ଉପକୂଳ ଓଡିଶା

ଲଘୁଚାପ ବର୍ଷା: ୨୫ ହଜାର ଚାଷୀ କ୍ଷତିଗ୍ରସ୍ତ ପ୍ରମୋଦ ନାୟକ

ଲଘୁଚାପ ବର୍ଷା: ୨୫ ହଜାର ଚାଷୀ କ୍ଷତିଗ୍ରସ୍ତ ପ୍ରମୋଦ ନାୟକ
ଜଗତ୍‌ସିଂହପୁର ଅଫିସ, ୨୧।୧୨ ଗତ ୯ ଓ ୧୦ ତାରିଖ ଲଘୁଚାପ ବର୍ଷାରେ ଜଗତ୍‌ସିଂହପୁର ଜିଲାର ବ୍ୟାପକ ଫସଲ କ୍ଷତିଗ୍ରସ୍ତ ହୋଇଛି। କିନ୍ତୁ ସରକାରୀ ଭାବେ ମାତ୍ର ୫,୪୩୬ ହେକ୍ଟର ଫସଲ ଅଧିକ କ୍ଷତିଗ୍ରସ୍ତ ହୋଇଥିବା ଆକଳନ କରାଯାଇଛି। ସେଥିମଧ୍ୟରେ ୫,୧୮୩ ଧାନ ଓ ୨୫୩ ହେକ୍ଟର ଅଣଧାନ ଫସଲ ରହିଛି। ଏହାଦ୍ୱାରା ପ୍ରାୟ ୨୫ ହଜାର ଲୋକ ବିଶେଷଭାବରେ ଫସଲ କ୍ଷତିର ସମ୍ମୁଖୀନ ହୋଇଛନ୍ତି। ତେବେ ଏହି ବର୍ଷାରେ ଜଗତ୍‌ସିଂହପୁର ଜିଲାର ୮ଟି ବ୍ଲକ ମଧ୍ୟରୁ ୩ଟିରେ ୩୩% ଉପରେ ଫସଲ ହାନୀ ଘଟିଥିବା ରିପୋର୍ଟ ପ୍ରସ୍ତୁତ ହୋଇଛି। ସ୍ବତନ୍ତ୍ର ରିଲିଫ କମିଶନଙ୍କୁ ଏହି ରିପୋର୍ଟ ଜିଲାପାଳ ପ୍ରଦାନ କରିଛନ୍ତି। ହେଲେ ଅନ୍ୟ ୫ଟି ବ୍ଲକରେ କ୍ଷତିଗ୍ରସ୍ତ ହୋଇଥିଲେ ସୁଦ୍ଧା ତାହା ୩୩%ରୁ କମ ହୋଇଥିବାରୁ କ୍ଷତିପୂରଣ ମିଳିବ ନାହିଁ ବୋଲି ସ୍ପଷ୍ଟ କରାଯାଇଛି। ଜିଲାର ଭୌଗୋଳିକ ଅଞ୍ଚଳ ହେଉଛି ୧,୬୫,୯୭୦ ହେକ୍ଟର। ସେଥିମଧ୍ୟରୁ ୧,୦୪,୩୩୫ ହେକ୍ଟର ହେଉଛି ଚାଷ ଜମି। ଏହି ଚାଷ ଜମି ମଧ୍ୟରୁ ପାଖାପାଖି ୭୯ ହଜାର ହେକ୍ଟରରେ ଜଳସେଚନ ସୁବିଧା ରହିଛି। କିନ୍ତୁ ଚଳିତ ଖରିଫଋତୁରେ ପାଖାପାଖି ୮୬,୬୦୦ ହେକ୍ଟରରେ ଧାନ ଚାଷ ହୋଇଛି। ଅବଶିଷ୍ଟରେ ଅଣଧାନ ଯଥା ବିରି, ମୁଗ, କୋଳଥ, ବାଦାମ ଆଦି କରାଯାଇଛି। ଗତ ୯ ଓ ୧୦ ତାରିଖ ଲଘୁଚାପ ବର୍ଷାରେ ଜିଲାର କୁଜଙ୍ଗ, ଏରସମା ଓ ତିର୍ତ୍ତୋଲ ବ୍ଲକ ଅଞ୍ଚଳ ବିଶେଷଭାବରେ ପ୍ରଭାବିତ ହୋଇଥିବା ସୂଚନା ମିଳିଛି। କୁଜଙ୍ଗ ବ୍ଲକ ଅନ୍ତର୍ଗତ ୨୮ ପଞ୍ଚାୟତର ୧୫୫ ଗାଁ ଲୋକେ ଫସଲ କ୍ଷତିର ସମ୍ମୁଖୀନ ହୋଇଛନ୍ତି। ଏହି ବ୍ଲକର ଧାନ ଓ ଅଣଧାନ ଫସଲ ହୋଇଥିବା ଜମି ମଧ୍ୟରୁ ବର୍ଷା ଯୋଗୁ ୩୩%ରୁ ୫୦% ଭିତରେ ୨,୮୫୩ ହେକ୍ଟର କ୍ଷତିଗ୍ରସ୍ତ ହୋଇଛି। ସେଥିମଧ୍ୟରୁ ଜଳସେଚିତ ୧,୪୬୫, ବର୍ଷା ଜଳ ଉପରେ ନିର୍ଭରଶୀଳ ୧,୧୩୫ ଓ ଅଣଜଳସେଚିତ ୨୫୩ ହେକ୍ଟର ଜମି ରହିଛି। ସେହିପରି ଏରସମା ବ୍ଲକ ଅନ୍ତର୍ଗତ ୨୫ ପଞ୍ଚାୟତର ୨୦୧ଟି ଗାଁ ଲୋକେ ମଧ୍ୟ ଫସଲ କ୍ଷତିର ସମ୍ମୁଖୀନ ହୋଇଛନ୍ତି। ଏହି ବ୍ଲକର ଧାନ ଓ ଅଣଧାନ ଫସଲ ହୋଇଥିବା ଜମି ମଧ୍ୟରୁ ବର୍ଷା ଯୋଗୁ ୩୩%ରୁ ୫୦% ଭିତରେ ୧,୮୮୮ ହେକ୍ଟର କ୍ଷତିଗ୍ରସ୍ତ ହୋଇଥିବା ଆକଳନ କରାଯାଇଛି। ସେଥିମଧ୍ୟରୁ ଜଳସେଚିତ ୬୫ ଓ ବର୍ଷା ଜଳ ଉପରେ ନିର୍ଭରଶୀଳ ୧,୮୨୩ ହେକ୍ଟର ଜମି ରହିଛି । ତିର୍ତ୍ତୋଲ ବ୍ଲକ ଅନ୍ତର୍ଗତ ୧୬ ପଞ୍ଚାୟତର ୧୪୨ଟି ଗାଁ ଲୋକେ ଫସଲ ହାନୀର ଶିକାର ହୋଇଛନ୍ତି। ଏହି ବ୍ଲକର ଧାନ ଓ ଅଣଧାନ ଫସଲ ହୋଇଥିବା ଜମି ମଧ୍ୟରୁ ବର୍ଷା ଯୋଗୁ ୩୩%ରୁ ୫୦% ଭିତରେ ୪,୫୬୨ ହେକ୍ଟର କ୍ଷତିଗ୍ରସ୍ତ ହୋଇଛି। ସେଥିମଧ୍ୟରୁ ଜଳସେଚିତ ୬୫୮ ଓ ବର୍ଷା ଜଳ ଉପରେ ନିର୍ଭରଶୀଳ ୩୭ ହେକ୍ଟର ଜମି ରହିଛି। କୁଜଙ୍ଗ, ଏରସମା ଓ ତିର୍ତ୍ତୋଲ ବ୍ଲକ ଅଞ୍ଚଳର ଯଥାକ୍ରମେ ୧୧,୦୨୦ ୯,୧୨୧ ଓ ୪,୫୬୨ ଏହିପରି ମୋଟ ୨୪,୭୦୩ ଜଣ ଚାଷୀ ବିଶେଷ ଭାବେ ଫସଲ ହାନୀର ସମ୍ମୁଖୀନ ହୋଇଛନ୍ତି। ରାଜ୍ୟ ସରକାରଙ୍କ ନିର୍ଦ୍ଦେଶପ୍ରକାରେ ଜିଲାପାଳ ଯାମିନୀ ଷଡ଼ଙ୍ଗୀ ସଂଗୃହୀତ ତଥ୍ୟ ସ୍ବତନ୍ତ୍ର ରିଲିଫ କମିଶନରଙ୍କୁ ପ୍ରଦାନ କରିଛନ୍ତି। ଆର୍‌ଆଇମାନେ କ୍ଷେତ୍ର ପରିଦର୍ଶନ କରି ତହସିଲଦାରମାନଙ୍କୁ ରିପୋର୍ଟ ଦେଇଥିଲେ। ତହସିଲଦାରମାନେ ଜିଲାପାଳଙ୍କୁ ଉପରୋକ୍ତ ରିପୋର୍ଟ ଦେଲା ପରେ ଏହି ଚିତ୍ର ପଦାକୁ ଆସିଛି। ହେଲେ କ୍ଷତିପୂରଣ ରାଶି ଚାଷୀଙ୍କୁ ଏଯାଏ ପ୍ରଦାନ କରାଯାଇନାହିଁ। ସରକାରଙ୍କ ତରଫରୁ ସହାୟତା ରାଶି ଦିଆଗଲା ପରେ ଯାଇ ଜିଲା ପ୍ରଶାସନ ପରବର୍ତ୍ତୀ ପଦକ୍ଷେପ ନେବ ବୋଲି ଜିଲା ଆପାତକାଳୀନ ବିଭାଗ ପକ୍ଷରୁ ସୂଚନା ଦିଆଯାଇଛି। ବର୍ଷା ଜଳ ଉପରେ ନିର୍ଭର କରି ଚାଷ କରିଥିବା ଚାଷୀଙ୍କୁ ହେକ୍ଟର ପିଛା ୬,୮୦୦ ଟଙ୍କା ପ୍ରଦାନ କରାଯିବ। ଏହି ହିସାବରେ ଜିଲାର ମୋଟ ୩,୨୪୫ ହେକ୍ଟର ପାଇଁ ୨,୨୦,୮୬,୪୦୦ ଟଙ୍କା କ୍ଷତିପୂରଣ ରାଶି ପ୍ରଦାନ କରାଯିବ। ଅନୁରୂପ ଭାବେ ଜଳସେଚିତ ଜମିର ସର୍ବାଧିକ କ୍ଷତିଗ୍ରସ୍ତ ଚାଷୀଙ୍କୁ ହେକ୍ଟର ପିଛା ୧୩,୫୦୦ ଟଙ୍କା ହିସାବରେ ମୋଟ ୨,୧୮୮ ହେକ୍ଟର ପାଇଁ ୨,୯୫,୩୮,୦୦୦ ଟଙ୍କା ଦିଆଯିବ। ତେବେ ପରିତାପର ବିଷୟ ହେଉଛି ଜିଲାର ଜଗତ୍‌ସିଂହପୁର, ବାଲିକୁଦା, ରଘୁନାଥପୁର, ନାଉଗଁା ଓ ବିରିଡ଼ି ବ୍ଲକର ଚାଷୀମାନେ ମଧ୍ୟ ଫସଲହାନୀର ସମ୍ମୁଖୀନ ହୋଇଥିଲେ ମଧ୍ୟ ସରକାରୀ ଆକଳନ ତାଲିକାରୁ ବାଦ୍‌ପଡିଛି। ଏହାକୁ ନେଇ ଚାଷୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ସୂଚନାଯୋଗ୍ୟ ଯେ, ଏହା ପୂର୍ବରୁ ଅର୍ଥାତ୍‌ ନଭେମ୍ବର ୧୫ ଓ ୧୬ ଲଘୁଚାପ ବର୍ଷାରେ ଜିଲାର ବିରିଡ଼ି, କୁଜଙ୍ଗ, ରଘୁନାଥପୁର, ଏରସମା ଓ ତିର୍ତ୍ତୋଲ ବ୍ଲକ ଅଞ୍ଚଳ ବିଶେଷଭାବରେ ପ୍ରଭାବିତ ହୋଇଥିଲା। ଏହିସବୁ ବ୍ଲକର ୩୩% ଉପରେ ଫସଲ କ୍ଷତିଗ୍ରସ୍ତ ହୋଇଥିବା ଜମି ପରିମାଣ ଥିଲା ୫,୮୬୧.୭୦ ହେକ୍ଟର। ୨୮,୧୪୨ ଜଣ ଚାଷୀ ବିଶେଷଭାବରେ କ୍ଷତିଗ୍ରସ୍ତ ହୋଇଥିଲେ। କିନ୍ତୁ ଅଦ୍ୟାବଧି ଏ ବାବଦ କ୍ଷତିପୂରଣ ଚାଷୀଙ୍କୁ ପ୍ରଦାନ କରାଯାଇନାହିଁ।
All Right Reserved By

ଉପକୂଳ ଓଡିଶା

ସାତକୋଶିଆରେ ସରିଲା ବନ୍ୟଜନ୍ତୁ ଆକଳନ

ସାତକୋଶିଆରେ ସରିଲା ବନ୍ୟଜନ୍ତୁ ଆକଳନ

ଗଣିଆ,୧୯।୧(ଡିଏନଏ)- ମହାନଦୀ ବନ୍ୟପ୍ରାଣୀ ବନଖଣ୍ଡ ଓ ସାତକୋଶିଆ ବ୍ୟାଘ୍ର ସଂରକ୍ଷଣାଞ୍ଚଳରେ ଗତ ୧୪ରୁ ଆରମ୍ଭ ହୋଇଥିବା ବନ୍ୟଜନ୍ତୁ ଆକଳନ ଶନିବାର ଶେଷ ହୋଇଛି। ଏଥିରେ ଅଭୟାରଣ୍ୟରେ ଗତ ୧୪, ୧୫ ଓ ୧୬ ତାରିଖ ତୃଣଭୋଜି ଏବଂ ୧୭,୧୮ ଓ ୧୯ ତିନିଦିନ ଧରି ମାସାଂସୀ ବନ୍ୟଜନ୍ତୁଙ୍କର ଆକଳନ କରାଯାଇଛି।

ମନ୍ଦିର ସମ୍ମୁଖରୁ ଜବରଦଖଲ ଉଚ୍ଛେଦ

ନାଉଗଁା,୧୯।୧(ସ୍ବ.ପ୍ର)- ନାଉଗଁା ବ୍ଳକ ଅନ୍ତର୍ଗତ ଡେରିକି ପଞ୍ଚାୟତ ବାଲିଚନ୍ଦ୍ରପୁରଠାରେ ବାସୁଳେଇ ମନ୍ଦିର ପ୍ରାଙ୍ଗଣରେ ଦୀର୍ଘଦିନ ହେବ ଜବରଦଖଲ ହୋଇଥିବା ସ୍ଥାନକୁ ଶନିବାର ତହସିଲ ପକ୍ଷରୁ ଉଚ୍ଛେଦ କରାଯାଇଛି। ଏହି ସ୍ଥାନର ପ୍ଲଟ ନଂ ୩୨୯୩କୁ ଗ୍ରାମର ଦିବାକର ସ୍ବାଇଁ, ଭରତ ସ୍ବାଇଁ, ବିପିନ ସ୍ବାଇଁ ଦୀର୍ଘଦିନ ହେବ ଜବରଦଖଲ କରି ରଖିଥିଲେ।

ସ୍ଥାୟୀ ନିଯୁକ୍ତି ପାଇଁ ବିଧାୟକଙ୍କୁ ଦାବିପତ୍ର ଦେଲା ଜିଆରଏସ୍‌ ସଂଘ

ବରୀ,୧୯।୧(ସ୍ବ.ପ୍ର)- ସ୍ଥାୟୀ ନିଯୁକ୍ତି ନେଇ କାର୍ଯ୍ୟବନ୍ଦ ଆନ୍ଦୋଳନ ଚଳାଇ ଆସୁଥିବା ଓଡ଼ିଶା ଗ୍ରାମ ରୋଜଗାର ସେବକ ସଂଘ (ଜିଆରଏସ୍‌), ଯାଜପୁର ପକ୍ଷରୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ବରୀ ବିଧାୟକ ଦେବାଶିଷ ନାୟକଙ୍କୁ ଶନିବାର ଦାବିପତ୍ର ପ୍ରଦାନ କରିଛି। ସେମାନଙ୍କୁ ସ୍ଥାୟୀ କରାଯିବା ନେଇ ବିଧାୟକ ନାୟକ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିବେ ବୋଲି ପ୍ରତିଶ୍ରୁତି ଦେଇଛନ୍ତି।

ରାସ୍ତା ପାଇଁ ରାସ୍ତାରେ ବସିଲେ ଗ୍ରାମବାସୀ

ରାସ୍ତା ପାଇଁ ରାସ୍ତାରେ ବସିଲେ ଗ୍ରାମବାସୀ

ନିଶ୍ଚିନ୍ତକୋଇଲି,୧୯।୧(ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ତହସିଲ ଅଧୀନସ୍ଥ  ରାମକୃଷ୍ଣପୁର ଗ୍ରାମର ମଳିକସହିକୁ ରାସ୍ତା ନଥିବାରୁ ଏହାର ପ୍ରତିବାଦରେ ଶନିବାର ଗ୍ରାମବାସୀ ତହସିଲ କାର୍ଯ୍ୟାଳୟ ସମ୍ମୁଖ ରାସ୍ତାରେ ଧାରଣାରେ ବସିଛନ୍ତି । 

୨ମାସ ହେଲା ବିଦ୍ୟୁତ୍‌ ଆଲୋକରୁ ବଞ୍ଚିତ ରଣପୁର ବ୍ଲକର  ୮ ଗ୍ରାମ

୨ମାସ ହେଲା ବିଦ୍ୟୁତ୍‌ ଆଲୋକରୁ ବଞ୍ଚିତ ରଣପୁର ବ୍ଲକର ୮ ଗ୍ରାମ

ରଣପୁର,୧୯ା୧ (ସ୍ବ.ପ୍ର.)- ରଣପୁର ବ୍ଲକର ଆଦିବାସୀ ଅଧ୍ୟୁଷିତ ଅଞ୍ଚଳ ଭାବେ ପରିଚିତ ବନ୍ଧମୁଣ୍ଡା ପଞ୍ଚାୟତ। ୨୦୧୨ରେ ଏଠାକୁ ବିଦ୍ୟୁତ୍‌ ସଂଯୋଗ ଦେବା ପଇଁ ରାଜୀବ ଗାନ୍ଧୀ ବିଦ୍ୟୁତ୍‌ ଯୋଜନାରେ କାର୍ଯ୍ୟ ଆରମ୍ଭ ହୋଇଥିଲା। ପରେ ୨୦୧୭ରେ ପଞ୍ଚାୟତର କେତେକ ଗ୍ରାମକୁ ବିଦ୍ୟୁତ୍‌ ସଂଯୋଗ ଦିଆଯାଇଥିଲା। ପ୍ରଥମ କରି ବିଦ୍ୟୁତ୍‌ ଆଲୋକ ପାଇ ସ୍ଥାନୀୟ ଗ୍ରାମବାସୀ ଖୁସି ପ୍ରକଟ କରିଥିଲେ।

ଗ୍ୟାରେଜରେ ଅଗ୍ନିକାଣ୍ଡ: ୨ ଗାଡ଼ି ପୋଡିଗଲା

ଗ୍ୟାରେଜରେ ଅଗ୍ନିକାଣ୍ଡ: ୨ ଗାଡ଼ି ପୋଡିଗଲା

ନୂଆଗାଁ,୧୯ା୧ (ଡି.ଏନ.ଏ.)- ନୟାଗଡ଼ ଜିଲା ନୂଆଗାଁ ବ୍ଲକ ଡିମିରିଝରୀ ଗ୍ରାମରେ ଥିବା ଏକ ଗ୍ୟାରେଜରେ ଶୁକ୍ରବାର ରାତି ୧୦ଟାରେ ନିଆଁ ଲାଗି ବହୁ ସାମଗ୍ରୀ ପୋଡି ଯାଇଛି। ଗ୍ରାମର ୫୭ନଂ. ଜାତୀୟ ରାଜପଥ କଡରେ ଥିବା ବ୍ରଜ ଭାଇ ଗ୍ୟାରେଜରେ ନିଆଁ ଲାଗିଯାଇ ସେଠାରେ ଥିବା ଦୁଇଟି ଗ୍ୟାସ୍‌ ସିଲିଣ୍ଡର ଫାଟି ଯାଇଥିଲା।

ଓଡ଼ଗାଁରେ ଯୁବକଙ୍କ ଆକ୍ରମଣରେ ୨ ମୃତ,୨ ଗୁରୁତର ମାମଲା: ଉନ୍ମତ୍ତ ଯୁବକ ଜେଲ ଗଲେ

ଓଡ଼ଗାଁରେ ଯୁବକଙ୍କ ଆକ୍ରମଣରେ ୨ ମୃତ,୨ ଗୁରୁତର ମାମଲା: ଉନ୍ମତ୍ତ ଯୁବକ ଜେଲ ଗଲେ

ଓଡ଼ଗାଁ,୧୯।୧(ସ୍ବ.ପ୍ର.)-ଓଡ଼ଗାଁ ଥାନା ଅଞ୍ଚଳରେ ଯୁବକଙ୍କ ଉନ୍ମତ୍ତ କାଣ୍ଡରେ ୨ଜଣଙ୍କ ମୃତ୍ୟୁ ଘଟିବା ଓ ୨ଗୁରୁତର ହେବା ଘଟଣାରେ ପୋଲିସ ହେପାଜତରେ ଥିବା ଆକ୍ରମଣକାରୀ ଯୁବକଙ୍କୁ ଶୁକ୍ରବାର ଗିରଫ କରାଯାଇ କୋର୍ଟ ଚାଲାଣ କରାଯାଇଥିଲା। ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ ହାଜତକୁ ପଠାଇ ଦିଆଯାଇଛି। ଏହି ଘଟଣାକୁ ନେଇ ଉତ୍ତ୍ୟକ୍ତ ଲୋକେ ରାସ୍ତା ଅବରୋଧ କରିଥିଲେ।

ନୟାଗଡ଼ ଜିଲାର ଚାଷୀଙ୍କୁ ହତୋତ୍ସାହ କରୁଛି ଉଦ୍ୟାନ ବିଭାଗ,  ୭ ଦିନ ଭିତରେ ସମାଧାନ କରିବାକୁ ଜିଲା ପ୍ରଶାସନକୁ ନିର୍ଦ୍ଦେଶ

ନୟାଗଡ଼ ଜିଲାର ଚାଷୀଙ୍କୁ ହତୋତ୍ସାହ କରୁଛି ଉଦ୍ୟାନ ବିଭାଗ, ୭ ଦିନ ଭିତରେ ସମାଧାନ କରିବାକୁ ଜିଲା ପ୍ରଶାସନକୁ ନିର୍ଦ୍ଦେଶ

ନୟାଗଡ଼ ଅଫିସ,୧୯।୧-ନୟାଗଡ଼ ଜିଲା ଉଦ୍ୟାନ ବିଭାଗ ଚାଷୀଙ୍କ ଉନ୍ନତି ନିମନ୍ତେ କାମ ନ କରି ଅବନତି ପାଇଁ କାର୍ଯ୍ୟ  କରୁଥିବା ଚାଷୀମାନେ ଅଭିଯୋଗ କରିଛନ୍ତି। ବିଭିନ୍ନ ସମୟରେ ଚାଷୀମାନେ ଉଦ୍ୟାନ ବିଭାଗଠାରୁ କାର୍ଯ୍ୟାଦେଶ ପାଇ ଚାଷ କାର୍ଯ୍ୟ କରୁଥିଲେ ମଧ୍ୟ ସେମାନଙ୍କୁ ସହାୟତା ରାଶି ପ୍ରଦାନ କରାଯାଉ ନାହିଁ। ।

ପାରା, ସୁନା ଗହଣା ଚୋରି ୨ ଗିରଫ

ପାରା, ସୁନା ଗହଣା ଚୋରି ୨ ଗିରଫ

ମାର୍ଶାଘାଇ, ୧୮।୧ (ଡି.ଏନ୍‌.ଏ.): ମାର୍ଶାଘାଇ ଥାନା ଶିଳିପୁର ଗ୍ରାମର ପବିତ୍ର ମୋହନ ସାହୁଙ୍କ ଘରୁ କବାଟ ଭାଙ୍ଗି ସୁନା ଅଳଙ୍କାର ଓ ୪୦ଟି ପାରା ଚୋରି ଅଭିଯୋଗରେ ପୋଲିସ ଶୁକ୍ରବାର ୨ ଜଣଙ୍କୁ ଗିରଫ କରିଛି। ସେମାନେ ହେଲେ ଆଠବାଟିଆ ଗ୍ରାମର ପ୍ରଭାତ ବେହେରା(୨୭) ଓ ସିପୁନି ନାୟକ(୨୦)।

୩ ହଜାର ଲାଞ୍ଚ ନେବା ମହଙ୍ଗା ପଡ଼ିଲା: ଭିଜିଲାନ୍ସ ଜାଲରେ ଦର୍ପନାରାୟଣପୁର ଫାଣ୍ଡି ଅଧିକାରୀ

୩ ହଜାର ଲାଞ୍ଚ ନେବା ମହଙ୍ଗା ପଡ଼ିଲା: ଭିଜିଲାନ୍ସ ଜାଲରେ ଦର୍ପନାରାୟଣପୁର ଫାଣ୍ଡି ଅଧିକାରୀ

ରଣପୁର,୧୮।୧(ସ୍ବ.ପ୍ର.):  ନୟାଗଡ଼ ଜିଲା ରଣପୁର ଥାନା ଅଧୀନରେ କାର୍ଯ୍ୟ କରୁଥିବା ଦର୍ପନାରାୟଣପୁର ଫାଣ୍ଡି ଅଧିକାରୀ ବାଳକୃଷ୍ଣ ଦାସଙ୍କୁ ଶୁକ୍ରବାର ଲାଞ୍ଚ ନେଉଥିବା ବେଳେ  ଭୁବନେଶ୍ୱର  ଭିଜିଲାନ୍ସ ହାତରେ ଧରାପଡ଼ିଛନ୍ତି। ଭିଜିଲାନ୍ସର ୬ ଜଣିଆ ଟିମ୍‌ ତାଙ୍କୁ ଗିରଫ କରିଛନ୍ତି।

ବିଦ୍ୟାଳୟ ମିଶ୍ରଣରେ ଜଗତ୍‌ସିଂହପୁର ପଛୁଆ, ଶିକ୍ଷା ଅପେକ୍ଷା ଥଇଥାନକୁ ଗୁରୁତ୍ୱ

ବିଦ୍ୟାଳୟ ମିଶ୍ରଣରେ ଜଗତ୍‌ସିଂହପୁର ପଛୁଆ, ଶିକ୍ଷା ଅପେକ୍ଷା ଥଇଥାନକୁ ଗୁରୁତ୍ୱ

ପାରାଦୀପ,୧୮ା୧(ସ୍ବ.ପ୍ର.): ବିକଶିତ ଓ ବିକାଶଶୀଳ ରାଷ୍ଟ୍ରାର ପ୍ରଥମ ପାହାଚ ହେଉଛି ଶିକ୍ଷା। ଶିକ୍ଷା ବ୍ୟବସ୍ଥା ସ୍ବଚ୍ଛ ଓ ସୁଦୃଢ ହେଲେ ବିକାଶର ଦ୍ୱାର ଉନ୍ମୁକ୍ତ ହୁଏ। କିନ୍ତୁ ଆମ ରାଜ୍ୟରେ ଶିକ୍ଷା ବ୍ୟବସ୍ଥା ବହୁ ପଛରେ ପଡ଼ିଛି। ଶିକ୍ଷାର ଉନ୍ନତି ତ ଦୂରର କଥା, ବିଭିନ୍ନ କ୍ଷେତ୍ରରେ ହେଉଥିବା ଦୁର୍ନୀତି ଯୋଜନା ଫଳପ୍ରଦ ହେବାକୁ ଦେଉନାହିଁ। 

ଅର୍ଦ୍ଧନିର୍ମିତ ପୋଲରେ ବାଉଁଶ ଚାର

ଅର୍ଦ୍ଧନିର୍ମିତ ପୋଲରେ ବାଉଁଶ ଚାର

ନାଉଗଁା,୧୮ା୧(ସ୍ବ.ପ୍ର.): ନାଉଗଁା ବ୍ଲକରେ ପ୍ରବାହିତ ଗୋବରୀ ନଦୀରେ ଏକାଧିକ ପୋଲ ନିର୍ମିତ ହୋଇଛି। ତେବେ ସେସବୁ ଅର୍ଦ୍ଧନିର୍ମିତ ଅବସ୍ଥାରେ ଥିବାରୁ ଲୋକଙ୍କ କାମରେ ଲାଗିପାରୁନାହିଁ। କେଉଁଠି ପୋଲର ବାଡା ନାହିଁ ତ ଆଉ କେଉଁଠି ସଂଯୋଗୀକରଣ ରାସ୍ତା ହୋଇନି। ସେହିପରି କେତେକ କୋଲ କେବଳ ପିଲରରେ ସୀମିତ ରହିଛି। ତେଣୁ କେତେକ ସ୍ଥାନରେ ଲୋକେ ଅର୍ଦ୍ଧନିର୍ମିତ ପୋଲ ଉପରେ ବାଉଁଶ ପକାଇ ଯାତାୟାତ କରୁଛନ୍ତି।