ଅନଗୁଳ-ଢେଙ୍କାନାଳ

ଚିକିତ୍ସା ଅବହେଳାରୁ ଶ୍ରମିକଙ୍କ ମୃତ୍ୟୁ ଅଭିଯୋଗ;ଜିଲା ମୁଖ୍ୟ ଚିକିତ୍ସାଳୟରେ ଉତ୍ତେଜନା

ଚିକିତ୍ସା ଅବହେଳାରୁ ଶ୍ରମିକଙ୍କ ମୃତ୍ୟୁ ଅଭିଯୋଗ;ଜିଲା ମୁଖ୍ୟ ଚିକିତ୍ସାଳୟରେ ଉତ୍ତେଜନା
ଢେଙ୍କାନାଳ ଅଫିସ,୧୮।୧୨- ଚିକିତ୍ସାରେ ଅବହେଳା ଯୋଗୁ ସୋମବାର ଜଣେ ଶ୍ରମିକଙ୍କ ଜିଲା ମୁଖ୍ୟ ଚିକିତ୍ସାଳୟରେ ସୋମବାର ମୃତ୍ୟୁ ଘଟିଥିବା ଅଭିଯୋଗ ହୋଇଛି। ଏ ନେଇ ଚିକିତ୍ସାଳୟ ପରିସରରେ ଉତ୍ତେଜନା ଦେଖାଦେଇଥିଲା। ଘଟଣା ମୁତାବକ, ଦିନ ପ୍ରାୟ ୧୨ଟାରେ ସହରସ୍ଥିତ କାଞ୍ଚନବଜାର ଶିବ ମଣ୍ଡପଠାରେ ଏକ ପାଇଖାନା ଟାଙ୍କି ଉପରେ କାମ କରୁଥିବା ବେଳେ ଟାଙ୍କି ଭୁଶୁଡି ପଡିବାରୁ ସମୀର ସାମଲ(୨୦) ନାମକ ଜଣେ ଶ୍ରମିକ ଗୁରୁତର ହୋଇଥିଲେ। ତାଙ୍କୁ ଗୁରୁତର ଅବସ୍ଥାରେ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ତାଙ୍କର ମୃତ୍ୟୁ ଘଟିଥିଲା। ତେବେ ଡାକ୍ତରଖାନାରେ ଚିକିତ୍ସାରେ ଅବହେଳା ଯୋଗୁ ସମୀରଙ୍କ ମୃତ୍ୟୁ ହୋଇଥିବା ତାଙ୍କ ସମ୍ପର୍କୀୟ ଓ ଗ୍ରାମବାସୀ ଅଭିଯୋଗ କରିଥିଲେ। ସମୀର ଗୁରୁତର ଥିଲେ ମଧ୍ୟ ଡାକ୍ତରଖାନାରେ ଭର୍ତ୍ତି ହେବା ପରେ ପ୍ରାୟ ୩ ଘଣ୍ଟା ପର୍ଯ୍ୟନ୍ତ ତାଙ୍କୁ ସେଠାରେ ରଖାଯାଇ ଉପଯୁକ୍ତ ଚିକିତ୍ସା ଯୋଗାଯାଇ ନ ଥିଲା। ତେଣୁ ତାଙ୍କର ମୃତ୍ୟୁ ଘଟିଥିବା ପରିବାର ଲୋକେ ଅଭିଯୋଗ କରିଥିଲେ। ପରେ ଉତ୍ତ୍ୟକ୍ତ ହୋଇ ତାଙ୍କ ସମ୍ପର୍କୀୟ ଓ ଗ୍ରାମବାସୀ ରୋଗୀ ପଞ୍ଜୀକରଣ କେନ୍ଦ୍ର, ଅନ୍ୟ ପ୍ରକୋଷ୍ଠର ଝରକା, କବାଟ ବନ୍ଦ କରିଦେବା ସହ ଚିକିତ୍ସାଳୟର ମୁଖ୍ୟ ଫାଟକକୁ ମଧ୍ୟ ବନ୍ଦ କରି ପ୍ରତିବାଦ କରିଥିଲେ। ଖବରପାଇ ଉପଜିଲାପାଳଙ୍କ କାର୍ଯ୍ୟାଳୟର ଆସିଷ୍ଟାଣ୍ଟ କଲେକ୍ଟର ଲକ୍ଷ୍ମୀଧର ରାଉତଙ୍କ ସମେତ ଟାଉନଥାନା ଅଧିକାରୀ ଅଭିନବ ଡାଳୁଆ ଓ ପୋଲିସ କର୍ମଚାରୀ ଏବଂ ମିଳିତବଜାର ପୂଜା କମିଟି ସଭାପତି ରାମଚନ୍ଦ୍ର ପାତ୍ର ପ୍ରମୁଖ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାଶୁଝା କରିଥିଲେ। ପରେ ରେଡକ୍ରସରୁ ପ୍ରାଥମିକ ଭାବେ ୧୦ ହଜାର ଟଙ୍କା ସହାୟତା ପ୍ରଦାନ କରାଯାଇଥିଲା। ଅଧିକ ସହାୟତା ପାଇଁ ଜିଲାପାଳଙ୍କ ସହିତ ଆଲୋଚନା କରାଯିବ ବୋଲି ଅଧିକାରୀମାନେ ଗ୍ରାମବାସୀଙ୍କୁ ବୁଝାଇବା ପରେ ଉତ୍ତେଜନା କମିଥିଲା। ଏ ସଂକ୍ରାନ୍ତରେ ଟାଉନ ଥାନାରେ ନଂ. ୩୨/୧୭ରେ ଏକ ଅପମୃତ୍ୟୁ ମାମଲା ରୁଜୁ କରାଯିବା ସହ ମୃତଦେହ ବ୍ୟବଚ୍ଛେଦ ପାଇଁ ପଠାଯାଇଛି। ଘଟଣା ସମ୍ପର୍କରେ ଅତିରିକ୍ତ ଜିଲା ଚିକିତ୍ସାଧିକାରୀ(ମେଡିକାଲ) ଡା. ସୁଜାତାରାଣୀ ମିଶ୍ର କୁହନ୍ତି, ଚିକିତ୍ସାରେ କୌଣସି ଅବହେଳା କରାଯାଇନାହିଁ । ପେସେଣ୍ଟଙ୍କ ଅବସ୍ଥା ଗୁରୁତର ଥିଲା। ତେଣୁ ତାଙ୍କର ମୃତ୍ୟୁ ହୋଇଥିଲା ବୋଲି ସେ ପ୍ରକାଶ କରିଛନ୍ତି।
All Right Reserved By

ଅନଗୁଳ-ଢେଙ୍କାନାଳ

୨ ପରିବାର ମଧ୍ୟରେ ଗଣ୍ଡଗୋଳ: ୨ ମାମଲା, ୫ ଗିରଫ

୨ ପରିବାର ମଧ୍ୟରେ ଗଣ୍ଡଗୋଳ: ୨ ମାମଲା, ୫ ଗିରଫ

ବଇଣ୍ଡା, ୨୩ା୧୦(ଡି.ଏନ.ଏ.)- ହଣ୍ଡପା ଥାନା ଗଦେଇମୁଣ୍ଡା ଗ୍ରାମରେ ଜମିବାଡି ସମସ୍ୟାକୁ ନେଇ ରବିବାର ୨ ପରିବାର ମଧ୍ୟରେ ଗଣ୍ଡଗୋଳ ହୋଇଥିଲା। ଏଥିରେ ପୋଲିସ ଦୁଇଟି ମାମଲା ରୁଜୁ କରି ୫ ଜଣଙ୍କୁ ଗିରଫ କରି ମଙ୍ଗଳବାର ଆଠମଲ୍ଲିକ କୋର୍ଟଚାଲାଣ କରିଛି। 

କେନାଲ କବାଟ ତଳେ ଚାପିହୋଇ ଗଲା ଛାତ୍ରଙ୍କ ଜୀବନ

କେନାଲ କବାଟ ତଳେ ଚାପିହୋଇ ଗଲା ଛାତ୍ରଙ୍କ ଜୀବନ

ପରଜଙ୍ଗ, ୨୩।୧୦(ଡି.ଏନ.ଏ.): ଢେଙ୍କାନାଳ ଜିଲା ପରଜଙ୍ଗ ବ୍ଲକ ରେଙ୍ଗାଳ ମୁଖ୍ୟ ବାମ କେନାଲରୁ ବାହାରିଥିବା ପରଜଙ୍ଗ ବ୍ରାଞ୍ଚ କେନାଲର ମେଣ୍ଢାପଦା ଗାଁ ନିକଟରେ ମଙ୍ଗଳବାର ୧୦ଟା ବେଳେ ପାଟରପଦା ଗ୍ରାମର କନ୍ଦର୍ପ ବିଶ୍ୱାଳଙ୍କ ପୁଅ ଶାନ୍ତନୁ ବିଶ୍ୱାଳ(୧୭) ଗାଧୋଉ ଥିବାବେଳେ କେନାଲରେ ଲାଗିଥିବା କବାଟ ତଳେ ଚାପି ହୋଇ ମୃତ୍ୟୁବରଣ କରିଛନ୍ତି। 

