ନୂଆଦିଲ୍ଲୀ, ୨୦।୧୨: କେନ୍ଦ୍ର କୃଷି ରାଷ୍ଟ୍ର ମନ୍ତ୍ରୀ କ୍ରିଷ୍ଣା ରାଜ ହଠାତ ଅସୁସ୍ଥ ହୋଇପଡିଛନ୍ତି। ବୁଧବାର ସଂସଦର ପାଠାଗାରରେ ଭାଜପାର ସଂସଦୀୟ ଦଳର ବୈଠକ ଅନୁଷ୍ଠିତ ହେଉଥିବା ବେଳେ ସେ ଅସୁସ୍ଥତା ଅନୁଭବ କରିବାରୁ ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଛି। ପ୍ରକାଶ ଯେ, ଗୁଜରାଟ ଓ ହିମାଚଳ ପ୍ରଦେଶରେ ଦଳର ବିଜୟକୁ ନେଇ ଏହି ବୈଠକ ଅନୁଷ୍ଠିତ ହେଉଛି। ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଦଳର ଅଧ୍ୟକ୍ଷ ଅମିତ ଶାହା ପ୍ରମୁଖ ଉପସ୍ଥିତ ଅଛନ୍ତି। ୩୨ ବର୍ଷୀୟ ରାଜ ଉତ୍ତରପ୍ରଦେଶର ସାହାଜାହାନପୁର ସାଂସଦ ଅଛନ୍ତି।
ଭୁବନେଶ୍ୱର, ୨୭-୪:ଦେଶର ସବୁ ଛୋଟ ରେଳ ଷ୍ଟେଶନଗୁଡ଼ିକରେ ଫୁଟ୍ ଓଭର ବ୍ରିଜ୍ ନିର୍ମାଣ ହେବ। ଫଳରେ ଷ୍ଟେଶନର ଗୋଟିଏ ପ୍ଲାଟ୍ଫର୍ମରୁ ଅନ୍ୟ ପ୍ଲାଟ୍ଫର୍ମକୁ ଯାତ୍ରୀମାନେ ବିପଦ ସଙ୍କୁଳ ଅବସ୍ଥାରେ ଯାତାୟାତ କରିବେ ନାହିଁ। ଯାତ୍ରୀମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ରେଳ ମନ୍ତ୍ରଣାଳୟ ଏହି ନିଷ୍ପତ୍ତି ଗ୍ରହଣ କରିଛି। ଏହି ଧାରାରେ ପୂର୍ବତଟ ରେଳପଥ ଅନ୍ତର୍ଗତ ମୋଟରି, ଝଙ୍କଡ ସାରଳା ରୋଡ, ମଙ୍ଗୁଳି ଚୌଦ୍ୱାର, ବଡବନ୍ଧ ସୁକିନ୍ଦା ରୋଡ, ଶଗଡ଼ପେଟା, ବାଘୁଆପାଳ, ଚିଲିକିଦର, କପାଳି ରୋଡ, ବ୍ରାହ୍ମଣୀ, ଅର୍ଗୁଳ, ଛତ୍ରପୁର କୋର୍ଟ, ଧଉଳି ମୁହଁାଣ ଆଦି ଷ୍ଟେଶନରେ ପ୍ରଥମ ଫୁଟ୍ଓଭର ବ୍ରିଜ୍ ନିର୍ମାଣ କରାଯିବ। ସେହିପରି କାଳିଜାଇ, ବାଗାଡିଆ, ବନବିହାରୀ ଗ୍ବାଲିପୁର ମହାନଦୀ, ମୁକ୍ତେଶ୍ୱର, ତାଳଚେର ଥର୍ମାଲ, ହରିପୁରଗ୍ରାମ, ଜାନକାଦେଈପୁର, ଜେନାପୁର ରୋଡ ଏବଂ ଜୁନାଗଡ ଆଦି ଛୋଟ ଷ୍ଟେଶନରେ ପ୍ରଥମ ଫୁଟ୍ ଓଭର ବ୍ରିଜ୍ ନିର୍ମାଣ କରାଯବି ବୋଲି ପୂର୍ବତଟ ରେଳ ପଥ ପକ୍ଷରୁ କୁହାଯାଇଛି। ଅନ୍ୟପକ୍ଷରେ ଯାତ୍ରୀମାନଙ୍କ ସୁବିଧା ପାଇଁ କଟକ ଏବଂ କେନ୍ଦୁଝର ରୋଡ ଷ୍ଟେଶନରେ ଫୁଟ୍ ଓଭର ବ୍ରିଜ୍କୁ ସମ୍ପ୍ରସାରିତ କରାଯିବ। ପୂର୍ବତଟ ରେଳପଥ ଅନ୍ତର୍ଗତ ଖୋର୍ଦ୍ଧା ରୋଡ ରେଳ ଡିଭିଜନ ସର୍ବପ୍ରଥମେ ସମସ୍ତ ଜଗୁଆଳ ବିହୀନ ଫାଟକ ଉଚ୍ଛେଦ କରିଥିବା ବେଳେ ଚଳିତ ବର୍ଷ ଜୁଲାଇ ସୁଦ୍ଧା ଓ୍ବାଲଟିୟର ଏବଂ ସମ୍ବଲପୁର ରେଳ ଡିଭିଜନ ଏହି କାର୍ଯ୍ୟ ସମ୍ପୂର୍ଣ୍ଣ କରିବ ବୋଲି ପୂର୍ବତଟ ରେଳପଥ ପକ୍ଷରୁ କୁହାଯାଇଛି।
ଭୁବନେଶ୍ୱର,୨୭-୪:ଇଣ୍ଡିଆନ୍ ରେଲଓ୍ବେ କ୍ୟାଟେରିଂ ଆଣ୍ଡ୍ ଟୁରିଜମ୍ କର୍ପୋରେଶନ(ଆଇଆର୍ସିଟିସି)ର ମୁଖ୍ୟ ସତର୍କତା ଅଧିକାରୀ(ସିଭିଓ) ସୁଶାନ୍ତ କୁମାର ପଟ୍ଟନାୟକ ଭୁବନେଶ୍ୱର ଆଞ୍ଚଳିକ କାର୍ଯ୍ୟାଳୟ ପରିଦର୍ଶନ କରିଛନ୍ତି। ଏହି ଅବସରରେ ଆଞ୍ଚଳିକ ଅଧିକାରୀ ଓ କର୍ମଚାରୀଙ୍କ ସହ ଆଲୋଚନା କରି କାର୍ଯ୍ୟଧାରା ଓ ପରିଚାଳନାରେ ଯେପରି ଶତ ପ୍ରତିଶତ ସ୍ବଚ୍ଛତା ବଜାୟ ରହିବ ତାହାକୁ ପ୍ରାଥମିକତା ଦେବା ପାଇଁ ପରାମର୍ଶ ଦେଇଛନ୍ତି। ସେହିପରି ଜନସାଧାରଣଙ୍କ ଅଭିଯୋଗ ଓ ସମସ୍ୟାକୁ ସମାଧାନ କରିବା ସହିତ ଠକାମି ରୋକିବା ଏବଂ ଆବଶ୍ୟକସ୍ଥଳେ ଜନସାଧାରଣଙ୍କ ମତାମତକୁ ଅଗ୍ରାଧିକାର ଦେବା ପାଇଁ କହିଛନ୍ତି। ରାଜ୍ୟ ସରକାରଙ୍କ ସହଯୋଗରେ ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି କରିବା ଏବଂ ସେମାନଙ୍କୁ ଉତ୍ତମ ଆତିଥେୟତା ପ୍ରଦାନ ସକାଶେ ଆକର୍ଷଣୀୟ ପ୍ୟାକେଜ୍ ପ୍ରସ୍ତୁତ କରିବା ପାଇଁ ପରାମର୍ଶ ଦେଇଛନ୍ତି। ଏହି ଅବସରରେ ଆଇଆର୍ସିଟିସି ଆଞ୍ଚଳିକ ପ୍ରବନ୍ଧକ ସୁଦୀପ୍ତୋ ମୁଖାର୍ଜୀ ଓ ଅନ୍ୟ ଅଧିକାରୀମାନେ ଉପସ୍ଥିତ ଥିଲେ।
ନୂଆଦିଲ୍ଲୀ,୨୭-୪(ପି.ଟି.):ସମ୍ପ୍ରତି ପେଟ୍ରୋଲ ଏବଂ ଡିଜେଲ ଦରରେ ବୃଦ୍ଧି ଘଟିଚାଲିଛି। ଏହା ବର୍ତ୍ତମାନ ସାଧାରଣ ଖାଉଟିଙ୍କ ମୁଣ୍ଡବ୍ୟଥାର କାରଣ ପାଲଟିଛି। ଏଭଳି ସ୍ଥିତିରେ ସରକାର ତୈଳ ଦର ବୃଦ୍ଧିକୁ ନେଇ ଚିନ୍ତିତ ଥିବା ପେଟ୍ରୋଲିୟମ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗୁରୁବାର ପ୍ରକାଶ କରିଛନ୍ତି। ସେ କହିଛନ୍ତି ଯେ, ଏଭଳି ପରିସ୍ଥିତିକୁ ନେଇ ସରକାର ଚିନ୍ତିତ କିନ୍ତୁ ଖାଉଟିଙ୍କ ସ୍ବାର୍ଥ ଏବଂ ରାଜକୋଷ ମଧ୍ୟରେ ସରକାରଙ୍କୁ ସନ୍ତୁଳନ ରକ୍ଷା କରିବାକୁ ପଡିବ। ଅନ୍ୟପକ୍ଷରେ, ଏହି ପରିସ୍ଥିତିରେ ପେଟ୍ରୋଲ ଏବଂ ଡିଜେଲ ଉପରୁ ଉତ୍ପାଦନ ଶୁଳ୍କ ହ୍ରାସ କରିବା ନେଇ ସେ କୌଣସି ପ୍ରତିଶ୍ରୁତି ଦେଇନାହାନ୍ତି।
ନାରାୟଣପୁର,୨୬।୪: ଛତିଶଗଡ଼ ନାରାୟଣପୁରରେ ଅବୁଜମାରର ୬୦ଜଣ ମାଓବାଦୀ ୭ଟି ରାଇଫଲ ସହ ଗୁରୁବାର ବସ୍ତର ଆଇଜି ବିବେକାନନ୍ଦ ସିହ୍ନାଙ୍କ ନିକଟରେ ଆତ୍ମ ସମର୍ପଣ କରିଛନ୍ତି।
ନୂଆଦିଲ୍ଲୀ,୨୬।୪: ବର୍ତ୍ତମାନ ସମୟରେ କୌଣସି ପ୍ରଶ୍ନର ଉତ୍ତର ଚାହୁଁଥିଲେ ସମସ୍ତେ ପ୍ରାୟ ଗୁଗୁଲ୍ ସର୍ଚ୍ଚ କରିଥାଆନ୍ତି। ବେଳେବେଳେ ଏଥିରେ କିଛି ଭୁଲ ଉତ୍ତର ଆସିଥିବା ମଧ୍ୟ ଅନେକଙ୍କ ନଜରକୁ ଆସିଛି।
ଅଟଓ୍ବା, ୨୬।୪ : ଉତ୍ତରପ୍ରଦେଶ ଅଟଓ୍ବାର ଜିଲା କାରାଗାରରେ ବନ୍ଦୀ ଜୀବନ କାଟୁଥିବା ୨ଶହରୁ ଅଧିକ ବିଚାରଧୀନ କଏଦିଙ୍କ ସମ୍ପର୍କରେ ତଥ୍ୟ ଏବେ ସୋସିଆଲ୍ ମିଡିଆରେ ଭାଇରାଲ ହେବାରେ ଲାଗିଛି। ସେମାନେ କାରାଗାର ମଧ୍ୟରେ ମୂଲ ଲାଗି ପାଉଥିବା ପାରିଶ୍ରମିକକୁ ତାଙ୍କ ପରିବାର ନିକଟକୁ ପଠାଇଥାନ୍ତି। ଏହି ଅର୍ଥରେ ସେମାନଙ୍କ ପରିବାର ପ୍ରତିପାଳିତ ହେଉଛନ୍ତି।
ଜମ୍ମୁ-କଶ୍ମୀର,୨୬।୪: ଜମ୍ମୁ-କଶ୍ମୀର ତ୍ରାଲ ଜଙ୍ଗଲରେ ମଙ୍ଗଳବାର ହୋଇଥିବା ଗୁଳିବିନିମୟରେ ନିହତ ହୋଇଥିବା ୪ ଆତଙ୍କବାଦୀଙ୍କ ମଧ୍ୟରୁ ଜଣେ ଜୈସ-ଏ-ମହମ୍ମଦ କମାଣ୍ଡର ବୋଲି ଗୁରୁବାର ଜମ୍ମୁ-କଶ୍ମୀର ପୋଲିସ ସୂଚନା ଦେଇଛି
ନୂଆଦିଲ୍ଲୀ,୨୬।୪: ଆଗାମୀ ନିର୍ବାଚନକୁ ଦୃଷ୍ଟିରେ ରଖି କଂଗ୍ରେସ ନିଜକୁ ପ୍ରସ୍ତୁତ କରିବାରେ ଲାଗିଛି। ପାର୍ଟି ଅଧ୍ୟକ୍ଷ ରାହୁଲ ଗାନ୍ଧୀ ମଧ୍ୟପ୍ରଦେଶ କଂଗ୍ରେସର ଅଧ୍ୟକ୍ଷ ଭାବେ କମଲନାଥଙ୍କୁ ନିଯୁକ୍ତ କରିଛନ୍ତି।
