ସମ୍ବଲପୁର

ଧଳାସୁନାର କଳା ବେପାର

ଧଳାସୁନାର କଳା ବେପାର
ବଲାଙ୍ଗୀର ଅଫିସ, ୨୦। ୧୨- ବଲାଙ୍ଗୀରରୁ ପାଟଣାଗଡ ଦେଇ କଣ୍ଟାବାଞ୍ଜି ଗଲାବେଳେ ଚୁଡାପାଲି ଡେଇଁବା ପରେ ବାନ୍ଦନଭାଡି ଠାରୁ ଆରମ୍ଭ ହୋଇଯାଏ ଧଳାସୁନାର ଅଞ୍ଚଳ। ୪୨ ନମ୍ବର ରାଜ୍ୟ ରାଜପଥର ଉଭୟ କଡରେ ଶୋଭାପାଉଥାଏ ବିସ୍ତୀର୍ଣ୍ଣ କପା କିଆରି। ଲାଭଜନକ ଅର୍ଥକରୀ ଫସଲ ଭାବେ ପରିଚିତ କପାକୁ ଏହି ଅଞ୍ଚଳର ଲୋକେ କହୁଛନ୍ତି ଧଳାସୁନା। ବଲାଙ୍ଗୀର ଜିଲାର ପାଟଣାଗଡ, ବେଲପଡା, ଖପ୍ରାଖୋଲ, ମୁରିବାହାଲ, ତୁରେକେଲା, ବଙ୍ଗୋମୁଣ୍ଡା, ସଇଁନ୍ତଲା, ଟିଟିଲାଗଡ ଅଞ୍ଚଳରେ ପ୍ରଚୁର କପା ଚାଷ ହୋଇଥାଏ। ଏହାବାଦ୍‌ ଜିଲାର ଅନ୍ୟାନ୍ୟ ବ୍ଳକ୍‌ରେ ମଧ୍ୟ କପା ଚାଷ ବୃଦ୍ଧି ପାଉଛି। ତେବେ ଏହି ଧଳାସୁନାରେ ଲାଗିଛି ଏବେ କଳା ବେପାରୀଙ୍କ ନଜର। କଳାବେପାରୀଙ୍କ କବଳରେ ପଡି ଘୋର ଆର୍ଥିକ, ଶାରୀରିକ ଓ ମାନସିକ ଶୋଷଣର ଶିକାର ହେଉଛନ୍ତି ବଲାଙ୍ଗୀର ଜିଲାର ହଜାର ହଜାର କପା ଚାଷୀ। କପା ଉପରେ ଏବେ ମହାଜନ୍‌, ଦଲାଲ ଓ ବିହନ କମ୍ପାନୀ ଏଜେଣ୍ଟମାନଙ୍କ ଉପତ୍ାତ ଦେଖାଦେଇଛି। ଆନ୍ତର୍ଜାତିକ ମାର୍କେଟ୍‌ରେ କପା ମୂଲ୍ୟ ଉଚ୍ଚରେ ଥିବାବେଳେ କପାଚାଷୀଙ୍କୁ କମ୍‌ ଟଙ୍କା ଦେଇ ଶୋଷଣ କରୁଛନ୍ତି ଦଲାଲ। ଏନେଇ ଜିଲା ପ୍ରଶାସନ ବା ସରକାର କୌଣସି ଉଚିତ ପଦକ୍ଷେପ ଗ୍ରହଣ କରିପାରୁ ନାହାନ୍ତି। ଫଳରେ କପା ଚାଷୀମାନେ ମହାଜନ୍‌, ଦଲାଲ ଓ ଏଜେଣ୍ଟଙ୍କ ହାବୁଡରେ ପଡି ସର୍ବସ୍ବାନ୍ତ ହେଉଛନ୍ତି ା ବଲାଙ୍ଗୀର ଜିଲାରେ ଚଳିତବର୍ଷ ୪୦ ହଜାର ୬୫୮ ହେକ୍ଟର ଜମିରେ କପାଚାଷ ହୋଇଛି। ଚଳିତବର୍ଷ ପ୍ରତିକୂଳ ପାଗ ଯୋଗୁ ଜିଲାର ଅନେକ ଅଞ୍ଚଳରେ କପା ଚାଷ ପ୍ରଭାବିତ ହୋଇଥିଲା। ଚାଷୀମାନେ ଯେତିକି ଅମଳ ହେବା ଆଶା କରିଥିଲେ ସେତିକି କପା ଅମଳ ହେଉ ନ ଥିବା ଜଣାପଡିଛି। ଏବେ କପାର ସରକାରୀ ସର୍ବନିମ୍ନ ସହାୟକ ମୂଲ୍ୟ କୁଇଣ୍ଟାଲ ପ୍ରତି ୪୩୨୦ ଟଙ୍କା ଥିବାବେଳେ ମିଲର୍ସମାନେ କୁଇଣ୍ଟାଲ ପ୍ରତି ୪୫୭୦ ଟଙ୍କାରେ କପା କିଣୁଥିବା ଜଣାପଡିଛି। ବଲାଙ୍ଗୀର ଜିଲାରେ କୃଷିବିଭାଗ ପକ୍ଷରୁ ନଭେମ୍ବରରୁ ବଲାଙ୍ଗୀର, କଣ୍ଟାବାଞ୍ଜି ଓ ଯୋଗୀମୁଣ୍ଡାଠାରେ ୩ଟି ମଣ୍ଡି ଖୋଲାଯାଇଛି। ତେବେ ବଜାରରେ ବିକ୍ରିମୂଲ୍ୟ ଠାରୁ ସରକାରୀ ସର୍ବନିମ୍ନ ସହାୟକ ମୂଲ୍ୟ ଢ଼େର କମ୍‌ ଥିବାରୁ ଚାଷୀ ମଣ୍ଡିରେ କପା ବିକ୍ରି କରୁନାହାନ୍ତି। ଏହାର ଫାଇଦା ଉଠାଇ ଦଲାଲମାନେ ଚାଷୀଙ୍କ ଠାରୁ କମ୍‌ ଦରରେ କପା କିଣି ମାଲାମାଲ ହେଉଛନ୍ତି। ଏହାକୁ ନେଇ ବିଭିନ୍ନ ଗ୍ରାମର କପା ଚାଷୀମାନେ ଘୋର ପ୍ରତିକ୍ରିୟା ପ୍ରକାଶ କରିଛନ୍ତି। ପାଟଣାଗଡ ବ୍ଳକ୍‌ ଅନ୍ତର୍ଗତ ଗୋହିରାମୁଣ୍ଡା ଗ୍ରାମର କପାଚାଷୀମାନେ ସେମାନଙ୍କ ଶୋଷଣର ଦାରୁଣ ଚିତ୍ର ସମ୍ପର୍କରେ କହିଛନ୍ତି। କପାଚାଷୀ ଭୁବନେଶ୍ୱର କୁଅଁର କହିଛନ୍ତି ଯେ, ଜିଲାର କପାଚାଷୀ ଏବେ ମହାଜନୀ ଋଣଯନ୍ତାରେ ପଡିଛି। କପାଚାଷର ଲାଭକୁ ଦେଖି ମହାଜନ ଏହି ଚାଷ ଉପରେ ଟଙ୍କା ଖଟାଉଛନ୍ତି। ୩ ରୁ ୪ ପ୍ରତିଶତ ସୁଧରେ ଚାଷୀଙ୍କୁ କପା ବିହନ, ସାର, କୀଟନାଶକ, ପ୍ଳାଣ୍ଟ ଗ୍ରୋଥ୍‌ ରେଗୁଲେଟର ଯୋଗାଇ କପା ଅମଳ ହେବା କ୍ଷଣି କମ୍‌ ଦର ଦେଇ ଚାଷୀଠାରୁ କପା ନେଇଯାଉଛନ୍ତି। କପାଚାଷୀମାନଙ୍କୁ ସରକାରୀ ସହଜ ଋଣ ମିଳୁ ନ ଥିବାରୁ ସେମାନେ ମହାଜନର ଦ୍ୱାରସ୍ଥ ହେଉଛନ୍ତି। ଏହାବାଦ୍‌ ଚାଷୀ କୃଷିବୀମା ଓ ଫସଲହାନୀ କ୍ଷତିପୂରଣ ସୁବିଧା କିଛି ମିଳୁ ନ ଥିବା ସେହି ଗ୍ରାମର ଚାଷୀ ଗଦାଧର କୁଅଁର, ମାଧବ କୁଅଁର, ଖଗପତି ପଧାନ, ଯୋଗେଶ୍ୱର ଦୀପ ଓ ଅନ୍ୟ ଚାଷୀମାନେ କହିଛନ୍ତି। କପାଚାଷୀଙ୍କୁ ସରକାରୀ ବିହନ, ସାର, କୀଟନାଶକ ଯୋଗାଇ ଦିଆଯାଉନାହିଁ। ଏକର ପିଛା ଚାଷୀ ପ୍ରାୟ ୧୫ହଜାର ଟଙ୍କା ଖର୍ଚ୍ଚ କରୁଥିବାବେଳେ ୪/୫ କୁଇଣ୍ଟାଲ କପା ଅମଳ କରୁଛନ୍ତି। ଫଳରେ ୬ ମାସ ଖଟିବା ପରେ କପାଚାଷୀ ଖୁବ୍‌ କମ୍‌ ଟଙ୍କା ଆୟ କରୁଛନ୍ତି। କପାଚାଷ ଉପରେ କୃଷି ଅଧିକାରୀମାନେ ଚାଷୀଙ୍କୁ କୌଣସି ପରାମର୍ଶ ବା ବୈଷୟିକ ସହାୟତା ଦେଉନାହାନ୍ତି। ଜିଲା ବିହନ ବୈଠକରେ କପାମଞ୍ଜି ଯୋଗାଣକାରୀ ଏଜେଣ୍ଟ ଏବଂ କମ୍ପାନୀଙ୍କ ଦବ୍‌ଦବା ଦେଖାଯାଏ। ଜିଲାପାଳ କିମ୍ବା କୃଷି ଅଧିକାରୀ ଉକ୍ତ ବୈଠକରେ କପାଚାଷୀଙ୍କ ସ୍ବାର୍ଥରକ୍ଷା କଲା ଭଳି କୌଣସି ପଦକ୍ଷେପ ନ ନେଇ କିଭଳି କପାମଞ୍ଜି ଯୋଗାଣକାରୀ କମ୍ପାନୀ ଏଜେଣ୍ଟ, ଦଲାଲ ଲାଭପାଇବେ ସେଦିଗ ପ୍ରତି ଦୃଷ୍ଟି ଦେଉଥିବା ଅଭିଯୋଗ ହେଉଛି। ଏହାର ସମ୍ପୂର୍ଣ୍ଣ ଫାଇଦା ଉଠାଉଛନ୍ତି ମଞ୍ଜି ଯୋଗାଣକାରୀ କମ୍ପାନୀ, ଏଜେଣ୍ଟ ମହାଜନ ଓ ଦଲାଲ। ୪୫୦ ଗ୍ରାମର କପାମଞ୍ଜି ପ୍ୟାକେଟକୁ ମନଇଚ୍ଛା ଚଢ଼ାଦରରେ ୭ଶହ ଟଙ୍କାରୁ ୧୬ ଶହ ଟଙ୍କା ପର୍ଯ୍ୟନ୍ତ ବିକ୍ରି କରୁଛନ୍ତି। ଏହାବାଦ୍‌ ଚଢ଼ା ଦରରେ ସାର ଓ କୀଟନାଶକ ସହ ଗ୍ରୋଥ୍‌ ପ୍ରମୋଟର ବିକ୍ରି କରୁଛନ୍ତି। ଏହା ଉପରେ ସରକାରୀ ଅଧିକାରୀଙ୍କ କୌଣସି ଲଗାମ୍‌ ରହୁ ନ ଥିବାରୁ ସାଧାରଣ କପାଚାଷୀ ଏବେ ମହାଜନ, କମ୍ପାନୀ ହାବୁଡରେ ପଡିଯାଇଛନ୍ତି। ପରିଶ୍ରମ କରି କପା ଅମଳ କଲାପରେ କୁଇଣ୍ଟାଲ ପିଛା ୩୬ ଶହରୁ ୪ ହଜାର ଟଙ୍କା ଭିତରେ ମହାଜନ ଓ ଦଲାଲ ଚାଷୀଙ୍କଠାରୁ କପା ନେଇଯାଉଥିବା ଚାଷୀମାନେ ସୂଚନା ଦେଇଛନ୍ତି। କମ୍ପାନୀ ଏଜେଣ୍ଟ, ମହାଜନ ଓ ଦଲାଲଠାରୁ ପିସି ନେଇ ଉପରକୁ ତଳ ପର୍ଯ୍ୟନ୍ତ ସରକାରୀ ଅଧିକାରୀମାନେ ଶୋଷଣ ପ୍ରକ୍ରିୟାରେ ସାମିଲ ହୋଇଥିତ୍ବା ଚାଷୀମାନେ ଅଭିଯୋଗ କରୁଛନ୍ତି। ଜିଲାରେ ପ୍ରତିବର୍ଷ କପାଚାଷ ବୃଦ୍ଧି ପାଉଥିବାବେଳେ କପାଚାଷୀ ଶୋଷଣର ଶିକାର ହେବା ବିଷମ ପରିସ୍ଥିତି ସୃଷ୍ଟି କରିଛି ।
All Right Reserved By

ସମ୍ବଲପୁର

ବଦଳୁନି ପାତାଳି ଶ୍ରୀକ୍ଷେତ୍ର ରାସ୍ତାର ଅବସ୍ଥା

ବଦଳୁନି ପାତାଳି ଶ୍ରୀକ୍ଷେତ୍ର ରାସ୍ତାର ଅବସ୍ଥା

ସୋନପୁର,୨୨।୧୦(ନି.ପ୍ର.)
ସୁବର୍ଣ୍ଣପୁର ଜିଲା ଉଲୁଣ୍ଡା ବ୍ଳକର ପ୍ରସିଦ୍ଧ ପୀଠ ପାତାଳି ଶ୍ରୀକ୍ଷେତ୍ର ଓ ଠେଙ୍ଗୋ ଡ୍ୟାମକୁ ରାସ୍ତା ମରଣଯନ୍ତା ପାଲଟିଛି। ମରାମତି ଅଭାବରୁ ଧର୍ମଶାଳା ଛକରୁ ପୀଠକୁ ଯାଇଥିବା ୨୭କିଲୋମିଟର ରାସ୍ତା ଖାଲଖମାରେ ଭର୍ତ୍ତି ହୋଇଛି। ରାସ୍ତାରୁ ମେଟାଲ, ପିଚୁ ଉଠି ଗଲାଣି। ପର୍ଯ୍ୟଟକଙ୍କ ଗାଡି ରାସ୍ତାରେ ଫସି ରହୁଛି। ଶ୍ରଦ୍ଧାଳୁମାନେ ଦୁରଦୂରାନ୍ତରୁ ଶ୍ରୀଜୀଉଙ୍କୁ ଦର୍ଶନ କରିବାକୁ ଆସି ହୀନସ୍ତା ହେଉଛନ୍ତି। 

ଶହୀଦଙ୍କ ସ୍ମୃତିଚାରଣ, ଶ୍ରଦ୍ଧାଞ୍ଜଳି

ଶହୀଦଙ୍କ ସ୍ମୃତିଚାରଣ, ଶ୍ରଦ୍ଧାଞ୍ଜଳି

ସୋନପୁର,୨୧।୧୦(ନି.ପ୍ର.): ସୋନପୁର ଆର୍ମଡ ରିଜର୍ଭ ପୋଲିସ ପଡିଆରେ ରବିବାର ୫୯ତମ ପୋଲିସ ଶହୀଦ ଦିବସ ପାଳିତ ହୋଇଯାଇଛି। ସୁବର୍ଣ୍ଣପୁର ଏସ୍‌ପି ଦେବୀ ପ୍ରସାଦ ଦାଶ ଏଥିରେ ମୁଖ୍ୟ ଅତିଥିଭାବେ ଯୋଗଦେଇ ପୋଲିସ ପତାକା ଉତ୍ତୋଳନ କରିବା ସହିତ ପରେଡରେ ଅଭିବାଦନ ଗ୍ରହଣ କରିଥିଲେ। ଶହୀଦ ଦିବସରେ ଦେଶର ସେବା ପାଇଁ ନୂତନ ପ୍ରେରଣା ମିଳେ ବୋଲି ଏସ୍‌ପି ଦାଶ କହିଥିଲେ। 

ଉତ୍କଳଶ୍ରୀ-୧୯:  ଭାଗନେବେ ୩ଶହ ପ୍ରତିଯୋଗୀ

ଉତ୍କଳଶ୍ରୀ-୧୯: ଭାଗନେବେ ୩ଶହ ପ୍ରତିଯୋଗୀ

ବଲାଙ୍ଗୀର ଅଫିସ, ୨୧ା୧୦: ବଲାଙ୍ଗୀର ଆମେଚୁଅର ବଡିବିଲ୍‌ଡିଂ ସଂଘ ଆନୁକୂଲ୍ୟରେ ବଲାଙ୍ଗୀରଠାରେ ଆଗାମୀ ଜାନୁଆରୀ ୧୨ ଓ ୧୩ ତାରିଖ ଦିନ ରାଜ୍ୟସ୍ତରୀୟ ସୁନ୍ଦର ସ୍ବାସ୍ଥ୍ୟ ପ୍ରତିଯୋଗିତା ଉତ୍କଳଶ୍ରୀ-୨୦୧୯ ପ୍ରତିଯୋଗିତା ଅନୁଷ୍ଠିତ ହେବ। ଏନେଇ ସର୍କିଟ୍‌ ହାଉସଠାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା। ଆୟୋଜନ କମିଟି ସମ୍ପାଦକ ସଞ୍ଜୟ କୁମାର ଶତପଥୀଙ୍କ ଆବାହକତ୍ୱରେ ଅନୁଷ୍ଠିତ ବୈଠକରେ ଆୟୋଜନ କମିଟି ଚେୟାରମେନ୍‌ ଯୁବନେତା ଅର୍କେଶ ନାରାୟଣ ସିଂଦେଓ ଓ ସଭାପତି ଲଳିତ କୁମାର ନାୟକ ଯୋଗଦାନ କରିଥିଲେ। 

ଗ୍ୟାସ ସିଲିଣ୍ଡର ଫାଟି ରୋଷେଇଘର ଛାତ ଉଡ଼ିଲା

ଗ୍ୟାସ ସିଲିଣ୍ଡର ଫାଟି ରୋଷେଇଘର ଛାତ ଉଡ଼ିଲା

ବଲାଙ୍ଗୀର ଅଫିସ,୨୧।୧୦-ବଲାଙ୍ଗୀର ଟାଉନ ଥାନା ମାଲପଡ଼ା ରାମମନ୍ଦିର ନିକଟରେ ଶନିବାର ମଧ୍ୟ ରାତ୍ରିରେ ଘଟିଛି ଅଘଟଣ। ରାମମନ୍ଦିର ନିକଟ ହିମାଂଶୁ ପଣ୍ଡାଙ୍କ ଘରେ ଗ୍ୟାସ ସିଲିଣ୍ଡର ଫାଟିଯାଇଛି। ସିଲିଣ୍ଡର ଫାଟି ରୋଷେଇ ଘରର ଛାତ ଉଡ଼ିଯାଇଛି। ଦୁଇଟି ଗ୍ୟାସ୍‌ ସିଲିଣ୍ଡର ଲିକ୍‌ ହେବା ଯୋଗୁ ଫାଟିଯାଇଥିଲା। ତେବେ ଅଳ୍ପକେ ବର୍ତ୍ତିଯାଇଛନ୍ତି ପରିବାର ୩ ସଦସ୍ୟ।

ଭବାନୀପାଟଣାଠାରେ ପୋଲିସ ଶହୀଦ ଦିବସ ପାଳିତ

ଭବାନୀପାଟଣାଠାରେ ପୋଲିସ ଶହୀଦ ଦିବସ ପାଳିତ

ଭବାନୀପାଟଣା, ୨୧।୧ଠ (ଡି.ଏନ୍‌.ଏ.)-ରବିବାର ଦେଶର ପୋଲିସ ବାହିନୀ ତାହାର ୫୯ତମ ଶହୀଦ ଦିବସ ପାଳନ କରୁଥିଲାବେଳେ ଏହି ଉପଲକ୍ଷେ କଳାହାଣ୍ଡି ଜିଲା ସଦର ଭବାନୀପାଟଣା ଠାରେ ଥିବା ରିଜର୍ଭ ପୋଲିସ ପଡ଼ିଆ ଠାରେ ଜିଲା ପ୍ରଶାସନ ପକ୍ଷରୁ ଏହି ଦିବସ ପାଳିତ ହୋଇଥିଲା । ପୂର୍ବାହ୍ନ ୮ ଟାରେ ରିଜର୍ଭ ପୋଲିିସ ପଡ଼ିଆଠାରେ ଜିଲା ଆରକ୍ଷୀ ଅଧିକ୍ଷକ ବି.ଗଙ୍ଗାଧର ରିଜର୍ଭ ପୋଲିସ କାର୍ଯ୍ୟାଳୟ ପରିସରରେ ଥିବା ପୋଲିସ ଶହୀଦ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ପ୍ରଦାନ କରି ସ୍ବର୍ଗତ ଆତ୍ମା 

ପ୍ରସିଦ୍ଧ ରାବଣପୋଡି ସହ ଶେଷ ହେଲା ଦଶହରା:  ମଞ୍ଚରେ ଦେଶପ୍ରେମର ବାର୍ତ୍ତା

ପ୍ରସିଦ୍ଧ ରାବଣପୋଡି ସହ ଶେଷ ହେଲା ଦଶହରା: ମଞ୍ଚରେ ଦେଶପ୍ରେମର ବାର୍ତ୍ତା

ନୂଆପଡା ଅଫିସ, ୨୧।୧୦- ଆଜକୁ ଦଶଦିନ ଧରି ନୂଆପଡା ଜିଲାର ପୁରପଲ୍ଲୀରେ ଦଶହରା ପର୍ବ ପାଳିତ ହୋଇଥିଲା। ଶେଷ ଦିନରେ ବିଭିନ୍ନ ଜାଗାରେ ରାବଣ ପୋଡି, ଆତସବାଜୀ କାର୍ଯ୍ୟକ୍ରମ ମୁଖ୍ୟ ଆକର୍ଷଣ ଥିଲା। ତନ୍ମଧ୍ୟରୁ ଜିଲା ସଦର ମହକୁମାର ରାବଣ ଦହନ କାର୍ଯ୍ୟକ୍ରମ ନିଆରା ଥିଲା         ଜିଲା ସଦର ମହକୁମାରେ ୭ଟି ଜାଗାରେ ଅର୍ଥାତ ସାର୍ବଜନୀନ ପୂଜା, ଦୁର୍ଗା ମନ୍ଦିର, ତେଲିପଡା, ଶ୍ରୀରାମ କମ୍ପ୍ଲେକ୍ସ, ପୋଲିସ ପଡିଆ, ସିର୍ତୋଲ ଏବଂ ନୀଳଶୈଳ ନଗର ପଡାରେ ପୂଜା ହୋଇଥିଲା। ଏସବୁ 

ଦୁଇ ବାଇକ ମୁହଁ।ମୁହିଁ ଧକ୍କା: ୧ ମୃତ, ଜଣେ ଗୁରୁତର

ଦୁଇ ବାଇକ ମୁହଁ।ମୁହିଁ ଧକ୍କା: ୧ ମୃତ, ଜଣେ ଗୁରୁତର

ବେଦବ୍ୟାସ, ୨୧।୧୦ (ଡି.ଏନ.ଏ)- ବ୍ରାହ୍ମଣୀତରଙ୍ଗ ଥାନା ଅନ୍ତର୍ଗତ କଲୁଙ୍ଗା ଫାଣ୍ଡିର ଡିସ୍କ ଛକ ସ୍ଥିତ ସନ୍ଧ୍ୟା ସାଢ଼େ ୫ଟାରେ ଦୁଇ ବାଇକ ମୁହଁାମୁହିଁ ଧକ୍କା ହୋଇଛି। ଫଳରେ ଜଣେ ଘଟଣାସ୍ଥଳରେ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଆହତ ହୋଇ ରାଉରକେଲା ସରକାରୀ ଡାକ୍ତରଖାନାରେ ଚିକିତ୍ସାଧିନ ଥିବା ଜଣାପଡ଼ିଛି। ଖଇରବନ୍ଧ ପାର୍ଶ୍ୱରୁ ବଡମାରେନ ଆଡକୁ ଯାଉଥିବା ଟିଭିଏସ ବାଇକ ନଂ. ଓଡି ୧୪ ଡି- ୧୩୫୮ ସହ ବିପରିତ ପାର୍ଶ୍ୱରୁ ଆସୁଥିବା ହିରୋହୋଣ୍ଡା ବାଇକ ନଂ. ଓଡି ୧୪ ଡି- 

ଶାରଦୀୟ ଜାତୀୟ ସେବା ଯୋଜନା ଶିବିର ଉଦ୍‌ଯାପିତ

ଶାରଦୀୟ ଜାତୀୟ ସେବା ଯୋଜନା ଶିବିର ଉଦ୍‌ଯାପିତ

ବିଜେପୁର, ୨୧।୧୦ (ଡି.ଏନ.ଏ)- ବରଗଡ ଜିଲା ବିଜେପୁର ବ୍ଲକ କଲଙ୍ଗାପାଲିରେ ଶାରଦୀୟ ଜାତୀୟ ସେବା ଯୋଜନା ଶିବିର ଅନୁଷ୍ଠିତ ହୋଇଯାଇଛି। ସ୍କୁଲ ଚେୟାରମେନ ପରିତୋଷ ସୁନା ଏହାକୁ ଉଦ୍‌ଘାଟନ କରିଥିଲେ। ପଲିଥିନ ବର୍ଜନ, ଶୌଚାଳୟ ବ୍ୟବହାର, ଗ୍ରାମ ସଫେଇ, ଠୁଙ୍ଗା ପ୍ରସ୍ତୁତି କରି ସ୍ବାବଲମ୍ବି ହେବା, ଟୀକାକରଣ ବିଷୟରେ ବିଭିନ୍ନ ଦିବସରେ ଶିବିରାର୍ଥୀଗଣ ଗ୍ରାମବାସୀଙ୍କୁ ସଚେତନ କରାଇଥିଲେ। ଉଦ୍‌ଯାପନୀ ସମାରୋହରେ ଡିଗ୍ରୀ କଲେଜ ଅଧ୍ୟକ୍ଷ ପ୍ରଦୀପ କୁମାର 

ସୋହେଲା ଦୁର୍ଗାପୂଜା: ସରିଲା ରାବଣପୋଡି, ଭସାଣି

ସୋହେଲା ଦୁର୍ଗାପୂଜା: ସରିଲା ରାବଣପୋଡି, ଭସାଣି

ସୋହେଲା,୨୧।୧୦ (ଡି.ଏନ.ଏ)-ବରଗଡ ଜିଲା ସୋହେଲାଠାରେ ଲକ୍ଷାଧିକ ଦର୍ଶକଙ୍କ ସମାଗମରେ ଶାନ୍ତିଶୃଙ୍ଖଳାର ସହିତ ପଶ୍ଚିମ ଓଡିଶାର ଖ୍ୟାତିଲାଭ କରିଥିବା ସୋହେଲାର ପ୍ରସିଦ୍ଧ ରାବଣପୋଡି ଶନିବାର ସନ୍ଧ୍ୟାରେ ସ୍ଥାନୀୟ ମିନି ଷ୍ଟାଡିୟମଠାରେ ଅନୁଷ୍ଠିତ ହୋଇଯାଇଛି। ଚଳିତ ବର୍ଷ ପୂଜାର ପ୍ଲାଟିନମ ଜୁବୁଲି ପାଳନ କରାଯାଇଥିବାରୁ ପୂଜା କମିଟି ପକ୍ଷରୁ ବ୍ୟାପକ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ସୀମାନ୍ତ ପଡୋଶୀ ରାଜ୍ୟ ସମେତ ଦୂର ଦୂରାନ୍ତରରୁ ଲୋକେ ଏହି ପୂଜା 

ଚାକିରି ଦେବାକୁ କହି ୨୦ ଲକ୍ଷ ଠକେଇ

ଚାକିରି ଦେବାକୁ କହି ୨୦ ଲକ୍ଷ ଠକେଇ

ରାଉରକେଲା ଅଫିସ,୨୧।୧୦- ଝିରପାଣି ଥାନା ଝିରପାଣି ପୁନର୍ବସତି କଲୋନୀରେ ରହୁଥିବା ଜଣେ ଯୁବତୀ କେତେକ ବେକାର ଯୁବକଙ୍କୁ ଚାକିରି ଦେବା ଆଳରେ ୨୦ଲକ୍ଷରୁ ଅଧିକ ଟଙ୍କା ଠକିଥିବା ଅଭିଯୋଗ ହୋଇଛି। ଏ ନେଇ ଶନିବାର ମଧ୍ୟାହ୍ନରେ କିଛି ଯୁବକ ଥାନାରେ ଅଭିଯୋଗ କରିବାକୁ ପହଞ୍ଚି ଥିଲେ। ହେଲେ ଠକେଇ କରିଥିବା ଯୁବତୀ ଜଣକ ଘଟଣା ସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ଦେଖାଯାଇଥିଲା। ‘ମୁଁ ସୁବିଧା ଅନୁସାରେ ଟଙ୍କା ଫେରାଇ ଦେବି। ଆପଣମାନେ

ଧାନ ସଂଗ୍ରହ ଆରମ୍ଭ ହୋଇନି: ଚାଲିଛି ଅଣ୍ଡରରେଟ୍‌ ମସୁଧା

ଧାନ ସଂଗ୍ରହ ଆରମ୍ଭ ହୋଇନି: ଚାଲିଛି ଅଣ୍ଡରରେଟ୍‌ ମସୁଧା

ବରଗଡ଼ ଅଫିସ୍‌,୨୧।୧୦
ବରଗଡ଼ ଜିଲାରେ ଆଉ ୨ସପ୍ତାହ ପରେ ଧାନ ସଂଗ୍ରହ ପ୍ରକ୍ରିୟା ଆରମ୍ଭ ହେବ। ନଭେମ୍ବର ୫ତାରିଖରୁ ଜିଲାରେ ଧାନ କିଣାବିକା ଚାଲିବ । ଏଥିପାଇଁ ପ୍ରଶାସନିକ ପ୍ରସ୍ତୁତି ଚାଲିଛି। ଚାଷୀ ପଞ୍ଜୀକରଣ ପ୍ରକ୍ରିୟାଠାରୁ ଆରମ୍ଭ କରି ଆକାଉଣ୍ଟ ଯାଞ୍ଚ ଏବଂ ଅନ୍ୟ ଆବଶ୍ୟକ କାଗଜାତ୍‌ ପ୍ରସ୍ତୁତିରେ ବିଭାଗୀୟ ଅଧିକାରୀମାନେ ଲାଗି ପଡ଼ିଛନ୍ତି। ଅନ୍ୟପଟେ ଅଣ୍ଡରରେଟ୍‌ରେ ଧାନ କିଣିବା ପାଇଁ ବେପାରୀଙ୍କ ମସୁଧା ମଧ୍ୟ ପଛରେ ପଡ଼ିନାହିଁ । ଧାନ ସଂଗ୍ରହ ପ୍ରକ୍ରିୟାର ଅବ୍ୟବହିତ ପୂର୍ବରୁ ଗ୍ରାମାଞ୍ଚଳରେ ବେପାରୀମାନେ

ଚୋରି ସନ୍ଦେହରେ ଥାନାରେ ଅଟକ ଯୁବକଙ୍କୁ ବାହାର ଯୁବକ ମାଡ଼ ମାରିବା ନେଇ ଉତ୍ତେଜନା: ଶତାଧିକ ଲୋକଙ୍କ ଥାନାରେ ପାଟିତୁଣ୍ଡ

ଚୋରି ସନ୍ଦେହରେ ଥାନାରେ ଅଟକ ଯୁବକଙ୍କୁ ବାହାର ଯୁବକ ମାଡ଼ ମାରିବା ନେଇ ଉତ୍ତେଜନା: ଶତାଧିକ ଲୋକଙ୍କ ଥାନାରେ ପାଟିତୁଣ୍ଡ

ବଡ଼ଗାଁ, ୨୧।୧୦ (ଡି.ଏନ.ଏ)-  ସୁନ୍ଦରଗଡ଼ ଜିଲା ବଡ଼ଗାଁ ଥାନା ଅଞ୍ଚଳରେ ଚୋରି ସନ୍ଦେହରେ ଥାନାରେ ଅଟକ ଥିବା ଦୁଇ ଯୁବକଙ୍କ ମଧ୍ୟରୁ ଜଣଙ୍କୁ ବାହାରର କେତେକ ଯୁବକ ମାଡ଼ମାରିଥିବା ଅଭିଯୋଗ ହୋଇଛି। ଥାନା ଭିତରେ ପଶି ଅଟକ ଥିବା ଯୁବକଙ୍କୁ ମାଡ଼ମାରିଥିବା ବାହାରର ଯୁବକମାନଙ୍କ ଗିରଫ ଦାବିକରି ବଡ଼ଗାଁରେ ଶନିବାର ସନ୍ଧ୍ୟାରେ ଉତ୍ତେଜନା ପ୍ରକାଶ ପାଇଥିଲା। ଚୋରି ସନ୍ଦେହରେ ଅଟକ ଯୁବକଙ୍କ ସମ୍ପର୍କୀୟ, ସମର୍ଥକ କୁହାଯାଉଥିବା ଶତାଧିକ ମହିଳା, ପୁରୁଷ ଥାନାକୁ ଆସି ପାଟିତୁଣ୍ଡ