ବ୍ରହ୍ମପୁର

‘ଭାଜପାର ସୋସିଆଲ ମିଡିଆକୁ ଦିଆଯିବ ଟକ୍କର’

‘ଭାଜପାର ସୋସିଆଲ ମିଡିଆକୁ ଦିଆଯିବ ଟକ୍କର’
ବ୍ରହ୍ମପୁର ଅଫିସ,୨୦।୧୨-ପୁନର୍ଗଠିତ ଗଞ୍ଜାମ ଯୁବ ଓ ଛାତ୍ର ବିଜେଡିର ମିଳିତ ଜିଲା ସମ୍ମିଳନୀ ବୁଧବାର ବ୍ରହ୍ମପୁରରେ ଅନୁଷ୍ଠିତ ହୋଇଯାଇଛି। କେନ୍ଦ୍ର ମୋଦି ସରକାରଙ୍କ ଜନ ବିରୋଧୀ ନୀତି ଯୋଗୁ ଦେଶବାସୀଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ଓ ଅସନ୍ତୋଷ ପ୍ରକାଶ ପାଇଛି। ତେଣୁ ଭାଜପା ହତୋତ୍ସାହ ହୋଇଯାଇଛି ଏବଂ ବ୍ୟାପକ ପ୍ରଚାର ତଥା ପ୍ରସାର ଦ୍ୱାରା ଜନସାଧାରଣଙ୍କ ନିକଟତର ହେବାକୁ ସୋସିଆଲ ମିଡିଆକୁ ମାଧ୍ୟମ କରିଛି। ଯୁବ ଓ ଛାତ୍ର ବିଜେଡି ଏହାକୁ ଟକ୍କର ଦେବା ପାଇଁ ପ୍ରତି ପଞ୍ଚାୟତ ସ୍ତରରୁ ସୋସିଆଲ ମିଡିଆ ଉପଯୋଗ କରିବ ବୋଲି ସମ୍ମିଳନୀରେ ନିଷ୍ପତ୍ତି ନିଆଯାଇଛି। ଅନ୍ୟପକ୍ଷରେ ରାଜ୍ୟର ଶାସନ କ୍ଷମତା ଦଖଲ ନିମନ୍ତେ ଭାଜପା ତେଲ ଟଙ୍କାକୁ ପାଣି ଭଳି ଖର୍ଚ୍ଚ କରି ଦିବା ସ୍ବପ୍ନ ଦେଖୁଛି। ତେବେ ଭାଜପାର ଏହି ଚାଲ ସମ୍ପୂର୍ଣ୍ଣ ବିଫଳ ହେବ ଏବଂ ସମଗ୍ର ରାଜ୍ୟରେ ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସପକ୍ଷରେ ହାୱା ବୋହୁଥିବାରୁ ଆଗାମୀ ନିର୍ବାଚନରେ ବିଜେଡି ବହୁମତ ପାଇ ପଞ୍ଚମଥର ପାଇଁ ସରକାର ଗଠନ କରିବ ବୋଲି ଯୁବ ବିଜେଡି ଭବିଷ୍ୟ ବାଣୀ ଶୁଣାଇଛି। ଗ୍ରାମ୍ୟ ଉନ୍ନୟନ, ସଂସଦୀୟ ବ୍ୟାପାର ଏବଂ ସୂଚନା ଓ ଲୋକ ସମ୍ପର୍କ ମନ୍ତ୍ରୀ ବିକ୍ରମ କେଶରୀ ଆରୁଖ ଏଥିରେ ଯୋଗ ଦେଇ କହିଥିଲେ, ବହୁବର୍ଷ ଧରି ବିଜୟଧାରା ବଜାୟ ରହିଥିବାରୁ ଦେଶର ପ୍ରଥମ ଆଞ୍ଚଳିକ ଦଳ ଭାବେ ବିଜେଡି ପ୍ରତିଷ୍ଠିତ ହୋଇପାରିଛି। ଏଥିରେ ଅସହିଷ୍ଣୁ ହୋଇ ବିରୋଧୀ ଦଳ ମୁଖ୍ୟତଃ ଭାଜପା ରାଜ୍ୟ ସରକାରଙ୍କ ବିରୋଧରେ ମନଗଢ଼ା ଅପପ୍ରଚାର ଚଳାଇଛି। କୁହାଳିଆ ଦଳର ଏହି ଅପପ୍ରଚାରକୁ ଦଳର ଯୁବବାହିନୀ ତଥା ବିଜୁ ସେନା ଠିକଣା ଭାବରେ ମୁକାବିଲା କରିବା ପାଇଁ ସଂକଳ୍ପବଦ୍ଧ ହେବାକୁ ଆରୁଖ ପରାମର୍ଶ ଦେଇଥିଲେ। ଅନ୍ୟତମ ଅତିଥି ଭାବେ ମନ୍ତ୍ରୀ ଉଷା ଦେବୀ ଯୋଗଦେଇ ଯୁବ ଓ ଛାତ୍ର ଗୋଷ୍ଠୀ ବିଜେଡିର ସମ୍ପତ୍ତି ହୋଇଥିବା ଦର୍ଶାଇଥିଲେ। ଜିଲାର ପୁରପଲ୍ଲୀରେ ବିଜେଡିର ସଂଗଠନକୁ ଅଧିକ ମଜଭୁତ କରିବା ଲାଗି ଯୁବ ଗୋଷ୍ଠୀଙ୍କୁ ସେ ପରାମର୍ଶ ଦେଇଥିଲେ। ଗଞ୍ଜାମ ଯୋଜନା କମିଟି ଅଧ୍ୟକ୍ଷ ତଥା ବ୍ରହ୍ମପୁର ବିଧାୟକ ରମେଶ ଚନ୍ଦ୍ର ଚ୍ୟାଉ ପଟ୍ଟନାୟକ ଭାଷଣ ପ୍ରସଙ୍ଗରେ ଯାହାଙ୍କ ନାମରେ ଦଳ ଗଠନ ହୋଇଛି ସେହି ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଭଳି ଯୁବଗୋଷ୍ଠୀ ଦୁଃସାହସିକ ଓ ନିର୍ଭୀକ ହୋଇ ବିଜେଡିକୁ ବିରୋଧ କରୁଥିବା ଦଳକୁ କଡ଼ା ଟକ୍କର ଦେବା ଉପରେ ଗୁରୁତ୍ୱାରୋପ କରିଥିଲେ। ଗଞ୍ଜାମରେ ଭାଜପା ପଶିପାରିବ ନାହିଁ ବୋଲି ସେ ଦମ୍ଭୋକ୍ତି ପ୍ରକାଶ କରିଥିଲେ। ଜିଲା ଯୁବ ବିଜେଡି ସଭାପତି ଏନ. ଧନଞ୍ଜୟ ରାଓ ଏବଂ ଛାତ୍ର ବିଜେଡି ଜିଲା ସଭାପତି ପ୍ରଶାନ୍ତ ପଣ୍ଡା ସମ୍ମିଳନୀ ସଂଯୋଜନା କରିଥିଲେ। ବିଧାୟକ ଶ୍ରୀକାନ୍ତ ସାହୁ ଓ ପ୍ରିୟାଂଶୁ ପ୍ରଧାନ ଉଦ୍‌ବୋଧନ ଦେଇଥିଲେ। ଗଞ୍ଜାମ ଜିଲା ବିଜେଡି ସଭାପତି ତଥା ବିଧାୟକ ପ୍ରଦୀପ କୁମାର ପାଣିଗ୍ରାହୀ ସମ୍ମିଳନୀରେ ଯୋଗ ଦେଇଥିବା ଜିଲାର ବହୁ ସଂଖ୍ୟକ ଦଳର ଛାତ୍ର ଓ ଯୁବକଙ୍କୁ ସାଙ୍ଗଠନିକ କାର୍ଯ୍ୟକ୍ରମ ନେଇ ଗୁରୁମନ୍ତ୍ର ଦେଇଥିଲେ। ବିଜେଡିର ପ୍ରଥମ କରି ହୋଇଥିବା ୪ ଦିନିଆ ବ୍ଲକ, ଏନ୍‌ଏସି, ମହିଳା ସଂଗଠନ ଓ ଜିଲା କମିଟି କର୍ମକର୍ତ୍ତା ଓ କର୍ମୀ ଏବଂ ଯୁବ ଛାତ୍ର ଗୋଷ୍ଠୀଙ୍କୁ ପାଣିଗ୍ରାହୀ ସଂଗଠିତ କରାଇଥିଲେ। ଛାତ୍ର ଓ ଯୁବ ଗୋଷ୍ଠୀ ବିଜେଡିର ଭବିଷ୍ୟତ ହୋଇଥିବାରୁ ସେମାନେ ନିଷ୍ଠାର ସହିତ ସଂଗଠନକୁ ସୁଦୃଢ଼ କରିବାକୁ ସେ ସଚେତନ କରାଇଥିଲେ। ଯୁବ ବିଜେଡିର ଦକ୍ଷିଣାଞ୍ଚଳ ଜୋନ ସଭାପତି ଏମ. ଧନଞ୍ଜୟ ରେଡ୍ଡୀଙ୍କ ସମେତ ବିଭିନ୍ନ ବ୍ଲକ ଓ ସହରାଞ୍ଚଳର ଅନେକ ଯୁବ ଓ ଛାତ୍ର ନେତା ବିଭିନ୍ନ ପ୍ରସ୍ତାବ ଦେଇଥିଲେ। ବିଡିଏ ଅଧ୍ୟକ୍ଷ ସୁବାସ ଚନ୍ଦ୍ର ମହାରଣା ଉପସ୍ଥିତ ଥିଲେ। ପଞ୍ଚାୟତ ଓ ପୌର ନିର୍ବାଚନରେ ରାଜ୍ୟ ସରକାର ମହିଳାଙ୍କ ପାଇଁ ସ୍ଥାନ ସଂରକ୍ଷଣ କରି ଯୁଗାନ୍ତକାରୀ ପଦକ୍ଷେପ ନେଇଛନ୍ତି। ଯୁବ ଗୋଷ୍ଠୀଙ୍କ ନିମନ୍ତେ ମଧ୍ୟ ଅନୁରୂପ ସ୍ଥାନ ସଂରକ୍ଷଣ ଲାଗି ସମ୍ମିଳନୀରେ ଛାତ୍ର ଓ ଯୁବ ସଂଗଠନର ମୁଖିଆମାନେ ଦାବି କରିଥିଲେ। ଯୁବ ବିଜେଡି ରାଜ୍ୟ ସହ ଉପଦେଷ୍ଟା କୈଳାସ ରଣା, ଜିଲା ଯୁବ ବିଜେଡି ସାଧାରଣ ସମ୍ପାଦକ ଜଗଦୀଶ ସାବତ, ମହାନଗର ଯୁବ ସଂଗଠକ ସଭାପତି ମୁକୁନ୍ଦ ଗୌଡ଼, ଜିଲା ବିଜେଡି ଉପସଭାପତି ଉମା ଚରଣ ନାୟକ, ବିଏମ୍‌ସି ଡେପୁଟି ମେୟର ଜ୍ୟୋତ୍ସ୍ନା ନାୟକ, ମହିଳା ବିଜେଡି ଜିଲା ସଭାନେତ୍ରୀ ସଂଘମିତ୍ରା ଦଳାଇଙ୍କ ସମେତ ଅନିଲ ସାହୁ, ଜଗନ୍ନାଥ ସାବତ ପ୍ରମୁଖ ଯୋଗ ଦେଇଥିଲେ।
All Right Reserved By

