ସମ୍ବଲପୁର

ମଣ୍ଡି ବ୍ୟବସ୍ଥା ନାହିଁ, କ୍ଷତି ସହୁଛନ୍ତି ମକା ଚାଷୀ

ମଣ୍ଡି ବ୍ୟବସ୍ଥା ନାହିଁ, କ୍ଷତି ସହୁଛନ୍ତି ମକା ଚାଷୀ
ନୂଆପଡା ଅଫିସ,୨୦।୧୨-ନୂଆପଡ଼ା ଜିଲାରେ ଭୟାବହ ମରୁଡି ପରିସ୍ଥିତି। ସ୍ବଳ୍ପ ବୃଷ୍ଟିପାତ ଯୋଗୁ ଧାନ ଫସଲ ଉଜୁଡିଯାଇଥିଲା । ହେଲେ ମକା, କପା ସହ ବିଭିନ୍ନ ଡାଲି ଜାତୀୟ ଫସଲ ଆଶାନୁରୂପ ଭାବେ ଅମଳ ହୋଇଛି । ଉଦାହରଣ ଭାବେ ଜିଲାରେ ମକା ଉତ୍ପାଦନ ୭ ହଜାର କୁଇଣ୍ଟାଲ ଟାର୍ଗେଟ କରାଯାଇଥିବାବେଳେ ୬୦୨୩ କୁଇଣ୍ଟାଲ ହୋଇଛି । ଚାଷୀମାନେ ଏଥିରୁ ଭଲ ରୋଜଗାର ପାଇବେ ବୋଲି ଆଶା ବାନ୍ଧିଥିଲେ । ହେଲେ ବର୍ତ୍ତମାନ ଏହାର ଅଭାବୀ ବିକ୍ରି ଯୋଗୁ ଚାଷୀମାନେ ହତାଶ ହୋଇପଡିଛନ୍ତି। ଜିଲାରେ ମଣ୍ଡି ବ୍ୟବସ୍ଥା ନ ଥିବାରୁ ଲୋକେ ଖୋଲା ବଜାରରେ କମ୍‌ ଦରରେ ବିକ୍ରି କରି ଏକ ପ୍ରକାର ଶୋଷିତ ହେଉଛନ୍ତି। ୩/୪ ବର୍ଷ ହେବ କୃଷି ବିଭାଗର ସଚେତନତା ହେଉ କି ଚାଷୀମାନଙ୍କର ମନୋନିବେଶ ଯୋଗୁ ଜିଲାରେ ମକା ଭଳି ଏକ ଅର୍ଥକାରୀ ଫସଲ ପ୍ରତି ଆଗ୍ରହ ବଢିବାରେ ଲାଗିଛି । ପ୍ରତିବର୍ଷ ମକା ଉତ୍ପାଦନ ବଢି ଚାଲିଛି । ଜିଲା କୃଷି ଉପନିର୍ଦ୍ଦେଶକ ଉମେଶଚନ୍ଦ୍ର ଦାସଙ୍କ କହିବାନୁଯାୟୀ ଜିଲାରେ ପରିବର୍ତ୍ତିତ ପାଣିପାଗକୁ ଆଧାର କରି ଚାଷୀମାନଙ୍କୁ ଏଥର ମକା, କପା, ହରଡ ଆଦି ଚାଷ କରିବାକୁ ପ୍ରାଧାନ୍ୟ ଦିଆଯାଇଥିଲା । ତେଣୁ ଠିକ ସମୟରେ ଚାଷ କରାଯିବାରୁ ମକା ଠିକ ଭାବରେ ଉତ୍ପାଦିତ ହୋଇଛି। ନୂଆପଡା ବ୍ଲକରେ ୧୪ଶହ ହେକ୍ଟର ଜମିରେ ଚାଷ କରାଯିବାକୁ ଟାର୍ଗେଟ ରଖାଯାଇଥିବାବେଳେ ଚାଷୀମାନେ ୭୪୨ହେକ୍ଟର ଜମିରେ ଚାଷ କରିଥିଲେ । କୋମନା ବ୍ଲକରେ ୨୧ଶହ ହେକ୍ଟର ଜମିରେ ଚାଷ ପାଇଁ ଟାର୍ଗେଟ ଥିବାବେଳେ ୧୯୮୧ହେକ୍ଟରେ ଜମିରେ ଚାଷ କରିଥିଲେ । ବୋଡେନରେ ୮ଶହ ହେକ୍ଟର ଜାଗାରେ ୬୭୦ହେକ୍ଟର ଜମିରେ କରାଯାଇଥିଲା । ଖଡିଆଳ ବ୍ଲକରେ ୧୧ଶହ ହେକ୍ଟର ଜମିରେ ଚାଷ କରାଯିବାକୁ ଟାର୍ଗେଟ କରାଯାଇଥିବାବେଳେ ୮୧୩ହେକ୍ଟର ଏବଂ ସିନାପାଲି ବ୍ଲକରେ ୧୬ଶହ ହେକ୍ଟର ଜମିରେ ଟାର୍ଗେଟ କରାଯାଇଥିବାବେଳେ ୧୮ଶହ ୧୭ହେକ୍ଟର ଜମିରେ ଚାଷ କରାଯାଇଥିଲା । ଏଥିରୁ ହେକ୍ଟର ପିଛା ହାରାହାରି ୩୦ କୁଇଣ୍ଟାଲ ହିସାବରେ ଉତ୍ପାଦନ ହୋଇଛି । ଜିଲାରେ ଦେଢ ଲକ୍ଷ କୁଇଣ୍ଟାଲ ମକା ଉତ୍ପାଦନ ହୋଇଥିବା ଜିଲା ସହକାରୀ କୃଷି ଅଧିକାରୀ ସୁଧାଂଶୁ ଶେଖର ସାହୁ କହିଛନ୍ତି। ମକା କୁଇଣ୍ଟାଲ ୧୪୨୦ ଟଙ୍କା ରହିଛି । ହେଲେ ଜିଲାରେ ମଣ୍ଡି ନ ଥିବାରୁ ସାହୁକାରମାନେ ଫାଇଦା ନେବାକୁ ବସିଛନ୍ତି। ଗାଁ ଗାଁରେ ଚାଷୀମାନଙ୍କଠାରୁ ମକା କିଣି ନେଉଛନ୍ତି। ସରକାରୀ ଦରଠାରୁ ଢେର କମ ଅର୍ଥାତ୍‌ ୮ଶହରୁ ୯ଶହ ଟଙ୍କା ମଧ୍ୟରେ କିଣୁଥିବା ଦେଖିବାକୁ ମିଳୁଛି । ଜିଲାରେ ବେଶୀ ମକା ଚାଷ ହେଉଥିବା କୋମନା ବ୍ଲକର ମାନିଗୁଡା ଗାଁକୁ ଯାଇ ନମୁନାଭାବେ କିଛି ଚାଷୀଙ୍କଠାରୁ ରିପୋର୍ଟ ନେବାରୁ ଏହି ଗାଁରେ ୨ଶହ ହେକ୍ଟର ଜମିରେ ଚାଷ ହୋଇଥିବାବେଳେ ହାରାହାରି ୬ ହଜାର କୁଇଣ୍ଟାଲ ମକା ଉତ୍ପାଦନ ହୋଇଛି । ହେଲେ ଚାଷୀମାନଙ୍କର ଅଭାବ ଅନାଟନ ରହିଛି । ତେଣୁ ବେପାରୀମାନଙ୍କୁ କମ ଦରରେ ବିକ୍ରି କରି ଦେଉଛନ୍ତି ବୋଲି ଚାଷୀ ଭଜନ ମାଝି ନାଗ କହିଛନ୍ତି। ହେକ୍ଟର ପିଛା ଖର୍ଚ୍ଚ ଅନୁସାରେ ଲାଭ ମିଳିପାରୁନାହିଁ । ମଣ୍ଡି କରାଯିବା ପାଇଁ ବାରମ୍ବାର ପ୍ରଶାସନକୁ ଜଣାଇ ଆସୁଛୁ, ହେଲେ ତାହା କରାଯାଉନାହିଁ ବୋଲି ଚାଷୀ ଗଣେଶ୍ୱର ସୁନାନୀ କହିଛନ୍ତି। ଏମିତି ବି ହେଉଛି ଯେ, ସାହୁକାରମାନେ ମକା ନେଇ ମାସାଧିକକାଳ ଟଙ୍କା ଦେଉନଥିଲେ ମଧ୍ୟ ଚାଷୀଙ୍କ ପାଖରେ ବିକଳ୍ପ ନ ଥିବାରୁ ବାଧ୍ୟ ହୋଇ ତାଙ୍କୁ ଦେଉଛନ୍ତି ବୋଲି କହିଛନ୍ତି। ତେବେ ଏଠାରେ ଉଲ୍ଲେଖ ଯୋଗ୍ୟ ଯେ ଜିଲାରେ ଦେଢ ଲକ୍ଷରୁ ଉର୍ଦ୍ଧ୍ୱ କୁଇଣ୍ଟାଲ ମକା ଉତ୍ପାଦନ ହୋଇଛି । କୁଇଣ୍ଟାଲ ପିଛା ସରକାରୀ ଦର ୧୪୨୦ଟଙ୍କା ହିସାବରେ ମୋଟ ୨୧କୋଟି ୩୦ଲକ୍ଷ ଟଙ୍କା ଚାଷୀଙ୍କ ପକେଟକୁ ଯିବା କଥା, ହେଲେ ସାହୁକାରଙ୍କ କାରବାର ଯୋଗୁଁ ଚାଷୀଙ୍କୁ କୁଇଣ୍ଟାଲ ପିଛା ୫ଶହରୁ ଉର୍ଦ୍ଧ୍ୱ ଟଙ୍କା ହିସାବରେ ଆକଳନ କରାଗଲେ ମୋଟ ୭ କୋଟି ୫୦ଲକ୍ଷ ଟଙ୍କାର ଚାଷୀ ହାନି ସହିବାକୁ ପଡୁଛି। ଅନ୍ୟପକ୍ଷେ ଜିଲା କୃଷି ଉପନିର୍ଦ୍ଦେଶକ ଦାସ କହିଛନ୍ତି ଯେ, ମଣ୍ଡି ଖୋଲାଯିବାକୁ ବିଭାଗୀୟ ନିର୍ଦ୍ଦେଶକଙ୍କୁ ଲେଖାଯାଇଛି। ହେଲେ ଏଯାଏଁ କୌଣସି ନିର୍ଦ୍ଦେଶ ଆସିନାହିଁ।
All Right Reserved By

ସମ୍ବଲପୁର

ଟ୍ରକ୍‌ ଧକ୍କାରେ ବାଇକ୍‌ ଚାଳକ ମୃତ

ଟ୍ରକ୍‌ ଧକ୍କାରେ ବାଇକ୍‌ ଚାଳକ ମୃତ

ଜମନକିରା,୨୩।୧(ଡି.ଏନ୍‌.ଏ):ସମ୍ବଲପୁର ଜିଲା ଜମନକିରା ଥାନା ଅଧୀନ ଟିକିଲିପଡ଼ା ନିକଟରେ ବୁଧବାର ଅପରାହ୍ନ ସାଢ଼େ ୨ଟାରେ ଦୁର୍ଘଟଣା ଘଟି ଜଣକର ମୃତ୍ୟୁ ଘଟିଛି। ଏକ ଟ୍ରକ୍‌ ଜଣେ ବାଇକ୍‌ ଚାଳକଙ୍କୁ ଧକ୍କା ଦେଇ ଖସି ପଳାଇଛି। 

ଭୟାବହ ଅଗ୍ନିକାଣ୍ଡ: ଯୁବକ ଜୀବନ୍ତ ଦଗ୍ଧ

ଭୟାବହ ଅଗ୍ନିକାଣ୍ଡ: ଯୁବକ ଜୀବନ୍ତ ଦଗ୍ଧ

ବୀରମହାରାଜପୁର,୨୩।୧(ଡି.ଏନ୍‌.ଏ.): ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକରେ ଲୁଟୁପଙ୍କ ପଞ୍ଚାୟତ ଘିଚାପାଲି ଗ୍ରାମରେ ମଙ୍ଗଳବାର ରାତିରେ ଏକ ଅଭାବନୀୟ ଘଟଣା ଘଟିଛି। ଗ୍ରାମର  ରଞ୍ଜନ ବିଭାର(୨୯) ଶୋଇଥିବା ବେଳେ କୌଣସି କାରଣରୁ  ଘରେ ନିଆଁ ଲାଗିଯାଇଥିଲା।

ମଠଖାଇ ମହୋତ୍ସବ: ନାଟକ ଏକ ଧୋତ୍ରାଚି ଗୋଷ୍ଠ ମଞ୍ଚସ୍ଥ

ମଠଖାଇ ମହୋତ୍ସବ: ନାଟକ ଏକ ଧୋତ୍ରାଚି ଗୋଷ୍ଠ ମଞ୍ଚସ୍ଥ

ବଲାଙ୍ଗୀର ଅଫିସ, ୨୩ା୧-ବଲାଙ୍ଗୀର କୋଶଳକଳା ମଣ୍ଡଳ ନୂଆ ରଙ୍ଗମଞ୍ଚରେ ଅନୁଷ୍ଠିତ ସର୍ବଭାରତୀୟ ବହୁଭାଷୀ ନାଟକ ସମାରୋହ ମଠଖାଇ ମହୋତ୍ସବର ମଙ୍ଗଳବାର  ତୃତୀୟ ସନ୍ଧ୍ୟାରେ  ମୁମ୍ବାଇର ସଲାମ ବମ୍ବେ ଫାଉଣ୍ଡେଶନ୍‌ ରଙ୍ଗମଣ୍ଡଳ ଏବଂ ସୃଜନ ଫାଉଣ୍ଡେଶନ୍‌ ତରଫରୁ ମରାଠୀ ଓ ହିନ୍ଦୀ ନାଟକ ଏକ ଧୋତ୍ରାଚି ଗୋଷ୍ଠ ମଞ୍ଚସ୍ଥ ହୋଇଥିଲା| 

ସଫଳତା ପାଇଁ କଠିନ ପରିଶ୍ରମର ବିକଳ୍ପ ନାହିଁ

ସଫଳତା ପାଇଁ କଠିନ ପରିଶ୍ରମର ବିକଳ୍ପ ନାହିଁ

ବୀରମହାରାଜପୁର, ୨୩।୧ (ଡି.ଏନ.ଏ.)- ସୁବର୍ଣ୍ଣପୁର ଜିଲା ବୀରମହାରାଜପୁର କଲେଜର ୩୭ତମ ବାର୍ଷିକ ଉତ୍ସବ ମଙ୍ଗଳବାର ପାଳିତ ହୋଇଯାଇଛି । ଏଥିରେ ଯୋଗଦେଇଥିବା ଅତିଥିମାନେ ଉଦ୍‌ବୋଧନ ପ୍ରସଙ୍ଗରେ ମତପ୍ରକାଶ କରିଥିଲେ ଯେ, କଠିନ ପରିଶ୍ରମର ବିକଳ୍ପ ନାହିଁ। 

