Dharitri News
ବାଲେଶ୍ୱର

ବାର୍ଷିକ କ୍ରୀଡ଼ା ଚାଲିଥିବା ବେଳେ ଶିକ୍ଷକ ମୁହଁ।ମୁହିଁ

  ବାର୍ଷିକ କ୍ରୀଡ଼ା ଚାଲିଥିବା ବେଳେ ଶିକ୍ଷକ ମୁହଁ।ମୁହିଁ    ଖନ୍ତାପଡ଼ା, ୧୯।୧୨(ଡି.ଏନ.ଏ.)-ବାଲେଶ୍ୱର ଜିଲା ବାହାନଗା ବ୍ଲକ କସବାଜୟପୁର ପଞ୍ଚାୟତ ଜିରିତାଳ ଗ୍ରାମରେ ଥିବା ଶକୁନ୍ତଳା ଉଚ୍ଚ ବିଦ୍ୟାଳୟରେ ମଙ୍ଗଳବାର ମଧ୍ୟାହ୍ନରେ ବାର୍ଷିକ କ୍ରୀଡ଼ା ଉସତ୍ବ ଚାଲିଥିବା ବେଳେ ୨ ଶିକ୍ଷକ ମୁହାଁମୁହିଁ ହୋଇଛନ୍ତି। ଶେଷରେ ଗ୍ରାମବାସୀ ଏଥିରେ ହସ୍ତକ୍ଷେପ କରିବା ପରେ କ୍ରୀଡା ଉତ୍ସବକୁ ସ୍ଥଗିତ କରାଯାଇଥିଲା। ପିଲାମାନେ ନିରାଶ ହୋଇ କାନ୍ଦି କାନ୍ଦି ଘରକୁ ଫେରିଥିବା ଜଣାପଡିଛି। ଖବର ଅନୁସାରେ ଉକ୍ତ ସ୍କୁଲ ପାର୍ଶ୍ୱରେ ଥିବା ଖେଳପଡ଼ିଆରେ ବାର୍ଷିକ କ୍ରୀଡ଼ା ଉସତ୍ବ ଚାଲିଥିବା ବେଳେ ସ୍କୁଲର ୨ଶିକ୍ଷକଙ୍କ ମଧ୍ୟରେ ସାଇକେଲ ରେସ୍‌ ନିୟମକୁ ନେଇ ବଚସା ହୋଇଥିଲା। ଏହି ସମୟରେ ବିଦ୍ୟାଳୟର ଛାତ୍ରୀଛାତ୍ରମାନେ ଖେଳିବା ପାଇଁ ପ୍ରସ୍ତୁତ ରହିଥିଲେ। କିନ୍ତୁ ଶିକ୍ଷକ ଦ୍ୱୟଙ୍କ ବଚସା କ୍ରମଶଃ ଉଗ୍ରରୂପ ଧାରଣ କରିଥିଲା। ୧୦ ମିନିଟ୍‌ରୁ ଊର୍ଦ୍ଧ୍ୱ ସମୟ ଧରି ଗାଳିଗୁଲଜ ସହ ଚେୟାର ଫିଙ୍ଗା, ଠେଲାପେଲା ଏବଂ ଜୋତା ଉଠାଇବା ଆଦି ଘଟଣା ଚାଲିଥିଲା। ସ୍କୁଲର ପ୍ରଧାନ ଶିକ୍ଷୟତ୍ରୀ ବାସନ୍ତୀଲତା ମହାପାତ୍ର ଏବଂ କ୍ରୀଡ଼ା ଶିକ୍ଷୟିତ୍ରୀ ସଂଯୁକ୍ତା ସ୍ବାଇଁ ଦୁଇ ଶିକ୍ଷକଙ୍କୁ ଛଡ଼ାଇବାକୁ ଚେଷ୍ଟା କରିଥିଲେ ମଧ୍ୟ ସେମାନେ ଶୁଣି ନ ଥିଲେ। ପରେ ଗ୍ରାମବାସୀ ହସ୍ତକ୍ଷେପ କରି ଗଣ୍ଡଗୋଳ ବନ୍ଦ କରିବା ସହ ବାର୍ଷିକ କ୍ରୀଡ଼ାକୁ ସ୍ଥଗିତ କରିଥିଲେ। ଅଭିଭାବକମାନେ ପିଲାମାନଙ୍କୁ ସୁରକ୍ଷିତ ଭାବେ ବିଦ୍ୟାଳୟରୁ ଘରକୁ ଫେରାଇ ଆଣିଥିଲେ। ଅନେକ ପିଲା ଶିକ୍ଷକଦ୍ୱୟଙ୍କ ଏଭଳି କାଣ୍ଡ ଦେଖିବା ସହ ଖେଳି ନ ପାରି କାନ୍ଦି କାନ୍ଦି ଘରକୁ ଫେରିଥିଲେ। ପରେ କମିଟି ସଦସ୍ୟ ଏବଂ ଶିକ୍ଷୟିତ୍ରୀ ଶିକ୍ଷକଙ୍କ ମଧ୍ୟରେ ଆଲୋଚନା କରାଯାଇଥିଲା। ପରବର୍ତ୍ତୀ ସମୟରେ କେବେ ବି ଗଣ୍ଡଗୋଳ କରିବେ ନାହିଁ ବୋଲି ଉଭୟ ଶିକ୍ଷକ କହିବା ସହ ସମସ୍ତଙ୍କ ସମ୍ମୁଖରେ ଭୁଲ ସ୍ବୀକାର କରି ଲିଖିତ ଭାବେ ପ୍ରଧାନ ଶିକ୍ଷୟିତ୍ରୀଙ୍କୁ ମଧ୍ୟ ଜଣାଇଥିଲେ। ପ୍ରଧାନ ଶିକ୍ଷୟିତ୍ରୀ ବାସନ୍ତୀ ଲତା ମହାପାତ୍ର କହିଛନ୍ତି ଯେ, ଶିକ୍ଷକଦ୍ୱୟଙ୍କ ଏଭଳି କାର୍ଯ୍ୟ ନିନ୍ଦନୀୟ। କୌଣସି ପ୍ରକାର ଖେଳ ବିଷୟରେ ନ ପଚାରି ଏଭଳି ଗଣ୍ଡଗୋଳ କରିଛନ୍ତି। ସ୍କୁଲ କମିଟି ସହ ଆଲୋଚନା କରାଯାଇଛି। ଅନ୍ୟ ସମୟରେ ଏପରି ପରିସ୍ଥିତି ନ ଉପୁଜିବା ଦିଗରେ ପ୍ରତିଶ୍ରୁତି ମିଳିଛି। ଶିକ୍ଷକମାନେ ଛାତ୍ରୀଛାତ୍ରମାନଙ୍କୁ ଶୃଙ୍ଖଳା ଶିଖାଇବା ପରିବର୍ତ୍ତେ ଛାତ୍ରଛାତ୍ରୀଙ୍କ ସମ୍ମୁଖରେ ଏଭଳି ବିଶୃଙ୍ଖଳିତ ଆଚରଣକୁ ଗ୍ରାମବାସୀ ନିନ୍ଦା କରିବା ସହ ଶିକ୍ଷକଦ୍ୱୟଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି। ଏ ବିଷୟରେ ବ୍ଲକ ଶିକ୍ଷାଧିକାରିଣୀ ଶୁଭଲକ୍ଷ୍ମୀ ନାୟକ କହିଛନ୍ତି ଯେ, ଆମେ ଏ ବିଷୟରେ ଖବର ପାଇଛୁ, କିନ୍ତୁ ଲିଖିତ ଭାବେ କୌଣସି ଅଭିଯୋଗ ହସ୍ତଗତ ହୋଇନାହିଁ। କିନ୍ତୁ ଶିକ୍ଷକଙ୍କ ଏତାଦୃଶ ଆଚରଣ ନିନ୍ଦନୀୟ। ଏହି ଘଟଣାରେ ଅଭିଯୋଗ ଆସିଲେ ତୁରନ୍ତ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ମୌଖିକ ଭାବେ ଘଟଣା ସମ୍ପର୍କରେ ଶୁଣିବା ପରେ ମୁଁ ସିଆରସିସିଙ୍କୁ ଜଣାଇଛି। ସେ ଘଟଣାର ଅନୁଧ୍ୟାନ କରୁଛନ୍ତି। ସତ୍ୟାସତ୍ୟ ଜଣାପଡ଼ିବା ପରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ବାଲେଶ୍ୱର

