Dharitri News
ଅନଗୁଳ-ଢେଙ୍କାନାଳ

ସାଥୀ କ୍ୟାସିଓ ଅଚଳ; ଦୃଷ୍ଟିହୀନ ରଞ୍ଜନ ବେସାହାରା

ସାଥୀ କ୍ୟାସିଓ ଅଚଳ; ଦୃଷ୍ଟିହୀନ ରଞ୍ଜନ ବେସାହାରା ଢେଙ୍କାନାଳ ଅଫିସ,୧୮।୧୨-ଆଖି ଦେଇନାହାନ୍ତି ଈଶ୍ୱର। ହେଲେ ଦେଇଥିବା ମଧୁର କଣ୍ଠ ପାଇଁ ସେ ପାଇଛନ୍ତି ପରିଚୟ। ସୁନ୍ଦର ସଙ୍ଗୀତ ପରିବେଷଣ କରିପାରୁଥିବାରୁ ଅନେକ ପୁରସ୍କାର ମିଳିଛି ତାଙ୍କୁ। ବିଶେଷକରି ଦଣ୍ଡନାଚ ଓ ଜନଗହଳିପୂର୍ଣ୍ଣ ସ୍ଥାନରେ ଗୀତ ଗାଇ ପାଉଥିବା ଦୁଇ ପଇସାରେ ଘର ଚଳାନ୍ତି ସେ। ହେଲେ ଏବେ ବେସାହାରା ହୋଇଯାଇଛନ୍ତି ଢେଙ୍କାନାଳ ଜିଲା କାମାକ୍ଷାନଗର ବ୍ଲକ ଗୁନେଇବିଲି ଗ୍ରାମର ଦୃଷ୍ଟିହୀନ ରଞ୍ଜନ ବେହେରା। କାରଣ ଗୀତ ବୋଲିବା ବେଳେ ସେ ବଜାଉଥିବା କ୍ୟାସିଓ ଅଚଳ ହୋଇଯାଇଛି। ଦୀର୍ଘ ୨ ମାସ ହେଲା ଏପରି ଅବସ୍ଥା ଯୋଗୁ ରୋଜଗାର କମିଯାଇଛି। ଫଳରେ ବୃଦ୍ଧ ରୋଗଗ୍ରସ୍ତ ବାପାଙ୍କ ଠିକ୍‌ ଭାବେ ଦେଖାଶୁଣା କରିପାରୁ ନାହାନ୍ତି ରଞ୍ଜନ। ଏଥିପାଇଁ ସେ ଗତମାସରେ ଜିଲାପାଳଙ୍କ ଦ୍ୱାରସ୍ଥ ହୋଇଥିଲେ। ଅଚଳ କ୍ୟାସିଓ ମରାମତି କରିଦେବାକୁ ନିବେଦନ କରିଥିଲେ। ହେଲେ ପଦକ୍ଷେପ ନିଆ ନ ଯିବାରୁ ସୋମବାର ୩୨ କିମି ଦୂର ଜିଲା ସଦରମହକୁମାରେ ପହଞ୍ଚି ପୁଣି ଥରେ ଜିଲାପ୍ରଶାସନର ଦ୍ୱାରସ୍ଥ ହୋଇଥିଲେ ରଞ୍ଜନ। ୪୪ ବର୍ଷ ବୟସ୍କ ରଞ୍ଜନ କୁହନ୍ତି, ତାଙ୍କ ରୋଜଗାର ଉପରେ ପରିବାର ସମ୍ପୂର୍ଣ୍ଣ ନିର୍ଭର କରେ। ୧୯୮୫ରେ ସେ କଟକ ଦୃଷ୍ଟିହୀନ ବିଦ୍ୟାଳୟରୁ ବାଦ୍ୟ ଓ ଗୀତ ଶିକ୍ଷା କରିଥିଲେ। ୧୯୯୫ରେ ୩୮୧ ନଂ. ରଖି ମାଟ୍ରିକ୍‌ ପାସ କରିଥିଲେ। ହେଲେ ଶିକ୍ଷା ଅନୁଯାୟୀ କର୍ମନିଯୁକ୍ତି ନ ମିଳିବାରୁ ସେବେଠୁ ଗାଁକୁ ଫେରି ପରିବାର ସହ ରହୁଛନ୍ତି। ଭଲ କ୍ୟାସିଓ ବଜାଇ ଗୀତବୋଲି ପାରୁଥିବାରୁ ବିଭିନ୍ନ ସ୍ଥାନରୁ ପୁରସ୍କୃତ ହୋଇଛନ୍ତି। ଦିବ୍ୟାଙ୍ଗ ଭତ୍ତା ବାବଦକୁ ତାଙ୍କୁ ୫୦୦ ଟଙ୍କା ମିଳୁଛି। ହେଲେ ଏତିକି ଅର୍ଥରେ ପକ୍ଷାଘାତରେ ଆକ୍ରାନ୍ତ ବାପା ଓ ଦିବ୍ୟାଙ୍ଗ ସାନଭାଇଙ୍କ ଖର୍ଚ୍ଚ ଉଠାଇବା ମୁସ୍କିଲ। ଗତବର୍ଷ ୩ ହଜାର ଟଙ୍କା ଦେଇ ସେ କ୍ୟାସିଓ କିଣିଥିଲେ। ଏହାକୁ ବଜାଇ ଗୀତ ବୋଲି ପେଟ ଓ ପରିବାର ପାଇଁ କିଛି ଅର୍ଥ ସେ ସଂଗ୍ରହ କରିପାରୁଛନ୍ତି। କିନ୍ତୁ ଦୁଇମାସ ହେଲା ସାଥୀ କ୍ୟାସିଓ ଖରାପ ହୋଇଯିବାରୁ ସେ ନିରାଶ ହୋଇପଡିଛନ୍ତି। ମରାମତି ପାଇଁ ତାଙ୍କର ଆର୍ଥିକ ସମ୍ବଳ ନାହିଁ। ତେଣୁ ସହାୟତା ନିମନ୍ତେ ସେ ୨୭।୧୧।୧୭ରେ ଜିଲା ପ୍ରଶାସନର ଦ୍ୱାରସ୍ଥ ହୋଇଥିଲେ। କିନ୍ତୁ ପଦକ୍ଷେପ ଗ୍ରହଣ କରା ନ ଯିବାରୁ ସେ ସୋମବାର ପୁନର୍ବାର ପ୍ରଶାସନିକ ଅଧିକାରୀଙ୍କ ଦୃଷ୍ଟି ଆକର୍ଷଣ କରିଛନ୍ତି। ୨୦୦୪-୦୫ରେ ତତ୍କାଳୀନ ଜିଲାପାଳ ଉଷା ପାଢୀଙ୍କ ସମୟରେ ତାଙ୍କୁ ଏକ ଇନ୍ଦିରାଆବାସ ମିଳିଥିଲା। ଅଧିକ କିଛି ସହାୟତା ମିଳି ନ ଥିବା ବେଳେ କ୍ୟାସିଓ ଖରାପ ହୋଇଯିବା ତାଙ୍କୁ ଅସହାୟ କରିଦେଇଛି। ପରିବାର କେମିତି ଚଳାଇବେ ସେ ନେଇ ଚିନ୍ତା ବଢିଯାଇଛି। ବଞ୍ଚିବା ପାଇଁ କିଛି ସହାୟତା ଯୋଗାଇ ଦେବା ସହ କ୍ୟାସିଓଟିକୁ ଠିକ୍‌ କରିଦେଲେ ସେ ଉପକୃତ ହୋଇପାରିବେ ବୋଲି କହିଛନ୍ତି ରଞ୍ଜନ। ତେବେ ପ୍ରଶାସନ ପକ୍ଷରୁ ତାଙ୍କୁ କେବଳ ପ୍ରତିଶ୍ରୁତି ଦିଆଯିବା ସାଧାରଣରେ ଆଲୋଚନାର ବିଷୟ ହୋଇଛି।

ଅନଗୁଳ-ଢେଙ୍କାନାଳ

ଗଡ଼ ରକ୍ଷା କଲା ବିଜେଡି: ଉପନିର୍ବାଚନରେ ଜିତିଲେ ଅଜିତ

ଗଡ଼ ରକ୍ଷା କଲା ବିଜେଡି: ଉପନିର୍ବାଚନରେ ଜିତିଲେ ଅଜିତ

ଅନୁଗୋଳ ଅଫିସ,୧୭।୧- ଅନୁଗୋଳ ପୌରପରିଷଦ ୧୦ନଂ. ୱାର୍ଡ ଉପନିର୍ବାଚନରେ ବାଜି ମାରିଛନ୍ତି ବିଜେଡି ପ୍ରାର୍ଥୀ ଅଜିତ କୁମାର ପ୍ରଧାନ। ସେ ୧୮୫ ଭୋଟରେ ଭାଜପାର ପାର୍ଥସାରଥି ରାୟଙ୍କୁ ପରାସ୍ତ କରିଛନ୍ତି। ଅଜିତ ୪୭୬ ଖଣ୍ଡ ଭୋଟ ପାଇଥିବା ବେଳେ ପାର୍ଥସାରଥି ୨୯୧ ଭୋଟ ପାଇଥିଲେ।

ମାମଲା ବଢ଼ିଛି, ଅପରାଧ କମିଛି

ମାମଲା ବଢ଼ିଛି, ଅପରାଧ କମିଛି

ଅନୁଗୋଳ ଅଫିସ,୧୭।୧- ଅନୁଗୋଳ ଜିଲାରେ ଅପରାଧ ହ୍ରାସ ପାଇଛି। ବୁଧବାର ଏକ ଖବରଦାତା ସମ୍ମିଳନୀରେ ଅନୁଗୋଳ ଏସ୍‌ପି ବ୍ରିଜେଶ କୁମାର ରାୟ ଏହି ସୂଚନା ଦେଇଛନ୍ତି। ଏହି ଅବସରରେ ଏସ୍‌ପି ଗତ ୨୦୧୬-୧୭ ବର୍ଷରେ ହୋଇଥିବା ବିଭିନ୍ନ ଅପରାଧର ବିବରଣୀ ପ୍ରଦାନ କରିଥିଲେ।

ଅକ୍ଳାନ୍ତ ପରିଶ୍ରମ ସଫଳତାର ଚାବିକାଠି

ଅକ୍ଳାନ୍ତ ପରିଶ୍ରମ ସଫଳତାର ଚାବିକାଠି

ଛେଣ୍ଡିପଦା,୧୭।୧(ଡି.ଏନ.ଏ.)- ଛେଣ୍ଡିପଦା ବ୍ଲକ ଦୁର୍ଗାପୁର ପଞ୍ଚାୟତ ଉଚ୍ଚ ବିଦ୍ୟାଳୟ ପକ୍ଷରୁ ବୁଧବାର ବାର୍ଷିକ ପୁରସ୍କାର ବିତରଣୀ ଉତ୍ସବ ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷକ ହୃଦାନନ୍ଦ ସାହୁଙ୍କ ସଭାପତିତ୍ୱରେ ଆୟୋଜିତ ଏହି ଉତ୍ସବରେ ମୁଖ୍ୟଅତିଥି ଭାବେ ଛେଣ୍ଡିପଦା ବିଧାୟକ ସୁଶାନ୍ତ କୁମାର ବେହେରା ଯୋଗ ଦେଇଥିଲେ।

ଅକ୍ଳାନ୍ତ ପରିଶ୍ରମ ସଫଳତାର ଚାବିକାଠି

ଛେଣ୍ଡିପଦା,୧୭।୧(ଡି.ଏନ.ଏ.)- ଛେଣ୍ଡିପଦା ବ୍ଲକ ଦୁର୍ଗାପୁର ପଞ୍ଚାୟତ ଉଚ୍ଚ ବିଦ୍ୟାଳୟ ପକ୍ଷରୁ ବୁଧବାର ବାର୍ଷିକ ପୁରସ୍କାର ବିତରଣୀ ଉତ୍ସବ ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷକ ହୃଦାନନ୍ଦ ସାହୁଙ୍କ ସଭାପତିତ୍ୱରେ ଆୟୋଜିତ ଏହି ଉତ୍ସବରେ ମୁଖ୍ୟଅତିଥି ଭାବେ ଛେଣ୍ଡିପଦା ବିଧାୟକ ସୁଶାନ୍ତ କୁମାର ବେହେରା ଯୋଗ ଦେଇଥିଲେ।

ଟ୍ରକ୍‌ ଧକ୍କାରେ ଜଳିଗଲା ବାଇକ୍‌, ୩ ଗୁରୁତର

ଟ୍ରକ୍‌ ଧକ୍କାରେ ଜଳିଗଲା ବାଇକ୍‌, ୩ ଗୁରୁତର

ପାଲଲହଡ଼ା,୧୭।୧(ଡି.ଏନ.ଏ.)- ପାଲଲହଡ଼ା ବ୍ଲକ ଖମାର ଥାନା ନୁଥୁରିପଶି ଛକ ପେଟ୍ରୋଲ ପମ୍ପ ନିକଟରେ ବୁଧବାର ଏକ ବାଇକ୍‌କୁ ଏକ ଟ୍ରକ୍‌ ଧକ୍କା ଦେବାରୁ ୩ ବାଇକ୍‌ ଆରୋହୀ ଗୁରୁତର ହୋଇଛନ୍ତି। ଗୁରୁତରଙ୍କ ମଧ୍ୟରେ ଜଣେ ୮ ବର୍ଷର ବାଳିକା ରହିଛି। ଏହି ଦୁର୍ଘଟଣାରେ ବାଇକ୍‌ଟି ସମ୍ପୂର୍ଣ୍ଣ ଜଳିଯାଇଛି।

କଣିହାଁ ବ୍ଲକ: ୧୯ରେ ଉପନିର୍ବାଚନ

କଣିହାଁ,୧୭।୧(ଡି.ଏନ.ଏ.)- କଣିହାଁ ବ୍ଲକରେ ଖାଲିପଡ଼ିଥିବା ଓ୍ବାର୍ଡ଼ସଭ୍ୟ ପଦବୀ ପାଇଁ ଆସନ୍ତା ୧୯ ତାରିଖରେ ଉପନିର୍ବାଚନ ଅନୁଷ୍ଠିତ ହେବ।

ହାତୀ ଆକ୍ରମଣରେ ବାପା ମୃତ, ପୁଅ ଆହତ: ମୃତଦେହ ରଖି ରାସ୍ତାରୋକୋ

ହାତୀ ଆକ୍ରମଣରେ ବାପା ମୃତ, ପୁଅ ଆହତ: ମୃତଦେହ ରଖି ରାସ୍ତାରୋକୋ

ଢେଙ୍କାନାଳ ଅଫିସ,୧୭।୧- ଢେଙ୍କାନାଳ ସଦର ଥାନା ଗେଙ୍ଗୁଟିଆ ଗ୍ରାମରେ ହାତୀ ଆକ୍ରମଣରେ ଚାଷୀ ପୂର୍ଣ୍ଣଚନ୍ଦ୍ର ସାହୁ(୬୨)ଙ୍କ ବୁଧବାର ଅପରାହ୍ନ ସାଢେ ୫ଟାରେ ମୃତ୍ୟୁ ହୋଇଛି। ଏହାସହ ତାଙ୍କ ପୁଅ ଯୁଧିଷ୍ଠିର ସାହୁ(୩୮) ଆହତ ହୋଇଛନ୍ତି। ଘଟଣାରେ ଉତ୍ତେଜିତ ହୋଇ ମୃତକଙ୍କ ସମ୍ପର୍କୀୟ ଓ ଅଞ୍ଚଳବାସୀ ମୃତଦେହକୁ ରଖି ସନ୍ଧ୍ୟା ୭ଟାରୁ ରାତି ୯ଟା ପର୍ଯ୍ୟନ୍ତ ରାସ୍ତା ଅବରୋଧ କରିଥିଲେ। ଫଳରେ ଢେଙ୍କାନାଳ-କାମାକ୍ଷାନଗର ରାସ୍ତାର ଉଭୟ ପାର୍ଶ୍ୱରେ ବହୁ ଯାନବାହନ ଅଟକି ରହିଥିଲା।

‘ଦେଶର ବିକାଶରେ ନାଗରିକଙ୍କ ଭୂମିକା ଗୁରୁତ୍ୱପୂର୍ଣ୍ଣ’

‘ଦେଶର ବିକାଶରେ ନାଗରିକଙ୍କ ଭୂମିକା ଗୁରୁତ୍ୱପୂର୍ଣ୍ଣ’

ଢେଙ୍କାନାଳ ଅଫିସ,୧୭।୧- ଢେଙ୍କାନାଳ ଜିଲା ଗଁଦିଆ ବ୍ଲକ ଅଞ୍ଚଳର ରୟାଲ କ୍ଲବ ପରିସରରେ ବୁଧବାର ଶିଶିର ମହୋତ୍ସବ ଉଦଘାଟିତ ହୋଇଯାଇଛି।

ଦାୟିତ୍ୱ ନେଲେ ନୂତନ ଜିଲାପାଳ:‘କୃଷିକୁ ଅଗ୍ରାଧିକାର ଦିଆଯିବ’

ଦାୟିତ୍ୱ ନେଲେ ନୂତନ ଜିଲାପାଳ:‘କୃଷିକୁ ଅଗ୍ରାଧିକାର ଦିଆଯିବ’

ଢେଙ୍କାନାଳ ଅଫିସ,୧୭।୧- ଢେଙ୍କାନାଳ ଜିଲାର ନୂତନ ଜିଲାପାଳ ଭାବେ ନିଖିଲ ପବନ କଲ୍ୟାଣ ବୁଧବାର ଅପରାହ୍ନରେ ଜିଲା କାର୍ଯ୍ୟାଳୟକୁ ଆସି ଦାୟିତ୍ୱ ଗ୍ରହଣ କରିଛନ୍ତି। ଜିଲାସ୍ତରୀୟ ଅଧିକାରୀ ଏବଂ ଜିଲା କାର୍ଯ୍ୟାଳୟର ଅଧିକାରୀ ଓ କର୍ମଚାରୀମାନେ ତାଙ୍କୁ ସ୍ବାଗତ କରିଥିଲେ।

ଘରଡିହ ପଟ୍ଟା ପାଇଁ ଉପଜିଲାପାଳଙ୍କ ଦ୍ୱାରସ୍ଥ

ଘରଡିହ ପଟ୍ଟା ପାଇଁ ଉପଜିଲାପାଳଙ୍କ ଦ୍ୱାରସ୍ଥ

କାମାକ୍ଷାନଗର,୧୭।୧(ଡି.ଏନ.ଏ)- ଢେଙ୍କାନାଳ ଜିଲା କାମାକ୍ଷାନଗର ପଞ୍ଚାୟତ ଭାଲୁମୁଣ୍ଡା ଗ୍ରାମର ମହିଳାମାନେ ଘରଡିହ ପଟ୍ଟା ପ୍ରଦାନ ଦାବିରେ ବୁଧବାର ଉପଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି। ବାସୋପଯୋଗୀ ଜାଗା ନ ଥିବା ଲୋକଙ୍କୁ ସରକାରଙ୍କ ପକ୍ଷରୁ ଗୁଣ୍ଠିକିଆ ଜାଗା ଯୋଗାଇ ଦେବାର ବ୍ୟବସ୍ଥା ରହିଛି।

ଦୁର୍ଘଟଣାରେ ଗୁରୁତର ବ୍ୟକ୍ତିଙ୍କ ମୃତ୍ୟୁ

ବଇଣ୍ଡା,୧୭।୧(ଡି.ଏନ.ଏ.)- ହଣ୍ଡପା ଥାନା ନିକଟରେ ମଙ୍ଗଳବାର ଏକ କାର-ବାଇକ ଧକ୍କାରେ ଗୁରୁତର ହୋଇଥିବା ବାଇକ୍‌ ଚାଳକ ବଣିନାଳୀ ଗ୍ରାମର ବାଜପେୟୀ ବେହେରାଙ୍କ ବୁଧବାର ମୃତ୍ୟୁ ଘଟିଛି।

୨ ବଖରା ଜଳିଗଲା

ବଇଣ୍ଡା, ୧୭। ୧(ଡି.ଏନ.ଏ.)- ଆଠମଲ୍ଲିକ ବ୍ଲକ ପଟାପଥର ଗ୍ରାମରେ ବୁଧବାର ସନ୍ଧ୍ୟାରେ ଅଗ୍ନିକାଣ୍ଡ ଘଟି ଲକ୍ଷ୍ମୀଧର ପ୍ରଧାନଙ୍କ ୨ ବଖରା ଚାଳଘର ଜଳିଯାଇଛି।