Dharitri News
ବାଣିଜ୍ୟ |

ବିଗ୍‌ ବଜାର ପବ୍ଲିକ୍‌ ହଲିଡେ ସେଲ୍‌ ୨୨ରୁ ୨୫

ବିଗ୍‌ ବଜାର ପବ୍ଲିକ୍‌ ହଲିଡେ ସେଲ୍‌ ୨୨ରୁ ୨୫ ନୂଆଦିଲ୍ଲୀ,୨୦-୧୨ ପ୍ରତିବର୍ଷ ପରି ଚଳିତବର୍ଷ ମଧ୍ୟ ଫ୍ୟୁଚର୍‌ ଗ୍ରୁପ୍‌ର ପ୍ରମୁଖ ହିପର୍‌ମାର୍କେଟ୍‌ ଚେନ୍‌ ବିଗ୍‌ ବଜାର ପକ୍ଷରୁ ମେଗା ଶପିଂ ଫେଷ୍ଟିଭାଲ୍‌ ‘ପବ୍ଲିକ୍‌ ହଲିଡେ ସେଲ୍‌’ ଆରମ୍ଭ ହେଉଛି। ଚଳିତବର୍ଷ ଏହା ଡିସେମ୍ବର ୨୨ରୁ ୨୫ ପର୍ଯ୍ୟନ୍ତ ଚାଲିବ। ଦେଶରେ ଥିବା ବିଗ୍‌ ବଜାରର ୨୪୦ରୁ ଊର୍ଦ୍ଧ୍ୱ ଷ୍ଟୋରରେ ଏହାର ଲାଭ ଗ୍ରାହକମାନେ ନେଇପାରିବେ। ଚଳିତବର୍ଷର ପବ୍ଲିକ୍‌ ହଲିଡେ ସେଲ୍‌କୁ ସ୍ବତନ୍ତ୍ର କରାଯାଇଛି। ଶପିଂ ଫେଷ୍ଟିଭାଲ ଆରମ୍ଭ ହେବା ପୂର୍ବରୁ ସମସ୍ତ ଗ୍ରାହକଙ୍କୁ ବିଗ୍‌ ବଜାର ପକ୍ଷରୁ ସେମାନଙ୍କ ଫ୍ୟୁଚର୍‌ ପେ’ ଓ୍ବାଲେଟ୍‌ରେ ୧୦୧ ଟଙ୍କା ପ୍ରଦାନ କରାଯିବ। ପବ୍ଲିକ୍‌ ହଲିଡେ ସେଲ୍‌ର ଏହି ୪ ଦିନ ମଧ୍ୟରେ ଯେ କୌଣସି କ୍ରୟରେ ଗ୍ରାହକ ଉକ୍ତ ଟଙ୍କାକୁ ବିନିଯୋଗ କରିପାରିବେ। ଯେଉଁ ଗ୍ରାହକଙ୍କର ଫ୍ୟୁଚର୍‌ ପେ’ ଓ୍ବାଲେଟ୍‌ ନାହିଁ ସେମାନେ ୮୦୧୦୩୫୦୦୦୦ରେ ମିସ୍‌ କଲ୍‌ ଦେଇ ଏହାକୁ ଉପଲବ୍ଧ କରିପାରିବେ। ସଉଦାପତ୍ର, ହୋମ୍‌ ଫ୍ୟାଶନ୍‌, ପୋଷାକପତ୍ର, ଇଲେକ୍‌ଟ୍ରୋନିକ୍ଦ ଉତ୍ପାଦ ସମେତ ବିଭିନ୍ନ ସେଗ୍‌ମେଣ୍ଟରେ ଗ୍ରାହକ ଏହି ୪ ଦିନରେ ଆକର୍ଷଣୀୟ ଅଫର୍‌ ପାଇପାରିବେ। ଡ୍ରାଏ ଫ୍ରୁଟ୍‌, ଡିନର୍‌ ସେଟ୍‌, ଇଲେକ୍ଟ୍ରୋନିକ୍ସ, ଲଗେଜ୍‌ ଆଦିରେ ଆକର୍ଷଣୀୟ ଅଫର୍‌ ରହିଛି। ୩,୫୦୦ ତଥା ତଦ୍ଦୂର୍ଦ୍ଧ୍ୱ ମୂଲ୍ୟର ଜିନିଷ କ୍ରୟ କରି ଏସ୍‌ବିଆଇ କାର୍ଡ ବ୍ୟବହାରକାରୀମାନେ ଅଧିକ ୫%ର ରିହାତି ପାଇପାରିବେ। ମହିଳା, ପୁରୁଷ ଏବଂ ପିଲାମାନଙ୍କ ପୋଷାକ ସେଗ୍‌ମେଣ୍ଟରେ ୫୦% ରିହାତି ବ୍ୟବସ୍ଥା ରହିଥିବା ଷ୍ଟୋର ପକ୍ଷରୁ ପ୍ରକାଶ। ହୋମ୍‌ ଫ୍ୟାଶନ୍‌ ଯେପରି ବେଡ୍‌ଶିଟ୍‌, ବ୍ଲାଙ୍କେଟ୍‌ ଆଦିରେ ୩୦% ରିହାତି ବ୍ୟବସ୍ଥା କରାଯାଇଛି। ସ୍କାଏବ୍ୟାଗ୍‌, ସଫାରି, ଆରିଷ୍ଟୋକ୍ରାଟ୍‌ ଏବଂ କ୍ୟାମିଲିଆନ୍‌ ଭଳି ଲୋକପ୍ରିୟ ବ୍ରାଣ୍ଡର ଲଗେଜ୍‌ ବ୍ୟାଗ୍‌ ଏବଂ ହାର୍ଡ ଟ୍ରଲି ଫ୍ଲାଟ୍‌ ୬୦% ରିହାତିରେ କ୍ରୟ କରାଯାଇପାରିବ। ପବ୍ଲିକ୍‌ ହଲିଡେ୍‌ ସେଲ୍‌କୁ ନେଇ ବିଗ୍‌ ବଜାରର ସିଇଓ ସଦାଶିବ ନାୟକ କହିଛନ୍ତି ଯେ, ଏବେ ଭାରତରେ ଏହା ଏକ ବହୁ ପ୍ରତୀକ୍ଷିତ ଶପିଂ ଫେଷ୍ଟିଭାଲ୍‌ରେ ପରିଣତ ହୋଇଛି। ଏହାସହିତ ଗ୍ରାହକମାନେ ସେମାନଙ୍କ ମୋବାଇଲ୍‌ ଫୋନ୍‌ ତଥା ଡିଜିଟାଲ୍‌ ପ୍ଲାଟ୍‌ଫର୍ମରେ ପ୍ରକାଶିତ ବିଗ୍‌ ବଜାର ବିଜ୍ଞାପନରେ ଉଲ୍ଲେଖ ହୋଇଥିବା କ୍ୟୁଆର୍‌ କୋଡ୍‌କୁ ଦେଖି ସ୍ବତନ୍ତ୍ର ଅଫର୍‌ ଲାଭ କରିପାରିବେ।

ବାଣିଜ୍ୟ |

ଓଡିଶା ବଜାରରେ ଟିଭିଏସ୍‌ ଆପାଚି ଆର୍‌ଆର୍‌ ୩୧୦

ଓଡିଶା ବଜାରରେ ଟିଭିଏସ୍‌ ଆପାଚି ଆର୍‌ଆର୍‌ ୩୧୦

ଭୁବନେଶ୍ୱର,୨୩-୧(ବ୍ୟୁରୋ)-ପ୍ରମୁଖ ଦୁଇଚକିଆ ଓ ତିନି ଚକିଆ ଯାନ ନିର୍ମାତା ଟିଭିଏସ୍‌ ମୋଟର କମ୍ପାନୀ ଏହାର ଟିଭିଏସ୍‌ ଆପାଚି ଆର୍‌ଆର୍‌ ୩୧୦ ବାଇକ୍‌କୁ ସୋମବାର ଓଡିଶା ବଜାରରେ ପ୍ରବେଶ କରିଛି।

ଗ୍ରୀନ୍‌ ଚିଲିଜର ଇଟ୍‌ ଆଣ୍ଡ୍‌ ଓ୍ବିନ୍‌ ପ୍ରତିଯୋଗିତା

ଗ୍ରୀନ୍‌ ଚିଲିଜର ଇଟ୍‌ ଆଣ୍ଡ୍‌ ଓ୍ବିନ୍‌ ପ୍ରତିଯୋଗିତା

ଭୁବନେଶ୍ୱର,୨୩-୧-ପ୍ରମୁଖ ଫାଷ୍ଟଫୁଡ୍‌ ଚେନ୍‌ ଗ୍ରୀନ୍‌ ଚିଲିଜ୍‌ ର ‘ଇଟ୍‌ ଆଣ୍ଡ୍‌ ଓ୍ବିନ୍‌’ ପ୍ରତିଯୋଗିତା ଉଦ୍‌ଯାପିତ ହୋଇଯାଇଛି। ଏହାର ଗ୍ରାଣ୍ଡ୍‌ ଫିନାଲେ ଖୋର୍ଦ୍ଧାସ୍ଥିତ ହାଇଓ୍ବେ ରୋସ୍ତୋରଁ। ରେ ଅନୁଷ୍ଠିତ ହୋଇଥିଲା ।

ବାର୍ଷିକ ୩ ଲକ୍ଷ ଆୟରେ ମିଳୁ ଟିକସ ଛାଡ଼

ବାର୍ଷିକ ୩ ଲକ୍ଷ ଆୟରେ ମିଳୁ ଟିକସ ଛାଡ଼

ନୂଆଦିଲ୍ଲୀ, ୨୩-୧-ସପ୍ତମ ବେତନ କମିଶନଙ୍କ ସୁପାରିସ ଲାଗୁ ହେବା ପରେ ଲୋକଙ୍କର ଆୟ(ପର୍ସନାଲ୍‌ ଡିସ୍‌ପୋଜେବୁଲ୍‌ ଇନ୍‌କମ୍‌) ବୃଦ୍ଧି ପାଇଛି।

୯.୫ ଲକ୍ଷ କୋଟିକୁ ବୃଦ୍ଧି ପାଇବ ମୋଟ ଏନ୍‌ପିଏ

୯.୫ ଲକ୍ଷ କୋଟିକୁ ବୃଦ୍ଧି ପାଇବ ମୋଟ ଏନ୍‌ପିଏ

ନୂଆଦିଲ୍ଲୀ,୨୨-୧(ପିଟି) ଚଳିତ ଆର୍ଥିକ ବର୍ଷ ଶେଷ ସୁଦ୍ଧା ଦେଶର ମୋଟ ଅନାଦାୟ ଋଣ ପରିମାଣ(ଜିଏନ୍‌ପିଏସ୍‌) ୯.୫ ଲକ୍ଷ କୋଟି ଟଙ୍କାକୁ ବୃଦ୍ଧି ପାଇବ। ୨୦୧୬-୧୭ ଆର୍ଥିକ ବର୍ଷ ଶେଷ ବେଳକୁ ଏହା ୮ ଲକ୍ଷ କୋଟି ଟଙ୍କାକୁ ବୃଦ୍ଧି ପାଇଥିବା ବେଳେ ୨୦୧୭-୧୮ ଆର୍ଥିକ ବର୍ଷ ଶେଷକୁ ଏହା ୯.୫ ଲକ୍ଷ କୋଟିକୁ ବୃଦ୍ଧି ପାଇବ ବୋଲି ଆସୋଚାମ-କ୍ରିସିଲ୍‌ ପକ୍ଷରୁ ପ୍ରସ୍ତୁତ ଏକ ରିପୋର୍ଟରେ ପ୍ରକାଶ ପାଇଛି।

ସବୁ ଟ୍ରେନ୍‌, ଷ୍ଟେଶନ ହେବ ଓ୍ବାଇଫାଇ

ସବୁ ଟ୍ରେନ୍‌, ଷ୍ଟେଶନ ହେବ ଓ୍ବାଇଫାଇ

ନୂଆଦିଲ୍ଲୀ,୨୨-୧-ଭାରତୀୟ ରେଳ ପକ୍ଷରୁ ଚାଲୁଥିବା ସମସ୍ତ ୧୧ ହଜାର ଟ୍ରେନ୍‌ ଏବଂ ୮୫୦୦ ରେଳ ଷ୍ଟେଶନରେ ଓ୍ବାଇଫାଇ ସୁବିଧା କରାଯିବ। ୨୦୧୮-୧୯ ସାଧାରଣ ବଜେଟ୍‌ରେ ଏଥି ପାଇଁ ୩,୦୦୦ କୋଟି ଟଙ୍କା ବ୍ୟୟ ବରାଦ ହେବ। ଯାତ୍ରୀଙ୍କ ସୁରକ୍ଷା ଓ ସହଜ ରେଳ ଯାତ୍ରା ପାଇଁ ଏହି ବ୍ୟବସ୍ଥା କରାଯିବ ବୋଲି ରେଳ ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ କହିଛନ୍ତି।

କାନାରା ବ୍ୟାଙ୍କ ଅଫିସର୍ସ ସଂଘ ବୈଠକ

କାନାରା ବ୍ୟାଙ୍କ ଅଫିସର୍ସ ସଂଘ ବୈଠକ

ଭୁବନେଶ୍ୱର,୨୨-୧ କାନାରା ବ୍ୟାଙ୍କ ଅଫିସର୍ସ ଆସୋସିଏଶନ୍‌ ଓଡିଶା ୟୁନିଟ୍‌ର ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଯାଇଛି। ସଂଘର ସର୍ବଭାରତୀୟ ସାଧାରଣ ସମ୍ପାଦକ ଭି. ମଣିରମନ୍‌ଙ୍କ ଏଥିରେ ଅଧ୍ୟକ୍ଷତା କରି ଉପସ୍ଥିତ ସଦସ୍ୟଙ୍କୁ ସରକାରଙ୍କ ବ୍ୟାଙ୍କ ମିଶ୍ରଣ ଏବଂ ଅଧିଗ୍ରହଣ ଯୋଜନା ବିପକ୍ଷରେ ସଂଘର ବିରୋଧ ଜାରି ରଖିବାକୁ ଆହ୍ବାନ ଦେଇଥିଲେ। ମୁଖ୍ୟ ଅତିଥି ଭାବେ ଯୋଗଦେଇ ବ୍ୟାଙ୍କର ଭୁବନେଶ୍ୱର ମଣ୍ଡଳ କାର୍ଯ୍ୟାଳୟର ଉପ ମହାପ୍ରବନ୍ଧକ ଶ୍ରୀକାନ୍ତ ମହାପାତ୍ର ଦେଶର ଉନ୍ନତିରେ ସଂଘର ଅବଦାନ ଉପରେ ଆଲୋଚନା କରିଥିଲେ। ଓଡିଶା ୟୁନିଟର ସାଧାରଣ ସଂପାଦକ ପି.କେ. ମହାନ୍ତି ବାର୍ଷିକ ବିବରଣୀ ପାଠ କରିଥିଲେ।

ବଢ଼ୁଛି ଆୟ ତାରତମ୍ୟ ହାର

ବଢ଼ୁଛି ଆୟ ତାରତମ୍ୟ ହାର

ଡାଭୋସ୍‌,୨୨-୧(ପି.ଟି.) ଦେଶର ସାମଗ୍ରିକ ଉନ୍ନତି ପାଇଁ କେନ୍ଦ୍ର ସରକାର ବିଭିନ୍ନ ପ୍ରକାର ପଦକ୍ଷେପ ଗ୍ରହଣ କରୁଥିବା ବିଭିନ୍ନ ସମୟରେ କହି ଆସୁଛନ୍ତି। ପ୍ରତ୍ୟେକ ନାଗରିକଙ୍କ ଆର୍ଥିକ ବିକାଶ ଘଟୁଛି ଏବଂ ଧନୀ, ଦରିଦ୍ର ସମସ୍ତେ ଅଭିବୃଦ୍ଧିର ସ୍ରୋତରେ ଆଗକୁ ବଢ଼ୁଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବାରମ୍ବାର କହୁଛନ୍ତି। କିନ୍ତୁ ଦୁଇଟି ରିପୋର୍ଟକୁ ଦୃଷ୍ଟି ଦେଲେ ଭାରତକୁ ନେଇ ସେ ପ୍ରଦାନ କରିଥିବା ଗୋଲାପୀ ଚିତ୍ର ଉପରେ ସନ୍ଦେହ ସୃଷ୍ଟି ହୋଇଛି।

ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି ହେବ ଭାରତ

ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି ହେବ ଭାରତ

ନୂଆଦିଲ୍ଲୀ,୨୧-୧ ୨୦୧୮ରେ ଭାରତ ଚାଇନାକୁ ଟପି ବିଶ୍ୱର ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି ହେବ। ଘରୋଇ ବଜାରର ପୁଞ୍ଜି ବଜାର ବିଶ୍ୱର ପଞ୍ଚମ ବୃହତ୍ତ ବଜାର ହେବ ବୋଲି ସାଙ୍କଟମ୍‌ ଓ୍ବେଲଥ୍‌ ମ୍ୟାନେଜମେଣ୍ଟ ରିପୋର୍ଟରେ ଏହା ପ୍ରକାଶ ପାଇଛି। ସେହିଭଳି ବିଶ୍ୱର ଅନ୍ୟାନ୍ୟ ପ୍ରମୁଖ ଅର୍ଥନୀତିଗୁଡିକରେ ଅଭିବୃଦ୍ଧି ଧାରା ଏତେଟା ଉନ୍ନତ ହେବ ନାହିଁ। ମାତ୍ର ଭାରତ ଏକ ସଂସ୍କାରମୂଳକ ଅର୍ଥନୀତି ହେବା ସହ ଅଭିବୃଦ୍ଧି ଧାରା ବଜାୟ ରହିବ ବୋଲି ସାଙ୍କଟମ୍‌ ଏହାର ରିପୋର୍ଟରେ ପ୍ରକାଶ କରିଛି।

ଏନ୍‌ପିଏ ସମ୍ପତ୍ତି ବିକ୍ରି ଲାଗି ଅନ୍‌ଲାଇନ ବ୍ୟବସ୍ଥା ଆସୁ: ଆଚାର୍ଯ୍ୟ

ଏନ୍‌ପିଏ ସମ୍ପତ୍ତି ବିକ୍ରି ଲାଗି ଅନ୍‌ଲାଇନ ବ୍ୟବସ୍ଥା ଆସୁ: ଆଚାର୍ଯ୍ୟ

ନୂଆଦିଲ୍ଲୀ,୨୧-୧ ଘରୋଇ ବଜାରରେ ଏନ୍‌ପିଏ ଯୋଗୁ ବର୍ତ୍ତମାନ ବ୍ୟାଙ୍କଗୁଡିକ ବିଭିନ୍ନ ଅସୁବିଧା ଦେଇ ଗତିକରୁଛନ୍ତି। ଏନ୍‌ପିଏ ସମ୍ପତ୍ତିଗୁଡିକର ବିକ୍ରି ଲାଗି ଘରୋଇ ବଜାରରେ ଆମେରିକା ଭଳି ଅନ୍‌ଲାଇନ ଟ୍ରେଡିଂ ପ୍ଲାଟଫର୍ମ ଆସିବା ଉଚିତ୍‌। ଏହା ଆସିଲେ ଏନ୍‌ପିଏ ସମ୍ପତ୍ତି ବିକ୍ରି ପ୍ରକ୍ରିୟା ସହଜ ହେବା ସହ ଉନ୍ନତ ମୂଲ୍ୟ ଦ୍ୱାରା ପୁଞ୍ଜି ସଂଗ୍ରହ ହୋଇପାରିବ ବୋଲି ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ)ର ଡେପୁଟି ଗଭର୍ନର ଭିରାଲ ଆଚାର୍ଯ୍ୟ ଗୁରୁତ୍ୱାରୋପ କରିଛନ୍ତି।

ହ୍ରାସ ହୋଇପାରେ ଟିକସ ସ୍ଲାବ

ହ୍ରାସ ହୋଇପାରେ ଟିକସ ସ୍ଲାବ

ନୂଆଦିଲ୍ଲୀ,୨୧-୧ ଆଗାମୀ ବଜେଟରେ ସରକାର ଟିକସ ସ୍ଲାବକୁ ହ୍ରାସ କରି ପାରନ୍ତି। ଏହା ହେଲେ ଲୋକଙ୍କ ଉପରେ ଟିକସ ବୋଝ ସାମାନ୍ୟ ହ୍ରାସ ହେବ ବୋଲି ଟିକସ କନସଲଣ୍ଟାଣ୍ଟ ଇଓ୍ବାଇ ପକ୍ଷରୁ ହୋଇଥିବା ଏକ ପ୍ରାକ୍‌ ବଜେଟ ସର୍ଭେରେ ଏହା ପ୍ରକାଶ ପାଇଛି।

ମାରୁତି ଆଣିବ ୪ ନୂଆ ମଡେଲ

ମାରୁତି ଆଣିବ ୪ ନୂଆ ମଡେଲ

ନୂଆଦିଲ୍ଲୀ,୨୧-୧ ପ୍ରମୁଖ ୪ ଚକିଆ ଯାନ ନିର୍ମାଣକାରୀ କମ୍ପାନୀ ମାରୁତି ସୁଜୁକି ଇଣ୍ଡିଆ ଆଗାମୀ ୧୨-୧୮ ମାସ ମଧ୍ୟରେ ୪ ନୂଆ ମଡେଲ ଆଣିବ। ଆଗାମୀ ଦିନରେ ଘରୋଇ ବଜାରରେ ଦୁଇ ଅଙ୍କ ବିଶିଷ୍ଟ ଅଭିବୃଦ୍ଧି ଧାରାକୁ ବଜାୟ ରଖିବାକୁ ଏହି ଭଳି ପଦକ୍ଷେପ ନିଆଯାଉଥିବା କମ୍ପାନୀ ପ୍ରକାଶ କରିଛି।

ତ୍ୱରିତ ହେବ କମ୍ପାନୀ ପଞ୍ଜୀକରଣ ଧାରା

ତ୍ୱରିତ ହେବ କମ୍ପାନୀ ପଞ୍ଜୀକରଣ ଧାରା

ନୂଆଦିଲ୍ଲୀ,୨୧-୧ କମ୍ପାନୀ ପଞ୍ଜୀକରଣ ଧାରାକୁ ତ୍ୱରାନ୍ବିତ କରିବାକୁ ସରକାର ଯୋଜନା କରୁଛନ୍ତି। ନୂତନ କମ୍ପାନୀଙ୍କ ପଞ୍ଜିକରଣ ଧାରାରେ କିଛିଟା ପରିବର୍ତ୍ତନ କରିବାକୁ ଯୋଜନା ରହିଛି।