୪ ବନ କର୍ମଚାରୀ ସୁରକ୍ଷିତ

୪ ବନ କର୍ମଚାରୀ ସୁରକ୍ଷିତ

ଅନୁଗୋଳ ଅଫିସ, ୨୩।୧୦: ସାତକୋଶିଆ ଅଞ୍ଚଳରେ ଉପଦ୍ରବ ବାଘୁଣୀ ‘ସୁନ୍ଦରୀ’କୁ ସୁନ୍ଦରୀକୁ ଟ୍ରାଙ୍କୁଲାଇଜ କରି ଏନକ୍ଲୋଜରକୁ ଆଣିବାକୁ ଯାଇଥିବା ୪ ବନବିଭାଗର କର୍ମଚାରୀ ସୁରକ୍ଷିତ ଭାବେ ଘରେ ଅଛନ୍ତି।

ଯୁବକଙ୍କ ସନ୍ଦେହଜନକ ମୃତ୍ୟୁ

ଯୁବକଙ୍କ ସନ୍ଦେହଜନକ ମୃତ୍ୟୁ

ବଅଁରପାଳ, ୨୩।୧୦(ଡି.ଏନ୍‌.ଏ.): ଅନୁଗୋଳ ଜିଲା ନାଲକୋ କଲୋନୀ ପରିସରରୁ ମଙ୍ଗଳବାର ସକାଳେ ଗୁରୁତର ଅବସ୍ଥାରେ ଉଦ୍ଧାର ଜଣେ ଯୁବକଙ୍କର ସନ୍ଦେହଜନକ ମୃତ୍ୟୁ ଘଟିଛି। ସେ ହେଲେ ମୁନା ସାମଲ(୪୦)। 

ସୁନ୍ଦରୀକୁ ନେଇ ଚିନ୍ତା:କେନ୍ଦ୍ର ଜଙ୍ଗଲ ମନ୍ତ୍ରୀଙ୍କୁ ଚିଠି ଲେଖିଲେ ଧର୍ମେନ୍ଦ୍ର

ସୁନ୍ଦରୀକୁ ନେଇ ଚିନ୍ତା:କେନ୍ଦ୍ର ଜଙ୍ଗଲ ମନ୍ତ୍ରୀଙ୍କୁ ଚିଠି ଲେଖିଲେ ଧର୍ମେନ୍ଦ୍ର

ଅନୁଗୋଳ ଅଫିସ/ବନ୍ତଳା,୨୩ା୧୦ମଧ୍ୟପ୍ରଦେଶର ବାନ୍ଧବଗଡ଼ରୁ ଅନୁଗୋଳ ସାତକୋଶିଆ ଆସିଥିବା ବାଘୁଣୀ ସୁନ୍ଦରୀ ବାରମ୍ବାର ସ୍ଥାନୀୟ ଲୋକଙ୍କୁ ଆକ୍ରମଣ କରି ଜୀବନ ନେଉଛି। 

୫୦ ଲକ୍ଷ କ୍ଷତିପୂରଣ ଦାବି କଲା କଂଗ୍ରେସ

୫୦ ଲକ୍ଷ କ୍ଷତିପୂରଣ ଦାବି କଲା କଂଗ୍ରେସ

ଅନୁଗୋଳ ଅଫିସ,୨୩ା୧୦ ବାଘୁଣୀ ଆକ୍ରମଣରେ ମୃତ ତ୍ରିନାଥ ସାହୁଙ୍କ ପରିବାରକୁ ୫୦ ଲକ୍ଷ ଟଙ୍କାର କ୍ଷତିପୂରଣ ଦେବାକୁ ଅନୁଗୋଳ ଜିଲା କଂଗ୍ରେସ ପକ୍ଷରୁ ଦାବି କରାଯାଇଛି। ଏଥିସହ ବାଘୁଣୀକୁ ସ୍ଥାନାନ୍ତର, ମୃତକଙ୍କ ପରିବାରର ଜଣଙ୍କୁ ସରକାରୀ ଚାକିରି ପାଇଁ ଦଳ ଦାବି କରିଛି।

ଭାଜପା ରଖିଲା ସ୍ଥାନାନ୍ତର ଦାବି:ସ୍ଥାନାନ୍ତର ନ ହେଲେ ଜିଲାବ୍ୟାପୀ ଆନ୍ଦୋଳନ

ଭାଜପା ରଖିଲା ସ୍ଥାନାନ୍ତର ଦାବି:ସ୍ଥାନାନ୍ତର ନ ହେଲେ ଜିଲାବ୍ୟାପୀ ଆନ୍ଦୋଳନ

ଅନୁଗୋଳ ଅଫିସ,୨୩ା୧୦ଅନୁଗୋଳ ଜିଲା ପ୍ରଶାସନିକ ଅଧିକାରୀଙ୍କୁ ଭେଟି ଭାଜପା କର୍ମୀମାନେ ବାଘୁଣୀ ଆକ୍ରମଣରେ ମୃତକଙ୍କ ପରିବାରକୁ କ୍ଷତିପୂରଣ ଦେବା ସହ ତୁରନ୍ତ ସୁନ୍ଦରୀକୁ ସ୍ଥାନାନ୍ତର କରିବାକୁ ଦାବି କରିଥିଲେ। 

‘ଶାନ୍ତି ପାଇଁ ଲୋଡ଼ା କଳାସଂସ୍କୃତି’

‘ଶାନ୍ତି ପାଇଁ ଲୋଡ଼ା କଳାସଂସ୍କୃତି’

ଢେଙ୍କାନାଳ ଅଫିସ, ୨୩ା୧୦ସଂସ୍କୃତିର ସହର ଢେଙ୍କାନାଳ। ଏଠାକାର ସାଂସ୍କୃତିକ ଅନୁଷ୍ଠାନ ପ୍ରଚେଷ୍ଟାରେ ଅନେକ ପ୍ରତିଭାବାନ କଳାକାର ସୃଷ୍ଟି ହୋଇପାରିଛନ୍ତି। 

‘ବାଜି ରାଉତଙ୍କ ବଳିଦାନ ବଡ଼ ପ୍ରେରଣା’

‘ବାଜି ରାଉତଙ୍କ ବଳିଦାନ ବଡ଼ ପ୍ରେରଣା’

ଢେଙ୍କାନାଳ ଅଫିସ, ୨୩ା୧୦ଢେଙ୍କାନାଳ ମାଟିର ବୀର ସନ୍ତାନ ଶହୀଦ ବାଜି ରାଉତ। ମାତ୍ର ୧୨ବର୍ଷ ବୟସରେ ସେ ଦେଶ ଲାଗି ବଳିଦାନ ଦେଇଥିଲେ। ଏହା ହିଁ ଏଠାକାର ଯୁବଗୋଷ୍ଠୀ ପାଇଁ ସବୁଠାରୁ ବଡ଼ ପ୍ରେରଣା ବୋଲି କହିଛନ୍ତି ଅର୍ଥମନ୍ତ୍ରୀ ଶଶିଭୂଷଣ ବେହେରା। 

ଓଡ଼ିଶାର ସର୍ବକନିଷ୍ଠ ୱେବ୍‌ ଡିଜାଇନର ଆୟୁଷ

ଓଡ଼ିଶାର ସର୍ବକନିଷ୍ଠ ୱେବ୍‌ ଡିଜାଇନର ଆୟୁଷ

ଅନୁଗୋଳ ଅଫିସ,୨୩ା୧୦ ମାତ୍ର ୧୧ ବର୍ଷ ବୟସରେ ବିନା କୌଣସି ବୃତ୍ତିଗତ ଟ୍ରେନିଂରେ ଷଷ୍ଠ ଶ୍ରେଣୀରେ ପଢ଼ୁଥିବା ଆୟୁଷ ରଞ୍ଜନ ରାଉତ ଜଣେ ସଫଳ ୱେବ୍‌ ଡିଜାଇନର ହୋଇ ପରିଛନ୍ତି। 

‘ଦୁର୍ନୀତି ବିରୋଧୀ ଆନ୍ଦୋଳନ ତୀବ୍ର ହେବ’

‘ଦୁର୍ନୀତି ବିରୋଧୀ ଆନ୍ଦୋଳନ ତୀବ୍ର ହେବ’

ପରଜଙ୍ଗ,  ୨୩ା୧୦(ଡି.ଏନ୍‌.ଏ.)ରାଜ୍ୟ ସରକାରଙ୍କ ଦ୍ୱାରା ଆରମ୍ଭ ହୋଇଥିବା ‘ଆମ ଗଁା, ଆମ ବିକାଶ କାର୍ଯ୍ୟକ୍ରମ’ ଲୋକଦେଖାଣିଆ। ଏଥିରେ ସାଧାରଣ ଲୋକଙ୍କ ଅପେକ୍ଷା ବିଜେଡି କର୍ମୀ  ଅଧିକ ଲାଭବାନ ହେଉଛନ୍ତି। 

ସହାୟତା ପାଇଁ ୩ ଘଣ୍ଟା ଅପେକ୍ଷା

ସହାୟତା ପାଇଁ ୩ ଘଣ୍ଟା ଅପେକ୍ଷା

ଅନୁଗୋଳ ଅଫିସ,୨୩ା୧୦ଅନୁଗୋଳ ଜିଲା ମୁଖ୍ୟ କାର୍ଯ୍ୟାଳୟଠାରେ ସୋମବାର ଜିଲାସ୍ତରୀୟ ମିଳିତ ଜନ ଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।