ଅନଗୁଳ-ଢେଙ୍କାନାଳ

ଅନ୍ଧାରରୁ ଆଲୋକର ମାର୍ଗ ଦେଖାଏ ବିଦ୍ୟା

ଅନ୍ଧାରରୁ ଆଲୋକର ମାର୍ଗ ଦେଖାଏ ବିଦ୍ୟା
ଢେଙ୍କାନାଳ ଅଫିସ, ୨୦।୧୨-ଆଜିର ସ୍ଥିତିରେ ସରକାରୀ ନିୟମାବଳୀ ମଧ୍ୟରେ ବିଦ୍ୟାଳୟଟିଏ ପ୍ରତିଷ୍ଠା କରିବା କଷ୍ଟସାଧ୍ୟ। ଆଗରୁ ଏପରି କାର୍ଯ୍ୟ କରିଥିବା ବ୍ୟକ୍ତିବିଶେଷ ସବୁବେଳେ ପୂଜ୍ୟ। ଉତ୍ତମ ଶିକ୍ଷା ଓ ସହଚର୍ଯ୍ୟା ମନୁଷ୍ୟ ମଧ୍ୟରେ ସଂସ୍କାର, ପରିବର୍ତ୍ତନ ଆଣିଥାଏ। ଅନ୍ଧାରରୁ ଆଲୋକର ମାର୍ଗ ଦେଖାଏ ବିଦ୍ୟା। ଶିକ୍ଷା ବିନା ସମାଜରେ ବିକାଶ ଅସମ୍ଭବ। ସମସ୍ତେ ଶିକ୍ଷିତ ହୋଇ ଆଗକୁ ବଢ଼ିଲେ ମାନବ ସମ୍ବଳର ଉନ୍ନତ ହେବ ଏବଂ ସାମଗ୍ରିକ ବିକାଶ ହୋଇପାରିବ ବୋଲି କହିଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ବଦ୍ରିନାରାୟଣ ପାତ୍ର। ବୁଧବାର ଢେଙ୍କାନାଳ ସଦର ବ୍ଲକ ଗୋବିନ୍ଦପୁରସ୍ଥିତ କାମାକ୍ଷାପ୍ରସାଦ ଉଚ୍ଚ ବିଦ୍ୟାଳୟର ସୁବର୍ଣ୍ଣ ଜୟନ୍ତୀ ସମାରୋହରେ ମୁଖ୍ୟଅତିଥି ଭାବେ ଯୋଗଦେଇ ମନ୍ତ୍ରୀ ଏହି ବକ୍ତବ୍ୟ ରଖିଛନ୍ତି। ସମ୍ମାନିତ ଅତିଥି ବିଧାୟକ ସରୋଜ କୁମାର ସାମଲ ସୁସ୍ଥ ସମାଜ ଗଠନ, ଭଲ ମଣିଷ ତିଆରି କରିବା କରିବାରେ ଶିକ୍ଷାୟତନର ଭୂମିକା ଅନସ୍ବୀକାର୍ଯ୍ୟ ବୋଲି ମତ ରଖିଥିଲେ। ମୁଖ୍ୟବକ୍ତା ବିଶିଷ୍ଟ ସାହିତି୍ୟକ ଶଙ୍କର୍ଷଣ ପରିଡ଼ା ଯୋଗଦେଇ ଆଗାମୀ ଭବିଷ୍ୟତକୁ ଗଢ଼ି ତୋଳିବାରେ ଶିକ୍ଷକମାନେ ଯତ୍ନବାନ ହେବାକୁ ପରାମର୍ଶ ଦେଇଥିଲେ। ଅନ୍ୟତମ ଅତିଥି ଭାବେ ଶିକ୍ଷାବିତ୍‌ ସ୍ବାମୀ ଶ୍ରୀନିବାସାନନ୍ଦ ସରସ୍ବତୀ, ସରପଞ୍ଚ ସୁନୀତା ସାହୁ ମଞ୍ଚାସୀନ ଥିଲେ। ଜିଲା ଶିକ୍ଷା ଅଧିକାରୀ ସୁଧାନନ୍ଦ ପରିଡ଼ାଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମରେ ସୁବର୍ଣ୍ଣ ଜୟନ୍ତୀ ସମାରୋହର ସଭାପତି ସୁବାସ ମହାନ୍ତି, ପ୍ରଧାନ ଶିକ୍ଷକ ଅକ୍ଷୟ ପତି, ପୁରାତନ ଛାତ୍ର ସମୀର ସାହୁ ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ଅତିଥିମାନଙ୍କ ଦ୍ୱାରା ଏକ ସ୍ମରଣିକା ଉନ୍ମୋଚିତ ହୋଇଥିଲା। ସ୍କୁଲ ପାଇଁ ସୁନାମ ଆଣିଥିବା ବ୍ୟକ୍ତି, ପୁରାତନ ଶିକ୍ଷକ ଓ ଛାତ୍ରୀଛାତ୍ରଙ୍କୁ ସମ୍ବର୍ଦ୍ଧିତ କରାଯାଇଥିଲା। କାର୍ଯ୍ୟକ୍ରମକୁ ସଂସ୍କୃତି ପରିଷଦ ସଂଯୋଜକ ଅବନୀ ମିଶ୍ର ସଂଯୋଜନା କରିଥିଲେ। କ୍ରୀଡ଼ା ଶିକ୍ଷକ ନରେଶ ମହାରଣା ଧନ୍ୟବାଦ ଦେଇଥିଲେ । ଶେଷରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
All Right Reserved By

ଅନଗୁଳ-ଢେଙ୍କାନାଳ

ବାଘୁଣୀ ଆକ୍ରମଣ ଘଟଣା: ମୃତକଙ୍କ ପରିବାରକୁ ୪ ଲକ୍ଷ ଟଙ୍କା କ୍ଷତିପୂରଣ

ବାଘୁଣୀ ଆକ୍ରମଣ ଘଟଣା: ମୃତକଙ୍କ ପରିବାରକୁ ୪ ଲକ୍ଷ ଟଙ୍କା କ୍ଷତିପୂରଣ

ଅନୁଗୋଳ ଅଫିସ୍‌, ୨୨।୧୦: ବାଘୁଣୀ ଆକ୍ରମଣ ଘଟଣାରେ ଟାଇଁସି ଅଞ୍ଚଳର ମୃତ ତ୍ରୀନାଥ ସାହୁଙ୍କର ଶବ ବ୍ୟବଚ୍ଛେଦ ପାଇଁ ପ୍ରକ୍ରିୟା ଅନୁଗୋଳ ମୁଖ୍ୟ ଚିକିତ୍ସାଳୟରେ ଆରମ୍ଭ ହୋଇଛି। 

ନବବିବାହିତା ମହିଳାଙ୍କୁ ହତ୍ୟା ଅଭିଯୋଗ, ଜଣେ ଅଟକ

ନବବିବାହିତା ମହିଳାଙ୍କୁ ହତ୍ୟା ଅଭିଯୋଗ, ଜଣେ ଅଟକ

ଛେଣ୍ଡିପଦା,୨୨।୧୦(ସ୍ବ.ପ୍ର) ଛେଣ୍ଡିପଦା ଥାନା ଅନ୍ତର୍ଗତ ବାଲିନାଳି ଗ୍ରାମରେ ପାରିବାରିକ କଳହକୁ କେନ୍ଦ୍ର କରି ରବିବାର ରାତିରେ ଜଣେ ନବବିବାହିତାଙ୍କ ମୃତ ଦେହ ଉଦ୍ଧାର ରାଯାଇଛି। 

ମଣିଷ ପରେ ‘ବଳଦ’ ଶିକାର କଲା ସୁନ୍ଦରୀ

ମଣିଷ ପରେ ‘ବଳଦ’ ଶିକାର କଲା ସୁନ୍ଦରୀ

ଅନୁଗୋଳ ଅଫିସ୍‌, ୨୨।୧୦: ମଣିଷ ଶିକାର କରିବାର ଦୁଇଦିନ ନ ପୂରୁଣୁ  ସୋମବାର ଏକ ବଳଦ ଶିକାର କରିଛି ବାଘୁଣୀ ସୁନ୍ଦରୀ। ଏହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି।

ପୁଣି ମଣିଷ ମାରିଲା ସୁନ୍ଦରୀ

ପୁଣି ମଣିଷ ମାରିଲା ସୁନ୍ଦରୀ

ସାତକୋଶିଆରେ ପୁଣି ମଣିଷ ମାରିଛି ବାନ୍ଧବଗଡ଼ର ବାଘୁଣୀ ସୁନ୍ଦରୀ। ରବିବାର ସକାଳେ ଚାଷ ପାଇଁ ଯାଇଥିବା ଅନୁଗୋଳ ଜିଲା ପମ୍ପାସର ରେଞ୍ଜ ଟାଇଁସି ଗ୍ରାମର ତ୍ରିନାଥ ସାହୁ (୬୦)ଙ୍କ ଜୀବନ ନେଇଛି ସୁନ୍ଦରୀ। ଅନ୍ୟ ଦୁଇଜଣଙ୍କୁ ଆହତ ମଧ୍ୟ କରିଛି। ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ତୀବ୍ର ଉତ୍ତେଜନା ସୃଷ୍ଟି ହୋଇଛି। 

ପୂର୍ବ ଭୁଲର ହେଲା ପୁନରାବୃତ୍ତି

ପୂର୍ବ ଭୁଲର ହେଲା ପୁନରାବୃତ୍ତି

ବନ୍ତଳା/ଅନୁଗୋଳ ଅଫିସ,୨୨ା୧୦(ଡି.ଏନ.ଏ.)
ଦୁଇ ଦୁଇ ଜଣଙ୍କ ଜୀବନ ନେଇଥିବା ବାଘୁଣୀ ସୁନ୍ଦରୀକୁ ଜଗିବାରେ ବନ ବିଭାଗ ସମ୍ପୂର୍ଣ୍ଣ ଅକ୍ଷମ। ରବିବାର ଟାଇଁସି ଗ୍ରାମର ଚାଷୀ ତ୍ରିନାଥ ସାହୁଙ୍କ ମୃତ୍ୟୁ ଘଟଣା ପରେ ବନ ବିଭାଗର ଏହି ଅପାରଗତା ଓ ବିଫଳତା ପଦାକୁ ଆସିଥିବା ଚର୍ଚ୍ଚାର ବିଷୟ ହୋଇଛି। ଏହାକୁ ନେଇ କେବଳ ଅଭୟାରଣ୍ୟବାସୀ ନୁହନ୍ତି ବରଂ ଜିଲାର କୋଣ ଅନୁକୋଣରୁ ପ୍ରଶ୍ନବାଚୀ ସୃଷ୍ଟି ହୋଇଛି। ବନ ବିଭାଗ ଲୋକଙ୍କ ସୁରକ୍ଷା ନେଇ ଯେଉଁ ବଡ଼ ବଡ଼ କଥା କହୁଛି ତାହା ଯେ ଧୂଅଁାବାଣ ସେ ନେଇ ଆଲୋଚନା ଜୋର୍‌ ଧରିଛି। 

ଭୁବନ ଭସାଣି ଶୋଭାଯାତ୍ରାରେ ଗୋଷ୍ଠୀ ସଂଘର୍ଷ:  ଘରପୋଡ଼ି, ବ୍ଲେଡ୍‌ରେ ଅକ୍ରମଣ ଅଭିଯୋଗ, ପଥର ମାଡ଼ରେ ଏସ୍‌ଆଇଙ୍କ ମୁଣ୍ଡ ଫାଟିଲା

ଭୁବନ ଭସାଣି ଶୋଭାଯାତ୍ରାରେ ଗୋଷ୍ଠୀ ସଂଘର୍ଷ: ଘରପୋଡ଼ି, ବ୍ଲେଡ୍‌ରେ ଅକ୍ରମଣ ଅଭିଯୋଗ, ପଥର ମାଡ଼ରେ ଏସ୍‌ଆଇଙ୍କ ମୁଣ୍ଡ ଫାଟିଲା

ଭୁବନ,୨୧ା୧୦(ଡି.ଏନ.ଏ.)-ଐତିହାସିକ ବଳଦଯାତ୍ରା ଭସାଣି ଉତ୍ସବରେ ଗୋଷ୍ଠୀ ସଂଘର୍ଷକୁ ନେଇ ଅଶାନ୍ତି ହୋଇଉଠିଛି ଭୁବନ। ଦୁଇ ବଳଦିଆ କମିଟି ମଧ୍ୟରେ ବଚସାକୁ ନେଇ ଏପରି ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା। ଉଭୟ ପକ୍ଷ ମଧ୍ୟରେ ପଥରମାଡ଼ରେ ଜଣେ ଏସ୍‌ଆଇଙ୍କ ସମେତ ୬ଜଣ ଗୁରୁତର ହୋଇଛନ୍ତି। ସେହିପରି ପୋଲିସର ଲାଠି ମାଡ଼ରେ ଜଣେ ସାଧାରଣ ନାଗରିକ ଜଖମ ହୋଇଛନ୍ତି। ଏହାକୁ ନେଇ ଦିନତମାମ ଅଞ୍ଚଳରେ ଉତ୍ତେଜନା ଲାଗି ରହିଥିଲା।

 ଭୁବନର ଐତିହାସିକ ବଳଦଯାତ୍ରାରେ ମହାବିଭ୍ରାଟ

ଭୁବନର ଐତିହାସିକ ବଳଦଯାତ୍ରାରେ ମହାବିଭ୍ରାଟ

ଭୁବନ,୨୧ା୧୦(ଡି.ଏନ.ଏ.)-ମହାବିଭ୍ରାଟ ମଧ୍ୟରେ ଶେଷ ହୋଇଛି ଭୁବନର ଐତିହାସିକ ବଳଦଯାତ୍ରା। ବଳଦିଆ ଏବଂ ଶାନ୍ତି କମିଟିର ଅସହଯୋଗ କାରଣରୁ ବିଭିନ୍ନ ସ୍ଥାନରେ ଗଣ୍ଡଗୋଳ, ମାରପିଟ୍‌ ଭଳି ଘଟଣା ଯାତ୍ରାପ୍ରେମୀଙ୍କ ଆଘାତ ଦେଇଛି। କେବଳ ଏତିକି ନୁହେଁ, ପ୍ରଶାସନ ପକ୍ଷରୁ କରାଯାଇଥିବା ଅସ୍ଥାୟୀ ପୋଖରୀ ବଦଳରେ ପୂଜା ପ୍ରତିଷ୍ଠାନଗୁଡ଼ିକ ନିଜ ଇଚ୍ଛା ମୁତାବକ ବିଭିନ୍ନ ଜଳାଶୟରେ ମେଢ଼ ବିସର୍ଜନ କରିଥିଲେ।

ଧଳପଡାରେ  ଜନସମ୍ପର୍କ ପଦଯାତ୍ରା

ଧଳପଡାରେ ଜନସମ୍ପର୍କ ପଦଯାତ୍ରା

ଭୁବନ,୨୧ା୧୦(ଡି.ଏନ.ଏ.)- ଭୁବନ ବ୍ଲକ ଧଳପଡା ପଞ୍ଚାୟତରେ ରବିବାର ବିଜେଡି ପକ୍ଷରୁ ପଦଯାତ୍ରା ଅନୁଷ୍ଠିତ ହୋଇଯାଇଛି। ମୁଖ୍ୟଅତିଥି ଭାବେ ଖଣି, ଇସ୍ପାତ ମନ୍ତ୍ରୀ ପ୍ରଫୁଲ କୁମାର ମଲ୍ଲିକ ଯୋଗଦେଇ ରାଜ୍ୟ ସରକାରଙ୍କ ବିଭିନ୍ନ ଜନହିତକର  ଯୋଜନା ସମ୍ପର୍କରେ ଜନସାଧାରଣଙ୍କୁ ଅବଗତ କରାଇଥିଲେ। ଏଥିସହ ଅଞ୍ଚଳରେ ଥିବା ବିଭିନ୍ନ ସମସ୍ୟା ସମ୍ପର୍କରେ ଗ୍ରାମବାସୀଙ୍କ ସହ ଆଲୋଚନା କରିଥିଲେ। 

ହାତୀ ଉପଦ୍ରବ, ଫସଲ ନଷ୍ଟ

ହାତୀ ଉପଦ୍ରବ, ଫସଲ ନଷ୍ଟ

ବଇଣ୍ଡା,୨୧।୧୦(ଡି.ଏନ.ଏ.)- କିଶୋରନଗର ବ୍ଲକ ହଣ୍ଡପା ରେଞ୍ଜର ବଡ଼ହୁଲା, ଧୁଣ୍ଡି, ଗାଁ ବଇଣ୍ଡା, ପାର୍ବତୀପୁର ଆଦି ଗ୍ରାମରେ ଗତ କିଛି ଦିନ ହେବ ହାତୀ ଉପଦ୍ରବ ଲାଗି ରହିଛି। ହାତୀମାନେ ନିକଟସ୍ଥ ଜଙ୍ଗଲରୁ ଗ୍ରାମାଭିମୁଖୀ ହୋଇ ଫସଲ ନଷ୍ଟ କରୁଛନ୍ତି। ବନ ବିଭାଗ ପକ୍ଷରୁ ହାତୀ ଘଉଡ଼ାଇବା ପାଇଁ କୌଣସି ପଦକ୍ଷେପ ଗ୍ରହଣ କରାଯାଉ ନ ଥିବା ଗ୍ରାମବାସୀ ଅଭିଯୋଗ କରିଛନ୍ତି। ତୁରନ୍ତ କ୍ଷତିଗ୍ରସ୍ତଙ୍କୁ ଚିହ୍ନଟ କରି କ୍ଷତିପୂରଣ ଯୋଗାଇଦେବାକୁ ସାଧାରଣରେ ଦାବି ହୋଇଛି।

