ବ୍ରହ୍ମପୁର

ଫୁଲବାଣୀରେ ୪.୫ ଡିଗ୍ରୀ ତାପମାତ୍ରା

ଫୁଲବାଣୀରେ ୪.୫ ଡିଗ୍ରୀ ତାପମାତ୍ରା
ଫୁଲବାଣୀ ଅଫିସ, ୧୯ା୧୨- କନ୍ଧମାଳ ଜିଲାରେ ହଠାତ ଶୀତର ପ୍ରକୋପ ବଢ଼ିଛି। ସୋମବାର ରାତିରୁ ଏହା ୪.୫ ଡିଗ୍ରୀକୁ ଖସି ଆସିଛି। ଫଳରେ ଫୁଲବାଣୀରେ ପ୍ରବଳ ଶୀତ ଅନୁଭୂତ ହେଉଛି। ଲୋକେ ପୂର୍ବାହ୍ନ ୧୦ ଟା ପର୍ଯ୍ୟନ୍ତ ଘରୁ ବାହାରି ପାରୁନାହାନ୍ତି। ଜିଲା ଆପଦ କାଳୀନ ବିଭାଗ ସୂତ୍ରରୁ ମିଳିଥିବା ତଥ୍ୟ ଅନୁସାରେ ସୋମବାର ଫୁଲବାଣୀରେ ଦିନର ତାପମାତ୍ରା ୯.୫ଡିଗ୍ରୀ ଥିଲା । ମଧ୍ୟ ରାତ୍ରିରୁ ଅର୍ଥାତ ମଙ୍ଗଳବାର ହଠାତ ତାପମାତ୍ରା ନିମ୍ନଗାମୀ ହୋଇ ୪.୫ ଡିଗ୍ରୀକୁ ଖସି ଆସିଛି। ଶୀତ ପ୍ରକୋପ ଯୋଗୁ ସହରବାସୀ ଥରୁଛନ୍ତି। ପ୍ରବଳ ଥଣ୍ଡାରୁ ଫୁଲବାଣୀ ସହରରେ ଜୀବନଯାତ୍ରା ଏକ ପ୍ରକାର ଠପ୍‌ ହୋଇପଡିଛି। ସୂଚନା ଅନୁସାରେ ଗତ ୧୩ ତାରିଖରୁ ପାରଦ କ୍ରମାଗତ ଭାବେ ତଳକୁ ଖସିବାରେ ଲାଗିଛି। ୧୩ ତାରିଖରେ ସର୍ବନିମ୍ନ ତାପମାତ୍ରା ୧୪ଡିଗ୍ରୀ ଥିବା ବେଳେ ୧୪ତାରିଖରେ ୧୧.୫, ୧୫ ରେ ୧୦.୫, ୧୬ରେ ୯.୫, ୧୭ ରେ ୧୦ ଓ ୧୮ତାରିଖରେ ୯.୫ଡିଗ୍ରୀ ରହିଥିଲା। ଦାରିଙ୍ଗବାଡିରେ ୧୮ତାରିଖରେ ସର୍ବନିମ୍ନ ତାପମାତ୍ରା ୯ଡିଗ୍ରୀ ଥିବା ବେଳେ ୧୯ ତାରିଖରେ ୮ ଡିଗ୍ରୀ ଥିବା ରେକର୍ଡ କରାଯାଇଛି। ଶୀତ ପ୍ରକୋପ ଯୋଗୁ ଯେପରି କୌଣସି ଅଘଟଣ ନ ଘଟେ ସେଥିପ୍ରତି ପ୍ରଶାସନ ପକ୍ଷରୁ କଡା ନଜର ରଖା ଯାଇଥିବା ଜିଲା ଆପଦ କାଳୀନ ଅଧିକାରୀ ପ୍ରଦ୍ୟୁମ୍ନ କୁମାର ମଣ୍ଡଳ ପ୍ରକାଶ କରିଛନ୍ତି। ପୌର ପ୍ରଶାସନ ପକ୍ଷରୁ ଫୁଲବାଣୀ ବସ୍‌ଷ୍ଟାଣ୍ଡରେ ରାତ୍ରୀ କାଳୀନ ଆଶ୍ରୟସ୍ଥଳୀ ଖୋଲାଯାଇଛି। ଏହା ବ୍ୟତୀତ ସେଠାରେ ଏକ ସ୍ଥାୟୀ ଆଶ୍ରୟ ସ୍ଥଳ ନିର୍ମାଣ କାମ ମଧ୍ୟ ଶେଷ ପର୍ଯ୍ୟାୟରେ ଅଛି ବୋଲି ନିର୍ବାହୀ ଅଧିକାରୀ ରାଧାମୋହନ ବେହେରା ସୂଚନା ଦେଇଛନ୍ତି। ଖଜୁରିପଡା:ଜୀବନଯାତ୍ରା ବ୍ୟାହତ ଖଜୁରିପଡା- କନ୍ଧମାଳ ଜିଲାରେ ପାରଦ ଖସୁଥିବା ବେଳେ ଦିନକୁ ଦିନ ଶୀତ ବୃଦ୍ଧି ପାଇବାରେ ଲାଗିଛି। ଜିଲାର କାଶ୍ମୀର କୁହାଯାଉଥିବା ଦାରିଙ୍ଗବାଡିରେ ଦୁଇଦିନ ହେଲା ଶୀତ ପ୍ରକୋପ ବୃଦ୍ଧି ପାଇଛି। ସେହିପରି ଫୁଲବାଣୀ ସହର ଓ ଆଖପାଖ ଅଞ୍ଚଳରେ ସୋମବାରରୁ ପ୍ରବଳ ଶୀତ ହୋଇଥିବା ଅନୁଭୂତ ହେଉଛି। ଏଥିଯୋଗୁ ଜୀବନଯାତ୍ରା ବ୍ୟାହତ ହୋଇଛି। ଖଜୁରିପଡା ବ୍ଲକ ଅଞ୍ଚଳରେ ଶୀତ ବୃଦ୍ଧି ପାଇଛି। ସୋମବାରରୁ ମଙ୍ଗଳବାର ସକାଳ ପର୍ଯ୍ୟନ୍ତ ହାଡଭଙ୍ଗା ଶୀତ ହେଉଛି ବୋଲି ସାଧାରଣରେ ମତପ୍ରକାଶ ପାଇଛି। ଖଜୁରିପଡା ବ୍ଲକରେ ତାପମାପକ ଯନ୍ତ୍ର ନାହିଁ। ଏଠାରେ ୪ଡିଗ୍ରୀରୁ ୫ ଡିଗ୍ରୀ ମଧ୍ୟରେ ତାପମାତ୍ରା ରହିଥିବା ଅନୁମାନ କରାଯାଉଛି ବୋଲି ବିଡିଓ ରବିନରାରାୟଣ ଜେଠୀ, ଖଜୁରିପଡା ସମବାୟ ଲ୍ୟାମ୍ପ ଶାଖା ପରିଚାଳକ କୃପାସିନ୍ଧୁ ସାହୁ, ସମାଜିକକର୍ମୀ ବରୁଣ ବେହେରା, ଅନୁସୂଚିତ ଜାତି ୪ ମୁଠା ସଭାପତି ଉଦ୍ଧବ ଦିଗାଲ ପ୍ରକାଶ କରିଛନ୍ତି। ଜି.ଉଦୟଗିର: ଜନ ଜୀବନ ଅସ୍ତବ୍ୟସ୍ତ ଜି.ଉଦୟଗିରି-ଜି.ଉଦୟଗିରି ସହର ସମେତ ଆଖପାଖ ଅଞ୍ଚଳରେ ଦୁଇଦିନ ହେବ ପ୍ରବଳ ଶୀତ ଅନୁଭୂତ ହେଉଛି। ମଙ୍ଗଳବାର ଜି.ଉଦୟଗିରି ସହରର ସର୍ବନିମ୍ନ ତାପମାତ୍ରା ୫ ଡିଗ୍ରୀ ସେଲସିୟସ ଥିବା କୃଷି ଗବେଷଣା କେନ୍ଦ୍ର ତରଫରୁ ଜଣାପଡ଼ିଛି। ପ୍ରବଳ ଶୀତ ଯୋଗୁ ସନ୍ଧ୍ୟା ହେବା ପରେ ବଜାର ଶୂନଶାନ ହୋଇଯାଉଛି। ବୁଲା ବେପାରୀ ଓ ରାସ୍ତା କଡ଼ରେ ବସି ବ୍ୟବସାୟ କରୁଥିବା ବ୍ୟବସାୟୀମାନଙ୍କ ବ୍ୟବସାୟ ଶୀତ ଯୋଗୁ ପ୍ରଭାବିତ ହୋଇଛି। ଅନ୍ୟପକ୍ଷରେ ସହରରେ ରାତ୍ରି ଆଶ୍ରୟସ୍ଥଳି ନ ଥିବା ଯୋଗୁ ଗରିବ ଲୋକମାନେ ଶୀତରେ ବିଭିନ୍ନ ଦୋକାନ ପିଣ୍ଡାରେ ଆଶ୍ରୟ ନେଉଛନ୍ତି। ଶୀତଦିନେ ରାତ୍ରିକାଳୀନ ଆଶ୍ରୟସ୍ଥଳ ଖୋଲିବା ପାଇଁ ସାଧାରଣରେ ଦାବି ହେଉଛି। ଅତିଶୀଘ୍ର ଶୀତକାଳୀନ ଆଶ୍ରୟସ୍ଥଳି ଖୋଲାଯିବ ବୋଲି ଏନଏସି ଅଧ୍ୟକ୍ଷ ପି. ସଞ୍ଜୀବ କୁମାର ପାତ୍ର କହିଛନ୍ତି। ପଦାସାହିର କେତେକ ଧାନଗଦାରେ ତୁଷାରପାତ ହୋଇଥିବା ଖବର ମଧ୍ୟ ମିଳିଛି।
All Right Reserved By

ବ୍ରହ୍ମପୁର

ଅଷ୍ଟମ ବାଟାଲିୟନ୍‌ ପକ୍ଷରୁ ଶହୀଦ ଦିବସ ପାଳିତ

ଅଷ୍ଟମ ବାଟାଲିୟନ୍‌ ପକ୍ଷରୁ ଶହୀଦ ଦିବସ ପାଳିତ

ଗଞ୍ଜାମ, ୨୧।୧୦(ଡି.ଏନ.ଏ.): ଅଗସ୍ତି ନୂଆଗାଁଠାରେ ଥିବା ଅଷ୍ଟମ ବାଟାଲିୟନ ପକ୍ଷରୁ ରବିବାର ୫୯ତମ ଶହୀଦ ଦିବସ ପାଳନ କରାଯାଇଥିଲା।

ପୋଲିସ ଶହୀଦ ଦିବସ ପାଳିତ

ପୋଲିସ ଶହୀଦ ଦିବସ ପାଳିତ

ବ୍ରହ୍ମପୁର ଅଫିସ,୨୧।୧୦: ଆଜି ଦେଶ ବ୍ୟାପୀ ପାଳିତ ହେଉଛି ୫୯ତମ ପୋଲିସ ସହୀଦ ଦିବସ। ଏହି ଅବସରରେ ବ୍ରହ୍ମପୁର ପୋଲିସ ଜିଲା ପକ୍ଷରୁ ଆମ୍ବପୁଆ ରିଜର୍ଭ ପୋଲିସ ପଡିଆରେ ମିଳିତ ପ୍ୟାରେଡ଼ ସହ ସହୀଦଙ୍କ ସ୍ମୃତିଚାରଣ କରାଯାଇଥିଲା। 

