ସମ୍ପାଦକୀୟ |

ଗଣିତର କିମ୍ବଦନ୍ତୀ ପୁରୁଷ

ଗଣିତର କିମ୍ବଦନ୍ତୀ ପୁରୁଷ

ଗିରୀଶ ଚନ୍ଦ୍ର ତ୍ରିପାଠୀ
ଧରାପୃଷ୍ଠରେ ଅନେକ ଲୋକ ଜନ୍ମ ଗ୍ରହଣ କରନ୍ତି। କିନ୍ତୁ ସମସ୍ତଙ୍କୁ ଲୋକେ ମନେରଖନ୍ତି ନାହିଁ। ସେହିମାନେ ଆମର ପ୍ରାତଃସ୍ମରଣୀୟ ହୋଇ ରହନ୍ତି, ଯେଉଁମାନେ ନିଜର ବିଶେଷ ପ୍ରତିଭା ଓ ସାଧନା ଦ୍ୱାରା ଜଗତର ଅଶେଷ କଲ୍ୟାଣ ସାଧନ କରିଥାନ୍ତି। ସେହିଭଳି ଜଣେ ଅସାଧାରଣ ବ୍ୟକ୍ତିତ୍ୱ ହେଲେ ପୃଥିବୀ ବିଖ୍ୟାତ ଭାରତୀୟ ଗଣିତଜ୍ଞ ଶ୍ରୀନିବାସ ରାମାନୁଜନ୍‌। ସେ ଜନ୍ମଗ୍ରହଣ କରିଥିଲେ ତାମିଲନାଡୁର ଇରୋଡ ସହରରେ ୧୮୮୭ ମସିହା ଡିସେମ୍ବର ୨୨ ତାରିଖରେ। ତାଙ୍କ ମାତାଙ୍କ ନାମ ଥିଲା କୋମଳତମ୍ମାଲ ଏବଂ ପିତାଙ୍କ ନାମ ଶ୍ରୀନିବାସ ଆୟାଙ୍ଗାର। ତାଙ୍କ ପିତା କୁଚାକୋଣମ୍‌ର ଏକ ପାଟ ବ୍ୟବସାୟୀଙ୍କ ପାଖରେ ମାସିକ ୨୦ ଟଙ୍କା ଦରମାରେ ଗୁମାସ୍ତା କାମ କରୁଥିଲେ। ମା’ ତାଙ୍କର ଏକ ମନ୍ଦିରରେ ଭଜନ ଗାୟିକା ଭାବେ ସ୍ବଳ୍ପ କିଛି ଅର୍ଥ ଉପାର୍ଜନ କରୁଥିଲେ। ତାମିଲନାଡୁର ତାଞ୍ଜିଭୁରୁ ଜିଲାର କୁମ୍ଭକୋଣମ୍‌ ସହରରେ ବିଶ୍ୱପ୍ରସିଦ୍ଧ ଗାଣିତିକ ରାମାନୁଜନ୍‌ଙ୍କ ଶୈଶବ କଟିଥିଲା। ସପ୍ତମ ଶ୍ରେଣୀରେ ତାଙ୍କର ଗାଣିତିକ ପ୍ରତିଭାର ପରିଚୟ ମିଳିଥିଲା। ଗଣିତ ବିଷୟରେ ବିଭିନ୍ନ ଜଟିଳ ପ୍ରଶ୍ନର ସମାଧାନ ପାଇଁ କେବଳ ଛାତ୍ର ନୁହନ୍ତି, ଶିକ୍ଷକମାନେ ମଧ୍ୟ ତାଙ୍କର ସାହାଯ୍ୟ ନେଉଥିଲେ। ଶ୍ରେଣୀଗୃହରେ ଶିକ୍ଷାଦାନ ଚାଲିଥିବା ବେଳର ଏକ ଘଟଣା। ଗଣିତ ଶିକ୍ଷକ ରାମାନୁଜନ୍‌ ପଢୁଥିବା ଶ୍ରେଣୀରେ ଗଣିତ ପଢାଉଥାନ୍ତି। ଶିକ୍ଷକ କୌଣସି ସଂଖ୍ୟାକୁ ସେହି ସଂଖ୍ୟା ଦ୍ୱାରା ଭାଗକଲେ ଭାଗଫଳ ୧ ହେବ, ଏହା ବିଭିନ୍ନ ଉଦାହରଣ ଦେଇ ବୁଝାଉଥାନ୍ତି। ଏହି ସମୟରେ ହଠାତ୍‌ ରାମାନୁଜନ୍‌ ଛିଡା ହୋଇ ଶିକ୍ଷକଙ୍କୁ ପଚାରିଲେ, ”ଗୁରୁଜୀ! ‘୦’କୁ ‘୦’ ଦ୍ୱାରା ଭାଗକଲେ, ଭାଗଫଳ କ’ଣ ୧ ହେବ?“ ଏହି ଘଟଣାରୁ ରାମାନୁଜନ୍‌ଙ୍କର ଗାଣିତିକ ପ୍ରତିଭାର ପରିଚୟ ମିଳିଥିଲା। ବାସ୍ତବିକ କୌଣସି ସଂଖ୍ୟାକୁ ‘୦’ ଦ୍ୱାରା ଭାଗ କରାଯାଇପାରିବ ନାହିଁ। କଲେଜରେ ପଢାଯାଉଥିବା ଗଣିତର ଅନେକ ବିଷୟ ସେ ବିଦ୍ୟାଳୟ ସ୍ତରରେ ହିଁ ଆୟତ୍ତ କରିନେଇଥିଲେ। ପାଇ ଓ ଇ (e) ପରି ଅପରିମେୟ ସଂଖ୍ୟାଗୁଡିକର ମୂଲ୍ୟ ବହୁ ଦଶମିକ ସ୍ଥାନ ପର୍ଯ୍ୟନ୍ତ ସେ କହିପାରୁଥିଲେ। ୧୯୦୪ ମସିହାରେ ରାମାନୁଜନ୍‌ଙ୍କୁ ଗଣିତରେ କେ. ରଙ୍ଗନାଥ ରାଓ ପୁରସ୍କାର ଦେଲାବେଳେ ବିଦ୍ୟାଳୟର ପ୍ରଧାନଶିକ୍ଷକ ମନ୍ତବ୍ୟ ଦେଇଥିଲେ ଯେ ୧୦୦ରୁ ୧୦୦ ନମ୍ବରଦେଇ ରାମାନୁଜନ୍‌ଙ୍କ ପ୍ରତିଭାର ଠିକ୍‌ କଳନା କରିବା ସମ୍ଭବ ନୁହେଁ। ରାମାନୁଜନ୍‌ ସଂଖ୍ୟାଗୁଡିକୁ ନେଇ ଖେଳ ଖେଳିବାକୁ ଭଲ ପାଉଥିଲେ। ପ୍ରତ୍ୟେକଟି ପରିମେୟ ସଂଖ୍ୟା ତାଙ୍କର ବ୍ୟକ୍ତିଗତ ସଂଖ୍ୟା ଥିଲେ। ୧ରୁ ୧୦୦୦୦୦୦୦ ମଧ୍ୟରେ ଥିବା ମୌଳିକ ସଂଖ୍ୟାଗୁଡିକ ତାଙ୍କ ଜିଭ ଅଗରେ ଥିଲା। କେବଳ ଗଣିତ ବିଷୟ ପ୍ରତି ଅତ୍ୟଧିକ ଆଗ୍ରହ ହେତୁ ସେ ୧୯୦୪ରୁ ୧୯୦୯ ମଧ୍ୟରେ ମହାବିଦ୍ୟାଳୟ ପରୀକ୍ଷାରେ ବାରମ୍ବାର ଅକୃତକାର୍ଯ୍ୟ ହୋଇ ଏକ ଡିଗ୍ରୀ ହାସଲ କରିପାରି ନ ଥିଲେ ସତ, କିନ୍ତୁ ତାଙ୍କ ଟିପା ଖାତାରେ ସାଇତା ହୋଇ ରହିଥିବା ଗବେଷଣାଲବ୍ଧ ଗାଣିତିକ ତଥ୍ୟ ତାଙ୍କ ମୃତ୍ୟୁର ବହୁ ବର୍ଷ ପରେ ପ୍ରାୟୋଗିକ ବିଜ୍ଞାନ କ୍ଷେତ୍ରରେ ବହୁଳ ଭାବେ ବ୍ୟବହୃତ ହେଉଛି। ପୃଥିବୀର ଗଣିତପ୍ରେମୀ ଜନସାଧାରଣଙ୍କ ପାଇଁ ରାମାନୁଜନ୍‌ଙ୍କ ଟିପା ଖାତା ହେଉଛି ଏକ ଅମୂଲ୍ୟ ସମ୍ପଦ। ରାମାନୁଜନ୍‌ଙ୍କ ଗାଣିତିକ ପ୍ରତିଭାର ବିକାଶରେ ମୁଖ୍ୟ ପୁରୋଧା ଥିଲେ ଇଂଲଣ୍ଡର କେମ୍ବ୍ରିଜ ବିଶ୍ୱବିଦ୍ୟାଳୟର ଗଣିତଜ୍ଞ ଜି.ଏଚ୍‌. ହାର୍ଡି। ଇଂଲଣ୍ଡର ବିଖ୍ୟାତ ଟ୍ରିନିଟି କଲେଜର ଅଧ୍ୟାପକ ନେଭିଲ ଓ ହାର୍ଡିଙ୍କ ଆନ୍ତରିକ ଉଦ୍ୟମ ଫଳରେ ସେ ଗଣିତ ବିଷୟରେ ଅଧିକ ଗବେଷଣା ପାଇଁ ଇଂଲଣ୍ଡ ଯାତ୍ରା କରିଥିଲେ। ଇଂଲଣ୍ଡରେ ତାଙ୍କର ୪ବର୍ଷ ରହଣି ଭିତରେ ପ୍ରାୟ ୨୦ଟି ଅତି ଉଚ୍ଚକୋଟୀର ନିବନ୍ଧ ଭଲ ଭଲ ଜର୍ନାଲରେ ଛପାଇ ପାରିଥିଲେ ଓ ମ୍ୟାଥ୍‌ମେଟିକାଲ ସୋସାଇଟି, କେମ୍ବ୍ରିଜ ଫିଲୋସଫିକାଲ ସୋସାଇଟି, ଟ୍ରିନିଟି ଓ ରୟାଲ ସୋସାଇଟିର ଫେଲୋ ହୋଇଥିଲେ। ସେ ସମୟରେ କୌଣସି ଭାରତୀୟ ଏ ପ୍ରକାର ବିରଳ ସମ୍ମାନର ଅଧିକାରୀ ହୋଇ ନ ଥିଲେ। ଇଂଲଣ୍ଡରେ ଅସୁସ୍ଥ ହୋଇ ଥରେ ଏକ ନର୍ସିଂ ହୋମ୍‌ରେ ଚିକିତ୍ସିତ ହେଉଥିବାବେଳେ ବିଖ୍ୟାତ ଗଣିତଜ୍ଞ ହାର୍ଡି ତାଙ୍କୁ ଦେଖିବାକୁ ଯାଇଥିଲେ। କଥା ପ୍ରସଙ୍ଗରେ ରାମାନୁଜନ୍‌ ତାଙ୍କ ଟ୍ୟାକ୍ସିର ନମ୍ବରଟି ପଚାରିଲେ। ହାର୍ଡି କହିଲେ ୧୭୨୯। ରାମାନୁଜନ୍‌ ତାଙ୍କ ସହିତ ଏକମତ ନ ହୋଇ କହିଲେ ତାହା ଦୁଇଟି ଭିନ୍ନ ପ୍ରକାରର ଦୁଇଟି ସଂଖ୍ୟାର ତୃତୀୟ ଘାତର ଯୋଗଫଳ ହେବାରେ ନିମ୍ନତମ ଗଣନ ସଂଖ୍ୟା। ୧୭୨୯କୁ ରାମାନୁଜନ୍‌ ସଂଖ୍ୟା କୁହାଯାଏ। ହାର୍ଡିଙ୍କର କୌତୂହଳ ମେଣ୍ଟାଇବାକୁ ସେ ବୁଝାଇ ଦେଇଥିଲେ ୧୭୨୯ ହେଉଛି ୯ ଓ ୧୦ର ତୃତୀୟଘାତ କିମ୍ବା ୧୨ ଓ ୧ର ତୃତୀୟ ଘାତଗୁଡିକର ଯୋଗଫଳ। (୧୭୨୯= ୯୩+୧୦୩ ବା ୧୭୨୯ =୧୨୩+୧୩) ଇଂଲଣ୍ଡରେ ତାଙ୍କର ରହଣିର ଶେଷ ଆଡକୁ ସେ ଯକ୍ଷ୍ମାରୋଗରେ ପୀଡିତ ହୋଇ ୧୯୧୯ ମସିହା ମାର୍ଚ୍ଚରେ ଭାରତକୁ ପ୍ରତ୍ୟାବର୍ତ୍ତନ କରିଥିଲେ। ଅସୁସ୍ଥ ଥିବାରୁ ବିଶ୍ରାମ ନେଉଥିଲେ ମଧ୍ୟ ନୂତନ ଗାଣିତିକ ସୂତ୍ର କାଗଜରେ ଲେଖିବା କାମ ବନ୍ଦ କରି ନ ଥିଲେ। ୧୯୨୦ ଏପ୍ରିଲ ୨୦ରେ ଏହି ମହାନ୍‌ ଗଣିତଜ୍ଞଙ୍କର ୩୨ ବର୍ଷ ୪ ମାସ ବୟସରେ ଦେହାନ୍ତ ହୋଇଥିଲା। ତାଙ୍କର ଜନ୍ମଦିନ ଡିସେମ୍ବର ୨୨ ତାରିଖକୁ ଜାତୀୟ ଗଣିତ ଦିବସ ରୂପେ ପ୍ରତିବର୍ଷ ପାଳନ କରାଯାଉଛି। ସ୍ବଳ୍ପ ଜୀବନକାଳ ମଧ୍ୟରେ ଗଣିତ କ୍ଷେତ୍ରରେ ରଖିଥିବା ତାଙ୍କର ଅବଦାନ ଚିରସ୍ମରଣୀୟ ହୋଇ ରହିଥିବ।
(୨୨ା୧୨ ଜାତୀୟ ଗଣିତ ଦିବସ ଉପଲକ୍ଷେ)
ଝାରସୁଗୁଡା, ମୋ-୯୪୩୭୮୦୭୫୯୨

All Right Reserved By

ସମ୍ପାଦକୀୟ |

ଭୋଟ ବିଭାଜନ ହିଁ ନିର୍ଣ୍ଣାୟକ

ଭୋଟ ବିଭାଜନ ହିଁ ନିର୍ଣ୍ଣାୟକ

ସହଦେବ ସାହୁ: ୨୦୧୯ ନିର୍ବାଚନ ବହୁତ ଡେରି ଅଛି, କିନ୍ତୁ ରାଜନୈତିକ ଦଳମାନେ ସଜବାଜ ହେଲେଣି। ଲୋକଙ୍କ ସମସ୍ୟାର ସମାଧାନ ପାଇଁ ଯେତେ ନୁହେଁ, ଦଳର କୁହାଳିଆ ବା ନିର୍ବାଚନ ମଣ୍ଡଳୀରେ ପତିଆରା ଥିବା ଲୋକଙ୍କୁ ଥଇଥାନ କରିବା ଲକ୍ଷ୍ୟ। ନ ହେଲେ ସେହିମାନେ ସୁପ୍ରିମୋ (ଦଳର ମୁଖିଆ) ବାଛିଥିବା ପ୍ରାର୍ଥୀଙ୍କୁ ହରାଇବାର ଚେଷ୍ଟା କରିବେ। ଏହି କାରଣ ନ ଥିଲେ ୨୦୧୫ ଆରମ୍ଭରେ ରାଜ୍ୟର ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ ଆଣିଥିବା ୪୯ ସଦସ୍ୟବିଶିଷ୍ଟ ବିଧାନ ପରିଷଦ (ଲେଜିସ୍ଲେଟିଭ୍‌ କାଉନ୍ସିଲ୍‌) ପ୍ରତିଷ୍ଠା ପ୍ରସ୍ତାବ ୩ ବର୍ଷ ଶୀତଳଭଣ୍ଡାରରେ ପଡ଼ିଲା ପରେ ୨୦୧୮ ଜୁଲାଇରେ କାହିଁକି ସରଗରମ ହୋଇ ଉଠନ୍ତା! ୫ ଜଣିଆ କମିଟିରୁ କଂଗ୍ରେସ ଓ ଭାଜପା ଓହରିଯାଇଛନ୍ତି।...

ପୁରୁଣାରେ ଖୁସି

ପୁରୁଣାରେ ଖୁସି

ନିକଟରେ ବିଶ୍ୱ ବ୍ୟାଙ୍କ ରିପୋର୍ଟ ୨୦୧୭ରେ ପ୍ରକାଶ ପାଇଥିଲା ଯେ ମୋଟ ଘରୋଇ ଉତ୍ପାଦ(ଜିଡିପି) ଦୃଷ୍ଟିକୋଣରୁ ଫ୍ରାନ୍ସକୁ ଅତିକ୍ରମ କରି ଭାରତ ବିଶ୍ୱର ଷଷ୍ଠ ବୃହତ୍‌ ଅର୍ଥନୀତିର ମାନ୍ୟତା ଲାଭ କରିଛି। ଏହା ଶୁଣିବା ପରେ ଅନେକ ଅପରିପକ୍ୱ ଭାରତୀୟ ଆନନ୍ଦିତ ହୋଇଥିବେ। କିନ୍ତୁ ବାସ୍ତବତା ଯେ କେତେ ଭିନ୍ନ, ତାହା ଅର୍ଥନୈତିକ ବ୍ୟବସ୍ଥାରେ ଦେଖାଦେଉଥିବା ଅବ୍ୟବସ୍ଥାରୁ ବୁଝାପଡ଼ୁଛି। ୧୬ ଜୁଲାଇ ୨୦୧୮ରେ ଏହି ସ୍ତମ୍ଭରେ ‘ହିସାବରେ ଅତିକ୍ରମ’ ଶୀର୍ଷକ ଲେଖାରେ ଏ ସଂକ୍ରାନ୍ତରେ ଉଲ୍ଲେଖ କରିଥିଲୁ। ବର୍ତ୍ତମାନର କେନ୍ଦ୍ର ନେତୃତ୍ୱ କହିଚାଲିଛନ୍ତି ଯେ, ଭାରତ ଦ୍ରୁତତମ ଅର୍ଥନୀତି ଭାବେ ଆଗେଇ ଚାଲିଛି।...

ଜାତୀୟ ବେତାର ପ୍ରସାରଣ ଦିବସ ଉପଲକ୍ଷେ: ଜନସେବାରେ ରେଡିଓ

ଜାତୀୟ ବେତାର ପ୍ରସାରଣ ଦିବସ ଉପଲକ୍ଷେ: ଜନସେବାରେ ରେଡିଓ

ଡ. କିଶୋର ମହାନ୍ତି: ଭାରତରେ ରେଡିଓ ପ୍ରସାରଣ ସେବା ସ୍ବାଧୀନତାପ୍ରାପ୍ତିର ବହୁ ପୂର୍ବରୁ ଆରମ୍ଭ ହୋଇଛି। କିନ୍ତୁ ବିଧିବଦ୍ଧ ଭାବେ ୧୯୩୪ ମସିହାରୁ ଏହାର ପ୍ରସାରଣ ସମ୍ଭବ ହୋଇଛି। ୧୯୩୨ ମସିହାରେ ବିବିସି ତରଫରୁ ଭାରତରେ ରହିଥିବା ଇଂରେଜମାନଙ୍କ ପାଇଁ ଏକ ନୂତନ କାର୍ଯ୍ୟକ୍ରମ ଆରମ୍ଭ କରାଗଲା। ୧୯୩୬ ମସିହାରେ ଦିଲ୍ଲୀଠାରେ ଜାନୁୟାରୀ ପହିଲାରେ ପ୍ରତିଷ୍ଠା ହେଲା ବେତାର କେନ୍ଦ୍ର। ୧୯୪୦ ମସିହା ମଧ୍ୟରେ ବ୍ରିଟିଶ ଶାସନାଧୀନ ଭାରତରେ ବେତାର ପ୍ରସାରଣ ପାଇଁ ଅଲ୍‌ ଇଣ୍ଡିଆ ରେଡିଓର ନାମକରଣ ସହିତ ତା’ର ପ୍ରାଶାସନିକ ସ୍ବରୂପ ଠିକଣା ହେଲା। ଓଡିଶାରେ ମଧ୍ୟ ପ୍ରସାରଣ ପାଇଁ ତଦନୁରୂପ ବ୍ୟବସ୍ଥା କରାଗଲା। ଭାରତରେ ବେତାର ପ୍ରସାରଣ ପାଇଁ ଫିଲ୍‌ଡେନଙ୍କ ଭୂମିକା ଖୁବ୍‌ ଗୁରୁତ୍ୱପୂର୍ଣ୍ଣ।...

ଏଇ ଭାରତରେ

ଏଇ ଭାରତରେ

ଇଚ୍ଛା ଥିଲେ ଉପାୟ ଆପେ ଆପେ ଆସେ। ୫୯ବର୍ଷ ବୟସରେ ଜଣେ ଭାଜପା ବିଧାୟକ ବିଏ ପରୀକ୍ଷା ଦେଉଛନ୍ତି। ଫୁଲ୍‌ ସିଂ ମିନା ୨୦୧୭ରେ ଗ୍ରାଜୁଏଶନ୍‌ (ସ୍ନାତକ) କୋର୍ସରେ ନାମ ଲେଖାଇଛନ୍ତି। କାରଣ ତାଙ୍କ ବାପା ମରିଯିବା ପରେ ସେ ଅଧାରୁ ପାଠପଢ଼ା ଛାଡି ଦେଇଥିଲେ। ରାଜସ୍ଥାନର ଉଦୟପୁର ରୁରାଲ୍‌ ବିଧାୟକ ୪ଟି କନ୍ୟାସନ୍ତାନର ପିତା। ସେମାନେ ତାଙ୍କୁ ଏ ବୟସରେ ପାଠ ପଢ଼ିବା ପାଇଁ ଉତ୍ସାହିତ କରିଛନ୍ତି।...

ନିଷ୍ଫଳ ଅନାସ୍ଥା

ନିଷ୍ଫଳ ଅନାସ୍ଥା

ଆକାର ପଟେଲ ମୋଦିଙ୍କ ବିରୋଧରେ ବିରୋଧୀଙ୍କ ଦ୍ୱାରା ଆଗତ ଅନାସ୍ଥା ପ୍ରସ୍ତାବ ସପକ୍ଷରେ ୧୨୬ ଓ ବିପକ୍ଷରେ ୩୨୫ଟି ଭୋଟ ପଡ଼ିବା ବାସ୍ତବରେ ବିରୋଧୀ ଦଳଗୁଡ଼ିକ ପ୍ରତି ଅନାସ୍ଥା ପ୍ରକଟ କରୁଛି। ଏହି ସଂଖ୍ୟାକୁ ଦେଖିଲେ ଏ ଅନାସ୍ଥା ପ୍ରସ୍ତାବରୁ ବିରୋଧୀଙ୍କୁ କି ଲାଭ ମିଳିଲା ଓ ପ୍ରସଙ୍ଗ କୁଆଡ଼କୁ ଗଲା କିଛି ସ୍ପଷ୍ଟ ହେଉ ନାହିଁ। ଭୋଟ୍‌ର ଫଳାଫଳକୁ ଦେଖି ବାସ୍ତବରେ କେହି ବିସ୍ମିତ ନୁହନ୍ତି। କେବଳ ଶିବସେନାର କାର୍ଯ୍ୟ ବ୍ୟତୀତ (ଏହାର ଉଦ୍ଦେଶ୍ୟ କ’ଣ ପରେ ଆମେ ଆଲୋଚନା କରିବା) ଗୃହରେ ଏପରି କିଛି ଘଟଣା ଘଟିଲା ...

ପର୍ବତ ଗୁମ୍ଫାରେ ସତର ଦିନ

ପର୍ବତ ଗୁମ୍ଫାରେ ସତର ଦିନ

ପ୍ରକାଶ ତ୍ରିପାଠୀ ସମ୍ପ୍ରତି ଥାଇଲାଣ୍ଡର ପ୍ରଖ୍ୟାତ କାର୍ଟୁନିଷ୍ଟ ସିସିଡିଆଙ୍କର ଗୋଟିଏ କାର୍ଟୁନ ସୋସିଆଲ ମିଡିଆରେ ଭାଇରାଲ ହୋଇଛି। ଏଥିରେ ଦେଖାଯାଇଛି, ୧୨ଟି ବଣୁଆ ବାର୍‌ହା ଛୁଆ, ଗୋଟିଏ ବଡ଼ ବାର୍‌ହା ଓ କିଛି ଅନ୍ୟ ଜୀବଜନ୍ତୁ ଏକ ଜଳଭର୍ତ୍ତି ଅଣଓସାରିଆ ସୁଡ଼ଙ୍ଗ ବାଟ ଦେଇ ପହଁରି ପହଁରି ଯାଉଛନ୍ତି। ସୂଚନାଯୋଗ୍ୟ ଯେ, କାର୍ଟୁନିଷ୍ଟ ସିସିଡିଆ ଏହି କାର୍ଟୁନ ମାଧ୍ୟମରେ ଥାଇଲାଣ୍ଡର ଥାମ୍‌ ଲୁଆଙ୍ଗ ପର୍ବତ ଗୁମ୍ଫାରେ ୧୭ଦିନ ଧରି ଫସି ରହିଥିବା ଥାଇଲାଣ୍ଡର ଏକ ଜୁନିୟର ଫୁଟବଲ ଟିମ୍‌ (ଓ୍ବାଇଲ୍‌ଡ ବୋର୍ସ)ର ୧୨ଜଣ ସ୍କୁଲ ...

ସେଲିବ୍ରିଟି ଉଦ୍ୟୋଗୀ

ସେଲିବ୍ରିଟି ଉଦ୍ୟୋଗୀ

ବ୍ୟକ୍ତିତ୍ୱ/ଜିତେନ୍ଦ୍ର ସମୟ ବଦଳିବା ସହ ଯୁବପିଢ଼ିର ରୁଚିରେ ପରିବର୍ତ୍ତନ ଲକ୍ଷ୍ୟ କରାଯାଉଛି। ପ୍ରଗତିଶୀଳ ଚିନ୍ତାଧାରା ପୋଷଣ କରୁଥିବା କେତେକ ଯୁବତୀଯୁବକ ଚାକିରି ଅପେକ୍ଷା ଉଦ୍ୟୋଗୀ ହେବାକୁ ପସନ୍ଦ କରୁଛନ୍ତି ଓ ସ୍ଥଳବିଶେଷରେ ସଫଳ ହେଉଛନ୍ତି। ପୂର୍ବରୁ ନିର୍ଦ୍ଦିଷ୍ଟ କେତୋଟି କ୍ଷେତ୍ର ଉପରେ ଆଧାରିତ ବ୍ୟବସାୟିକ ଚିନ୍ତାଧାରା ନେଇ ଜଣେ ଉଦ୍ୟୋଗୀ ହେଉଥିଲେ। ଏବେ ଏହାର ପରିସର ...

ଏଇ ଭାରତରେ

ଏଇ ଭାରତରେ

ସ୍କୁଲ୍‌ଛାତ୍ରଙ୍କୁ ସର୍ବସମ୍ମୁଖରେ ଅପମାନଜନକ ଦଣ୍ଡଦେବା ଭଳି ଘଟଣା ଜଣେ ଶିକ୍ଷକଙ୍କ ପାଇଁ ମହଙ୍ଗା ପଡ଼ିଛି। ଫଳ ସ୍ବରୂପ ତାଙ୍କୁ ଚାକିରିରୁ ନିଲମ୍ବିତ କରାଯାଇଛି। ପୁଣେସ୍ଥିତ ବିଶ୍ରାନ୍ତଓ୍ବାଡି ପୁଣେ ଇଣ୍ଟରନ୍ୟାଶନାଲ୍‌ ସ୍କୁଲ୍‌ରେ ଜୁଲାଇ ୧୭ରେ ଏପରି ଏକ ଘଟଣା ଘଟିଛି। ଆର୍ଯ୍ୟନ୍‌ ଅମିତ୍‌ ଓ୍ବଘ୍‌ମେୟାର ନାମକ ୧୦ବର୍ଷର ବାଳକ ଷଷ୍ଠ ଶ୍ରେଣୀରେ ପଢ଼ନ୍ତି। ଶିକ୍ଷକ ଶ୍ୱେତ ଗୁପ୍ତା ଛାତ୍ରମାନଙ୍କ ସମ୍ମୁଖରେ ତାଙ୍କୁ ଦଣ୍ଡଦେଇଥିଲେ। ଛାତ୍ରର ମା’ ଅଦିତିଙ୍କ କହିବାନୁଯାୟୀ, ଶିକ୍ଷକ ଜଣକ ଗୋଟିଏ କଇଁଚି ଧରି ଆର୍ଯ୍ୟନ୍‌ଙ୍କ ମୁଣ୍ଡବାଳ ସମ୍ମୁଖ ଭାଗରୁ କା...

ଅସହଯୋଗର ଦୁଃଖ

ଅସହଯୋଗର ଦୁଃଖ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଦେଶର ସର୍ବୋଚ୍ଚ ଖାଉଟି ସମବାୟ ସଂସ୍ଥା ବୋର୍ଡ ଅଫ୍‌ ନ୍ୟାଶ୍‌ନାଲ କୋଅପରେଟିଭ୍ସ କଞ୍ଜ୍ୟୁମର୍ସ ଫେଡ଼େରେଶନ୍‌ (ଏନ୍‌ସିସିଏଫ୍‌ ବୋର୍ଡ)ର ପରିଚାଳନା ନିର୍ଦ୍ଦେଶକ (ଏମ୍‌ଡି)ଙ୍କୁ ନିଯୁକ୍ତି ଦେବା କାହାର ଅଧିକାରଭୁକ୍ତ ଏ ନେଇ ଉକ୍ତ ସଂସ୍ଥା ଏବଂ ଖାଉଟି ବ୍ୟାପାର, ଖାଦ୍ୟ ଓ ସାଧାରଣ ବଣ୍ଟନ ମନ୍ତ୍ରଣାଳୟ ମଧ୍ୟରେ ମତପାର୍ଥକ୍ୟ ଦେଖାଦେଇଛି। ମନ୍ତ୍ରଣାଳୟ ଜଣେ ଯୁଗ୍ମ ସଚିବ ଅନିଲ ବହୁଗୁଣାଙ୍କୁ ଏମ୍‌ଡି ଭାବେ ନିଯୁକ୍ତି ଦେବାବେଳେ ଏହି ମତଭେଦ ପଦାକୁ ଆସିଛି। ବିଶିଷ୍ଟ ସମବାୟ ନେତା ତଥା ପୂର୍ବତନ ବିଧାୟକ ବିଜେନ୍ଦର ...

ଗୁଜବର ବ୍ୟାପକତା

ଗୁଜବର ବ୍ୟାପକତା

ଶିବରାମ ଶତପଥୀ ପ୍ରାୟ ଷାଠିଏ ବର୍ଷ ପୂର୍ବର କଥା। ଲୋକେ ପଦବ୍ରଜରେ ଯିବା ଆସିବା କରୁଥିଲେ। ଦିନେ ମୁଁ ପଦିଆ ମାମୁଙ୍କୁ ପଚାରିଲି- ତୁମେ ପରା ଆଜି ଅମୁକ ଗାଁକୁ ଯିବାର ଥିଲା, ଯାଉନ। ସେ କହିଲେ ଖଙ୍ଗାର ମାତିଛି ପରା, ଏକୁଟିଆ କେମିତି ଯିବି? ପିଲାଙ୍କୁ ତାଗିଦ କରାଯାଉଥିଲା, ଏକା ଏକା ଦେଖିଲେ ପିଲାଙ୍କୁ ଖଙ୍ଗାର ବସ୍ତାରେ ପୂରାଇ ନେଇଯିବ। ଅମୁକଠାରେ ପୋଲ ତିଆରି ହେଉଛି ତ, ତା ନିଅଁରେ ପକାଇବା ପାଇଁ ପିଲାଙ୍କୁ ଧରି ନିଆଯାଉଛି। ପୋଲର ସ୍ଥାୟିତ୍ୱ ପାଇଁ ନରବଳି ଆବଶ୍ୟକ। ଏହା ଅବଶ୍ୟ ଏକ ଅନ୍ଧବିଶ୍ୱାସ।...

ଭକ୍ତ ଓ ଭଗବାନଙ୍କ ମହାମିଳନ

ଭକ୍ତ ଓ ଭଗବାନଙ୍କ ମହାମିଳନ

ବିମଳ ପ୍ରସନ୍ନ ଦାସ ଭକ୍ତ ଓ ଭଗବାନଙ୍କ ସମ୍ପର୍କ ଯୁଗେ ଯୁଗେ ଅନୁପମ ଓ ଅଲୌକିକ। ସେଥିପାଇଁ ଦାସିଆ ବାଉରିଙ୍କ ଅଧିକାର ଓ ଅଭିମାନ ଯୁଗ ଯୁଗକୁ ଅତୁଟ ରହିଛି ଓ ରହିଥିବ। କାରଣ ଲୀଳାମୟ, କାଳିଆ ସାଆନ୍ତ, ମହାବାହୁ ରାଜାଧିରାଜ ମଣିଷର ଠାକୁର। ଭକ୍ତର ଭାବରେ ବନ୍ଧା। ତା’ର ଜୀବନ ଧନ-ଅନ୍ଧ ଲଉଡି। କେତେ ବିଶ୍ୱାସ ଓ ନିର୍ଭରତା ଭକ୍ତର। ସାମାନ୍ୟ ଭରତିଆ ପକ୍ଷୀଟିର ଉଦାହରଣ ଯଥେଷ୍ଟ। କୁରୁକ୍ଷେତ୍ର ଯୁଦ୍ଧ ପ୍ରାରମ୍ଭରେ ପକ୍ଷୀଟି ବ୍ୟାକୁଳ ପ୍ରାର୍ଥନା କରିଛି ତା’ର ଅଣ୍ଡା ଦୁଇଟିକୁ ରକ୍ଷା କରିବାକୁ। ଭକ୍ତ ବଳରାମଙ୍କ କାଳଜ...

ଏଇ ଭାରତରେ

ଏଇ ଭାରତରେ

ନୀଚକୁଳରେ ଜନ୍ମ ହୋଇଥିବାରୁ ଜଣେ ମହିଳାଙ୍କ ହାତରନ୍ଧା ଖାଇବାକୁ କେତେକେ ନାକ ଟେକିଛନ୍ତି। ପରିଣାମ ସ୍ବରୂପ ଉକ୍ତ ମହିଳାଙ୍କୁ ସ୍କୁଲ୍‌ରୁ ହଟାଇ ଦେବାପାଇଁ ଉଚ୍ଚଜାତିର ଲୋକମାନେ ଦାବି ଉଠାଇଥିଲେ। ତାମିଲନାଡୁର ଏକ ସ୍କୁଲ୍‌ରେ ମଧ୍ୟାହ୍ନଭୋଜନ ରୋଷେଇ କରିବାରୁ ଉକ୍ତ ଦଳିତ ମହିଳାଙ୍କୁ ବଞ୍ଚତ୍ତ କରାଯାଇଛି। ତିରୁପୁର ଜିଲାର ଓକାମ୍‌ପଲାୟମ୍‌ ଗାଅଁାରେ ପି. ପାପଲ୍‌ ନାମ୍ନୀ ଏହି ମହିଳା ଗତ ୨ବର୍ଷ ହେଲା ମଧ୍ୟାହ୍ନଭୋଜନ ପାଚିକା ଭାବରେ ନିଯୁକ୍ତି ପାଇଥିଲେ। ସପ୍ତାହକ ତଳେ ନିଜ ଅନୁରୋଧ କ୍ରମେ ...

Watch Live Broadcast of Rath Yatra Puri, Odisha Here

Model This Week

ଚିଣ୍ଟୁ