ସମ୍ବଲପୁର

ଜୟବୁଡିଆ ଗାଁରେ ପିଇବା ପାଣି ପାଇଁ ହାହାକାର

ଜୟବୁଡିଆ ଗାଁରେ ପିଇବା ପାଣି ପାଇଁ ହାହାକାର
ଲଖନପୁର ,୧୯।୧୨(ଡି.ଏନ୍‌.ଏ.)-ଝାରସୁଗୁଡ଼ା ଜିଲା ଲଖନପୁର ବ୍ଲକ୍‌ ବଞ୍ଜରୀ ପଞ୍ଚାୟତ ଜୟବୁଡିଆ ଗ୍ରାମରେ ପାନୀୟ ଜଳ ପାଇଁ ହାହାକାର ପଡ଼ିଛି । ଗ୍ରାମରେ ଆର୍‌ଡବ୍ଲୁଏସ୍‌ଏସ୍‌ ଓ ପଞ୍ଚାୟତ ମିଳିତ ଉଦ୍ୟମରେ ଦୀର୍ଘବର୍ଷ ହେଲାଣି ଏକ ଜଳଯୋଗାଣ ପ୍ରକଳ୍ପ ନିର୍ମାଣ ଚାଲିଛି । ଏହା କେବେ ସମ୍ପୂର୍ଣ୍ଣ ହୋଇପାରୁନାହିଁ। ଏହି ନିର୍ମାଣ କାମ ନିମ୍ନମାନର ହୋଇଛି। ଫଳରେ ପ୍ରକଳ୍ପ କାର୍ଯ୍ୟକ୍ଷମ ହେବାରେ ବାଧା ଉପୁଜୁଛି । ଏନେଇ ଗ୍ରାମରେ ପାନୀୟ ଜଳ ଉକତ୍ଟ ହୋଇଛି। ଏଥିପାଇଁ ଗ୍ରାମବାସୀ ପାନୀୟ ଜଳ ଟୋପାଏ ପାଇବା ପାଇଁ ଡହଳ ବିକଳ ହେଉଛନ୍ତି । ଏନେଇ ଗ୍ରାମବାସୀଙ୍କ ତରଫରୁ ବ୍ଲକ୍‌ ପ୍ରଶାସନର ଦୃଷ୍ଟି ଆକର୍ଷଣ କରାଯାଇଥିଲେ ମଧ୍ୟ କୌଣସି ସୁଫଳ ମିଳୁନାହିଁ । ଏନେଇ ଗ୍ରାମବାସୀଙ୍କ ମଧ୍ୟରେ ଦିନକୁ ଦିନ ଅସନ୍ତୋଷ ବୃଦ୍ଧି ପାଇବାରେ ଲାଗିଛି। ଏଥିପାଇଁ ଅସନ୍ତୋଷ ଗ୍ରାମବାସୀ ଆଗାମୀ ଦିନରେ ୪୯ନମ୍ବର ଜାତୀୟ ରାଜପଥ ଅବରୋଧ କରିବା ପାଇଁ ଚେତାବନୀ ଦେଇଛନ୍ତି। ସୂଚନାଯୋଗ୍ୟ,ଉପରୋକ୍ତ ଗାଁରେ ୧୨୭ ପରିବାର ବସବାସ କରୁଛନ୍ତି । ଏହି ପରିବାର ମଧ୍ୟରେ। ଗ୍ରାମରେ ପାନୀୟ ଜଳ ସୁବିଧା ପାଇଁ ରହିଛି ୧୧ ନଳକୂପ । ଏଥିମଧ୍ୟରୁ ୬ ନଳକୂପ ଚାଲୁଥିବାବେଳେ ଅବଶିଷ୍ଟ ନଳକୂପ ଅଚଳ ରହିଛି । ଏହି ଅଚଳ ନଳକୂପକୁ କେବେ ମରାମତି କରାଯାଉନାହିଁ। ଯେଉଁସବୁ ନଳକୂପ ଚାଲୁଛି ସେ ସବୁରୁ ଆଇରନ୍‌ ମିଶା ନାଲିରଙ୍ଗର ଦୂଷିତ ପାଣି ବାହାରୁଛି । ଏହି ପାଣିରେ ରୋଷେଇ କଲେ ଖାଦ୍ୟ ଖାଇବା ଉପେଯାଗୀ ହେଉନାହିଁ। ଗ୍ରାମରେ କେତେକ ଘରେ କୂଅ ରହିଛି । ଏଥିରୁ ସମସ୍ତ ଗ୍ରାମବାସୀ ପାନୀୟ ଜଳ ନେଇ ବ୍ୟବହାର କରିବା ସମ୍ଭବପର ହେଉନାହିଁ। ଗ୍ରୀଷ୍ମଋତୁରେ ଏହି କୂଅ ସବୁ ଶୁଖିଯାଉଛି । ଏହାକୁ ଦୃଷ୍ଟିରେ ରଖି ଗ୍ରାମରେ ଏକ ପାନୀୟ ଜଳ ପ୍ରକଳ୍ପ ନିର୍ମାଣ ପାଇଁ ଗ୍ରାମବାସୀ ଜିଲାପ୍ରଶାସନ ଓ ବ୍ଲକ୍‌ ପ୍ରଶାସନ ନିକଟରେ ଦାବି କରିଥିଲେ। ଏହାକୁ ବିଚାରକୁ ନେଇ ଆର୍‌ଡବ୍ଲୁଏସ୍‌ଏସ୍‌ ବିଭାଗ ତରଫରୁ ଗତ ୨୦୧୩ ମସିହାରେ ଗ୍ରାମରେ ଏକ ଗଭୀର ନଳକୂପ ଖନନ କରାଯାଇଥିଲା। ଏଥିରୁ ପାଣି ଉଠାଇବାପାଇଁ ଏକ ମଟର ମଧ୍ୟ ଲଗାଯାଇଥିଲା । ଏହି ଗଭୀର ନଳକୂପ ଦୀର୍ଘଦିନ ପଯର୍‌ୟନ୍ତ କାର୍ଯ୍ୟକ୍ଷମ ନ ହୋଇ ପଡି ରହିବାରୁ ଏହାର ସୁଯୋଗନେଇ ଦୁର୍ବୃତ୍ତମାନେ ମୋଟର ଚୋରି କରି ନେଇ ଯାଇଥିଲେ। ତା’ପରେ ଏଥିପାଇଁ ଦୀର୍ଘମାସ ଅଚଳ ହୋଇ ପଡିରହିଲା। ଏହାର ପୁନରୁଦ୍ଧାର ପାଇଁ ପଞ୍ଚାୟତ ଚର୍ତୃଦଶ ଅର୍ଥ କମିଶନ ପାଣ୍ଠିରୁ ୩ଲକ୍ଷ ଟଙ୍କା ବ୍ୟୟ ଅଟକଳରେ ନୂଆ ମୋଟର ଲଗାଇବା ସାଙ୍ଗକୁ ପାନୀୟ ଜଳ ଯୋଗାଣ ପାଇଁ ପାଇପ୍‌ ବିଛା କାମ ହେଲା। ଏହା ବିଭାଗୀୟ କାମ ହୋଇଥିବାରୁ ଏହି ନିର୍ମାଣକାମ ନିଜେ ସରପଞ୍ଚ କରିଛନ୍ତି । ଏହି ନିର୍ମାଣ କାମ ଗତ ଜୁନ୍‌ ୯ତାରିଖରେ ଆରମ୍ଭ ହୋଇଥିଲା । ଏଥିମଧ୍ୟରେ ପାଇପ୍‌ ବିଛା ଓ ପାଣି ଷ୍ଟାଣ୍ଡ ପୋଷ୍ଟ ନିର୍ମାଣ କାମ ସରିବାପରେ ପାନୀୟଜଳ ଯୋଗାଣ ପାଇଁ ଟ୍ରାଏଲ୍‌ କରାଯାଇଥିଲା । ଏହି ଟ୍ରାଏଲ୍‌ ସମୟରେ ପାଣିର ପ୍ରେସର୍‌ରେ ବିଛାଯାଇଥିବା ପାଇପ୍‌ ଅନେକ ସ୍ଥାନରେ ଫାଟି ଯାଇଛି । ଏହି ପାଇପ୍‌ ସବୁ ନିମ୍ନମାନର ବିଛାଯାଇଛି । ଏହି ବିଛାଯାଇଥିବା ପାଇପ୍‌ ଡ୍ରେନ୍‌ର ଗଭୀରତା ଠିକ୍‌ ହିସାବରେ ଖୋଳାଯାଇନାହିଁ । ଏହି ଡ୍ରେନ୍‌ରେ ପାଇପ୍‌ ବିଛା ପୂର୍ବରୁ ଓ ପରେ ବାଲି ବିଛାଇବା ନିୟମ ରହିଥିବାବେଳେ ଏହା କରା ଯାଇନାହିଁ । ପାଣି ଷ୍ଟାଣ୍ଡ ପୋଷ୍ଟସବୁ ନିମ୍ନମାନର ନିର୍ମାଣ କରାଯାଇଛି । ଏହି ପ୍ରକଳ୍ପର ସୂଚନା ଫଳକ ନିର୍ମାଣ କରାଯାଇଥିଲେ ମଧ୍ୟ ସର୍ବିଶେଷ ବିବରଣୀ ଲେଖାଯାଇନାହିଁ। ଏହି ପ୍ରକଳ୍ପକୁ ସମ୍ପୂର୍ଣ୍ଣ କରିବା ପାଇଁ ପଞ୍ଚୟତ ଚର୍ତୃଦଶ ଅର୍ଥ କମିଶନ ପାଣ୍ଠିରୁ ପୁଣି ୧ଲକ୍ଷ ଟଙ୍କା ବ୍ୟୟ ଅଟକଳ ରଖାଯାଇଛି । ଏଭଳି ସ୍ଥିତିରେ ସ୍ଥାନୀୟ ସମିତି ସଭ୍ୟ ଗୁଣନିଧି ଦଣ୍ଡସେନା ଗତ ପଞ୍ଚାୟତ ସମିତି ବୈଠକରେ ଅଭିଯୋଗ କରିଥିଲେ। ଏନେଇ ବିଡିଓ,ସହକାରୀ ନିର୍ବାହୀ ଯନ୍ତ୍ରୀ ଓ କନିଷ୍ଠଯନ୍ତ୍ରୀ ପ୍ରମୁଖ ଅଧିକାରୀମାନେ ଗତ ନଭେମ୍ବର ମାସ ପ୍ରଥମ ସପ୍ତାହରେ ଗ୍ରାମକୁ ଆସି ପ୍ରକଳ୍ପ ନିର୍ମାଣ କାମ ପରିଦର୍ଶନ କରିଥିଲେ। ଏହା ଉପରେ ଆର୍‌ଡବ୍ଲୁଏସ୍‌ଏସ୍‌ କନିଷ୍ଠଯନ୍ତ୍ରୀଙ୍କୁ ତଦନ୍ତକରି ରିପୋର୍ଟ ଦେବାପାଇଁ ନିର୍ଦ୍ଦେଶ ଦେଇଥିଲେ। ଏହି ପ୍ରକଳ୍ପକୁ ୧ମାସ ମଧ୍ୟରେ କାଯର୍‌ୟକ୍ଷମ କରାଯାଇ ଗ୍ରାମବାସୀଙ୍କ ଉଦ୍ଦେଶ୍ୟରେ ହସ୍ତାନ୍ତର କରାଯିବ ବୋଲି ପ୍ରତିଶ୍ରୁତି ଦିଆଯାଇଥିଲା । କିନ୍ତୁ ଏହି ସମୟସୀମା ଅତିବାହିତ ହୋଇଯାଇଥିଲେ ମଧ୍ୟ ପ୍ରକଳ୍ପ କାଯର୍‌ୟକ୍ଷମ ନ ହୋଇ ସେମିତି ପଡି ରହିଛି । ଏଥିମଧ୍ୟରେ ବିଡିଓଙ୍କ ବଦଳି ହୋଇଯାଇଛି । ସହକାରୀ ନିର୍ବାହୀ ଯନ୍ତ୍ରୀ ଧନଞ୍ଜୟ ସେଠ୍‌ କହିଛନ୍ତି ଆର୍‌ଡବ୍ଲୁଏସ୍‌ଏସ୍‌ କନିଷ୍ଠଯନ୍ତ୍ରୀଙ୍କୁ ଏହାର ତଦନ୍ତ କରି ରିପୋର୍ଟ ଦେବାପାଇଁ କୁହାଯାଇଥିଲା। ସେ ଏଥିରେ ବିଳମ୍ବ କରିଥିବାରୁ ଏହି କାର୍ଯ୍ୟ ତ୍ୱରାନ୍ବିତ ହୋଇପାରିନାହିଁ । ଏଥିପାଇଁ ଆର୍‌ଡବ୍ଲୁଏସ୍‌ଏସ୍‌ କନିଷ୍ଠ ଯନ୍ତ୍ରୀ ମଙ୍ଗଳବାର ଗ୍ରାମକୁ ଯାଇ ଏହାର ତଦନ୍ତ କରିବେ ବୋଲି ସହକାରୀ ନିର୍ବାହୀ ଯନ୍ତ୍ରୀ ସେଠ୍‌ କହିଛନ୍ତି । ଏନେଇ ଆର୍‌ଡବ୍ଲୁଏସ୍‌ଏସ୍‌ କନିଷ୍ଠଯନ୍ତ୍ରୀ ବିଜୟ ଓଟି କହିଛନ୍ତି ତଦନ୍ତ ପାଇଁ ବିଡିଓ ତାଙ୍କୁ ନିର୍ଦ୍ଦେଶ ଦେଇଥିଲେ । କିନ୍ତୁ ଅନ୍ୟାନ୍ୟ କାମପାଇଁ ଏହା କରାଯାଇ ପାରି ନାହିଁ ବୋଲି ସେ କହିଛନ୍ତି । ନିମ୍ନମାନର କାମକୁ ନେଇ ପଞ୍ଚାୟତ ଦାୟିତ୍ୱରେ ଥିବା କନିଷ୍ଠଯନ୍ତ୍ରୀ ଗୀତାଞଳି ବେହେରା କହିଛନ୍ତି ତାଙ୍କ ସମୟରେ ଏହି ନିର୍ମାଣକାମ ହୋଇନାହିଁ ପୂର୍ବରୁ ହୋଇଛି । ସେହିଭଳି ପଞ୍ଚାୟତ ନିର୍ବାହୀ ଅଧିକାରୀ(ପିଇଓ) ନିଶିକାନ୍ତ ଚାନ୍ଦ କହିଛନ୍ତି ଏହା ବିଭାଗୀୟ କାମ ହୋଇଥିବାବେଳେ ସରପଞ୍ଚ ଏହାକୁ କରିଛନ୍ତି। ଏନେଇ ସରପଞ୍ଚ କୃଷ୍ଣଚନ୍ଦ୍ର ସେଠ୍‌ ନିଜେ ଏହି କାମ କରିଥିବା ସ୍ବୀକାର କରିଛନ୍ତି । ସେ ଆଉ କହିଛନ୍ତି କନିଷ୍ଠଯନ୍ତ୍ରୀ ପାଇପ୍‌ର ମାନନିର୍ଦ୍ଧାରଣ କରିବା ପରେ ଏହି ପାଇପ୍‌ ବିଛାଯାଇଛି । ଏଥିରେ ତାଙ୍କର କିଛି ଦୋଷ ନାହିଁ ବୋଲି ସେ ସଫେଇ ଦେଇଛନ୍ତି।
All Right Reserved By

ସମ୍ବଲପୁର

ଅଟୋ-ବାଇକ୍‌ ଧକ୍କା: ୩ ଆହତ

ଅଟୋ-ବାଇକ୍‌ ଧକ୍କା: ୩ ଆହତ

ସମ୍ବଲପୁର,୧୮।୧୦(ବ୍ୟୁରୋ)-ଗୁରୁବାର ଅପରାହ୍ନ ୨ଟାରେ ସମ୍ବଲପୁର ଅଇଁଠାପାଲି ଥାନା ଅନ୍ତର୍ଗତ ଓଭରବ୍ରିଜ ଉପରେ ଦୁର୍ଘଟଣା ଘଟିଛି। ଅଟୋ-ବାଇକ୍‌ ଧକ୍କା ହେବାରୁ ଅଟୋ ଡ଼୍ରାଇଭରଙ୍କ ସହ ବାଇକ୍‌ରେ ବସିଥିବା ୨ଜଣ ଆହତ ହୋଇଛନ୍ତି। ୩ ଆହତଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଯାଇଛି।

୫୧ ବର୍ଷରେ ଟିକ୍ରାପଡ଼ା ଗାନ୍ଧୀ ପାଠାଗାର ଦୁର୍ଗାପୂଜା: ସାମିଲ ହୋଇଛନ୍ତି ସବୁଧର୍ମର ଲୋକେ

୫୧ ବର୍ଷରେ ଟିକ୍ରାପଡ଼ା ଗାନ୍ଧୀ ପାଠାଗାର ଦୁର୍ଗାପୂଜା: ସାମିଲ ହୋଇଛନ୍ତି ସବୁଧର୍ମର ଲୋକେ

ବଲାଙ୍ଗୀର ଅଫିସ,୧୮।୧୦- ବଲାଙ୍ଗୀର ଟିକ୍ରାପଡ଼ା ଗାନ୍ଧୀ ପାଠାଗାର ଦୁର୍ଗାପୂଜା ୫୧ ବର୍ଷରେ ପଦାର୍ପଣ କରିଛି। ଏଥିରେ ସବୁଧର୍ମର ଲୋକେ ସାମିଲ ହୋଇଛନ୍ତି। ପୂଜାକୁ ଆକର୍ଷଣୀୟ କରିବା ପାଇଁ ପୂଜା କମିଟି ପକ୍ଷରୁ ବିଶେଷ ଗୁରୁତ୍ୱ ଦିଆଯାଇଛି। ପୂଜାରେ ମୁଖ୍ୟକର୍ତ୍ତା ଭାବେ ସଦାଶିବ ଶତପଥୀ ଓ ନମିତା ଶତପଥୀ ଦାୟିତ୍ୱ ତୁଲାଉଛନ୍ତି। ସୁବର୍ଣ୍ଣପୁର ଜିଲା ବିନିକା ନିକଟସ୍ଥ ଉର୍ଲ୍ଲେ ଗାଁର ପୂଜକ ଜଗଦୀଶ ପୁରୋହିତ ଏବଂ ସହକର୍ମୀ ପୂଜାକାର୍ଯ୍ୟ ସମ୍ପାଦନ କରୁଛନ୍ତି। ପୂଜା କମିଟି ସଭାପତି ସମୀର କୁମାର 

ଦଲେଇପଡ଼ାରେ ରାବଣ ପୋଡ଼ି ପ୍ରସ୍ତୁତି ଶେଷ

ଦଲେଇପଡ଼ାରେ ରାବଣ ପୋଡ଼ି ପ୍ରସ୍ତୁତି ଶେଷ

ସମ୍ବଲପୁର,୧୮।୧୦(ବ୍ୟୁରୋ)- ଦଲେଇପଡ଼ା ରାବଣ ପୋଡି କମିଟି ପକ୍ଷରୁ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି।  ଶିଳ୍ପୀ ସୁଶାନ୍ତ ବଢ଼େଇ ମହାନଦୀ ଶଯ୍ୟାରେ ରାବଣଙ୍କ ପ୍ରତିମୂର୍ତ୍ତି ସ୍ଥାପିତ କରିଛନ୍ତି। ଶୁକ୍ରବାର ସନ୍ଧ୍ୟା ୬ଟାରେ ଦଲେଇପଡା ମହାନଦୀ ଘାଟଠାରେ ରାବଣ ପୋଡି କାର୍ଯ୍ୟକ୍ରମ ହେବ ବୋଲି କମିଟି ସଭାପତି ସିର୍ଦ୍ଧାର୍ଥ ସାହା ଜଣାଇଛନ୍ତି। ସମ୍ପାଦକ ଭାରତ ବାଗ, କାର୍ଯ୍ୟକାରୀ ସଭ୍ୟ ଅନୁପ କୁମାର ତରିଆ, ପରେଶ ବେରିହା, ପ୍ରଶାନ୍ତ ବାଗ, ତନୁଜ ବେରିହା, ପ୍ରଫୁଲ୍ଲ ଷଡ଼ଙ୍ଗୀ, ମହେନ୍ଦ୍ର ବିଶି ପ୍ରମୁଖ

ଝାରସୁଗୁଡ଼ାରୁ ଦେଶର ମୁଖ୍ୟ ସହରକୁ ବିମାନ ଚଳାଚଳ ଦାବି

ଝାରସୁଗୁଡ଼ାରୁ ଦେଶର ମୁଖ୍ୟ ସହରକୁ ବିମାନ ଚଳାଚଳ ଦାବି

ସମ୍ବଲପୁର,୧୮।୧୦(ବ୍ୟୁରୋ) 
ରାଜ୍ୟର ଝାରସୁଗୁଡ଼ାଠାରେ ବହୁ ପ୍ରତିକ୍ଷୀତ ବୀମାନ ବନ୍ଦର ଉଦ୍‌ଘାଟିତ ହୋଇଛି।  ଏହି ବୀର ସୁରେନ୍ଦ୍ର ସାଏ ବିମାନ ବନ୍ଦରରୁ ନୂଆଦିଲ୍ଲୀ, ବମ୍ବେ, କୋଲକାତା ଭଳି ମୁଖ୍ୟ ସହରଗୁଡିକୁ ସିଧାସଳଖ ବିମାନ ଚଳାଚଳ କରାଯିବାକୁ ପ୍ରବାସୀ ଓଡ଼ିଆ ନାଗରିକମାନେ ଦାବି କରିଛନ୍ତି। ୟୁନାଇଟେଡ୍‌ ଆରବ୍‌ ଏମିରେଟ୍ସ (ୟୁଏଇ)ରେ ରହୁଥିବା ପ୍ରବାସୀ ଓଡ଼ିଆ ନାଗରିକ ପ୍ରତିନିଧି ଇଣ୍ଟରନ୍ୟାସନାଲ୍‌ ସିପିଙ୍ଗ୍‌ ଆଣ୍ଡ୍‌ ଲଜିଷ୍ଟିକ୍‌ର ସିଇଓ ସୋମ୍ୟରଞ୍ଜନ ପଟ୍ଟନାୟକ, ୱିପ୍ରୋ (ମଧ୍ୟ ପ୍ରାଚ୍ୟ)ର ଜିଏମ ପ୍ରିୟଦର୍ଶୀ ପାଣିଗ୍ରାହୀ, 

ରାଉରକେଲାରେ ଦିନରେ ବଢୁଛି ପୂଜା ଭିଡ

ରାଉରକେଲାରେ ଦିନରେ ବଢୁଛି ପୂଜା ଭିଡ

ରାଉରକେଲା ଅଫିସ,୧୮।୧୦
ଧରାବତରଣ କରିଛନ୍ତି ମା’ଦୁର୍ଗତୀ ନାଶିନୀ ଦେବୀ ଦୁର୍ଗା। ସହରଠାରୁ ଗ୍ରାମ ସବୁଠି ଚଳଚଞ୍ଚଳ ହୋଇପଡ଼ିଛି। ଷ୍ଟିଲ ସିଟିରେ ମା’ଙ୍କର ପୂଜା ବେଶ୍‌ ଧୁମ୍‌ଧାମରେ ପାଳିତ ହେଉଛି। କିନ୍ତୁ ରାତି ଅପେକ୍ଷା ଆଜିକାଲି ଦିନ ବେଳା ବେଶ୍‌ ଭିଡ ନଜରକୁ ଆସୁଛି। ଗତ କିଛି ବର୍ଷ ଧରି ଏପରି ଟ୍ରେଣ୍ଡ ବଢିବାରେ ଲାଗିଛି। ଛେଣ୍ଡ କଲୋନୀଠାରୁ ନେଇ ସେକ୍ଟର-୨ ଦୁର୍ଗା ପୂଜା ମଣ୍ଡପ ପର୍ଯ୍ୟନ୍ତ ଦୁଇ ଥାକିଆ ରାସ୍ତାରେ ସନ୍ଧ୍ୟା ନଇଁବା ପରେ ଲାଗୁଥିବା ଭିଡକୁ ନଜରରେ ରଖି ପରିସ୍ଥିତି ବଦଳିଥିବା କୁହାଯାଇଛି। କୁହାଯାଇଛି 

 ସିଆଇଏସ୍‌ସିଇ ଜାତୀୟ କ୍ରୀଡ଼ା ପ୍ରତିଯୋଗିତା: ବେଲପାହାଡ଼ର ୨ଛାତ୍ରଙ୍କ ସଫଳତା

ସିଆଇଏସ୍‌ସିଇ ଜାତୀୟ କ୍ରୀଡ଼ା ପ୍ରତିଯୋଗିତା: ବେଲପାହାଡ଼ର ୨ଛାତ୍ରଙ୍କ ସଫଳତା

ବେଲପାହାଡ଼,୧୮।୧୦(ଡ଼ି.ଏନ୍‌.ଏ.)
ଗତ ୧୨ରୁ ୧୪ତାରିଖ ପର୍ଯ୍ୟନ୍ତ ମହାରାଷ୍ଟ୍ରର ପୁନେଠାରେ କାଉନସିଲ ଅଫ୍‌ ଇଣ୍ଡିଆନ ସ୍କୁଲ ସାର୍ଟିଫିକେଟ ଏକ୍‌ଜାମିନେଶନ(ସିଆଇଏସ୍‌ସିଇ) ଜାତୀୟ ଦୌଡ଼କୁଦ କ୍ରୀଡ଼ା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏଥିରେ ଭାଗ ନେଇଥିବା ଝାରସୁଗୁଡ଼ା ଜିଲା ବେଲପାହାଡ଼ ଇଂଲିଶ ମିଡ଼ିୟମ ବିଦ୍ୟାଳୟର ଦୁଇ ଜଣ ଛାତ୍ର ତୁଷାର ଶର୍ମା ଓ ରାଜବୀର ସିଂ ଭଲ ସଫଳତା ଅର୍ଜନ କରିଛନ୍ତି । ପ୍ରତିଯୋଗିତାରେ ୧୯ବର୍ଷରୁ କମ ବାଳକ ବିଭାଗ ଟ୍ରିପଲ ଜମ୍ପରେ ତୁଷାର ଶର୍ମା ପ୍ରଥମ ହୋଇ ସ୍ବର୍ଣ୍ଣ ପଦକ 

ମା’ ମାହେଶ୍ୱରୀ ମନ୍ଦିର ନିକଟରେ ସାଂସ୍କୃତିକ କାର୍ଯ୍ୟକ୍ରମବେଳେ ଗୋଷ୍ଠୀ ସଂଘର୍ଷ: ଭୁଜାଲି ଆକ୍ରମଣରେ ୨ ଗୁରୁତର, ପୋଲିସ ମୁତୟନ

ମା’ ମାହେଶ୍ୱରୀ ମନ୍ଦିର ନିକଟରେ ସାଂସ୍କୃତିକ କାର୍ଯ୍ୟକ୍ରମବେଳେ ଗୋଷ୍ଠୀ ସଂଘର୍ଷ: ଭୁଜାଲି ଆକ୍ରମଣରେ ୨ ଗୁରୁତର, ପୋଲିସ ମୁତୟନ

ଅତାବିରା, ୧୮।୧୦ (ଡି.ଏନ.ଏ.)-ବରଗଡ଼ ଜିଲା ଅତାବିରା ଥାନା ଗୋଡ଼ଭଗା ଫାଣ୍ଡି ଅନ୍ତର୍ଗତ ପୋଡ଼ବାଡ଼ି ମା’ ମାହେଶ୍ୱରୀ ମନ୍ଦିରରେ ପୂଜା ଉପଲକ୍ଷେ ମନ୍ଦିର ନିକଟରେ ଚାଲିଥିବା ସାଂସ୍କୃତିକ କାର୍ଯ୍ୟକ୍ରମରେ ବୁଧବାର ରାତିରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ଘଟିଛି। ଗୋଟିଏ ଗୋଷ୍ଠୀର ଭୁଜାଲି ଆକ୍ରମଣରେ ପୂଜା କମିଟିର ସନ୍ୟାସୀ ସୁସାରୀ ଓ ଆଲୋକ ମହାପାତ୍ର ଗୁରୁତର ହୋଇଛନ୍ତି। ସେମାନଙ୍କୁ କାଦୋବାହାଲ ଡ଼ାକ୍ତରଖାନାରେ ଭର୍ତ୍ତି କରାଯାଇଛି। ଏହି ଘଟଣାକୁ ନେଇ ସେଠାରେ ଉତ୍ତେଜନା 

ମାହେଶ୍ୱରୀ ପୀଠରେ ଷୋହଳ ପୂଜା ସମ୍ପନ୍ନ

ମାହେଶ୍ୱରୀ ପୀଠରେ ଷୋହଳ ପୂଜା ସମ୍ପନ୍ନ

ଅତାବିରା, ୧୮।୧୦ (ଡି.ଏନ.ଏ)
ବରଗଡ଼ ଜିଲା ଅତାବିରା ବ୍ଲକ ଅଞ୍ଚଳର ଶକ୍ତି ଉପାସନା ପୀଠ ଦେବୀ ମାହେଶ୍ୱରୀ ମନ୍ଦିରରେ ଦୀର୍ଘ ଷୋହଳ ଦିନ ପର୍ଯ୍ୟନ୍ତ ଡୁମ୍ବାଳ ସମାଜର ଆରାଧ୍ୟ ଦେବୀ ମାହେଶ୍ୱରୀଙ୍କ ଷୋହଳ ପୂଜା ବୁଧବାର ସମ୍ପନ୍ନ ହୋଇଛି। ମଙ୍ଗଳବାର ଭାଇ ଜିଉଁତିଆ ଦିନ ମନ୍ଦିର ଗୁଡିକରେ ବରୁଆଙ୍କୁ ପୂଜା କରାଯାଇଥିଲା । ବିଧି ନିୟମ ପରମ୍ପରା ଅନୁସାରେ ମାହେଶ୍ୱରୀ ଦେବୀଙ୍କ ବାଡିକୁ ଦେହେରୀ, ପୂଜକ ଉପାସନ କରିଥିବା ବ୍ୟକ୍ତିମାନେ ଶୋଭାଯାତ୍ରାରେ ଗାଁ ପରିକ୍ରମା କରାଇଥିଲେ । ମାନସିକଧାରୀ ଉପାସକଙ୍କ ଦ୍ୱାରା 

ଲୋଇସିଂହାରେ ୩ ଦିନିଆ ରାବଣ ଦରବାର ଆରମ୍ଭ

ଲୋଇସିଂହାରେ ୩ ଦିନିଆ ରାବଣ ଦରବାର ଆରମ୍ଭ

ଲୋଇସିଂହା,୧୮।୧୦(ଡି.ଏନ.ଏ)- ବଲାଙ୍ଗୀର ଜିଲା ଲୋଇସିଂହା ମା’ ଦୁର୍ଗା କ୍ଲବ ପକ୍ଷରୁ  ନବରାତ୍ର ଦୁର୍ଗାପୂଜା ଅନୁଷ୍ଠିତ ହେଉଛି। ପୂଜା କମିଟି ପକ୍ଷରୁ ୩ଦିନିଆ ରାବଣ ଦରବାର କାର୍ଯ୍ୟକ୍ରମ ରଖାଯାଇଛି। ବୁଧବାର ସନ୍ଧ୍ୟାରେ ରାବଣ ଦରବାର ଆରମ୍ଭ ହୋଇଥିଲା।  ଏହା ଗୁରୁବାର ଓ ଶୁକ୍ରବାର ଚାଲିବ। ବିଶିଷ୍ଟ କଳାକାର ରବୀନ୍ଦ୍ର ସାହୁ ରାବଣ ଭୂମିକାରେ ଅଭିନୟ କରି ଲୋଇସିଂହା ବସ୍ତିରେ ଦିଗବିଜୟ ଆରମ୍ଭ କରିଥିଲେ। ପରେ ପୂଜାମଣ୍ଡପ ନିକଟରେ ଦରବାର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। 

ରାଜ୍ୟସ୍ତରୀୟ ଟାଏକୋଣ୍ଡୋ କିକ୍‌ ବକ୍ସିଂ ଓ କରାଟେ ଚାମ୍ପିୟନଶିପ୍‌ରେ ଟିଟିଲାଗଡ ଓମ ଭେଲି ସ୍କୁଲ ଛାତ୍ରୀଛାତ୍ରଙ୍କ ସଫଳତା

ରାଜ୍ୟସ୍ତରୀୟ ଟାଏକୋଣ୍ଡୋ କିକ୍‌ ବକ୍ସିଂ ଓ କରାଟେ ଚାମ୍ପିୟନଶିପ୍‌ରେ ଟିଟିଲାଗଡ ଓମ ଭେଲି ସ୍କୁଲ ଛାତ୍ରୀଛାତ୍ରଙ୍କ ସଫଳତା

ଟିଟିଲାଗଡ/ଲୋଇସିଂହା,୧୮।୧୦(ଡି.ଏନ.ଏ)-ରାଉରକେଲା ଦୀପିକା ଇଂଲିଶ ମିଡିୟମ ସ୍କୁଲରେ ୧୧ତମ  ରାଜ୍ୟସ୍ତରୀୟ ଟାଏକୋଣ୍ଡା କିକ ବକ୍ସିଂ ଓ କରାଟେ ଚାମ୍ପିୟନଶିପ୍‌ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଏଥିରେ ଟିଟିଲାଗଡ ଓମ ଭେଲି ସ୍କୁଲର ଛାତୀଛାତ୍ର୍ର ଭାଗନେଇ ଉତ୍ତମ ପ୍ରଦର୍ଶନ କରି ୩ ସ୍ବର୍ଣ୍ଣ , ୪ ରୌପ୍ୟ ଓ ୫ ବ୍ରୋଞ୍ଜ ପଦକ ହାସଲ କରିଛନ୍ତି। ଛାତ୍ରଙ୍କ ସଫଳତା ନେଇ ସ୍କୁଲ କର୍ତ୍ତୃପକ୍ଷ, ଅଭିଭବାକ ଓ ଟିଟିଲାଗଡବାସୀଙ୍କ ମଧ୍ୟରେ ଖୁସି ପ୍ରକାଶ ପାଇଛି। ଗତ ୧୪ ଓ ୧୫ ତାରିଖ 

ଡକାୟତି ଯୋଜନା ଧରାପଡ଼ିଲା: କଂଗ୍ରେସ ନେତାଙ୍କ ସମେତ ୭ ଗିରଫ, ମାରଣାସ୍ତ୍ର ସହ ବୋଲେରୋ,ବାଇକ୍‌ ଜବତ

ଡକାୟତି ଯୋଜନା ଧରାପଡ଼ିଲା: କଂଗ୍ରେସ ନେତାଙ୍କ ସମେତ ୭ ଗିରଫ, ମାରଣାସ୍ତ୍ର ସହ ବୋଲେରୋ,ବାଇକ୍‌ ଜବତ

ସୁନ୍ଦରଗଡ଼, ୧୮।୧୦ (ଡି.ଏନ୍‌.ଏ) -ଦୁର୍ଗାପୂଜାରେ ବଡ଼ଧରଣର ଡ଼କାୟତି କରିବା ପାଇଁ ଯୋଜନା ଚାଲିଥିବାବେଳେ ପୋଲିସ ଭଣ୍ଡୁର କରିଛି। ସୁନ୍ଦରଗଡ଼-ବାମରା ରାସ୍ତାର କିରେଇ ସୂତାକଳ ନିକଟରେ ଚାଲିଥିବା ଡକାୟତି ଯୋଜନା ଧରାପଡ଼ିଛି। ଏକ ଡକାୟତ ଦଳର ୭ଜଣଙ୍କୁ ସୁନ୍ଦରଗଡ଼ ସଦର ଥାନା ପୋଲିସ ଗିରଫ କରି ବୁଧବାର କୋର୍ଟ ଚାଲାଣ କରିଛି। ପୋଲିସ ସେମାନଙ୍କ ନିକଟରୁ ୩ ଭୁଜାଲି, ୩ ଛୁରି, ଗୋଟିଏ ବାଇକ୍‌ ଓ ଜାଲ ନମ୍ବର ଥିବା ଏକ ବୋଲେରୋ ଗାଡି ଜବତ କରିଛି। 

ଜୁଆଆଡ୍ଡା ଉପରେ ଚଢାଉ: ୬ ଗିରଫ,  ୪,୨୮,୪୪୪ ଟଙ୍କା ଜବତ

ଜୁଆଆଡ୍ଡା ଉପରେ ଚଢାଉ: ୬ ଗିରଫ, ୪,୨୮,୪୪୪ ଟଙ୍କା ଜବତ

ସୁନ୍ଦରଗଡ଼, ୧୮।୧୦ (ଡି.ଏନ୍‌.ଏ.) -ଦୁର୍ଗାପୂଜାକୁ ଆଖିଆଗରେ ରଖି ପୋଲିସ ପକ୍ଷରୁ ଆଇନଶୃଙ୍ଖଳା ଉପରେ କଡ଼ା ନଜର ରଖାଯାଇଛି। ସୁନ୍ଦରଗଡ଼ ସଦର ଥାନା ଅନ୍ତର୍ଗତ ଗୁରାବସା ଜଙ୍ଗଲରେ ଏକ ଜୁଆଆଡ୍ଡା ଚାଲିଥିବା ଖବର ପାଇ ପୋଲିସ ଚଢାଉ କରିଥିଲା। ସେଠାରୁ ୬ଜଣଙ୍କୁ ଗିରଫ କରିଛି। ପୋଲିସ ଏମାନଙ୍କ ନିକଟରୁ ନଗଦ ୪ଲକ୍ଷ ୨୮ହଜାର ୪୪୪ ଟଙ୍କା ସହ ୫ଟି ବାଇକ୍‌ ଓ ୯ ମୋବାଇଲ ଫୋନ୍‌ ଜବତ କରିଛି।