ମହୁଲି ମଦ, ଛେଳି ପହଞ୍ଚିବା ପରେ ପୂଜା ପାଆନ୍ତି ମା’

ମହୁଲି ମଦ, ଛେଳି ପହଞ୍ଚିବା ପରେ ପୂଜା ପାଆନ୍ତି ମା’

ଦାରିଙ୍ଗବାଡ଼ି,୨୧।୧୦ (ଡି.ଏନ.ଏ.)-ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ଶାରଦୀୟ ଦୁର୍ଗାପୂଜା ଧୁମ୍‌ଧାମ୍‌ରେ ପାଳନ କରାଯାଇଛି। ଦାରିଙ୍ଗବାଡ଼ି ଥାନାରେ ପାରମ୍ପରିକ ତଥା ଲୋକ ସଂସ୍କୃତିକୁ ନେଇ ନିଆରା ଢଙ୍ଗରେ ପୂଜାର୍ଚ୍ଚନା କରାଯାଇଛି। 

ବନ୍ୟା ଭାଙ୍ଗିଦେଲା ଚାଷୀ ମେରୁଦଣ୍ଡ

ବନ୍ୟା ଭାଙ୍ଗିଦେଲା ଚାଷୀ ମେରୁଦଣ୍ଡ

ବ୍ରହ୍ମପୁର ଅଫିସ୍‌,୨୧ା୧୦-ଗଞ୍ଜାମ ଜିଲାରେ ବାତ୍ୟା ‘ତିତ୍‌ଲି’ ପରବର୍ତ୍ତୀ ବନ୍ୟାର ଭୟାବହତା ବ୍ୟାପକ ଭାବେ ପ୍ରଭାବ ପକାଇଛି। ବନ୍ୟା ଜଳ ଚାଷ ଜମିରେ ଜମି ମାଡିଯିବା ଫଳରେ ଫସଲ ବରବାଦ୍‌ ହୋଇଯାଇଛି। ତଳ ଅଞ୍ଚଳଗୁଡ଼ିକରେ ବ୍ୟାପକ କ୍ଷତି ହୋଇଛି। 

ପାହାଡ଼ ମଝି ରାସ୍ତାରେ ପ୍ରସବ

ପାହାଡ଼ ମଝି ରାସ୍ତାରେ ପ୍ରସବ

ପାତ୍ରପୁର,୨୧ା୧୦(ଡି.ଏନ୍‌.ଏ.) -ବୁରାତାଲ ପଞ୍ଚାୟତର ପାହାଡ଼ ଉପରେ ଥିବା ବାଦୁଆ ଗ୍ରାମର ଗୋବିନ୍ଦ ନାଇକଙ୍କ ସ୍ତ୍ରୀ ହୀରାମଣି ନାଇକଙ୍କୁ  ଶନିବାର ପ୍ରସବ ପାଇଁ ସ୍ବାସ୍ଥ୍ୟ କେନ୍ଦ୍ରକୁ ଭାର ସାହାଯ୍ୟରେ ଆଣୁଥିବା ବେଳେ ପାହାଡ ମଝି ରାସ୍ତାରେ ସେ ଏକ ଶିଶୁପୁତ୍ର ଜନ୍ମ ଦେଇଛନ୍ତି। 

ଅଭିଯୁକ୍ତ ଗିରଫ: ମାଉଜର, ଗୁଳି ଓ ବାଇକ୍‌ ଜବତ

ଅଭିଯୁକ୍ତ ଗିରଫ: ମାଉଜର, ଗୁଳି ଓ ବାଇକ୍‌ ଜବତ

ଦିଗପହଣ୍ଡି,୨୧ା୧୦(ଡି.ଏନ.ଏ.): ଦିଗପହଣ୍ଡି ଥାନା ମହୁଡ଼ା ଚାଞ୍ଚଡ଼ାପଲ୍ଲୀ ଗ୍ରାମର ପାଣ୍ଡା ଓରଫ ମିଥୁନ ପ୍ରଧାନଙ୍କୁ ଶନିବାର ପୋଲିସ ଗିରଫ କରି ସନ୍ଧ୍ୟାରେ କୋର୍ଟଚାଲାଣ କରିଛି। ତାଙ୍କ ନିକଟରୁ ଦେଶୀ ମାଉଜର, ୨ଟି ଜୀବନ୍ତ ଗୁଳି ସମେତ ଏକ ନମ୍ବର ବିହୀନ ବାଇକ ଜବତ କରାଯାଇଛି। 

ପୂର୍ବତନ ସରପଞ୍ଚଙ୍କ ଧାରଣା ଚେତାବନୀ

ରାମଗିରି,୨୧ା୧୦- ଗଜପତି ଜିଲା ଆର.ଉଦୟଗିରି ବ୍ଲକ ରାମଗିରି ପଞ୍ଚାୟତ ସହ ଆଖପାଖ ପଞ୍ଚାୟତରେ ତାରପୋଲିନ୍‌ ବଣ୍ଟନରେ ଅନିୟମିତତା ଅଭିଯୋଗ ହୋଇଛି। ସାମୁଦ୍ରିକ ଝଡ ତିତ୍‌ଲି ପରବର୍ତ୍ତୀ କ୍ଷତିଗ୍ରସ୍ତଙ୍କୁ ଚିହ୍ନଟ କରି କ୍ଷତିପୂରଣ ସହାୟତା ପ୍ରଦାନରେ ପାତର ଅନ୍ତର ହୋଇଛି ବୋଲି ଅଭିଯୋଗ ହୋଇଛି ା 

ଯୁବକଙ୍କୁ ହତ୍ୟା, ପୋଲିସର ତଦନ୍ତ ଆରମ୍ଭ

ଯୁବକଙ୍କୁ ହତ୍ୟା, ପୋଲିସର ତଦନ୍ତ ଆରମ୍ଭ

ବ୍ରହ୍ମପୁର ଅଫିସ୍‌,୨୧।୧୦-ବ୍ରହ୍ମପୁର ଗୋଷାଣୀ ନୂଆଗାଁ ଥାନା ଅଧୀନ ହଳଦିଆପଦର ରେଲୱେ ଫ୍ଲାଏ ଓଭର ବ୍ରିଜ୍‌ ନିକଟରୁ ଶୁକ୍ରବାର ଜଣେ ଯୁବକଙ୍କୁ ହତ୍ୟା କରାଯାଇଥିବା ପୋଲିସ ସ୍ପଷ୍ଟ କରିଛି। ମୃତକ ହେଲେ ବଡବଜାର ଥାନା ଅଧୀନ ଧାନମେରା ସାହିର ସୋନୁ ଘଡାଇ (୩୦)। ମୃତକଙ୍କ ମା’ ରୋହିଣୀଙ୍କ ଏତଲାକୁ ଭିତ୍ତିକରି ଶନିବାର ପୋଲିସ ନଂ. ୧୨୮/୧୮ରେ ଏକ ହତ୍ୟା ମାମଲା ରୁଜୁ କରିଛି। ମୃତଦେହ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ ଡାକ୍ତରଖାନାକୁ ପଠାଇଛି। ବ୍ୟବଚ୍ଛେଦ ରିପୋର୍ଟ ଆସିବା ପରେ ଅଧିକ ତଥ୍ୟ ଜଣାପଡିବ ବୋଲି ଆଇଆଇସି କୁଳମଣୀ ସେଠୀ ସୂଚନା ଦେଇଛନ୍ତି। 

ଷ୍ଟୋଭଫାଟି ନାବାଳିକା ଗୁରୁତର

ବ୍ରହ୍ମପୁର ଅଫିସ୍‌,୨୦ା୧୦: ବ୍ରହ୍ମପୁର ବୈଦ୍ୟନାଥପୁର ଥାନା ଲାଞ୍ଜିପଲ୍ଲୀ ରେଡିକା ସାହିରେ ଶୁକ୍ରବାର ପୂର୍ବାହ୍ନରେ ଘଟିଥିବା ଅଗ୍ନିକାଣ୍ଡରେ ଜଣେ ନାବାଳିକା ଗୁରୁତର ହୋଇଛନ୍ତି। ପରିବାର ବର୍ଗ ତାଙ୍କୁ ଉଦ୍ଧାର କରି  ବ୍ରହ୍ମପୁର ବଡ ମେଡିକାଲରେ ଭର୍ତ୍ତି କରିଛନ୍ତି।

ଦୁର୍ଦ୍ଦାନ୍ତ ଅପରାଧୀ ଅଜୟ ଗିରଫ

ଦୁର୍ଦ୍ଦାନ୍ତ ଅପରାଧୀ ଅଜୟ ଗିରଫ

ବ୍ରହ୍ମପୁର ଅଫିସ୍‌,୨୧ା୧୦-ବ୍ରହ୍ମପୁର ସଦରଥାନା ପୋଲିସ ଜଣେ ଦୁର୍ଦ୍ଦାନ୍ତ ଅପରାଧୀଙ୍କୁ ଗିରଫ କରି ଶୁକ୍ରବାର କୋର୍ଟ  ଚାଲାଣ କରିଛି। ଜାମିନ ନାମଞ୍ଜୁର ହେବାରୁ ବିଚାର ବିଭାଗ  ହାଜତକୁ ପଠାଇ ଦିଆଯାଇଛି। 

ବିଏମ୍‌ସିର ପକ୍କା ଡ୍ରେନ, ରୋଡ ନିର୍ମାଣକୁ ଗୁରୁତ୍ୱ

ବ୍ରହ୍ମପୁର ଅଫିସ,୨୧ା୧୦-ବ୍ରହ୍ମପୁର ମହାନଗର ନିଗମ ପକ୍ଷରୁ ଏବେ ବିଭିନ୍ନ ୱାର୍ଡରେ ଡ୍ରେନ ଓ ରୋଡ ନିର୍ମାଣକୁ ଗୁରୁତ୍ୱ ଦିଆଯାଇଛି। 
ବର୍ଷାଋତୁ ସାରି ଆସୁଥିବାରୁ ନିର୍ମାଣ କାର୍ଯ୍ୟ ଯୁଦ୍ଧକାଳୀନ ଭିତ୍ତିରେ କରିବା ପାଇଁ ପଦକ୍ଷେପ ନିଆଯାଇଛି। ପକ୍କା ଡ୍ରେନ ଏବଂ ରୋଡ ନିର୍ମାଣ ପାଇଁ ଦୁଇ ପର୍ଯ୍ୟାୟରେ ୨୪ କୋଟି ୮୫ ଲକ୍ଷ ୨୯ ହଜାର ଟଙ୍କାର ଟେଣ୍ଡର ହୋଇଛି। 

ବିଏମ୍‌ସି ପକ୍ଷରୁ ୧୫୫୦ ଖାଦ୍ୟ ସୁରକ୍ଷା କାର୍ଡ ବଣ୍ଟନ

ବିଏମ୍‌ସି ପକ୍ଷରୁ ୧୫୫୦ ଖାଦ୍ୟ ସୁରକ୍ଷା କାର୍ଡ ବଣ୍ଟନ

ବ୍ରହ୍ମପୁର ଅଫିସ,୨୧ା୧୦-ରାଜ୍ୟ ଖାଦ୍ୟ ସୁରକ୍ଷା ଯୋଜନା ଅଧୀନରେ ବ୍ରହ୍ମପୁର ମହାନଗର ନିଗମ ଅଧୀନରେ ଚୟନ ହୋଇଥିବା ହିତାଧିକାରୀଙ୍କୁ  ଖାଦ୍ୟ ସୁରକ୍ଷା କାର୍ଡ ପ୍ରଦାନ କରାଯାଇଛି।