ଜୋଙ୍କ ଜଳ ବିବାଦ ଘଟଣା  ଜିଲାପାଳ, ଏସପିଙ୍କ ମାରାଥନ ବୈଠକ  ଆଗକୁ ଆସିଛନ୍ତି ଦୁଇ ପକ୍ଷ

ଜୋଙ୍କ ଜଳ ବିବାଦ ଘଟଣା ଜିଲାପାଳ, ଏସପିଙ୍କ ମାରାଥନ ବୈଠକ ଆଗକୁ ଆସିଛନ୍ତି ଦୁଇ ପକ୍ଷ

ନୂଆପଡା ଅଫିସ,୨୩ା୧-ଜୋଙ୍କ ଜଳ ସେଚନ ପ୍ରକଳ୍ପରୁ ରବି ଚାଷ ସକାଶେ ପାଣି ବଣ୍ଟନ ବିବାଦ ଚରମ ସୀମାରେ ପହଞ୍ଚତ୍ଥିବା ବେଳେ ଜିଲା ପ୍ରଶାସନ ତରଫରୁ ଜିଲାପାଳ  ଏବଂ ଏସପି ତପତ୍ରତା ପ୍ରକାଶ କରି ମାରାଥନ ବୈଠକ ଚଳାଇଛନ୍ତି। 

ପରିବାରକେ ଆହାର ଯୁଗଉଛନ୍‌ ନାବାଲିକା ଚନ୍ଦ୍ରକଳା

ପରିବାରକେ ଆହାର ଯୁଗଉଛନ୍‌ ନାବାଲିକା ଚନ୍ଦ୍ରକଳା

ଳଡୁଗାଁ,୨୩।୧(ଡି.ଏନ.ଏ):  କଳାହାଣ୍ଡି ଜିଲା କୋକସରା ବ୍ଲକ ଲଡୁଗାଁ ଭିରକାପଡ଼ାର ଚନ୍ଦ୍ରକଳା ଧଙ୍ଗଡାମାଝୀ(୧୭)। 

ସୁଖାମୁଣ୍ଡା, ଗୋଛାଗୋରାରେ ପୁଷ୍‌ପୁନି ଯାତ୍‌ରା

ସୁଖାମୁଣ୍ଡା, ଗୋଛାଗୋରାରେ ପୁଷ୍‌ପୁନି ଯାତ୍‌ରା

ଘଣ୍ଟାପଡା,୨୩ା୧(ଡି.ଏନ.ଏ): ବୌଦ୍ଧ ଜିଲା କଣ୍ଟାମାଲ ବ୍ଲକ ଖୁଣ୍ଟିଗୋରା ପଁଚେତ୍‌ ସୁଖାମୁଣ୍ଡାରେ କୃଷି ଭିତିକ୍‌ ଗଣପରବ୍‌ ଭୀମ ଯାତ୍‌ରା ଆର ଥାନୀୟ ଭାଷାରେ ପୁଷ୍‌ପୁନି ପରବ୍‌ ଜାକ୍‌ଜମକ୍‌ରେ ପାଲିତ ହେଇଯାଇଛେ। 

ସବୁଜ ପତ୍ରିକାଧାରୀ ପରିବାର କନ୍‌ଠେସା

ସବୁଜ ପତ୍ରିକାଧାରୀ ପରିବାର କନ୍‌ଠେସା

ଲାଠୋର,୨୩ା୧(ଡି.ଏନ.ଏ.):  ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଲାଠୋର ଗଁାର ସବୁଜ ପ୍ରତିକାଧାରୀ ପରିବାରମାନକୁ ସରକାରୀ ହିସାବେ ଯେନ୍‌ସବୁ ସୁବିଧା ସୁଯୋଗ ମିଲବାର କଥା ନାଇଁ ମିଲୁଥିବାର ଅଭିଯୋଗ ହେଇଛେ।

ସୁସ୍ଥ ସମାଜ ଗଠନରେ ଶିକ୍ଷକଙ୍କ ଭୂମିକା ଗୁରୁତ୍ୱପୂର୍ଣ୍ଣ

ସୁସ୍ଥ ସମାଜ ଗଠନରେ ଶିକ୍ଷକଙ୍କ ଭୂମିକା ଗୁରୁତ୍ୱପୂର୍ଣ୍ଣ

ବଲାଙ୍ଗୀର ଅଫିସ, ୨୨ା୧: ବଲାଙ୍ଗୀର ଆର୍ଯ୍ୟ ମନ୍ଦିର ପରିସରରେ ନିଖିଳ ଉତ୍କଳ ଶିକ୍ଷକ କଂଗ୍ରେସ ବଲାଙ୍ଗୀର ଶାଖା ସମ୍ମିଳନୀ ଅନୁଷ୍ଠିତ ହୋଇଛି । ଧର୍ମବ୍ରତ ରଥଙ୍କ ସଭାପତିତ୍ୱରେ ଅନୁଷ୍ଠିତ ସମ୍ମିଳନୀରେ ମୁଖ୍ୟଅତିଥିଭାବେ ବଲାଙ୍ଗୀର ବିଧାୟକ ତଥା ବିରୋଧୀଦଳ ନେତା ନରସିଂହ ମିଶ୍ର ଯୋଗଦାନ କରିଥିଲେ । ସମ୍ମିଳନୀ ଆବାହକ ତଥା ସଂଯୋଜକ ବାମଦେବ ମିଶ୍ର ସଭାରେ  ସଂଯୋଜନା କରିଥିଲେ। 

ଜୈବିକ କୃଷି ସମୟର ଆହ୍ବାନ

ଜୈବିକ କୃଷି ସମୟର ଆହ୍ବାନ

ସୋନପୁର,୨୨।୨(ନି.ପ୍ର.)ଖାଦ୍ୟ ସଙ୍କଟକୁ ଦୂର କରିବା ତଥା ଚାଷୀର ଅର୍ଥନୈତିକ ସ୍ଥିତିର ଉନ୍ନତି ପାଇଁ ଆଧୁନିକ ପ୍ରଣାଳୀରେ ଚାଷ କରାଯାଉଛି। କମ୍‌ ଜମିରୁ ଅଧିକ ଅମଳ ପାଇଁ ପ୍ରତିଯୋଗିତା ଚାଲିଛି। 

ଜୋଙ୍କ ସେଚ ପ୍ରକଳ୍ପ

ଜୋଙ୍କ ସେଚ ପ୍ରକଳ୍ପ

ନୂଆପଡା ଅଫିସ,୨୨ା୧ଜୋଙ୍କ ଜଳ ସେଚନ ପ୍ରକଳ୍ପରୁ ତଳମୁଣ୍ଡ ଚାଷୀଙ୍କୁ ପାଣି ଯୋଗାଇଦେବା ପାଇଁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ଏହି ନିର୍ଦ୍ଦେଶକୁ କାର୍ଯ୍ୟକାରୀ କରିବାକୁ ନୂଆପଡା ଜିଲା ପୋଲିସ ପ୍ରଶାସନ ଡ୍ୟାମକୁ ସଦଳବଳ ଯାଇଥିଲେ ହେଁ ଆନ୍ଦୋଳନକାରୀଙ୍କ ଅହିଂସା ନୀତି ନିକଟରେ ନଇଁଯାଇଛି । 

ଧଂଗଡା ଧାଂଗଡିକର ଉସ୍‌ନାକ୍‌ର ଦିନ ଧାଙ୍ଗଡି ଦୋଲା

ଧଂଗଡା ଧାଂଗଡିକର ଉସ୍‌ନାକ୍‌ର ଦିନ ଧାଙ୍ଗଡି ଦୋଲା

କଲମପୁର,୨୨।୧(ଡି.ଏନ.ଏ.): କଳାହାଣ୍ଡି ଜିଲା କଲମପୁର ବ୍ଲକ ବରଦୋଳି ଗଁାରେ ରଏବାର ଟୋକି ପରବ୍‌ ପାଲନ ହେଇଥିଲା। ସେନ୍‌ତା ଧୁମଧାମରେ ସୋମବାର ଦାଙ୍ଗଡି ଦୋଲା ପାଲନ କରାଯାଇଛେ।