Dharitri News
ସମ୍ବଲପୁର

ଯୁବ ରାଷ୍ଟ୍ରୀୟ ମଜଦୁର କଂଗ୍ରେସର ବିକ୍ଷୋଭ: ଧାନର ସହାୟକ ମୂଲ୍ୟ ୩ ହଜାର ଟଙ୍କା ଦାବି

ଯୁବ ରାଷ୍ଟ୍ରୀୟ ମଜଦୁର କଂଗ୍ରେସର ବିକ୍ଷୋଭ: ଧାନର ସହାୟକ ମୂଲ୍ୟ ୩ ହଜାର ଟଙ୍କା ଦାବି ସମ୍ବଲପୁର, ୨୧। ୧୨ (ବ୍ୟୁରୋ)- ଓଡିଶା ଶିଳ୍ପ ମାନଚିତ୍ରରେ ସମ୍ବଲପୁର ଜିଲା ଏକ ସ୍ବତନ୍ତ୍ର ସ୍ଥାନ ବହନ କରିଛି। ଖଣିଜ ସମ୍ପଦରେ ଭରା ଏହି ଜିଲା ସବୁ କ୍ଷେତ୍ରରେ ଅବହେଳିତ ହୋଇଛି। ଜିଲାରେ ଶ୍ରମଶକ୍ତି ବିନିଯୋଗ କ୍ଷେତ୍ରରେ ଅବ୍ୟବସ୍ଥା ଓ ମନମୁଖି କାର୍ଯ୍ୟ ଚାଲିଛି। ତେଣୁ ବିସ୍ଥାପିତ ପରିବାରର ଯୁବତୀ ଯୁବକ ନିଯୁକ୍ତି ପାଇବାରୁ ବଞ୍ଚତ୍ତ ହେଉଛନ୍ତି। ଧାନର ସହାୟକ ମୂଲ୍ୟ ୩ ହଜାର ଟଙ୍କା, ସ୍ଥାନୀୟ ନିଯୁକ୍ତି ସହ ୧୧ଦଫା ଦାବିରେ ଯୁବ ରାଷ୍ଟ୍ରୀୟ ମଜଦୁର କଂଗ୍ରେସ ସମ୍ବଲପୁର ଜିଲା ଶାଖା ପକ୍ଷରୁ ଗୁରୁବାର ସମ୍ବଲପୁର ଜିଲାପାଳ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ଜିଲାର କାର୍ଯ୍ୟରତ ଶ୍ରମିକମାନଙ୍କୁ କେନ୍ଦ୍ର ଓ ରାଜ୍ୟ ସରକାରଙ୍କ ଧାର୍ଯ୍ୟ ସର୍ବନିମ୍ନ ମଜୁରି ପ୍ରଦାନ, ଅସଙ୍ଗଠିତ ଶିଳ୍ପ ଶ୍ରମିକ ସମେତ ଜିଲାର ସମସ୍ତ ଶ୍ରମଜୀବୀଙ୍କ ତୁରନ୍ତ ଇପିଏଫ ଓ ଇଏସଆଇ ପଞ୍ଜିକୃତ କରିବା, ବିଭିନ୍ନ କଳକାରଖାନା ଓ ନିର୍ମାଣଧିନ କାର୍ଯ୍ୟରେ ନିୟୋଜିତ ଶ୍ରମିକମାନଙ୍କୁ ସରଞ୍ଜାମ ପ୍ରଦାନ, କୃଷି ଶ୍ରମିକଙ୍କ ମଙ୍ଗଳ ବୋର୍ଡ ଗଠନ, ଠିକାଦାର ଓ ଆଉଟ୍‌ ସୋର୍ସିଂ ବ୍ୟବସ୍ଥାକୁ ସମ୍ପର୍ଣ୍ଣ ବନ୍ଦ କରିବା ଏବଂ ନିୟମିତ କର୍ମଚାରୀଙ୍କ ଭଲି ଠିକା ଶ୍ରମିକମାନଙ୍କୁ ମଜୁରି ପ୍ରଦାନ କରିବା, ଶ୍ରମିକମାନଙ୍କ ସର୍ବନିମ୍ନ ମାସିକ ମଜୁରି ୧୮ହଜାର ଟଙ୍କା ଧାର୍ଯ୍ୟ କରିବା ଦାବିରେ ବିକ୍ଷୋଭକାରୀମାନେ ସ୍ଲୋଗାନ ଦେଇଥିଲେ। ଏଥିସହ ପ୍ରତ୍ୟେକ ଚାଷୀ ପରିବାରକୁ ମାସିକ ସର୍ବନିମ୍ନ ୧୦ହଜାର ଟଙ୍କାର ରୋଜଗାର ବନ୍ଦୋବସ୍ତ କରିବା ଏବଂ ଚାଷୀଙ୍କ ଧାନର ସହାୟକ ମୂଲ୍ୟ ୩ହଜାର ଟଙ୍କାକୁ ବୃଦ୍ଧି କରି କୃଷି ଶ୍ରମିକ ଓ ଅସଙ୍ଗଠିତ ଶ୍ରମିକମାନଙ୍କ ସାମାଜିକ ସୁରକ୍ଷା ବ୍ୟବସ୍ଥା କରିବାକୁ ଦାବି କରାଯାଇଛି। ଯୁବ ରାଷ୍ଟ୍ରୀୟ ମଜଦୁର କଂଗ୍ରେସ ସମ୍ବଲପୁର ଶାଖା ସଭାପତି ବବିତା ବଡପଣ୍ଡାଙ୍କ ପରିଚାଳନାରେ କାର୍ଯ୍ୟକ୍ରମ ହୋଇଥିଲା। ଏଥିରେ ରାଜ୍ୟ ସଭାପତି ସତ୍ୟବ୍ରତ ନାୟକ, ରାଜ୍ୟ କୋଷାଧ୍ୟକ୍ଷ କୃଷ୍ଣଚନ୍ଦ୍ର ସାହୁ, ମୁଖପାତ୍ର କୈଳାସ ଚନ୍ଦ୍ର ସାହୁ, ସାଧାରଣ ସମ୍ପାଦକ ସନ୍ଦିପ ଦେହୁରୀ, ରାଜେଶ ଖୁରା, ମଧୁମିତା ନାୟକ, ନଜଦ୍‌ ବେଗମ୍‌ ଯୋଗଦେଇଥିଲେ। ଅଇଁଠାପାଲି ବିର୍ସା ଛକଠାରେ ସ୍ବାଧୀନତା ସଂଗ୍ରାମୀ ବିର୍ସା ମୁଣ୍ଡାଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇଥିଲା। ଏହା ପରେ ରାଲି ସହର ପରିକ୍ରମା କରିଥିଲା। ମୁଦିପଡାଛକ ସ୍ଥିତ ଡା. ଭୀମରାଓଜୀ ଆମ୍ବେଦକର, ଜିଲା ସ୍କୁଲ ଛକସ୍ଥିତ ଡ. ଏପିଜେ ଅବଦୁଲ କଲାମ, ଜେଲ ଛକ ସ୍ଥିତ ବୀରସୁରେନ୍ଦ୍ର ସାଏଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇଥିଲା। ରାଲିକୁ ସହରର ବିଭିନ୍ନ ଛକଠାରେ ସ୍ବାଗତ କରାଯାଇଥିଲା। ଏହା ପରେ ଜିଲାପାଳ କାର୍ଯ୍ୟାଳୟଠାରେ ଆନ୍ଦୋଳନକାରୀମାନେ ପହଞ୍ଚତ୍ଥିଲେ। ରାଜ୍ୟପାଳଙ୍କ ଉଦ୍ଦେଶ୍ୟରେ ଅତିରିକ୍ତ ଜିଲାପାଳ ତ୍ରିଲୋଚନ ମାଝିଙ୍କୁ ଦାବିପତ୍ର ପ୍ରଦାନ କରାଯାଇଥିଲା। ଏହା ପରେ ଓଡିଶା ସାଂସ୍କୃତିକ ସମାଜ ଭବନଠାରେ କାର୍ଯ୍ୟକାରିଣୀ ବୈଠକ ହୋଇଥିଲା। ଏଥିରେ ଶ୍ରମିକ, କୃଷକ, ଛାତ୍ରଙ୍କ ବିବିଧ ସମସ୍ୟା ଉପରେ ଆଲୋଚନା କରାଯାଇଥିଲା। ଏହି ଅବସରରେ ପିସିସି ରାଜ୍ୟ ସମ୍ପାଦକ ଜୟଶଙ୍କର ମିଶ୍ରଙ୍କୁ ସମ୍ବର୍ଦ୍ଧନା ଦିଆଯାଇଥିଲା।

ସମ୍ବଲପୁର

ବାଇକ୍‌ ସହ କକା, ପୁତୁରାଙ୍କ ମୃତଦେହ କୂଅରୁ ଉଦ୍ଧାର

ନୂଆଗଁ।,୧୯।୧(ଡି.ଏନ.ଏ.)- ସୁନ୍ଦରଗଡ଼ ଜିଲା ନୂଆଗଁ। ବ୍ଲକ୍‌ ହାତିବାରୀ ଥାନା ଅନ୍ତର୍ଗତ କୁନ୍ଦୁରୁଗୁଟୁ ଗାଁ ନିକଟ ରାସ୍ତାକଡ଼ ଜମି ମଧ୍ୟରେ ଥିବା ଏକ ଖୋଲା କୂଅରୁ ଶୁକ୍ରବାର ପୋଲିସ ଗ୍ରାମବାସୀଙ୍କ ସହାୟତାରେ ୨ ମୃତଦେହ ସହ ଏକ ବାଇକ୍‌ (ନଂ. ଓଆର୍‌ ୧୪କ୍ୟୁ ୨୩୮୪)କୁ ଉଦ୍ଧାର କରିଛି। ମୃତକଦ୍ୱୟ ସେହି ଗ୍ରାମର ସୁଖୁ ଲାକଡ଼ା (୪୫) ଓ ତାଙ୍କ ପୁତୁରା ବୁଧେଶ୍ୱର ଲାକଡ଼ା (୪୦) ବୋଲି ଗ୍ରାମବାସୀ ଚିହ୍ନଟ କରିଛନ୍ତି। ସେମାନଙ୍କ ମୁଣ୍ଡରେ ଗଭୀର କ୍ଷତଚିହ୍ନ ରହିଛି। କୂଅ ମଧ୍ୟରେ ଥିବା ପଥରରେ ପିଟି ହୋଇ ଉଭୟଙ୍କ ମୃତ୍ୟୁ ଘଟିଥିବା କୁହାଯାଉଛି।

ଇଚ୍ଛାଶକ୍ତି ପାଖରେ ହାର ମାନିଛି ବୟସ, ମାନବବାଦର ବାର୍ତ୍ତା ନେଇ ମହାରାଷ୍ଟ୍ରରୁ ପଦଯାତ୍ରା

ଇଚ୍ଛାଶକ୍ତି ପାଖରେ ହାର ମାନିଛି ବୟସ, ମାନବବାଦର ବାର୍ତ୍ତା ନେଇ ମହାରାଷ୍ଟ୍ରରୁ ପଦଯାତ୍ରା

ଖପ୍ରାଖୋଲ,୧୯।୧(ଡି.ଏନ୍‌.ଏ.)- ସାମ୍ପ୍ରତିକ ସମାଜରେ ହିଂସା, ଅହଂକାର, ଅସହିଷ୍ଣୁତା ଆଦି ଦେଖାଦେଉଥିବାବେଳେ ଲୋପ ପାଉଛି ମାନବିକତା। ହେଲେ ଏହି ମାନବବାଦର ବାର୍ତ୍ତା ନେଇ ୫ଜଣ ସାଙ୍ଗ ସୁଦୂର ମହାରାଷ୍ଟ୍ରର ଶିରିଡ଼ିଠାରୁ ପଦଯାତ୍ରାରେ ବାହାରି ଶ୍ରୀକ୍ଷେତ୍ରଧାମ ପୁରୀରେ ପହଞ୍ଚିବାକୁ ଆଶା ରଖିଛନ୍ତି। ୪ ବର୍ଷ ହେଲା ଏହି ୫ଜଣ ଏଭଳି ପଦଯାତ୍ରାରେ ଶହଶହ କି.ମି. ଚାଲି ଚାଲି ବିଭିନ୍ନ ସ୍ଥାନକୁ ଯାଇଥାନ୍ତି ବୋଲି

ଶିକ୍ଷକ୍‌ ଗିଲ୍‌ଲେ ୯୫ ପିଲାକର ମଧ୍ୟାହ୍ନ ଭୋଜନ୍‌, ୧୬ ଦିନ ହେଲା ହେଲା କାର୍‌ଯାନୁଷ୍‌ଠାନ୍‌ ନାଇଁ

ଶିକ୍ଷକ୍‌ ଗିଲ୍‌ଲେ ୯୫ ପିଲାକର ମଧ୍ୟାହ୍ନ ଭୋଜନ୍‌, ୧୬ ଦିନ ହେଲା ହେଲା କାର୍‌ଯାନୁଷ୍‌ଠାନ୍‌ ନାଇଁ

ବାମରା,୧୯।୧(ସ୍ବ.ପ୍ର.)-ସମ୍ବଲପୁର ଜିଲା ବାମରା ବ୍ଲକ୍‌ ଲରିଆପାଲି ପନ୍‌ଚେତ ଆର୍‌ ଗୋବିନ୍ଦପୁର ପନ୍‌ଚେତରେ ମଧ୍ୟାହ୍ନ ଭୋଜନ୍‌ରେ ଠକେଇ ହେଇଛେ। ୯୫ ପିଲାକର ଖାଦ୍ୟକେ ଶିକ୍ଷକ୍‌ ଖାଇ ଯାଇଛନ୍‌। ଜାନୁୟାରୀ ୨ ତାରିଖ ପୁଷ୍‌ପୁନି ଦିନ ବହୁତ୍‌ପିଲା ଇସ୍‌କୁଲକେ ନାଇଁ ଆସି। ହେଲେ ହାଜ୍‌ରା ଖାତାରେ ସବୁ ପିଲା ଆସିଥିବାର ଦେଖାଯାଇଛେ। ଆର୍‌ ଇ ବାବଦ୍‌ ସବୁ ଟଁକା ଶିକ୍ଷକ୍‌କଁର ମୁନାକେ ଯାଇଛେ।

ବିଡିଓଙ୍କ ଘରେ ଭିଜିଲାନ୍ସ ଚଢ଼ାଉ

ବିଡିଓଙ୍କ ଘରେ ଭିଜିଲାନ୍ସ ଚଢ଼ାଉ

ରାଉରକେଲା ଅଫିସ,୧୯।୧- ସୁନ୍ଦରଗଡ଼ ଜିଲା ଲାଠିକଟା ବିଡିଓ, ସହକାରୀ ଯନ୍ତ୍ରୀ ଓ ସହକାରୀ ନିର୍ବାହୀ ଯନ୍ତ୍ରୀଙ୍କ ଘର ଓ ଲାଠିକଟା ବ୍ଲକ କାର୍ଯ୍ୟାଳୟରେ କଟକ ଭିଜିଲାନ୍ସ ସେଲ୍‌ ପକ୍ଷରୁ ଶୁକ୍ରବାର ସକାଳେ ଚଢ଼ାଉ କରାଯାଇଛି। ୨୦୧୫ରେ ଏକ ରାସ୍ତା କାମରେ ହୋଇଥିବା ଦୁର୍ନୀତି ଅଭିଯୋଗରେ ଭିଜିଲାନ୍ସ ପକ୍ଷରୁ ଏହି ଚଢ଼ାଉ କରାଯାଇଛି। ଭିଜିଲାନ୍ସ ସୂଚନା ଅନୁଯାୟୀ ୨୦୧୫ରେ ଏକ ରାସ୍ତା ନିର୍ମାଣ କରା ନ

ପର୍ଶୁରାମକର ଚିକିତ୍ସା ଲାଗି ଟଁକା ବାଧକ୍‌, ଗୁଲ୍‌ଗୁଲା ହେଉଛନ ପରିବାର

ପର୍ଶୁରାମକର ଚିକିତ୍ସା ଲାଗି ଟଁକା ବାଧକ୍‌, ଗୁଲ୍‌ଗୁଲା ହେଉଛନ ପରିବାର

ଜୁନାଗଡ଼,୧୯।୧(ଡି.ଏନ୍‌.ଏ/ସ୍ବ.ପ୍ର.)-କଳାହାଣ୍ଡି ଜିଲା ଜୁନାଗଡ଼ ବ୍ଲକ୍‌ ବଳଦିଆମାଲ ଗାଁର ପର୍ଶୁରାମ କର (୪୬) ଗଲା ବଛ୍‌ରେ ହେଲା ଜଂଘ୍‌ ଉପର ହାଡ଼ ଭାଂଗି ଯିବାରଲାଗି ଠିକ୍‌ରେ ଚଲାବୁଲା ନାଇଁ କରିପାର୍‌ବାର। ସବୁବେଲେ ଖଟ୍‌କେ ଆଶ୍‌ରେ କରି ପଡ଼ି ରହିଛନ। ବଡ଼ା କଷ୍‌ଟେ ଆଶାବାଡ଼ି ଧରି ଘରୁ ଡାଁଡ୍‌କେ କି ଡାଁଡୁ ଘର୍‌କେ ଯାଇପାରୁଛନ୍‌। ଏନ୍‌ତା ଅବସ୍‌ତାରେ ତାଁକର ଗୋଡ଼୍‌ ଅସ୍‌ତର୍‌ପଚାର କରବାର

ମରଣାନ୍ତକ ଆକ୍ରମଣ ଦୁଇ ଭାଇ ଆହତ

ମରଣାନ୍ତକ ଆକ୍ରମଣ ଦୁଇ ଭାଇ ଆହତ

ବଲାଙ୍ଗୀର ଅଫିସ,୧୮।୧- ବଲାଙ୍ଗୀର ସହରର ମୁଖ୍ୟ ବଜାରଠାରେ ବୁଧବାର ରାତିରେ ୨୦ରୁ ୨୫ ଜଣ ଯୁବକ ଖଣ୍ଡା, ମାରଣାସ୍ତ୍ର ଧରି ଦୁଇ ବ୍ୟବସାୟୀ ଭାଇଙ୍କୁ ସଂଘବଦ୍ଧ ଆକ୍ରମଣ କରିଥିଲେ। ଉକ୍ତ ଘଟଣା ସହରରେ ଆତଙ୍କ ଖେଳାଇ ଦେଇଥିଲା।

ସନ୍ଦେହରେ ପକ୍ଷୀ ଗଣନା ରିପୋର୍ଟ

ସମ୍ବଲପୁର, ୧୮ ।୧ (ବ୍ୟୁରୋ) ହୀରାକୁଦ ଡ୍ୟାମ୍‌ରେ ୨୦୧୮ ମସିହା ପାଇଁ ମଙ୍ଗଳବାର ବିଦେଶୀ ପକ୍ଷୀ ଗଣନା କରାଯାଇଛି। ଏହାର ରିପୋର୍ଟ ବୁଧବାର ପ୍ରକାଶ ପାଇଛି । ହୀରାକୁଦ ବନ୍ୟପ୍ରାଣୀ ଡିଏଫଓ ଅଫିସ ପକ୍ଷରୁ ଏହି ରିପୋର୍ଟ ପ୍ରକାଶ ପାଇଛି। ଏଥର ଡ୍ୟାମ୍‌କୁ ୮୨ ପ୍ରଜାତିର ୧ ଲକ୍ଷ ୩୨ ହଜାର ୮୩୫ ବିଦେଶୀ ପକ୍ଷୀଙ୍କ ଆଗମନ ହୋଇଥିବା ଏହି ରିପୋର୍ଟରେ ସୂଚନା ରହିଛି ।

ଜୋତା ପଲିସ୍‌ କଲେ ୧୦୮ ଆମ୍ବୁଲାନ୍ସ କର୍ମଚାରୀ

ଜୋତା ପଲିସ୍‌ କଲେ ୧୦୮ ଆମ୍ବୁଲାନ୍ସ କର୍ମଚାରୀ

ସମ୍ବଲପୁର,୧୭। ୧ (ବ୍ୟୁରୋ) ସମ୍ବଲପୁରରେ ୧୦୮ ଆମ୍ବୁଲାନ୍ସ କର୍ମଚାରୀ ବିଭିନ୍ନ ଉପାୟରେ ଆନ୍ଦୋଳନ ଚଳାଇଛନ୍ତି। ପ୍ରଥମେ ସମଲେଇ ମନ୍ଦିରରେ ଭିକ ମାଗିବା ପରେ ମୁହଁରେ କଳା କନା ଦେଇ ପ୍ରତିବାଦ ଜଣାଇଥିଲେ।

କଦର୍ଯ୍ୟ ରାସ୍ତା ନେଲା ଅବସରପ୍ରାପ୍ତ ଶିକ୍ଷକଙ୍କ ଜୀବନ

କଦର୍ଯ୍ୟ ରାସ୍ତା ନେଲା ଅବସରପ୍ରାପ୍ତ ଶିକ୍ଷକଙ୍କ ଜୀବନ

ଜମନକିରା, ୧୭।୧ (ଡି.ଏନ୍‌.ଏ.)-ସମ୍ବଲପୁର ଜିଲା ଜମନକିରା ଥାନା ଟିକିଲିପଡ଼ା ନିକଟରେ ଦୁର୍ଘଟଣା ଘଟିଛି। ଏଥିରେ ଜଣେ ଅବସରପ୍ରାପ୍ତ ଶିକ୍ଷକଙ୍କ ମୃତ୍ୟୁ ଘଟିଛି। ସେ ହେଲେ ଅନିରୁଦ୍ଧ ନାଏକ (୬୬)। ତେବେ କଦର୍ଯ୍ୟ ରାସ୍ତା ଯୋଗୁ ସେ ଭାରସାମ୍ୟ ହରାଇ ରାସ୍ତା ତଳକୁ ଗାଡି ସହ ଓଲଟି ପଡିଥିଲେ। ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା। ପୋଲିସର ସୂଚନା ଅନୁସାରେ, ସେ ଜମନକିରା ଅଞ୍ଚଳର ଗଣ୍ଡ ସମାଜର ସଭାପତି ଥିଲେ। ଏକ ସାମାଜିକ ସଭା ସାରି ପାଟବନ୍ଧା ଗଁ।ରୁ ନିଜ ମୋପେଡରେ ଫେରଥିଲେ।

ଦେବଗଡ ମସଜିଦ୍‌ ବନ୍ଦ ହେବା ଘଟଣା: ମିଳାମିଶା ପାଇଁ ୧୫ ଦିନ ସମୟ

ଦେବଗଡ ମସଜିଦ୍‌ ବନ୍ଦ ହେବା ଘଟଣା: ମିଳାମିଶା ପାଇଁ ୧୫ ଦିନ ସମୟ

ଦେବଗଡ,୧୭।୧ (ସ୍ବ.ପ୍ର)-ଦୀର୍ଘ ୯ ବର୍ଷରୁ ଊର୍ଦ୍ଧ୍ୱ ହେଲା ଦେବଗଡସ୍ଥିତ ଏକମାତ୍ର ମସଜିଦ୍‌ରେ ୱାହାବୀ ଏବଂ ସୁନ୍ନୀ ବରେଲି ଗୋଷ୍ଠୀର ମୁସଲମାନ୍‌ମାନଙ୍କ ମଧ୍ୟରେ ନମାଜ୍‌ ପାଠ ଓ ନୁତନ ମୌଲବୀ ମନୋନୟନ ଇସହ ମସଜିଦ୍‌ ପରିଚାଳନା କମିଟି ନିର୍ବାଚନ ପାଇଁ ବିବାଦ ଜାରି ରହଛି । ଓଡିଶା ହାଇକୋର୍ଟଙ୍କ ନିର୍ଦ୍ଦେଶ କ୍ରମେ ଏହାର ଏକ ନିଷ୍କର୍ଷ ସମାଧାନ ପାଇଁ ଦୁଇ ଗୋଷ୍ଠୀଙ୍କୁ ମିଶାଇବାପାଇଁ ଦ୍ୱିତୀୟ ବାର ମଙ୍ଗଳବାର ସ୍ଥାନୀୟ ଇଣ୍ଡୋର ଷ୍ଟାଡିୟମ ଭିତରେ ଏକ ବୈଠକ ବସିଥିଲା । ଏହି ପରିପ୍ରେକ୍ଷୀରେ ଓଡିଶା ହାଇକୋର୍ଟଙ୍କ ନିର୍ଦ୍ଦେଶ କ୍ରମେ ଓଡିଶା ୱାକଫ୍‌ ବୋର୍ଡ୍‌ର ପ୍ରତିନିଧି ଭାବେ ଆସିଥିବା ଶେଖ୍‌ ସଲାଉଦ୍ଦିନ୍‌ ,ସୟେଦ୍‌ ଅସଦକ ଅଲ୍ଲୀ ଏବଂ ଦେବଗଡର ଏସଡିପିଓ ସୁଲେମାନ ଏକ୍କାଙ୍କ ଉପସ୍ଥିତିରେ ଦୁଇ ଗୋଷ୍ଠୀର ସଦସ୍ୟମାନଙ୍କ ସହ ଏ ସମ୍ପର୍କରେ ଆଲୋଚନା କରିଥିଲେ ।

କଷ୍ଟମ ଚାଉଳ ସଂଗ୍ରହ ମନ୍ଥର

କଷ୍ଟମ ଚାଉଳ ସଂଗ୍ରହ ମନ୍ଥର

ବରଗଡ଼ ଅଫିସ୍‌,୧୭। ୧ ବରଗଡ଼ ଜିଲାରେ ମିଲର୍ସଙ୍କଠାରୁ କଷ୍ଟମ ଚାଉଳ ସଂଗ୍ରହରେ ମନ୍ଥରତା ଦେଖାଦେଇଛି। ଯୋଗାଣ ନିଗମଠାରେ ଏହି ଚାଉଲ ଜମା ଦେବାର ଅବଧି ଆଉ ମାତ୍ର ସାଢ଼େ ୩ମାସ ବାକି ରହିଛି। ମାତ୍ର ଏପର୍ଯ୍ୟନ୍ତ ମିଲର୍ସମାନଙ୍କଠାରୁ ୫୦ ପ୍ରତିଶତ ଚାଉଳ ଅସୁଲ କରାଯାଇ ପାରିନାହିଁ । ଏହା ରାଜ୍ୟ ଯୋଗାଣ ନିଗମର ଦୃଷ୍ଟିକୁ ଆସିବା ପରେ ଏ ନେଇ ତ୍ୱରିତ ପଦକ୍ଷେପ ନେବା ପାଇଁ ମଙ୍ଗଳବାର ରାଜ୍ୟ ଯୋଗାଣ ନିଗମର ଜେନେରାଲ ମ୍ୟାନେଜର ପ୍ରଦୀପ କୁମାର ଗର୍ଡ଼ିଆ ବରଗଡ଼ ଜିଲା ଯୋଗାଣ ଅଧିକାରୀ ଶ୍ରୀକର ମାଝିଙ୍କୁ ନିର୍ଦ୍ଦେଶ ଦେଇଛନ୍ତି ।

ରେଲଓ୍ବେ ବଜେଟ ପାଇଁ ରାଉରକେଲାରୁ ପ୍ରସ୍ତାବ

ରାଉରକେଲା ଅଫିସ,୧୭।୧-ଆସନ୍ତା ଫେବୃୟାରୀରେ କେନ୍ଦ୍ରୀୟ ରେଲଓ୍ବେ ବଜେଟ। ଏ ନେଇ କେନ୍ଦ୍ର ସରକାର ରାଜ୍ୟ ସରକାରମାନଙ୍କୁ ସେମାନଙ୍କ ରାଜ୍ୟରେ ଥିବା ରେଳ ସମସ୍ୟା ଓ ଆବଶ୍ୟକ ସୁବିଧା ସମ୍ପର୍କରେ ତଥ୍ୟ ମାଗି ସାରିଲେଣି। ଏହି ପରିପ୍ରେକ୍ଷୀରେ ରାଉରକେଲାର ରେଳ ବିକାଶ ସମ୍ପର୍କରେ କେତେକ ପ୍ରସ୍ତାବ ରାଜ୍ୟ ସରକାରଙ୍କୁ ରେଳ ଓ ସଡ଼କ ଉପଯୋଗକାରୀ ସଂଘ ପକ୍ଷରୁ ପ୍ରଦାନ କରାଯାଇଛି। ଏଥିରେ ଉଲ୍ଲେଖ ରହିଛି, ଦୀର୍ଘଦିନ ହେବ ରାଉରକେଲାରେ ଏକ ରେଳ ଡିଭିଜନ ପାଇଁ ପ୍ରସ୍ତାବ ରହିଥିଲା। କିନ୍ତୁ ତାହା ଆଜିପର୍ଯ୍ୟନ୍ତ କାର୍ଯ୍ୟକାରୀ ହୋଇ ପାରିନାହିଁ।