ଜଣା ନ ଥିଲା। ଯଦି ଏଭଳି ଅଭିଯୋଗ ହେଉଛି ତେବେ ବିଭାଗ ପକ୍ଷରୁ ଏହାର ତଦନ୍ତ କରାଯାଇ କର୍ଯ୍ୟାନୁଷ୍ଠାନ ଗ୍ରହଣ କରାଯିବ।

All Right Reserved By

ସମ୍ବଲପୁର

ମୁହାଣ ନାଳରେ ଭାସିଗଲେ ଯୁବକ: ବର୍ଷା ଯୋଗୁ ରେଢ଼ାଖୋଲ-ବିରମହାରାଜପୁର ବିଛିନ୍ନ

ରେଢ଼ାଖୋଲ,୨୨।୭(ଡି.ଏନ.ଏ.) ରେଢ଼ାଖୋଲ ଅଞ୍ଚଳରେ ଶନିବାର ଦିନ ତମାମ ପ୍ରବଳ ବର୍ଷା ଲାଗିରହିଛି। ବର୍ଷା ଯୋଗୁ ଛୋଟବଡ ନଇ ନାଳରେ ବନ୍ୟାପାଣି ପ୍ରବାହିତ ହେଉଛି। ରେଢ଼ାଖୋଲ-ବୀରମହାରାଜପୁର ରାସ୍ତାର ପିତାମହୁଲ ନିକଟରେ ଥିବା ପୋଲ ଉପରେ ପ୍ରାୟ ୫ଫୁଟ ବନ୍ୟାପାଣି ପ୍ରବାହିତ ହେଉଥିବା ଯୋଗୁଁ ଯୋଗାଯୋଗ ବିଚ୍ଛିନ୍ନ ହୋଇଛି। ବଂଶାଜାଲ ପଞ୍ଚାୟତର କୁଇଲିପଦର ଗାଁ ନିକଟରେ ଥିବା ମୁହାଣ ନାଳରେ ବନ୍ୟା ଜଳ ଯୋଗୁ କୁଇଲିପଦର ଗ୍ରାମର ସୁରେଶ କରଣ (୨୫) ନାମକ ଜଣେ ଯୁବକ ଭାସି ଯାଇଛନ୍ତି।

ଡ଼ମ୍ପର-କାର ଧକ୍କା: ଖବରଦାତା ମୃତ, ଝିଅ ଗୁରୁତର

ଡ଼ମ୍ପର-କାର ଧକ୍କା: ଖବରଦାତା ମୃତ, ଝିଅ ଗୁରୁତର

କୁଆଁରମୁଣ୍ଡା, ୨୨।୭(ଡି.ଏନ.ଏ.)-ରବିବାର ସକାଳ ପ୍ରାୟ ୯ଟା ୧୦ରେ ସୁନ୍ଦରଗଡ଼ ଜିଲା ବୀରମିତ୍ରପୁର ଥାନା କୁଆଁରମୁଣ୍ଡା ଫାଣ୍ଡି ଅନ୍ତର୍ଗତ ୧୪୩ ନଂ. ଜାତୀୟ ରାଜପଥରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। କାର ସହିତ ଡମ୍ପରର ମୁହାଁମୁହିଁ ଧକ୍କା ହୋଇଥିଲା। କାରରେ ଯାଉଥିବା ସ୍ଥାନୀୟ ଅଞ୍ଚଳର ଜଣେ ଖବରଦାତା ସଞ୍ଜୟ କୁମାର ରାଉଳ (୪୪)ଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ତାଙ୍କ ଝିଅ ଗୁରୁତର ହୋଇଛନ୍ତି।

