ଖେଳ |

ସିକେ ନାଇଡୁ ଟ୍ରଫି: ବମ୍ବେକୁ ହରାଇ ଦିଲ୍ଲୀ ଚାମ୍ପିୟନ

ସିକେ ନାଇଡୁ ଟ୍ରଫି: ବମ୍ବେକୁ ହରାଇ ଦିଲ୍ଲୀ ଚାମ୍ପିୟନ

ବମ୍ବେ,୨୦। ୧୨(ପି.ଟି.)
ଉଇକେଟ କିପର ବ୍ୟାଟ୍ସମ୍ୟାନ ଅଞ୍ଜୁ ରାଓ୍ବତ୍‌ଙ୍କ ୭୫ରନର ଦମ୍‌ଦାର ଇନିଂସ ବଳରେ ଦିଲ୍ଲୀ ୫ ଉଇକେଟରେ ବମ୍ବେକୁ ପରାସ୍ତ କରି ଚଳିତବର୍ଷର ୨୩ ବର୍ଷରୁ କମ୍‌ ସିକେ ନାଇଡୁ ଟ୍ରଫି ହାସଲ କରିଛି। ଟସ୍‌ ହାରି ବ୍ୟାଟିଂ ପାଇଁ ଆମନ୍ତ୍ରଣ ପାଇଥିବା ବମ୍ବେ ପ୍ରଥମ ଇନିଂସରେ ୫୮ ଓଭରରେ ୨୩୦ ରନ ସଂଗ୍ରହ କରିଥିଲା। ଜବାବରେ ଦିଲ୍ଲୀ ୬୪.୫ ଓଭରରେ ୯ ଉଇକେଟ ହରାଇ ୨୬୦ ରନ କରି ୩୦ ରନର ମହତ୍ତ୍ୱପୂର୍ଣ୍ଣ ଅଗ୍ରଣୀ ହାସଲ କରିଥିଲା। ଦ୍ୱିତୀୟ ଇନିଂସ ଆରମ୍ଭ କରି ବମ୍ବେ୯୧.୧ ଓଭରରେ ୨୬୭ କରି ଅଲଆଉଟ ହୋଇଥିଲା। ଫଳରେ ଦିଲ୍ଲୀ ସମ୍ମୁଖରେ ୨୩୮ ରନର ବିଜୟ ଲକ୍ଷ୍ୟ ଧାର୍ଯ୍ୟ ହୋଇଥିଲା। ଜବାବରେ ଦ୍ୱିତୀୟ ଇନିଂସ ଆରମ୍ଭ କରି ଦିଲ୍ଲୀ ବୁଧବାର ଚତୁର୍ଥ ତଥା ଅନ୍ତିମ ଦିବସରେ ୫୪.୫ ଓଭରରେ ୫ ଉଇକେଟ ହରାଇ ୨୩୯ ରନ କରି ବିଜୟ ଲକ୍ଷ୍ୟ ହାସଲ କରି ନେଇଥିଲା ଓ ଟାଇଟଲ ହାସଲ କରିଥିଲା। ଦ୍ୱିତୀୟ ଇନିଂସରେ ଦିଲ୍ଲୀ ତରଫରୁ ଜଣ୍ଟି ସିଦ୍ଧୁ ୪୦, ରାଜେଶ ଶର୍ମା ୩୪ ରନର ଗୁରୁତ୍ୱପୂର୍ଣ୍ଣ ପାଳି ଖେଳିଥିଲେ। ଦିନେଶ ମୋର ଓ ଲଳିତ୍‌ ଯାଦବ ଯଥାକ୍ରମେ ୪୬ ଓ ୩୧ ରନ କରି ଅପରାଜିତ ରହିବା ସହ ଦଳକୁ ବିଜୟୀ କରାଇଥିଲେ। ବୋଲିଂରେ ବମ୍ବେ ତରଫରୁ ସାଇରାଜ ବି ପାଟିଲ ଦୁଇଟି, ଏସ୍‌.ଏସ୍‌ ଯାଦବ, ମିନାଦ ପି ମଞ୍ଜରେକର ଓ କର୍ସ କୋଠାରୀ ଗୋଟିଏ ଲେଖାଏ ଉଇକେଟ ହାସଲ କରିଥିଲେ। ଅସମାପ୍ତ ଦ୍ୱିତୀୟ ଇନିଂସ ସ୍କୋର ୧୨୩/୨ରୁ ଦିଲ୍ଲୀ ଖେଳ ଆରମ୍ଭ କରିଥିଲା। ଓଭରନାଇଟ ବ୍ୟାଟ୍ସମ୍ୟାନ ଅଞ୍ଜୁ ରାଓ୍ବତ୍‌ ୬୮ ଓ ଜଣ୍ଟି ସୁଦ୍ଧୁ ୧୫ରୁ ଖେଳ ଆରମ୍ଭ କରିଥିଲେ। ଏଥି ସହିତ ଚଳିତ ବର୍ଷ ଘରୋଇ ସେସନରେ ଦିଲ୍ଲୀର ପ୍ରଦର୍ଶନ ଉଚ୍ଚକୋଟୀର ହୋଇଛି। ଦିଲ୍ଲୀ ଏହା ପୂର୍ବରୁ ରଣଜୀ ଟ୍ରଫିରେ ବେଙ୍ଗଲକୁ ସେମିରେ ପରାସ୍ତ କରି ଫାଇନାଲରେ ପ୍ରବେଶ କରିଛି।

All Right Reserved By

Model This Week

Model This Week

ଖେଳ |

ଜାତୀୟ କ୍ୟାମ୍ପ୍‌ରେ ଅମିତ୍‌, ବୀରେନ୍ଦ୍ର, ଦୀପସାନ, ନୀଲମ୍‌

ଜାତୀୟ କ୍ୟାମ୍ପ୍‌ରେ ଅମିତ୍‌, ବୀରେନ୍ଦ୍ର, ଦୀପସାନ, ନୀଲମ୍‌

ବାଙ୍ଗାଲୋର, ୨୬।୪(ପି.ଟି.)- ଶୁକ୍ରବାରଠାରୁ ସ୍ଥାନୀୟ ଭାରତୀୟ କ୍ରୀଡ଼ା ପ୍ରାଧିକରଣ (ସାଇ) କ୍ୟାମ୍ପସରେ ଆରମ୍ଭ ହେବାକୁ ଥିବା ଜାତୀୟ ହକି କ୍ୟାମ୍ପ୍‌ (ପୁରୁଷ) ପାଇଁ ହକି ଇଣ୍ଡିଆ ପକ୍ଷରୁ ୫୫ ଜଣିଆ ସମ୍ଭାବ୍ୟ ଖେଳାଳି ତାଲିକା ପ୍ରକାଶ ପାଇଛି।

ନୂତନ ରେକର୍ଡ ସତ୍ତ୍ୱେ ନିରାଶ କଲେ ଶୁଟର ମନୁ-ମିଥରଭାଲ ଯୋଡ଼ି

ନୂତନ ରେକର୍ଡ ସତ୍ତ୍ୱେ ନିରାଶ କଲେ ଶୁଟର ମନୁ-ମିଥରଭାଲ ଯୋଡ଼ି

ନୂଆଦିଲ୍ଲୀ, ୨୬।୪- ନିକଟରେ ଅଷ୍ଟ୍ରେଲିଆର ଗୋଲ୍ଡ କୋଷ୍ଟଠାରେ ସମାପ୍ତ ହୋଇଥିବା ରାଜ୍ୟଗୋଷ୍ଠୀ କ୍ରୀଡ଼ା ଇଭେଣ୍ଟରେ ପଦକ ସଫଳତା ପାଇ ଭାରତକୁ ଗୌରବାନ୍ବିତ କରିଥିବା ଶୁଟର ମନୁ ଭାକର ଓ ଓମ୍‌ ମିଥରଭାଲ ଯୋଡ଼ି କୋରିଆର ଚାଙ୍ଗଓ୍ବନଠାରେ ଚାଲିଥିବା ଶୁଟିଂ ବିଶ୍ୱକପ୍‌ର ଫାଇନାଲରେ ନିରାଶ କରିଛନ୍ତି।

କୋହଲିଙ୍କୁ ୧୨ ଲକ୍ଷ ଅର୍ଥଦଣ୍ଡ

କୋହଲିଙ୍କୁ ୧୨ ଲକ୍ଷ ଅର୍ଥଦଣ୍ଡ

ବାଙ୍ଗାଲୋର, ୨୬।୪(ପି.ଟି.)- ଚଳିତ ଆଇପିଏଲ୍‌ରେ ଏକ ମ୍ୟାଚ୍‌ରେ ସ୍ଲୋ-ଓଭର ବୋଲିଂ ଲାଗି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଅଧିନାୟକ ତଥା ତାରକା ବ୍ୟାଟ୍ସମ୍ୟାନ ବିରାଟ କୋହଲିଙ୍କୁ ୧୨ ଲକ୍ଷ ଟଙ୍କା ଜରିମାନା କରାଯାଇଛି।

ଡ୍ରାଭିଡ୍‌ଙ୍କୁ ଦ୍ରୋଣାଚାର୍ଯ୍ୟ, କୋହଲିଙ୍କୁ ଖେଳରତ୍ନ ପାଇଁ ସୁପାରିଶ

ଡ୍ରାଭିଡ୍‌ଙ୍କୁ ଦ୍ରୋଣାଚାର୍ଯ୍ୟ, କୋହଲିଙ୍କୁ ଖେଳରତ୍ନ ପାଇଁ ସୁପାରିଶ

କୋଲକାତା, ୨୬।୪(ପି.ଟି.)- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ପ୍ରାକ୍ତନ ଭାରତୀୟ କ୍ରିକେଟର ରାହୁଲ ଡ୍ରାଭିଡ୍‌ଙ୍କ ନାମକୁ ସମ୍ମାନଜନକ ଗୁରୁ ଦ୍ରୋଣାଚାର୍ଯ୍ୟ ପୁରସ୍କାର ପାଇଁ ସରକାରଙ୍କ ନିକଟକୁ ସୁପାରିଶ କରିଛି।

ବାର୍ସିଲୋନା ଓପନ୍‌ରୁ ଜୋକୋଭିଚ୍‌ଙ୍କ ବିଦାୟ

ବାର୍ସିଲୋନା ଓପନ୍‌ରୁ ଜୋକୋଭିଚ୍‌ଙ୍କ ବିଦାୟ

ବାର୍ସିଲୋନା, ୨୬।୪(ଏଏଫ୍‌ପି)- ତାରକା ଟେନିସ ଖେଳାଳି ନୋଭାକ ଜୋକୋଭିଚ୍‌ଙ୍କୁ ଏଠାରେ ଚାଲିଥିବା ବାର୍ସିଲୋନା ଓପନ୍‌ରେ ନିରାଶ ହେବାକୁ ପଡ଼ିଛି। ପ୍ରତିଯୋଗିତାର ପ୍ରାରମ୍ଭିକ ପର୍ଯ୍ୟାୟରେ ଜୋକୋଭିଚ୍‌ ଆଶ୍ଚର୍ଯ୍ୟଜନକ ଭାବେ ବିଶ୍ୱର ୧୪୦ତମ ମାନ୍ୟତା ପ୍ରାପ୍ତ ମାର୍ଟିନ କ୍ଲିଜାନଙ୍କଠାରୁ ହାରିଯାଇଛନ୍ତି।

ନ୍ୟାୟ ଆଶାରେ କଳ୍ପନା

ନ୍ୟାୟ ଆଶାରେ କଳ୍ପନା

ଭୁବନେଶ୍ୱର, ୨୬।୪(କ୍ରୀଡ଼ା ପ୍ରତିନିଧି)-ଓଡ଼ିଶାର ପ୍ରଥମ ଏଭରେଷ୍ଟ ଆରୋହୀ କଳ୍ପନା ଦାସ। ପର୍ବତାରୋହଣ ପରି ଦୁସାହସିକ କ୍ରୀଡ଼ାକୁ ନିଶା ଓ ପେସାରେ ପରିଣତ କରିଥିବା ଢେଙ୍କାନାଳର ଏହି ମହିଳା ପର୍ବତାରୋହୀ ଏବେ ଦ୍ୱନ୍ଦ୍ୱ ଏବଂ ଆଶଙ୍କାରେ। କେବଳ ରାଜ୍ୟରେ ନୁହେଁ ଦେଶରେ ଦୁସାହସିକ କ୍ରୀଡ଼ାକୁ କ୍ୟାରିୟର କରିବାକୁ ଯାଉଥିବା ଯୁବତୀଙ୍କ ପାଇଁ ପ୍ରେରଣାର ଉତ୍ସ ପାଲଟିଥିବା କଳ୍ପନା ଏବେ ଉପଯୁକ୍ତ ନ୍ୟାୟ ପାଇବାରୁ ବଞ୍ଚତ୍ତ।

ନିଶାନ୍ତ ଚାମ୍ପିୟନ, ରାକେଶ ରନର୍ସଅପ୍‌

ନିଶାନ୍ତ ଚାମ୍ପିୟନ, ରାକେଶ ରନର୍ସଅପ୍‌

ଭୁବନେଶ୍ୱର, ୨୬।୪(କ୍ରୀଡ଼ା ପ୍ରତିନିଧି)-ସ୍ଥାନୀୟ ଭିନ୍‌ଟେଜ୍‌ କ୍ଲବ ପରିସରରେ ଅନୁଷ୍ଠିତ ଅଲ୍‌ ଓଡ଼ିଶା ଓପନ ହ୍ୟାଣ୍ଡିକ୍ୟାପ ସ୍ନୁକର ଚାମ୍ପିୟନଶିପ୍‌ରେ ନିଶାନ୍ତ ବିଶ୍ୱାଳ ଚାମ୍ପିୟନ ହୋଇଛନ୍ତି। ସେ ବୁଧବାର ଅନୁଷ୍ଠିତ ଫାଇନାଲରେ ରାକେଶ ରୋଶନ ପ୍ରଧାନଙ୍କୁ ୫-୨ ଫ୍ରେମ୍‌ରେ ପରାସ୍ତ କରିଛନ୍ତି।

ଚିନ୍ମୟ ସେମିଫାଇନାଲରେ

ଭୁବନେଶ୍ୱର, ୨୬।୪(କ୍ରୀଡ଼ା ପ୍ରତିନିଧି)-ଅଲଇଣ୍ଡିଆ ଟେନିସ ଆସୋସିଏଶନ(ଏଆଇଟିଏ) ଓ ଓଡ଼ିଶା ଟେନିସ ଆସୋସିଏଶନ (ଓଟିଏ)ର ଅନୁମୋଦନକ୍ରମେ ମେଣ୍ଢାଶାଳସ୍ଥିତ ଗୁରୁକୂଳ ଟେନିସ ରିସର୍ଟରେ ଚାଲିଥିବା ୫୦କେ ପୁରୁଷ ର଼୍ୟାଙ୍କିଙ୍ଗ ଟେନିସ ଟୁର୍ନାମେଣ୍ଟର ସିଙ୍ଗଲ୍ସ ସେମିଫାଇନାଲରେ ଓଡ଼ିଶାର ଚିନ୍ମୟ ପ୍ରଧାନ ପ୍ରବେଶ କରିଛନ୍ତି।

ଚର୍ଚ୍ଚାରେ ଧୋନୀଙ୍କ ରନିଂ

ଚର୍ଚ୍ଚାରେ ଧୋନୀଙ୍କ ରନିଂ

ବାଙ୍ଗାଲୋର, ୨୬।୪(ପି.ଟି.)- ନିଜର ଅବିଶ୍ୱସନୀୟ ଫିଟ୍‌ନେସ୍‌ ପାଇଁ ପୁଣିଥରେ ଚର୍ଚ୍ଚାର କେନ୍ଦ୍ରବିନ୍ଦୁ ସାଜିଛନ୍ତି କ୍ରିକେଟର ମହେନ୍ଦ୍ର ସିଂ ଧୋନୀ। ବୁଧବାର ସ୍ଥାନୀୟ ଏମ୍‌. ଚିନ୍ନାସ୍ବାମୀ ଷ୍ଟାଡିୟମରେ ଘରୋଇ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷ ମ୍ୟାଚ୍‌ରେ ସେ ଯେଉଁଭଳି କିପିଂ ପ୍ୟାଡ୍‌ ଓ ଗ୍ଲୋଭ୍ସ ପିନ୍ଧି ବାଉଣ୍ଡରୀ ପର୍ଯ୍ୟନ୍ତ ଦୌଡ଼ି ଚୌକାକୁ ଅଟକାଇଥିଲେ ତାହାକୁ ନେଇ ଏବେ ଚାରିଆଡ଼େ ଚର୍ଚ୍ଚା।

ଏଏଫ୍‌ସି କପ୍‌ ନ୍ୟୁ ରାଡିଆଣ୍ଟଠାରୁ ହାରିଲା ବେଙ୍ଗାଲୁରୁ ଏଫ୍‌ସି

ଏଏଫ୍‌ସି କପ୍‌ ନ୍ୟୁ ରାଡିଆଣ୍ଟଠାରୁ ହାରିଲା ବେଙ୍ଗାଲୁରୁ ଏଫ୍‌ସି

ମାଲେ, ୨୬।୪(ପି.ଟି.)- ସୁପର୍‌ କପ୍‌ ଫୁଟ୍‌ବଲ ପ୍ରତିଯୋଗିତାର ପ୍ରଥମ ସଂସ୍କରଣରେ ଚାମ୍ପିୟନ ହୋଇ ଦମ୍‌ଦାର ଫର୍ମରେ ଥିବା ବେଙ୍ଗାଲୁରୁ ଏଫ୍‌ସି ଦଳକୁ ବୁଧବାର ନିରାଶ ହେବାକୁ ପଡ଼ିଛି। ମାଳଦୀପର ରାଜଧାନୀ ମାଲେଠାରେ ଅନୁଷ୍ଠିତ ଏଏଫ୍‌ସି କପ୍‌ର ଏକ ମ୍ୟାଚ୍‌ରେ ସୁନୀଲ ଛେତ୍ରୀଙ୍କ ବେଙ୍ଗାଲୁରୁ ଦଳ ୨-୦ ଗୋଲରେ ଘରୋଇ ନ୍ୟୁ ରାଡିଆଣ୍ଟ ଦଳଠାରୁ ପରାସ୍ତ ହୋଇଛି।

ସିନ୍ଧୁ, ସାଇନା, ଶ୍ରୀକାନ୍ତଙ୍କ ବିଜୟ ଅଭିଯାନ

ସିନ୍ଧୁ, ସାଇନା, ଶ୍ରୀକାନ୍ତଙ୍କ ବିଜୟ ଅଭିଯାନ

ଉହାନ(ଚାଇନା), ୨୬।୪(ପି.ଟି.)- ନିକଟରେ ସମାପ୍ତ ହୋଇଥିବା ରାଜ୍ୟଗୋଷ୍ଠୀ କ୍ରୀଡ଼ା ପ୍ରତିଯୋଗିତାରେ ଦମ୍‌ଦାର ପ୍ରଦର୍ଶନ କରିଥିବା ଭାରତୀୟ ସଟ୍‌ଲର ବୁଧବାରଠାରୁ ଏଠାରେ ଆରମ୍ଭ ହୋଇଥିବା ଏସିଆ ବ୍ୟାଡ୍‌ମିଣ୍ଟନ ଚାମ୍ପିୟନଶିପ୍‌ରେ ବିଜୟରୁ ଅଭିଯାନ ଆରମ୍ଭ କରିଛନ୍ତି।

ସାଧାରଣ ନିର୍ବାଚନ ପାଇଁ ଆବଶ୍ୟକ ହେଲେ ଆଇପିଏଲ୍‌ ୟୁଏଇରେ ଆୟୋଜନ ହେବ

ସାଧାରଣ ନିର୍ବାଚନ ପାଇଁ ଆବଶ୍ୟକ ହେଲେ ଆଇପିଏଲ୍‌ ୟୁଏଇରେ ଆୟୋଜନ ହେବ

କଲିକତା, ୨୬।୪(ପି.ଟି.)- ଆସନ୍ତା ୨୦୧୯ରେ ହେବାକୁଥିବା ସାଧାରଣ ନିର୍ବାଚନ ପାଇଁ ଆବଶ୍ୟକ ପଡିଲେ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)କୁ ୟୁନାଇଟେଡ ଆରବ ଏମିରେଟ୍ସ (ୟୁଏଇ)ରେ ଆୟୋଜନ କରାଯିବ ବୋଲି ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ତରଫରୁ କୁହାଯାଇଛି।