ବାଘୁଣୀ ‘ସୁନ୍ଦରୀ’ ଆକ୍ରମଣରେ ଚାଷୀ ମୃତ:  ବିଟ୍‌ ହାଉସ ପୋଡ଼ି ଦେଲେ ଗ୍ରାମବାସୀ

ବାଘୁଣୀ ‘ସୁନ୍ଦରୀ’ ଆକ୍ରମଣରେ ଚାଷୀ ମୃତ: ବିଟ୍‌ ହାଉସ ପୋଡ଼ି ଦେଲେ ଗ୍ରାମବାସୀ

ବନ୍ତଳା,୨୧।୧୦(ଡି.ଏନ.ଏ.)- ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟ ପୁରୁଣାକୋଟ ଥାନା ଟାଇଁସି ଗ୍ରାମର ତ୍ରିନାଥ ସାହୁ(୬୦) ରବିବାର ସକାଳେ ବାଘୁଣୀ ‘ସୁନ୍ଦରୀ’ ଆକ୍ରମଣରେ ପ୍ରାଣ ହରାଇଛନ୍ତି। 

ଜାମୁନାଳୀ ଓ ହାଣ୍ଡିଗୋଡା ଗ୍ରାମରେ  ଉତ୍ପାତ ଚଳାଇଛନ୍ତି ୧୬ ହାତୀ: ୨୦ ଏକର ଫସଲ ନଷ୍ଟ

ଜାମୁନାଳୀ ଓ ହାଣ୍ଡିଗୋଡା ଗ୍ରାମରେ ଉତ୍ପାତ ଚଳାଇଛନ୍ତି ୧୬ ହାତୀ: ୨୦ ଏକର ଫସଲ ନଷ୍ଟ

ଛେଣ୍ଡିପଦା,୨୧।୧୦(ଡି.ଏନ.ଏ.)- ଅନୁଗୋଳ ବନଖଣ୍ଡ ଜରପଡା ଫରେଷ୍ଟ ରେଞ୍ଜ ଅନ୍ତର୍ଗତ ଜାମୁନାଳୀ ଓ ହାଣ୍ଡିଗୋଡା ଗ୍ରାମର ରଙ୍ଗିଆ ନାଳୀ ଚକ ଇଲାକାରେ ଶନିବାର ବିଳମ୍ବିତ ରାତିରେ ହାତୀ ଉପଦ୍ରବ କରିଛନ୍ତି।  ପ୍ରାୟ ୧୫ ରୁ ୧୬ ହାତୀ ଦଳବଦ୍ଧ ହୋଇ ବ୍ୟାପକ ଫସଲ କ୍ଷୟକ୍ଷତି କରିଛନ୍ତି।

ହାତୀ ଆକ୍ରମଣରେ ବୃଦ୍ଧ ମୃତ ଘଟଣା: କ୍ଷତିପୂରଣ ଦାବି କଲେ ଗ୍ରାମବାସୀ

ହାତୀ ଆକ୍ରମଣରେ ବୃଦ୍ଧ ମୃତ ଘଟଣା: କ୍ଷତିପୂରଣ ଦାବି କଲେ ଗ୍ରାମବାସୀ

 ତାଳଚେର,୨୧।୧୦(ନି.ପ୍ର)- ତାଳଚେର ବ୍ଲକ ଲିଙ୍ଗିରକଟା ଗ୍ରାମରେ ଶନିବାର ରାତିରେ ହାତୀ ଆକ୍ରମଣରେ ବିକ୍ରମ ରାଉତ (୬୦)ଙ୍କ ମୃତ୍ୟୁ ହୋଇଥିଲା। ଏହି ଘଟଣାକୁ ନେଇ ଗ୍ରାମବାସୀଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି।