ଅନଗୁଳ-ଢେଙ୍କାନାଳ

ସାଥୀ କ୍ୟାସିଓ ଅଚଳ; ଦୃଷ୍ଟିହୀନ ରଞ୍ଜନ ବେସାହାରା

ସାଥୀ କ୍ୟାସିଓ ଅଚଳ; ଦୃଷ୍ଟିହୀନ ରଞ୍ଜନ ବେସାହାରା
ଢେଙ୍କାନାଳ ଅଫିସ,୧୮।୧୨-ଆଖି ଦେଇନାହାନ୍ତି ଈଶ୍ୱର। ହେଲେ ଦେଇଥିବା ମଧୁର କଣ୍ଠ ପାଇଁ ସେ ପାଇଛନ୍ତି ପରିଚୟ। ସୁନ୍ଦର ସଙ୍ଗୀତ ପରିବେଷଣ କରିପାରୁଥିବାରୁ ଅନେକ ପୁରସ୍କାର ମିଳିଛି ତାଙ୍କୁ। ବିଶେଷକରି ଦଣ୍ଡନାଚ ଓ ଜନଗହଳିପୂର୍ଣ୍ଣ ସ୍ଥାନରେ ଗୀତ ଗାଇ ପାଉଥିବା ଦୁଇ ପଇସାରେ ଘର ଚଳାନ୍ତି ସେ। ହେଲେ ଏବେ ବେସାହାରା ହୋଇଯାଇଛନ୍ତି ଢେଙ୍କାନାଳ ଜିଲା କାମାକ୍ଷାନଗର ବ୍ଲକ ଗୁନେଇବିଲି ଗ୍ରାମର ଦୃଷ୍ଟିହୀନ ରଞ୍ଜନ ବେହେରା। କାରଣ ଗୀତ ବୋଲିବା ବେଳେ ସେ ବଜାଉଥିବା କ୍ୟାସିଓ ଅଚଳ ହୋଇଯାଇଛି। ଦୀର୍ଘ ୨ ମାସ ହେଲା ଏପରି ଅବସ୍ଥା ଯୋଗୁ ରୋଜଗାର କମିଯାଇଛି। ଫଳରେ ବୃଦ୍ଧ ରୋଗଗ୍ରସ୍ତ ବାପାଙ୍କ ଠିକ୍‌ ଭାବେ ଦେଖାଶୁଣା କରିପାରୁ ନାହାନ୍ତି ରଞ୍ଜନ। ଏଥିପାଇଁ ସେ ଗତମାସରେ ଜିଲାପାଳଙ୍କ ଦ୍ୱାରସ୍ଥ ହୋଇଥିଲେ। ଅଚଳ କ୍ୟାସିଓ ମରାମତି କରିଦେବାକୁ ନିବେଦନ କରିଥିଲେ। ହେଲେ ପଦକ୍ଷେପ ନିଆ ନ ଯିବାରୁ ସୋମବାର ୩୨ କିମି ଦୂର ଜିଲା ସଦରମହକୁମାରେ ପହଞ୍ଚି ପୁଣି ଥରେ ଜିଲାପ୍ରଶାସନର ଦ୍ୱାରସ୍ଥ ହୋଇଥିଲେ ରଞ୍ଜନ। ୪୪ ବର୍ଷ ବୟସ୍କ ରଞ୍ଜନ କୁହନ୍ତି, ତାଙ୍କ ରୋଜଗାର ଉପରେ ପରିବାର ସମ୍ପୂର୍ଣ୍ଣ ନିର୍ଭର କରେ। ୧୯୮୫ରେ ସେ କଟକ ଦୃଷ୍ଟିହୀନ ବିଦ୍ୟାଳୟରୁ ବାଦ୍ୟ ଓ ଗୀତ ଶିକ୍ଷା କରିଥିଲେ। ୧୯୯୫ରେ ୩୮୧ ନଂ. ରଖି ମାଟ୍ରିକ୍‌ ପାସ କରିଥିଲେ। ହେଲେ ଶିକ୍ଷା ଅନୁଯାୟୀ କର୍ମନିଯୁକ୍ତି ନ ମିଳିବାରୁ ସେବେଠୁ ଗାଁକୁ ଫେରି ପରିବାର ସହ ରହୁଛନ୍ତି। ଭଲ କ୍ୟାସିଓ ବଜାଇ ଗୀତବୋଲି ପାରୁଥିବାରୁ ବିଭିନ୍ନ ସ୍ଥାନରୁ ପୁରସ୍କୃତ ହୋଇଛନ୍ତି। ଦିବ୍ୟାଙ୍ଗ ଭତ୍ତା ବାବଦକୁ ତାଙ୍କୁ ୫୦୦ ଟଙ୍କା ମିଳୁଛି। ହେଲେ ଏତିକି ଅର୍ଥରେ ପକ୍ଷାଘାତରେ ଆକ୍ରାନ୍ତ ବାପା ଓ ଦିବ୍ୟାଙ୍ଗ ସାନଭାଇଙ୍କ ଖର୍ଚ୍ଚ ଉଠାଇବା ମୁସ୍କିଲ। ଗତବର୍ଷ ୩ ହଜାର ଟଙ୍କା ଦେଇ ସେ କ୍ୟାସିଓ କିଣିଥିଲେ। ଏହାକୁ ବଜାଇ ଗୀତ ବୋଲି ପେଟ ଓ ପରିବାର ପାଇଁ କିଛି ଅର୍ଥ ସେ ସଂଗ୍ରହ କରିପାରୁଛନ୍ତି। କିନ୍ତୁ ଦୁଇମାସ ହେଲା ସାଥୀ କ୍ୟାସିଓ ଖରାପ ହୋଇଯିବାରୁ ସେ ନିରାଶ ହୋଇପଡିଛନ୍ତି। ମରାମତି ପାଇଁ ତାଙ୍କର ଆର୍ଥିକ ସମ୍ବଳ ନାହିଁ। ତେଣୁ ସହାୟତା ନିମନ୍ତେ ସେ ୨୭।୧୧।୧୭ରେ ଜିଲା ପ୍ରଶାସନର ଦ୍ୱାରସ୍ଥ ହୋଇଥିଲେ। କିନ୍ତୁ ପଦକ୍ଷେପ ଗ୍ରହଣ କରା ନ ଯିବାରୁ ସେ ସୋମବାର ପୁନର୍ବାର ପ୍ରଶାସନିକ ଅଧିକାରୀଙ୍କ ଦୃଷ୍ଟି ଆକର୍ଷଣ କରିଛନ୍ତି। ୨୦୦୪-୦୫ରେ ତତ୍କାଳୀନ ଜିଲାପାଳ ଉଷା ପାଢୀଙ୍କ ସମୟରେ ତାଙ୍କୁ ଏକ ଇନ୍ଦିରାଆବାସ ମିଳିଥିଲା। ଅଧିକ କିଛି ସହାୟତା ମିଳି ନ ଥିବା ବେଳେ କ୍ୟାସିଓ ଖରାପ ହୋଇଯିବା ତାଙ୍କୁ ଅସହାୟ କରିଦେଇଛି। ପରିବାର କେମିତି ଚଳାଇବେ ସେ ନେଇ ଚିନ୍ତା ବଢିଯାଇଛି। ବଞ୍ଚିବା ପାଇଁ କିଛି ସହାୟତା ଯୋଗାଇ ଦେବା ସହ କ୍ୟାସିଓଟିକୁ ଠିକ୍‌ କରିଦେଲେ ସେ ଉପକୃତ ହୋଇପାରିବେ ବୋଲି କହିଛନ୍ତି ରଞ୍ଜନ। ତେବେ ପ୍ରଶାସନ ପକ୍ଷରୁ ତାଙ୍କୁ କେବଳ ପ୍ରତିଶ୍ରୁତି ଦିଆଯିବା ସାଧାରଣରେ ଆଲୋଚନାର ବିଷୟ ହୋଇଛି।
All Right Reserved By

ଅନଗୁଳ-ଢେଙ୍କାନାଳ

ଗ୍ୟାସ ନିଆଁରୁ ମା, ଝିଅ ମୃତ୍ୟୁ ଘଟଣା: ସ୍ବୟଂ ସହାୟକ ଗୋଷ୍ଠୀ ପକ୍ଷରୁ ଜେଲ୍‌ଭରୋ ଆନ୍ଦୋଳନ

ଗ୍ୟାସ ନିଆଁରୁ ମା, ଝିଅ ମୃତ୍ୟୁ ଘଟଣା: ସ୍ବୟଂ ସହାୟକ ଗୋଷ୍ଠୀ ପକ୍ଷରୁ ଜେଲ୍‌ଭରୋ ଆନ୍ଦୋଳନ

ଭୁବନ,୨୪।୯(ଡି.ଏନ.ଏ.)- ଭୁବନ ଏନ୍‌ଏସି ୩ନଂ. ଓ୍ବାର୍ଡ ଅଧୀନ ଗୋଡ଼ିପାଟଣାର ଦୁର୍ଯ୍ୟୋଧନ ପୋଥାଳଙ୍କ ସ୍ତ୍ରୀ ମମତା ଓ ଝିଅ ଜ୍ୟୋସ୍ନାମୟୀଙ୍କ ମୃତ୍ୟୁ ଘଟଣାକୁ ନେଇ ସୋମବାର ଅଞ୍ଚଳର ସମସ୍ତ ମହିଳା ସ୍ବୟଂସହାୟକ ଗୋଷ୍ଠୀ ପକ୍ଷରୁ ଜେଲଭରୋ ଆନ୍ଦୋଳନ କରାଯାଇଛି। 

ଅବସରପ୍ରାପ୍ତ ଶିକ୍ଷକଙ୍କ ପରଲୋକ

ଢେଙ୍କାନାଳ ଅଫିସ,୨୪ା୯- ଢେଙ୍କାନାଳ ସହର ଗୁଡିଆନାଳି ଶିକ୍ଷକ କଲୋନିଠାରେ ରହୁଥିବା ଅବସରପ୍ରାପ୍ତ ପ୍ରଧାନ ଶିକ୍ଷକ ଅନ୍ତର୍ଯ୍ୟାମୀ ଶତପଥୀ(୮୪)ଙ୍କ ସୋମବାର ଭୋର ସମୟରେ ପରଲୋକ ହୋଇଯାଇଛି। 

ଇନ୍‌ଜେକ୍ସନ ନେଇ ଯୁବକଙ୍କ ମୃତ୍ୟୁ ଅଭିଯୋଗ

ଇନ୍‌ଜେକ୍ସନ ନେଇ ଯୁବକଙ୍କ ମୃତ୍ୟୁ ଅଭିଯୋଗ


ଅନୁଗୋଳ ଅଫିସ,୨୪।୯- ଅନୁଗୋଳ ଥାନା ବଲାସିଂଘା ଗ୍ରାମ ବାଲିସାହିର ଜଣେ ଯୁବକ ଇନଜେକ୍ସନ ନେଇ ମୃତ୍ୟୁବରଣ କରିଛନ୍ତି। ଏ ନେଇ ତାଙ୍କ ପରିବାର ଲୋକ ଥାନାରେ ଅଭିଯୋଗ କରିଛନ୍ତି। ସମ୍ପୃକ୍ତ ଯୁବକ ଜଣକ ହାଟ ଛକରେ ଥିବା ଜୈନେକ ଡାକ୍ତରଙ୍କ ପାଖରେ ଦହ ଦେଖେଇ ଏକ ଔଷଧ ଦୋକାନରେ ଇନଜେକ୍ସନ ନେଇଥିଲେ। ପରେ ତାଙ୍କ ଦେହ ଅସୁସ୍ଥ ହୋଇଥିଲା। 

ଅନୁଗୋଳ ଅଗ୍ନିଶମ କର୍ମଚାରୀଙ୍କ ଆନ୍ଦୋଳନ

ଅନୁଗୋଳ ଅଗ୍ନିଶମ କର୍ମଚାରୀଙ୍କ ଆନ୍ଦୋଳନ


ଅନୁଗୋଳ ଅଫିସ,୨୪।୯-  ବିଭିନ୍ନ ଦାବିରେ  ଅନୁଗୋଳ ଅଗ୍ନିଶମ କର୍ମଚାରୀମାନେ ଅନିର୍ଦ୍ଦିଷ୍ଟ କାଳ ପାଇଁ କାର୍ଯ୍ୟବନ୍ଦ ଆନ୍ଦୋଳନ କରିଛନ୍ତି। 

ଆମ ପୋଲିସ ସମିତି ବୈଠକ

ଆମ ପୋଲିସ ସମିତି ବୈଠକ

ଛେଣ୍ଡିପଦା,୨୪।୯(ଡି.ଏନ.ଏ.)- ଛେଣ୍ଡିପଦା ଥାନା ପୋଲିସ ପ୍ରଶାସନ ପକ୍ଷରୁ ବସନ୍ତପୁର ପଞ୍ଚାୟତ ଅଫିସଠାରେ ସୋମବାର ଆମ ପୋଲିସ ସମିତି ବୈଠକ ଅନୁଷ୍ଠିତ ହୋଇଯାଇଛି। ଥାନା ଆଇଆଇସି ନିର୍ମଳା ଗୋଚ୍ଛାୟତଙ୍କ ତତ୍ତ୍ୱାବଧାନରେ ଆୟୋଜିତ ଏହି ବୈଠକରେ ପଞ୍ଚାୟତସ୍ତରୀୟ ଆଇନଶୃଙ୍ଖଳା ପରିସ୍ଥିତି ସମ୍ପର୍କରେ ଆଲୋଚନା କରାଯାଇଥିଲା।

୭୪ ଅଭିଯୋଗ ଶୁଣିଲେ ଜିଲାପାଳ

୭୪ ଅଭିଯୋଗ ଶୁଣିଲେ ଜିଲାପାଳ

କାମାକ୍ଷାନଗର,୨୪।୯(ଡି.ଏନ.ଏ.)- କାମାକ୍ଷାନଗର ବ୍ଲକ ପରିସରରେ ସୋମବାର ଜିଲାପାଳଙ୍କ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି।

ଅଗ୍ନିକାଣ୍ଡ: ୪ ବଖରା ଛାର୍‌ଖାର

ଅଗ୍ନିକାଣ୍ଡ: ୪ ବଖରା ଛାର୍‌ଖାର


ପରଜଙ୍ଗ,୨୪ା୯(ଡି.ଏନ.ଏ.)- ପରଜଙ୍ଗ ବ୍ଲକ କଲଦା ପଞ୍ଚାୟତ ବ୍ରାହ୍ମଣୀବେଡିଆ ଗ୍ରାମରେ ଗ୍ୟାସ ସିଲିଣ୍ଡର ଲିକେଜ୍‌ରୁ ଅଗ୍ନିକାଣ୍ଡ ଘଟି ୪ ବଖରା ଛାରଖାର ହୋଇଯାଇଛି। 

ବିନା ଡିଜେରେ ହେବ ବଳଦଯାତ୍ରା

ବିନା ଡିଜେରେ ହେବ ବଳଦଯାତ୍ରା

ଭୁବନ, ୨୪ା୯(ଡି.ଏନ୍‌.ଏ.)- ଢେଙ୍କାନାଳ ଜିଲା ଭୁବନ ଅଞ୍ଚଳର ଐତିହ୍ୟର ପ୍ରତୀକ ବଳଦଯାତ୍ରାରେ ବାଜିବନି ତୀବ୍ର ଶବ୍ଦଯୁକ୍ତ ଡିଜେ। ସର୍ବସାଧାରଣଙ୍କ ସ୍ବାର୍ଥ, ପରମ୍ପରା ବଞ୍ଚାଇ ରଖିବାକୁ ଯାଇ ସର୍ବସମ୍ମତ୍ତିକ୍ରମେ ଏପରି ନିଷ୍ପତ୍ତି ନିଆଯାଇଛି। ଏହାପରେ ଯାତ୍ରାକୁ ନେଇ ଲାଗି ରହିଥିବା ଅନିଶ୍ଚିତତାରେ ପଡ଼ିଛି ଯବନିକା, ଯାହାକୁ ସ୍ବାଗତ କରିଛନ୍ତି ବିଭିନ୍ନ ବର୍ଗର ବୁଦ୍ଧିଜୀବୀ। 
ବଳଦଯାତ୍ରାରେ ଡିଜେ ସାଉଣ୍ଡ ବାଜିବ କି ନାହିଁ ତାହାକୁ ନେଇ ଟଣାଓଟରା ଲାଗି ରହିଥିଲା। କେତେକ ବଳଦିଆ ଏବଂ ପୂଜା କମିଟି କର୍ମକର୍ତ୍ତା ଡିଜେ ସାଉଣ୍ଡ ସପକ୍ଷରେ ରହିଥିବାବେଳେ ଏହାକୁ ବିରୋଧ କରିଥିଲା ଶାନ୍ତି କମିଟି। ଏପରି କି କଟକଣା ନ ମାନିଲେ ଯାତ୍ରାରୁ ଓହରି ଯିବାକୁ ଧମକ ଦେଇଥିଲେ କମିଟି ସଭ୍ୟ। ଏହାପରେ ଯାତ୍ରା ଅନିଶ୍ଚିତତା ଭିତରକୁ ଠେଲି ହୋଇଯାଇଥିଲା।

ବର୍ଷା ହେଲେ ପାଠପଢ଼ା ଠପ୍‌

ବର୍ଷା ହେଲେ ପାଠପଢ଼ା ଠପ୍‌

ଭୁବନ, ୨୪ା୯(ଡି.ଏନ୍‌.ଏ.)- ଢେଙ୍କାନାଳ ଜିଲା ଭୁବନ ବ୍ଲକ ଯମୁନାକୋଟ ପଞ୍ଚାୟତ ନୃସିଂହପୁରରେ ରହିଛି ଉଚ୍ଚ ପ୍ରାଥମିକ ବିଦ୍ୟାଳୟ। ୧୯୫୮ରୁ ଆରମ୍ଭ ହୋଇଥିବା ଏହି ସ୍କୁଲରେ ପ୍ରଥମରୁ ସପ୍ତମ ଯାଏ ୬୮ଜଣ ପିଲା ପଢ଼ୁଛନ୍ତି। ଶିକ୍ଷାଦାନ ଲାଗି ୪ଜଣ ଶିକ୍ଷୟିତ୍ରୀଶିକ୍ଷକଙ୍କୁ ନିଯୁକ୍ତି ଦିଆଯାଇଛି।

ନାବାଳିକାଙ୍କୁ ଅପହରଣ, ଯୁବକ ଗିରଫ

ନାବାଳିକାଙ୍କୁ ଅପହରଣ, ଯୁବକ ଗିରଫ

ଛେଣ୍ଡିପଦା,୨୪ା୯(ସ୍ବ.ପ୍ର.)- ଅନୁଗୋଳ ଜିଲା ଜରପଡା ଥାନା ଅଞ୍ଚଳର ଜଣେ ନାବାଳିକାଙ୍କୁ ଅପହରଣ କରିବା ଅଭିଯୋଗରେ ପୋଲିସ ବନ୍ତଳା ଥାନା ପୁରୁଣାଗଡ ଗ୍ରାମର ପଞ୍ଚାନନ ବେହେରା(୧୯)ଙ୍କୁ ଗିରଫ କରି କୋର୍ଟଚାଲାଣ କରିଛି। ପୋଲିସ କହିଛି,  ସମ୍ପୃକ୍ତା ନାବାଳିକାଙ୍କୁ ପଞ୍ଚାନନ ଶୁକ୍ରବାର ଅପହରଣ କରି ନିଜ ଘରେ ରଖିଥିଲେ। 

ବର୍ଷାରେ ଭିଜୁଛନ୍ତି, ଖରାରେ ସିଝୁଛନ୍ତି

ବର୍ଷାରେ ଭିଜୁଛନ୍ତି, ଖରାରେ ସିଝୁଛନ୍ତି

ଅନୁଗୋଳ ଅଫିସ, ୨୪ା୯- ଏକମାତ୍ର ଝାଟି ମାଟି ଘର ଭୁଶୁଡି ପଡିଲା। ସୌଭାଗ୍ୟବଶତଃ କାନ୍ଥ ପଡିବାରୁ ବଞ୍ଚିଗଲୁ ସିନା ଏବେ ମୁଣ୍ଡ ଗୁଞ୍ଜିବାକୁ ଜାଗା ନାହିଁ। ପୋଷାକ ପତ୍ରଠାରୁ ଆରମ୍ଭ କରି ରୋଷେଇ ସାମଗ୍ରୀ କାନ୍ଥ ତଳେ ପୋତି ହୋଇଯାଇଛି। ପାଖରେ କିଛି ନ ଥିବାରୁ ୨ ଦିନ ହେଲା ବାହାରେ ବର୍ଷାରେ ଭିଜୁଛୁ। ସେମିତି ଘର ବାହାରେ ପଡି ରହି ପ୍ରଶାସନର ସହାୟତାକୁ ଅନାଇଛୁ। କେହି ଟିକିଏ ସାହାଯ୍ୟ କଲେ ଘରଟା ଉଠିପାରନ୍ତା ବୋଲି ଅସହାୟ ଅବସ୍ଥାରେ ଦୁଃଖ ବଖାଣିଛନ୍ତି ଅନୁଗୋଳ ଜିଲା ବଅଁରପାଳ ବ୍ଲକ ରାଉତଳା ଗ୍ରାମର ଅରକ୍ଷିତ ସାହୁ(୭୫)।

କଣିହାଁରେ ହାତୀ ଉପଦ୍ରବ, ମିଳିବ କ୍ଷତିପୂରଣ

କଣିହାଁରେ ହାତୀ ଉପଦ୍ରବ, ମିଳିବ କ୍ଷତିପୂରଣ

କଣିହାଁ, ୨୪ା୯(ଡି.ଏନ.ଏ.)- କଣିହାଁ ବନାଞ୍ଚଳ ଅଧୀନରେ ୪ ଦିନ ହେଲା ହାତୀ ଉପଦ୍ରବ ଲାଗି ରହିଛି। ଏଥିଯୋଗୁ ବହୁ ଫସଲ ନଷ୍ଟ ହେବା ସହ ଚାଷୀମାନେ କ୍ଷତିଗ୍ରସ୍ତ ହୋଇଛନ୍ତି। ବନ ବିଭାଗ ପକ୍ଷରୁ ହାତୀ ଘଉଡାଇବା କାମ ଜାରି ରହିଛି। ଏହି ଇଲାକାରେ ପଶିଥିବା ୧୪ଟି ହାତୀ ମଧ୍ୟରୁ ୪ଟି ଅନ୍ୟ ବନାଞ୍ଚଳକୁ ଯାଇଥିବାବେଳେ ଆଉ ୧୦ ହାତୀ ରହି ଉପଦ୍ରବ କରୁଛନ୍ତି।