ଉପକୂଳ ଓଡିଶା

ବଳାତ୍କାରୀଙ୍କୁ ୭ବର୍ଷ କାରାଦଣ୍ଡାଦେଶ

ବଳାତ୍କାରୀଙ୍କୁ ୭ବର୍ଷ କାରାଦଣ୍ଡାଦେଶ
ବିରଜାକ୍ଷେତ୍ର,୨୦।୧୨(ଡି.ଏନ୍‌.ଏ) ଜଣେ ଯୁବତୀଙ୍କୁ ବଳାତ୍କାର କରି ଗ୍ରାମବାସୀଙ୍କ ଚାପରେ ବିବାହ କରିବା ଓ ବିବାହର କିଛି ଦିନ ପରେ ଘରୁ ବାହାର କରିଦେବା ଘଟଣାରେ ବିଚାର କରି ବୁଧବାର ଯାଜପୁରର ଫାଷ୍ଟଟ୍ରାକ୍‌ କୋର୍ଟ ଜଜ୍‌ ସୁଷମା ସ୍ବାଇଁ ଅଭିଯୁକ୍ତ ବଳାତ୍କାରୀଙ୍କୁ ୭ ବର୍ଷ କାରାଦଣ୍ଡରେ ଦଣ୍ଡିତ କରିଛନ୍ତି। ପ୍ରକାଶ ଯେ, ଜଣେ ଯୁବତୀ ଧର୍ମଶାଳା ଥାନା ବାରବାଟୀ ଗ୍ରାମସ୍ଥିତ ନିଜ ମାମୁଁଘରେ ରହି ପଢ଼ୁଥିଲେ। ୨୦୧୨ ମସିହା ଅଗଷ୍ଟ ୬ରେ ସେହି ଗ୍ରାମର ରଂଜନ ବେହେରା ଉକ୍ତ ଯୁବତୀଙ୍କୁ ଏକୁଟିଆ ପାଇ ବଳାତ୍କାର କରିଥିଲେ। ଏହି ଘଟଣା ଜଣାପଡ଼ିବା ପରେ ଗ୍ରାମବାସୀଙ୍କ ମଧ୍ୟସ୍ତିରେ ରଞ୍ଜନ ପୀଡ଼ିତାଙ୍କୁ ବିବାହ କରିଥିଲେ। ବିବାହର କିଛି ଦିନ ପରେ ରଞ୍ଜନ ଉକ୍ତ ଯୁବତୀଙ୍କୁ ତାଙ୍କ ମାମୁଁ ଘରେ ଛାଡ଼ି ଦେଇଥିଲେ। ଏ ନେଇ ଉକ୍ତ ଯୁବତୀ ୨୦୧୩ ମସିହା ଜାନୁୟାରୀ ୩ରେ ଧର୍ମଶାଳା ଥାନାରେ ଲିଖିତ ଅଭିଯୋଗ କରିବା ପରେ ଅଭିଯୋଗକୁ ଭିତ୍ତି କରି ଧର୍ମଶାଳା ପୋଲିସ ଏକ ମାମଲା (ନଂ ୧/୧୩) ରୁଜୁ କରି ରଞ୍ଜନଙ୍କୁ କୋର୍ଟ ଚାଲାଣ କରିଥିଲେ। ମଙ୍ଗଳବାର ୧୭ଜଣ ସାକ୍ଷୀଙ୍କ ସାକ୍ଷ୍ୟକୁ ଭିତ୍ତି କରି ଯାଜପୁର ଫାଷ୍ଟଟ୍ରାକ୍‌ କୋର୍ଟର ଜର୍ଜ ସୁଷମା ସ୍ବାଇଁ ରଞ୍ଜନଙ୍କୁ ୭ ବର୍ଷ ସଶ୍ରମ କାରାଦଣ୍ଡରେ ଦଣ୍ଡିତ କରିବା ସହ ୫ ହଜାର ଟଙ୍କା ଜରିମାନା କରିଛନ୍ତି। ଅନାଦେୟ ଅଧିକା ୨ମାସ କାରାଦଣ୍ଡରେ ଦଣ୍ଡିତ କରିବାକୁ ରାୟରେ ପ୍ରକାଶ କରିଛନ୍ତି। ଏହି ମାମଲାକୁ ସରକାରଙ୍କ ପକ୍ଷରୁ ଆଇନଜୀବୀ ଶୈଳେନ୍ଦ୍ର ସାମଲ ପରିଚାଳନା କରୁଥିଲେ।
All Right Reserved By

ଉପକୂଳ ଓଡିଶା

ପିଠା ଯୋଜନା କାର୍ଯ୍ୟକାରୀ ପାଇଁ କର୍ମଶାଳା

ପିଠା ଯୋଜନା କାର୍ଯ୍ୟକାରୀ ପାଇଁ କର୍ମଶାଳା

ରାଜନଗର,୧୪।୧୨(ଡି.ଏନ.ଏ.)-ରାଜନଗର ପଞ୍ଚାୟତିରାଜ ବିଭାଗ ପକ୍ଷରୁ ପ୍ରତି ପଞ୍ଚାୟତରେ ନୂତନ କରି ପିଠା ଯୋଜନା କାର୍ଯ୍ୟକାରୀ କରାଯିବା ପାଇଁ ନିଷ୍ପତ୍ତି ନିଆଯାଇଛି। 

ଆମ୍ବ ତୋଟାରେ ବିଦ୍ୟୁତ୍‌ ଗ୍ରୀଡ୍‌ ପ୍ରତିଷ୍ଠାକୁ କଇଥପଲ୍ଲୀ ଗ୍ରାମବାସୀଙ୍କ ବିରୋଧ

ଆମ୍ବ ତୋଟାରେ ବିଦ୍ୟୁତ୍‌ ଗ୍ରୀଡ୍‌ ପ୍ରତିଷ୍ଠାକୁ କଇଥପଲ୍ଲୀ ଗ୍ରାମବାସୀଙ୍କ ବିରୋଧ

ଖଣ୍ଡପଡା,୧୪।୧୨(ସ୍ବ.ପ୍ର.)-ଖଣ୍ଡପଡା ସହର ଉପକଣ୍ଠରେ ଏକ ଉଚ୍ଚଶକ୍ତି ସମ୍ପନ୍ନ ବିଦ୍ୟୁତ୍‌ ଗ୍ରୀଡ୍‌ ପ୍ରତିଷ୍ଠା ନିମନ୍ତେ ରାଜ୍ୟ ସରକାରଙ୍କ ପକ୍ଷରୁ ଅନୁଦାନ ଅର୍ଥ ମଞ୍ଜୁର ପରେ ଜିଲା ପ୍ରଶାସନର ନିର୍ଦ୍ଦେଶକ୍ରମେ ଖଣ୍ଡପଡା ତହସିଲ ପକ୍ଷରୁ ପ୍ରସ୍ତାବିତ ପ୍ରକଳ୍ପ ନିମନ୍ତେ ୧୫ ଏକରରୁ ଊର୍ଦ୍ଧ୍ୱ ସରକାରୀ ଜାଗା ଚିହ୍ନଟ କରାଯାଇଛି ।

ଉଦ୍‌ଯାପିତ ହେଲା ବିଶ୍ୱଶାନ୍ତି ମହାଯଜ୍ଞ: ପୌରାଣିକ ଗାଥା ବହନ କରେ ମଣିଭଦ୍ରା

ଉଦ୍‌ଯାପିତ ହେଲା ବିଶ୍ୱଶାନ୍ତି ମହାଯଜ୍ଞ: ପୌରାଣିକ ଗାଥା ବହନ କରେ ମଣିଭଦ୍ରା

ଗଣିଆ,୧୪।୧୨(ଡି.ଏନ.ଏ.)-ନୟାଗଡ଼ ଜିଲା ଗଣିଆ ବ୍ଲକର ପୁରାଣ ପ୍ରସିଦ୍ଧ ମଣିଭଦ୍ରା ପର୍ବତ ପାଦଦେଶରେ ବିଜେ ମା’ କଳାପାଟ ଠାକୁରାଣୀଙ୍କ ପୀଠରେ ଗତ ୩ ଦିନ ଧରି ଅନୁଷ୍ଠିତ ବିଶ୍ୱଶାନ୍ତି ମହାଯଜ୍ଞ ଗୁରୁବାର ଉଦ୍‌ଯାପିତ ହୋଇଯାଇଛି।  ଉଦ୍‌ଯାପନୀ ଦିବସରେ ପଞ୍ଚକୁଣ୍ଡୀୟ ମହାଯଜ୍ଞରେ ବେଦଜ୍ଞ ପଣ୍ଡିତମାନଙ୍କ ଦ୍ୱାରା ପୂର୍ଣ୍ଣାହୁତି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।

ଜୁଆଆଡ୍ଡା ଉପରେ ଚଢ଼ାଉ: ୧୪ ଗିରଫ, କାର, ବାଇକ୍‌, ଟଙ୍କା ଜବତ

ଜୁଆଆଡ୍ଡା ଉପରେ ଚଢ଼ାଉ: ୧୪ ଗିରଫ, କାର, ବାଇକ୍‌, ଟଙ୍କା ଜବତ

ଯାଜପୁର ଅଫିସ, ୧୪।୧୨: ଯାଜପୁର ଜିଲା କଳିଙ୍ଗନଗର ଥାନା ପୋଲିସ ଗୁରବାର ବିଲମ୍ବିତ ରାତିରେ ବାରଗାଡିଆର ଏକ ଜୁଆଆଡ୍ଡା ଉପରେ ଚଢ଼ାଉ କରି ୧୪ ଜୁଆଡିଙ୍କୁ ଗିରଫ କରିଛିି। ସେମାନଙ୍କ ନିକଟରୁ ୨ ଲକ୍ଷ ୩୧ ହଜାର ଟଙ୍କା ସମେତ ୨ କାର ଓ ୯ଟି ବାଇକ ଜବତ କରିଛି। କଳିଙ୍ଗନଗର ଥାନା ଆଇଆଇସି ରାଜେନ୍ଦ୍ର ପଟ୍ଟନାୟକଙ୍କ ନେତୃତ୍ୱରେ ଏହି ଚଢ଼ାଉ ହୋଇଥିଲା। 

ଜଳଖିଆ ଦୋକାନ ଉପରେ ମାଡ଼ିଗଲା ଟ୍ରକ, ୨ ଗୁରୁତର, ପ୍ରତିବାଦରେ ରାସ୍ତାରୋକୋ

ଜଳଖିଆ ଦୋକାନ ଉପରେ ମାଡ଼ିଗଲା ଟ୍ରକ, ୨ ଗୁରୁତର, ପ୍ରତିବାଦରେ ରାସ୍ତାରୋକୋ

ନିଶ୍ଚିନ୍ତକୋଇଲି, ୧୪।୧୨(ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ଥାନା ଅଧୀନ ନିଶ୍ଚିନ୍ତକୋଇଲି ବାଉଳ ବଜାରରେ ମାଲ ବୋଝେଇ ଟ୍ରକ ଏକ ଜଳଖିଆ ଦୋକାନ ଉପରେ ଶୁକ୍ରବାର ସକାଳେ ମାଡିଯିବାରୁ ୨ ଗୁରୁତର ଆହତ ହୋଇଛନ୍ତି। ସେମାନେ ହେଲେ ୱେଷ୍ଟବେଙ୍ଗଲ ମେଦିନିପୁର ଜିଲା ଅନ୍ତର୍ଗତ ସବଙ୍ଗ ଥାନା ବରଦା ଗ୍ରାମର ବାବୁଲାଲ ହୁଦଇତ(୪୫) ଓ ଅମାଳିଥ ମଇତି (୪୮)। 

ବିନା ଏନ୍‌ଓସିରେ ଚାଲିଛି ୧୦୪ ଘରୋଇ ବିଦ୍ୟାଳୟ

ନୟାଗଡ଼ ଅଫିସ,୧୪ା୧୨- ନୟାଗଡ଼ ଜିଲାରେ ମାତ୍ର ୨୮ ଘରୋଇ ବିଦ୍ୟାଳୟକୁ  ମିଳିଛି ଏନ୍‌ଓସି (ନୋ ଅବଜେକ୍ସନ ସାର୍ଟିଫିକେଟ)। ଜିଲାରେ ମୋଟ ୧୩୨ ଘରୋଇ ବିଦ୍ୟାଳୟ ପଞ୍ଜୀକୃତ ହୋଇଥିବାବେଳେ ସେଥିମଧ୍ୟରୁ ୧୦୪ଟି ବିନା ଏନ୍‌ଓସିରେ ଚାଲୁଛି। 

ଅବ୍ୟବସ୍ଥାରେ କୁରାଳ ଡାକ୍ତରଖାନା: ଟିଟି ଇଞ୍ଜେକ୍ସନ ମିଳୁନି

ଅବ୍ୟବସ୍ଥାରେ କୁରାଳ ଡାକ୍ତରଖାନା: ଟିଟି ଇଞ୍ଜେକ୍ସନ ମିଳୁନି

ଓଡ଼ଗାଁ, ୧୪ା୧୨(ସ୍ବ.ପ୍ର.)-ରାଜ୍ୟ ଓ କେନ୍ଦ୍ର ସରକାରଙ୍କଠାରୁ ଆରମ୍ଭ କରି ୟୁନିସେଫ ପର୍ଯ୍ୟନ୍ତ ଲୋକଙ୍କୁ ସର୍ବନିମ୍ନ ସ୍ବାସ୍ଥ୍ୟସେବା ଯୋଗାଇଦେବା ନିମନ୍ତେ ନାନା ଯୋଜନା ପ୍ରଣୟନ କରିଛନ୍ତି। ହେଲେ ନୟାଗଡ଼ ଜିଲା ଓଡ଼ଗାଁ ବ୍ଲକର କୁରାଳ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଏହାର ବ୍ୟତିକ୍ରମ ପରିଲକ୍ଷିତ ହୋଇଛି। 

ଓଢ଼ଣ ଷଷ୍ଠୀରେ ଶ୍ରୀରଘୁନାଥଜୀଉଙ୍କୁ ଶୀତବସ୍ତ୍ର ଲାଗି

ଓଢ଼ଣ ଷଷ୍ଠୀରେ ଶ୍ରୀରଘୁନାଥଜୀଉଙ୍କୁ ଶୀତବସ୍ତ୍ର ଲାଗି

ଓଡ଼ଗାଁ,୧୪ା୧୨(ସ୍ବ.ପ୍ର.)-ପବିତ୍ର ସୁବର୍ଣ୍ଣ କଳସ କ୍ଷେତ୍ର ଶ୍ରୀରଘୁନାଥ ଜୀଉଙ୍କ  ପୀଠରେ ଗୁରୁବାର ମାର୍ଗଶିର ଶୁକ୍ଳ ଓଢଣୀ ତଥା ପ୍ରାବରଣ ଷଷ୍ଠୀ ତିଥିରେ ଶ୍ରୀଜୀଉମାନଙ୍କୁ ଶୀତବସ୍ତ୍ରରେ ଘୋଡାଇ ଦିଆଯାଇଛି ା ଏଥି ନିମନ୍ତେ ଭୋର ସାଢେ ୪ଟାରେ ଦ୍ୱାରଫିିଟା, ଶୋଧ, ଚନ୍ଦନ ଫୁଲ ସଂଗ୍ରହ ପରେ ୫ଟାରେ ମଙ୍ଗଳ ଆଳତି ହୋଇଥିଲା।

ନବବଧୂ ହତ୍ୟା ମାମଲା: ସ୍ବାମୀଙ୍କୁ ଜୁଭେନାଇଲ୍‌ ଶେଲ୍‌ଟର ଗୃହକୁ ସ୍ଥାନାନ୍ତର

ରଣପୁର,୧୪।୧୨(ସ୍ବ.ପ୍ର.)-ନୟାଗଡ଼ ଜିଲା ରଣପୁର ଥାନା ଅନ୍ତର୍ଗତ ବଜ୍ରରାଜପୁର ପଞ୍ଚାୟତର ବାଙ୍କପୁର ଗ୍ରାମରେ ଗତ ସେପ୍ଟେମ୍ବର ୧୨ ତାରିଖରେ ଜଣେ ନବବଧୂଙ୍କୁ  ହତ୍ୟା ଅଭିଯୋଗରେ ଅଭିଯୁକ୍ତ ସ୍ବାମୀଙ୍କୁ ରଣପୁର ଜେଲ ପଠାଯାଇଥିଲା।

ନାବାଳକ ବୁଲି ବୁଲି କିଣୁଛନ୍ତି କବାଡ଼ିଆ ଜିନିଷ: ବେପାରୀ ମାଲାମାଲ୍‌, ପିଲାଙ୍କ ଭବିଷ୍ୟତ ଅନ୍ଧାରରେ

ନାବାଳକ ବୁଲି ବୁଲି କିଣୁଛନ୍ତି କବାଡ଼ିଆ ଜିନିଷ: ବେପାରୀ ମାଲାମାଲ୍‌, ପିଲାଙ୍କ ଭବିଷ୍ୟତ ଅନ୍ଧାରରେ

ନିରାକାରପୁର,୧୪ା୧୨(ଡି.ଏନ.ଏ.)-ସର୍ବଶିକ୍ଷା ଅଭିଯାନରେ ‘ସଭିଏଁ ପଢନ୍ତୁ ସଭିଏଁ ବଢନ୍ତୁ’ ସ୍ଲୋଗାନ୍‌ ଦିଆଯାଉଛି। ତେବେ ଖୋର୍ଦ୍ଧା ଜିଲା ଜଙ୍କିଆ ଓ ନିରାକାରପୁର ଥାନା ଅଞ୍ଚଳରେ କବାଡ଼ିଆ ବେପାରୀମାନେ ୧୦ରୁ ୧୨ ବର୍ଷର ନାବାଳକଙ୍କୁ ନୂଆ ଲୁନା ଗାଡ଼ି ଦେଇ ଭଙ୍ଗାରୁଜା ଜିନିଷ କିଣିବା କାମରେ ଲଗାଉଥିବା ଅଭିଯୋଗ ହେଉଛି। 

ଭଙ୍ଗା ପାଚେରି ଡେଇଁ ଯାତାୟାତ କରୁଛନ୍ତି ଛାତ୍ରୀଛାତ୍ର

ଭଙ୍ଗା ପାଚେରି ଡେଇଁ ଯାତାୟାତ କରୁଛନ୍ତି ଛାତ୍ରୀଛାତ୍ର

ନିରାକାରପୁର,୧୪ା୧୨(ଡି.ଏନ.ଏ.)-ଖେର୍ଦ୍ଧା ଜିଲା ନିରାକାରପୁର ପଞ୍ଚାୟତ ସ୍ଥିତ କ୍ଷେତ୍ରବାସୀ ଏକାଡେମୀ ସ୍କୁଲରେ ଛାତ୍ରୀଛାତ୍ର ବିପଜ୍ଜନକଭାବେ ଭଙ୍ଗା ପାଚେରି ଡେଇଁ ଯାତାୟାତ କରୁଥିବା ଅଭିଯୋଗ ହେଉଛି। ଖାଇବା ଛୁଟିରେ ମୁଖ୍ୟ ଫାଟକଟି ଖୋଲା ନ ଯିବାରୁ ପିଲାମାନେ ବାଧ୍ୟ ହୋଇ ଏହି ପାଚେରି ଡେଇଁ ଯିବାଆସିବା କରୁଛନ୍ତି।

ବାର୍ଡ ଫ୍ଲୁ: ମଧ୍ୟାହ୍ନ ଭୋଜନରୁ ଅଣ୍ଡା ବାଦ : ସମସ୍ତ ଫାର୍ମରୁ କୁକୁଡ଼ା ମାରିବା ପାଇଁ ନିର୍ଦ୍ଦେଶ

ବାର୍ଡ ଫ୍ଲୁ: ମଧ୍ୟାହ୍ନ ଭୋଜନରୁ ଅଣ୍ଡା ବାଦ : ସମସ୍ତ ଫାର୍ମରୁ କୁକୁଡ଼ା ମାରିବା ପାଇଁ ନିର୍ଦ୍ଦେଶ

କୃଷ୍ଣପ୍ରସାଦ,୧୩ା୧୨(ଡି.ଏନ.ଏ.)-ପୁରୀ ଜିଲା କୃଷ୍ଣପ୍ରସାଦ ବ୍ଲକ୍‌ରେ ଗତ ୧ ସପ୍ତାହ ମଧ୍ୟରେ ଶହ ଶହ କୁକୁଡ଼ା ମରିପଡ଼ିଥିବା ଦେଖାଯାଇଛି। ‘ଧରିିତ୍ରୀ’ରେ ଖବର ପ୍ରକାଶ ପାଇବା ପରେ ପ୍ରାଣୀ ଚିକିତ୍ସା ବିଭାଗ ପକ୍ଷରୁ କୁକୁଡ଼ା ରକ୍ତ ନମୁନା ପରୀକ୍ଷା  କରିବା  ପରେ ବାର୍ଡ ଫ୍ଲୁ’ପଜିଟିଭ୍‌ ସୂଚନା ମିଳିଛି। ଏହାପରେ ଜିଲା ପ୍ରଶାସନ ପକ୍ଷରୁ ବିଶେଷ ସତର୍କତା ଅବଲମ୍ବନ କରାଯାଇଛି। ବ୍ଲକର ମାଲୁଦ, ପଥରଗଞ୍ଜ ଓ ସାନସାହିରେ ଥିବା କୁକୁଡ଼ା ଫାର୍ମରୁ ନମୁନା ସଂଗ୍ରହ କରାଯାଇଥିଲା।