ବାଣିଜ୍ୟ |

ବଢୁଛନ୍ତି କୋଟିପତି ଟିକସଦାତା

ବଢୁଛନ୍ତି କୋଟିପତି ଟିକସଦାତା
ନୂଆଦିଲ୍ଲୀ,୨୦-୧୨(ପି.ଟି.)- ଘରୋଇ ବଜାରରେ ୨୦୧୫-୧୬ ଆସେସମେଣ୍ଟ ବର୍ଷରେ ୧ କୋଟି ଟଙ୍କାରୁ ଅଧିକ ଆୟର ଘୋଷଣା କରିଥିବା ବ୍ୟକ୍ତିଙ୍କ ସଂଖ୍ୟାରେ ୨୩.୫% ବୃଦ୍ଧି ଘଟି ୫୯,୮୩୦ ଛୁଇଁଛି। ମାତ୍ର ଅଧିକ ସଂଖ୍ୟକ କୋଟିପତିଙ୍କ ଆୟରେ ପୂର୍ବ ବର୍ଷ ତୁଳନାରେ ୫୦,୮୮୯ କୋଟି ଟଙ୍କା ହ୍ରାସ ଘଟିଛି। ୨୦୧୫-୧୬ ବର୍ଷ ଲାଗି ଆୟକର ବିଭାଗ ପରିସଂଖ୍ୟାନ ରିପୋର୍ଟରୁ ଏହି ତଥ୍ୟ ସାମ୍ନାକୁ ଆସିଛି। ତଥ୍ୟ ମୁତାବକ ୫୯,୮୩୦ ବ୍ୟକ୍ତିଙ୍କ ହାରାହାରି ମୋଟ ଆୟ ୧ କୋଟି ଟଙ୍କାରୁ ଅଧିକ ରହିଥିବା ବେଳେ ଏହା ୧.୫୪ ଲକ୍ଷ କୋଟିକୁ ବଢିଛି। ୨୦୧୪-୧୫ ବର୍ଷରେ ହାରାହାରି ୧ କୋଟି ଟଙ୍କାରୁ ଅଧିକ ଆୟ କରୁଥିବା ବ୍ୟକ୍ତିଙ୍କ ସଂଖ୍ୟା ୪୮,୪୧୭ ରହିଥିଲା। ଉକ୍ତ ସମୟରେ ଏହି ବ୍ୟକ୍ତିମାନଙ୍କର ଆୟ ୨.୦୫ ଲକ୍ଷ କୋଟି ରହିଥିଲା। ଦେଶର ୧.୨ ବିଲିୟନ ଲୋକଙ୍କ ମଧ୍ୟରୁ ୪.୭ କୋଟି ଟିକସ ରିଟର୍ନ ଫାଇଲ କରିଛନ୍ତି। ୨୦୧୫-୧୬ ଆସେସମେଣ୍ଟ ବର୍ଷରେ ୮୨ ଲକ୍ଷ ଟିକସଦାତା ସେମାନଙ୍କ ଆୟ ଶୂନ କିମ୍ବା ୨.୫ ଲକ୍ଷ ଠାରୁ କମ୍‌ ବୋଲି କହିଛନ୍ତି। ସୂଚନାଯୋଗ୍ୟ ଯେ ୨.୫ ଲକ୍ଷ ପର୍ଯ୍ୟନ୍ତ ଆୟରେ କୌଣସି ଆୟକର ଧାର୍ଯ୍ୟ ହେଉ ନାହିଁ। ୨୦୧୪-୧୫ ବର୍ଷରେ ୩.୬୫ କୋଟି ଟିକସଦାତା ରିଟର୍ନ ଫାଇଲ କରିଥିଲେ। ଏହା ସହ ୧.୩୭ କୋଟି ଟିକସଦାତା ସେମାନଙ୍କ ଆୟ ନ ଥିବା କିମ୍ବା ୨.୫ ଲକ୍ଷରୁ କମ୍‌ ବୋଲି ଦେଖାଇଛନ୍ତି। ୨୦୧୫-୧୬ରେ ସବୁ ବ୍ୟକ୍ତିଗତ ଟିକସଦାତାଙ୍କ ମିଳିତ ଆୟ ବୃଦ୍ଧି ଘଟି ୨୧.୨୭ ଲକ୍ଷ କୋଟି ଟଙ୍କା ଛୁଇଁଛି। ଏହା ପୂର୍ବ ବର୍ଷରେ ୧୮.୪୧ ଲକ୍ଷ କୋଟି ଟଙ୍କା ରହିଥିଲା। ୨୦୧୫-୧୬ରେ ୧.୩୩ କୋଟି ଲୋକ ୨.୫ରୁ ୩.୫ ଲକ୍ଷ ଆୟ ବର୍ଗରେ ସାମିଲ ଅଛନ୍ତି ବୋଲି ରିପୋର୍ଟରୁ ଜଣାଯାଇଛି। ସେହିପରି ୫୫,୩୩୧ ବ୍ୟକ୍ତିଙ୍କ ଆୟ ୧-୫ କୋଟି ହୋଇଥିବା ବେଳେ ୫ରୁ ୧୦ କୋଟି ଆୟ କରୁଥିବା ବ୍ୟକ୍ତିଙ୍କ ସଂଖ୍ୟା ୩,୦୨୦ ରହିଛି। ଏହା ସହ ୧୦-୨୫ କୋଟି ଟଙ୍କା ଆୟ କରୁଥିବା ବ୍ୟକ୍ତିଙ୍କ ସଂଖ୍ୟା ୧,୧୫୬ ରହିଛି। ଉକ୍ତ ସମୟ ମଧ୍ୟରେ କେବଳ ଜଣେ ବ୍ୟକ୍ତି ୫୦୦ କୋଟି ଟଙ୍କାରୁ ଅଧିକ ଆୟ କରିଛନ୍ତି। ସେ ମୋଟ ୭୨୧ କୋଟି ଟଙ୍କା ଆୟ କରିଛନ୍ତି। ଗତ ବର୍ଷ ଏହି ବର୍ଗରେ ୭ ଜଣ ବ୍ୟକ୍ତି ରହିଥିଲେ, ଯେଉଁମାନଙ୍କର ମୋଟ ଆୟ ୮୫,୧୮୩ କୋଟି ଟଙ୍କା ରହିଥିଲା। ୧୦୦ରୁ ୫୦୦ କୋଟି ଟଙ୍କା ଆୟକାରୀ ବର୍ଗରେ ବ୍ୟକ୍ତିଙ୍କ ସଂଖ୍ୟା ୩୧କୁ ବୃଦ୍ଧି ଘଟିଛି। ଏହା ପୂର୍ବରୁ ୧୭ ରହିଥିଲା ବେଳେ ଏମାନଙ୍କର ମୋଟ ଆୟ ୪୧୭୫ କୋଟି ଟଙ୍କା ରହିଛି। ୨୦୧୪-୧୫ ବର୍ଷରେ ଏମାନଙ୍କ ସମ୍ପତ୍ତି ୨,୭୬୧ କୋଟି ଟଙ୍କା ରହିଥିଲା। ୨୦୧୫-୧୬ରେ ୪.୩୫ କୋଟି ଆଇଟି ରିଟର୍ନ ଫାଇଲ ହୋଇଥିଲା ବେଳେ ଏମାନଙ୍କ ମୋଟ ଘୋଷିତ ଆୟ ୩୩.୬୨ କୋଟି ଟଙ୍କା ରହିଛି। ଏହା ପୂର୍ବବର୍ଷ ୩.୯୧ କୋଟି ଆଇଟି ରିଟର୍ନ ଫାଇଲ ହୋଇଥିବା ବେଳେ ୨୬.୯୩ ଲକ୍ଷ କୋଟି ଘୋଷିତ ଆୟ ରହିଥିଲା। କମ୍ପାନୀଗୁଡିକ ୭.୧୯ ଲକ୍ଷ ରିଟର୍ନ ଫାଇଲ କରିଥିବା ବେଳେ ମୋଟ ଆୟ ୧୦.୭୧ ଲକ୍ଷ କୋଟି ରହିଛି।
All Right Reserved By

ବାଣିଜ୍ୟ |

ଏୟାର ଇଣ୍ଡିଆକୁ ୧ ହଜାର କୋଟି ସହାୟତା

ଏୟାର ଇଣ୍ଡିଆକୁ ୧ ହଜାର କୋଟି ସହାୟତା

ନୂଆଦିଲ୍ଲୀ,୧୮।୧୦: ଆର୍ଥିକ ସଙ୍କଟ ସାମ୍ନା କରୁଥିବା ରାଷ୍ଟ୍ରାୟତ୍ତ ବିମାନ କମ୍ପାନୀ ଏୟାର ଇଣ୍ଡିଆକୁ କେନ୍ଦ୍ର ସରକାର ୧ ହଜାର କୋଟି ଟଙ୍କାର ସହାୟତା ପ୍ରଦାନ କରିଛନ୍ତି। ଜାତୀୟ ସ୍ବଳ୍ପ ସଞ୍ଚୟ ପାଣ୍ଠିରୁ ଏହି ଅର୍ଥ ଦିଆଯାଇଛି। ଅପରପକ୍ଷେ ଏହି ବିମାନ କମ୍ପାନୀ ସୋଭରନ୍‌ ଗ୍ୟାରେଣ୍ଟି ବଦଳରେ ଆସନ୍ତା ସପ୍ତାହରେ ଆହୁରୀ ୫ଶହ କୋଟି ଟଙ୍କା ବଜାରରୁ ଉଠାଇବାକୁ ଯାଉଛି। 

୬୦ହଜାର ଭାରତୀୟଙ୍କୁ ମିଳିଛି ଗ୍ରୀନ କାର୍ଡ

୬୦ହଜାର ଭାରତୀୟଙ୍କୁ ମିଳିଛି ଗ୍ରୀନ କାର୍ଡ

ଓ୍ବାଶିଂଟନ,୧୮।୧୦: ଆମେରିକାରେ ସ୍ଥାୟୀ ବସବାସ କରିବା ଲାଗି ପ୍ରାୟ ୬ ଲକ୍ଷ ଭାରତୀୟ ଗ୍ରୀନ କାର୍ଡ ଆବେଦନ କରିଛନ୍ତି। ସେମାନଙ୍କ ମଧ୍ୟରୁ ଗତବର୍ଷ ୬୦ହଜାର ଲୋକଙ୍କୁ ଏହି କାର୍ଡ ପ୍ରଦାନ କରାଯାଇଥିବା ସରକାରୀ ରିପୋର୍ଟରେ ପ୍ରକାଶ ପାଇଛି।

ଭୋଡାଫୋନ ସଖି ଉନ୍ମୋଚିତ

ଭୋଡାଫୋନ ସଖି ଉନ୍ମୋଚିତ

ଭୁବନେଶ୍ୱର,୧୮-୧୦: ଭୋଡାଫୋନ ଆଇଡିଆ ଲିମିଟେଡ ପକ୍ଷରୁ ମହିଳା ମାନଙ୍କ ଲାଗି ମୋବାଇଲ ଭିତ୍ତିକ ସ୍ବତନ୍ତ୍ର ସୁରକ୍ଷା ସେବା  ଭୋଡାଫୋନ ସଖି ଉନ୍ମୋଚିତ ହୋଇଛି। ଏଥିରେ ଜରୁରୀ କାଳୀନ ଆଲର୍ଟ, ଜରୁରୀ କାଳୀନ ବାଲାନ୍ସ, ପ୍ରାଇଭେଟ ନମ୍ବର ରିଚାର୍ଜ ଭଳି ସୁବିଧା ରହିଛି।

୩୨ ନୂଆ ରେଫ୍ରିଜରେଟର ଆଣିଲା ଗୋଦରେଜ୍‌

୩୨ ନୂଆ ରେଫ୍ରିଜରେଟର ଆଣିଲା ଗୋଦରେଜ୍‌

ଭୁବନେଶ୍ୱର,୧୮-୧୦: ପାର୍ବଣକୁ ଧ୍ୟାନରେ ରଖି ଗୋଦରେଜ୍‌ ଆପ୍ଲାଏନ୍ସ ପକ୍ଷରୁ ୩୨ ନୂଆ ରେଫ୍ରିଜରେଟର ବଜାରକୁ ଆସିଛି। ପ୍ରିମିୟମ ଏନ୍‌ଏକ୍ସଡବ୍ଲ୍ୟୁ ସବ୍‌ବ୍ରାଣ୍ଡ ଅଧିନରେ ନୂଆ ଏନ୍‌ଏକ୍ସଡବ୍ଲ୍ୟୁ ଗ୍ଲାସ ଡୋର ରେଫ୍ରିଜରେଟର ବଜାରକୁ ଆସିଛି।

ଦିବ୍ୟାଙ୍ଗଙ୍କ ଲାଗି ସହାୟତାର ହାତ ବଢାଇଲା ଏସ୍‌ବିଆଇ ଲାଇଫ୍‌ ଇନସ୍ୟୁରାନ୍ସ

ଦିବ୍ୟାଙ୍ଗଙ୍କ ଲାଗି ସହାୟତାର ହାତ ବଢାଇଲା ଏସ୍‌ବିଆଇ ଲାଇଫ୍‌ ଇନସ୍ୟୁରାନ୍ସ

ଭୁବନେଶ୍ୱର,୧୮-୧୦: ଏସ୍‌ବିଆଇ ଲାଇଫ୍‌ ଇନସ୍ୟୁରାନ୍ସ ପକ୍ଷରୁ ଇନଷ୍ଟିଚ୍ୟୁଟ୍‌ ଅଫ୍‌ ହେଲଥ ସାଇନ୍ସକୁ ଏକ ଭ୍ରାମ୍ୟମାଣ ମେଡିକାଲ ୟୁନିଟ ଦାନ କରାଯାଇଛି। ଭିନ୍ନକ୍ଷମଙ୍କ ଚିହ୍ନଟ କରିବା ତଥା ଚିକିତ୍ସା କରିବା ଦିଗରେ ଏହା ବିଶେଷ ଭାବେ ସହାୟକ ହେବ। 

ୟୁନିୟନ ବ୍ୟାଙ୍କ ପକ୍ଷରୁ ହିନ୍ଦୀ ମାସ

ୟୁନିୟନ ବ୍ୟାଙ୍କ ପକ୍ଷରୁ ହିନ୍ଦୀ ମାସ

ଭୁବନେଶ୍ୱର,୧୮-୧୦: ୟୁନିୟନ ବ୍ୟାଙ୍କ ଅଫ୍‌ ଇଣ୍ଡିଆ କ୍ଷେତ୍ରୀୟ କାର୍ଯ୍ୟାଳୟ ପକ୍ଷରୁ ହିନ୍ଦୀ ମାସ ଉଦଯାପନ ହୋଇଯାଇଛି। ଏହି ଅବସରରେ ରାଜଭାଷା ଉତ୍ସବ-୨୦୧୮ର ପୁରସ୍କାର ବିତରଣ ଏବଂ ସାଂସ୍କୃତିକ କାର୍ଯ୍ୟକ୍ରମ ଭୁବନେଶ୍ୱରର   ଅଡିଟୋରିୟମଠାରେ ଅନୁଷ୍ଠିତ ହୋଇଯାଇଛି।

ସୋନିର ନୂଆ ହେଡ୍‌ ଫୋନ୍‌

ସୋନିର ନୂଆ ହେଡ୍‌ ଫୋନ୍‌

ଭୁବନେଶ୍ୱର,୧୮-୧୦: ସୋନି ପକ୍ଷରୁ ପରବର୍ତ୍ତୀ ପୀଢିର ନଏଜ କ୍ୟାନସେଲେଶନ ଡବ୍ଲ୍ୟୁଏଚ୍‌-୧୦୦୦ ଏକ୍ସଏମ୍‌୩ ହେଡଫୋନର ବଜାର ପ୍ରବେଶ ହୋଇଛି।

ଟର୍ମସର ନୂଆ ଉତ୍ପାଦ ବଜାରରେ

ଟର୍ମସର ନୂଆ ଉତ୍ପାଦ ବଜାରରେ

କଟକ,୧୮-୧୦: ପ୍ରମୁଖ ଇଣ୍ଟେଲିଜେଣ୍ଟ ଆପାରେଲ୍‌ ବ୍ରାଣ୍ଡ ଟର୍ମସର ନୂଆ ଉତ୍ପାଦ କଟକରେ ସିଡିଏ-୯ ସ୍ଥିତ ମିରର୍‌ ମଲ୍ଟି ବ୍ରାଣ୍ଡ ଷ୍ଟୋରରେ ବଜାର ପ୍ରବେଶ ହୋଇଛି। ନୂଆ ପ୍ରଡକ୍ଟକୁ କମ୍ପାନୀର ବାଣିଜ୍ୟ ମୁଖ୍ୟ ଅମିତ ମଲହୋତ୍ରା, ନିର୍ଦ୍ଦେଶକ ରୋହିତ ଗୁପ୍ତା ଉପସ୍ଥିତ ରହି ବଜାର ପ୍ରବେଶ କରାଇଥିଲେ। 

ଏସ୍‌ବିଆଇ ୟୋନୋର ସପିଂ ଫେଷ୍ଟିଭାଲ୍‌

ଏସ୍‌ବିଆଇ ୟୋନୋର ସପିଂ ଫେଷ୍ଟିଭାଲ୍‌

ନୂଆଦିଲ୍ଲୀ,୧୮-୧୦: ଷ୍ଟେଟ ବ୍ୟାଙ୍କ ଅଫ୍‌ ଇଣ୍ଡିଆ (ଏସ୍‌ବିଆଇ) ୟୋନୋ ପକ୍ଷରୁ ସପିଙ୍ଗ ଫେଷ୍ଟିଭାଲ ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏହା ଚଳିତ ମାସ ୨୧ ତାରିଖ ଯାଏ ଚାଲିବ। ଏହାକୁ କାର୍ଯ୍ୟକାରି କରାଇବା ସହ ବ୍ୟାଙ୍କ ପ୍ରାୟ ୮୫ରୁ ଅଧିକ ଇ-ବ୍ୟବସାୟିକ ସଂସ୍ଥା ସହ ଜଡିତ ହୋଇଛି। 

ସିଣ୍ଡିକେଟ୍‌ ବ୍ୟାଙ୍କ ପକ୍ଷରୁ ସ୍ବଚ୍ଛ ଭାରତ ଅଭିଯାନ

ସିଣ୍ଡିକେଟ୍‌ ବ୍ୟାଙ୍କ ପକ୍ଷରୁ ସ୍ବଚ୍ଛ ଭାରତ ଅଭିଯାନ

ଭୁବନେଶ୍ୱର,୧୮-୧୦: ସିଣ୍ଡିକେଟ୍‌ ବ୍ୟାଙ୍କର ୯୩ତମ ପ୍ରତିଷ୍ଠା ଦିବସ ଅବସରରେ ଭୁବନେଶ୍ୱର କ୍ଷେତ୍ରୀୟ କାର୍ଯ୍ୟାଳୟ ପକ୍ଷରୁ ସ୍ବଚ୍ଛ ଭାରତ ଅଭିଯାନ ଅନୁଷ୍ଠିତ ହୋଇଯାଇଛି। 

ଏମ୍‌ଆଇ ଆଣିଲା ନୂଆ ସ୍ମାର୍ଟ ଟିଭି

ଏମ୍‌ଆଇ ଆଣିଲା ନୂଆ ସ୍ମାର୍ଟ ଟିଭି

ଭୁବନେଶ୍ୱର,୧୮-୧୦: ପ୍ରମୁଖ କମ୍ପାନୀ ଏମ୍‌ଆଇ ପକ୍ଷରୁ ନୂଆ ସ୍ମାର୍ଟ ଟିଭି ଓଡିଶା ବଜାରରେ ପ୍ରବେଶ କରିଛି। କମ୍ପାନୀର ରାଜ୍ୟ ମୁଖ୍ୟ ଅମିତ କୁମାର ପଣ୍ଡା, ବିତରକ ଜୟ ସଦାନି ପଟିଆ ସ୍ଥିତ ଗୁପ୍ତା ଡିଷ୍ଟ୍ରିବ୍ୟୁଟର ଶୋ’ରୁମରେ ଏହି ପ୍ରଡକ୍ଟଗୁଡିକୁ ଉନ୍ମୋଚନ କରିଥିଲେ।

ଷ୍ଟାଇଲ ସୁ’ର ନୂଆ ଶୋ’ରୁମ୍‌

ଷ୍ଟାଇଲ ସୁ’ର ନୂଆ ଶୋ’ରୁମ୍‌

ଭୁବନେଶ୍ୱର,୧୮-୧୦: ଷ୍ଟାଇଲ ସୁ’ ପକ୍ଷରୁ ନୂଆ ଶୋ’ରୁମ ସ୍ଥାନୀୟ ଅଶୋକ ନଗର, ଜନପଥଠାରେ ଶୁଭାରମ୍ଭ ହୋଇଛି।