Dharitri News
ରାଜ୍ୟ |

ପରିବ୍ୟାପ୍ତ ହୋଇଛି ଓଡ଼ିଆ ସାହିତ୍ୟ: ଗାୟତ୍ରୀ ସରାଫ୍‌

ପରିବ୍ୟାପ୍ତ ହୋଇଛି ଓଡ଼ିଆ ସାହିତ୍ୟ: ଗାୟତ୍ରୀ ସରାଫ୍‌ ଭୁବନେଶ୍ୱର, ୨୧।୧୨(ବ୍ୟୁରୋ)- ଓଡ଼ିଆ ସାହିତ୍ୟ ଜଗତର ଜଣେ ଲୋକପ୍ରିୟ ଚେହେରା ଗାୟତ୍ରୀ ସରାଫ୍‌, ଯାହାଙ୍କ ଗଳ୍ପ ସଙ୍କଳନ ପଢି ଜଣେ ନିଜକୁ ବି ଭୁଲିଯାଏ। ତାଙ୍କ ରଚନାରେ ରହିଥାଏ ଯାଦୁକରୀ ଶବ୍ଦ ଓ ଭାଷା ପ୍ରୟୋଗର ଏକ ଅପୂର୍ବ ସାମାହାର। କେତେବେଳେ ବାସ୍ତବ ଜୀବନର ଚିତ୍ର ତ କେତେବେଳେ ଜହ୍ନ ରାଇଜର ମନଛୁଆଁ କାହାଣୀ। ଓଡ଼ିଆ ଗଳ୍ପ ସାହିତ୍ୟକୁ ପରିପୁଷ୍ଟ କରିଥିବା ଏହି ଗାଳ୍ପିକା ନିଜ ନିଆରା ଲେଖନୀ ପାଇଁ ସାରସ୍ବତ ଜଗତର ଜଣେ ଚର୍ଚ୍ଚିତ ଚେହେରା। ୧୯୫୨ ଅଗଷ୍ଟ ୧୭ରେ ବଲାଙ୍ଗୀରରେ ଜନ୍ମଗ୍ରହଣ କରିଥିବା ସରାଫ୍‌ ୧୯୮୮ରେ କ୍ଷୁଦ୍ରଗଳ୍ପରୁ ଆରମ୍ଭ କରିଥିଲେ ତାଙ୍କର ସାହିତ୍ୟିକ ଜୀବନ। ‘ନୀଳ ଜହ୍ନର ଜୁଇ’, ‘ଶେଷ ବିଦାୟର ଗୀତ’, ବର୍ଷାର ଓଢ଼ଣା ତଳେ’, ‘ପ୍ରେମିକା ପରି କେହି ଜଣେ’, ‘ବାପା ଭଲ ଅଛନ୍ତି’ ଭଳି ଗଳ୍ପ ସଙ୍କଳନ ରଚନା କରି ଓଡ଼ିଆ ଗଳ୍ପ ସାହିତ୍ୟର ମଙ୍ଗକୁ ଟେକି ରଖିଥିବା ସେ ଜଣେ ଆଗଧାଡିର ସାହିତ୍ୟିକା। ତାଙ୍କ ରଚିତ କ୍ଷୁଦ୍ରଗଳ୍ପ ସଙ୍କଳନ ‘ଇଟାଭାଟିର ଶିଳ୍ପୀ’ ପାଇଁ ସେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପାଇବାକୁ ମନୋନୀତ ହୋଇଥିବା ବେଳେ ଧରିତ୍ରୀ ସହ ଆଳାପ। ପ୍ର- କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପାଇଁ ଆଶା ରଖିଥିଲେ କି? ଉ- ମୁଁ କେବି ବି ପୁରସ୍କାରର ଆଶା ରଖେନାହିଁ। ସବୁବେଳେ ଲେଖିଚାଲେ। ଏହା ଆପେ ଆସିଲା। ତେଣୁ ନମ୍ରତା ଓ ଶ୍ରଦ୍ଧାର ସହ ଏହାକୁ ଗ୍ରହଣ କରୁଛି। ପ୍ର- ‘ଇଟାଭାଟିର ଶିଳ୍ପୀ’ ସମ୍ପର୍କରେ କ’ଣ କହିବେ, ଏହାର ବିଶେଷତ୍ୱ କ’ଣ? ଉ- ଏହି ସଙ୍କଳନରେ ୧୨ଟି ଗଳ୍ପ ରହିଛି। ସେଥିରୁ ‘ଇଟାଭାଟିର ଶିଳ୍ପୀ’ ଅନ୍ୟତମ। ଓଡ଼ିଶାର ପଶ୍ଚିମାଞ୍ଚଳର ଦାଦନ ସମସ୍ୟା ଉପରେ ଏହି ଗଳ୍ପ ପର୍ଯ୍ୟବସିତ। ଲୋକେ ରୋଜଗାରର ପନ୍ଥା ନ ପାଇକି କିଭଳି ଦେଶାନ୍ତର ହୁଅନ୍ତି ଏବଂ ସେଠାରେ କିଭଳି ନିର୍ଯାତିତ ଓ ନିଷ୍ପେଷିତ ହୁଅନ୍ତି ତାହାର ଚିତ୍ର ଏଥିରେ ରହିଛି। ଗଳ୍ପର ମୁଖ୍ୟ ଚରିତ୍ର ଏକ ୧୨ବର୍ଷର ପିଲା, ଯାହାର ସୌକ ମୂର୍ତ୍ତି ଗଢିବା। ସାମାନ୍ୟ ଭୁଲ୍‌ ପାଇଁ ଏହି ପିଲା କିଭଳି ନିଜର ହାତ ହରାଇଛି ଓ ତା’ପରେ ଓଡ଼ିଶା ଆସି ନିଜ ଲକ୍ଷ୍ୟରେ ପହଞ୍ଚତ୍ଛି ସେ ବିଷୟରେ ଗପରେ ବର୍ଣ୍ଣନା କରାଯାଇଛି। ପ୍ର- ସାହିତ୍ୟ ରଚନା ବେଳେ କାହାକୁ ଦୃଷ୍ଟିରେ ରଖି ଲେଖନ୍ତି? ଉ- ନିଜ ଚରିତ୍ରକୁ ଖୋଜିବାର ବଡ଼ ଉତ୍ସ ହେଉଛି ଏହି ସମାଜ। ସମାଜ ଓ ସାମାଜିକ କାହାଣୀକୁ ନେଇ ମୁଁ ଲେଖେ। ଆମେ ଯେଉଁଠି ରହୁଛେ, ସେଠାରେ ଅନେକ ଗୁଡାଏ ଚରିତ୍ର ଓ ଅନେକ ଗୁଡାଏ କାହାଣୀ ରହିଛି। ଜଣେ ଗାଳ୍ପିକ ଆଖିରେ ଏ ପୃଥିବୀକୁ ଦେଖିଲେ ଅନେକ କିଛି ପାଇହେବ। ନିଜେ ଦେଖୁଥିବା ହଜାରେ ସମସ୍ୟା ଓ ପ୍ରସଙ୍ଗ ମଧ୍ୟରୁ ଯାହା ମୋ ମନକୁ ଛୁଏଁ ଓ ଯାହା ମୋତେ ଆନ୍ଦୋଳିତ କରେ ତା’ଉପରେ ମୁଁ ଲେଖେ। ମୋ ଜନ୍ମସ୍ଥାନ ବଲାଙ୍ଗୀର, ଯେଉଁଠାରେ ଦାଦନ ଏକ ପ୍ରମୁଖ ସମସ୍ୟା। ହେଲେ ତା’ ବିଷୟରେ କେହି ଜାଣୁନାହାନ୍ତି। ଦିନକୁ ଦିନ ସେହି ସମସ୍ୟା ଉତ୍କଟ ହେଉଛି। ସମସ୍ତଙ୍କ ଅବଗତକୁ ଆଣିବାକୁ ମୁଁ ଦାଦନ ଉପରେ ପ୍ରାୟ ୮ଟି ପୁସ୍ତକ ଲେଖିଛି। ପ୍ର- ଜଣେ ସାହିତି୍ୟକ ହେବା ପଛରେ କାହାର ପ୍ରେରଣା ରହିଥିଲା? ଉ- ପିଲାବେଳୁ ମୁଁ ଲେଖା ଆରମ୍ଭ କରିଥିଲି। ପତ୍ରପତ୍ରିକା ଓ ବହି ପଢିବା ମୋତେ ଲେଖିବା ପାଇଁ ଉତ୍ସାହିତ କରିଥିଲା। ସାଙ୍ଗମାନଙ୍କ ସହ କେବେ ଖେଳୁ ନ ଥିଲି। ସେମାନେ ଖେଳିବା ବେଳେ ମୁଁ ପଢୁଥିଲି। ବହୁତ ପଢିବା ପରେ ମୋତେ ଲାଗିଲା ମୁଁ ବି କିଛି ଲେଖିବି। ବିଧିବଦ୍ଧଭାବେ ୮୦ ଦଶକରୁ ଲେଖା ଆରମ୍ଭ କରିଥିଲି, ଯାହା ଏପର୍ଯ୍ୟନ୍ତ ବି ଜାରିରହିଛି। ପ୍ର- ପୁସ୍ତକର ଲୋକପ୍ରିୟତା କମିଯାଉଛି ବୋଲି ଆପଣ ଭାବୁଛନ୍ତି କି? ଉ- ନଁା, ମୁଁ ଭାବୁନି। ପୁସ୍ତକମେଳା ବରାବର ହେଉଛି ଓ ସେଠାରେ ଭିଡ ବି ଲାଗୁଛି। କେବଳ ରାଜଧାନୀରେ ପୁସ୍ତକମେଳା ହେଉନି, ରାଜ୍ୟର ଅନ୍ୟତ୍ର ମଧ୍ୟ ହେଉଛି। ପାଠକମାନେ ଯାଉଛନ୍ତି ଏବଂ ବହି ବିକ୍ରି ହେଉଛି ବୋଲି ପ୍ରତି ଜିଲାରେ, ପ୍ରତି ସବ୍‌ଡିଭିଜନରେ ଏବେ ପୁସ୍ତକମେଳା ହେଉଛି। ପ୍ର- ଓଡ଼ିଆ ସାହିତ୍ୟ ଏକ ନିର୍ଦ୍ଦିଷ୍ଟ ପରିସୀମା ମଧ୍ୟରେ ସୀମିତ ରହିଯାଉଛି କି? ଉ- ବିଲକୁଲ ନୁହେଁ। ବିଭିନ୍ନ ବିଷୟବସ୍ତୁ ଉପରେ ଏବେ ସାହିତ୍ୟ ରଚନା ହେଉଛି। ଯୁବ ସାହିତି୍ୟକମାନେ ଏକାଧିକ ବିଷୟ ଉପରେ ଲେଖୁଛନ୍ତି। ଓଡ଼ିଆ ସାହିତ୍ୟ ବ୍ୟାପକ ଓ ପରିବ୍ୟାପ୍ତ ହୋଇଛି। ମୁଁ ବି ସବୁବେଳେ ଚାହେଁ କୌଣସି ନିର୍ଦ୍ଦିଷ୍ଟ ପ୍ରସଙ୍ଗରେ ବାନ୍ଧି ନ ହୋଇ ମୋ ଗଳ୍ପର ବଳୟ ପ୍ରସାରିତ ହେଉ। ପ୍ର- ଅନୁବାଦ ଅଭାବରୁ ଓଡ଼ିଆ ସାହିତ୍ୟ ସର୍ବଭାରତୀୟସ୍ତରରେ ବିଶେଷ ଚର୍ଚ୍ଚିତ ହୋଇପାରୁନି। ଏ ସମ୍ପର୍କରେ କ’ଣ କହିବେ? ଉ- ମୁଁ ବି ତାହା ଅନୁଭବ କରେ। ଆମ ବହିଗୁଡିକ ଆହୁରି ଚର୍ଚ୍ଚିତ ହୋଇପାରନ୍ତା, ଯଦି ଠିକ୍‌ଭାବେ ଅନୁବାଦ ହୋଇପାରନ୍ତା। ହେଲେ ଏବେ ଧୀରେ ଧୀରେ ଚିତ୍ର ବଦଳୁଛି। ଓଡ଼ିଶା ସାହିତ୍ୟ ଏକାଡେମୀ ଅନୁବାଦ ଉପରେ ଗୁରୁତ୍ୱ ଦେଉଛି। ବହୁତଗୁଡିଏ ବହି ଅନୁବାଦ ହେଉଛି ଓ ଅନୁବାଦକଙ୍କ ସଂଖ୍ୟା ବଢିଛି। ଅନୁବାଦକମାନଙ୍କୁ ଉତ୍ସାହିତ କରାଯାଉଛି। ବର୍ତ୍ତମାନ ସମସ୍ତେ ସଚେତନ ହେଲେଣି। ପ୍ର- ଓଡ଼ିଶା ସାହିତ୍ୟ ଏକାଡେମୀ ଉପସଭାପତି ପଦ ସହ ଏବେ ଏକାଡେମୀ ପୁରସ୍କାର ଆହୁରି ଦାୟିତ୍ୱ ବଢାଇଦେଇଛି। ଓଡ଼ିଆ ସାହିତ୍ୟର ଉନ୍ନତି ଲାଗି ଆଗକୁ କି ପଦକ୍ଷେପ ନେବେ? ଉ- ଓଡ଼ିଶା ସାହିତ୍ୟ ଏକାଡେମୀ ପ୍ରତ୍ୟେକ ଜିଲାକୁ ଯାଇ ସାହିତି୍ୟକଙ୍କୁ ଉତ୍ସାହିତ କରୁଛି। ଯୁବ କବିଙ୍କୁ ନେଇ ଆମେ କବିତା ପାଠ ଉତ୍ସବ କରୁଛୁ। ଏକାଡେମୀ ପକ୍ଷରୁ କଥାଘର କାର୍ଯ୍ୟକ୍ରମ ହେଉଛି, ଯେଉଁଥିରେ ଆମ ପ୍ରତିନିଧିମାନେ ପ୍ରତି ବିଦ୍ୟାଳୟକୁ ଯାଇ ପିଲାମାନଙ୍କୁ ସାହିତ୍ୟ ପଢିବାକୁ ଓ ଲେଖିବାକୁ ଉତ୍ସାହିତ କରୁଛନ୍ତି। ଅନୁବାଦ ସାହିତ୍ୟକୁ ଉନ୍ନତ କରିବା ଲାଗି ମଧ୍ୟ ପଦକ୍ଷେପ ନିଆଯାଉଛି। ପ୍ର-ଆଗାମୀ ଲକ୍ଷ୍ୟ କ’ଣ ରହିଛି? ଉ- ଏବେ କିଛିଟା ଉପନ୍ୟାସ ଲେଖୁଛି। ଯାହା ମୋତେ ଆନ୍ଦୋଳିତ କରେ ସେଭଳି ସାମାଜିକ ସମସ୍ୟାକୁ ନେଇ ଉପନ୍ୟାସ ଲେଖିବାକୁ ଭାବୁଛି। ଦାଦନ ସମସ୍ୟା ଉପରେ ମଧ୍ୟ ଏକ ଉପନ୍ୟାସ ଲେଖିବା ଆରମ୍ଭ କରିଛି। ଭଲ ଉପନ୍ୟାସ ଲେଖିବା ମୋର ସ୍ବପ୍ନ। ପ୍ର- ଯୁବ ସାହିତି୍ୟକଙ୍କୁ କ’ଣ ବାର୍ତ୍ତା ଦେବେ? ଉ- ସେମାନେ ଭଲ ଲେଖୁଛନ୍ତି। ବଳିଷ୍ଠ ବିଷୟବସ୍ତୁ ଉପରେ ଗଳ୍ପ, କବିତା ରଚନା କରୁଛନ୍ତି। ଏତିକି କହିବି ସେମାନେ ଆହୁରି ପଢନ୍ତୁ, ସାଧନା କରନ୍ତୁ। ପୁରସ୍କାରର ଆଶା ନ ରଖି ଲେଖିଚାଲନ୍ତୁ। ସାରସ୍ବତ ଯାତ୍ରା ନିରନ୍ତର ଜାରି ରଖିଲେ ପୁରସ୍କାର ଆପେ ଆସିବ। ସଫଳତା ନିଶ୍ଚୟ ମିଳିବ।   ସାକ୍ଷାତ୍‌କାର: ସସ୍ମିତା ପାଇକରାୟ

ରାଜ୍ୟ |

ପୁରୀ ଷ୍ଟେଶନରେ ବିସ୍ଫୋରଣ

ପୁରୀ ଷ୍ଟେଶନରେ ବିସ୍ଫୋରଣ

ପୁରୀ ଅଫିସ, ୧୭।୧: ପୁରୀ ଷ୍ଟେଶନରେ ବୁଧବାର ଅପରାହ୍ନ ୪.୧୦ରେ ଏକ ଆର୍ମୀ ଟ୍ରେନ୍‌ରେ ବିସ୍ଫୋରଣ ଘଟିଛି। ଏହାର ପେଣ୍ଟ୍ରିକାରରେ ଥିବା ଏକ ୫ କେଜିଆ ଗ୍ୟାସ୍‌ ସିଲିଣ୍ଡର ହଠାତ୍‌ ବିସ୍ଫୋରଣ ହେବାରୁ ଉକ୍ତ ବଗିରେ ନିଆଁ ବ୍ୟାପି ବ୍ୟାପକ କ୍ଷତିଗ୍ରସ୍ତ ହୋଇଛି।

ସର୍ବନିମ୍ନ ମଜୁରୀ, ସାମାଜିକ ସୁରକ୍ଷା ଦାବିରେ ବିକ୍ଷୋଭ

ସର୍ବନିମ୍ନ ମଜୁରୀ, ସାମାଜିକ ସୁରକ୍ଷା ଦାବିରେ ବିକ୍ଷୋଭ

ପୁରୀ ଅଫିସ, ୧୭।୧: ସର୍ବନିମ୍ନ ମଜୁରୀ ୧୮ ହଜାର ଟଙ୍କା, ସାମାଜିକ ସୁରକ୍ଷା ତଥା ଅନ୍ୟାନ୍ୟ ଦାବି ନେଇ ଏଆଇଟିୟୁସି ଓ ସିଆଇଟିୟୁ କର୍ମଚାରୀଙ୍କ ପକ୍ଷରୁ ବୁଧବାର ପୁରୀ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି।

ମହାନଦୀ ପ୍ରସଙ୍ଗରେ ବସିବ ଗୃହ କମିଟି ବୈଠକ

ମହାନଦୀ ପ୍ରସଙ୍ଗରେ ବସିବ ଗୃହ କମିଟି ବୈଠକ

ଭୁବନେଶ୍ୱର, ୧୭।୧(ବ୍ୟୁରୋ)- ମହାନଦୀ ପ୍ରସଙ୍ଗରେ ଆଗାମୀ କାର୍ଯ୍ୟପନ୍ଥା କ’ଣ ହେବ ସେ ନେଇ ଗୃହ କମିଟି ବୈଠକରେ ସ୍ଥିର କରାଯିବ। ଏ ନେଇ ସୂଚନା ଦେଇଛନ୍ତି ଶାସକ ଦଳ ମୁଖ୍ୟ ସଚେତକ ଅମର ଶତପଥୀ।

କେନ୍ଦ୍ର ରେଳମନ୍ତ୍ରୀଙ୍କୁ ନବୀନଙ୍କ ଚିଠି: ୬,୫୦୦ କୋଟି ଅନୁଦାନ ଦେବାକୁ ଦାବି

କେନ୍ଦ୍ର ରେଳମନ୍ତ୍ରୀଙ୍କୁ ନବୀନଙ୍କ ଚିଠି: ୬,୫୦୦ କୋଟି ଅନୁଦାନ ଦେବାକୁ ଦାବି

ଭୁବନେଶ୍ୱର,୧୭।୧(ବ୍ୟୁରୋ): ଆଗାମୀ ସାଧାରଣ ବଜେଟରେ ଓଡିଶାକୁ ରେଳବାଇ ଅନୁଦାନ ଦାବି କରି ବୁଧବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ରେଳମନ୍ତ୍ରୀ ପୀୟୂଷ ଗୋଏଲଙ୍କୁ ଚିଠି ଲେଖିଛନ୍ତି। ରାଜ୍ୟକୁ ୬ ହଜାର ୫ଶହ କୋଟିର ରେଳବାଇ ଅନୁଦାନ ଦେବାକୁ ମୁଖ୍ୟମନ୍ତ୍ରୀ ଜଣାଇଛନ୍ତି।

ସମ୍ବଲପୁର ବିଶ୍ୱବିଦ୍ୟାଳୟର ନୂଆ କୂଳପତି

ସମ୍ବଲପୁର ବିଶ୍ୱବିଦ୍ୟାଳୟର ନୂଆ କୂଳପତି

ଭୁବନେଶ୍ୱର ୧୭।୧(ବ୍ୟୁରୋ): ସମ୍ବଲପୁର ବିଶ୍ୱବିଦ୍ୟାଳୟର ନୂଆ କୂଳପତି ଭାବେ ନିଯୁକ୍ତ ହୋଇଛନ୍ତି ପ୍ରଫେସର ଦୀପକ କୁମାର ବେହେରା। ବୁଧବାର ଗଭର୍ଣ୍ଣର ଡ. ଏସ୍‌. ସି ଜମିର ତାଙ୍କୁ ଏହି ଦାୟିତ୍ୱ ଦେଇଛନ୍ତି।

୨୬ରୁ ଧାରଣାରେ ବସିବ ଶକ୍ତି  ବିଭାଗ କର୍ମଚାରୀସଂଘ

୨୬ରୁ ଧାରଣାରେ ବସିବ ଶକ୍ତି ବିଭାଗ କର୍ମଚାରୀସଂଘ

ଭୁବନେଶ୍ୱର,୧୭।୧(ବ୍ୟୁରୋ)- ଆସନ୍ତା ଫେବୃୟାରୀ ୨୬ ତାରିଖରୁ ଓଡ଼ିଶା ଶକ୍ତି ବିଭାଗ କର୍ମଚାରୀ ସଂଘ କ୍ରମାଗତଭାବେ ଧାରଣା ଓ ଅନଶନରେ ବସିବ। ଏନେଇ ସଂଘର ସଭାପତି ଧୋବେଇ ସାହୁ ମଙ୍ଗଳବାର ସୂଚନା ଦେଇଛନ୍ତି।

ବିଡିଓ, ତହସିଲଦାର  ସ୍ତରରେ ଅଦଳବଦଳ

ବିଡିଓ, ତହସିଲଦାର ସ୍ତରରେ ଅଦଳବଦଳ

ଭୁବନେଶ୍ୱର,୧୭।୧(ବ୍ୟୁରୋ)- ସାରା ରାଜ୍ୟର ୬୦ଟି ବ୍ଲକ୍‌ ପାଇଁ ବ୍ଲକ୍‌ ଉନ୍ନୟନ ଅଧିକାରୀ(ବିଡିଓ)ଙ୍କୁ ଅଦଳବଦଳ କରାଯାଇଛି। ମଙ୍ଗଳବାର ଏନେଇ ପଞ୍ଚାୟତିରାଜ ଓ ପାନୀୟଜଳ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।

ମୁଖ୍ୟ ଶାସନ ସଚିବଙ୍କ ନିର୍ଦ୍ଦେଶ: ଇନ୍‌ପୁଟ୍‌  ସବ୍‌ସିଡି ପ୍ରଦାନ ପ୍ରକ୍ରିୟାକୁ ସମ୍ପୂର୍ଣ୍ଣ କର

ମୁଖ୍ୟ ଶାସନ ସଚିବଙ୍କ ନିର୍ଦ୍ଦେଶ: ଇନ୍‌ପୁଟ୍‌ ସବ୍‌ସିଡି ପ୍ରଦାନ ପ୍ରକ୍ରିୟାକୁ ସମ୍ପୂର୍ଣ୍ଣ କର

ଭୁବନେଶ୍ୱର,୧୭।୧(ବ୍ୟୁରୋ): ରାଜ୍ୟ ବିପର୍ଯ୍ୟୟ ପରିଚାଳନା ଆଇନ ୨୦୦୫ ଅନ୍ତର୍ଗତ ଗଠିତ ରାଜ୍ୟ କାର୍ଯ୍ୟକାରିଣୀ କମିଟିର ବୈଠକ ଅନୁଷ୍ଠିତ ହୋଇଯାଇଛି।

ଶେଷହେବ ଯାତ୍ରାର ଯାତ୍ରା

ଶେଷହେବ ଯାତ୍ରାର ଯାତ୍ରା

ଭୁବନେଶ୍ୱର,୧୭।୧(ବ୍ୟୁରୋ): ଆଗାମୀ ଅଗଷ୍ଟ ମାସରୁ ବନ୍ଦ ହେବକୁ ଯାଉଛି ସମସ୍ତ ଯାତ୍ରାପାର୍ଟି। ଏ ନେଇ ଯାତ୍ରା ମାଲିକ ସଂଘ ପକ୍ଷରୁ ବୁଧବାର ସ୍ଥାନୀୟ ଏକ ହୋଟେଲରେ ଆୟୋଜିତ ଖବରଦାତା ସମ୍ମିଳନୀରେ ସୂଚନା ଦିଆଯାଇଛି।

ରଥ କାଠ ପାଇଁ ବୌଦ୍ଧ ଗଲେ ୫ ଜଣିଆ ଟିମ୍‌

ରଥ କାଠ ପାଇଁ ବୌଦ୍ଧ ଗଲେ ୫ ଜଣିଆ ଟିମ୍‌

ପୁରୀ ଅଫିସ, ୧୭।୧: ପ୍ରଥମ ଥର ପାଇଁ ବୌଦ୍ଧ ବନମଣ୍ଡଳରୁ ଆସିବ ରଥ କାଠ। ଏଥିଲାଗି ବୁଧବାର ଶ୍ରୀମନ୍ଦିର ପ୍ରଶାସନର ଏକ ୫ ଜଣିଆ ଟିମ୍‌ ବୌଦ୍ଧ ଯାତ୍ରା କରିଛନ୍ତି।

ବମ୍ବେ ସିଏସ୍‌ଟିରୁ ହଟିଲା ବିକୃତ ପୋଷ୍ଟର

ବମ୍ବେ ସିଏସ୍‌ଟିରୁ ହଟିଲା ବିକୃତ ପୋଷ୍ଟର

ପୁରୀ ଅଫିସ, ୧୭।୧: ବମ୍ବେର ଛତ୍ରପତି ଶିବାଜୀ ଟର୍ମିନସ ଷ୍ଟେଶନରେ ଲଗାଯାଇଥିଲା ବିକୃତ ପୋଷ୍ଟରକୁ ବୁଧବାର ଆଇଆରସିଟିସି ପକ୍ଷରୁ ହଟାଇ ଦିଆଯାଇଛି।

ଶ୍ରୀଜଗନ୍ନାଥ ମନ୍ଦିରର ବିକୃତ ପୋଷ୍ଟରକୁ ନେଇ ବିକ୍ଷୋଭ

ଶ୍ରୀଜଗନ୍ନାଥ ମନ୍ଦିରର ବିକୃତ ପୋଷ୍ଟରକୁ ନେଇ ବିକ୍ଷୋଭ

ପୁରୀ ଅଫିସ, ୧୭।୧: ଭାରତୀୟ ରେଳବିଭାଗ ପକ୍ଷରୁ ଭାରତ ଦର୍ଶନ ପତ୍ରିକାରେ ଏକ ଇସ୍କନ ମନ୍ଦିରକୁ ଶ୍ରୀଜଗନ୍ନାଥ ମନ୍ଦିର ଭାବେ ଚିହ୍ନଟ କରାଯାଇଥିବା ପ୍ରତିବାଦରେ ବୁଧବାର ଶ୍ରୀଜଗନ୍ନାଥ ସେବା ପକ୍ଷରୁ ଆଇଆରସିଟିସି ବିରୋଧରେ ପୁରୀ ରେଳ ଷ୍ଟେସନଠାରେ ବିକ୍ଷୋଭ ପ୍ରଦର୍ଶନ କରାଯାଉଛି।