ଦୁର୍ବୃତ୍ତଙ୍କ ଭୁଜାଲି ମାଡରେ ଜଣେ ମୃତ

ଦୁର୍ବୃତ୍ତଙ୍କ ଭୁଜାଲି ମାଡରେ ଜଣେ ମୃତ

ଲହୁଣୀପଡ଼ା,୨୨।୭ (ଡି.ଏନ.ଏ.)- ସୁନ୍ଦରଗଡ଼ ଜିଲା ଲହୁଣୀପଡ଼ା ଥାନା ଅଧୀନ କୁଡେଇକଳା ଗଣିଘଷା ଗ୍ରାମରେ ଏକ ଅଘଟଣ ଘଟିଛି। କେହି ଜଣେ ଦୁର୍ବୃତ୍ତ ସମ୍ଭାରୁ ମୁଣ୍ଡା (୫୦) ନାମକ ଜଣେ ବ୍ୟକ୍ତିଙ୍କୁ ଭୁଜାଲିରେ ହାଣି ହତ୍ୟା କରିଥିବା ଜଣାପଡିଛି। ମିଳିଥିବା ସୂଚନା ମୁତାବକ, କୁଡେଇକଳା ପଞ୍ଚାୟତ କୁଡେଇକଳା- ହଳଦୀକାଞ୍ଚି ରାସ୍ତାରେ ଶନିବାର ସମ୍ଭାରୁ ମୁଣ୍ଡାଙ୍କ ରକ୍ତ ଜୁଡୁବୁଡୁ ଅବସ୍ଥାରେ ମୃତଦେହ ପଡିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ।

୯.୪ ଟନ୍‌ ଚୋରା ଲୁହା ସ୍କ୍ରାପ ଜବତ, ଟ୍ରକ୍‌ ଚାଳକ ଗିରଫ

କୁଆଁରମୁଣ୍ଡା,୨୨।୭(ଡି.ଏନ୍‌.ଏ.)- ସୁନ୍ଦରଗଡ଼ ଜିଲା କୁଆଁରମୁଣ୍ଡା ଫାଣ୍ଡି ଅଧୀନ ସରକାରୀ ଡାଏରୀ ଫାର୍ମ ସମ୍ମୁଖ ୧୪୩ ନମ୍ବର ଜାତୀୟ ରାଜପଥରେ ଶନିବାର ମଧ୍ୟାହ୍ନରେ ରାଉରକେଲାରୁ କୁଆଁରମୁଣ୍ଡା ଚୋରା ଲୁହା ସ୍କ୍ରାପ ଚାଲାଣ ହେଉଥିବା ବେଳେ ପୋଲିସ ହାତରେ ଧରାପଡ଼ିଛି। ଚୋରା ଲୁହା ସ୍କ୍ରାପ ବୋଝେଇ ଟ୍ରକ(ନଂ.ଓଆର୧୬ଏ୨୭୯୮)କୁ ପୋଲିସ ଜବତ କରିଥିବା ବେଳେ ଟ୍ରକ୍‌ କକଚାଳକ ବଲଣ୍ଡା ଅଞ୍ଚଳର ଅର୍ଜୁନଶେଖର ଦେବ(୪୦)ଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି।

ବାର୍ଦ୍ଧକ୍ୟରେ ବିଦ୍ୟାଙ୍ଗ ପୁଅର ବୋଝ: ଜିଲାପାଳଙ୍କ ଦ୍ୱାରସ୍ଥ ହେଲେ କଲାବତୀ

ବାର୍ଦ୍ଧକ୍ୟରେ ବିଦ୍ୟାଙ୍ଗ ପୁଅର ବୋଝ: ଜିଲାପାଳଙ୍କ ଦ୍ୱାରସ୍ଥ ହେଲେ କଲାବତୀ

ସୁନ୍ଦରଗଡ଼,୨୨।୭(ଡି.ଏନ୍‌.ଏ.) ବୃଦ୍ଧା, ବୃଦ୍ଧଙ୍କ ନିମନ୍ତେ ସରକାର ବାର୍ଦ୍ଧକ୍ୟ ଭତ୍ତା ଯୋଜନା କାର୍ଯ୍ୟକାରୀ କରିଛନ୍ତି। ହେଲେ ଏବେ ମଧ୍ୟ ଗ୍ରାମାଞ୍ଚଳରେ ଅନେକ ବୃଦ୍ଧା, ବୃଦ୍ଧ ସରକାରଙ୍କ ଏହି ଯୋଜନାରୁ ବଞ୍ଚିତ ହେଉଛନ୍ତି। କଳାବତୀ ଦୀପ ବୟସ ୭୬ ହେବ। ବୟସର ସାୟାନ୍ନରେ ସରକାରଙ୍କ ବାର୍ଦ୍ଧକ୍ୟ ଭତ୍ତା ତାଙ୍କ ପାଇଁ ସାତସପନ ପାଲଟିଛି । ଭତ୍ତା ପାଇବା ପାଇଁ ପଞ୍ଚାୟତ ଅଫିସରୁ ଆରମ୍ଭ କରି ବ୍ଲକ ଅଫିସ ପର୍ଯ୍ୟନ୍ତ ଦୌଡି ନିରାଶ ହେବା ପରେ ଶେଷରେ ଶନିବାର ଜିଲାପାଳଙ୍କ ଅଫିସରେ ପହଞ୍ଚି ଭତ୍ତା ମଞ୍ଜୁର ପାଇଁ ଜିଲାପାଳଙ୍କୁ ଗୁହାରି କରିଛନ୍ତି।

ସିଆରସିସି, ଏବିଇଓଙ୍କୁ ଶିକ୍ଷକଙ୍କ ହତ୍ୟା ଧମକ

କୁଆଁରମୁଣ୍ଡା,୨୨।୭(ଡି.ଏନ୍‌.ଏ.)- ସୁନ୍ଦରଗଡ଼ ଜିଲା କୁଆଁରମୁଣ୍ଡା ବ୍ଲକ ଶିକ୍ଷା କାର୍ଯ୍ୟାଳୟ ଅଧୀନ ମଝାପଡ଼ା ଶିକ୍ଷା କ୍ଲଷ୍ଟର କେନ୍ଦୁମୁଣ୍ଡା ପ୍ରକଳ୍ପ ପ୍ରାଥମିକ ବିଦ୍ୟାଳୟର ଜନୈକ ସହକାରୀ ଶିକ୍ଷକ ବିଳମ୍ବରେ ସ୍କୁଲ ଆସୁଥିବା ନେଇ ଅଭିଯୋଗ ହୋଇଥିଲା। ଏନେଇ ସ୍ଥାନୀୟ ସିଆରସିସି ନବୀନ ଲାକ୍ରା ତାଙ୍କୁ କାରଣ ଦର୍ଶାଅ ନୋଟିସ୍‌ ଜାରି କରି ଜାଗିଦ୍‌ କରିଥିଲେ। ହେଲେ ସହକାରୀ ଶିକ୍ଷକ ଜଣକ କଥାକୁ ଭ୍ରୁକ୍ଷେପ ନ କରି ବାରମ୍ବାର ସ୍କୁଲ ବଳମ୍ବରେ ଆସୁଥିଲେ।

ପ୍ରଶାସନ-ସ୍ଥାନୀୟ ପ୍ରତିନିଧିଙ୍କ ଆଲୋଚନା: ବଢେଇମୁଣ୍ଡା ରାସ୍ତାରେ ପାଉଁଶ ଗାଡି ଚଳାଚଳ ବନ୍ଦ

ଝାରସୁଗୁଡା ଅଫିସ,୨୨।୭- ଭାରିଯାନ ଚଳାଚଳକୁ ବିରୋଧ କରି ବଢେଇମୁଣ୍ଡା ଠାରେ ରାସ୍ତା ଅବରୋଧ ପରେ ଶୁକ୍ରବାର ସମାଧାନ ପାଇଁ ପ୍ରଶାସନିକ ବୈଠକ ଡକାଯାଇଛି। ସାଧାରଣ ଲୋକ ଏବଂ ଛାତ୍ରୀଛାତ୍ରଙ୍କ ଯାତାୟତ ଯୋଗୁ ସକାଳ ୬ଟାରୁ ୧୦ଟା ଯାଏଁ ଦେବାଡିହି, ବଢେଇମୁଣ୍ଡା ଆରଡି ରୋଡରେ ଭାରିଯାନ ଚଳାଚଳ ବନ୍ଦ ରହିବ। ସେହିପରି ଏହି ରାସ୍ତାରେ ପାଉଁଶ ବୋଝେଇ ଭାରିଯାନ ଚଳାଚଳ ସମ୍ପୂର୍ଣ୍ଣ ବନ୍ଦ ରହିବାକୁ ସ୍ଥର କରାଯାଇଛି।

ଆନ୍ଦୋଳନ ଠାରୁ ଦୂରରେ ନେତା: ଭାଜପା, କଂଗ୍ରେସର ଟାଉନ ସଙ୍ଗଠନ ଦୁର୍ବଳ

ଝାରସୁଗୁଡା ଅଫିସ,୨୨।୭- ସହରାଞ୍ଚଳରେ ଅନେକ ସମସ୍ୟା। ରାସ୍ତା, ଡ୍ରେନ୍‌, ପାନୀୟଜଳ, ଆଲୋକ ବ୍ୟବସ୍ଥା, ଆବର୍ଜନା, ଜବରଦଖଲ, ବସ୍ତି, ଭେଣ୍ଡିଂଜୋନ, କଂସେଇଖାନା, କାଞ୍ଚିଆ ହାଉସ୍‌ ଭଳି ଗଣ୍ଡା ଗଣ୍ଡା ସମସ୍ୟ। ସେସବୁର ସମାଧାନ କରିବା ପ୍ରଶାସନିକ କାମ। ନ ହେଲେ ରାଜନୈତିକ ହସ୍ତକ୍ଷେପ। ଧାରଣା, ବିକ୍ଷୋଭ, ଆନ୍ଦୋଳନ, ଅନଶନ ଭଳି କଠୋର ପଦକ୍ଷେପ ଆବଶ୍ୟକ।

ଖୁଣ୍ଟି-ଚକୁଲି ସ୍କୁଲରେ ପରିବେଶ ସଚେତନତା ରାଲି: ଅତିଥିଙ୍କୁ ସ୍ବାଗତ କରିବା ପାଇଁ ଝୋଟି

ଖୁଣ୍ଟି-ଚକୁଲି ସ୍କୁଲରେ ପରିବେଶ ସଚେତନତା ରାଲି: ଅତିଥିଙ୍କୁ ସ୍ବାଗତ କରିବା ପାଇଁ ଝୋଟି

ସମ୍ବଲପୁର,୨୨।୭(ବ୍ୟୁରୋ) ସମ୍ବଲପୁର ଜିଲା ମାନେଶ୍ୱର ବ୍ଲକ ଖୁଣ୍ଟି-ଚକୁଲି ପ୍ରକଳ୍ପ ଉଚ୍ଚ ପ୍ରାଥମିକ ସ୍କୁଲରେ ବୃକ୍ଷରୋପଣ ଓ ସଚେତନତା କାର୍ଯ୍ୟକ୍ରମ ଶନିବାର ଅନୁଷ୍ଠିତ ହୋଇଯାଇଛି। ସ୍କୁଲ ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ସୁନନ୍ଦା ଚାନ୍ଦଙ୍କ ଅଧ୍ୟକ୍ଷତାରେ ବନମହୋତ୍ସବ ସଭା ହୋଇଥିଲା। ମାନେଶ୍ୱର ବ୍ଲକ ଶିକ୍ଷା ଅଧିକାରୀ ସଦାନନ୍ଦ ବିଶ୍ୱାଳ ମୁଖ୍ୟ ଅତିଥି, ଅତିରିକ୍ତ କ୍ଲବ ଶିକ୍ଷା ଅଧିକାରୀ ନାରାୟଣ ରାଉତ, ସିଆରସିସି ଧବଳେଶ୍ୱର ସାହୁ, ସ୍କୁଲ ଉପଦେଷ୍ଟା ହେମନ୍ତ ଶେଖର ପଣ୍ଡା ସମ୍ମାନିତ ଅତିଥି ଭାବେ ଯୋଗ ଦେଇଥିଲେ।

ଠକ କମ୍ପାନୀ ଉପରେ ଚଢ଼ାଉ, ୪ କର୍ମଚାରୀ ଗିରଫ

ଠକ କମ୍ପାନୀ ଉପରେ ଚଢ଼ାଉ, ୪ କର୍ମଚାରୀ ଗିରଫ

ସମ୍ବଲପୁର,୨୨।୭(ବ୍ୟୁରୋ) ଚାକିରି ଦେବା ନଁ।ରେ ଜାଲ୍‌ ନିଯୁକ୍ତି ପତ୍ର ଦେଇ ଯୁବକଙ୍କୁ ଠକିଥିବା ଠକ କମ୍ପାନୀ ଉପରେ ଚଢାଉ ହୋଇଛି। ଭୁବନେଶ୍ୱରସ୍ଥିତ ନୟାପଲ୍ଲୀ ଥାନା ଜୟଦେବ ବିହାର ଅଞ୍ଚଳରେ ଥିବା ସଂକଳ୍ପ ଟ୍ରଷ୍ଟ ନାମକ ଏହି କମ୍ପାନୀର ୪ କର୍ମଚାରୀଙ୍କୁ ସମ୍ବଲପୁର ଜିଲା ଶାସନ ଥାନା ପୋଲିସ ଗିରଫ କରିଛି। ଏକ ଖବରଦାତା ସମ୍ମିଳନୀରେ ସମ୍ବଲପୁର ଏସ୍‌ପି ସଞ୍ଜୀବ ଅରୋରା ଏହା ଜଣାଇଛନ୍ତି।

ମହାନଦୀରେ ଡଙ୍ଗାବୁଡି ମତ୍ସ୍ୟଜୀବୀ ମୃତ: ୨ ଦିନ ପରେ ମୃତଦେହ ଉଦ୍ଧାର

ଲଖନପୁର,୨୨।୭(ଡି.ଏନ୍‌.ଏ)-ଝାରସୁଗୁଡା ଜିଲା ରେଙ୍ଗାଲି ଥାନା ଅଧିନ ୧୯ଖଣ୍ଡ ମୌଜା ଧୁଲୁଣ୍ଡା ଗ୍ରାମ ନିକଟ ମହାନଦୀରୁ ଶନିବାର ସ୍ଥାନୀୟ ପୋଲିସ୍‌ ଜଣେ ମତ୍ସ୍ୟଜୀବୀଙ୍କ ମୃତଦେହ ଉଦ୍ଧାର କରିଛି । ମୃତ ମତ୍ସ୍ୟଜୀବୀ ଜଣକ ହେଲେ ସେମିଲିଆ ଗ୍ରାମର ରଘୁବୀର ମଝିଆଁ(୪୭) । କଣ୍ଢେଇକେଲା ଫାଣ୍ଡି ପୋଲିସ୍‌ ମୃତଦେହକୁ ଜବତକରି ଝାରସୁଗୁଡାରେ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରିଛି ।

ହୀରାକୁଦ ଡ୍ୟାମ ଜଳସ୍ତର ୬୧୦.୭୧ ଛୁଇଁଲା

ହୀରାକୁଦ ଡ୍ୟାମ ଜଳସ୍ତର ୬୧୦.୭୧ ଛୁଇଁଲା

ସମ୍ବଲପୁର,୨୨।୭(ବ୍ୟୁରୋ)-ହୀରାକୁଦ ଜଳଭଣ୍ଡାର ଜଳସ୍ତର ଶନିବାର ସନ୍ଧ୍ୟା ୬ଟା ସୁଦ୍ଧା ୬୧୦.୭୧ ଫୁଟ ରହିଛି। ଜଳଭଣ୍ଡାରକୁ ପ୍ରତି ସେକେଣ୍ଡରେ ୧,୮୩,୦୦୦ କ୍ୟୁସେକ୍‌ ଜଳ ପ୍ରବେଶ କରୁଛି । ସେହିପରି ବରଗଡ଼, ଶାସନ, ସମ୍ବଲପୁର ଡିଷ୍ଟ୍ରିବ୍ୟୁଟାରୀ, ପାୱାର ଚାନେଲ୍‌ ମାଧ୍ୟମରେ ଜଳଭଣ୍ଡାରରୁ ପ୍ରତି ସେକେଣ୍ଡରେ ୧୫ହଜାର କ୍ୟୁସେକ୍‌ ଜଳ ନିଷ୍କାସନ କରାଯାଉଛି।

Watch Live Broadcast of Rath Yatra Puri, Odisha Here

Model This Week

ରୂପେଶ