ମେଟ୍ରୋ |

ଜିଲାପାଳଙ୍କ କାର୍ଯ୍ୟାଳୟକୁ ଧସେଇ ପଶିଲେ ୨ ହଜାର ଭାଜପା କର୍ମୀ

 ଜିଲାପାଳଙ୍କ କାର୍ଯ୍ୟାଳୟକୁ ଧସେଇ ପଶିଲେ ୨ ହଜାର ଭାଜପା କର୍ମୀ

ପୁରୀ ଅଫିସ, ୨୨।୧୨: ଜିଲା ପରିଷଦ ଅଧ୍ୟକ୍ଷଙ୍କୁ ଗିରଫ ସହ ୮ଦଫା ଦାବିପତ୍ର ପ୍ରଦାନ ନିମନ୍ତେ ପୁରୀ ଜିଲା ଭାଜପା କର୍ମୀ ଶୋଭାଯାତ୍ରାରେ ଜିଲାପାଳଙ୍କ କାର୍ଯ୍ୟାଳୟକୁ ଆସୁଥିଲେ। ପ୍ରାୟ ୨ହଜାରରୁ ଅଧିକ କର୍ମୀ ଏଥିରେ ସାମିଲ ଥିଲେ। ଟାଉନ ହଲ୍‌ ନିକଟରେ ପୋଲିସ ସେମାନଙ୍କୁ ଅଟକାଇଥିଲା। ଏହାକୁ ନେଇ ଉଭୟଙ୍କ ମଧ୍ୟରେ ଆରମ୍ଭ ହୋଇଥିଲା ଧସ୍ତାଧସ୍ତି। ଶତାଧିକ କର୍ମୀ ବ୍ୟାରିକେଡ ଭାଙ୍ଗି ଜିଲାପାଳଙ୍କ କାର୍ଯ୍ୟାଳୟକୁ ଧସେଇ ପଶିଥିଲେ। ଫଳରେ ଉଭୟପକ୍ଷ ମଧ୍ୟରେ ମାର୍‌ପିଟ ହୋଇଥିଲା। ଭାଜପା କର୍ମୀଙ୍କ ମାଡରେ ୨ ଜଣ ପୋଲିସ କର୍ମଚାରୀ ଗୁରୁତର ଆହତ ହୋଇଛନ୍ତି। ସେହିପରି ପୋଲିସ କର୍ମଚାରୀଙ୍କ ମାଡରେ ଜଣେ ଭାଜପା କର୍ମୀ ଆହତ ହୋଇଛନ୍ତି। ଏପରି କି ଉତ୍ତ୍ୟକ୍ତ ଭାଜପା କର୍ମୀମାନେ ଅତିରିକ୍ତ ଜିଲାପାଳଙ୍କୁ କାର୍ଯ୍ୟାଳୟରେ ପଶି ଠେଲାପେଲା କରିଛନ୍ତି। ଅନ୍ୟପକ୍ଷରେ ଭାଜପା କର୍ମୀଙ୍କ ନାମରେ ପୋଲିସ ଏକ ମକଦ୍ଦମା ରୁଜୁ କରିଛି।
ପୁରୀ ଜିଲା ଭାଜପା ପକ୍ଷରୁ ଶୁକ୍ରବାର ଶ୍ରୀଗୁଣ୍ଡିଚା ମନ୍ଦିର ନିକଟରୁ ଶୋଭାଯାତ୍ରା ବାହାରିଥିଲା। କାକଟପୁରର ପ୍ରବୀର ସ୍ବାଇଁ ହତ୍ୟା ଘଟଣାରେ ପୁରୀ ଜିଲା ପରିଷଦ ଅଧ୍ୟକ୍ଷ ଜ୍ୟୋତିର୍ମୟ ଦଳେଇଙ୍କ ଗିରଫ ଦାବି ସହିତ ଲଘୁଚାପଜନିତ ଲଗାଣ ବର୍ଷାରେ କ୍ଷତିଗ୍ରସ୍ତ ଚାଷୀ ଓ ଭାଗଚାଷୀଙ୍କ ଠିକ ତାଲିକା ପ୍ରସ୍ତୁତ କରି କ୍ଷତିପୂରଣ ପ୍ରଦାନ, ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ କ୍ଷତିଗ୍ରସ୍ତ ଚାଷୀଙ୍କୁ ତୁରନ୍ତ କ୍ଷତିପୂରଣ ପ୍ରଦାନ, ଚାଷୀଙ୍କ ଧାନରେ ୩ଶହ ଟଙ୍କା ବୋନସ୍‌, କୃଷି ଋଣ ସମ୍ପୂର୍ଣ୍ଣ ଛାଡ, ପ୍ରଧାନମନ୍ତ୍ରୀ ଆବାସ ଯୋଜନା ସମେତ ସମସ୍ତ କେନ୍ଦ୍ରୀୟ ଯୋଜନାରେ ହିତାଧିକାରୀ ଚୟନରେ ଦୁର୍ନୀତିର ତଦନ୍ତ, ଯୋଗ୍ୟ ହିତାଧିକାରୀଙ୍କୁ ତୁରନ୍ତ ରାଶନ କାର୍ଡ ପ୍ରଦାନ ଏବଂ ଜିଲାରେ ଖାଲି ପଡିଥିବା ଡାକ୍ତର ପଦବୀ ପୂରଣ ଦାବି କରିଥିଲା ଭାଜପା। ଦଳ ପକ୍ଷରୁ ଜିଲାପାଳଙ୍କୁ ଦାବିପତ୍ର ଦିଆଯିବାର କାର୍ଯ୍ୟକ୍ରମ ଥିଲା। ତେଣୁ ପୂର୍ବରୁ ପୋଲିସ ଜିଲାପାଳଙ୍କ କାର୍ଯ୍ୟାଳୟକୁ ଘେରି ରହିଥିଲା। ଏପରି କି ଜିଲାପାଳଙ୍କ କାର୍ଯ୍ୟାଳୟକୁ ଯିବା ପ୍ରବେଶ ପଥଗୁଡିକରେ ବ୍ୟାରିକେଡ କରି ଦିଆଯାଇଥିଲା। ଟାଉନ ହଲ ଛକ, ସମୁଦ୍ରକୂଳ ଥାନା ଛକ, ଭିଆଇପି ରୋଡ୍‌ରେ ବ୍ୟାରିକେଡ କରାଯାଇଥିଲା। ଟାଉନ ହଲ ଛକ ନିକଟରେ କରାଯାଇଥିବା ବ୍ୟାରିକେଡରେ ପୋଲିସ ଶୋଭାଯାତ୍ରାକାରୀଙ୍କୁ ଅଟକାଇଥିଲା। ସେଠାରେ ଭାଜପା କର୍ମୀ ଏବଂ ପୋଲିସ ଧସ୍ତାଧସ୍ତି ହୋଇଥିଲେ। ଭାଜପା କର୍ମୀମାନେ ବ୍ୟାରିକେଡ ଭାଙ୍ଗି ଜିଲାପାଳଙ୍କ କାର୍ଯ୍ୟାଳୟ ପରିସରକୁ ଧସେଇ ପଶିଥିଲେ। ଧସ୍ତାଧସ୍ତି ବେଳେ ଭାଜପା କର୍ମୀମାନେ ପୋଲିସକୁ ନିସ୍ତୁକ ମାଡ ମାରିଥିଲେ। ଷଷ୍ଠ ବାଟାଲିୟନରେ କାର୍ଯ୍ୟରତ ପୋଲିସ କର୍ମଚାରୀ ପ୍ରଦୀପ୍ତ କୁମାର ବେହେରା ଏବଂ ବସନ୍ତ କୁମାର ବେହେରା ଗୁରୁତର ଆହତ ହୋଇଛନ୍ତି। ଅନ୍ୟପକ୍ଷରେ ପୋଲିସ ମାଡରେ ଭାଜପାର ୨ଜଣ କର୍ମୀ ଆହତ ହୋଇଥିବା କୁହାଯାଇଛି। ଆହତ ଭାଜପା କର୍ମୀ ଆଲୋକ ପ୍ରଧାନ ପୁରୀ ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହୋଇଛନ୍ତି। ଧସ୍ତାଧସ୍ତି ବେଳେ ଝରଣା ଜେନା ନାମ୍ନୀ ମହିଳା ପୋଲିସ ମାଡରେ ଆହତ ହୋଇଥିବା ଜଣାପଡିଛି। ଭାଜପା କର୍ମୀମାନେ ବ୍ୟାରିକେଡ ଭାଙ୍ଗି ଜିଲାପାଳଙ୍କ କାର୍ଯ୍ୟାଳୟକୁ ଯାଇଥିଲେ। ଜିଲାପାଳ କାର୍ଯ୍ୟାଳୟରେ ଅନୁପସ୍ଥିିତ ଥିଲେ। ଅତିରିକ୍ତ ଜିଲାପାଳ ବିଭୂତି ଭୂଷଣ ଦାସ ତାଙ୍କ କାର୍ଯ୍ୟାଳୟରେ ଉପସ୍ଥିତ ଥିଲେ। ଭାଜପା କର୍ମୀ ତାଙ୍କ କାର୍ଯ୍ୟାଳୟ ମଧ୍ୟକୁ ଧସେଇ ପଶିବା ସହିତ ତାଙ୍କୁ ଠେଲାପେଲା କରିଥିଲେ। ସେଠାରେ ପୋଲିସ ଏବଂ ପ୍ରଶାସନ ବିରୋଧରେ ସ୍ଲୋଗାନ ଦେଇ ଧାରଣାରେ ବସିଥିଲେ। ଏହାପରେ ଅତିରିକ୍ତ ଜିଲାପାଳଙ୍କୁ ଦାବିପତ୍ର ଦେଇ ଫେରିଥିଲେ। ଶୋଭାଯାତ୍ରାରେ ପୁରୀ ଜିଲା ଭାଜପା ସଭାପତି ପ୍ରଭଞ୍ଜନ ମହାପାତ୍ର, ଭାଜପା ମହିଳା ମୋର୍ଚ୍ଚା ରାଜ୍ୟ ସଭାପତି ପ୍ରଭାତୀ ପରିଡା, ଲଳିତେନ୍ଦୁ ବିଦ୍ୟାଧର ମହାପାତ୍ର, ନାରାୟଣ ପାତ୍ର, ଓମ୍‌ ପ୍ରକାଶ ମିଶ୍ର, କୃଷ୍ଣଚନ୍ଦ୍ର ପଣ୍ଡା, ବିରଞ୍ଚତ୍ ନାରାୟଣ ତ୍ରିପାଠୀ, ସୁରଥ ବିଶ୍ୱାଳ, ମମତା ପତି, ଉମାକାନ୍ତ ନାୟକ, ଜୟଶ୍ରୀ ଦାସ, ଜ୍ୟୋତି ମହାପାତ୍ର, ଶାଶ୍ୱତ ମହାପାତ୍ର ଏବଂ ରବି ନାରାୟଣ ଦାସ ପ୍ରମୁଖ ସାମିଲ ହୋଇଥିଲେ। ଅନ୍ୟପକ୍ଷରେ ପୋଲିସଙ୍କୁ ମାଡ଼ ମାରିଥିବା ଅଭିଯୋଗରେ ପୋଲିସ ପକ୍ଷରୁ ଟାଉନ ଥାନାରେ ଏକ ମାମଲା ରୁଜୁ ହୋଇଛି। କେସ୍‌ ନମ୍ବର ୨୦୬/୨୦୧୭ରେ ଏକ ମାମଲା ରୁଜୁ ହୋଇଛି। ଭାଜପା ପକ୍ଷରୁ ଥାନାରେ ମଧ୍ୟ ଅଭିଯୋଗ ହୋଇଥିବା କୁହାଯାଉଛି।

