ରାଜ୍ୟ |

ଦାରୁଦିଅଁଙ୍କ ଲୀଳାକ୍ଷେତ୍ର ଅବହେଳିତ

ଦାରୁଦିଅଁଙ୍କ ଲୀଳାକ୍ଷେତ୍ର ଅବହେଳିତ
ପୁରୀ ଅଫିସ,୨୦।୧୨: ଶ୍ରୀଜଗନ୍ନାଥ ସଂସ୍କୃତିର ପ୍ରଚାର ପ୍ରସାର ପାଇଁ ରାଜ୍ୟ ସରକାରଙ୍କୁ ସୁପାରିସ କରିଛନ୍ତି ଜଗନ୍ନାଥ ମନ୍ଦିର ତଦନ୍ତ କମିଶନ। ଏପରି କି ପାଠ୍ୟକ୍ରମରେ ଶ୍ରୀଜଗନ୍ନାଥ ସଂସ୍କୃତିକୁ ସାମିଲ କରିବା ପାଇଁ କମିଶନଙ୍କ ସୁପାରିସ ରହିଛି। କିନ୍ତୁ ୮ ବର୍ଷ ତଳୁ ଚିହ୍ନଟ କରାଯାଇଥିବା ମହାପ୍ରଭୁଙ୍କ ୧୫ଟି ଲୀଳାକ୍ଷେତ୍ରକୁ ଭୁଲିଯାଇଛି ଶ୍ରୀମନ୍ଦିର ପ୍ରଶାସନ। ଦାରୁବିଗ୍ରହଙ୍କ ଲୀଳା ସହିତ ଜଡ଼ିତ ପୀଠଗୁଡ଼ିକ ଏବେ ବି ଅବହେଳିତ ଓ ଅନାଲୋଚିତ ହୋଇରହିଛି। ଏଗୁଡ଼ିକର ବିକାଶ ଦିଗରେ କୌଣସି ପଦକ୍ଷେପ ନିଆଯାଇ ନାହିଁ। ଏସବୁର ବିକାଶ ହେଲେ ଜଗନ୍ନାଥ ସଂସ୍କୃତିର ପ୍ରଚାର ପ୍ରସାର ବ୍ୟାପକ ହୋଇପାରନ୍ତା ବୋଲି ଗବେଷକମାନେ ମତ ରଖିଛନ୍ତି। ଇତିହାସ ଅନୁଯାୟୀ, ଶ୍ରୀମନ୍ଦିର ଉପରେ ୧୮ଥର ଆକ୍ରମଣ ହୋଇଥିଲା। ପ୍ରଥମ ଆକ୍ରମଣ ୬୭୦ରୁ ୬୭୫ ମସିହା ମଧ୍ୟରେ ହୋଇଥିବା ବେଳେ ଶେଷ ଆକ୍ରମଣ ୧୭୩୩ରେ ହୋଇଥିଲା। ଏଥିମଧ୍ୟରୁ ୧୫ଟି ଆକ୍ରମଣର ତଥ୍ୟ ଏ ପର୍ଯ୍ୟନ୍ତ ଜଣାପଡିଛି। କିନ୍ତୁ ୧୩୪୦ରେ ବଙ୍ଗଳାର ନବାବ ଇଲିଅସ୍‌ ଶାହା, ୧୩୬୦ରେ ଦିଲ୍ଲୀର ବାଦଶାହା ଫିରୋଜ ଶାହା ତୋଗଲକ୍‌ ଏବଂ ୧୫୯୨ରେ ପଠାଣ ସୁଲେମାନ ଓ ଓସ୍‌ମାନ ଆକ୍ରମଣ କରିଥିବା ବେଳେ ମହାପ୍ରଭୁ କେଉଁଆଡେ ସ୍ଥାନାନ୍ତର ହୋଇଥିଲେ ତାହାର କୌଣସି ବିବରଣୀ ଏ ପର୍ଯ୍ୟନ୍ତ ଜଣାପଡିନାହିଁ। ୧୫ଟି ଆକ୍ରମଣ ସମୟରେ ମହାପ୍ରଭୁ ଶ୍ରୀମନ୍ଦିର ଛାଡି ଯେଉଁ ଯେଉଁ ସ୍ଥାନକୁ ଯାଇଥିଲେ ତାହାର ତଥ୍ୟ ସ୍ପଷ୍ଟ ହୋଇଛି। ବାହାର ରାଜ୍ୟର ଐତିହାସିକମାନେ ଦାରୁବିଗ୍ରହଙ୍କ ସ୍ଥାନାନ୍ତର ପ୍ରସଙ୍ଗକୁ ଠାକୁର ଲୁଚିଥିଲେ ବୋଲି ଟାହିଟାପରାମୂଳକ ଭାବେ ଲେଖିଛନ୍ତି। ୨୦୦୬-୦୭ରେ ତତ୍କାଳୀନ ଶ୍ରୀମନ୍ଦିର ମୁଖ୍ୟ ପ୍ରଶାସକ ସୁରେଶ ଚନ୍ଦ୍ର ମହାପାତ୍ରଙ୍କ ଉଦ୍ୟମକ୍ରମେ ଶ୍ରୀମନ୍ଦିର ପ୍ରଶାସନ ଏକ କମିଟି ଗଠନ କରିଥିଲା। କମିଟି ବୈଠକରେ ମହାପ୍ରଭୁଙ୍କ ସ୍ଥାନାନ୍ତର ହିଁ ତାଙ୍କ ଇଚ୍ଛାରେ ଏବଂ ଏହା ତାଙ୍କ ଲୀଳା ଥିଲା ବୋଲି ନିଷ୍କର୍ସ ବାହାରିଥିଲା। ମନ୍ଦିର ଆକ୍ରମଣ ସମୟରେ ଦାରୁ ବିଗ୍ରହଙ୍କୁ ସୁରକ୍ଷିତ ରଖିବା ସକାଶେ ଯେଉଁ ଯେଉଁ ସ୍ଥାନକୁ ନିଆଯାଇଥିଲା, ସେହି ସବୁ ସ୍ଥାନକୁ ମନ୍ଦିର ପ୍ରଶାସନ ଶ୍ରୀଜଗନ୍ନାଥଙ୍କ ଲୀଳାକ୍ଷେତ୍ର ବୋଲି ଗ୍ରହଣ କରିଥିଲା। ଶ୍ରୀମନ୍ଦିର ପ୍ରଶାସନର ନିଷ୍ପତ୍ତିକ୍ରମେ ଇତିହାସରେ ସ୍ଥାନିତ ସେହି ସ୍ଥାନଗୁଡ଼ିକର ପ୍ରକୃତ ସ୍ଥିତି ଅନୁଧ୍ୟାନ କରିବା ପାଇଁ ଗଠିତ କମିଟି ଗଠନ ୨୦୦୭ ଫେବୃୟାରୀ ୧୯ ତାରିଖରେ ପ୍ରଥମେ ସୋନପୁର ଲୀଳାକ୍ଷେତ୍ରକୁ ଯାଇଥିଲା। ସ୍ଥାନୀୟ ଐତିହାସିକ ଓ ବୁଦ୍ଧିଜୀବୀଙ୍କ ସହ ଭାବ ବିନିମୟ ବୈଠକ ହୋଇଥିଲା। ଏହା ପରଦିନ ସୋନପୁର ସହରଠାରୁ ୩୦ କିମି ଦୂର ଛଳିଆ ପାହାଡ଼ ନିକଟରେ ପହଞ୍ଚତ୍ଥିଲେ କମିଟି ସଦସ୍ୟ। ପାହାଡ ଉପତ୍ୟକାରେ ଥିବା ବାଘାପଲ୍ଲୀ ଗ୍ରାମ ସୁଦ୍ଧାଲିପ୍ତ ମଣ୍ଡପକୁ ଯାଇଥିଲେ। ଏଠାରେ ମହାପ୍ରଭୁ ୪୫ ବର୍ଷ ରହିଥିବା ମାଦଳା ପାଞ୍ଜିରେ ଉଲ୍ଲେଖ ରହିଛି। ଏହାପରେ ସଦସ୍ୟମାନେ ପାହାଡ ଉପରକୁ ଉଠି ଅପରପାର୍ଶ୍ୱ ଗୁମ୍ଫା (ଏଠାରେ ଠାକୁର ୯୯ ବର୍ଷ ପାତାଳି ହୋଇଥିଲେ)କୁ ଯାଇଥିଲେ। ପ୍ରଶାସନ ପକ୍ଷରୁ ଏହାକୁ ଲୀଳାକ୍ଷେତ୍ର ଘୋଷଣା କରାଯାଇଥିଲା। ମାର୍ଚ୍ଚ ୭ ତାରିଖରେ ସେମାନେ ଗଞ୍ଜାମ ଜିଲା ପୋଲସରା ନିକଟ ମାରଦା ମନ୍ଦିର ଏବଂ ଖଲ୍ଲିକୋଟ ନିକଟ ଚିକିଲି ଲୀଳାକ୍ଷେତ୍ର ପରିଦର୍ଶନ କରିଥିଲେ। ଏପ୍ରିଲ ୩ ତାରିଖରେ ଖୋର୍ଦ୍ଧା ଜିଲା ବାଣପୁରଠାରେ ଥିବା ବଡ଼ ହନ୍ତୁଆଡ ଲୀଳାକ୍ଷେତ୍ର, ଗବପଦର ଲୀଳାକ୍ଷେତ୍ର ଏବଂ ବଙ୍କାଳଗଡ଼ ନୀଳାଦ୍ରି ପ୍ରସାଦ ଲୀଳାକ୍ଷେତ୍ର ସମ୍ପର୍କରେ ତଥ୍ୟ ସଂଗ୍ରହ କରିଥିଲେ। ଚିଲିକାର ଉତ୍ତର ଦିଗରେ ଥିବା ନଇରିର ହରିହରେଶ୍ୱର ମଣ୍ଡପ ଏବଂ କାଙ୍କଣକୁଦକୁ ଲୀଳାକ୍ଷେତ୍ର ଭାବେ ଶ୍ରୀମନ୍ଦିର ପ୍ରଶାସନ ଘୋଷଣା କରିଥିଲା। ଏପ୍ରିଲ ୨୮ ତାରିଖରେ କମିଟି ଚିଲିକା ମଧ୍ୟକୁ ଯାଇ ବରହମ୍‌ପୁର କୁଦଠାରେ ଥିବା ଚକାନାଶୀ ଏବଂ ଗୁରୁବାଈ ଗ୍ରାମର ଲୋଟଣୀ ବରଗଛ ନିକଟ ସ୍ଥାନକୁ ଲୀଳାକ୍ଷେତ୍ର ବୋଲି ଘୋଷଣା କରିଥିଲା। ପରେ କମିଟି ସଦସ୍ୟମାନେ ଖୋର୍ଦ୍ଧା ଜିଲା ଗଡ଼ମାଣିତ୍ରୀ ମଧ୍ୟ ପରିଦର୍ଶନ କରିଥିଲେ। ୨୦୦୮ ମାର୍ଚ୍ଚ ୭ ତାରିଖରେ ମହାପ୍ରଭୁ ଭାର୍ଗବୀ ନଦୀର ଯେଉଁ ଘାଟରୁ ଅନ୍ୟତ୍ର ଯାଇଥିଲେ ସେହି ପ୍ରସିଦ୍ଧ ଘାଟ ପୁରୀର ଦୋବନ୍ଧାକୁ ଯାଇଥିଲା କମିଟି। ସେଠାରୁ ଅତିବଡ଼ୀ ଜଗନ୍ନାଥ ଦାସଙ୍କ ଗଁା କପିଳେଶ୍ୱରପୁର ଓ ବ୍ରହ୍ମଗିରିର ଗଡ଼କୋକଲ ପରିଦର୍ଶନ କରି ଲୀଳାକ୍ଷେତ୍ର ଭାବେ ଘୋଷଣା କରିଥିଲେ। ଏହିବର୍ଷ ମେ ୧୧ ତାରିଖରେ ଖୋର୍ଦ୍ଧା ସହରର ଗଡ଼ଖୋର୍ଦ୍ଧାଠାରେ ଥିବା ଗୋପାଳ ମନ୍ଦିର ଏବଂ ୨୦୦୯ ଡିସେମ୍ବର ୧୧ ତାରିଖରେ ଜଗତ୍‌ସିଂହପୁର ଜିଲା ଗଡ଼କୁଜଙ୍ଗ ଲୀଳାକ୍ଷେତ୍ର ପରିଦର୍ଶନ କରିଥିଲା କମିଟି। ଏ ସମ୍ପର୍କରେ କମିଟି ତଥ୍ୟ ଆଧାରରେ ଶ୍ରୀମନ୍ଦିର ପ୍ରଶାସନ ସମସ୍ତ ଲୀଳାକ୍ଷେତ୍ରକୁ ନେଇ ଏକ ସିଡୀ ପ୍ରସ୍ତୁତ କରି ଏହାକୁ ବିକ୍ରି କରିଥିଲା। ଏହି ସିଡୀକୁ ମଧ୍ୟ କମିଶନ ଅନୁଧ୍ୟାନ କରିଛନ୍ତି। ଶ୍ରୀମନ୍ଦିର ପ୍ରଶାସନ ପକ୍ଷରୁ ୨୦୦୭ ନଭେମ୍ବର ୧୪ ତାରିଖରେ ପୁରୀ ଜିଲାପାଳଙ୍କ ସମ୍ମେଳନ କକ୍ଷରେ ରାଜ୍ୟସ୍ତରୀୟ ଲୀଳାକ୍ଷେତ୍ର କର୍ମଶାଳା ଅନୁଷ୍ଠିତ ହୋଇଥିଲା। କର୍ମଶାଳାରେ ଅନେକ ଲିଖିତ ତଥ୍ୟ ମଧ୍ୟ ପ୍ରଶାସନର ହସ୍ତଗତ ହୋଇଥିଲା। ଶ୍ରୀମନ୍ଦିର ପ୍ରଶାସନ ପକ୍ଷରୁ ମାରଦାଠାରେ ଥିବା ମନ୍ଦିରରେ ବ୍ରହ୍ମମୟ ଚକାଙ୍କର ପୂଜା ନିମନ୍ତେ ଦୈନିକ ୧୦୦ ଟଙ୍କା ହିସାବରେ ବର୍ଷକୁ ୩୬ ହଜାର ଟଙ୍କା ଦିଆଯାଇଥିଲା। କେତେକ ଲୀଳାକ୍ଷେତ୍ରକୁ ମହାପ୍ରଭୁଙ୍କ ଶ୍ରୀବିଗ୍ରହ ଓ ପତିତପାବନ ବାନା ପ୍ରଦାନ କରି ପ୍ରଶାସନ ସ୍ବୀକୃତି ଦେଇଥିଲା। ମହେଶ୍ୱର ମହାନ୍ତି ସଂସ୍କୃତି ମନ୍ତ୍ରୀ ଥିବା ବେଳେ ବିଭାଗ ପକ୍ଷରୁ ଲୀଳାକ୍ଷେତ୍ରର ଉନ୍ନତି ପାଇଁ ଏକ କମିଟି ଗଠନ କରାଯାଇଥିଲା। ସରକାର କେତୋଟି କ୍ଷେତ୍ରର ଉନ୍ନତି ପାଇଁ ଆର୍ଥିକ ଅନୁଦାନ ମଧ୍ୟ ଦେଇଥିଲେ। ଏହା ପରଠାରୁ ଶ୍ରୀମନ୍ଦିର ପ୍ରଶାସନ ଏବଂ ସରକାର ଲୀଳାକ୍ଷେତ୍ରକୁ ପାସୋରି ଦେଇଛନ୍ତି। ଫଳରେ ଶହ ଶହ ବର୍ଷର ଜଗନ୍ନାଥ ସଂସ୍କୃତି ଗାଥା ବହନ କରୁଥିବା ଲୀଳାକ୍ଷେତ୍ରଗୁଡ଼ିକ ସ୍ଥାନୀୟ ଲୋକଙ୍କ ଉଦ୍ୟମରେ ଢୋକେ ପିଇଁ ଦଣ୍ଡେ ଜିଇଁ ଥିବା ନ୍ୟାୟରେ ପଡିରହିଛି। ଏ ସମ୍ପର୍କରେ ତତ୍କାଳୀନ ଲୀଳାକ୍ଷେତ୍ର କମିଟି ସଦସ୍ୟ ତଥା ଐତିହ୍ୟ ବିଶାରଦ ଡ. ସୁରେନ୍ଦ୍ର କୁମାର ମିଶ୍ର କୁହନ୍ତି, ଏହାର ଅନୁସନ୍ଧାନ କାର୍ଯ୍ୟ ଧିମେଇ ଯାଇଛି। ଲୀଳାକ୍ଷେତ୍ରଗୁଡ଼ିକର ଯଥାଯଥ ଅନୁସନ୍ଧାନ ହେବା ସହିତ ଏସବୁକୁ ସରକାର ହାତକୁ ନେଇ ଏହାକୁ ଆଧ୍ୟାତ୍ମିକ ଐତିହ୍ୟ କ୍ଷେତ୍ରର ମାନ୍ୟତା ଦେବା ଆବଶ୍ୟକ। ବର୍ତ୍ତମାନ ଲୀଳାକ୍ଷେତ୍ର ସମ୍ବନ୍ଧୀୟ ଅନେକ ତଥ୍ୟ ଓ ତତ୍ତ୍ବ ମିଳିଲାଣି। ଏହାର ପୁନଃ ପର୍ଯ୍ୟାଲୋଚନା କରାଯାଇ ଶ୍ରୀମନ୍ଦିର ପ୍ରଶାସନ ତରଫରୁ ତାହା ଗୃହୀତ ହେବା ବିଧେୟ। ଏ ସଂକ୍ରାନ୍ତରେ ଶ୍ରୀମନ୍ଦିର ନୀତି ପ୍ରଶାସକ ପ୍ରଦୀପ କୁମାର ଦାଶ କୁହନ୍ତି, ସବୁ ଲୀଳାକ୍ଷେତ୍ର ସହ ଆମର ଯୋଗାଯୋଗ ରହିଛି। ଚିଲିକା ମଧ୍ୟରେ ଥିବା ୨ଟି ଲୀଳାକ୍ଷେତ୍ରକୁ ପ୍ରଶାସନ ପକ୍ଷରୁ ୨ଟି ରଥଚକ ଦିଆଯାଇଛି। ସେମାନେ ଚକକୁ ପୂଜାର୍ଚ୍ଚନା କରି ଆମ ପାଖକୁ ସିଡୀ ପ୍ରସ୍ତୁତ କରି ପଠାଇଛନ୍ତି। ଅନ୍ୟ ଲୀଳାସ୍ଥଳୀଗୁଡ଼ିକ ଚାହିଁଲେ ଆମଠାରୁ ଚକ ନେଇପାରିବେ। ଏ ସବୁର ବିକାଶ ଦିଗରେ ଶ୍ରୀମନ୍ଦିର ପ୍ରଶାସନ ଉଦ୍ୟମ ଜାରି ରଖିଛି।
All Right Reserved By

ରାଜ୍ୟ |

ଇଣ୍ଡିଆନ ଅଏଲ୍‌ ପ୍ରସ୍ତାବିତ ବୟନ ଓ ବସ୍ତ୍ରଶିଳ୍ପ ପ୍ରକଳ୍ପ କାର୍ଯ୍ୟକାରୀ ହେଲେ ଭଦ୍ରକ ପୂର୍ବଭାରତର ସୁରଟ ହୋଇପାରିବ: ଧର୍ମେନ୍ଦ୍ର ପ୍ରଧାନ

ଇଣ୍ଡିଆନ ଅଏଲ୍‌ ପ୍ରସ୍ତାବିତ ବୟନ ଓ ବସ୍ତ୍ରଶିଳ୍ପ ପ୍ରକଳ୍ପ କାର୍ଯ୍ୟକାରୀ ହେଲେ ଭଦ୍ରକ ପୂର୍ବଭାରତର ସୁରଟ ହୋଇପାରିବ: ଧର୍ମେନ୍ଦ୍ର ପ୍ରଧାନ

ଭୁବନେଶ୍ୱର, ୨୨।୧(ବ୍ୟୁରୋ): ଭଦ୍ରକଠାରେ ଇଣ୍ଡିଆନ୍‌ ଅଏଲ ତରଫରୁ ପ୍ରସ୍ତାବିତ ବୟନ ଓ ବସ୍ତଶିଳ୍ପ ପ୍ରକଳ୍ପ ପାଇଁ ରାଜ୍ୟସରକାର ଅନୁମତି ଦେଇ ନାହାନ୍ତି। ଏଥିପାଇଁ ଆବଶ୍ୟକୀୟ ଜମି ମିଳିବାରେ ଅହେତୁକ ବିଳମ୍ବ ହେଉଥିବା ଦର୍ଶାଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଛନ୍ତି। ପତ୍ରରେ କେନ୍ଦ୍ରମନ୍ତ୍ରୀ ମୁଖ୍ୟମନ୍ତ୍ରୀଙ୍କୁ ବ୍ୟକ୍ତିଗତ ଭାବେ ହସ୍ତକ୍ଷେପ କରି ଆବଶ୍ୟକୀୟ ୭୫ ଏକର ଜମି ଯୋଗାଇ ଦେବା ପାଇଁ ଅନୁରୋଧ କରିଛନ୍ତି। 

ପୁରୀରେ କଂସ ମହାରାଜ

ପୁରୀରେ କଂସ ମହାରାଜ

ପୁରୀ ଅଫିସ,୨୨।୧: ସର୍ବବୃହତ୍‌ ମୁକ୍ତାକାଶ ରଙ୍ଗମଞ୍ଚ ବରଗଡ଼ ଧନୁଯାତ୍ରା ସୋମବାର ଶେଷ ହୋଇଛି। ଏଥିରେ କଂସ ଭୂମିକାରେ ଅଭିନୟ କରିଥିବା ଭୁବନେଶ୍ୱର ପଧାନ ମଙ୍ଗଳବାର ପୁରୀରେ ପହଞ୍ଚିଛନ୍ତି।

୧୧ ବର୍ଷ ପରେ ଘରକୁ ଫେରିଲେ ହଜିଲା ପୁଅ

୧୧ ବର୍ଷ ପରେ ଘରକୁ ଫେରିଲେ ହଜିଲା ପୁଅ

ପାଟଣା, ୨୨। ୧(ସ୍ବ.ପ୍ର): ୧୧ ବର୍ଷ ପରେ ଘରକୁ ଫେରିଲେ ହଜିଲା ପୁଅ। ପୁଅକୁ  ପାଇ ପରିବାରରେ ଖେଳିଯାଇଛି ଖୁସିର ଲହରୀ।

ସାପ ଗ୍ୟାଙ୍ଗ ମୁଖ୍ୟ ବାବୁ ବିଶ୍ୱାଳଙ୍କୁ ଏନକାଉଣ୍ଟର

ସାପ ଗ୍ୟାଙ୍ଗ ମୁଖ୍ୟ ବାବୁ ବିଶ୍ୱାଳଙ୍କୁ ଏନକାଉଣ୍ଟର

କେନ୍ଦ୍ରାପଡା ଅଫିସ/ରାଜନଗର, ୨୨।୧: ଅପରାଧ ଦୁନିଆରେ ନୂଆକରି ପାଦ ଥାପିଥିବା ସାପ ଗ୍ୟାଙ୍ଗର ମୁଖ୍ୟ ସଞ୍ଜୟ ବିଶ୍ୱାଳ ଓରଫ ବାବୁ (୩୨)ଙ୍କୁ ଜିଲା କେନ୍ଦ୍ରାପଡା ପୋଲିସ ମଙ୍ଗଳବାର ଭୋର ସମୟରେ ଏନକାଊଣ୍ଟର କରିଛିା

କୁହୁଡ଼ି ନେଲା ୭ ଜୀବନ

କୁହୁଡ଼ି ନେଲା ୭ ଜୀବନ

ପାରାଦୀପ/ଡେରାବିଶ (ସ୍ବ.ପ୍ର.)/ ରାଜନଗର/ ରଘୁନାଥପୁର,୨୨।୧( ଡି.ଏନ.ଏ.): କେନ୍ଦ୍ରାପଡ଼ା ଜିଲା ପାଇଁ ଅଶୁଭ ପାଲଟିଛି ୨୦୧୯। ନୂଆବର୍ଷ ଆରମ୍ଭରୁ ହିଁ ଜିଲାରେ ଏକାଧିକ ଦୁର୍ଘଟଣା ଘଟି ୧୫ ଲୋକଙ୍କ ଜୀବନ ଯାଇଥିବା ବେଳେ ସୋମବାର ସକାଳୁ କୁହୁଡ଼ି ୭ଜଣଙ୍କ ଜୀବନ ନେଇଛି ଓ ୬ଜଣ ଗୁରୁତର ହୋଇଛନ୍ତି। 

ଶିଶୁକୁ ଝୁଣି ମାରିଲେ କୁକୁର

ଶିଶୁକୁ ଝୁଣି ମାରିଲେ କୁକୁର

ବାରିପଦା ଅଫିସ,୨୨।୧: କୁକୁର ପଲଙ୍କ ଆକ୍ରମଣର ଶିକାର ହୋଇ ଜଣେ ୭ ବର୍ଷର ଶିଶୁଙ୍କ ସୋମବାର ମୃତ୍ୟୁ ଘଟିଛି। ମୟୂରଭଞ୍ଜ ଜିଲା ଯଶିପୁର ଥାନା ଅଧୀନ ରାହାନ୍ଦା ଅଞ୍ଚଳରେ ସୋମବାର ଏହି ଘଟଣା ଘଟିଛି। ମୃତକ ହେଲେ ବାଲିସୁଦୂରା ଗ୍ରାମର ଶରମା ମହାରଣାଙ୍କ ପୁଅ ରିଙ୍କୁ। ସେ ଏକୁଟିଆ ସ୍କୁଲ ଯାଉଥିବାବେଳେ କାମୁଡ଼ା କୁକୁରଙ୍କ ହାବୁଡରେ ପଡିଯାଇଥିବା ଜଣାପଡିଛି। 

ମା’ ହେଲେ ଦଶମ ଶ୍ରେଣୀ ଛାତ୍ରୀ

ମା’ ହେଲେ ଦଶମ ଶ୍ରେଣୀ ଛାତ୍ରୀ

ପାଟକୁରା, ୨୨।୧ (ଡି.ଏନ୍‌.ଏ.): କନ୍ଧମାଳ ଓ ଢେଙ୍କାନାଳରେ ନାବାଳିକା ମା’ ହେବା ପରେ ରାଜ୍ୟରେ ଲଜ୍ଜାଜନକ ପରିସ୍ଥିତି ସୃଷ୍ଟି ହୋଇଛି। ଏବେ କେନ୍ଦ୍ରାପଡ଼ା ଜିଲାରେ ସମାନ ଏକ ଘଟଣା ନଜରକୁ ଆସିଛି। 

ଭାଜପା ମହିଳା ମୋର୍ଚ୍ଚାର ଲାଲଚୁଡ଼ି ପ୍ରତିବାଦ: ସଚିବାଳୟ ଗେଟ୍‌ରେ ବାନ୍ଧିଲେ ଚୁଡ଼ି

ଭାଜପା ମହିଳା ମୋର୍ଚ୍ଚାର ଲାଲଚୁଡ଼ି ପ୍ରତିବାଦ: ସଚିବାଳୟ ଗେଟ୍‌ରେ ବାନ୍ଧିଲେ ଚୁଡ଼ି

ଭୁବନେଶ୍ୱର,୨୨।୧ (ବ୍ୟୁରୋ)- ରାଜ୍ୟରେ ମହିଳାଙ୍କ ଉପରେ ବଢ଼ୁଛି ନିର୍ଯାତନା। ଶିଶୁକନ୍ୟାଠାରୁ ଆରମ୍ଭ କରି ନାବାଳିକା, ଯୁବତୀ, ମହିଳାମାନେ ବଳାତ୍କାର ଓ ହତ୍ୟାର ଶିକାର ହେଉଛନ୍ତି।

ସ୍କୁଲ୍‌ ମାଲିକାଣୀଙ୍କ ଝୁଲନ୍ତା ମୃତଦେହ ଉଦ୍ଧାର

ସ୍କୁଲ୍‌ ମାଲିକାଣୀଙ୍କ ଝୁଲନ୍ତା ମୃତଦେହ ଉଦ୍ଧାର

ଭୁବନେଶ୍ୱର,୨୨।୧ (ବ୍ୟୁରୋ)- ନୟାପଲ୍ଲୀ ଥାନା ଅନ୍ତର୍ଗତ ସାଲିଆ ସାହି ଅଞ୍ଚଳରେ ରହୁଥିବା ଜଣେ ମହିଳାଙ୍କ ଝୁଲନ୍ତା ମୃତଦେହ ତାଙ୍କ ଘରୁ ପୋଲିସ ଉଦ୍ଧାର କରିଛି। ମହିଳା ଜଣକ ହେଲେ ତ୍ରିନାଥ ବେହେରାଙ୍କ ସ୍ତ୍ରୀ ଯଶୋବନ୍ତୀ (୪୩)। ଯଶୋବନ୍ତୀ ମହାବୀର ନଗରରେ ଏକ ଘରୋଇ ସ୍କୁଲ୍‌ ଖୋଲି ନିଜେ ପଢ଼ାଉଥିଲେ।

ଏଏସ୍‌ଓ ପରୀକ୍ଷାରୁ ଦିବ୍ୟାଙ୍ଗ ବଞ୍ଚତ୍ତ ହେବା ଘଟଣା: ପୁନଃ ପରୀକ୍ଷା ସୁଯୋଗ ଦାବିରେ ବିକ୍ଷୋଭ

ଏଏସ୍‌ଓ ପରୀକ୍ଷାରୁ ଦିବ୍ୟାଙ୍ଗ ବଞ୍ଚତ୍ତ ହେବା ଘଟଣା: ପୁନଃ ପରୀକ୍ଷା ସୁଯୋଗ ଦାବିରେ ବିକ୍ଷୋଭ

ଭୁବନେଶ୍ୱର,୨୨।୧ (ବ୍ୟୁରୋ)- ରବିବାର ରାଜ୍ୟର ୪୮୪ କେନ୍ଦ୍ରରେ ପ୍ରାୟ ୯୦ ହଜାରରୁ ଊର୍ଦ୍ଧ୍ୱ ପରୀକ୍ଷାର୍ଥୀ ଏଏସ୍‌ଓ (ଆସିଷ୍ଟାଣ୍ଟ୍‌ ସେକ୍ସନ ଅଫିସର) ପରୀକ୍ଷା ଦେଇଛନ୍ତି। ତେବେ ଏହି ପରୀକ୍ଷାରେ ନାନା ବିଭ୍ରାଟ ହୋଇଥିବା ଅଭିଯୋଗ ଆଣିଛି ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି)। ଦିବ୍ୟାଙ୍ଗ ପରୀକ୍ଷାର୍ଥତ୍ ସାଙ୍ଗରେ ସ୍କ୍ରାଇବ ନେବାର ନିୟମ ଥିଲେ ମଧ୍ୟ ଓପିଏସ୍‌ସି ଅନୁମତି ମିଳି ନ ଥିଲା। 

‘ହେଲ୍‌ଥ ମେଡିକନ୍‌’ ଉଦ୍‌ଘାଟିତ: ଭାରତୀୟ ଚିକିତ୍ସା ଉପରେ ବ୍ୟାପକ ଗବେଷଣା ହେଉ

‘ହେଲ୍‌ଥ ମେଡିକନ୍‌’ ଉଦ୍‌ଘାଟିତ: ଭାରତୀୟ ଚିକିତ୍ସା ଉପରେ ବ୍ୟାପକ ଗବେଷଣା ହେଉ

ଭୁବନେଶ୍ୱର, ୨୨।୧ (ବ୍ୟୁରୋ)- ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ (ଓୟୁଏଟି)ଠାରେ ସୋମବାର ପ୍ରଥମ ଆନ୍ତର୍ଜାତିକ ସ୍ବାସ୍ଥ୍ୟ ସମ୍ମିଳନୀ ‘ହେଲ୍‌ଥ ମେଡିକନ୍‌-୨୦୧୯’ ଉଦ୍‌ଘାଟିତ ହୋଇଛି। ଇଣ୍ଡିଆନ ପ୍ରୋକ୍ଟୋଲୋଜି ସୋସାଇଟି (ଆଇପିଏସ୍‌) ଏବଂ ଓୟୁଏଟି ପକ୍ଷରୁ ଆୟୋଜିତ ଏହି ସମ୍ମିଳନୀକୁ ମୁଖ୍ୟ ଅତିଥି ଭାବେ ଯୋଗଦେଇ ରାଜ୍ୟ ଇସ୍ପାତ ଓ ଖଣି ମନ୍ତ୍ରୀ ପ୍ରଫୁଲ୍ଲ କୁମାର ମଲ୍ଲିକ ଉଦ୍‌ଘାଟନ କରିଛନ୍ତି। 

ସାନିଟାରି ନାପ୍‌କିନ୍‌ ଭେଣ୍ଡିଙ୍ଗ ମେଶିନ ସଂଖ୍ୟା ବଢ଼ାଇବ ପୂର୍ବତଟ ରେଳପଥ

ସାନିଟାରି ନାପ୍‌କିନ୍‌ ଭେଣ୍ଡିଙ୍ଗ ମେଶିନ ସଂଖ୍ୟା ବଢ଼ାଇବ ପୂର୍ବତଟ ରେଳପଥ

ଭୁବନେଶ୍ୱର,୨୨।୧(ବ୍ୟୁରୋ)-ମହିଳା ଯାତ୍ରୀଙ୍କ ସୁବିଧା ପାଇଁ ଏଣିକି ଟ୍ରେନ୍‌ଗୁଡ଼ିକରେ ଅଧିକ ସଂଖ୍ୟକ ସାନିଟାରି ନାପ୍‌କିନ୍‌ ଭେଣ୍ଡିଙ୍ଗ ମେଶିନ ଉପଲବ୍ଧ କରାଇବାକୁ ନିଷ୍ପତ୍ତି ନେଇଛି ପୂର୍ବତଟ ରେଳପଥ। ମହିଳାଙ୍କ ଚାହିଦା ଓ ହୀରାଖଣ୍ଡ ଏକ୍ସପ୍ରେସରେ ସାନିଟାରି ନାପ୍‌କିନ୍‌ ଭେଣ୍ଡିଙ୍ଗ ମେଶିନ ପ୍ରତି ସେମାନଙ୍କ ସକାରାତ୍ମକ ଅନୁଭୂତିକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି।