ସମ୍ପାଦକୀୟ |

ଆତ୍ମସମୀକ୍ଷାର ଜନାଦେଶ

ଆତ୍ମସମୀକ୍ଷାର ଜନାଦେଶ
ସବ୍ୟସାଚୀ ଅମିତାଭ ଗୁଜରାଟ ଓ ହିମାଚଳ ପ୍ରଦେଶ ନିର୍ବାଚନର ଫଳ ଆସିସାରିଛି। ପାର୍ବତୀୟ ରାଜ୍ୟ ହିମାଚଳ କଥା ଛାଡନ୍ତୁ, କାରଣ ଏଠାକାର ଭୋଟର ପ୍ରତି ୫ ବର୍ଷରେ ସରକାର ବଦଳାଇବାର ନଜିର ରହିଛି। ହେଲେ ସାରା ଦେଶ ଯାହା ଉପରେ ନଜର ରଖିଥିଲା, ତାହା ହେଉଛି ଗୁଜରାଟ। ଏଠାରେ ମୋଦିