Dharitri News
ଖେଳ |

ସର୍ବାଧିକ ସ୍କୋର ସହ ସିରିଜ ବିଜୟ

ସର୍ବାଧିକ ସ୍କୋର ସହ ସିରିଜ ବିଜୟ ଇନ୍ଦୋର, ୨୨।୧୨(ପି.ଟି.)- ଅଧିନାୟକ ରୋହିତ ଶର୍ମାଙ୍କ ଯୁଗ୍ମ ଦ୍ରୁତ ଶତକ ଏବଂ ୟୁଜବେନ୍ଦ୍ର ଚହଲ ଓ କୁଲଦୀପ ଯାଦବଙ୍କ ଆକର୍ଷଣୀୟ ବୋଲିଂ ସହାୟତାରେ ଭାରତ ଶୁକ୍ରବାର ଅନୁ୍‌ଷ୍ଠିତ ଦ୍ୱିତୀୟ ଟି୨୦ କ୍ରିକେଟ ମ୍ୟାଚରେ ଶ୍ରୀଲଙ୍କାକୁ ୮୮ ରନରେ ହରାଇ ଦେଇଛି। ଏଥିସହ ଭାରତ ୩ ମ୍ୟାଚ ବିଶିଷ୍ଟ ସିରିଜରେ ୨-୦ରେ ଅଗ୍ରଣୀ ରହିବା ସହ ଏହାକୁ ଆଗୁଆ ଜିତି ନେଇଛି। ମୋଟାମୋଟି ଭାବେ ଶ୍ରୀଲଙ୍କା ବିପକ୍ଷ ଟେଷ୍ଟ, ଦିନିକିଆ ଓ ଟି୨୦ ସିରିଜକୁ ଭାରତ ସୁଇପ୍‌ କରିଛି। ଏଠାରେ ଭାରତ ପକ୍ଷରୁ ଧାର୍ଯ୍ୟ ୨୬୧ ରନ ବିଜୟ ଲକ୍ଷ୍ୟର ପିଛା କରି ଶ୍ରୀଲଙ୍କା ୧୭.୨ ଓଭରରେ ୧୭୨ ରନ କରିବାକୁ ସକ୍ଷମ ହୋଇଥିଲା। ଆହତ ହୋଇଥିବାରୁ ଆଞ୍ଜେଲୋ ମାଥ୍ୟୁସ ବ୍ୟାଟିଂ କରିବାକୁ ଆସି ନ ଥିଲେ। ଦଳ ପକ୍ଷରୁ କୁସାଲ ପେରେରା ସର୍ବାଧିକ ୭୭, ଉପୁଲ ଥରଙ୍ଗା ୪୭ ଓ ନିରୋଶାନ ଡିକ୍‌ଓ୍ବେଲା ୨୫ ରନ ସ୍କୋର କରିଥିଲେ। ଭାରତୀୟ ବୋଲରଙ୍କ ମଧ୍ୟରେ ୟୁଜବେନ୍ଦ୍ର ଚହଲ ସର୍ବାଧିକ ୪ଟି, କୁଲଦୀପ ଯାଦବ ୩ଟି ଏବଂ ଜୟଦେବ ଉନାଡକଟ ଓ ହାର୍ଦ୍ଦିକ ପାଣ୍ଡ୍ୟା ଗୋଟିଏ ଲେଖାଏ ଉଇକେଟ ନେଇଥିଲେ। ଟସ୍‌ ହାରି ପ୍ରଥମେ ବ୍ୟାଟିଂ ଆମନ୍ତ୍ରଣ ପାଇଥିବା ଭାରତ ଦମ୍‌ଦାର ଆରମ୍ଭ କରିଥିଲା। ଅଧିନାୟକ ରୋହିତ ଶର୍ମା ଓ ଲୋକେଶ ରାହୁଲ ଶ୍ରୀଲଙ୍କା ବୋଲରଙ୍କୁ ଧୂଲେଇ କରି ଓପନିଂ ଯୋଡ଼ିରେ ୭୬ ବଲ୍‌ରୁ ୧୬୫ ରନ ସଂଗ୍ରହ ସହ ବଡ଼ ସ୍କୋର ପାଇଁ ପ୍ଲାଟ୍‌ଫର୍ମ ପ୍ରସ୍ତୁତ କରିଥିଲେ। ଆକ୍ରମଣର ନେତୃତ୍ୱ ନେଇଥିବା ରୋହିତ ଏହା ମଧ୍ୟରେ ଯୁଗ୍ମ ଦ୍ରୁତତମ ଶତକ ରେକର୍ଡର ଅଧିକାରୀ ହୋଇଥିଲେ। ସେ ୪୩ ବଲ୍‌ରୁ ୧୧୮(୧୨ ଚୌକା, ୧୦ ଛକା) ରନ ସଂଗ୍ରହ କରିଥିଲେ। ଟି୨୦ରେ ଏହାଥିଲା ତାଙ୍କର ଦ୍ୱିତୀୟ ଶତକ। କଟକର ବାରବାଟୀ ଷ୍ଟାଡିୟମରେ ଅର୍ଦ୍ଧଶତକ ହାସଲ କରିଥିବା ଲୋକେଶ ଏଠାରେ ମଧ୍ୟ ସେହି ପ୍ରଦର୍ଶନ ଜାରି ରଖି ୪୯ ବଲ୍‌ରୁ ୮୯ ରନ ସଂଗ୍ରହ କରିଥିଲେ। ମାତ୍ର ୧୧ ରନ ପାଇଁ ଶତକରୁ ବଞ୍ଚତ୍ତ ହୋଇଥିବା ଲୋକେଶ ନିଜ ଇନିଂସ ମଧ୍ୟରେ ସେ ୫ ଚୌକା ଓ ୮ ଛକା ମାରିଥିଲେ। ତୃତୀୟ ସ୍ଥାନରେ ଆସିଥିବା ମହେନ୍ଦ୍ର ସିଂ ଧୋନୀ ମଧ୍ୟ ଦ୍ରୁତ ଇନିଂସ ଖେଳିଥିଲେ। ସେ ୨୧ ବଲ୍‌ରୁ ୨ଟି ଲେଖାଏ ଛକା ଓ ଚୌକା ସହାୟତାରେ ୨୮ ରନ ସ୍କୋର କରିଥିଲେ। ଭାରତ ୨୦ ଓଭରରେ ୫ ଉଇକେଟ ହରାଇ ୨୬୦ ରନ ସଂଗ୍ରହ କରିଥିଲା। ଟି୨୦ ଅନ୍ତର୍ଜାତୀୟରେ ଏହାଥିଲା ଭାରତର ସର୍ବାଧିକ ସ୍କୋର। ଶ୍ରୀଲଙ୍କା ପକ୍ଷରୁ ନୂଆନ ପ୍ରଦୀପ ଓ ଥିସାରା ପେରେରା ୨ଟି ଲେଖାଏ ଏବଂ ଦୁଷ୍ମନ୍ଥ ଚାମିରା ଗୋଟିଏ ଉଇକେଟ ନେଇଥିଲେ। ଯୁଗ୍ମ ଦ୍ରୁତତମ ଶତକ ରେକର୍ଡ ଇନ୍ଦୋରରେ ଅନୁଷ୍ଠିତ ଶ୍ରୀଲଙ୍କା ବିପକ୍ଷ ଟି୨୦ କ୍ରିକେଟ ମ୍ୟାଚରେ ଟିମ୍‌ ଇଣ୍ଡିଆ ଅଧିନାୟକ ରୋହିତ ଶର୍ମା ଯୁଗ୍ମ ଦ୍ରୁତତମ ଶତକର ଅଧିକାରୀ ହୋଇଛନ୍ତି। ସେ ୩୫ ବଲ୍‌ରୁ ୧୧ ଚୌକା ଓ ୮ ଛକା ସହାୟତାରେ ଶତକ ପୂରଣ କରିଥିଲେ। ପୂର୍ବରୁ ୨୦୧୭ ଅକ୍ଟୋବର ୨୯ରେ ପୋଚ୍‌ଫେଷ୍ଟ୍ରୁମଠାରେ ବାଂଲାଦେଶ ବିପକ୍ଷରେ ଦକ୍ଷିଣ ଆଫ୍ରିକାର ଡେଭିଡ ମିଲର ୩୫ ବଲ୍‌ରୁ ଶତକ ହାସଲ କରି ରେକର୍ଡର ଅଧିକାରୀ ଥିଲେ। ଏବେ ମିଲରଙ୍କ ସମକକ୍ଷ ହୋଇଛନ୍ତି ରୋହିତ। ଶ୍ରୀଲଙ୍କା ବିପକ୍ଷ ଦ୍ୱିତୀୟ ଟି୨୦ରେ ରୋହିତ ମୋଟ ୪୩ ବଲ୍‌ ଖେଳି ୧୨ ଚୌକା ଓ ୧୦ ଛକା ସହାୟତାରେ ୧୧୮ ରନ କରି ଆଉଟ ହୋଇଥିଲେ। କେବଳ ବାଉଣ୍ଡାରୀ ମାରି ସେ ୧୦୮ ରନ ସଂଗ୍ରହ କରିଥିଲେ। ଏକମାତ୍ର ଭାରତୀୟଭାବେ ରୋହିତ ଟି୨୦ରେ ୨ଟି ଶତକ ହାସଲ କରିଛନ୍ତି। ଅନ୍ୟ ୨ ଭାରତୀୟ ଲୋକେଶ ରାହୁଲ ଓ ସୁରେଶ ରାଇନା ଗୋଟିଏ ଲେଖାଏ ଶତକ ଅର୍ଜନ କରିଛନ୍ତି। ରୋହିତ ଓ ଲୋକେଶଙ୍କ ଓପନିଂ ଯୋଡ଼ିରେ ୧୬୫ ରନ ସଂଗୃହୀତ ହୋଇଥିଲା। ଟି୨୦ରେ କୌଣସି ଉଇକେଟ ଯୋଡ଼ି ପାଇଁ ଏହା ସର୍ବାଧିକ ଭାଗୀଦାରି। ୨୦୧୭ ନଭେମ୍ବର ୧ରେ ଦିଲ୍ଲୀଠାରେ ନ୍ୟୁଜିଲାଣ୍ଡ ବିପକ୍ଷରେ ଭାରତର ଶିଖର ଧାଓ୍ବନ ଓ ରୋହିତ ଶର୍ମା ପ୍ରଥମ ଉଇକେଟ ଯୋଡ଼ିରେ ସର୍ବାଧିକ ୧୫୮ ରନ ସଂଗ୍ରହ କରି ରେକର୍ଡର ଅଧିକାରୀ ଥିଲେ। ଟି୨୦ରେ ଭାରତର ସର୍ବାଧିକ ସ୍କୋର ଶ୍ରୀଲଙ୍କା ବିପକ୍ଷ ଦ୍ୱିତୀୟ ଦିନିକିଆ ଟି୨୦ରେ ଭାରତ ୨୦ ଓଭରରେ ୫ ଉଇକେଟ ହରାଇ ୨୬୦ ରନ ସଂଗ୍ରହ କରିଛି। ଟି୨୦ ଅନ୍ତର୍ଜାତୀୟରେ ଭାରତର ଏହା ସର୍ବାଧିକ ସ୍କୋର। ପୂର୍ବରୁ ୨୦୧୬ ଅଗଷ୍ଟ ୨୭ରେ ଲୁଡରହିଲ୍‌ଠାରେ ଓ୍ବେଷ୍ଟଇଣ୍ଡିଜ ବିପକ୍ଷରେ ଭାରତ କରିଥିବା ୨୪୪/୪ ଏପର୍ଯ୍ୟନ୍ତ ସର୍ବାଧିକ ସ୍କୋର ହୋଇ ରହିଥିଲା। ଶ୍ରୀଲଙ୍କା ବିପକ୍ଷରେ ଭାରତର ପୂର୍ବରୁ ସର୍ବାଧିକ ସ୍କୋର ଥିଲା ୨୧୧/୪(ମୋହାଲି, ୨୦୦୯ ଡିସେମ୍ବର ୧୨)। ଶେଷ ଓଭରରେ ୧୧ ରନ ହୋଇ ନ ପାରିବାରୁ ଭାରତ ଅଳ୍ପକେ ବିଶ୍ୱ ରେକର୍ଡରୁ ବଞ୍ଚତ୍ତ ହୋଇଛି। ଟି୨୦ ଅନ୍ତର୍ଜାତୀୟରେ ସର୍ବାଧିକ ସ୍କୋର ହେଉଛି ୨୬୩/୩(ଅଷ୍ଟ୍ରେଲିଆ ବନାମ ଶ୍ରୀଲଙ୍କା, ପାଲିକେଲେ, ୨୦୧୬ ସେପ୍ଟେମ୍ବର ୬)। ଭାରତ ଆଉ ୪ ରନ କରିଥିଲେ ବିଶ୍ୱରେକର୍ଡର ଅଧିକାରୀ ହୋଇଥାନ୍ତା। ୨୬୦ ରନ କରି ଭାରତ ଯୁଗ୍ମଭାବେ ଦ୍ୱିତୀୟ ସର୍ବାଧିକ ସ୍କୋର ରେକର୍ଡର ସମକକ୍ଷ ହୋଇଛି। ୨୦୦୭ ସେପ୍ଟେମ୍ବର ୧୪ରେ ଜୋହାନ୍ସବର୍ଗଠାରେ କେନିୟା ବିପକ୍ଷରେ ଶ୍ରୀଲଙ୍କା ୬ ଉଇକେଟ ହରାଇ ୨୬୦ ରନ କରିଥିଲା। ସଂକ୍ଷିପ୍ତ ସ୍କୋର ଭାରତ ୨୦ ଓଭରରେ ୨୬୦/୫(ରୋହିତ-୧୧୮, ଲୋକେଶ-୮୯, ଧୋନୀ-୨୮, ପ୍ରଦୀପ-୨/୬୧, ପେରେରା-୨/୪୯, ଚାମିରା-୧/୪୫)। ଶ୍ରୀଲଙ୍କା ୧୭.୨ ଓଭରରେ ୧୭୨/ଅଲଆଉଟ(କୁସାଲ ପେରେରା-୭୭, ଉପୁଲ ଥରଙ୍ଗା-୪୭, ନିରୋଶାନ ଡିକ୍‌ଓ୍ବେଲା-୨୫, ୟୁଜବେନ୍ଦ୍ର ଚହଲ-୪/୫୨, କୁଲଦୀପ ଯାଦବ-୩/୫୨, ଜୟଦେବ ଉନାଡକଟ-୧/୨୨, ହାର୍ଦ୍ଦିକ ପାଣ୍ଡ୍ୟା-୧/୨୩)

ଖେଳ |

୨୦୧୮ ମହିଳା ଟି୨୦ ବିଶ୍ୱକପ୍‌ ଓ୍ବେଷ୍ଟଇଣ୍ଡିଜରେ

୨୦୧୮ ମହିଳା ଟି୨୦ ବିଶ୍ୱକପ୍‌ ଓ୍ବେଷ୍ଟଇଣ୍ଡିଜରେ

ଦୁବାଇ, ୨୪।୧(ପି.ଟି.): ମହିଳା ଟି୨୦ ବିଶ୍ୱକପ୍‌ର ୨୦୧୮ ସଂସ୍କରଣ ଓ୍ବେଷ୍ଟଇଣ୍ଡିଜରେ ଅନୁଷ୍ଠିତ ହେବ। ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ପକ୍ଷରୁ ମଙ୍ଗଳବାର ଏନେଇ ଘୋଷଣା କରାଯାଇଛି। ଆୟୋଜକ ଓ୍ବେଷ୍ଟଇଣ୍ଡିଜ ଦଳ ଗତ ସଂସ୍କରଣ ଚାମ୍ପିୟନ ହୋଇଥିଲା। ୨୦୧୬ରେ କଲିକତାର ଇଡେନ ଗାର୍ଡେନ୍ସ ଷ୍ଟାଡିୟମରେ ଖେଳାଯାଇଥିବା ବିଶ୍ୱକପ୍‌ର ଫାଇନାଲରେ ଓ୍ବେଷ୍ଟଇଣ୍ଡିଜ ୮ ଉଇକେଟ୍‌ରେ ଅଷ୍ଟ୍ରେଲିଆକୁ ପରାସ୍ତ କରି ଚାମ୍ପିୟନ ହୋଇଥିଲା।

ଦକ୍ଷିଣ ଆଫ୍ରିକା ଟୁର୍‌ ପାଇଁ ଟି୨୦ ଦଳ ହରମନପ୍ରୀତ ଅଧିନାୟିକା

ଦକ୍ଷିଣ ଆଫ୍ରିକା ଟୁର୍‌ ପାଇଁ ଟି୨୦ ଦଳ ହରମନପ୍ରୀତ ଅଧିନାୟିକା

ବମ୍ବେ, ୨୪।୧(ପି.ଟି.) ଫେବୃୟାରୀ ୧୩ରୁ ଦକ୍ଷିଣ ଆଫ୍ରିକାରେ ଖେଳାଯିବାକୁ ଥିବା ଟି୨୦ ସିରିଜ୍‌ ପାଇଁ ମଙ୍ଗଳବାର ଭାରତୀୟ ମହିଳା ଦଳ ଘୋଷିତ ହୋଇଯାଇଛି। ପାଞ୍ଚଟି ମ୍ୟାଚ୍‌ ବିଶିଷ୍ଟ ସିରିଜ୍‌ ପାଇଁ ଷ୍ଟାର ଅଲରାଉଣ୍ଡର ହରମନପ୍ରୀତ କୌରଙ୍କୁ ଦଳର ନେତୃତ୍ୱ ଭାର ପ୍ରଦାନ କରାଯାଇଛି। ସ୍ମୃତି ମାନ୍ଧାନାଙ୍କୁ ଉପଅଧିନାୟିକା ଦାୟିତ୍ୱ ଦିଆଯାଇଛି

ସିନିୟର ମହିଳା ହକିରେ ନିଶାନ ଅମ୍ପାୟର

ସିନିୟର ମହିଳା ହକିରେ ନିଶାନ ଅମ୍ପାୟର

ଭୁବନେଶ୍ୱର, ୨୩।୧(କ୍ରୀଡ଼ା ପ୍ରତିନିଧି): ଜାତୀୟ ସିନିୟର ମହିଳା ହକି ( ଏ ଓ ବି ଡିଭିଜନ) ଚାମ୍ପିୟନଶିପ୍‌ ରାଞ୍ଚତ୍ଠାରେ ଜାନୁୟାରୀ ୨୬ରୁ ଫେବୃୟାରୀ ୧୧ ପର୍ଯ୍ୟନ୍ତ ଅନୁଷ୍ଠିତ ହେବ। ଏହି ସମ୍ମାନଜନକ ପ୍ରତିଯୋଗିତା ପାଇଁ ହକି ଇଣ୍ଡିଆ ପକ୍ଷରୁ ଓଡ଼ିଶାର ନିଶାନ ଜ୍ୟୋତି ମହାନ୍ତିଙ୍କୁ ଅମ୍ପାୟର ଦାୟିତ୍ୱ ଅର୍ପଣ କରାଯାଇଛି।

 ପୋପ୍‌ଙ୍କୁ ୮ ଉଇକେଟ୍‌: ସେମିରେ ଅଷ୍ଟ୍ରେଲିଆ

ପୋପ୍‌ଙ୍କୁ ୮ ଉଇକେଟ୍‌: ସେମିରେ ଅଷ୍ଟ୍ରେଲିଆ

କୁଇନ୍ସଟାଉନ୍‌, ୨୩।୧- ୧୯ ବର୍ଷରୁ କମ୍‌ କ୍ରିକେଟ ବିଶ୍ୱକପ୍‌ର ଏକ ସୁପର୍‌ଲିଗ୍‌ କ୍ୱାର୍ଟରଫାଇନାଲ ମ୍ୟାଚ୍‌ରେ ଅଷ୍ଟ୍ରେଲିଆ ୩୧ ରନରେ ଇଂଲଣ୍ଡକୁ ପରାସ୍ତ କରିଛି। ଏଥିସହ ଅଷ୍ଟ୍ରେଲିଆ ଦଳ ସେମିଫାଇନାଲରେ ସ୍ଥାନ ପକ୍କା କରିଛି।

ଟି୨୦ ତ୍ରି-ରାଷ୍ଟ୍ରୀୟ ସିରିଜ ଖେଳିବେନି ରୁଟ୍‌

ଟି୨୦ ତ୍ରି-ରାଷ୍ଟ୍ରୀୟ ସିରିଜ ଖେଳିବେନି ରୁଟ୍‌

ସିଡ୍‌ନୀ, ୨୩।୧(ଏଏଫ୍‌ପି)- ଘରୋଇ ଅଷ୍ଟ୍ରେଲିଆ, ନ୍ୟୁଜିଲାଣ୍ଡ ଓ ଇଂଲଣ୍ଡକୁ ନେଇ ଫେବୃୟାରୀ ୩ରୁ ୨୧ ତାରିଖ ପର୍ଯ୍ୟନ୍ତ ଟି୨୦ ତ୍ରି-ରାଷ୍ଟ୍ରୀୟ ସିରିଜ ଅନୁଷ୍ଠିତ ହେବ। ବରିଷ୍ଠ ବ୍ୟାଟ୍ସମ୍ୟାନ ଜୋ ରୁଟ୍‌ ଏହି ଗୁରୁତ୍ୱପୂର୍ଣ୍ଣ ସୀମିତ ଓଭର ବିଶିଷ୍ଟ ସିରିଜ ଲାଗି ଇଂଲଣ୍ଡ ଦଳରୁ ଓହରିଯାଇଛନ୍ତି।

ବୋପାନ୍ନା-ବାବୋସ କ୍ୱାର୍ଟରଫାଇନାଲରେ

ବୋପାନ୍ନା-ବାବୋସ କ୍ୱାର୍ଟରଫାଇନାଲରେ

ମେଲବୋର୍ନ, ୨୩।୧(ପି.ଟି.)- ଭାରତୀୟ ଟେନିସ ଷ୍ଟାର ରୋହନ ବୋପାନ୍ନା ଓ ତାଙ୍କ ହଙ୍ଗେରିଆନ ପାର୍ଟନର ତିମେଆ ବାବୋସ ଯୋଡ଼ି ଏଠାରେ ଚାଲିଥିବା ଅଷ୍ଟ୍ରେଲିଆନ୍‌ ଓପନ୍‌ର ମିକ୍ସଡ୍‌ ଡବଲ୍ସ କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି।

ଜାତୀୟ ସିନିୟର ଭାରୋତ୍ତୋଳନ: ସୁଶାନ୍ତଙ୍କୁ ସ୍ବର୍ଣ୍ଣ

ଜାତୀୟ ସିନିୟର ଭାରୋତ୍ତୋଳନ: ସୁଶାନ୍ତଙ୍କୁ ସ୍ବର୍ଣ୍ଣ

ଭୁବନେଶ୍ୱର, ୨୩।୧(ସ୍ପୋଟର୍‌ସ ବ୍ୟୁରୋ): ମାଙ୍ଗାଲୋରରେ ଚାଲିଥିବା ଜାତୀୟ ସିନିୟର ଭାରୋତ୍ତୋଳନ ପ୍ରତିଯୋଗିତାରେ ଓଡ଼ିଶାର ସୁଶାନ୍ତ ସାହୁ ସ୍ବର୍ଣ୍ଣପଦକ ଅର୍ଜନ କରିଛନ୍ତି।

ବମ୍ବେରେ ଉଦ୍‌ଘାଟନୀ, ଉଦ୍‌ଯାପନୀ

ବମ୍ବେରେ ଉଦ୍‌ଘାଟନୀ, ଉଦ୍‌ଯାପନୀ

ନୂଆଦିଲ୍ଲୀ, ୨୨।୧(ପି.ଟି.)- ଇଣ୍ଡିଆନ ପ୍ରିମିୟର ଲିଗ୍‌(ଆଇପିଏଲ)ର ୧୧ତମ ସଂସ୍କରଣ ଏପ୍ରିଲ ୭ରୁ ଆରମ୍ଭ ହେବ। ଏହା ମେ ୨୭ ପର୍ଯ୍ୟନ୍ତ ଚାଲିବ ବୋଲି ସୋମବାର ଆଇପିଏଲ ଗଭର୍ନିଂ କାଉନ୍‌ସିଲ୍‌ ପକ୍ଷରୁ ପ୍ରକାଶ କରାଯାଇଛି। ଏହି ଅର୍ଥକରୀ ଟି୨୦ ଲିଗ୍‌ର ଉଦ୍‌ଘାଟନୀ ସମାରୋହ ଏପ୍ରିଲ ୬ରେ ଓ ଉଦ୍‌ଯାପନୀ ବମ୍ବେରେ ଅନୁଷ୍ଠିତ ହେବ।

ଜୋକୋଭିଚ୍‌ଙ୍କ ବିପର୍ଯ୍ୟୟ, କ୍ୱାର୍ଟରରେ ଫେଡେରର, ହାଲେପ୍‌

ଜୋକୋଭିଚ୍‌ଙ୍କ ବିପର୍ଯ୍ୟୟ, କ୍ୱାର୍ଟରରେ ଫେଡେରର, ହାଲେପ୍‌

ମେଲବୋର୍ନ,୨୨ା୧(ଏ.ଏଫ୍‌.ପି)- ବର୍ଷର ପ୍ରଥମ ଗ୍ରାଣ୍ଡସ୍ଲାମ ଅଷ୍ଟ୍ରେଲିଆନ ଓପନ ଟେନିସ୍‌ ଟୁର୍ନାମେଣ୍ଟରେ ଅଷ୍ଟମ ଦିନରେ ପହଞ୍ଚିଛି। ସୋମବାର ଏକ ବଡ଼ ବିପର୍ଯ୍ୟୟ ଦେଖିବାକୁ ମିଳିଛି। ପୂର୍ବତନ ଏକ ନମ୍ବର ଖେଳାଳି ୧୪ତମ ସିଡ ମାନ୍ୟତା ପାଇଥିବା ସର୍ବିୟାର ନୋଭାକ ଜୋକୋଭିଚ୍‌ ପୁରୁଷ ସିଙ୍ଗଲ୍ସ ଇଭେଣ୍ଟର ଚତୁର୍ଥ ରାଉଣ୍ଡ ମ୍ୟାଚରେ ପରାସ୍ତ ହୋଇ ବିଦାୟ ନେଇଛନ୍ତି।

୪୯ ବଲରେ ଶତକ ମାରିଲେ ରାଇନା

୪୯ ବଲରେ ଶତକ ମାରିଲେ ରାଇନା

କୋଲକାତା, ୨୨।୧(ପି.ଟି.)- ଜାତୀୟ ଦଳରୁ ଅଲୋଡ଼ା ହୋଇଥିବା ତଥା ସୀମିତ ଓଭର କ୍ରିକେଟରେ ଜଣେ ବିଶେଷଜ୍ଞ ଭାବେ ପରିଚିତ ହୋଇଥିବା ଷ୍ଟାର ବ୍ୟାଟ୍ସମ୍ୟାନ ସୁରେଶ ରାଇନା ଦୀର୍ଘ ଦିନର ବ୍ୟବଧାନ ପରେ ଫର୍ମକୁ ଫେରିଛନ୍ତି।

ଅଷ୍ଟ୍ରେଲିଆନ୍‌ ଓପନ୍‌: ବୋପାନ୍ନା, ଶରନ ହାରିଲେ

ଅଷ୍ଟ୍ରେଲିଆନ୍‌ ଓପନ୍‌: ବୋପାନ୍ନା, ଶରନ ହାରିଲେ

ମେଲବୋର୍ନ, ୨୨।୧(ପି.ଟି.)- ଦୁଇ ଭାରତୀୟ ଖେଳାଳି ରୋହନ ବୋପାନ୍ନା ଓ ଡିଭିଜ ଶରନ ଅଷ୍ଟ୍ରେଲିଆନ୍‌ ଓପନ୍‌ ପୁରୁଷ ଡବଲ୍ସର ତୃତୀୟ ରାଉଣ୍ଡ ହର୍ଡଲ୍ସ ଅତିକ୍ରମ କରିବାରେ ବିଫଳ ହୋଇଛନ୍ତି।

ସ୍ମିଥ୍‌ଙ୍କୁ ବିଶ୍ରାମ, ଓ୍ବାର୍ନର ଅଧିନାୟକ

ସ୍ମିଥ୍‌ଙ୍କୁ ବିଶ୍ରାମ, ଓ୍ବାର୍ନର ଅଧିନାୟକ

ମେଲବୋର୍ନ, ୨୨।୧(ଏଏଫ୍‌ପି)- ଅଷ୍ଟ୍ରେଲିଆ, ଇଂଲଣ୍ଡ ନ୍ୟୁଜିଲାଣ୍ଡକୁ ନେଇ ଏକ ତ୍ରି-ରାଷ୍ଟ୍ରୀୟ ଟି୨୦ ସିରିଜ ଆସନ୍ତା ଫେବୃୟାରୀ ୩ରୁ ଆରମ୍ଭ ହେବ। ଏଥିଲାଗି ଘରୋଇ ଅଷ୍ଟ୍ରେଲିଆ ଦଳ ସୋମବାର ଘୋଷଣା କରାଯାଇଛି। ଦଳର ନିୟମିତ ଅଧିନାୟକ ଷ୍ଟିଭ ସ୍ମିଥଙ୍କୁ ଏହି ସିରିଜରୁ ବିଶ୍ରାମ ଦିଆଯାଇଥିବାବେଳେ