Dharitri News
ବାଲେଶ୍ୱର

ଜନଜାତି କ୍ରୀଡା ପ୍ରତିଯୋଗିତା ଉଦ୍‌ଯାପିତ

 ଜନଜାତି କ୍ରୀଡା ପ୍ରତିଯୋଗିତା ଉଦ୍‌ଯାପିତ  ଭଞ୍ଜକିଆ,୧୯ା୧୨(ଡି.ଏନ.ଏ.)- ରରୁଆଁ ବ୍ଳକ୍‌ ପ୍ରଶାସନ ତରଫରୁ ସ୍ଥାନୀୟ ନୂତନ ସରକାରୀ ଉଚ୍ଚ ବିଦ୍ୟାଳୟରେ ୨ଦିନିଆ ଜନଜାତି ବର୍ଗର କ୍ରୀଡା ପ୍ରତିଯୋଗିତା ମଙ୍ଗଳବାର ଉଦ୍‌ଯାପିତ ହୋଇଯାଇଛି। ପୁରସ୍କାର ବିତରଣୀ ସଭାରେ ବିଡିଓ ଜୟଶ୍ରୀ ବେଉରା ସଭାପତିତ୍ୱ କରିଥିବା ବେଳେ ବ୍ଳକ ଅଧ୍ୟକ୍ଷା ପଙ୍କଜିନୀ ନାୟକ ମୁଖ୍ୟଅତିଥି, ସମ୍ମାନିତ ଅତିଥିରୂପେ ଜିଲା ପରିଷଦ ସଭ୍ୟ ପରମେଶ୍ୱର ନାୟକ, ସ୍ବତନ୍ତ୍ର ଉନ୍ନୟନ ପରିଷଦ ସଭ୍ୟ ଗୋଲକ ବିହାରୀ ନାୟକ ଓ ଗୋପୀନାଥ ମୁଣ୍ଡା ପ୍ରମୁଖ ମଞ୍ଚାସୀନ ଥିଲେ। ଅବସରପ୍ରାପ୍ତ କ୍ରୀଡା ଶିକ୍ଷକ ଯୋଗେନ୍ଦ୍ରନାଥ ମହାନ୍ତ ଅତିଥି ପରିଚୟ ଓ ସ୍ବାଗତ ଅଭିଭାଷଣ ପ୍ରଦାନ କରିଥିଲେ। ଜନଜାତିମାନଙ୍କ ମଧ୍ୟରେ ଲୁକ୍କାୟିତ ପ୍ରତିଭାର ବିକାଶ ଲାଗି ସିନିୟର, ଜୁନିୟର ଏବଂ ସବ୍‌ ଜୁନିୟର ବିଭାଗରେ ଉଭୟ ବାଳକ ଓ ବାଳିକାଙ୍କୁ ନେଇ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ବ୍ଲକ୍‌ର ସମସ୍ତ କ୍ଲଷ୍ଟର ଓ ମହାବିଦ୍ୟାଳୟରୁ ଜନଜାତି ବର୍ଗର ପ୍ରାୟ ୧ହଜାର ଛାତ୍ରୀଛାତ୍ର ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। ମଙ୍ଗଳ ସମ୍ପ୍ରସାରଣ ଅଧିକାରୀ ବିଜୟ କୁମାର ନାୟକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଥିଲା। ବିଭାଗ ତରଫରୁ ବଣ୍ଟାଯାଇଥିବା ପ୍ରଚାର ପତ୍ରରେ ବ୍ଳକ୍‌ସ୍ତରୀୟ କ୍ରୀଡାରେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅକ୍ତିଆର କରିଥିବା ଛାତ୍ରୀଛାତ୍ରଙ୍କୁ ପୁରସ୍କାର ସ୍ବରୂପ ନଗଦ ଅର୍ଥ ରାଶି ପ୍ରଦାନ କରାଯିବାକୁ ଉଲ୍ଲେଖ ରହିଛି। ମାତ୍ର ଏଠାରେ ପ୍ରମାଣପତ୍ର ବ୍ୟତୀତ କାହାରିକୁ ନଗଦ ପୁରସ୍କାର ଦିଆଯାଇନାହିଁ। ଏସମ୍ପର୍କରେ ବିଡିଓଙ୍କୁ ପଚାରିବାରୁ ଏହା ଭୁଲ୍‌ ଛପାଯାଇଛି। ବ୍ଳକ୍‌ସ୍ତରୀୟ କ୍ରୀଡା ପ୍ରତିଯୋଗିତାରେ ପୁରସ୍କାର ରାଶି(ଟଙ୍କା) ପ୍ରଦାନ ବ୍ୟବସ୍ଥା ରଖାଯାଇନାହିଁ ବୋଲି ପ୍ରକାଶ କରିଥିଲେ।

ବାଲେଶ୍ୱର

ଟ୍ରକ୍‌ ଚାପାରେ ବାଇକ୍‌ ଚାଳକ ଗୁରୁତର

କୋଳିମାଟି, ୨୨।୨-କେନ୍ଦୁଝର ଜିଲା ଆନନ୍ଦପୁର ବ୍ଲକ ଧକୋଠା ବଜାର ଜଳ ନଣ୍ଡା ଛକ ନିକଟରେ ଗୁରୁବାର ସକାଳ ୮ଟା ୧୦ ମିନିଟ ସମୟରେ ଘଟଗଁ। ପଟରୁ ଆସୁଥିବା ଏକ ଆଇରନ ବୋଝେଇ ଟ୍ରକ୍‌ ଚାପାରେ ଜଣେ ବାଇକ୍‌ ଚାଳକ ଗୁରୁତର ହୋଇଛନ୍ତି।

ତାରିଣୀ କ୍ରିକେଟ: ଏମସିୱାଇ ଚସାଟାଙ୍ଗିରୀ ବିଜୟୀ

ତାରିଣୀ କ୍ରିକେଟ: ଏମସିୱାଇ ଚସାଟାଙ୍ଗିରୀ ବିଜୟୀ

ହରିଚନ୍ଦନପୁର,୨୨।୨(ଡି.ଏନ.ଏ.): କେନ୍ଦୁଝର ଜିଲା ହରିଚନ୍ଦନପୁର ବ୍ଲକ ପିଟାପିଟି ପଞ୍ଚାୟତ ମିନି ଷ୍ଟାଡିୟମରେ ତାରିଣୀ କପ୍‌ କ୍ରିକେଟ ଟୁର୍ନାମେଣ୍ଟ ଉଦ୍‌ଘାଟିତ ହୋଇଯାଇଛି। ୟୁଥ କ୍ଲବ ସଭାପତି ଅମରଦୀପ ସାହୁଙ୍କ ସଭାପତିତ୍ୱରେ ୧ମ ବାର୍ଷିକ କ୍ରିକେଟ୍‌ ଟୁର୍ନାମେଣ୍ଟରେ ଏମସିୱାଇ ଚସାଟାଙ୍ଗିରୀ ଓ ଫାୟାର ୧୧ ମଧ୍ୟରେ ଖେଳ ହୋଇଥିଲା।

ଆତ୍ମରକ୍ଷା ପ୍ରଶିକ୍ଷଣ ନେଲେ ୬୦ ଛାତ୍ରୀ

ବାସୁଦେବପୁର,୨୨।୨(ଡି.ଏନ.ଏ.)-ବାସୁଦେବପୁରସ୍ଥିତ ମନ୍ଦାରୀ ଡିଗ୍ରୀ କଲେଜର ଯୁକ୍ତ ୩ ଛାତ୍ରୀଙ୍କ ନିମନ୍ତେ ଚାଲିଥିବା ଆତ୍ମରକ୍ଷା ପ୍ରଶିକ୍ଷଣ ଶିବିର ଉଦ୍‌ଯାପିତ ହୋଇଯାଇଛି।

ଛାତ୍ରୀଛାତ୍ରଙ୍କୁ ବିଦାୟ ସମ୍ବର୍ଦ୍ଧନା

ଛାତ୍ରୀଛାତ୍ରଙ୍କୁ ବିଦାୟ ସମ୍ବର୍ଦ୍ଧନା

ଭଣ୍ଡାରିପୋଖରୀ,୨୨।୨(ଡି.ଏନ.ଏ.)-ସ୍ଥାନୀୟ ନାଅଁ।ମୀ ମହାବିଦ୍ୟାଳୟ ଅର୍ଥନୀତି ବିଭାଗର ଯୁକ୍ତ ୩ ଶେଷବର୍ଷ ଛାତ୍ରୀଛାତ୍ରଙ୍କୁ ପ୍ରଥମ ଓ ଦ୍ୱିତୀୟ ବର୍ଷ ଛାତ୍ରୀଛାତ୍ରଙ୍କ ପକ୍ଷରୁ ବିଦାୟକାଳୀନ ସମ୍ବର୍ଦ୍ଧନା ଦିଆଯାଇଛି।

ଶ୍ରୀମାଙ୍କ ମାତୃ ମନ୍ଦିର ପ୍ରତିଷ୍ଠା ଉସତ୍ବ

ସିମୁଳିଆ,୨୨।୨(ଡି.ଏନ.ଏ.)- ଶ୍ରୀମାଙ୍କ ୧୪୦ତମ ଜୟନ୍ତୀ ଅବସରରେ ବୁଧବାର ମାର୍କୋଣାର ଶ୍ରୀଅରବିନ୍ଦ ନବୋଦ୍ୟମ ଟ୍ରଷ୍ଟ ମାତୃଭୂମି ପରିସରରେ ଦିବସ ବ୍ୟାପୀ ବିଭିନ୍ନ ଉତ୍ସବ ଅନୁଷ୍ଠିତ ହୋଇଥିଲା। ଏହି ଅବସରରେ ପ୍ରାତଃ ୬ଟାରେ ଅଖଣ୍ଡ ମାତୃ ନାମଜପ, ସକାଳ ୯ଟାରେ ଆଧ୍ୟାତ୍ମିକ ପତାକା ଉତ୍ତୋଳନ, ୧୦ଟାରେ ଆଶ୍ରମ ପରିସରରେ ମାତୃମନ୍ଦିର ପ୍ରତିଷ୍ଠା ଓ ବିଗ୍ରହ ସ୍ଥାପନ, ମନ୍ଦିର ପ୍ରାଙ୍ଗଣରେ ସମୁହ ଧ୍ୟାନ ଅନୁଷ୍ଠିତ ହୋଇଥିଲା ।

ନ୍ୟାୟ ଅପେକ୍ଷାରେ ମୃତା ମହିଳାଙ୍କ ମା’

ବାହାନଗା,୨୨।୨(ଡି.ଏନ.ଏ.)-ବାଲେଶ୍ୱର ଜିଲା ବାହାନଗା ବ୍ଳକ ତାଳକୁରୁଣିଆଁ ପଞ୍ଚାୟତ ରହଣିଆଗଞ୍ଜ ଗ୍ରାମର ଜଣେ ବିବାହିତା ମହିଳାଙ୍କୁ ଶନିବାର ହତ୍ୟା କରାଯାଇଥିବା ନେଇ ଖନ୍ତାପଡା ଥାନରେ ଅଭିଯୋଗ ହୋଇଥିଲା।

ମୃତ ଚାଷୀଙ୍କ ପରିବାରକୁ ଭେଟିଲେ ଭାଜପାର କୃଷକ ମୋର୍ଚ୍ଚା ପ୍ରତିନିଧି ଦଳ

ମୃତ ଚାଷୀଙ୍କ ପରିବାରକୁ ଭେଟିଲେ ଭାଜପାର କୃଷକ ମୋର୍ଚ୍ଚା ପ୍ରତିନିଧି ଦଳ

ରୂପ୍‌ସା,୨୨।୨(ଡି.ଏନ୍‌.ଏ.): ବାଲେଶ୍ୱର ଜିଲା ସିଂଲା ଥାନା ପାଳସାହି ଗ୍ରାମର ଚାଷୀ ବରେନ୍ଦ୍ର ପରିଡ଼ା ଆତ୍ମହତ୍ୟା କରିଥିବା ଅଭିଯୋଗ ହେବାପରେ ଭାଜପା କୃଷକ ମୋର୍ଚ୍ଚାର ପ୍ରତିନିଧି ଦଳ ଗୁରୁବାର ତାଙ୍କ ପରିବାରକୁ ଭେଟିଛନ୍ତି। ସେମାନେ ବରେନ୍ଦ୍ରଙ୍କ ଆତ୍ମହତ୍ୟା ଘଟଣା ସମ୍ପର୍କରେ ପରିବାର ଲୋକଙ୍କ ସହ ଆଲୋଚନା କରିଛନ୍ତି।

ପାରମ୍ପରିକ ଜଙ୍ଗଲଜାତ ଖାଦ୍ୟମେଳା

ପାରମ୍ପରିକ ଜଙ୍ଗଲଜାତ ଖାଦ୍ୟମେଳା

କେନ୍ଦୁଝର,୨୨।୨(ସ୍ବ.ପ୍ର.): ତେଲକୋଇ ବ୍ଲକ କାନ୍ଦିଆହତା ପଞ୍ଚାୟତ ଗଳଦା ଗ୍ରାମରେ ଆୟୋଜିତ ୨ ଦିନିଆ ପାରମ୍ପରିକ ଜଙ୍ଗଲଜାତ ଖାଦ୍ୟମେଳାର ଗୁରୁବାର ଉଦ୍‌ଯାପନୀ ଉତ୍ସବ ପାଳିତ ହେଉଛି। ଏହି ଅବସରରେ ଲୋପ ପାଇଯାଉଥିବା ଜଙ୍ଗଲଜାତ ଖାଦ୍ୟର ସୁରକ୍ଷା, ସେଥିରେ ଥିବା ପୋଷକର ମାନ, ପରିବେଶ ଉପରେ ପ୍ରଭାବ ସମ୍ପର୍କରେ ଆଲୋଚନା କରାଯାଇଛି।

ବେକେରିରେ ଅଗ୍ନିକାଣ୍ଡ

ବେକେରିରେ ଅଗ୍ନିକାଣ୍ଡ

ବାଲେଶ୍ୱର ଅଫିସ,୨୨।୨: ବାଲେଶ୍ୱର ଷ୍ଟେଶନ ବଜାରରେ ଥିବା ଏକ ବେକେରିରେ ବୁଧବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟିଛି। ଏଥିରେ ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ିଯାଇଛି। ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇନାହିଁ।

ଦର୍ଶକଙ୍କ ମନ ମୋହିଲା ଛଉ ନୃତ୍ୟ

ଦର୍ଶକଙ୍କ ମନ ମୋହିଲା ଛଉ ନୃତ୍ୟ

ତିହିଡ଼ି,୨୧।୨(ଡି.ଏନ.ଏ.)-ସ୍ଥାନୀୟ କାଳୀ ପଡ଼ିଆରେ ଶ୍ୟାମା କ୍ଲବ ପକ୍ଷରୁ ଚାଲିଥିବା ତିହିଡ଼ି ମହୋତ୍ସବ-୨୦୧୮ ଉଦ୍‌ଯାପିତ ହୋଇଯାଇଛି। ଉଦ୍‌ଯାପନୀ ଦିବସରେ ପୁରୁଲିଆ ଶିଳ୍ପୀଙ୍କ ଛଉ ନୃତ୍ୟ ଦର୍ଶକଙ୍କ ମନ ମୋହିଥିଲା।

ଖବରକାଗଜ ବିତରକଙ୍କୁ ମିଳିବ ସାମାଜିକ ସୁରକ୍ଷା

ଖବରକାଗଜ ବିତରକଙ୍କୁ ମିଳିବ ସାମାଜିକ ସୁରକ୍ଷା

ଭଦ୍ରକ ଅଫିସ,୨୧।୨-ଖବରକାଗଜ ବିତରକମାନଙ୍କୁ ଏଣିକି ମିଳିବ ସାମାଜିକ ସୁରକ୍ଷା। ରାଜ୍ୟ ସରକାରଙ୍କ ଶ୍ରମ ବିଭାଗ ପକ୍ଷରୁ ଏ ସମ୍ପର୍କରେ ସୂଚନା ଜାରି କରାଯାଇଛି। କୌଣସି ହକର ଦୁର୍ଘଟଣାଜନିତ ମୃତ୍ୟୁବରଣ କଲେ ସେମାନଙ୍କ ପରିବାରକୁ ୨ଲକ୍ଷ ଟଙ୍କା ସହାୟତା ରାଶି ମିଳିବ।

ଆନ୍ତଃରାଜ୍ୟ ଲୁଟେରା ଗ୍ୟାଙ୍ଗ ଠାବ

ଆନ୍ତଃରାଜ୍ୟ ଲୁଟେରା ଗ୍ୟାଙ୍ଗ ଠାବ

ଆରଡି, ୨୧।୨(ଡି.ଏନ.ଏ.)- ଭଦ୍ରକ ଜିଲା ଚାନ୍ଦବାଲି ବ୍ଲକରେ ଲୁଟେରା ଓ ଡକାୟତଙ୍କ ପ୍ରାଦୁର୍ଭାବ ପୋଲିସର ନିଦ ହଜାଇଛି। ରାସ୍ତାରେ ଏକୁଟିଆ ଯିବାକୁ ଲୋକେ ଭୟ କରୁଛନ୍ତି। ଗତ ୧ ମାସ ମଧ୍ୟରେ ନାନ୍ଦପୁର, କୋଇଲଖା ଓ ଧାମନଗର ବ୍ଲକର ବେତାଳିଗଁ।ରେ ବଡ଼ ଧରଣର ଚୋରି ଓ ଡକାୟତି ଘଟିଛି। ଡକାୟତ ଦଳ ବିଭିନ୍ନ ମାରଣାସ୍ତ୍ର ଦେଖାଇ ପରିବାର ଲୋକଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି।