ରାଜ୍ୟ |

ଆଖି ବୁଜିଲେ ଗଙ୍ଗା-ଯମୁନା

ଆଖି ବୁଜିଲେ ଗଙ୍ଗା-ଯମୁନା
କଟକ ଅଫିସ, ୨୧।୧୨- ୨୦ ଦିନର ଜୀବନ ସଂଗ୍ରାମ ପରେ ଆଖି ବୁଜିଛନ୍ତି ଯୋଡାପେଟ ଶିଶୁ ଗଙ୍ଗା-ଯମୁନା। ବୁଧବାର ରାତି ୧ଟା ସମୟରେ ଏହି ଯମଜ ଶିଶୁଙ୍କ ମୃତ୍ୟୁ ଘଟିଛି। ହୃତ୍‌ସ୍ପନ୍ଦନରେ ସମସ୍ୟା ଯୋଗୁ ଗଙ୍ଗା-ଯମୁନାଙ୍କ ମୃତ୍ୟୁ ଘଟିଥିବା ଶିଶୁଭବନ ଅଧୀକ୍ଷକ ପ୍ରଫେସର ସରୋଜ କୁମାର ଶତପଥୀ କହିଛନ୍ତି। ଶତପଥୀଙ୍କ କହିବା ଅନୁଯାୟୀ, ବୁଧବାର ସନ୍ଧ୍ୟାରୁ ଶିଶୁଦ୍ୱୟଙ୍କ ସ୍ବାସ୍ଥ୍ୟାବସ୍ଥାରେ ଅବନତି ଦେଖାଯାଇଥିଲା। ରାତି ୧୨ଟା ବେଳକୁ ହୃତ୍‌ସ୍ପନ୍ଦନର ବେଗ କମିବାରେ ଲାଗିଥିଲା। ସାଢେ ୧୨ଟାରେ ବନ୍ଦ ହୋଇଯିବା ପରେ ଡାକ୍ତରମାନେ ଚେଷ୍ଟା କରିବାରୁ ପୁନର୍ବାର ହୃତ୍‌ସ୍ପନ୍ଦନ ଆରମ୍ଭ ହୋଇଥିଲା। ମାତ୍ର ରାତି ଗୋଟାଏ ବେଳକୁ ଆଉ ଥରେ ହୃତ୍‌ସ୍ପନ୍ଦନ ବନ୍ଦ ହୋଇଯାଇଥିଲା। ବହୁ ଚେଷ୍ଟା ସତ୍ତ୍ବେ ଶିଶୁ ଦ୍ୱୟଙ୍କୁ ବଞ୍ଚାଇବା ସମ୍ଭବ ହୋଇ ନ ଥିଲା ବୋଲି ଅଧୀକ୍ଷକ ଶତପଥୀ କହିଛନ୍ତି। ଗଙ୍ଗା-ଯମୁନାଙ୍କ ଚିକିତ୍ସା ପାଇଁ ଗଠିତ ଡାକ୍ତରୀ ଟିମ୍‌ର ମୁଖ୍ୟ ପ୍ରଫେସର ପି.କେ. ଜେନାଙ୍କ ସୂଚନା ଅନୁଯାୟୀ, ଶିଶୁଦ୍ୱୟଙ୍କ ହୃତ୍‌ପିଣ୍ଡ ଗଠନରେ ଜନ୍ମଗତ ତ୍ରୁଟି ରହିଥିଲା। ଅକ୍ସିଜେନ, ଇଞ୍ଜେକସନ ବଳରେ ହୃତ୍‌ସ୍ପନ୍ଦନକୁ ଠିକ୍‌ କରାଯିବାକୁ ଚେଷ୍ଟା କରାଯାଇଥିଲା। ମାତ୍ର ତାହା ସମ୍ଭବ ହୋଇ ନ ଥିଲା। ତେବେ ରାତି ଗୋଟାଏ ବେଳେ ଗଙ୍ଗା-ଯମୁନାଙ୍କ ମୃତ୍ୟୁ ପରେ ରାତାରାତି ଶିଶୁଦ୍ୱୟଙ୍କ ଶବକୁ ତାଙ୍କ ବାପା ଅଶୋକ ଦତ୍ତଙ୍କୁ ହସ୍ତାନ୍ତର କରାଯାଇଥିଲା। ଶିଶୁଭବନ ପକ୍ଷରୁ ଏକ ସ୍କର୍ପିଓ ଗାଡ଼ିରେ ଶବକୁ ନୟାଗଡ଼ ଜିଲା ହରିପାଟଣା ଗ୍ରାମକୁ ପଠାଯାଇଥିଲା। ସେଠାରେ ଶିଶୁଦ୍ୱୟଙ୍କ ଶବର ଶେଷକୃତ୍ୟ କରାଯାଇଥିବା ବାପା ଅଶୋକ ଦତ୍ତ ସୂଚନା ଦେଇଛନ୍ତି। ଗଙ୍ଗା-ଯମୁନାଙ୍କ ମୃତ୍ୟୁ ପରେ କେତେକ ପ୍ରଶ୍ନ ସାମ୍ନାକୁ ଆସିଛି। ଗଙ୍ଗା-ଯମୁନାଙ୍କ ଚିକିତ୍ସା ପାଇଁ ଶିଶୁଭବନ ପକ୍ଷରୁ ୧୨ ଜଣିଆ ଡାକ୍ତରୀ ଟିମ୍‌ ଗଠନ କରାଯାଇଥିଲା। ଯେହେତୁ ଏହି ଶିଶୁଦ୍ୱୟଙ୍କର ଗୋଟିଏ ହୃଦୟ ଓ ଗୋଟିଏ ଲିଭର୍‌ ରହିଥିଲା ତେଣୁ କାର୍ଡିଓଲୋଜି, ହୃଦବକ୍ଷଶଲ୍ୟ, ଗାଷ୍ଟ୍ରୋଏଣ୍ଟେରୋଲୋଜି ସର୍ଜରୀ, ଶିଶୁ ସର୍ଜରୀ ଓ ଶିଶୁରୋଗ ବିଭାଗର ଅଭିଜ୍ଞ ଡାକ୍ତରମାନଙ୍କୁ ଏହି ଟିମ୍‌ରେ ସାମିଲ କରାଯାଇଥିଲା। ହେଲେ ଗଙ୍ଗା-ଯମୁନାଙ୍କ ଅବସ୍ଥା ସଙ୍କଟାପନ୍ନ ହେବା ପରେ ଉକ୍ତ ଟିମ୍‌ର ଅଭିଜ୍ଞମାନଙ୍କ ଦେଖା ନ ଥିଲା। ସନ୍ଧ୍ୟା ବେଳୁ ଶିଶୁଦ୍ୱୟଙ୍କ ସ୍ବାସ୍ଥ୍ୟାବସ୍ଥା ଗୁରୁତର ଆଡକୁ ଗତି କରୁଥିବା ଡାକ୍ତରମାନେ ଜାଣିଥିଲେ। ଯେହେତୁ ହୃଦ୍‌ସ୍ପନ୍ଦନରେ ଗୁରୁତର ସମସ୍ୟା ଉପୁଜିଥିଲା ତେଣୁ ଏଥିପାଇଁ ହୃଦ୍‌ବକ୍ଷଶଲ୍ୟ ବିଭାଗ ଡାକ୍ତରମାନଙ୍କ ନିତାନ୍ତ ଆବଶ୍ୟକତା ଥିଲା। ମାତ୍ର ଆଇସିୟୁ ଦାୟିତ୍ୱରେ ଥିବା କେତେଜଣ ଜୁନିୟର ଡାକ୍ତର ଓ ଶିଶୁଭବନର ଜଣେ ସହକାରୀ ପ୍ରଫେସରଙ୍କ ଦ୍ୱାରା ଏହି ଜଟିଳ ଶିଶୁଙ୍କ ଚିକିତ୍ସା କରାଯାଇଥିଲା। ଶିଶୁଦ୍ୱୟଙ୍କ ମୃତ୍ୟୁ ହେବା ପରେ ଖବରପାଇ ଅଧୀକ୍ଷକ ପ୍ରଫେସର ଶତପଥୀ ଶିଶୁଭବନରେ ପହଞ୍ଚତ୍ ଶବ ହସ୍ତାନ୍ତର କାର୍ଯ୍ୟ ଶେଷ କରିଥିଲେ। ଏ ସମ୍ପର୍କରେ ପ୍ରଫେସର ଶତପଥୀ କୁହନ୍ତି, ୪ ଜଣ ଡାକ୍ତର ଆରମ୍ଭରୁ ଶେଷ ଉପସ୍ଥିତ ଥିଲେ। ଚିକିତ୍ସାରେ କୌଣସି ପ୍ରକାର ଅବହେଳା କି ତ୍ରୁଟି କରାଯାଇ ନାହିଁ। ସୂଚନାଥାଉକି, ନୟାଗଡ଼ ଜିଲା ହରିପାଟଣା ଗ୍ରାମର ଅଶୋକ ଦତ୍ତଙ୍କ ସ୍ତ୍ରୀ ସୁମିତ୍ରା ଗଙ୍ଗା-ଯମୁନାଙ୍କୁ ଗତ ୧ ତାରିଖରେ ଜିଲା ସଦର ମହକୁମାସ୍ଥିତ ଏକ ଘରୋଇ ହସ୍ପିଟାଲରେ ଜନ୍ମ ଦେଇଥିଲେ। ସେହିଦିନ ରାତିରେ ସେମାନଙ୍କୁ ଶିଶୁଭବନ ସ୍ଥାନାନ୍ତର କରାଯାଇଥିଲା। ତେବେ ଶିଶୁଦ୍ୱୟଙ୍କ ଜନ୍ମ ପୂର୍ବରୁ ସୁମିତ୍ରାଙ୍କ ଚିକିତ୍ସାକୁ ନେଇ ମଧ୍ୟ ବିବାଦ ଉପୁଜିଛି। କାରଣ ନୟାଗଡ଼ର ଏକ ଘରୋଇ ହସ୍ପିଟାଲରେ ସୁମିତ୍ରାଙ୍କ ଗର୍ଭଧାରଣର ୫ ମାସ ଓ ୮ ମାସରେ ୨ଥର ଅଲ୍‌ଟ୍ରାସାଉଣ୍ଡ କରାଯାଇ ପିଲାଙ୍କ ଗଠନ ଠିକ୍‌ ଥିବା ଡାକ୍ତର କହିଥିଲେ। ହେଲେ ଗର୍ଭର ୯ ମାସ ପରେ ଭଞ୍ଜନଗରରେ ଅଲ୍‌ଟ୍ରାସାଉଣ୍ଡ କରାଯିବା ପରେ ସେଠାକାର ଡାକ୍ତର ଶିଶୁଦ୍ୱୟଙ୍କ ପ୍ରକୃତ ଅବସ୍ଥା ସମ୍ପର୍କରେ କହିଥିଲେ। ଏହା ପରେ ଅଶୋକ ନୟାଗଡ଼ର ଯେଉଁ ଘରୋଇ ହସ୍ପିଟାଲରେ ୨ ଥର ଅଲ୍‌ଟ୍ରାସାଉଣ୍ଡ କରାଇଥିଲେ ସେଠାରେ ଡାକ୍ତରଙ୍କୁ ପଚାରିବା ପରେ ସେମାନେ ଦ୍ୱିତୀୟ ଅଲ୍‌ଟ୍ରାସାଉଣ୍ଡ ରିପୋର୍ଟକୁ ଚିରି ଦେଇ ଟିକେ ଭୁଲ ଥିବା କହିଥିଲେ। ଡାକ୍ତରଙ୍କ ଭୁଲ ରିପୋର୍ଟ ପାଇଁ ମୋତେ ଏଭଳି ଅବସ୍ଥା ଭୋଗିବାକୁ ପଡ଼ିଲା ବୋଲି ଅଶୋକ କହିଛନ୍ତି। କାରଣ ଗର୍ଭସ୍ଥ ଶିଶୁ ବିକଳାଙ୍ଗ ଥିବେ କିମ୍ବା ଜନ୍ମ ସମୟରେ ଉଭୟ ଶିଶୁ ଓ ମା’ଙ୍କ ଜୀବନ ପ୍ରତି ବିପଦ ଥିବା କଥା ଡାକ୍ତର ଜାଣନ୍ତି ତେବେ ଗର୍ଭଧାରଣର ୨୦ ସପ୍ତାହ ମଧ୍ୟରେ ଭ୍ରୂଣ ନଷ୍ଟ କରିବା କୌଣସି ବେଆଇନ କାର୍ଯ୍ୟ ନୁହେଁ। ମାତ୍ର ସୁମିତ୍ରାଙ୍କ କ୍ଷେତ୍ରରେ ତାହା ହୋଇ ନ ଥିବାରୁ ସେ ଓ ତାଙ୍କ ପରିବାରବର୍ଗ ନାନା ହଇରାଣ ହେଲେ।
All Right Reserved By