All Right Reserved By

ମେଟ୍ରୋ |

ନିମାପଡ଼ା ବିଧାୟକଙ୍କ ଅଶାଳୀନ ମନ୍ତବ୍ୟ ଘଟଣା: କୁଶ ପୁତ୍ତଳିକା ଦାହ କଲା ଭାଜପା ଯୁବମୋର୍ଚ୍ଚା

ନିମାପଡ଼ା ବିଧାୟକଙ୍କ ଅଶାଳୀନ ମନ୍ତବ୍ୟ ଘଟଣା: କୁଶ ପୁତ୍ତଳିକା ଦାହ କଲା ଭାଜପା ଯୁବମୋର୍ଚ୍ଚା

ନିମାପଡ଼ା,୧୭।୭(ଡି.ଏନ୍‌.ଏ.): ଧନୁଆ ନଦୀ ବନ୍ଧ ପାର୍ଶ୍ୱରେ ପ୍ରଶାସନିକ ଅଧିକାରୀମାନଙ୍କ ଉପସ୍ଥିତିରେ ନିମାପଡ଼ା ବିଧାୟକ ସମୀର ରଞ୍ଜନ ଦାଶ ସୋମବାର ସାଧାରଣ ଲୋକମାନଙ୍କୁ ଅଶାଳୀନ ମନ୍ତବ୍ୟ ପ୍ରଦାନ ଘଟଣାକୁ ଭାଜପା ଯୁବମୋର୍ଚ୍ଚା ପକ୍ଷରୁ ବିରୋଧ କରାଯାଇଛି। ମଙ୍ଗଳବାର ନିମାପଡ଼ା ବସ୍‌ଷ୍ଟାଣ୍ଡ ନିକଟରେ ଭାଜପା କର୍ମୀମାନେ ବିଧାୟକଙ୍କ କୁଶ ପୁତ୍ତଳିକା ଦାହ କରିଛନ୍ତି।

ଅଗଷ୍ଟ ୯ରେ ସିପିଏମ୍‌ର ଜେଲ୍‌ଭରୋ ଆନ୍ଦୋଳନ

ଭୁବନେଶ୍ୱର,୧୭।୭(ବ୍ୟୁରୋ): ଧାନର ସର୍ବନିମ୍ନ ସହାୟକ ମୂଲ୍ୟ(ଏମ୍‌ଏସ୍‌ପି) ବୃଦ୍ଧି କରାଯାଉ। ରାଜ୍ୟର ସମସ୍ତ କୃଷି ଋଣ ଛାଡ଼ କରାଯାଉ। ଏହି ମର୍ମରେ ରାଜ୍ୟ ସିପିଏମ୍‌ ପକ୍ଷରୁ ଚଳିତ ଅଗଷ୍ଟ ୯ରେ ଜେଲ୍‌ଭରୋ ଆନ୍ଦୋଳନ କରାଯିବ।

ଧର୍ମେନ୍ଦ୍ରଙ୍କୁ ଦାମଙ୍କ ସମାଲୋଚନା: ଛେରାପହଁରାକୁ ଝାଡ଼ୁ ମାରିବା ସହ ତୁଳନା ନିଚ୍ଛକ ଅହଙ୍କାରର ପ୍ରତିଫଳନ

ଧର୍ମେନ୍ଦ୍ରଙ୍କୁ ଦାମଙ୍କ ସମାଲୋଚନା: ଛେରାପହଁରାକୁ ଝାଡ଼ୁ ମାରିବା ସହ ତୁଳନା ନିଚ୍ଛକ ଅହଙ୍କାରର ପ୍ରତିଫଳନ

ଭୁବନେଶ୍ୱର,୧୭୭।୭(ବ୍ୟୁରୋ): ଓଡ଼ିଆ ଜାତିର ସ୍ପନ୍ଦନ ହେଉଛନ୍ତି ଜଗନ୍ନାଥ। କେବଳ ତାଙ୍କର ନବକଳେବର ହୁଏ। ସେଠି ଯଦି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ନବକଳେବର ହେବ, ତେବେ ଏହା ତାଙ୍କର ଅହଙ୍କାର ବୋଲି ବରିଷ୍ଠ ବିଜେଡି ନେତା ଦାମୋଦର ରାଉତ କହିଛନ୍ତି। ଉକ୍ତ ଅହଂକାରକୁ ପୁରୀବାସୀ ତଥା ଓଡ଼ିଆ ସହ୍ୟ କରିପାରିବେ ନାହିଁ।

କଟକ, ଭୁବନେଶ୍ୱରରୁ ସଂଗୃହୀତ ୨୧ ମାଛରେ ଫର୍ମାଲିନ୍‌ ନାହିଁ

କଟକ, ଭୁବନେଶ୍ୱରରୁ ସଂଗୃହୀତ ୨୧ ମାଛରେ ଫର୍ମାଲିନ୍‌ ନାହିଁ

ଭୁବନେଶ୍ୱର,୧୭ା୭(ବ୍ୟୁରୋ): ଆନ୍ଧ୍ରରୁ ଆସୁଥିବା ମାଛରୁ ଫର୍ମାଲିନ୍‌ ବାହାରିବା ପରେ ଆମିଷ ଭକ୍ଷଣକାରୀଙ୍କ ମଧ୍ୟରେ କୋକୁଆ ଭୟ ଖେଳିଯାଇଛି। ଗତ କିଛି ଦିନ ହେବ ଆନ୍ଧ୍ର ମାଛର ଚାହିଦା ଓଡ଼ିଶା ବଜାରରେ ଖସିଯାଇଛି। ରାଜ୍ୟରେ ଉତ୍ପାଦନ ହେଉଥିବା ଦେଶୀ ମାଛର ଦାମ୍‌ ବହୁତ ବଢ଼ିଯାଇଛି।

ରାଜ୍ୟ ଜନସ୍ବାସ୍ଥ୍ୟ ବିଜ୍ଞାନଗାରର ନବୀକରଣ ହେବ

ଭୁବନେଶ୍ୱର,୧୭ା୭(ବ୍ୟୁରୋ): ଓଡ଼ିଶା ରାଜ୍ୟ ଜନସ୍ବାସ୍ଥ୍ୟ ବିଜ୍ଞାନଗାରର ନବୀକରଣ କରାଯିବ। ଏଥିପାଇଁ କେନ୍ଦ୍ର ସରକାର ୫୦ ଲକ୍ଷ ଟଙ୍କାର ଆର୍ଥିକ ସହାୟତା ଯୋଗାଇ ଦେଇଛନ୍ତି। ଏଥି ସହିତ ଆବଶ୍ୟକ ହେଉଥିବା ଆହୁରି ୯ କୋଟି ଟଙ୍କା ଖାଦ୍ୟ ନମୁନା ପରୀକ୍ଷା ପାଇଁ ଯନ୍ତ୍ରପାତି ସକାଶେ ଯୋଗାଇ ଦେବେ।

ସମୁଦ୍ରରେ ବୁଡିଗଲା ମାଛଧରା ଟ୍ରଲର

ସମୁଦ୍ରରେ ବୁଡିଗଲା ମାଛଧରା ଟ୍ରଲର

ପୁରୀ ଅଫିସ,୧୭ା୭ : ପୁରୀ ସମୁଦ୍ର ଗଭୀର ଭିତରେ ଏକ ମାଛଧରା ଟ୍ରଲର ମଙ୍ଗଳବାର ପୂର୍ବାହ୍ନରେ ବୁଡିଯାଇଛି। ଟ୍ରଲରରେ କେହି ନ ଥିବାରୁ ଏକ ବଡଧରଣର ଅଘଟଣରୁ ବର୍ତ୍ତିଯାଇଛି।

୫ ମିନିଟ୍‌ର ଅସ୍ତ୍ରୋପଚାର ଫେରାଇଲା ଶତାୟୁଙ୍କ ଦୃଷ୍ଟିଶକ୍ତି: କ୍ୟାପିଟାଲ ହସ୍ପିଟାଲ୍‌ର ରେକର୍ଡ

୫ ମିନିଟ୍‌ର ଅସ୍ତ୍ରୋପଚାର ଫେରାଇଲା ଶତାୟୁଙ୍କ ଦୃଷ୍ଟିଶକ୍ତି: କ୍ୟାପିଟାଲ ହସ୍ପିଟାଲ୍‌ର ରେକର୍ଡ

ଭୁବନେଶ୍ୱର,୧୭।୭(ବ୍ୟୁରୋ): ଚକ୍ଷୁ ଚିକିତ୍ସା କ୍ଷେତ୍ରରେ କ୍ୟାପିଟାଲ ହସ୍ପିଟାଲ ବିରଳ ରେକର୍ଡ ସୃଷ୍ଟି କରିଛି। ଶହେରୁ ଊର୍ଦ୍ଧ୍ୱ ବୟସ୍କ ଜଣେ ବୃଦ୍ଧଙ୍କ ଚକ୍ଷୁରେ ଡାକ୍ତରମାନଙ୍କ ଦ୍ୱାରା ସଫଳତାର ସହ ମୋତିଆବିନ୍ଦୁ ଅସ୍ତ୍ରୋପଚାର କରାଯାଇଛି।

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ୨୧,୯୬୦ ପ୍ରକଳ୍ପ ଲାଗି ୫୪୭କୋଟି ମଞ୍ଜୁର

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ୨୧,୯୬୦ ପ୍ରକଳ୍ପ ଲାଗି ୫୪୭କୋଟି ମଞ୍ଜୁର

ଭୁବନେଶ୍ୱର,୧୭।୭(ବ୍ୟୁରୋ): ମାର୍ଚ୍ଚ ୫ ବିଜୁ ଜୟନ୍ତୀରୁ ଆରମ୍ଭ ହୋଇଥିବା ଆମ ଗାଁ ଆମ ବିକାଶ କାର୍ଯ୍ୟକ୍ରମ ୧୦୧ଟି ବ୍ଲକରେ ପହଞ୍ଚିଛି। ମଙ୍ଗଳବାର ଏହି କାର୍ଯ୍ୟକ୍ରମରେ ୬ଟି ବ୍ଲକ ସାମିଲ ହୋଇଛି। ଉକ୍ତ ବ୍ଲକଗୁଡ଼ିକ ହେଲା ତରଭା, ବସ୍ତା, ବଅଁରପାଳ, ଆଗଲପୁର, ଧରାକୋଟ ଏବଂ ଝରିଗାଁ।

କେଳୁଣୀ ମୁହାଁଣ ଖୋଳିବାକୁ ନିଷ୍ପତ୍ତି ନେଲେ ପଞ୍ଚାୟତବାସୀ

କେଳୁଣୀ ମୁହାଁଣ ଖୋଳିବାକୁ ନିଷ୍ପତ୍ତି ନେଲେ ପଞ୍ଚାୟତବାସୀ

କାକଟପୁର, ୧୭।୭(ଡି.ଏନ୍‌.ଏ.): ପୁରୀ ଜିଲା ଉପକୂଳବର୍ତ୍ତୀ ଅସ୍ତରଙ୍ଗ, କାକଟପୁର ବ୍ଲକ ଅଞ୍ଚଳରେ ଲଗାଣ ବର୍ଷା ଫଳରେ ପ୍ରାଚୀ ଓ କାଦୁଆ ନଦୀରେ ବର୍ଷାଜଳ ପୂର୍ଣ୍ଣ ହୋଇଯାଇଛି। କେଳୁଣୀ ମୁହାଁଣ ପୋତି ହୋଇପଡ଼ିଥିବାରୁ ଉଭୟ ନଦୀର ଜଳ ସମୁଦ୍ରକୁ ନିଷ୍କାସିତ ହୋଇପାରୁ ନାହିଁ।

କୂଅରେ ୩୦ରୁ ଊର୍ଦ୍ଧ୍ୱ ନାଗ ଛୁଆ

କୂଅରେ ୩୦ରୁ ଊର୍ଦ୍ଧ୍ୱ ନାଗ ଛୁଆ

ଭୁବନେଶ୍ୱର, ୧୭।୭(ବ୍ୟୁରୋ): ନୟାଗଡ଼ ଜିଲା ଶରଣକୂଳ ଭଞ୍ଜ ସାହିରେ ଥିବା ଏକ କୂଅରେ ୩୩ରୁ ଊର୍ଦ୍ଧ୍ୱ ନାଗ ସାପ ରହିଥିବା ଲୋକେ ଦେଖିବାକୁ ପାଇଥିଲେ। ଏ ନେଇ ସ୍ନେକ୍‌ ହେଲ୍ପଲାଇନକୁ ଖବର ଦିଆଯାଇଥିଲା।

ଭୁବନେଶ୍ୱରରୁ ବ୍ୟାଙ୍କକ ବିମାନ ଉଡ଼ାଣ ସେବା ବନ୍ଦ

ଭୁବନେଶ୍ୱରରୁ ବ୍ୟାଙ୍କକ ବିମାନ ଉଡ଼ାଣ ସେବା ବନ୍ଦ

ଭୁବନେଶ୍ୱର,୧୭।୭(ବ୍ୟୁରୋ): ଭୁବନେଶ୍ୱରରୁ ବ୍ୟାଙ୍କକ ଯାଉଥିବା ଏୟାର ଇଣ୍ଡିଆର ବିମାନ ସେବାକୁ ହଠାତ୍‌ ବନ୍ଦ କରି ଦିଆଯାଇଛି। ଏୟାର ଇଣ୍ଡିଆ କର୍ତ୍ତୃପକ୍ଷ ପରିଚାଳନାଗତ ସମସ୍ୟା ଦେଖାଇ ଭୁବନେଶ୍ୱର-ବ୍ୟାଙ୍କକ ବିମାନ ସେବା ବନ୍ଦ କରିଦେଇଛନ୍ତି।

ଆଡ଼ପ ଦର୍ଶନ ଆରମ୍ଭ

ଆଡ଼ପ ଦର୍ଶନ ଆରମ୍ଭ

ପୁରୀ ଅଫିସ,୧୭।୭: ଆରମ୍ଭ ହେଲା ଆଡ଼ପ ଦର୍ଶନ। ଜନ୍ମବେଦିରେ ଚତୁର୍ଦ୍ଧାବିଗ୍ରହଙ୍କୁ ଦର୍ଶନ କରି କୃତାର୍ଥ ହେଉଛନ୍ତି ଭକ୍ତ। ସୋମବାର ଦାରୁବିଗ୍ରହମାନେ ଗୋଟି ପହଣ୍ଡିରେ ଯାଇ ଗୁଣ୍ଡିଚା ମନ୍ଦିରରେ ଅବସ୍ଥାନ କରିଥିଲେ। ରାତି ୯ଟା ୫ରେ ପହଣ୍ଡି ଶେଷ ହୋଇଥିଲା। ଏହାପରେ ଅନ୍ୟାନ୍ୟ ନୀତି ବଢ଼ି ରାତି ପ୍ରାୟ ୪ଟାରେ ଠାକୁରଙ୍କ ପହୁଡ଼ ହୋଇଥିଲା।

Model This Week

ରୂପେଶ