ରାଜ୍ୟ |

ସୁସ୍ମିତା ମହାନ୍ତି ‘ମୋ ସ୍କୁଲ’ କାର୍ଯ୍ୟକ୍ରମର ଅଧ୍ୟକ୍ଷା ନିଯୁକ୍ତ

ସୁସ୍ମିତା ମହାନ୍ତି ‘ମୋ ସ୍କୁଲ’ କାର୍ଯ୍ୟକ୍ରମର ଅଧ୍ୟକ୍ଷା ନିଯୁକ୍ତ

ଭୁବନେଶ୍ୱର, ୨୦।୧୨(ବ୍ୟୁରୋ)- ବିଶିଷ୍ଟ ଅନ୍ତରୀକ୍ଷ ବିଜ୍ଞାନୀ ତଥା ଉଦ୍ୟୋଗୀ ଡ. ସୁସ୍ମିତା ମହାନ୍ତିଙ୍କୁ ‘ମୋ ସ୍କୁଲ’ କାର୍ଯ୍ୟକ୍ରମର ଅଧ୍ୟକ୍ଷା ଭାବେ ରାଜ୍ୟ ସରକାର ନିଯୁକ୍ତି ଦେଇଛନ୍ତି। ଗତ ନଭେମ୍ବର ୧୪ରେ ରାଜ୍ୟସ୍ତରୀୟ ଶିଶୁ ଦିବସ ପାଳନ ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୋ ସ୍କୁଲ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ଏହି କାର୍ଯ୍ୟକ୍ରମରେ ବ୍ୟକ୍ତି ବିଶେଷମାନେ ନିଜ ନିଜ ଜନ୍ମ ମାଟିର ବିଦ୍ୟାଳୟ କିମ୍ବା ଯେ କୌଣସି ବିଦ୍ୟାଳୟର ଉନ୍ନତି ପାଇଁ ସ୍ବେଚ୍ଛାକୃତ ସହାୟତା କରିବା କିମ୍ବା ଅନ୍ୟାନ୍ୟ ଅବଦାନ ରଖିବାର ବ୍ୟବସ୍ଥା ରହିଛି। ଡ. ମହାନ୍ତିଙ୍କ ନିଯୁକ୍ତି ଏହି କାର୍ଯ୍ୟକ୍ରମକୁ ଆଗେଇନେବ ବୋଲି ମୁଖ୍ୟମନ୍ତ୍ରୀ କହିଛନ୍ତି।
ନିଯୁକ୍ତି ସମ୍ପର୍କରେ ବୁଧବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସଚିବାଳୟରେ ଘୋଷଣା କରିବା ଅବସରରେ କହିଥିଲେ, କଟକରେ ଜନ୍ମିତ ଡ. ମହାନ୍ତି ଜଣେ ସଫଳ ଯୁବ ପ୍ରତିଭା। ସେ ଏକମାତ୍ର ଅନ୍ତରୀକ୍ଷ ଉଦ୍ୟୋଗୀ, ଯିଏ କି ବିଶ୍ୱର ୩ଟି ମହାଦେଶରେ ନିଜର ସ୍ପେସ୍‌ କମ୍ପାନୀ ଆରମ୍ଭ କରିଛନ୍ତି। ସେ ଜଣେ ସ୍ପେସ୍‌ ଶିପ୍‌ ଡିଜାଇନ୍‌ର ଏବଂ ଆର୍ଥ-ଟୁ-ଅରବିଟ୍‌ ନାମକ ଏକ ସ୍ପେସ୍‌ କମ୍ପାନୀର ଯୁଗ୍ମ ପ୍ରତିଷ୍ଠାତା। ସେ ବୋଇଂ ଓ ନାସା ଭଳି କମ୍ପାନୀରେ କାମ କରିଛନ୍ତି ଏବଂ ପୃଥିବୀର ଶ୍ରେଷ୍ଠ ୧୦୦ ଯୁବ ନବପ୍ରବର୍ତ୍ତକଙ୍କ ମଧ୍ୟରେ ଫର୍‌ଚ୍ୟୁନ୍‌ ମାଗାଜିନ୍‌ରେ ସ୍ଥାନ ପାଇଛନ୍ତି। ସେ ଦେଖାଇ ଦେଇଛନ୍ତି ଯେ ପ୍ରତ୍ୟେକ ଓଡ଼ିଆ ପୁଅଝିଅ ଜୀବନରେ ଯାହା କିଛି ଚାହିଁବେ, ତାହାକୁ ପୂରଣ କରିପାରିବେ। ଡ. ମହାନ୍ତିଙ୍କ ନିଯୁକ୍ତି ମାଟି ମା’ ପାଇଁ କାମ କରିବାକୁ ଯୁବ ସମାଜକୁ ପ୍ରେରଣା ଯୋଗାଇବ ବୋଲି ମୁଖ୍ୟମନ୍ତ୍ରୀ ଆଶାପ୍ରକାଶ କରିଛନ୍ତି। ସୂଚନାଯୋଗ୍ୟ, ଏହା ଏକ ଅବୈତନିକ ନିଯୁକ୍ତି।

All Right Reserved By

Model This Week

Model This Week

ରାଜ୍ୟ |

ଝିଲିଙ୍କୁ ରୌପ୍ୟ ପଦକ

ଝିଲିଙ୍କୁ ରୌପ୍ୟ ପଦକ

ଭୁବନେଶ୍ୱର, ୨୫।୪(କ୍ରୀଡ଼ା ପ୍ରତିନିଧି)-ଉଜବେକିସ୍ତାନରେ ଅନୁଷ୍ଠିତ ଏସିଆନ ଜୁନିୟର ଭାରୋତ୍ତୋଳନ ଚାମ୍ପିୟନଶିପ୍‌ରେ ଓଡ଼ିଶାର ଝିଲି ଦଳବେହେରା ରୌପ୍ୟ ପଦକ ହାସଲ କରିଛନ୍ତି। ଭୁବନେଶ୍ୱର କ୍ରୀଡ଼ା ଛାତ୍ରାବାସର ଅନ୍ତେବାସୀ ଝିଲି ମହିଳା ୪୮ କେଜି କାଟେଗୋରି ସ୍ନାଚ୍‌ରେ ୭୩, କ୍ଲିନ ଆଣ୍ଡ ଜର୍କରେ ୯୩ କେଜି ଏହିପରି ମୋଟ ୧୬୬ କେଜି ଭାର ଉଠାଇ ଏହି ସଫଳତା ପାଇଛନ୍ତି। ପ୍ରଦର୍ଶନରେ ସ୍ଥିରତା ରଖିବାରେ ସକ୍ଷମ ହୋଇଥିବା ଝିଲି ଏହା ପୂର୍ବରୁ ଗତ ଫେବୃୟାରୀରେ ବିଶାଖାପାଟଣାରେ ଅନୁଷ୍ଠିତ ଜାତୀୟ ସବ୍‌ଜୁନିୟର ଓ ଜୁନିୟର ଭାରୋତ୍ତୋଳନ ଚାମ୍ପିୟନଶିପ୍‌ରେ ୨ ସ୍ବର୍ଣ୍ଣ ଓ ୧ ରୌପ୍ୟ ପଦକ ହାସଲ କରିଥିଲେ। ଏହା ବ୍ୟତୀତ ସେ ଗତବର୍ଷ ଅଷ୍ଟ୍ରେଲିଆର ଗୋଲ୍ଡକୋଷ୍ଟରେ ଅନୁଷ୍ଠିତ ରାଜ୍ୟଗୋଷ୍ଠୀ ଓ ଓସେନିଆ ଚାମ୍ପିୟନଶିପ୍‌ରେ ୪୮ କେଜି ଜୁନିୟର କାଟେଗୋରିରେ ସ୍ବର୍ଣ୍ଣ ପଦକ ହାସଲ କରିଥିଲେ।

ପ୍ରବେଶିକା ପରୀକ୍ଷାରୁ ଛାତ୍ରୀଛାତ୍ର ବଞ୍ଚିତ ଘଟଣା:ଡିଇଓଙ୍କୁ ମିଳିନି ରିପୋର୍ଟ, କାର୍ଯ୍ୟାନୁଷ୍ଠାନ ବିଳମ୍ବ

ପ୍ରବେଶିକା ପରୀକ୍ଷାରୁ ଛାତ୍ରୀଛାତ୍ର ବଞ୍ଚିତ ଘଟଣା:ଡିଇଓଙ୍କୁ ମିଳିନି ରିପୋର୍ଟ, କାର୍ଯ୍ୟାନୁଷ୍ଠାନ ବିଳମ୍ବ

ବରଗଡ଼ ଅଫିସ୍‌,୨୫।୪:ବରଗଡ଼ ଜିଲା ଭେଡ଼େନ ବ୍ଲକ ଅନ୍ତର୍ଗତ ଲୁହାଖଣ୍ଡି, ଅରେଇଗୁଡ଼ି ଏବଂ ରେଶମ ସ୍କୁଲରେ ୮ଜଣ ଛାତ୍ରୀଛାତ୍ର ବିଭାଗୀୟ ଶିକ୍ଷା ଅଧିକାରୀଙ୍କ ଅବହେଳା ଯୋଗୁ ଆଦର୍ଶ ବିଦ୍ୟାଳୟ ପରୀକ୍ଷାରୁ ବଞ୍ଚିତ ହେବା ଘଟଣାକୁ ଜିଲା ଶିକ୍ଷା ବିଭାଗ ଗୁରୁତ୍ୱର ସହିତ ନେଇଛି । ଜିଲା ଶିକ୍ଷା ଅଧିକାରୀ(ଡିଇଓ) ପ୍ରକାଶ କୁମାର ଯୋଶୀ ଅତିରିକ୍ତ ଜିଲା ଶିକ୍ଷା ଅଧିକାରୀ କଳ୍ପନା ନାଏକଙ୍କୁ ଏହାର ତଦନ୍ତ ନିର୍ଦ୍ଦେଶ ଦେଇଛନ୍ତି । ଅତିରିକ୍ତ ଜିଲା ଶିକ୍ଷା ଅଧିକାରୀ ନାଏକ ଶନିବାର ଭେଡ଼େନ ବ୍ଲକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟକୁ ପହଞ୍ଚି ଏହାର ତଦନ୍ତ କରିଥିଲେ ।

ହାଇଦ୍ରାବାଦରେ ଦାଦନ ଶ୍ରମିକଙ୍କୁ ନିର୍ଯାତନା

ହାଇଦ୍ରାବାଦରେ ଦାଦନ ଶ୍ରମିକଙ୍କୁ ନିର୍ଯାତନା

ବରଗଡ଼ ଅଫିସ୍‌,୨୫।୪:ବରଗଡ଼ ଜିଲାରେ ଦାଦନ ସମସ୍ୟା ବଢ଼ି ଚାଲିଛି । ଜିଲାର ଅଣଜଳସେଚିତ ତଥା ଚିର ମରୁଡ଼ି ପ୍ରପୀଡ଼ିତ ପଦ୍ମପୁର ଉପଖଣ୍ଡରେ ଏହି ସମସ୍ୟା ଅଧିକ ରହିଛି । କର୍ମ ଅନ୍ବେଷଣରେ ଜିଲା ତଥା ରାଜ୍ୟ ବାହାରକୁ ଅନେକ ଶ୍ରମିକ କାମ କରିବାକୁ ଯାଉଛନ୍ତି । ସେଠାକୁ ଯାଇ କିଏ ନିର୍ଯାତିତ ହେଉଛି ତ ସେଠାରୁ ଆଉ କାହାର ଶବ ଘରକୁ ଫେରୁଛି । ସେହିପରି କେତେକ ଗୋଡ଼, ହାତ ହରାଇ ଭିନ୍ନକ୍ଷମ ପାଲଟି ଯାଉଛନ୍ତି । ତଥାପି ପଦ୍ମପୁର ଉପଖଣ୍ଡରୁ ଦାଦନ ଚାଲାଣ ବନ୍ଦ ହୋଇ ପାରିନାହିଁ । ଅନ୍ୟପଟେ ସମ୍ପୃକ୍ତ ଅଞ୍ଚଳରେ ଦାଦନ ଦୁଃଖ ବୃଦ୍ଧି ପାଇବାରେ ଲାଗିଛି। ପଦ୍ମପୁର ଉପଖଣ୍ଡ ଗାଇସିଲେଟ ବ୍ଲକ ଅଞ୍ଚଳରୁ ହାଇଦ୍ରାବାଦର ଏକ ଇଟାଭାଟିକୁ ଦାଦନ ଖଟିବାକୁ ଯାଇ ସେଠାରେ ୧୭ଜଣ ନିର୍ଯାତିତ ହେଉଥିବା ଅଭିଯୋଗ ହୋଇଛି। କେବଳ ସେତିକି ନୁହେଁ, ସେଠାରେ ଶାଳୀ ବଦଳରେ ତାଙ୍କ ଭିଣୋଇ ବନ୍ଧା ପଡ଼ିଛନ୍ତି।

ରଥ ନିର୍ମାଣ କମିଟି ଗଠିତ

ରଥ ନିର୍ମାଣ କମିଟି ଗଠିତ

ପୁରୀ ଅଫିସ,୨୫।୪: ଆସନ୍ତା ଜୁଲାଇ ୧୪ରେ ରଥଯାତ୍ରା। ପବିତ୍ର ଅକ୍ଷୟ ତୃତୀୟାରେ ରଥ ନିର୍ମାଣ ଅନୁକୂଳ ହେବାପରେ ରଥଖଳାରେ ଚାଲିଛି ତିନିରଥ ନିର୍ମାଣ। ପ୍ରାରମ୍ଭିକ ପର୍ଯ୍ୟାୟରେ ତୁମ୍ବ ତିଆରି ଚାଲିଛି। ତେବେ ରଥ ନିର୍ମାଣ ଓ ମରାମତି ତଦାରଖ କରିବା ପାଇଁ ପ୍ରଶାସନିକ ଅଧିକାରୀ ଓ ସେବାୟତମାନଙ୍କୁ ନେଇ ଶ୍ରୀମନ୍ଦିର ପ୍ରଶାସନ ଗଠନ କରିଛି ରଥ ନିର୍ମାଣ କମିଟି। ଏଥିରେ ୧୧ ଜଣ ସଦସ୍ୟ ରହିଛନ୍ତି। ସେମାନେ ହେଲେ ଶ୍ରୀମନ୍ଦିର ନୀତି ପ୍ରଶାସକ, ରାସ୍ତା ଓ ଗୃହ ନିର୍ମାଣ ବିଭାଜନ ନିର୍ବାହୀଯନ୍ତ୍ରୀ ପୁରୀ, ବନଖଣ୍ଡ ଅଧିକାରୀ (ପୁରୀ ବନ୍ୟପ୍ରାଣୀ ବିଭାଜନ), ଶ୍ରୀଜଗନ୍ନାଥ ମନ୍ଦିର ଅଧୀକ୍ଷଣଯନ୍ତ୍ରୀ, ଅବସରପ୍ରାପ୍ତ ମୁଖ୍ୟଯନ୍ତ୍ରୀ ଧର୍ମପ୍ରସାଦ ମିଶ୍ର, ଅବସରପ୍ରାପ୍ତ ସହକାରୀ ଯନ୍ତ୍ରୀ ଆର୍ତ୍ତତ୍ରାଣ ରଥ, ମୁଖ୍ୟ ମହାରଣା ବିଜୟ କୁମାର ମହାପାତ୍ର, ନାରାୟଣ ମହାରଣା ଓ ନରସିଂହ ମହାପାତ୍ର, ଭୋଇ ସର୍ଦ୍ଦାର ରବି ଭୋଇ ଓ ୱାର୍କ ସରକାର କାର୍ତ୍ତିକ ଭୋଇ।

ବଢ଼ିବାରେ ଲାଗିଛି ଶିଶୁ ଶ୍ରମିକଙ୍କ ସଂଖ୍ୟା

ଯାଜପୁରରୋଡ,୨୫।୪(ନି.ପ୍ର.) :ସରକାରଙ୍କ ସର୍ବଶିକ୍ଷା ଅଭିଯାନ ‘ସମସ୍ତେ ପଢ଼ନ୍ତୁ, ସମସ୍ତେ ଗଢ଼ନ୍ତୁ’ ଜରିଆରେ ପିଲାମାନଙ୍କୁ ଉଚ୍ଚଶିକ୍ଷା ଦେବା ପାଇଁ ଏହି ନିୟମ ପ୍ରଣୟନ କରାଯାଇଛି। ଏହା ବ୍ୟତୀତ ପିଲାମଙ୍କ ମଧ୍ୟାହ୍ନ ଭୋଜନ ଓ ପୋଷାକ ବଣ୍ଟନ ପ୍ରକ୍ରିୟା କରାଯାଉଛି। ଯାହା ପିଲାମାନଙ୍କୁ ପାଠ ପଢ଼ିବା ପାଇଁ ମୌଳିକ ସୁବିଧା ପାଇପାରିବେ। ଫଳରେ ସେମାନେ ଉଚ୍ଚଶିକ୍ଷାର ଲାଭ ଉଠାଇପାରିବେ। ମାତ୍ର ବହୁ ସ୍ଥାନରେ ସରକାରଙ୍କ ଏହି ଯୋଜନା ଦିଗହରା ହେଉଥିବା ଦେଖିବାକୁ ମିଳୁଛି। ଯାହାଫଳରେ ସରକାରଙ୍କ ଯୋଜନା କେବଳ କାଗଜକଲମରେ ସୀମିତ ଥିବା ପରିଲକ୍ଷିତ ହେଉଛି। ଏଭଳି ଦୃଷ୍ଟାନ୍ତ ଯାଜପୁର ଜିଲାରେ ଦେଖିବାକୁ ମିଳୁଛି।

ମୌଳିକ ଅଧିକାର ଦାବି କରି ଆଦିବାସୀଙ୍କ ତହସିଲ ଘେରାଉ

ମୌଳିକ ଅଧିକାର ଦାବି କରି ଆଦିବାସୀଙ୍କ ତହସିଲ ଘେରାଉ

ନୂଆଗାଁ,୨୫।୪ (ଡି.ଏନ.ଏ.)-ନୟାଗଡ ଜିଲା ନୂଆଗାଁ ବ୍ଲକର ଆଦିବାସୀମାନେ ମୌଳିକ ସୁବଧା ପାଇବାରୁ ବଞ୍ଚତ୍ତ ହେଉଥିବା ନେଇ ରାଜନେତାଙ୍କଠାରୁ ଆରମ୍ଭ କରି ପ୍ରଶାସନିକ ଅଧିକାରୀଙ୍କ ଯାଏ ବାରମ୍ବାର ଗୁହାରି କରି ଆସୁଥିଲେ ମଧ୍ୟ କେହି ସେମାନଙ୍କ କଥା ଶୁଣୁ ନାହାନ୍ତି। ସେମାନଙ୍କ ଦୁଃଖ ଅସହ୍ୟ ହେବାରୁ ଭାଜପା କର୍ମୀଙ୍କ ସହାୟତାରେ ମଙ୍ଗଳବାର ତିନି ଶହରୁ ଅଧିକ ଆଦିବାସୀ ମହିଳାପୁରୁଷ ଏକତ୍ରିତ ହୋଇ ନୂଆଗାଁ ଡାକ ବଙ୍ଗଳାରୁ ଧନୁତୀର, ଭୁଷା,ବର୍ଛା ଆଦି ଧରି ଶୋଭାଯାତ୍ରାରେ ବାହାରି ନୂଆଗାଁ ତହସିଲ କାର୍ଯ୍ୟାଳୟ ଘେରାଉ କରିଥିଲେ ।

ଦିନକର କାହାଣୀ:ମତ୍ସ୍ୟଜୀବୀ ଜି. ରାମବାବୁ

ଦିନକର କାହାଣୀ:ମତ୍ସ୍ୟଜୀବୀ ଜି. ରାମବାବୁ

ପାରାଦୀପ,୨୫।୪(ସ୍ବ.ପ୍ର.): ଜି. ରାମବାବୁ। ବୟସ ୬୦ ପାର ହୋଇଗଲାଣି। ପୈତୃକ ଘର ଆନ୍ଧ୍ର ପ୍ରଦେଶରେ। ୩୦ ବର୍ଷ ହେଲା ପାରାଦୀପ ନୂଆବଜାର ନୋଳିଆପଡ଼ାରେ ପରିବାର ସହ ରହି ପାରମ୍ପରିକ ମତ୍ସ୍ୟଜୀବୀ ଭାବେ ଜୀବିକା ନିର୍ବାହ କରୁଛନ୍ତି। ଖଣ୍ଡି ଓଡ଼ିଆରେ ସେ କଥା ହେଉଛନ୍ତି। ଏବେ ୨ ମାସ ସମୁଦ୍ରରେ ମାଛଧରା ବନ୍ଦ ଥିବାରୁ ଜାଲ ବୁଣିବାରେ ସେ ବ୍ୟସ୍ତ ଅଛନ୍ତି। ମଙ୍ଗଳବାର ଦି’ପହରେ ଏକ ବଡ଼ ଗଛ ମୂଳେ ବସି ସେ ଜାଲ ବୁଣୁଥିଲେ। ତାଙ୍କ ସହ ଆଉ ୭ଜଣ ମତ୍ସ୍ୟଜୀବୀ ଥିଲେ ମଧ୍ୟ ରାମବାବୁ ସମସ୍ତଙ୍କଠାରୁ ଅଧିକ ଚଳଚଞ୍ଚଳ ଲାଗୁଥିଲେ। ନିଜର ଦୈନିକ ଜୀବନଶୈଳୀ ସମ୍ପର୍କରେ ସେ କୁହନ୍ତି ଯେ, ସମୁଦ୍ର ହେଉଛି ତାଙ୍କ ଭାତ ହାଣ୍ଡି। ନିଜ ଯୌବନ ସେ ସମୁଦ୍ର ଭିତରେ କଟାଇ ଦେଇଛନ୍ତି। ଜାଲ, ଡଙ୍ଗା, ମାଛ ଓ ସମୁଦ୍ର ସହ ତାଙ୍କର ନିବିଡ଼ ସମ୍ପର୍କ। ସମୁଦ୍ରରୁ ମାଛଧରି ଆଣିଲେ ପରିବାର ପ୍ରତିପୋଷଣ ହୁଏ।

ମିଳୁନି ବର୍ଦ୍ଧିତ ଭତ୍ତା, ନିରାଶ ହେଲେଣି ବୃଦ୍ଧା

ମିଳୁନି ବର୍ଦ୍ଧିତ ଭତ୍ତା, ନିରାଶ ହେଲେଣି ବୃଦ୍ଧା

ଏରସମା,୨୫।୪(ସ୍ବ.ପ୍ର.): ପ୍ରଚଣ୍ଡ ଖରା। ପୂର୍ବାହ୍ନ ୧୧ଟା ପରେ ଘରୁ ବାହାରିବା କଷ୍ଟକର ହୋଇପଡୁଛି। ଏଭଳି ଡହ ଡହ ଖରାରେ ମୁଣ୍ଡ କ’ଣ ହୋଇଯିବାରୁ ଜଣେ ୮୫ ବର୍ଷ ବୟସ୍କ ବୃଦ୍ଧା ଏରସମା ବ୍ଲକ କାର୍ଯ୍ୟାଳୟ ପରିସର ବାରଣ୍ଡାରେ ଶୋଇପଡିଥିବା ଦେଖିବାକୁ ମିଳିଥିଲା। ଭତ୍ତା ଟଙ୍କା ବୃଦ୍ଧି ପାଇଁ ବାରମ୍ବାର ଦୌଡ଼ି ନିରାଶ ହେବା ପରେ ସୋମବାର ସେ ପୁଣି ଥରେ ଦାୟିତ୍ୱରେ ଥିବା ଅଧିକାରୀଙ୍କୁ ଦେଖା କରିବାକୁ ଆସିଥିଲେ। କିନ୍ତୁ ଖରା ଅଧିକ ହେବାରୁ ତାଙ୍କ ମୁଣ୍ଡ ବୁଲାଇଥିଲା ଓ ସେ କ୍ଲାନ୍ତ ହୋଇ ବାରଣ୍ଡାରେ ଶୋଇପଡିଥିବା କହିଛନ୍ତି। ବୃଦ୍ଧା ଜଣଙ୍କ ହେଲେ ଏହି ବ୍ଲକ ଅନ୍ତର୍ଗତ ବାମଦେଇପୁର ପଞ୍ଚାୟତ କଣ୍ଟେଇନାଳି ଗ୍ରାମର ସ୍ବର୍ଗତ ବାବାଜି ଦାଶଙ୍କ ସ୍ତ୍ରୀ ତାରା ଦାଶ। ସେ କହିଛନ୍ତି ଯେ ଆର୍ଥିକ ଅନଟନ ମଧ୍ୟରେ ତାଙ୍କ ପରିବାର ଚଳୁଛି। ସରକାର ୮୦ ବର୍ଷରୁ ଊର୍ଦ୍ଧ୍ୱ ବୟସର ବୃଦ୍ଧାବୃଦ୍ଧଙ୍କ ପାଇଁ ବର୍ଦ୍ଧିତ ଭତ୍ତା ବ୍ୟବସ୍ଥା କରିଛନ୍ତି। ଅର୍ଥାତ୍‌ ୬୦ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କୁ ୩୦୦ ଟଙ୍କା ଭତ୍ତା ମିଳୁଥିବା ବେଳେ ୮୦ ବର୍ଷରୁ ଊର୍ଦ୍ଧ୍ୱ ବୃଦ୍ଧାବୃଦ୍ଧଙ୍କୁ ମାସିକ ୫୦୦ ଟଙ୍କା ପ୍ରଦାନ କରାଯାଉଛି। କିନ୍ତୁ ୮୫ ବର୍ଷ ବୟସ ହୋଇଥିଲେ ମଧ୍ୟ ତାଙ୍କୁ ବର୍ଦ୍ଧିତ ଭତ୍ତା ଅର୍ଥ ମିଳୁନାହିଁ।

ଦିନକର କାହାଣୀ:ଖବରକାଗଜ ବିକ୍ରେତା ଗଗନ ରାଉତ

ଦିନକର କାହାଣୀ:ଖବରକାଗଜ ବିକ୍ରେତା ଗଗନ ରାଉତ

ଗଗନ ରାଉତ । ବୟସ ୪୯ । ସାଇକେଲ ଧରିଲେ ସେ ଛୁଟିଚାଲନ୍ତି ଚାରିଆଡକୁ। ଗତ ୨୦ ବର୍ଷ ହେଲା ସେ ଖବରକାଗଜ ବିକ୍ରିକୁ ନିଜର ପେସା ଭାବେ ଧରି ନେଇଛନ୍ତି । ଆଳି ଅଞ୍ଚଳରେ ଖବର କାଗଜ ପ୍ୟାକେଟ ଆସିବା ପୂର୍ବରୁ ସେ ଖବର କାଗଜ ପହଞ୍ଚତ୍ବା ସ୍ଥାନରେ ପହଞ୍ଚତ୍ୟାନ୍ତି । ଖବରକାଗଜ ଗାଡି ପହଞ୍ଚତ୍ଲେ ଗାଡିର ଡ୍ରାଇଭର ପ୍ରଥମେ ଗଗନକୁ ଖୋଜନ୍ତି । ଅନେକ ବିକ୍ରେତା ଥିଲେ ମଧ୍ୟ ଗଗନ ଉପରେ ସମସ୍ତଙ୍କ ଭରସା ରହିଛି । ବସ୍‌ ଡ୍ରାଇଭରଠାରୁ ଆରମ୍ଭ କରି ପାନ ଦୋକାନୀ ପର୍ଯ୍ୟନ୍ତ ସମସ୍ତେ ତାଙ୍କ ଖବରକାଗଜକୁ ଅପେକ୍ଷା କରିଥାନ୍ତି। ସମସ୍ତଙ୍କ ନିକଟରେ ସେ ଗିରି ଭାବେ ପରିଚିତ।

ସମୁଦ୍ରକୁ ଗଲେ ୧୫ ଲକ୍ଷରୁ ଊର୍ଦ୍ଧ୍ୱ କଇଁଛ  ଛୁଆ

ସମୁଦ୍ରକୁ ଗଲେ ୧୫ ଲକ୍ଷରୁ ଊର୍ଦ୍ଧ୍ୱ କଇଁଛ ଛୁଆ

ରାଜନଗର,୨୫।୪(ଡି.ଏନ୍‌.ଏ.):କଇଁଛମାନଙ୍କ ଅନ୍ତୁଡିଶାଳ ଭାବେ ପରିଚିତ ରାଜନଗର ବ୍ଲକ ଗହୀରମଥା ସାମୁଦ୍ରିକ ଅଭୟାରଣ୍ୟରେ ଅଲିଭରିଡ୍‌ଲେ ଦେଇଥିବା ଅଣ୍ଡାରୁ ଛୁଆ ଫୁଟି ସମୁଦ୍ର ମୁହଁ। ହେବାରେ ଲାଗିଛନ୍ତି। ୨ ଦିନ ମଧ୍ୟରେ ପ୍ରାୟ ୧୫ ଲକ୍ଷରୁ ଊର୍ଦ୍ଧ୍ୱ ଅଲିଭରିଡ୍‌ଲେ ଛୁଆ ଗଭୀର ସମୁଦ୍ରକୁ ଚାଲିଯାଇଛନ୍ତି ବୋଲି ବନ ବିଭାଗ ସୂତ୍ରରୁ ପ୍ରକାଶ। ଏହି ପ୍ରକ୍ରିୟା ପ୍ରାୟ ୪ରୁ ୫ ଦିନ ପର୍ଯ୍ୟନ୍ତ ଜାରିରହିବ। ସୂଚନା ଯୋଗ୍ୟ ଯେ, ଚଳିତ ବର୍ଷ ମାର୍ଚ୍ଚ ୬ରୁ ୧୨ ମଧ୍ୟରେ ୬ ଲକ୍ଷ ୬୦ ହଜାର ଅଲିଭରିଡଲେ ଗହୀରମଥା ନାସୀ-୨ରେ ସମୂହ ଅଣ୍ଡାଦାନ କରିଥିଲେ।

ଦିନକର କାହାଣୀ:ପରିବା ବେପାରୀ ସୁଦର୍ଶନ ପଣ୍ଡା

ଦିନକର କାହାଣୀ:ପରିବା ବେପାରୀ ସୁଦର୍ଶନ ପଣ୍ଡା

ଖଣ୍ଡପଡା,୨୫।୪(ସ୍ବ.ପ୍ର.)-ବସି ଖାଇଲେ ନଈବାଲି ସରେ । ଏହି କଥାକୁ ଭଲ ଭାବରେ ବୁଝିଛନ୍ତି ଜଣେ ୬୬ବର୍ଷ ବୟସ୍କ ପରିବା ବେପାରୀ ସୁଦର୍ଶନ ପଣ୍ଡା । ପୁଅମାନେ ତାଙ୍କର ରୋଜଗାରକ୍ଷମ ହୋଇଥିଲେ ମଧ୍ୟ ସେ ଘରେ ବସି ନ ରହି ପରିବା ବେପାର କରି ଅର୍ଥ ଉପାର୍ଜନ କରିପାରୁଛନ୍ତି। ଘର ତାଙ୍କର ନୟାଗଡ ଜିଲା ଅନ୍ତର୍ଗତ ଖଣ୍ଡପଡା ବ୍ଲକ ବଡବାଣପୁର ପଞ୍ଚାୟତ ଅଧୀନ ଜଗନ୍ନାଥ ସାହିରେ । ହେତୁ ପାଇବା ଦିନରୁ ପରିବାର ପ୍ରତିପୋଷଣ ପାଇଁ ମୂଲ ଲାଗି ଜୀବିକା ନିର୍ବାହ କରିଥାନ୍ତି । ତେବେ ବହୁ ଦୁଃଖ କଷ୍ଟେ ୬ ପ୍ରାଣୀ କୁଟୁମ୍ବ ଚଳାଇ ଆସୁଥିବାବେଳେ ଏବେ ଅତିକ୍ରାନ୍ତ ବୟସରେ ଆଉ ପର ଦୁଆରେ କିମ୍ବା କୌଣସି ଠିକାଦାରଙ୍କ ପାଖରେ ମୂଲ ଲାଗିବା ପାଇଁ ମନ ମାନିଲା ନାହିଁ ।

ନାବାଳିକା ବିବାହ ବନ୍ଦ କଲା ଚାଇଲ୍ଡ ଲାଇନ

ଫୁଲବାଣୀ ଅପିସ,୨୫।୪- ଗୋଚ୍ଛାପଡା ଥାନା ଅଞ୍ଚଳରେ ଚାଲିଥିବା ୨ ନାବାଳିକାଙ୍କ ବିବାହକୁ ଚାଇଲ୍ଡ ଲାଇନ ବନ୍ଦ କରିଛି। ଉଭୟ ନାବାଳିକାଙ୍କୁ ଉଦ୍ଧାର କରାଯାଇ ଶିଶୁ ମଙ୍ଗଳ କମିଟିରେ ହାଜର କରାଯାଇଛି। ଜଣେ ନାବାଳିକା ୯ମ ଶ୍ରେଣୀ ପାସ୍‌ କରି ୧୦ ମ ଶ୍ରେଣୀରେ ପଢ଼ିଥାନ୍ତେ। ହେଲେ ତାଙ୍କ ଘର ଲୋକେ ତାଙ୍କ ବିବାହ କରୁଥିଲେ। ସେହିପରି ଅନ୍ୟ ଜଣେ ନାବାଳିକାଙ୍କ ବୟସ ୧୭ବର୍ଷ। ଟୋଲ ଫି ନଂରୁ ଫୋନ କଲ ପାଇ ଚାଇଲ୍ଡ ଲାଇନ କର୍ମକର୍ତ୍ତା ପୋଲିସ ସହାୟତାରେ ଉଭୟ ନାବାଳିକାଙ୍କ ଘରକୁ ଯାଇ ବିବାହ ବନ୍ଦ କରିବା ସହ ସେମାନଙ୍କ ପରିବାର ଲୋକଙ୍କୁ ବାଲ୍ୟ ବିବାହ ଆଇନ ଉପରେ ବୁଝାଇଥିଲେ।