ରାଜ୍ୟ |

ମହିଳା ସ୍ବାସ୍ଥ୍ୟକର୍ମୀ ସଂଘର ସିଡିଏମଓଙ୍କୁ ଦାବିପତ୍ର

ମହିଳା ସ୍ବାସ୍ଥ୍ୟକର୍ମୀ ସଂଘର ସିଡିଏମଓଙ୍କୁ ଦାବିପତ୍ର

ଭବାନୀପାଟଣା,୨୫।୯(ଡି.ଏନ.ଏ.)
ଏନ୍‌ଏଚ୍‌ଏମ୍‌ ଅଧୀନରେ ଅସ୍ଥାୟୀ ଭାବେ କାମ କରୁଥିବା ସ୍ବାସ୍ଥ୍ୟ କର୍ମୀଙ୍କୁ ସ୍ଥାୟୀ ଚାକିରି, ପେନସନ, ସମସ୍ତ ସରକାରୀ ସୁବିଧା ଦାବିରେ କଳାହାଣ୍ଡି ଜିଲା ଏନଏଚଏମ ମହିଳା ସ୍ବାସ୍ଥ୍ୟ କର୍ମୀ ସଂଘ ପକ୍ଷରୁ ସ୍ବାସ୍ଥ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ସିଡିଏମଓ ଡାକ୍ତର ସରୋଜ ତିହାଡିଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି ।
ମହିଳା ସ୍ବାସ୍ଥ୍ୟକର୍ମୀମାନେ ଚାକିରିରେ ଯୋଗଦେବାର ୧୩ ବର୍ଷ ପରେ ମଧ୍ୟ କୌଣସି ସୁବିଧା ପାଇପାରି ନାହାନ୍ତି । ଏମାନେ ଅସ୍ଥାୟୀ ଭାବେ କାମ କରୁଛନ୍ତି । କମ୍‌ ଦରମା ପାଉ ଥିବାରୁ ପରିବାର 

ପୁରୀରୁ ଫେରୁଥିବା ଭାଜପା ମହିଳା ମୋର୍ଚ୍ଚା ଭ୍ୟାନ ଦୁର୍ଘଟଣା: ୨୫ ଗୁରୁତର

ପୁରୀରୁ ଫେରୁଥିବା ଭାଜପା ମହିଳା ମୋର୍ଚ୍ଚା ଭ୍ୟାନ ଦୁର୍ଘଟଣା: ୨୫ ଗୁରୁତର

ଭବାନୀପାଟଣା,୨୫।୯(ଡି.ଏନ.ଏ.)
ଭାଜପା ମହିଳା ମୋର୍ଚ୍ଚା ପକ୍ଷରୁ ପୁରୀଠାରେ ଆୟୋଜିତ କାର୍ଯ୍ୟକ୍ରମରେ ଯୋଗଦେଇ ଫେରୁଥିବା ପିକ୍‌ଅପ୍‌ ଭ୍ୟାନ୍‌ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ କଳାହାଣ୍ଡି ଜିଲା ସଦର ବ୍ଲକ ଛେଲିଆମାଲ ଗ୍ରାମର ୨୫ ଜଣ ଗୁରୁତର ଆହତ ହୋଇଛନ୍ତ। ପ୍ରଥମେ ସେମାନଙ୍କୁ ଭବାନୀପାଟଣା ଜିଲା ମୁଖ୍ୟଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେମାନଙ୍କ ମଧ୍ୟରୁ ୬ ଜଣଙ୍କ ଅବସ୍ଥା ଅଧିକ ଗୁରୁତର ହେବାରୁ ବୁର୍ଲା ଓ କଟକ ପଠାଯାଇଛି। ସୋମବାର ପୁରୀରେ ଅନୁଷ୍ଠିତ ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହଙ୍କ କାର୍ଯ୍ୟକ୍ରମରେ ଯୋଗଦେଇ କଳାହାଣ୍ଡି ଭାଜପା ମହିଳା ମୋର୍ଚ୍ଚା ସଦସ୍ୟାମାନେ 

ନାବାଳିକାଙ୍କୁ ବଳାତ୍କାର ଘଟଣାର ରାୟ ପ୍ରକାଶ: ଅଭିଯୁକ୍ତଙ୍କୁ ୧୦ବର୍ଷ ଜେଲଦଣ୍ଡ, ୫ ହଜାର ଟଙ୍କା ଜରିମାନା

ନାବାଳିକାଙ୍କୁ ବଳାତ୍କାର ଘଟଣାର ରାୟ ପ୍ରକାଶ: ଅଭିଯୁକ୍ତଙ୍କୁ ୧୦ବର୍ଷ ଜେଲଦଣ୍ଡ, ୫ ହଜାର ଟଙ୍କା ଜରିମାନା

ଭବାନୀପାଟଣା,୨୫।୯(ଡି.ଏନ.ଏ.)
ଜଣେ ନାବାଳିକାଙ୍କୁ ୫ ବର୍ଷ ପୂର୍ବେ ବଳାତ୍କାର କରିବା ଘଟଣାର ରାୟ ମଙ୍ଗଳବାର ପ୍ରକାଶ ପାଇଛି। କଳାହାଣ୍ଡି ଅତିରିକ୍ତ ଦୌରାଜଜ୍‌ ତଥା ସ୍ବତନ୍ତ୍ର ଜଜ୍‌ ରଶ୍ମିତା ଦଳେଇ ଏହି ଘଟଣାରେ ଗିରଫ ଅଭିଯୁକ୍ତଙ୍କୁ ୧୦ ବର୍ଷ ଜେଲ ଦଣ୍ଡ ସହ ୫ ହଜାର ଟଙ୍କା ଜରିମାନା ଦଣ୍ଡରେ ଦଣ୍ଡିତ କରିଛନ୍ତି। ଘଟଣାର ପ୍ରକାଶ ଯେ, କେସିଙ୍ଗା ଥାନା ଅନ୍ତର୍ଗତ ଏକ ଗ୍ରାମର ଜଣେ ନାବାଳିକା ଶୌଚ ହେବା ପାଇଁ ସନ୍ଧ୍ୟାରେ ଗ୍ରାମ ନିକଟସ୍ଥ ନାଳକୁ ଯାଇଥିଲାବେଳେ କଶୃପଡା ଗ୍ରାମର ଅରୁଣ ମାଝି (୩୫) ଜୋର କରି ସାଇକେଲରେ ବସାଇ ଏକ ପଥର କ୍ରଶର ନିକଟକୁ ଉଠାଇ ନେଇ ବଳାତ୍କାର କରିଥିଲେ। ଏ

ଭାଜପାରେ ମିଶିଲେ ଲୋକପ୍ରତିନିଧି, କାର୍ଯ୍ୟକର୍ତ୍ତା

ଭାଜପାରେ ମିଶିଲେ ଲୋକପ୍ରତିନିଧି, କାର୍ଯ୍ୟକର୍ତ୍ତା

ବାଲେଶ୍ୱର ଅଫିସ, ୨୫।୯-ବାଲେଶ୍ୱରସ୍ଥିତ ଭାଜପା କାର୍ଯ୍ୟାଳୟରେ ମଙ୍ଗଳବାର ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ଏଥିରେ ବାଲେଶ୍ୱର ସଦର ବ୍ଲକ ଅନ୍ତର୍ଗତ ଛାନୁଆ ପଞ୍ଚାୟତର  ୧୦ ନମ୍ବର ଓାର୍ଡ଼ସଭ୍ୟା ମୋନାଲିସା ମାଝି ଓ ତାଙ୍କ ସ୍ବାମୀ ବିଶ୍ୱନାଥ ମାଝି, ୧୧ ନମ୍ବର ଓାର୍ଡ଼ସଭ୍ୟା ଜୟନ୍ତୀ ଦଳାଇ ଓ ତାଙ୍କ ସ୍ବାମୀ ଗୌରାଙ୍ଗ ଦଳାଇ, ବିଜୁ ଜନତା ଦଳର ବରିଷ୍ଠ କାର୍ଯ୍ୟକର୍ତ୍ତାଙ୍କ ମଧ୍ୟରେ ଗଣେଶ ପାତ୍ର, ଅଭିମନ୍ୟୁ ପଟ୍ଟାୟତ, ଗୁରୁପଦ ଖଟୁଆ, ଓଡ଼ଙ୍ଗି ପଞ୍ଚାୟତର ରାଜେନ୍ଦ୍ର ନାୟକ, ବାହାବଳପୁର ପଞ୍ଚାୟତର ପରମେଶ୍ୱର ପଟ୍ଟାୟତ, ଗୋପାଳ ମଣ୍ଡଳ, ମ୍ତ୍ୟୁଞ୍ଜୟ ମଣ୍ଡଳ, ପ୍ରଦୀପ ମଣ୍ଡଳ, ପ୍ରଦୀପ କୁମାର ପତ୍ର ପ୍ରମୁଖ ଶତାଧିକ ଯୁବପିଢ଼ି ମଙ୍ଗଳବାର ଜିଲା ସଭାପତି ମଦନମୋହନ ଦତ୍ତଙ୍କ ଉପସ୍ଥିତିରେ ବାଲେଶ୍ୱର ବିଧିବଦ୍ଧ ଭାବେ ବିଜେଡି ଛାଡି ଭାଜପାରେ ଯୋଗଦାନ କରିଛନ୍ତି। 

ଡାକ୍ତରଙ୍କ ଅବହେଳା ଯୋଗୁ ଗର୍ଭବତୀଙ୍କ ମୃତ୍ୟୁ ଅଭିଯୋଗ:  ଜିଲାମୁଖ୍ୟ ଚିକିତ୍ସାଳୟରେ ଉତ୍ତେଜନା

ଡାକ୍ତରଙ୍କ ଅବହେଳା ଯୋଗୁ ଗର୍ଭବତୀଙ୍କ ମୃତ୍ୟୁ ଅଭିଯୋଗ: ଜିଲାମୁଖ୍ୟ ଚିକିତ୍ସାଳୟରେ ଉତ୍ତେଜନା

କୋରାପୁଟ, ୨୫।୯(ସ୍ବ.ପ୍ର./ଡି.ଏନ୍‌.ଏ.)-ଜଣେ ଗର୍ଭବତୀଙ୍କ ମୃତ୍ୟୁକୁ ନେଇ କୋରାପୁଟ ଜିଲାମୁଖ୍ୟ ଚିକିତ୍ସାଳୟରେ ମଙ୍ଗଳବାର ଉତ୍ତେଜନା ଦେଖାଦେଇଛି। ମୃତକ ଜଣଙ୍କ ହେଲେ ସ୍ଥାନୀୟ ମର୍ଶିପୁଟ ଗ୍ରାମର ସୁନିଆ ଭୋଇଙ୍କ ସ୍ତ୍ରୀ ସାବି  (୨୦)। ଡାକ୍ତରଙ୍କ ଅବହେଳା ଯୋଗୁ ଗର୍ଭବତୀଙ୍କ ମୃତ୍ୟୁ ହୋଇଥିବା ଅଭିଯୋଗ କରି ମୃତକଙ୍କ ସମ୍ପର୍କିୟମାନେ ଜିଲା ମୁଖ୍ୟ ଚିକିତ୍ସାଳୟର ମହିଳା ଓ ଶିଶୁ ବିଭାଗ ମୁଖ୍ୟ ଫାଟକ ବନ୍ଦ କରି ତା ଆଗରେ ଧାରଣା ଦେଇଛନ୍ତି। 

ପ୍ରେମରେ ବିଫଳ ହୋଇ ଛାତ୍ରୀଙ୍କୁ ଭୁଜାଲିରେ ହାଣିଲେ ପ୍ରେମିକ

ପ୍ରେମରେ ବିଫଳ ହୋଇ ଛାତ୍ରୀଙ୍କୁ ଭୁଜାଲିରେ ହାଣିଲେ ପ୍ରେମିକ

କଟକ ଅଫିସ/କଣ୍ଟାପଡା, ୨୫।୯(ଡି.ଏନ୍‌.ଏ.): ଓଲଟପୁର ଥାନା ଅନ୍ତର୍ଗତ ଅଡ଼ଶପୁର ମହାବିଦ୍ୟାଳୟର ଜଣେ କଲେଜ ଛାତ୍ରୀଙ୍କୁ ଏକପାଖିଆ ପ୍ରେମକରି ବିଫଳ ହୋଇଥିବା ଜଣେ ଯୁବକ ମଙ୍ଗଳବାର ଦିନ ୧୨ଟାରେ ଭୁଜାଲିରେ ହାଣି ଫେରାର ହୋଇଯାଇଛନ୍ତି। 

କୃଷିମନ୍ତ୍ରୀଙ୍କ ବହିଷ୍କାର ଦାବି

କୃଷିମନ୍ତ୍ରୀଙ୍କ ବହିଷ୍କାର ଦାବି

ପୁରୀ ଅଫିସ୍‌, ୨୫।୯: ମହିଳାଙ୍କ ପ୍ରତି ଅସମ୍ମାନସୂଚକ ମନ୍ତବ୍ୟ ସମ୍ବଳିତ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଉକ୍ତ ଭିଡିଓରେ କୃଷି ଓ ପଞ୍ଚାୟତିରାଜ ମନ୍ତ୍ରୀ ପ୍ରଦୀପ ମହାରଥୀ ଅସମ୍ମାନଜନକ ମନ୍ତବ୍ୟ ଦେଇଛନ୍ତି।

ହତ୍ୟା ଅଭିଯୋଗରେ ସ୍ବାମୀ ଗିରଫ

ହତ୍ୟା ଅଭିଯୋଗରେ ସ୍ବାମୀ ଗିରଫ

ଢେଙ୍କାନାଳ ଅଫିସ, ୨୫ା୯- ଢେଙ୍କାନାଳ ଜିଲା ଗଁଦିଆ ଥାନା ଯୋରନ୍ଦା ଫାଣ୍ଡି ମୁକୁନ୍ଦପୁର ଗ୍ରାମରେ ବିଦ୍ୟୁତ୍‌ ମେକାନିକ ରଣଜିତ ପଣ୍ଡା(୨୫)ଙ୍କ ସ୍ତ୍ରୀ ବର୍ଷା ବାଗମିତା ମିଶ୍ର(୨୦)ଙ୍କ ମୃତଦେହ ସୋମବାର ତାଙ୍କ ଶ୍ୱଶୁର ଘରୁ ଉଦ୍ଧାର କରାଯାଇଛି। ଯୌତୁକ ଦାବିକୁ କେନ୍ଦ୍ରକରି ବର୍ଷାଙ୍କୁ ଶ୍ୱଶୁର ଘର ଲୋକ ହତ୍ୟା କରିଥିବା ନେଇ ବର୍ଷାଙ୍କ ବାପା ମଦନ ମୋହନ ମିଶ୍ର ଥାନାରେ ଅଭିଯୋଗ କରିଛନ୍ତି।

ଶ୍ରୀମନ୍ଦିରରେ ମରିସସ୍‌ର ପୂର୍ବତନ ରାଷ୍ଟ୍ରପତି

ଶ୍ରୀମନ୍ଦିରରେ ମରିସସ୍‌ର ପୂର୍ବତନ ରାଷ୍ଟ୍ରପତି

ପୁରୀ ଅଫିସ,୨୫।୯: ମରିସସ୍‌ର ପୂର୍ବତନ ରାଷ୍ଟ୍ରପତି ରାଜକେଶ୍ୱର ପୂର଼୍ୟାଗ ସପତ୍ନୀଙ୍କ ସହ ମହାପ୍ରଭୁଙ୍କୁ ଦର୍ଶନ କରିଛନ୍ତି । 

ବିଜେଡିରେ ମିଶିଲେ ଭାଜପା କର୍ମୀ

ବିଜେଡିରେ ମିଶିଲେ ଭାଜପା କର୍ମୀ

କାମାକ୍ଷାନଗର,୨୫।୯(ଡି.ଏନ.ଏ.)- ଢେଙ୍କାନାଳ ଜିଲା ପରଜଙ୍ଗ ନିର୍ବାଚନ ମଣ୍ଡଳୀ କଙ୍କଡ଼ାହାଡ଼ ଦଶୀପୁର  ଅଞ୍ଚଳର  ଶତାଧିକ  ଭାଜପା କର୍ମୀ ସୋମବାର ବିଜେଡିରେ ଯୋଗ ଦେଇଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ ହୋଇ   ସେମାନେ ଦଳରେ ସାମିଲ ହୋଇଥିବା ପ୍ରକାଶ କରିଛନ୍ତି। 

କୋରଡାରେ କଲରାପତରିଆ ବାଘ

କୋରଡାରେ କଲରାପତରିଆ ବାଘ

ଛେଣ୍ଡିପଦା,୨୫ା୯(ଡି.ଏନ.ଏ.)- ଅନୁଗୋଳ ବନଖଣ୍ଡ ଛେଣ୍ଡିପଦା ଫରେଷ୍ଟ ରେଞ୍ଜ ଅନ୍ତର୍ଗତ କୋରଡା ଗ୍ରାମ ନିକଟରେ ଦୁଇ ଦିନ ଧରି କଲରାପତରିଆ ବାଘ ଚଳପ୍ରଚଳ କରୁଥିବା ଜଣାପଡିଛି। 

ବାଳ ସୁଧାର ଗୃହରେ ନିର୍ଯାତନା ଅଭିଯୋଗ: ଅଗ୍ନିକାଣ୍ଡ ଘଟାଇଲେ ଅନ୍ତେବାସୀ

ବାଳ ସୁଧାର ଗୃହରେ ନିର୍ଯାତନା ଅଭିଯୋଗ: ଅଗ୍ନିକାଣ୍ଡ ଘଟାଇଲେ ଅନ୍ତେବାସୀ

ଅନୁଗୋଳ ଅଫିସ, ୨୫।୯: ଅନୁଗୋଳ ଜିଲା ଜୁଭେନାଇଲ ଜେଲ(ବାଳ ସୁଧାର ଗୃହ)ରେ ପ୍ରାୟ ୭୯ ପିଲା ରହୁଛନ୍ତି। ସେମାନଙ୍କୁ ବିଭିନ୍ନ ସମୟରେ ଶାରୀରିକ ଓ ମାନସିକ ନିର୍ଯାତନା ଦିଆଯାଉଛି।