ପାଟନା,୨୬।୪: ଆର୍ଜେଡି ମୁଖ୍ୟ ତଥା ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ ଓ ରାବିଡି ଦେବୀଙ୍କ ବଡ ପୁଅ ତେଜପ୍ରତାପ ଯାଦବଙ୍କ ବାହାଘର କାର୍ଡ ଛପା ସରିଛି। ଏହି କାର୍ଡ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ନୂଆଦିଲ୍ଲୀ, ୨୬।୪ : ଦେଶରେ ଥିବା ମାନବ ବିହୀନ ରେଳ ପାଟକ ଯୋଗୁ ୪୦ ପ୍ରତିଶତରୁ ଅଧିକ ଦୁର୍ଘଟଣା ଘଟୁଛି। ସମ୍ପ୍ରତି ଦେଶରେ ୧୦ ହଜାର ମାନବ ବିହୀନ ରେଳ ଫାଟକ ରହିଛି। ୨୦୧୮ ବଜେଟରେ ୪ ହଜାର ମାନବ ବିହୀନ ରେଳଫାଟକ ବନ୍ଦ କରାଯିବା ନେଇ ଘୋଷଣା କରାଯାଇଥିଲା। ମାତ୍ର ପ୍ରଶାସନିକ କ୍ଷେତ୍ରରେ ସମନ୍ବୟ ଅଭାବ ଯୋଗୁ ଏହା କାର୍ଯ୍ୟକାରୀ ହୋଇପାରୁ ନାହିଁ।
ନୂଆଦିଲ୍ଲୀ, ୨୬।୪ : ଭାରତୀୟ ସମାଜରେ ନାରୀ ନିର୍ଯ୍ୟାତନା ନେଇ ଅନେକ ଆଇନ ବ୍ୟବସ୍ଥା ରହିଛି। ତେବେ ଅନେକ ସମୟରେ ନିର୍ଯ୍ୟାତନାର ଶିକାର ହେଉଥିବା ପୁରୁଷଙ୍କୁ ନ୍ୟାୟ ମିଳିବା ନେଇ ଆଶଙ୍କ ଦେଖାଦେଉଛି। ସାଧାରଣତଃ ପୁରୁଷ ନାରୀକୁ ନିର୍ଯ୍ୟାତିତ କରୁଥିବା କୁହାଯାଇଥାଏ। ଅନେକ କ୍ଷେତ୍ରରେ ନାରୀମାନଙ୍କ ଦ୍ୱାରା ପୁରୁଷ ମଧ୍ୟ ନିର୍ଯ୍ୟାତନାର ଶିକାର ହୋଇଥାନ୍ତି। ଏଭଳି ଏକ ଘଟଣା ଦିଲ୍ଲୀର ଗ୍ରେଟର ନୋଏଡ଼ା ଦନକୌର ଥାନା ଅଞ୍ଚଳରେ ଘଟିଛି।
ନୂଆଦିଲ୍ଲୀ, ୨୬।୪ : ଏବେ ଯୁବବର୍ଗଙ୍କ ମଧ୍ୟରେ ଚାଲିଛି ଫେସବୁକ୍ ମାନିଆ। ଫେସବୁକ୍ ମାଧ୍ୟମରେ ଅନେକ ଯୁବକ ଯୁବତୀ କେହି କାହାକୁ ନ ଦେଖି ନ ଜାଣି ମଧ୍ୟ ପ୍ରେମ କରି ବସୁଛନ୍ତି। ଏଭଳି ଏକ ଫେସବୁକ୍ ସମ୍ପର୍କରୁ ଯୁବକ-ଯୁବତୀଙ୍କ ମଧ୍ୟରେ ପ୍ରେମ ସମ୍ପର୍କ ହେବା ପରେ ଉଭୟଙ୍କ ମଧ୍ୟରେ ଦେଖା ସାକ୍ଷାତ ଏବଂ ପରେ ହୋଇଛି ଅପରାଧ। ଯୁବକ ଜଣକ ଯୁବତୀଙ୍କୁ ବଳାତ୍କାର ଅଭିଯୋଗରେ ଏବେ ଗିରଫ ହୋଇଛନ୍ତି।