ନିମ୍ବ କାଠ ଜବତ କଲା ବନବିଭାଗ

ନିମ୍ବ କାଠ ଜବତ କଲା ବନବିଭାଗ

ରୂପ୍‌ସା,୧୯।୧(ଡି.ଏନ.ଏ.)-ବାଲେଶ୍ୱର ଜିଲା ବନଖଣ୍ଡ ଅଧିକାରୀ ବିଶ୍ୱରାଜ ପଣ୍ଡାଙ୍କ ନିର୍ଦ୍ଦେଶକ୍ରମେ ରେଞ୍ଜ ଅଫିସର ପ୍ରଫୁଲ କୁମାର ମଲିକଙ୍କ ତତ୍ତ୍ୱାବଧାନରେ ଶୁକ୍ରବାର ବସ୍ତା ଥାନା ଅନ୍ତର୍ଗତ ବାହାର୍ଦ୍ଦା ଗ୍ରାମରେ ଅଚାନକ ଚଢ଼ାଉ କରାଯାଇଛି।

ନୂତନ ଜିଲାପାଳଙ୍କୁ ଦିବ୍ୟାଙ୍ଗ ସଙ୍ଗଠନ ପକ୍ଷରୁ ସମ୍ବର୍ଦ୍ଧନା

ନୂତନ ଜିଲାପାଳଙ୍କୁ ଦିବ୍ୟାଙ୍ଗ ସଙ୍ଗଠନ ପକ୍ଷରୁ ସମ୍ବର୍ଦ୍ଧନା

ବାଲେଶ୍ୱର ଅଫିସ, ୧୯।୧-ବାଲେଶ୍ୱରରେ ନବନିଯୁକ୍ତ ଜିଲାପାଳ ରମେଶ ଚନ୍ଦ୍ର ରାଉତଙ୍କୁ ଦିବ୍ୟାଙ୍ଗ ସଙ୍ଗଠନ ପକ୍ଷରୁ ଭବ୍ୟ ସମ୍ବର୍ଦ୍ଧନା ଦିଆଯାଇଛି। ସଙ୍ଗଠନ ସଭାପତି ଭିନ୍ନକ୍ଷମ ଜାତୀୟ କ୍ରୀଡ଼ାବିତ୍‌ ସୁଧାକର ସେଠୀ, କର୍ମକର୍ତ୍ତା ଜ୍ୟୋତିର୍ମୟୀ ଶତପଥି, ନିରଞ୍ଜନ ଜେନା, ସୁରେନ୍ଦ୍ର ଦାସ, ଉପଦେଷ୍ଟା ଉଷାରାଣୀ ଦାସ ଓ ଅନ୍ୟାନ୍ୟ କର୍ମକର୍ତ୍ତା ଉପସ୍ଥିତ ରହି ପୁଷ୍ପଗୁଚ୍ଛ ପ୍ରଦାନ ପୂର୍ବକ ସ୍ବାଗତ କରିଥିଲେ।

ଅଙ୍ଗନୱାଡ଼ି କେନ୍ଦ୍ରରେ ଅନିୟମିତତା, ଜିଲାପାଳଙ୍କୁ ଅଭିଯୋଗ କଲେ ଗ୍ରାମବାସୀ

ଖଇରା,୧୯।୧(ଡି.ଏନ.ଏ.)-ଖଇରା ବ୍ଲକ ମାଖନପୁର ପଞ୍ଚାୟତ ଅଧୀନ ଅନନ୍ତପୁର ଶାସନରେ ଥିବା ଅଙ୍ଗନୱାଡି କେନ୍ଦ୍ରରେ ଅନିୟମିତତା ହେଉଥିବା ନେଇ ଗ୍ରାମର ମହେନ୍ଦ୍ର ପଣ୍ଡା, ସୁକାନ୍ତି ମିଶ୍ର, ହରିପ୍ରୀୟା ମିଶ୍ରଙ୍କ ସମେତ ଆଉ କେତେକ ଗ୍ରାମବାସୀ ବାଲେଶ୍ୱର ଜିଲାପାଳଙ୍କୁ ଲିଖିତ ଅଭିଯୋଗ କରିଛନ୍ତି।

୧୦ ଲକ୍ଷ ଲୁଟିନେଲେ ଦୁର୍ବୃତ୍ତ

୧୦ ଲକ୍ଷ ଲୁଟିନେଲେ ଦୁର୍ବୃତ୍ତ

ଭଦ୍ରକ ଅଫିସ, ୧୯।୧: ଭଦ୍ରକ ଜିଲା ନୂଆବଜାରସ୍ଥିତ ଷ୍ଟେଟ ବ୍ୟାଙ୍କ ସମ୍ମୁଖରୁ ଶୁକ୍ରବାର କିଛି ଦୁର୍ବୃତ୍ତ ଜଣେ ଜମାକାରୀଙ୍କଠାରୁ ୧୦ ଲକ୍ଷ ଟଙ୍କା ଲୁଟି ନେଇଛନ୍ତି। ଦୁର୍ବୃତ୍ତମାନେ ଏକ ପଲ୍‌ସର ବାଇକ୍‌ରେ ଆସି ଏହି କାଣ୍ଡ ଘଟାଇଛନ୍ତି। ଖବର ପାଇ ଟାଉନ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି।

ଦଶରଥପୁରରେ ମହିଳାଙ୍କୁ ବଳାତ୍କାର ମାମଲା: ମୁଖ୍ୟ ଅଭିଯୁକ୍ତ କେନ୍ଦୁଝରରୁ ଗିରଫ

ଦଶରଥପୁରରେ ମହିଳାଙ୍କୁ ବଳାତ୍କାର ମାମଲା: ମୁଖ୍ୟ ଅଭିଯୁକ୍ତ କେନ୍ଦୁଝରରୁ ଗିରଫ

ରାଇସୁଆଁ,୧୯।୧(ଡି.ଏନ୍‌.ଏ.): ଯାଜପୁର ଜିଲା ଦଶରଥପୁର ବିଜେଡି କାର୍ଯ୍ୟାଳୟରେ ଜଣେ ମହିଳାଙ୍କୁ ବଳାତ୍କାର ଘଟଣାରେ ଅଭିଯୁକ୍ତ ଗିରଫ ହୋଇଛନ୍ତି। କେନ୍ଦୁଝରରୁ ମୁଖ୍ୟ ଅଭିଯୁକ୍ତ ଚନ୍ଦ୍ରକାନ୍ତ ମହାପାତ୍ରଙ୍କୁ ଗିରଫ କରାଯାଇଛି।

ଭଦ୍ରକରେ ଚୋର ଉପଦ୍ରବ:  ଗୋଟିଏ ରାତିରେ ୪ ଘରୁ ଚୋରି,ଚୋରଙ୍କ ଆକ୍ରମଣରେ ୪ ଆହତ

ଭଦ୍ରକରେ ଚୋର ଉପଦ୍ରବ: ଗୋଟିଏ ରାତିରେ ୪ ଘରୁ ଚୋରି,ଚୋରଙ୍କ ଆକ୍ରମଣରେ ୪ ଆହତ

ଆରଡି,୧୯।୧(ଡି.ଏନ୍‌.ଏ.): ଭଦ୍ରକ ଜିଲା ଚାନ୍ଦବାଲି ବ୍ଲକ ଧୁଷୁରୀ ଥାନା ଅନ୍ତର୍ଗତ ନାନ୍ଦପୁର, କୋଇଲଖା ଓ ଭୂଇଁପୁର ଗ୍ରାମର ୪ଜଣଙ୍କ ଘରୁ ଗୁରୁବାର ବିଳମ୍ବିତ ରାତିରେ ଚୋରି ହୋଇଛି। ଚୋରମାନେ ସମସ୍ତଙ୍କ ଘରୁ ସୁନାଗହଣା ଓ ଟଙ୍କା ଲୁଟି ନେଇଛନ୍ତି। ଏଥିସହ ସେମାନେ ମାରଣାସ୍ତ୍ରରେ ଆକ୍ରମଣ କରି ୪ଜଣଙ୍କୁ ଆହତ କରିଛନ୍ତି।

ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ

ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ

ବାରିପଦା ଅଫିସ, ୧୯।୧: ବାରିପଦା ଟାଉନ ଥାନା ଅଧୀନ ପାଳବଣି ଗୋଲେଇ ତଥା ୧୮ ନମ୍ବର ଜାତୀୟ ରାଜପଥ କଡ଼ରୁ ଶୁକ୍ରବାର ସକାଳେ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି।

ବସ୍‌ ଯାତ୍ରୀଙ୍କଠାରୁ ୩୯ ହଜାର ଲୁଟ

ରାଇସୁଆଁ,୧୮।୧(ଡି.ଏନ.ଏ.)-କେନ୍ଦୁଝର ଜିଲାକୁ ପଶ୍ଚିମବଙ୍ଗ ଅଞ୍ଚଳରୁ ବହୁ ଲୋକ କାମ ଧନ୍ଧା କରିବା ପାଇଁ ଆସୁଥିବା ବେଳେ ସେମାନଙ୍କୁ କେତେକ ଲୁଟେରା ଟାର୍ଗେଟ କରୁଛନ୍ତି।

ଶୀତରେ ଥରୁଛି କେନ୍ଦୁଝର

କେନ୍ଦୁଝର,୧୮।୧(ସ୍ବ.ପ୍ର.)-ଗତ କେତେଦିନ ହେଲା କେନ୍ଦୁଝର ଜିଲାର ବିଭିନ୍ନ ଅଞ୍ଚଳରେ ପୁଣି ତାପମାତ୍ରା ହ୍ରାସ ପାଇଛି। ଫଳରେ ଜନଜୀବନ ବ୍ୟତିବ୍ୟସ୍ତ ହୋଇପଡିଛି। ଦୁର୍ଗମ ପାହାଡ଼ ଓ ଜଙ୍ଗଲାଞ୍ଚଳରେ ତାପମାତ୍ର ବହୁ ତଳକୁ ଖସିଆସୁଥିବାରୁ ପଡ଼ିଆ, ଗଛଡାଳ, ପତ୍ର ଆଦିରେ ତୁଷାରର ଆସ୍ତରଣ ଦେଖିବାକୁ ମିଳୁଛି।

‘ଏ ଯୁଗର ଯଶୋଦା’ ରୁକ୍ମିଣୀଙ୍କ ପରଲୋକ

‘ଏ ଯୁଗର ଯଶୋଦା’ ରୁକ୍ମିଣୀଙ୍କ ପରଲୋକ

ଭଦ୍ରକ ଅଫିସ,୧୮।୧ - ଏ ଯୁଗର ଯଶୋଦା ଭାବେ ପରିଚିତ ଥିଲେ ଭଦ୍ରକ ଚରମ୍ପା ଅଞ୍ଚଳର ରୁକି୍ମଣୀ ନାୟକ(୬୦)। ବୁଧବାର ସନ୍ଧ୍ୟାରେ ଘରେ କାମ କରୁଥିବା ସମୟରେ ପଡି ଯାଇ ସେ ଅସୁସ୍ଥ ହୋଇପଡିଥିଲେ । ସାହି ପଡୋଶୀମାନେ ତାଙ୍କୁ ଜିଲା ଚିକିତ୍ସାଳୟକୁ ଆଣିଥିଲେ।

 ଛାତ୍ରୀଛାତ୍ର ଦେଶର ଉଜ୍ଜ୍ୱଳ ଭବିଷ୍ୟତ

ଛାତ୍ରୀଛାତ୍ର ଦେଶର ଉଜ୍ଜ୍ୱଳ ଭବିଷ୍ୟତ

ବାସୁଦେବପୁର,୧୮।୧(ଡି.ଏନ.ଏ.)- ଭଦ୍ରକ ଜିଲା ବାସୁଦେବପୁର ଅଟଳବିହାରୀ ମହାବିଦ୍ୟାଳୟର ୫୪ତମ ବାର୍ଷିକ ଉତ୍ସବ ଛାତ୍ର ସଂସଦ ଓ ନାଟ୍ୟ ସଂସଦର ମିଳିତ ଆନୁକୂଲ୍ୟରେ ଗୁରୁବାର ଅନୁଷ୍ଠିତ ହୋଇଛି। ଏହି ସମାରୋହରେ ରାଜ୍ୟ ଉଚ୍ଚ ଶିକ୍ଷାମନ୍ତ୍ରୀ ଅନନ୍ତ ଦାସ ଯୋଗଦେଇ ଉତ୍ସବକୁ ଉଦ୍‌ଘାଟନ କରିଥିଲେ।

ରଟନ୍ତି କାଳୀପୂଜା ପାଇଁ ଝଲସୁଛି ଅସୁରାଳୀ

ରଟନ୍ତି କାଳୀପୂଜା ପାଇଁ ଝଲସୁଛି ଅସୁରାଳୀ

ଧାମନଗର,୧୮। ୧(ଡି.ଏନ.ଏ.)-ପ୍ରସିଦ୍ଧ ରଟନ୍ତି କାଳୀପୂଜା ଲାଗି ଭଦ୍ରକ ଜିଲା ଧାମନଗର ବ୍ଲକ ଅସୁରାଳୀ ବଜାର ଚଳଚଞ୍ଚଳ ହୋଇଉଠିଛି। ରଙ୍ଗିନ ଆଲୋକମାଳରେ ଝଟକୁଛି ପୂଜାମଣ୍ଡପ। ବିଭିନ୍ନ ପ୍ରତିଯୋଗିତା ଓ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ଯୋଗୁ ପରିବେଶ ଉତ୍ସବମୁଖର ହୋଇଉଠିଛି।