ଉପକୂଳ ଓଡିଶା

ପୋଖରୀ ଖନନ ନାମରେ ଚାଲିଛି ଦୁର୍ନୀତି

ପୋଖରୀ ଖନନ ନାମରେ ଚାଲିଛି ଦୁର୍ନୀତି
ରସୁଲପୁର,୨୦।୧୨(ଡି.ଏନ୍‌.ଏ.)- ପୋଖରୀ ଖୋଳା ଓ ନାଳ ଖନନରେ ବ୍ୟାପକ ଦୁର୍ନୀତି ଚାଲିଛି। ଏହାକୁ ନେଇ ବିଭାଗୀୟ ଅଧିକାରୀ ଓ ଜିଲାପାଳଙ୍କ ନିକଟରେ ଅଭିଯୋଗ ହୋଇବା ପରେ ତଦନ୍ତ ଆରମ୍ଭ ହୋଇଛି। ମାତ୍ର ବିଭାଗୀୟ ଅଧିକାରୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନ ଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଏଭଳି ଅଭିଯୋଗ ରସୁଲପୁର ବ୍ଲକର ସୁଆଁସାହି ଗ୍ରାମରେ ପୋଖରୀ ଖୋଳା ଘଟଣାରେ ଦେଖିବାକୁ ମିଳିଛି । ବିନା ଅନୁମତିରେ ପୋଖରୀ ଖୋଳୁଥିବା ନେଇ ସୁଆଁସାହି ଗ୍ରାମବାସୀ ରସୁଲପୁର ତହସିଲଦାରଙ୍କ ନିକଟରେ ଅଭିଯୋଗ କରିଥିଲେ । ତହସିଲଦାର ଘଟଣାସ୍ଥଳ ପରିଦର୍ଶନ କରିବା ପରେ ପୋଖରୀ ଖନନକୁ ବନ୍ଦ କରିଦେଇଛନ୍ତି । ଏହି ବ୍ଲକ ଦାୟିତ୍ୱରେ ଥିବା ଜଳଛାୟା ପ୍ରକଳ୍ପ ଅଧିକାରୀ ଧ୍ରୁବ ଚରଣ ପଣ୍ଡାଙ୍କୁ ପୋଖରୀ ଖନନର ସବିଶେଷ ତଥ୍ୟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି । ତେବେ ନିର୍ଦ୍ଦେଶ ଦେବାର ଏକ ସପ୍ତାହ ବିତିଯାଇଥିଲେ ମଧ୍ୟ ତାହା କାର୍ଯ୍ୟକାରୀ ହୋଇ ନ ଥିବା ଜଣାପଡ଼ିଛି। ପ୍ରକାଶ ଯେ, ଡିସେମ୍ବର ପ୍ରଥମ ସପ୍ତାହରୁ ରସୁଲପୁର ଓ ଭୋଟକା ପଞ୍ଚାୟତର ସୀମାକୁ ଲାଗି ଏକ ଜନଗହଳିପୂର୍ଣ୍ଣ ସ୍ଥାନରେ ପୋଖରୀ ଖନନ କାର୍ଯ୍ୟ ଆରମ୍ଭ ହୋଇଛି । ଉକ୍ତ ସ୍ଥାନକୁ ୪ଟି ଗ୍ରାମର ପିଲାମାନେ ଖେଳପଡ଼ିଆ ଭାବେ ବ୍ୟବହାର କରୁଥିଲେ। ଉକ୍ତ ଖେଳ ପଡ଼ିଆଟିକୁ ଗ୍ରାମବାସୀଙ୍କ ବିନା ଅନୁମତିରେ ଖନନ କରାଯାଉଥିବା ନେଇ ସରପଞ୍ଚଙ୍କୁ ଅବଗତ କରାଯାଇଥିଲା। ମାତ୍ର ସରପଞ୍ଚ ମଧ୍ୟ ଉକ୍ତ ଖନନ ସମ୍ପର୍କରେ ଅବଗତ ନ ଥିବା ଗ୍ରାମବାସୀଙ୍କୁ ଜଣାଇଥିଲେ। ଜନଗହଳି ସ୍ଥାନରେ ବିନା ଅନୁମତିରେ ପୋଖରୀ ଖନନକୁ ବିରୋଧ କରି ୧୨ ତାରିଖରେ ଗ୍ରାମବାସୀ ତହସିଲଦାରଙ୍କୁ ଅଭିଯୋଗ କରିଥିଲେ । ଏହାପରେ ତହସିଲଦାର ପ୍ରତାପ କୁମାର ରାଉତ, ରାଜସ୍ବ ନିରୀକ୍ଷକ ଦୁର୍ଯେୟ ଷଡ଼ଙ୍ଗୀ ଘଟଣାସ୍ଥଳ ପରିଦର୍ଶନ କରି ଜଳଛାୟା ବିଭାଗ ପକ୍ଷରୁ ଏହି ଖନନ କାର୍ଯ୍ୟ ହେଉଥିବା ଜଣାପଡ଼ିଥିଲା। ଜଳ ସଂରକ୍ଷଣ ଓ ଚାଷ ଜମିକୁ ଜଳଯୋଗାଣ ଆଳରେ ଏହି ପୋଖରୀ ଖୋଳାଯାଉଥିବା ଅନୁସନ୍ଧାନରୁ ଜଣାପଡିଛି । ମାତ୍ର ଗାଁ ମଝିରେ ପୋଖରୀ ଖୋଳି ଚାଷଜମିକୁ ଜଳ ଯୋଗାଣ କରିବା ଏହା ସମ୍ଭବପର ନୁହେଁ । ଏହା ପଛରେ ଅନ୍ୟ କିଛି କାରଣ ରହିଥିବା ଗ୍ରାମବାସୀ ଅଭିଯୋଗ ଆଣିଥିଲେ। ଏଥିସହ ଏହି ଜମିକୁ ଲାଗିଥିବା ଭୋଟକା ପଞ୍ଚାୟତ ସାନରମ୍ପେଇ ଗ୍ରାମରେ ଏକ ପୋଖରୀ ଥିଲା । ମାତ୍ର ଜନସାଧାରଣଙ୍କ ଚଳାଚଳରେ ବାଧା ଉପୁଜିବାରୁ କିଛି ବର୍ଷ ତଳେ ଉକ୍ତ ପୋଖରୀଟିକୁ ପୋତି ଦିଆଯାଇଥିଲା । ଏବେ ଉକ୍ତ ସ୍ଥାନରେ ଏକ କମ୍ୟୁନିଟି ସେଣ୍ଟର ରହିଛି । କିନ୍ତୁ ଏଠାରେ ଜନସାଧାରଣଙ୍କ ଅଗୋଚରରେ ରାତି ଅଧିଆ ପୋଖରୀ ଖନନକୁ ତୀବ୍ର ବିରୋଧ କରାଯାଉଛି। ପୋଖରୀ ଖୋଳା ଯାଉଥିବା ସ୍ଥାନଟି ଏକ ମୂଲ୍ୟବାନ ଜାଗା ବୋଲି ଖୋଦ୍‌ ତହସିଲ ପ୍ରଶାସନ ବି ଗ୍ରହଣ କରୁଛି । ଏଠାରେ ବିଭାଗ ତହସିଲର ବିନା ଅନୁମତିରେ ପୋଖରୀ ଖୋଳାଯାଉଛି । ଫଳରେ ତହସିଲଦାର ରାଉତ ପୋଖରୀ ଖୋଳାକୁ ଅଧାରୁ ବନ୍ଦ କରିଦେବା ସହ ଏ ଦିଗରେ ରିପୋର୍ଟ ତଲବ କରିଛନ୍ତି । ପ୍ରକାଶ ଥାଉ କି ବିଗତ ଦିନରେ ଏହି ବ୍ଲକରେ ବିଭାଗର ବହୁ ବେଆଇନ କାର୍ଯ୍ୟ କରାଯାଉଥିବା ନେଇ ଚର୍ଚ୍ଚା ଲାଗି ରହିଛି। ଭୋଟକା ପଞ୍ଚାୟତରେ ଛିଣ୍ଡା ଖରସ୍ରୋତା ନଦୀ ଭିତରେ ପୋଖରୀ ଖୋଳା ପ୍ରସଙ୍ଗକୁ ନେଇ ବିବାଦ ଉପୁଜିଥିଲା । ଏ ଦିଗରେ ଗ୍ରାମବାସୀଙ୍କ ଅଭିଯୋଗ କ୍ରମେ ତତ୍କାଳୀନ ବିଭାଗୀୟ ପ୍ରକଳ୍ପ ନିର୍ଦ୍ଦେଶକ ଘଟଣାସ୍ଥଳ ପରିଦର୍ଶନ କରିଥିଲେ । ଏଥି ସହ ଏହି ପଞ୍ଚାୟତର ଭୋଟାକ ପାଟ ବଡ ନାଳ ଓ ସାନନାଳ ଖନନ ଆଳରେ ଲକ୍ଷ ଲକ୍ଷ ଟଙ୍କା ହଡପ ହୋଇଛି । ବଡକଇଁଚ ପଞ୍ଚାୟତରେ ଜଙ୍ଗଲ କିସମ ଜମିରେ ପୋଖରୀ ଖୋଳାକୁ ନେଇ ଅଭିଯୋଗ ହୋଇଥିଲା । ଓଡିଶୋ ପଞ୍ଚାୟତର ଦପାନାଳ ଖନନରେ ବ୍ୟାପକ ଅନିୟମିତତା ହୋଇଛି । ଏହିଭଳି ବିଭିନ୍ନ ପଞ୍ଚାୟତରେ ଜଳଛାୟା ପ୍ରକଳ୍ପ ନାଁରେ ବହୁ ଦୁର୍ନୀତି ହୋଇଛି । ବିଭାଗୀୟ ଅଧିକାରୀ କମିଟି ଆଳରେ ସ୍ଥାନୀୟ ଅଞ୍ଚଳର ମୁଷ୍ଟିମେୟ ଲୋକଙ୍କୁ ହାତକରି ପ୍ରକଳ୍ପ ଆଳରେ ଟଙ୍କା ହଡପ କରୁଥିବା ଅଭିଯୋଗ ହୋଇଛି । ଏ ସମ୍ପର୍କରେ ପ୍ରକଳ୍ପ ଅଧିକାରୀ ଧ୍ରୁବ ଚରଣ ପଣ୍ଡାଙ୍କୁ ପଚାରିବାରେ ବ୍ଲକରେ ହେଉଥିବା କାର୍ଯ୍ୟ କମିଟି ଦ୍ୱାରା ସ୍ଥିର କରାଯାଉଛି । କୌଣସି ଅଭିଯୋଗ ମିଳିନାହିଁ। କାର୍ଯ୍ୟ ଆରମ୍ଭ ପୂର୍ବରୁ ସମସ୍ତ କାଗଜପତ୍ର ଯୋଗାଡ କରିବା ସମ୍ଭବ ନୁହେଁ। କର୍ମଚାରୀ ଅଭାବ ଯୋଗୁ ଆଇନତଃ ସବୁ ଠିକ୍‌ କରିହେଉ ନାହିଁ ବୋଲି କହିଛନ୍ତି। ବ୍ଲକ ଅଧୀନରେ ଜଳଛାୟା ବିଭାଗ ପକ୍ଷରୁ କରାଯାଇଥିବା କାର୍ଯ୍ୟକୁ ଭିଜିଲାନ୍ସ ତଦନ୍ତ କରିବାକୁ ସାଧାରଣରେ ଦାବି ହେଉଛି ।
All Right Reserved By

ଉପକୂଳ ଓଡିଶା

ବିଜୁ ଯୁବବାହିନୀର ଯୁବ ସମାବେଶ: ସମ୍ବର୍ଦ୍ଧିତ ହେଲେ ଜିଲାର ଯୁବତୀଯୁବକ

ବିଜୁ ଯୁବବାହିନୀର ଯୁବ ସମାବେଶ: ସମ୍ବର୍ଦ୍ଧିତ ହେଲେ ଜିଲାର ଯୁବତୀଯୁବକ

ନୟାଗଡ଼ ଅଫିସ,୧୭ା୧୨- ଜିଲା ବିଜୁ ଯୁବବାହିନୀ ପକ୍ଷରୁ ରବିବାର ନୟାଗଡ଼ ଖେଳପଡ଼ିଆଠାରେ ଯୁବ ସମାବେଶ ଅନୁଷ୍ଠିତ ହୋଇଯାଇଛି। ଏହି ଉପଲକ୍ଷେ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ପୂର୍ବାହ୍ନ ୧୦ଟାରେ ପ୍ରଥମେ ଜିଲାସ୍ତରୀୟ ଭଲିବଲ୍‌ ଟୁର୍ନାମେଣ୍ଟ କରାଯାଇଥିଲା। 

ମାତିଛନ୍ତି ଲୁଟେରା, ପୋଲିସ ନିଷ୍କ୍ରିୟ: ଅସୁରକ୍ଷିତ ମଣୁଛନ୍ତି ପଥଚାରୀ

ମାତିଛନ୍ତି ଲୁଟେରା, ପୋଲିସ ନିଷ୍କ୍ରିୟ: ଅସୁରକ୍ଷିତ ମଣୁଛନ୍ତି ପଥଚାରୀ

ନୟାଗଡ଼ ଅଫିସ,୧୭ା୧୨- ନୟାଗଡ଼ ଜିଲାରେ ଦିନକୁ ଦିନ ଲୁଟ୍‌, ରାହାଜାନି ଭଳି ଘଟଣା ବୃଦ୍ଧି ପାଇବାରେ ଲାଗିଛି। ସ୍ଥାନୀୟ ଲୋକେ ଏଥିପାଇଁ ପୋଲିସର ନିଷ୍କ୍ରିୟତାକୁ ଦାୟୀ କରୁଥିବାବେଳେ ପଥଚାରୀ ନିଜକୁ ଅସୁରକ୍ଷିତ ମଣୁଛନ୍ତି। 

ପହିଲି ଭୋଗ:ମା’ଙ୍କ ହାତ ରନ୍ଧା ଖାଇଲେ ନୀଳମାଧବ ଜୀଉ

ପହିଲି ଭୋଗ:ମା’ଙ୍କ ହାତ ରନ୍ଧା ଖାଇଲେ ନୀଳମାଧବ ଜୀଉ

ଖଣ୍ଡପଡ଼ା,୧୭ା୧୨(ସ୍ବ.ପ୍ର.)-ଧନୁ ସଂକ୍ରାନ୍ତି ତିଥିରେ କଣ୍ଟିଲୋ ନୀଳମାଧବ ଜୀଉଙ୍କ ପହିଲି ଭୋଗ ନୀତି ଆରମ୍ଭ ହୋଇଯାଇଛି ା ରବିବାରଠାରୁ ଠାକୁରଙ୍କ ପାଖରେ ଧନୁମୁଆଁ ଭୋଗ ଓ ସ୍ବତନ୍ତ୍ର ପିଠା ଲାଗି ହେଉଛି। 

ବ୍ଲକସ୍ତରୀୟ ଶିଶୁମେଳା : ଯୋଗଦେଲେ ୨୧ ହାଇସ୍କୁଲରୁ ୧୯୬ ପ୍ରତିଯୋଗୀ

ବ୍ଲକସ୍ତରୀୟ ଶିଶୁମେଳା : ଯୋଗଦେଲେ ୨୧ ହାଇସ୍କୁଲରୁ ୧୯୬ ପ୍ରତିଯୋଗୀ

ରଣପୁର,୧୭ା୧୨(ସ୍ବ.ପ୍ର.)-ନୟାଗଡ଼ ଜିଲା ରଣପୁର ବ୍ଲକ ଅନ୍ତର୍ଗତ ଗୋପାଳପୁର ହାଇସ୍କୁଲରେ ରବିବାର ଓଡ଼ିଶା ମାଧ୍ୟମିକ ସ୍କୁଲ୍‌ ଶିକ୍ଷକ ସଂଘ(ଓଷ୍ଟା)ର ବ୍ଲକସ୍ତରୀୟ ଶିଶୁମେଳା ଅନୁଷ୍ଠିତ ହୋଇଯାଇଛି ା 

ବିଦ୍ୟାଳୟରେ ଆରମ୍ଭ ହେଲା ଜୁନିୟର୍‌ ରେଡ୍‌କ୍ରସ୍‌

ବିଦ୍ୟାଳୟରେ ଆରମ୍ଭ ହେଲା ଜୁନିୟର୍‌ ରେଡ୍‌କ୍ରସ୍‌

ରଣପୁର,୧୭ା୧୨(ସ୍ବ.ପ୍ର.)-ନୟାଗଡ଼ ଜିଲା ରଣପୁର ଅଞ୍ଚଳସ୍ଥ ନରେନ୍ଦ୍ରପୁର ବାସୁଦେବ ଆଞ୍ଚଳିକ ବିଦ୍ୟାପୀଠରେ ଶନିବାର ଜିଲା ଜୁନିୟର ରେଡ୍‌କ୍ରସ୍‌ ଆରମ୍ଭ ହୋଇଛି ା ବିଦ୍ୟାପୀଠର ପ୍ରଧାନ ଶିକ୍ଷକ ମନୋଜ କୁମାର ଗୁମାନସିଂଙ୍କ ସଭାପତିତ୍ୱରେ ଆୟୋଜିତ ଏକ ସଭାରେ ମୁଖ୍ୟଅତିଥି ଭାବେ ରଣପୁର ବ୍ଲକ ଶିକ୍ଷା ଅଧିକାରୀ ଉପେନ୍ଦ୍ରନାଥ ସାହୁ ଯୋଗଦେଇ କାର୍ଯ୍ୟକ୍ରମକୁ ଉଦ୍‌ଘାଟନ କରିଥିଲେ ା

ବ୍ଲକସ୍ତରୀୟ ଶିଶୁମେଳା: ଲୁକ୍‌କାୟିତ ପ୍ରତିଭାର ବିକାଶ ଉତ୍ସବର ଲକ୍ଷ୍ୟ

ବ୍ଲକସ୍ତରୀୟ ଶିଶୁମେଳା: ଲୁକ୍‌କାୟିତ ପ୍ରତିଭାର ବିକାଶ ଉତ୍ସବର ଲକ୍ଷ୍ୟ

ଖଣ୍ଡପଡ଼ା,୧୭ା୧୨(ସ୍ବ.ପ୍ର.)-ଖଣ୍ଡପଡ଼ା ବ୍ଲକ ଅନ୍ତର୍ଗତ ସିଧାମୂଳାସ୍ଥିତ ଗୋକୁଳାନନ୍ଦ ଜୀଉ ବିଦ୍ୟାମନ୍ଦିରରେ ରାଜ୍ୟ ମାଧ୍ୟମିକ ସ୍କୁଲ ଶିକ୍ଷକ ସଂଘ (ଓଷ୍ଟା) ପକ୍ଷରୁ ବ୍ଳକସ୍ତରୀୟ ଶିଶୁମେଳା ଶନିବାର ଅନୁଷ୍ଠିତ ହୋଇଯାଇଛି।   ବ୍ଲକର ୧୪ ଉଚ୍ଚ ବିଦ୍ୟାଳୟରୁ ୨୦୦ରୁ ଊର୍ଦ୍ଧ୍ୱ ଛାତ୍ରୀଛାତ୍ର ଏଥିରେ ଅଂଶଗ୍ରହଣ କରିଥିଲେ।

କାଉ ମଡ଼କ ନେଇ ଆଶଙ୍କା

କାଉ ମଡ଼କ ନେଇ ଆଶଙ୍କା

ନିରାକାରପୁର,୧୭ା୧୨(ଡି.ଏନ.ଏ)-ଖୋର୍ଦ୍ଧା ଜିଲା ନିରାକାରପୁର ପଞ୍ଚାୟତସ୍ଥ ନନପଡା ମୌଜାର ଚମ୍ପାଢିପ ଗହୀରରେ କାଉ ସମେତ ଅନ୍ୟ ପକ୍ଷୀଗୁଡ଼ିକ ମରି ପଡ଼ିଥିବା ଦେଖାଯାଇଛି। 

ଆଇତିପୁରରେ ପିଠା ଯୋଜନା କାର୍ଯ୍ୟକ୍ରମ

ମାର୍ଶାଘାଇ, ୧୬।୧୨ (ଡି.ଏନ୍‌.ଏ.)-  ମାର୍ଶାଘାଇ ବ୍ଲକ ଆଇତିପୁର ପଞ୍ଚାୟତରେ ପିଠା ଯୋଜନା କାର୍ଯ୍ୟକ୍ରମ ରବିବାର ଉଦ୍‌ଘାଟିତ ହୋଇଯାଇଛି। ସ୍ଥାନୀୟ ବିଡିଓ ସୁବାଦାର ପ୍ରଧାନ କାର୍ଯ୍ୟକ୍ରମ ଉଦ୍‌ଘାଟନ କରିଥିଲେ। 

ମହିଳାଙ୍କୁ ଗଣବଳାତ୍କାର, ଥାନାରେ ମାମଲା

ମହିଳାଙ୍କୁ ଗଣବଳାତ୍କାର, ଥାନାରେ ମାମଲା

ମାର୍ଶାଘାଇ, ୧୬।୧୨ (ଡି.ଏନ୍‌.ଏ.)- ମାର୍ଶାଘାଇ ଥାନା ଅଧୀନ ବଡ଼ପାଳ ଗ୍ରାମର ଏକ ଭଡ଼ାଘରୁ ଜନୈକା ବିଧବାଙ୍କୁ ଶୁକ୍ରବାର ରାତିରେ ୬ଜଣ ଯୁବକ ଉଠାଇ ନେଇ ଗଣ ବଳାତ୍କାର କରିଥିଲେ। ଏ ନେଇ ଶନିବାର ପୀଡ଼ିତା ମାର୍ଶାଘାଇ ଥାନାରେ ଅଭିଯୋଗ କରିଛନ୍ତି। ଅଭିଯୁକ୍ତମାନଙ୍କ ମଧ୍ୟରୁ ୨ଜଣ ବଳାତ୍କାର କରିଥିବା ମାନି ଥିବା ବେଳେ ରବିବାର ଏସ୍‌ଡିପିଓଙ୍କ ଆଗରେ ଏହାକୁ ଅସ୍ବୀକାର କରିଥିଲେ। 

ଜଗତ୍‌ସିଂହପୁରରେ ଶିଶୁ ଉତ୍ସବ

ଜଗତ୍‌ସିଂହପୁରରେ ଶିଶୁ ଉତ୍ସବ

ଜଗତ୍‌ସିଂହପୁର ଅଫିସ୍‌ (୧୬।୧୨)- ଜଗତ୍‌ସିଂହପୁର ବ୍ଲକ ପୁରୁଣାଗଡ଼ସ୍ଥିତ ବୀଣାପାଣି ହାଇସ୍କୁଲ ପରିସରରେ ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ ଓଷ୍ଟା ପକ୍ଷରୁ ଶିଶୁ ଉତ୍ସବ ରବିବାର ଅନୁଷ୍ଠିତ ହୋଇଯାଇଛି।

ଜିଲାସ୍ତରୀୟ ଯୁବ ରେଡକ୍ରସ ପ୍ରଶିକ୍ଷଣ ଶିବିର

ଜିଲାସ୍ତରୀୟ ଯୁବ ରେଡକ୍ରସ ପ୍ରଶିକ୍ଷଣ ଶିବିର

ନାଉଗାଁ, ୧୬।୧୨ (ସ୍ବ.ପ୍ର.)-ନାଉଗାଁ ବ୍ଲକ ଅଧୀନ ଶ୍ରୀଜଗନ୍ନାଥ ମହାବିଦ୍ୟାଳୟ ପରିସରରେ ରବିବାର ଜିଲାସ୍ତରୀୟ ଯୁବରେଡକ୍ରସ ପ୍ରଶିକ୍ଷଣ ଶିବିର ଉଦ୍‌ଘାଟିତ ହୋଇଯାଇଛି।

ଭୟାବହ ଅଗ୍ନିକାଣ୍ଡ: ୩ ଗୁରୁତର

ଭୟାବହ ଅଗ୍ନିକାଣ୍ଡ: ୩ ଗୁରୁତର

ଯାଜପୁର ଅଫିସ/ରସୁଲପୁର,୧୬।୧୨(ଡି.ଏନ୍‌.ଏ.): ଯାଜପୁର ଜିଲା ଧର୍ମଶାଳା ଥାନା ଅନ୍ତର୍ଗତ ବେତଣ୍ଡା ଗ୍ରାମରେ ରବିବାର ଅଗ୍ନିକାଣ୍ଡ ଘଟିଛି।