Dharitri News
ମେଟ୍ରୋ |

ସିଆରଜେଡ୍‌ ଉଲ୍ଲଂଘନ କରି କୋଠା ନିର୍ମାଣ: ରୁଜୁ ହେଲା ମାମଲା

ସିଆରଜେଡ୍‌ ଉଲ୍ଲଂଘନ କରି କୋଠା ନିର୍ମାଣ: ରୁଜୁ ହେଲା  ମାମଲା ପୁରୀ ଅଫିସ, ୨୨।୧୨: ସିଆରଜେଡ୍‌ ନିୟମକୁ ଉଲ୍ଲଂଘନ କରି ସମୁଦ୍ରକୂଳ ଅଞ୍ଚଳରେ ଥିବା ସରକାରୀ ଜମିରେ ବେନିୟମ ଭାବେ ନିର୍ମାଣ ଚାଲିଥିବା ୪ଟି କୋଠା ଉପରେ ସିଆରପିସି ୧୪୪ ବଳରେ ମାମଲା ରୁଜୁ କରିଛି ଜିଲା ପ୍ରଶାସନ। ପୁରୀ ତହସିଲଦାର ପ୍ରବୀର ଖିଲାରଙ୍କ ରିପୋର୍ଟକୁ ଭିତ୍ତିକରି ଉପଜିଲାପାଳଙ୍କ କାର୍ଯ୍ୟାଳୟର ସହକାରୀ ଉପଜିଲାପାଳ ରାମଚନ୍ଦ୍ର ପଟ୍ଟନାୟକ ୪ଟି ମାମଲା ରୁଜୁ କରିଛନ୍ତି। ୪ଟି କୋଠାର ମାଲିକଙ୍କୁ ନିର୍ମାଣ କାର୍ଯ୍ୟ ବନ୍ଦ ରଖିବାକୁ ନିର୍ଦ୍ଦେଶ ଦିଆଯାଇଛି। ଏହାର କାରଣ ଦର୍ଶାଅ ନୋଟିସ ଜାରି କରାଯାଇଛି। ଜାନୁୟାରୀ ୨୨ରେ ପରବର୍ତ୍ତୀ ଶୁଣାଣି ରହିଛି। ଅନ୍ୟପକ୍ଷରେ ୧୪୪ ଧାରାକୁ କାର୍ଯ୍ୟକାରୀ କରିବାକୁ ତହସିଲଦାର ଏବଂ ସମ୍ପୃକ୍ତ ଥାନାକୁ ନିର୍ଦ୍ଦେଶ ଦିଆଯାଇଛି। ସମୁଦ୍ରକୂଳଠାରୁ ୫ମିଟର ଅଞ୍ଚଳ ମଧ୍ୟରେ ବଳିଅପଣ୍ଡା ମଧୁରଜଳ ସଂରକ୍ଷିତ ଅଞ୍ଚଳରେ ଅନାଧିକାର ଭାବେ କୋଠା ନିର୍ମାଣ ଚାଲିଛି। ଉକ୍ତ ଜମି ମାଲିକାନା ସରକାରଙ୍କ ନାମରେ ରହିଛି। ଏନ୍‌ଜିଟି ଏବଂ ହାଇକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ରାଜ୍ୟ ଉପକୂଳବର୍ତ୍ତୀ ଅଞ୍ଚଳ ନିୟନ୍ତ୍ରଣ ପ୍ରାଧିକରଣ ମଧୁରଜଳ ଅଞ୍ଚଳରେ ଗୃହ ନିର୍ମାଣ ଉପରେ ନିଷେଧାଦେଶ ଜାରି କରିଛନ୍ତି। ଏହାସତ୍ତ୍ବେ ସେଠାରେ ବେଆଇନ ଭାବେ ବହୁ କୋଠା ନିର୍ମାଣ କାର୍ଯ୍ୟ ଚାଲିଛି। ପରିବେଶ ସୁରକ୍ଷା ଆଇନ ଧାରା ୧୯ ଅନୁଯାୟୀ ଆଇନ ଉଲ୍ଲଂଘନକାରୀଙ୍କ ବିରୋଧରେ ଜିଲାପାଳ କିମ୍ବା ଉପଜିଲାପାଳଙ୍କ କୋର୍ଟରେ ମାମଲା ରୁଜୁ କରିବା ଲାଗି ନିୟମ ରହିଛି। ଗୃହ ନିର୍ମାଣ ଚାଲିଥିବା ବେଳେ ଜିଲା ପ୍ରଶାସନ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନ କରିବାରୁ ଓଡ଼ିଶା ଉପକୂଳ ଅଞ୍ଚଳ ନିୟନ୍ତ୍ରଣ ପ୍ରାଧିକରଣ (ଓସିଜେଡ୍‌ଏମ୍‌ଏ) ଏଦିଗରେ କାର୍ଯ୍ୟାନୁଷ୍ଠାନ ନେବାକୁ ଜିଲାପାଳଙ୍କୁ ନିର୍ଦ୍ଦେଶ ଦିଆଯାଇଥିଲା। ଏହାପରେ ଜିଲାପାଳ ଏ ଦିଗରେ ପଦକ୍ଷେପ ନେବାକୁ ଉପଜିଲାପାଳଙ୍କୁ ନିର୍ଦ୍ଦେଶ ଦେଇଥିଲେ। ତଦନ୍ତ କରି ରିପୋର୍ଟ ଦେବାକୁ ଉପଜିଲାପାଳ ବ୍ରହ୍ମଗିରି ଏବଂ ପୁରୀ ତହସିଲଦାରଙ୍କୁ ନିର୍ଦ୍ଦେଶ ଦେଇଥିଲେ। ଚିଠି ଂ. ୧୨୭୯୬/୧୫ା୧୨ା୨୦୧୭ରେ ପୁରୀ ତହସିଲଦାର ୪ଟି ନିର୍ମାଣାଧୀନ କୋଠା ଉପରେ ରିପୋର୍ଟ ଦେଇଥିଲେ। ପରିବେଶ ସୁରକ୍ଷା ଆଇନ ବଳରେ ପଦକ୍ଷେପ ନେବାକୁ ତହସିଲଦାର ସୁପାରିସ କରିଥିଲେ। ରିପୋର୍ଟରେ ଦର୍ଶାଯାଇଛି ଯେ, ଗୌଡବାଡ ସାହିର ପ୍ରଶାନ୍ତ ପଣ୍ଡା ସିଆରଜେଡ୍‌ ନିୟମକୁ ଉଲ୍ଲଂଘନ କରି ବଳିଆପଣ୍ଡା ମୌଜାର ସରକାରୀ ଜମି ଖାତା ନଂ. ୧୧ ପ୍ଲଟ ନଂ. ୬୧(ପି) ୦.୦୮୦ଏକରରେ ଏକ କୋଠା ନିର୍ମାଣ କରୁଛନ୍ତି। ମାଟିମଣ୍ଡପ ସାହିର କାହ୍ନୁଚରଣ ସାହୁ ବିଳବଳିଆପଣ୍ଡା ମୌଜାର ସରକାରୀ ଜମି ଖାତା ନଂ. ୧୧ ପ୍ଲଟ ନଂ. ୬୧(ପି)ରେ ୦.୦୫୦ଏକର ଜମିରେ କୋଠା ନିର୍ମାଣ କରୁଛନ୍ତି। ବଳିଆପଣ୍ଡା ମୌଜାର ସରକାରୀ ଜମି ଖାତା ନଂ. ୧୧ ପ୍ଲଟ ନଂ. ୬୧(ପି)ରେ ହରଚଣ୍ଡୀ ସାହିର ରାମ ବେଜ ୦.୦୭୦ ଏକର ଅଞ୍ଚଳରେ ଏକ କୋଠା ନିର୍ମାଣ କରୁଥିବା ତହସିଲଦାରଙ୍କ ରିପୋର୍ଟରେ ଦର୍ଶଯାଇଛି। ସେହିପରି ବାଲୁଖଣ୍ଡ ମୌଜାର ସରକାରୀ ଜମି ଖାତା ନଂ. ୧୦୯ ପ୍ଲଟ ନଂ. ୧୧୨୯/୧୧୩୦ ମାଟିମଣ୍ଡପ ସାହିର କୃଷ୍ଣଚନ୍ଦ୍ର ପୂଜାପଣ୍ଡା ୦.୩୦୦ଏକର ଜମିରେ କୋଠା ନିର୍ମାଣ କରୁଥିବା ଅଭିଯୋଗ ରହିଛି। ସହକାରୀ ଉପଜିଲାପାଳ ସିଆରପିସି ୧୪୪ ବଳରେ (ନଂ. ୭୫୦/୨୦୧୭, ୭୫୧/୨୦୧୭, ୭୫୨/୨୦୧୭ ଏବଂ ୭୫୩/୨୦୧୭)ରେ ୪ଟି ମାମଲା ରୁଜୁ କରିଛନ୍ତି। ଏ ସମ୍ପର୍କରେ ଉପଜିଲାପାଳ ମଧୁସୂଦନ ଦାସ କହିଛନ୍ତି, ଖୁବଶୀଘ୍ର ପରିବେଶ ସୁରକ୍ଷା ଆଇନ ବଳରେ ବି ମାମଲା ରୁଜୁ କରାଯିବ।

ମେଟ୍ରୋ |

  ତମାଖୁ ତ୍ୟାଗ ପରାମର୍ଶ କେନ୍ଦ୍ର ଉଦ୍‌ଘାଟିତ

ତମାଖୁ ତ୍ୟାଗ ପରାମର୍ଶ କେନ୍ଦ୍ର ଉଦ୍‌ଘାଟିତ

ପୁରୀ ଅଫିସ, ୧୯।୧: ତମାଖୁ ସେବନ ଦ୍ୱାରା ପ୍ରତିବର୍ଷ ଲକ୍ଷାଧିକ ବ୍ୟକ୍ତି ମୃତ୍ୟୁମୁଖରେ ପଡୁଛନ୍ତି। ଜନସଚେତନତା ଦ୍ୱାରା ଏହାକୁ ରୋକାଯାଇପାରିବ। ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଆନୁକୂଲ୍ୟରେ ସମସ୍ତ ଜିଲା ମୁଖ୍ୟାଳୟରେ ତମାଖୁ ତ୍ୟାଗ ପରାମର୍ଶ କେନ୍ଦ୍ର ଖୋଲାଯାଇଛି।

ରାଜ୍ୟସ୍ତରୀୟ ନାଟକ ମହୋତ୍ସବ: ସାବଧାନ କଲା ମରୀଚିକା

ରାଜ୍ୟସ୍ତରୀୟ ନାଟକ ମହୋତ୍ସବ: ସାବଧାନ କଲା ମରୀଚିକା

ପୁରୀ ଅଫିସ,୧୯।୧: ଆଜିକାଲି ଅଧିକାଂଶ ମା’ବାପା ସେମାନଙ୍କ ପିଲାଙ୍କୁ ଛୋଟବେଳୁ ଆକଟ କରୁନାହାନ୍ତି। ପିଲାମାନେ ଯାହା ଚାହୁଁଛନ୍ତି ସଙ୍ଗେସଙ୍ଗେ ତାଙ୍କ ହାତମୁଠାକୁ ବଢାଇ ଦେଉଛନ୍ତି। ଫଳରେ ଅନେକ ପିଲା ଅବାଟରେ ପାଦ ପକାଉଛନ୍ତି।

ଶିଶୁପାଳଗଡ଼ ମହୋତ୍ସବ ଉଦ୍‌ଘାଟିତ

ଶିଶୁପାଳଗଡ଼ ମହୋତ୍ସବ ଉଦ୍‌ଘାଟିତ

ଭୁବନେଶ୍ୱର,୧୯।୧(ବ୍ୟୁରୋ)-ଇତିହାସ ପୃଷ୍ଠାମଣ୍ଡନ କରିଥିବା ଶିଶୁପାଳଗଡ଼ରୁ ଆରମ୍ଭ ହୋଇଥିଲା ଉତ୍କଳର ଯୁଦ୍ଧ ଅଭିଯାନ। ଏହି ମାଟି ଥିଲା ପ୍ରାଚୀନ କଳିଙ୍ଗର ତୋଷାଳି। ଓଡ଼ିଶା ପଛରେ ଆଜି ଯେଉଁ ବିରାଟ ସାମରିକ ଇତିହାସ ରହିଛି, ତାହାର ମୂଳଦୁଆ ଏହି ଐତିହାସିକ ଗଡ଼ରୁ ପଡ଼ିଥିଲା। ଚେଦୀ ବଂଶ ଖାରବେଳଙ୍କଠାରୁ ଆରମ୍ଭ କରି ଗଙ୍ଗବଂଶ ଶାସନ ପର୍ଯ୍ୟନ୍ତ କଳିଙ୍ଗର ରାଜଧାନୀଭାବେ ଶୋଭାବର୍ଦ୍ଧନ କରିଆସୁଥିବା ଏହି ବୀରମାଟି ଦୀର୍ଘ ୨୦୦ବର୍ଷର ଇତିହାସର ମୂକସାକ୍ଷୀ ବୋଲି ମତପ୍ରକାଶ ପାଇଛି। ଶିଶୁପାଳଗଡ଼ ଦଶହରା ପଡ଼ିଆଠାରେ ଆୟୋଜିତ ଶିଶୁପାଳଗଡ଼ ମହୋତ୍ସବର ଉଦ୍‌ଘାଟନ କରି ବିଶିଷ୍ଟ ଅତିଥିମାନେ ଏହି ଐତିହାସିକ ଗଡ଼ର ଗୌରବ ଗାଥା ବିଷୟରେ କହିଥିଲେ।

୨୨ରେ ପୁରୀ ଗୋବର୍ଦ୍ଧନ ପୀଠ ଶଙ୍କରାଚାର୍ଯ୍ୟଙ୍କ ପଟ୍ଟାଭିଷେକର ପଞ୍ଚବିଂଶତି ବର୍ଷ ସମ୍ପୂର୍ଣ୍ଣ ହେବ

୨୨ରେ ପୁରୀ ଗୋବର୍ଦ୍ଧନ ପୀଠ ଶଙ୍କରାଚାର୍ଯ୍ୟଙ୍କ ପଟ୍ଟାଭିଷେକର ପଞ୍ଚବିଂଶତି ବର୍ଷ ସମ୍ପୂର୍ଣ୍ଣ ହେବ

ଭୁବନେଶ୍ୱର,୧୯।୧(ବ୍ୟୁରୋ)-ଭାରତବର୍ଷର ଐକ୍ୟ, ସଂହତି ଓ ଅଖଣ୍ଡତାକୁ ରକ୍ଷା କରିବା ସଙ୍ଗେ ସଙ୍ଗେ ମାନବୀୟ ମୂଲ୍ୟବୋଧଭିତ୍ତିକ ସନାତନ ବୈଦିକ ଧର୍ମର ପ୍ରତିଷ୍ଠା ଏବଂ ପ୍ରଚାର ଉଦ୍ଦେଶ୍ୟରେ ଜଗଦ୍‌ଗୁରୁ ଆଦି ଶଙ୍କରାଚାର୍ଯ୍ୟ ଭାରତର ଚାରି ଦିଗରେ ୪ଟି ପୀଠ ସ୍ଥାପନ କରିଥିଲେ। ତନ୍ମଧ୍ୟରୁ ପୂର୍ବରେ ପୁରୀଠାରେ ପ୍ରତିଷ୍ଠିତ ଗୋବର୍ଦ୍ଧନ ପୀଠ ଅନ୍ୟତମ। ବର୍ତ୍ତମାନ ଏହି ପୀଠର ୧୪୫ତମ ଶଙ୍କରାଚାର୍ଯ୍ୟ ଭାବେ ପୀଠାସୀନ ହୋଇଛନ୍ତି ସ୍ବାମୀ ନିଶ୍ଚଳାନନ୍ଦ ସରସ୍ବତୀ ମହାରାଜ। ଆସନ୍ତା ୨୨ତାରିଖରେ ସ୍ବାମୀ ନିଶ୍ଚଳାନନ୍ଦ ସରସ୍ବତୀ ମହାରାଜଙ୍କର ଗୋବର୍ଦ୍ଧନ ପୀଠରେ ଶଙ୍କରାଚାର୍ଯ୍ୟ ଭାବେ ପଟ୍ଟାଭିଷେକ ହେବାର ପଞ୍ଚବିଂଶତି ବର୍ଷ ସମ୍ପୂର୍ଣ୍ଣ ହେବାକୁ ଯାଉଛି। ଏହି ପରିପ୍ରେକ୍ଷୀରେ ପ୍ରଚଳିତ ଅଧ୍ୟାତ୍ମିକ କାର୍ଯ୍ୟକ୍ରମଗୁଡ଼ିକୁ ଅଧିକ କ୍ରିୟାଶୀଳ ଏବଂ ଫଳପ୍ରଦ କରିବା ଉଦ୍ଦେଶ୍ୟରେ ଏକ ବର୍ଷ ବ୍ୟାପୀ ଆଧ୍ୟାତ୍ମିକ ଜାଗରଣ ଯାତ୍ରା ଅନୁଷ୍ଠିତ ହେବ।

୬ ହଜାର ହିତାଧିକାରୀଙ୍କୁ ମିଳିବ ବାତ୍ୟା ନିରୋଧକ ଗୃହ

୬ ହଜାର ହିତାଧିକାରୀଙ୍କୁ ମିଳିବ ବାତ୍ୟା ନିରୋଧକ ଗୃହ

ପୁରୀ ଅଫିସ, ୧୯।୧: କୃଷ୍ଣପ୍ରସାଦ ଏବଂ ବ୍ରହ୍ମଗିରି ବ୍ଲକର ଫାଇଲିନ୍‌ କ୍ଷତିଗ୍ରସ୍ତଙ୍କୁ ଦିଆଯିବ ବାତ୍ୟା ନିରୋଧକ ଗୃହ। ଏଥିଲାଗି ମୁଖ୍ୟ ଶାସନ ସଚିବଙ୍କ ସହ ଦୁଇଥର ଆଲୋଚନା ହୋଇ ରାଜ୍ୟ ସରକାରଙ୍କ ପକ୍ଷରୁ ସବୁଜ ସଙ୍କେତ ମିଳିସାରିଛି।

ଆଠ ଧାଡ଼ିର ରିପୋର୍ଟ ପାଇଁ ୪୦ ସପ୍ତାହ ସମୟ

କଟକ ଅଫିସ, ୧୯।୧- କନ୍ଧମାଳ ଜିଲାର ଆଶ୍ରମ ସ୍କୁଲଗୁଡିକରେ ମ୍ୟାଲେରିଆ ବ୍ୟାପୁଥିବା ନେଇ ଦାଏର ହୋଇଥିବା ଏକ ମାମଲାରେ ଓଡ଼ିଶା ମାନବାଧିକାର କମିଶନ ରିପୋର୍ଟ ତଲବ କରିଥିଲେ। ୪ ସପ୍ତାହ ମଧ୍ୟରେ ରିପୋର୍ଟ ଦାଖଲ ପାଇଁ କମିଶନ କନ୍ଧମାଳ ଜିଲାପାଳ ଓ ଜିଲା ମୁଖ୍ୟ ଚିକିତ୍ସା ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ । କିନ୍ତୁ ଏତେବଡ଼ ସମ୍ବେଦନଶୀଳ ମାମଲାରେ ଏଇ ଦୁଇ ଅଫିସର ୪ ସପ୍ତାହ ବଦଳରେ ୧୦ ମାସ ଅର୍ଥାତ୍‌ ୪୦ ସପ୍ତାହରୁ ଅଧିକ ସମୟ ନେଇଛନ୍ତି।

ଭାବୀପତ୍ନୀଙ୍କ ସମ୍ପର୍କୀୟ ଭିଣୋଇ ହତ୍ୟାକାରୀ

ଭାବୀପତ୍ନୀଙ୍କ ସମ୍ପର୍କୀୟ ଭିଣୋଇ ହତ୍ୟାକାରୀ

କଟକ ଅଫିସ, ୧୯।୧- ଗତ ୭ ତାରିଖରେ ଘଟିଥିବା ବହୁଚର୍ଚ୍ଚିତ ଚୌଦ୍ୱାର କପାଳେଶ୍ୱରର ଲିଟିଲ ଓରଫ ନିର୍ଝର ବେହେରା ହତ୍ୟାକାଣ୍ଡର ପର୍ଦ୍ଦାଫାଶ କରିଛି ପୋଲିସ। ହତ୍ୟାକାରୀ ଆଉ କିଏ ନୁହେଁ, ନିର୍ଝରଙ୍କ ଭାବୀପତ୍ନୀଙ୍କ ସମ୍ପର୍କୀୟ ଭିଣୋଇ ସମ୍ବିତ କୁମାର ସେନାପତି ବୋଲି ମାଲଗୋଦାମ ଥାନାରେ ଶୁକ୍ରବାର ଆୟୋଜିତ ଖବରଦାତା ସମ୍ମିଳନୀରେ ୧ ନମ୍ବର ଜୋନ ଏସିପି ତ୍ରିନାଥ ମିଶ୍ର ଓ ଜଗତପୁର ଥାନା ଆଇଆଇସି ଅନିଲ କୁମାର ବେଉରା କହିଛନ୍ତି।

୧୨୧ଟି ଟେଣ୍ଡରକୁ ଅସିଦ୍ଧ କଲେ ହାଇକୋର୍ଟ

୧୨୧ଟି ଟେଣ୍ଡରକୁ ଅସିଦ୍ଧ କଲେ ହାଇକୋର୍ଟ

କଟକ ଅଫିସ, ୧୯।୧- କୋରାପୁଟ ଜିଲାରେ ପ୍ରଧାନମନ୍ତ୍ରୀ ଗ୍ରାମ ସଡ଼କ ନିର୍ମାଣ ଯୋଜନାରେ ହୋଇଥିବା ଟେଣ୍ଡର ପ୍ରକ୍ରିୟାରେ ବ୍ୟାପକ ଜାଲିଆତି କରାଯାଇଛି। ଏ ସମ୍ପର୍କିତ ଆଗତ ମାମଲାର ବିଚାର କରି ହାଇକୋର୍ଟ ୧୨୧ଟି ଟେଣ୍ଡରକୁ ଅସିଦ୍ଧ ଘୋଷଣା କରିଛନ୍ତି।

ଆସିବ ପର୍ଯ୍ୟଟନ ଆଇନ

ଆସିବ ପର୍ଯ୍ୟଟନ ଆଇନ

ଭୁବନେଶ୍ୱର, ୧୯।୧(ବ୍ୟୁରୋ)- ପର୍ଯ୍ୟଟକଙ୍କୁ ଦୁର୍ବ୍ୟବହାର କଲେ ନିଆଯିବ କଠୋର କାର୍ଯ୍ୟାନୁଷ୍ଠାନ। ଜେଲ୍‌ଦଣ୍ଡ ସହ ଜରିମାନା ଆଦାୟ ହେବ। ବିଦେଶୀ ପର୍ଯ୍ୟଟକଙ୍କୁ ହଇରାଣ ହରକତ କିମ୍ବା ଠକିଲେ କଠୋର ଦଣ୍ଡ ଦିଆଯିବ।

ପାଠ ପଢ଼ାଇବାକୁ ଆଣି ସାନଭଉଣୀଙ୍କୁ ନିର୍ଯାତନା

ପାଠ ପଢ଼ାଇବାକୁ ଆଣି ସାନଭଉଣୀଙ୍କୁ ନିର୍ଯାତନା

କଟକ ରୋଡ୍‌(ଡି.ଏନ.ଏ.)/ଭୁବନେଶ୍ୱର, ୧୯ା୧(ବ୍ୟୁରୋ)- ପାଠ ପଢ଼ାଇବା ନଁାରେ ସାନଭଉଣୀକୁ ପାଖରେ ରଖି ବଡ଼ ଭଉଣୀ ଏବଂ ତାଙ୍କ ସ୍ବାମୀ ନିର୍ଯାତନା ଦେଉଥିଲେ। ଘରେ ଚାକରାଣୀ ଭଳି ଖଟାଇବା ସହ ମାଡ଼ ମାରୁଥିଲେ।

ଭୋଟକୁ କେନ୍ଦ୍ରକରି ଗୋଷ୍ଠୀ ସଂଘର୍ଷ, ୩ ଗୁରୁତର

ଭୋଟକୁ କେନ୍ଦ୍ରକରି ଗୋଷ୍ଠୀ ସଂଘର୍ଷ, ୩ ଗୁରୁତର

କୃଷ୍ଣପ୍ରସାଦ,୧୯।୧(ଡି.ଏନ୍‌.ଏ.): ପୁରୀ ଜିଲା କୃଷ୍ଣପ୍ରସାଦ ବ୍ଲକ ବଡ଼ଅଁଳ ପଞ୍ଚାୟତ ରସକୁଦି ଗ୍ରାମରେ ଶୁକ୍ରବାର ଓ୍ବାର୍ଡମେମ୍ବର ଭୋଟକୁ କେନ୍ଦ୍ରକରି ଦୁଇ ଗୋଷ୍ଠୀ ମୁହାଁମୁହିଁ ହୋଇଛନ୍ତି। ଏଥିରେ ଉଭୟ ଗୋଷ୍ଠୀର ୩ ଗୁରୁତର ଆହତ ହୋଇଛନ୍ତି।

ପୂର୍ବ ଶତୃତାକୁ କେନ୍ଦ୍ରକରି ଦୋକାନ ପୋଡିଲେ ଦୁର୍ବୃତ୍ତ

ପୂର୍ବ ଶତୃତାକୁ କେନ୍ଦ୍ରକରି ଦୋକାନ ପୋଡିଲେ ଦୁର୍ବୃତ୍ତ

କଣ୍ଟାପଡ଼ା, ୧୯।୧(ଡି.ଏନ୍‌.ଏ.): ଗୋବିନ୍ଦପୁର ଥାନା ଅନ୍ତର୍ଗତ କୂଳ ବ୍ରାହ୍ମଣସାଇଲୋ ବଜାରରେ ଜଣେ ବ୍ୟକ୍ତିଙ୍କ ଜଳଖିଆ ଦୋକାନରେ ଗୁରୁବାର ରାତିରେ କେତେକ ଦୁର୍ବୃତ୍ତ ନିଆଁ ଲଗାଇ ଦେଇଥିବା ଶୁକ୍ରବାର ଥାନାରେ ଅଭିଯୋଗ ହୋଇଛି।