ଉପକୂଳ ଓଡିଶା

ଲକ୍ଷ୍ୟଚ୍ୟୁତ ସ୍ବାୟତ୍ତ ଶାସନ ଆଭିମୁଖ୍ୟ, ୫୦ପ୍ରତିଶତ ୟୁସି ଦାଖଲ ବାକି

ଲକ୍ଷ୍ୟଚ୍ୟୁତ ସ୍ବାୟତ୍ତ ଶାସନ ଆଭିମୁଖ୍ୟ, ୫୦ପ୍ରତିଶତ ୟୁସି ଦାଖଲ ବାକି

ଯାଜପୁର ଅଫିସ,୧୯ା୧୨- ଯାଜପୁର ଜିଲାର ୨ପୌରସଂସ୍ଥା ବ୍ୟାସନଗର ଓ ଯାଜପୁର ଟାଉନ ମୌଳିକ କର୍ତ୍ତବ୍ୟକୁ ଭୁଲି ଯାଇଛି। ବିଶେଷକରି ବ୍ୟାସନଗର ପୌରସଂସ୍ଥାର ବିଭିନ୍ନ ଉନ୍ନୟନ କାର୍ଯ୍ୟ ପାଇଁ ଗତ ୯ବର୍ଷ ମଧ୍ୟରେ ପ୍ରାୟ ୨୦କୋଟି ଟଙ୍କା ଅନୁଦାନ ଆବଣ୍ଟିତ ହୋଇଛି । ହେଲେ ସେଥିରୁ ମାତ୍ର ୧୦କୋଟି ଟଙ୍କାର ବିନିଯୋଗ ପତ୍ର(ୟୁସି) ଦାଖଲ ହୋଇଥିବା ଜଣାପଡିଛି । ଯଦ୍ୱାରା ପରବର୍ତ୍ତି ଅନୁଦାନ ଆସିବାରେ ବିଳମ୍ବ ହେଉଛି। ସମନ୍ବିତ ଗୃହ ନିର୍ମାଣରେ ପ୍ରାୟ ୬କୋଟି ଟଙ୍କାର ୟୁସି ବାକି ଥିବା ସୂଚନା ମଳିଥିବାବେଳେ ୧କୋଟି ୨୯ଲକ୍ଷ ଟଙ୍କାର ବ୍ୟାସନଗର ସଂସ୍କୃତି ଭବନ, ୧ କୋଟି ୮୭ ଲକ୍ଷ ଟଙ୍କାର କେଏନଡିଏ ବିଲ୍ଡିଂ ଓ ୧ କୋଟି ୭୧ ଲକ୍ଷ ଟଙ୍କାର କଲ୍ୟାଣ ମଣ୍ଡପ ଅଧାପନ୍ତରିଆ ଅବସ୍ଥାରେ ରହିଛି। ଯାଜପୁର ପୌରସଂସ୍ଥାରେ ମଧ୍ୟ ସମ୍ପୂର୍ଣ୍ଣ ତଥ୍ୟ ମିଳି ନ ଥିଲେ ହେଁ ପ୍ରାୟ ୫୦ ପ୍ରତିଶତ ୟୁସି ବାକି ପଡିଛି ା ଫଳରେ ସ୍ବାୟତ୍ତ ଶାସନର ମୂଳ ଆଭିମୂଖ୍ୟ ଲକ୍ଷ୍ୟଚ୍ୟୁତ ହେବା ସହ ବ୍ୟାସନଗର ଓ ଯାଜପୁର ପୌରସଂସ୍ଥା ସରକାରୀ ଅନୁଦାନ ସୁବିନିଯୋଗ କ୍ଷେତ୍ରରେ ବିଫଳ ହୋଇଛି।
ରାଜ୍ୟ ସରକାରଙ୍କ ଗୃହ ଓ ନଗର ଉନ୍ନୟନ ବିଭାଗ ପକ୍ଷରୁ ଯାଜପୁର ଜିଲାର ୨ପୌର ପରିଷଦର ସର୍ବାଙ୍ଗୀନ ଉନ୍ନତି ପାଇଁ କେବଳ ୨୦୧୫-୧୬ଆର୍ଥିକ ବର୍ଷରେ ୭ଟି ପର୍ଯ୍ୟାୟରେ ୪କୋଟି ୫୫ଲକ୍ଷ ୫୨ହଜାର ଟଙ୍କା ଅନୁଦାନ ମଞ୍ଜୁର ହୋଇଥିଲା। ସେଥିମଧ୍ୟରୁ ଯାଜପୁର ପୌରପରିଷଦ ପାଇଁ ୨କୋଟି ୮୩ ଲକ୍ଷ ୪୯ ହଜାର ଟଙ୍କା ଏବଂ ବ୍ୟାସନଗର ପୌରପରିଷଦ ପାଇଁ ୧ କୋଟି ୭୨ ଲକ୍ଷ ୩ ହଜାର ଟଙ୍କା ରହିଛି ା ଯାଜପୁର ପୌର ପରିଷଦର କେବଳ କୁସୁମୀ ପୋଖରୀର ଉନ୍ନୟନ ପାଇଁ ସ୍ବତନ୍ତ୍ର ଭାବେ ୯୫ ଲକ୍ଷ ଟଙ୍କା ମଞ୍ଜୁର ହୋଇଛି। ପୂର୍ବରୁ କୁସୁମୀ ପୋଖରୀ ପାଇଁ ବିଭିନ୍ନ ଅନୁଦାନରୁ ୧କୋଟି ୯୨ ଲକ୍ଷଟଙ୍କା ଖର୍ଚ୍ଚ ହୋଇ ସାରିଛି। ଏଯାବତ ପ୍ରାୟ ୫କୋଟି ଟଙ୍କା କୁସୁମୀ ପୋଖରୀର ସୌନ୍ଦର୍ଯ୍ୟକରଣ ପାଇଁ ଅନୁଦାନ ଆସିଥିବା ଜଣାପଡିଛି। ଇସ୍ପାତ ଶିଳ୍ପର ରାଜଧାନୀ କଳିଙ୍ଗନଗରର ମୁଖଶାଳା ବ୍ୟାସନଗର ସହର ଆଜି ସବୁ କ୍ଷେତ୍ରରେ ଉପେକ୍ଷିତ। ପୌରାଧ୍ୟକ୍ଷା ଓ କାଉନସିଲରଙ୍କ ମଧ୍ୟରେ କଳି ଏବଂ ବ୍ୟାସନଗର ସହରପ୍ରତି ଅସହଯୋଗ ଆନ୍ତରିକତାର ଅଭାବ ସହରର ସାମଗ୍ରିକ ବିକାଶରେ ଅନ୍ତରାୟ ସୃଷ୍ଟି ହୋଇଛି। ଗତ ୨୦୧୬ମାର୍ଚ୍ଚରେ ୭ଟି ପର୍ଯ୍ୟାୟରେ ଏହି ଦୁଇ ପୌର ପରିଷଦକୁ ଅନୁଦାନ ମଞ୍ଜୁର ହୋଇଛି। ସମସ୍ତ ପର୍ଯ୍ୟାୟରେ ଯାଜପୁର ପୌର ପରିଷଦକୁ ସାମିଲ କରାଯାଇଥିବାବେଳେ ସେଥିରୁ ମାତ୍ର ୪ ଟି ପର୍ଯ୍ୟାୟରେ ବ୍ୟାସନଗରକୁ ସାମିଲ କରାଯାଇଛି। ୩ଟି ପର୍ଯ୍ୟାୟରେ କୁସୁମୀ ପୋଖରୀର ଉନ୍ନତିକରଣ ପାଇଁ ପାଣ୍ଠି ମଞ୍ଜୁର ହୋଇଛି ା ଯାଜପୁର ଓ ବ୍ୟାସନଗର ପୌରପରିଷଦ ପାଇଁ ୯.୧୫ ଲକ୍ଷ ଟଙ୍କା ଲେଖାଏ ପାଣ୍ଠି ମଞ୍ଜୁର ହୋଇଥିଲା। ଦ୍ୱିତୀୟ ପର୍ଯ୍ୟାୟରେ ଯାଜପୁର ପାଇଁ ୫୧.୫୪ଲକ୍ଷ ଏବଂ ବ୍ୟାସନଗର ପାଇଁ ୬୭.୩୦ଲକ୍ଷ ଟଙ୍କା, ୩ୟ ପର୍ଯ୍ୟାୟରେ ଯାଜପୁର ପାଇଁ ୫୮.୫୦ ଲକ୍ଷ ଓ ବ୍ୟାସନଗର ପାଇଁ ୭୬.୩୮ଲକ୍ଷ, ୪ର୍ଥ ପର୍ଯ୍ୟାୟରେ ଯାଜପୁର ପୌର ପରିଷଦ ପାଇଁ ୨୪.୮୪ଲକ୍ଷ ଟଙ୍କା(କୁସୁମୀ ପୋଖରୀର ଉନ୍ନୟନ ପାଇଁ ୧୬.୨୭ ଲକ୍ଷ ଓ ରାସ୍ତା ଉନ୍ନତିକରଣ ପାଇଁ ୮.୫୭ ଲକ୍ଷ), ୫ମ ପର୍ଯ୍ୟାୟରେ ଯାଜପୁର ପୌର ପରିଷଦ ପାଇଁ ୩୩.୧୩ ଲକ୍ଷ(କୁସୁମୀ ପୋଖରୀ ୨୧.୭୦ ଲକ୍ଷ ଓ ରାସ୍ତା ୧୧.୪୩ଲକ୍ଷ ଟଙ୍କା), ୬ଷ୍ଠ ପର୍ଯ୍ୟାୟରେ ଯାଜପୁର ଓ ବ୍ୟାସନଗର ପୌର ପରିଷଦ ପାଇଁ ୧୯.୨୦ ଲକ୍ଷ ଟଙ୍କା ଲେଖାଏଁ ଏବଂ ୭ମ ପର୍ଯ୍ୟାୟରେ କେବଳ ଯାଜପୁର ପୌରପରିଷଦ ପାଇଁ ୮୭.୦୩ ଲକ୍ଷ ( କୁସୁମୀ ପୋଖରୀ ୫୭.୦୩ ଲକ୍ଷ ଓ ରାସ୍ତା ୩୦ ଲକ୍ଷ) ଟଙ୍କା ମଞ୍ଜୁର ହୋଇଛି ା କୁସୁମୀ ପୋଖରୀ ପାଇଁ ପର୍ଯ୍ୟାପ୍ତ ଅନୁଦାନ ମଞ୍ଜୁର ହୋଇଥିଲେ ହେଁ ସମ୍ପୂର୍ଣ୍ଣ ହେବାର ନାଁ ଧରୁନାହିଁ। ଏହା ପୂର୍ବରୁ ଓ ପରେ ମଧ୍ୟ କୋଟି କୋଟି ଟଙ୍କା ମଞ୍ଜୁର ହୋଇଛି, ଯାହାର ହିସାବ ଠିକ ଭାବେ ମଳି ପାରୁନାହିଁ । ମଞ୍ଜୁର ପାଣ୍ଠିରେ ପ୍ରାୟ ରାଜସ୍ବ ଆଦାୟ ଆଭିମୂଖ୍ୟ ରହିଛି। ଠିକ ସମୟରେ ୟୁସି ଦାଖଲ ଏବଂ ଅନୁଦାନ ଅଭାବରୁ ବ୍ୟାସନଗର ପୌର ପରିଷଦରେ ବ୍ୟାସ ସରୋବର ଜରାଜୀର୍ଣ୍ଣ ଅବସ୍ଥାରେ ପଡି ରହିଛି। ଏଠାକାର ଟାଉନହଲ, କଲ୍ୟାଣ ମଣ୍ଡପ, ବସ୍‌ଷ୍ଟାଣ୍ଡ, ରେଳୱେ ଷ୍ଟେଶନ ସହ ଡ୍ରେନେଜ, ଡାକ୍ତରଖାନା, ରାସ୍ତାଘାଟର ଅବସ୍ଥାକୁ ଦେଖିଲେ ଯେ କେହି ବି ସହରର ବିକାଶ ଉପରେ ଠାଉରାଇ ପାରିବ। ଏସଂକ୍ରାନ୍ତରେ ବ୍ୟାସନଗର ପୌରାଧ୍ୟକ୍ଷା ସବିତା ରାଉତଙ୍କୁ ପଚାରିବାରେ ଅନୁଦାନ ଅନୁସାରେ ପ୍ରକଳ୍ପ ସମ୍ପୂର୍ଣ୍ଣ ହେବା ପରେ ୟୁସି ଦାଖଲ କରୁଛୁ। ପରବର୍ତ୍ତି ଅନୁଦାନ ପାଇଁ ୟୁସି ଦାଖଲରେ କୌଣସି ହେଳା କରାଯାଉ ନାହିଁ ବୋଲି ରାଉତ କହିଛନ୍ତି।

All Right Reserved By

Model This Week

ନିକିତା

ଉପକୂଳ ଓଡିଶା

ମା’ରାମଚଣ୍ଡୀ ପୀଠରେ ଝାମୁଯାତ୍ରା: ବିଭିନ୍ନ ଖାଇବା ଦୋକାନରେ ଚଢାଉ

ମା’ରାମଚଣ୍ଡୀ ପୀଠରେ ଝାମୁଯାତ୍ରା: ବିଭିନ୍ନ ଖାଇବା ଦୋକାନରେ ଚଢାଉ

ମହାକାଳପଡା, ୧୯ା୪ (ଡି.ଏନ.ଏ.)- ମହାକାଳପଡା ବ୍ଲକ ଅଞ୍ଚଳର ପ୍ରମୁଖ ଶକ୍ତିପୀଠ ରାମନଗରସ୍ଥିତ ମା’ଦରିଆ ରାମଚଣ୍ଡୀ ପୀଠରେ ଚାଲିଥିବା ଝାମୁଯାତ୍ରା ଅବସରରେ ପଡ଼ିଥିବା ବିଭିନ୍ନ ଖାଇବା ଦୋକାନରେ ଗୁରୁବାର ଜିଲା ଜନ ସ୍ବାସ୍ଥ୍ୟ ଟିମ୍‌ ପକ୍ଷରୁ ଚଢ଼ାଉ କରାଯାଇଥିଲା। ଚଢ଼ାଉ ବେଳେ ବହୁ ଦୋକାନରୁ ବାସୀ ଓ ଖାଇବା ଅନୁପଯୋଗୀ ବହୁ ଖାଦ୍ୟ ଟିମ୍‌ ସଦସ୍ୟ ଫିଙ୍ଗି ଦେଇଥିଲେ। ଏଥିସହ ଖାଦ୍ୟରେ ରାସାୟନିକ ରଙ୍ଗ ବ୍ୟବହାର ପାଇଁ ଦୋମାନୀମାନଙ୍କୁ ବାରଣ କରିଥିଲେ। ଏହି ଟିମ୍‌ରେ ଜିଲା ଖାଦ୍ୟ ସୁରକ୍ଷା ଅଧିକାରିଣୀ ସମୀତା ଦାସ, କର୍ମଚାରୀ ଦିନବନ୍ଧୁ ବେହେରା ଓ ଶଙ୍କର୍ଷଣ ଦାସ ସାମିଲ ଥିଲେ।

ମା’ ପଞ୍ଚୁବରାହୀଙ୍କ ସ୍ଥାନାନ୍ତରିତ ପ୍ରକ୍ରିୟା ଆରମ୍ଭ: ବଗପାଟିଆରେ ପହଞ୍ଚତ୍ଲା ଆଜ୍ଞାମାଳ

ମା’ ପଞ୍ଚୁବରାହୀଙ୍କ ସ୍ଥାନାନ୍ତରିତ ପ୍ରକ୍ରିୟା ଆରମ୍ଭ: ବଗପାଟିଆରେ ପହଞ୍ଚତ୍ଲା ଆଜ୍ଞାମାଳ

ରାଜନଗର, ୧୯।୪ (ଡି.ଏନ୍‌.ଏ.):ଶୁକବ୍ରାର ବଗପାଟିଆ ଆସିବେ ମା’ ପଞ୍ଚୁବରାହୀ। ଏ ନେଇ ସାତଭାୟାରେ ମା’ଙ୍କୁ ହଜାର ହଜାର ଶ୍ରଦ୍ଧାଳୁ ଶେଷ ଦର୍ଶନ କରିଛନ୍ତି। ମନ୍ଦିରରେ ଗୁରୁବାରଠାରୁ ନୀତି ନିର୍ଘଣ୍ଟ ଅନୁସାରେ ପୂଜାର୍ଚ୍ଚନା କରାଯାଇଥିଲା। ରାଜପୁରୋଧା ମନମୋହନ ତ୍ରିପାଠୀ ଓ ମା’ଙ୍କ ପୁରୋଧା ସଚ୍ଚିଦାନନ୍ଦ ଶତପଥୀଙ୍କ ଦ୍ୱାରା ଆଜ୍ଞାଯଜ୍ଞ କରାଯାଇଥିଲା। ଏଥିରେ ମନ୍ଦିର ପରିଚାଳନା ଦାୟିତ୍ୱରେ ଥିବା ଦେବୋତ୍ତର ବିଭାଗର ମଧ୍ୟବର୍ତ୍ତୀକାଳୀନ ଟ୍ରଷ୍ଟି କନିକା ରାଜାସାହେବ ଶିବେନ୍ଦ୍ର ନାରାୟଣ ଭଞ୍ଜଦେଓ ଓ ରାଣୀ ମୃଣାଳିନୀ ଦେବୀ କର୍ତ୍ତାଭାବେ ଯୋଗଦେଇ ଯଜ୍ଞ ପୂର୍ଣ୍ଣାହୁତି ଦେଇଥିଲେ। ପୂଜାପାଠ ପରେ ମା’ଙ୍କଠାରୁ ଆଜ୍ଞାମାଳ ଆଣି ରାଜଦମ୍ପତ୍ତି ନୂତନ ମନ୍ଦିରରେ ପହଞ୍ଚତ୍ଥିଲେ। ଏହାପରେ ସେଠାରେ ପୂର୍ବ କାର୍ଯ୍ୟସୂଚୀ ଅନୁସାରେ ମନ୍ଦିର ପ୍ରତିଷ୍ଠା ଓ ଅନ୍ୟାନ୍ୟ ପୂଜାବିଧି କରାଯାଇଥିଲା। ଶୁକ୍ରବାର ଭୋର ୫ଟାରେ ଠାକୁରାଣୀଙ୍କ ପୂଜକ ସାତଭାୟାରେ ମା’ଙ୍କୁ ଶେଷ ସ୍ନାନ ଓ ମାର୍ଜଣା କରିବା ସହ ସହ ବାଲ୍ୟ ଭୋଗ ଲାଗି କରିବେ। ଭୋର ୬ଟାରେ ମା’ଙ୍କ ସ୍ଥାନାନ୍ତରଣ ପ୍ରକ୍ରିୟା ଆରମ୍ଭ ହେବ। ଏଥିପାଇଁ ଗୁରୁବାର ପତ୍ନତତ୍ତ୍ୱ ବିଭାଗର ୫ଜଣ ସଦସ୍ୟ ସାତଭାୟାରେ ପହଞ୍ଚତ୍ଛନ୍ତି।

ଚୋରା ମଦ ବ୍ୟବସାୟୀ ଗିରଫ

କଳିଙ୍ଗନଗର,୧୯।୪(ଡି.ଏନ.ଏ)- ଚୋରା ମଦ ବ୍ୟବସାୟ ଅଭିଯୋଗରେ ଜିନ୍ଦଲ ୩ନଂ ଗେଟ୍‌ ନିକଟରେ ରହୁଥିବା ରଞ୍ଜନ ପାତ୍ର(୪୬)ଙ୍କୁ ଗୁରୁବାର ସନ୍ଧ୍ୟାରେ ଦାନଗଦୀ ପୋଲିସ ଗିରଫ କରିଛି।

ଗଣ୍ଡଗୋଳ କରି ଫେରାର ଥିବା ୬ ଅଭିଯୁକ୍ତ ଗିରଫ

କୋରେଇ,୧୯।୪(ସ୍ବ.ପ୍ର.)- କୋରେଇ ଥାନା ଅନ୍ତର୍ଗତ ଖମିଗାଁ ଗୋପାଳପୁର ଓ ପଛିକୋଟ ପଞ୍ଚାୟତରେ ପୂର୍ବରୁ ଗଣ୍ଡଗୋଳ କରି ଫେରାର ଥିବା ୬ ଅଭିଯୁକ୍ତଙ୍କୁ ବୁଧବାର ରାତିରେ କୋରେଇ ପୋଲିସ ଗିରଫ କରି ଗୁରୁବାର କୋର୍ଟ ଚାଲାଣ କରିଛି।

ମୃତ୍ୟୁ ସହ ସଂଗ୍ରାମ କରୁଛନ୍ତି ମା’: ଶିଶୁ ସୁରକ୍ଷା ୟୁନିଟକୁ ସ୍ଥାନାନ୍ତର ହେଲା ୩ମାସର ଶିଶୁପୁତ୍ର

ମୃତ୍ୟୁ ସହ ସଂଗ୍ରାମ କରୁଛନ୍ତି ମା’: ଶିଶୁ ସୁରକ୍ଷା ୟୁନିଟକୁ ସ୍ଥାନାନ୍ତର ହେଲା ୩ମାସର ଶିଶୁପୁତ୍ର

ଡୁବୁରୀ,୧୯।୪(ଡି.ଏନ.ଏ)- ଦାନଗଦୀ ବ୍ଲକ ଅନ୍ତର୍ଗତ ରଣାଗୁଣ୍ଡି ପଞ୍ଚାୟତର ଦକ୍ଷିଣପଶି ଗ୍ରାମର ମୋଚିରାମ ମୁଣ୍ଡାଙ୍କ ସ୍ତ୍ରୀ ଗୁମି(୪୫) ମାର୍ଚ୍ଚ ୨୩ରେ ରୋଷେଇ କରୁଥିବା ବେଳେ ପୋଡ଼ି ହୋଇ ଗୁରୁତର ହୋଇଥିଲେ। ଏବେ ସେ ମୃତ୍ୟୁ ସହ ସଂଗ୍ରାମ କରୁଥିବା ଜଣାପଡ଼ିଛି।

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ଭିଡିଓ କନ୍‌ଫରେନ୍ସିଂରେ କୋରଡା ସରପଞ୍ଚଙ୍କ ସହ ଆଲୋଚନା କଲେ ମୁଖ୍ୟମନ୍ତ୍ରୀ

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ଭିଡିଓ କନ୍‌ଫରେନ୍ସିଂରେ କୋରଡା ସରପଞ୍ଚଙ୍କ ସହ ଆଲୋଚନା କଲେ ମୁଖ୍ୟମନ୍ତ୍ରୀ

ନୂଆଗାଁ,୧୯।୪(ଡି.ଏନ.ଏ.)- ନୟାଗଡ ଜିଲା ନୂଆଗାଁ ବ୍ଲକ କୋରଡା ପଞ୍ଚାୟତ ଠାରେ ଗୁରୁବାର ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ସିଧାସଳଖ ଭିଡିଓ କନଫରେନ୍ସିଂ ମାଧ୍ୟମରେ ଲୋକମାନଙ୍କ ସହ ଆଲୋଚନା କରିଥିଲେ । କୋରଡା ସରପଞ୍ଚ ଗୋଲାପ ନାୟକ ପଞ୍ଚାୟତରେ ହୋଇଥିବା ବିଭିନ୍ନ ପ୍ରକାର ଉନ୍ନତି ମୂଳକ କାର୍ଯ୍ୟ ବିଷୟରେ ସୂଚନା ଦେଇଥିଲେ ।

ରାଜ୍ୟସ୍ତରୀୟ ବକ୍ତୃତା ପ୍ରତିଯୋଗିତାରେ ରୂପାଲି ପ୍ରଥମ

ରାଜ୍ୟସ୍ତରୀୟ ବକ୍ତୃତା ପ୍ରତିଯୋଗିତାରେ ରୂପାଲି ପ୍ରଥମ

ଖଣ୍ଡପଡା,୧୯। ୪(ସ୍ବ.ପ୍ର.)- ରାଜ୍ୟସ୍ତରୀୟ ବକ୍ତୃତା ପ୍ରତିଯୋଗିତାରେ ନୟାଗଡ ଜିଲା ଭାପୁର ବ୍ଲକ ବିଜିପୁର ପଞ୍ଚାୟତର ୫ମ ଶ୍ରେଣୀ ଛାତ୍ରୀ ରୂପାଲି ସାହୁ ପ୍ରଥମ ହୋଇଛନ୍ତି । ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ୨୧ତମ ଶ୍ରାଦ୍ଧୋସତ୍ବ ପାଳନ ଉପଲକ୍ଷେ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଭୁବନେଶ୍ୱର ଜୟଦେବ ଭବନ ଗୀତଗୋବିନ୍ଦ ସଦନଠାରେ ଗତ ୧୭ ତାରିଖରେ ଏକ ରାଜ୍ୟ ସ୍ତରୀୟ ବକ୍ତୃତା ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ପ୍ରଥମ ବର୍ଗ(୫ମରୁ ୭ମ ଶ୍ରେଣୀ) ଛାତ୍ରୀଛାତ୍ରମାନଙ୍କ ପାଇଁ ବକ୍ତୃତା ପ୍ରତିଯୋଗିତାର ବିଷୟବସ୍ତୁ ଥିଲା ”କଳିଙ୍ଗପ୍ରେମୀ ସ୍ବାଭିମାନୀ ବିଜୁ ପଟ୍ଟନାୟକ“, ଦ୍ୱିତୀୟ ବର୍ଗ(୮ମରୁ ୧୦ମ) ପାଇଁ ବିଜୁବାବୁଙ୍କ ପଞ୍ଚାୟତ ସ୍ତରୀୟ ଶିଳ୍ପର ବିକାଶ ନୀତି ରାଜ୍ୟ ଅଭିବୃଦ୍ଧିର ସହାୟକ ଏବଂ ତୃତୀୟ ବର୍ଗ(ମହାବିଦ୍ୟାଳୟ ଓ ବିଶ୍ୱ ବିଦ୍ୟାଳୟ) ଛାତ୍ରୀଛାତ୍ରମାନଙ୍କ ପାଇଁ ବିଷୟ ଥିଲା ସଂଗ୍ରାମ, ସଂଘର୍ଷ ଓ ଦୁଃସାହସର ଅନ୍ୟନାମ ବିଜୁ ପଟ୍ଟନାୟକ ।

ଯୁବକଙ୍କ ସନ୍ଦେହଜନକ ମୃତ୍ୟୁ

ଯୁବକଙ୍କ ସନ୍ଦେହଜନକ ମୃତ୍ୟୁ

ଜଗତ୍‌ସିଂହପୁର, ଅଫିସ,୧୯ା୪- ଜଗତ୍‌ସିଂହପୁର ଜିଲା ମୁଖ୍ୟ ଚିକିତ୍ସାଳୟରୁ ଗୁରୁବାର ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି। କେହି ଅଜଣା ବ୍ୟକ୍ତି ଉକ୍ତ ଯୁବକଙ୍କର ମୃତଦେହକୁ ଆଣି ଡାକ୍ତରଖାନାରେ ଛାଡ଼ି ପଳାଇଛନ୍ତି। ତେବେ ଯୁବକଙ୍କର ମୃତ୍ୟୁକୁ ନେଇ ସନ୍ଦେହ ସୃଷ୍ଟି ହୋଇଛି।

ମାନସିକ ବିକୃତ ଯୁବକଙ୍କ ଉନ୍ମତ୍ତ କାଣ୍ଡ: ମେଡିକାଲ ଛାତରେ ଚଢ଼ି ଆତ୍ମହତ୍ୟା ଉଦ୍ୟମ

ମାନସିକ ବିକୃତ ଯୁବକଙ୍କ ଉନ୍ମତ୍ତ କାଣ୍ଡ: ମେଡିକାଲ ଛାତରେ ଚଢ଼ି ଆତ୍ମହତ୍ୟା ଉଦ୍ୟମ

କେନ୍ଦ୍ରାପଡ଼ା ଅଫିସ,୧୯।୪: ଜିଲା ମୁଖ୍ୟ ଚିକିତ୍ସାଳୟ ଛାତ ଉପରେ ଚଢ଼ି ଜଣେ ମାନସିକ ବିକୃତ ଯୁବକ ଗୁରୁବାର ଆତ୍ମହତ୍ୟା ଉଦ୍ୟମ କରିଛନ୍ତି। ପୂର୍ବତନ କାଉନ୍‌ସିଲର ହିରଣ୍ୟ କୁମାର ପଣ୍ଡାଙ୍କ ଉପସ୍ଥିତ ବୁଦ୍ଧି ଯୋଗୁ ତାଙ୍କୁ ଉଦ୍ଧାର କରାଯାଇ ପାରିଛି।

ବିଜୁଳି ବିଭ୍ରାଟ ପ୍ରତିବାଦରେ ଗଣଧାରଣା

ବିଜୁଳି ବିଭ୍ରାଟ ପ୍ରତିବାଦରେ ଗଣଧାରଣା

କେନ୍ଦ୍ରାପଡ଼ା ଅଫିସ,୧୯।୪: କେନ୍ଦ୍ରାପଡ଼ା ସହରର ୧୬ ନଂ. ଓ୍ବାର୍ଡ ଫକିରାବାଦର ୫୦୦ରୁ ଊର୍ଦ୍ଧ୍ୱ ଉପଭୋକ୍ତା ବିଜୁଳି ବିଭ୍ରାଟର ଶିକାର ହୋଇଗୁରୁବାର ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦେଇଥିଲେ। ଏହି ପରିପ୍ରେକ୍ଷୀରେ ଅନୁଷ୍ଠିତ ପ୍ରତିବାଦ ସଭାରେ ପୂର୍ବତନ ପୌରାଧ୍ୟକ୍ଷ ବିଜୟକୃଷ୍ଣ ସାହୁ ଅଧ୍ୟକ୍ଷତା କରିଥିଲେ।

ରାଜ୍ୟସ୍ତରୀୟ ବାସ୍କେଟବଲ ଚାମ୍ପିୟନସିପ ପାଇଁ ଜଗତସିଂହପୁର ଦଳ

ଜଗତସିଂହପୁର ଅଫିସ, ୧୯।୪-କଟକର ବାରବାଟୀ ଷ୍ଟାଡିୟମରେ ହେବାକୁ ଥିବା ୬୯ତମ ରାଜ୍ୟସ୍ତରୀୟ ବାସ୍କେଟବଲ୍‌ ଚାମ୍ପିୟନସିପ (କନିଷ୍ଠ) ପାଇଁ ଜଗତସିଂହପୁର ଜିଲା ଦଳ କଟକ ଯାତ୍ରା କରିଛି। ଏପ୍ରିଲ ୧୯ରୁ ୨୨ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ଏହି ଚାମ୍ପିୟନଶିପ ପାଇଁ ଉଭୟ ବାଳିକା ଓ ବାଳକ ଦଳ ଚୟନ କରାଯାଇଥିଲା।

ଅଷ୍ଟଶମ୍ଭୁ ଫିଲିଂ ଷ୍ଟେଶନ ଉପରେ ଚଢ଼ାଉ

ଅଷ୍ଟଶମ୍ଭୁ ଫିଲିଂ ଷ୍ଟେଶନ ଉପରେ ଚଢ଼ାଉ

ଜଗତସିଂହପୁର ଅଫିସ, ୧୯।୪- ଗୁରୁବାର ବିରିଡି ବ୍ଲକ ଅନ୍ତର୍ଗତ ହାଜିପୁରଠାରେ ଥିବା ଅଷ୍ଟଶମ୍ଭୁ ଫିଲିଂ ଷ୍ଟେଶନ ଉପରେ ବିଡିଓ ପରେଶ କୁମାର ନାୟକ ଓ ଯୋଗାଣ ନିରୀକ୍ଷକ ମୋଟିରାମ ଦାସ ଚଢ଼ାଉ କରିଥିଲେ।