ବ୍ରହ୍ମପୁର

ଷ୍ଟୋଭ ଫାଟି ନାବାଳିକା ଗୁରୁତର

ଷ୍ଟୋଭ ଫାଟି ନାବାଳିକା ଗୁରୁତର

ବ୍ରହ୍ମପୁର ଅଫିସ, ୧୯।୧୦-ବ୍ରହ୍ମପୁର ଲାଞ୍ଜିପଲ୍ଲୀ ଅଞ୍ଚଳର ଏକ ସାହିରେ ଶୁକ୍ରବାର ଷ୍ଟୋଭ ଫାଟି ଜଣେ ନାବାଳିକା ଗୁରୁତର ହୋଇଛନ୍ତି । ଘରେ ରୋଷେଇ ଚାଲିଥିବା ସମୟରେ ଷ୍ଟୋଭ ଫାଟିଯାଇଥିଲା ବୋଲି ପରିବାର ଲୋକେ କହିଛନ୍ତି। 

କୃଷ୍ଣସାର ମୃଗ ମୃତଦେହ ଉଦ୍ଧାର

କୃଷ୍ଣସାର ମୃଗ ମୃତଦେହ ଉଦ୍ଧାର

ଗଞ୍ଜାମ, ୧୯ା୧୦(ଡି.ଏନ.ଏ.)-ଗଞ୍ଜାମ ବ୍ଲକ ଖଣ୍ଡଦେଉଳି ପଞ୍ଚାୟତ ବାଟିମାଳ  ଗହୀରମଥା  ଅଞ୍ଚଳରେ ଏକ କୃଷ୍ଣସାର ମୃଗ ମୃତଦେହ ପଡିଥିବା ଶୁକ୍ରବାର ଦେଖିବାକୁ ମିଳିଥିଲା । ଗତ ତିତ୍‌ଲି ବାତ୍ୟା ଓ ପରବର୍ତ୍ତୀ ବନ୍ୟାରେ ମୃତ କୃଷ୍ଣସାର  ମୃଗଟି କାଦୁଅରେ ପୋତିହୋଇ ମୃତ୍ୟୁ ହୋଇଥିବା ଅନୁମାନ କରାଯାଉଛି ।

ଦୁର୍ଗାପୂଜା, ଉତ୍ସବମୁଖର ଚନ୍ଦ୍ରଗିିରି

ଦୁର୍ଗାପୂଜା, ଉତ୍ସବମୁଖର ଚନ୍ଦ୍ରଗିିରି

ଚନ୍ଦ୍ରଗିରି, ୧୯ା୧୦(ଡି.ଏନ.ଏ.)-ଦୁର୍ଗାପୂଜା ଉପଲକ୍ଷେ ଗଜପତି ଜିଲା ଚନ୍ଦ୍ରଗିରି ଅଞ୍ଚଳ ଉତ୍ସବମୁଖର ହୋଇଉଠିଛି ।  ଆଖପାଖ ଅଞ୍ଚଳରୁ ଶ୍ରଦ୍ଧାଳୁଙ୍କ ଭିଡ ଦେଖିବାକୁ ମିଳୁଛି ।  ଏହା ବ୍ୟତୀତ ଚନ୍ଦ୍ରଗିରି, ମହେନ୍ଦ୍ରଗଡ, ଚାନ୍ଦିପୁଟ ଓ ବାଘମାରି ଅଞ୍ଚଳ ମଧ୍ୟ ମା’ଙ୍କ ପୂଜା ଲାଗି ଉତ୍ସବ ମୁଖର ହୋଇଛି ।

ଆସିକାରେ ଭ୍ରାମ୍ୟମାଣ ଏଟିଏମ୍‌ ସେବା ବ୍ୟବସ୍ଥା

ଆସିକାରେ ଭ୍ରାମ୍ୟମାଣ ଏଟିଏମ୍‌ ସେବା ବ୍ୟବସ୍ଥା

ଆସିକା, ୧୯ା୧୦(ଡି.ଏନ.ଏ.)-ଗଞ୍ଜାମ ଜିଲା ଆସିକା ଅଞ୍ଚଳରେ ଘଟି ଯାଇଥିବା ତିତ୍‌ଲି ବାତ୍ୟା ଓ ଏହା ପରବର୍ତ୍ତୀ ବନ୍ୟାରେ ବିଭିନ୍ନ ବ୍ୟାଙ୍କ ଶାଖାରେ ପାଣି ପଶି ବହୁ ଟଙ୍କା ଓ କାଗଜପତ୍ର ନଷ୍ଟ ହୋଇଯାଇଛି ।

ରମଣୀସାହିରେ ଓଷାକୋଠି ଯାତ୍ରା ଆରମ୍ଭ

ରମଣୀସାହିରେ ଓଷାକୋଠି ଯାତ୍ରା ଆରମ୍ଭ

ଶେରଗଡ, ୧୯ା୧୦(ଡି.ଏନ.ଏ.)-ଗଞ୍ଜାମ ଜିଲା ଶେରଗଡ ଗ୍ରାମସ୍ଥିତ ରମଣୀସାହିରେ ଶୁକ୍ରବାର ଓଷାକୋଠି ଯାତ୍ରା ଆରମ୍ଭ ହୋଇଛି।  ରମଣୀସାହିର ଗ୍ରାମବାସୀ ବାଦ୍ୟବାଜଣା ସହ ବିରାଟ ପଟୁଆରରେ ରାମଚଣ୍ଡୀ ଠାକୁରାଣୀଙ୍କ ପୀଠକୁ ଯାଇଥିଲେ। 

ରାଜସ୍ବ କୃଷି ବିଭାଗର କ୍ଷୟକ୍ଷତି ଆକଳନ

ରାଜସ୍ବ କୃଷି ବିଭାଗର କ୍ଷୟକ୍ଷତି ଆକଳନ

ଶେରଗଡ, ୧୯ା୧୦-ଗଞ୍ଜାମ ଜିଲା ଶେରଗଡ ବ୍ଲକ ଅନ୍ତର୍ଗତ ୨୨ ପଞ୍ଚାୟତର ୯୫ ଗ୍ରାମରେ ୯ ରାଜସ୍ବ ନିରୀକ୍ଷକଙ୍କ କାର୍ଯ୍ୟାଳୟ ଜରିଆରେ ଗୁରୁବାର ସନ୍ଧ୍ୟାରୁ ବାତ୍ୟା ଓ ବନ୍ୟା କ୍ଷୟକ୍ଷତି ଆକଳନ କରାଯାଇଛି  । ଉକ୍ତ ଟିମ୍‌ରେ ରାଜସ୍ବ ବିଭାଗ ଓ କୃଷି ବିଭାଗ ଏବଂ ଉଦ୍ୟାନ ବିଭାଗ କର୍ମଚାରୀ ମିଳିତଭାବେ କ୍ଷୟକ୍ଷତି ଆକଳନ କରୁଛନ୍ତି  । 

ତିତ୍‌ଲି କ୍ଷତିଗ୍ରସ୍ତ ଅଞ୍ଚଳବାସୀଙ୍କୁ  ସହାୟତା, ଆଇଟିଆଇର ହେଲ୍‌ପିଙ୍ଗ ହ୍ୟାଣ୍ଡ କାର୍ଯ୍ୟକ୍ରମ

ତିତ୍‌ଲି କ୍ଷତିଗ୍ରସ୍ତ ଅଞ୍ଚଳବାସୀଙ୍କୁ ସହାୟତା, ଆଇଟିଆଇର ହେଲ୍‌ପିଙ୍ଗ ହ୍ୟାଣ୍ଡ କାର୍ଯ୍ୟକ୍ରମ

ବ୍ରହ୍ମପୁର ଅଫିସ, ୧୯ା୧୦-ତିତ୍‌ଲି ବାତ୍ୟା ଓ ଏହାର ପରବର୍ତ୍ତୀ ବନ୍ୟାରେ କ୍ଷତିଗ୍ରସ୍ତ ହୋଇଥିବା ଅଞ୍ଚଳବାସୀଙ୍କୁ ସହାୟତା କରିବା ପାଇଁ ରାଜ୍ୟ ବୈଷୟିକ ଶିକ୍ଷା ଓ ତାଲିମ ନିର୍ଦ୍ଦେଶାଳୟ ପକ୍ଷରୁ ଶୁକ୍ରବାର ହେଲ୍‌ପ୍‌ ହ୍ୟାଣ୍ଡ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।  ରାଜ୍ୟର ୧୭ ଆଇଟିଆଇର ଛାତ୍ର ଓ ଶିକ୍ଷକଙ୍କୁ ନେଇ ଏକ ୫୦ ଜଣିଆ ଟିମ୍‌ ଶୁକ୍ରବାର ଗଜପତି ଅଭିମୁଖେ ଯାତ୍ରା ଆରମ୍ଭ କରିଛନ୍ତି । 

ରାଇକିଆରେ ବିଜୟା ଦଶମୀ, ଶ୍ରଦ୍ଧାଳୁଙ୍କ ଭିଡ

ରାଇକିଆରେ ବିଜୟା ଦଶମୀ, ଶ୍ରଦ୍ଧାଳୁଙ୍କ ଭିଡ

ରାଇକିଆ, ୧୯ା୧୦(ଡି.ଏନ.ଏ.)-କନ୍ଧମାଳ ଜିଲା ରାଇକିଆ ଅଞ୍ଚଳରେ ବିଜୟା ଦଶମୀ ମହା ସମାରୋହରେ ପାଳନ କରାଯାଉଛି ।  ରାଇକିଆରେ ହୋଇଥିବା ମା’ଙ୍କ ମୃଣ୍ମୟ ମୂର୍ତ୍ତି ଦେଖିବାକୁ ଶ୍ରଦ୍ଧାଳୁଙ୍କ ଭିଡ ଦେଖିବାକୁ ମିଳିଛି ।  ଶନିବାର ମା’ଙ୍କ ବିସର୍ଜନ ଅନୁଷ୍ଠିତ ହେବ ବୋଲି ଜଣାପଡିଛି । 

ବ୍ରହ୍ମପୁର ରେଳ ଷ୍ଟେଶନ୍‌ରେ ଅଭାବନୀୟ ଘଟଣା: ବ୍ଲେଡରେ ବେକ କାଟିଲେ ବୃଦ୍ଧ

ବ୍ରହ୍ମପୁର ରେଳ ଷ୍ଟେଶନ୍‌ରେ ଅଭାବନୀୟ ଘଟଣା: ବ୍ଲେଡରେ ବେକ କାଟିଲେ ବୃଦ୍ଧ

ବ୍ରହ୍ମପୁର ଅଫିସ,୧୯ା୧୦-ବ୍ରହ୍ମପୁର ରେଳ ଷ୍ଟେଶନ୍‌ରେ ଶୁକ୍ରବାର ସକାଳେ ଏକ ଅଭାବନୀୟ ଘଟଣା ଘଟିଛି । ଜଣେ ବୃଦ୍ଧା ଏକ ବ୍ଲେଡ୍‌ରେ ନିଜ ବେକକୁ କାଟି ଦେଇଥିଲେ । ଗୁରୁତର ଅବସ୍ଥାରେ ତାଙ୍କୁ ବ୍ରହ୍ମପୁର ବଡ଼ ମେଡ଼ିକାଲରେ ଭର୍ତ୍ତି କରାଯାଇଛି। ମିଳିଥିବା ସୂଚନା ଅନୁଯାୟୀ, ଆସିକା ବ୍ଲକ ସିଦ୍ଧନଇ ପଞ୍ଚାୟତ ମହାରାଜା ଗ୍ରାମର ଟୁଙ୍ଗୁରୁ ବେହେରା ସୁରତ୍‌ରେ କାମ କରୁଛନ୍ତି । 

ଦଶହରାରେ ଦାରିଙ୍ଗବାଡ଼ି ଉତ୍ସବ ମୁଖର, ମା’ ପାଟଖଣ୍ଡାଙ୍କ ପୀଠରେ ଶ୍ରଦ୍ଧାଳୁଙ୍କ ଭିଡ଼

ଦଶହରାରେ ଦାରିଙ୍ଗବାଡ଼ି ଉତ୍ସବ ମୁଖର, ମା’ ପାଟଖଣ୍ଡାଙ୍କ ପୀଠରେ ଶ୍ରଦ୍ଧାଳୁଙ୍କ ଭିଡ଼

ଦାରିଙ୍ଗବାଡ଼ି,୧୯।୧୦(ଡି.ଏନ.ଏ.)- କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଳକ ଅଞ୍ଚଳରେ ଶୁକ୍ରବାର  ଦଶହରା ପର୍ବ ବା ବିଜୟା ଦଶମୀ ବଡ଼ ଧୁମ୍‌ଧାମ୍‌ରେ ପାଳିତ ହୋଇଯାଇଛି। ଉକ୍ତ ବ୍ଳକର ଦାରିଙ୍ଗବାଡ଼ି ସମେତ ସିମନବାଡ଼ିଠାରେ ମା’ ଦୁର୍ଗାଙ୍କ ମୃଣ୍ମୟୀ ମୁର୍ତ୍ତି ସ୍ଥାପନ କରାଯାଇ ପୁଜାର୍ଚ୍ଚନା କରାଯାଉଛି। ଦଶମୀ ଦର୍ଶନ ପାଇଁ ଶ୍ରଦ୍ଧାଳୁ ମାନେ ଭିଡ଼ ଜମାଇଥିଲେ ।

ହଳଦିଆପଦରଠାରେ ମାଲ୍‌ବାହୀ ଟ୍ରେନ୍‌ ଲାଇନଚ୍ୟୁତ

ହଳଦିଆପଦରଠାରେ ମାଲ୍‌ବାହୀ ଟ୍ରେନ୍‌ ଲାଇନଚ୍ୟୁତ

ବ୍ରହ୍ମପୁର ଅଫିସ,୧୯।୧୦: ବ୍ରହ୍ମପୁର ଷ୍ଟେଶନ ନିକଟ ହଳଦିଆପଦର ପାଖରେ ଗୁରୁବାର ବିଳମ୍ବିତ ରାତିରେ ଏକ ମାଲ୍‌ବାହୀ ଟ୍ରେନ ଲାଇନ୍‌ଚ୍ୟୁତ ହୋଇଯାଇଛି । ଫଳରେ ବ୍ରହ୍ମପୁର ଠାରୁ ବିଶାଖାପାଟଣା ମଧ୍ୟରେ ଟ୍ର୍ରେନ ଚଳାଚଳ ପ୍ରଭାବିତ ହୋଇଛି। 

୨ ଗୋଷ୍ଠୀ ମୁହାଁମୁହିଁ, ୨ ଆହତ

୨ ଗୋଷ୍ଠୀ ମୁହାଁମୁହିଁ, ୨ ଆହତ

ଭଞ୍ଜନଗର,୧୯।୧୦(ଡି.ଏନ୍‌.ଏ.): ଭଞ୍ଜନଗର ଅଗ୍ନିଶମ କେନ୍ଦ୍ର ନିକଟରେ ଗୁରୁବାର ରାତିରେ କୌଣସି କାରଣକୁ ନେଇ ଗୋଟିଏ ଗୋଷ୍ଠୀର ଯୁବକମାନେ ଜଣେ ଯୁବକଙ୍କୁ ଆକ୍ରମଣ  କରିଥିଲେ।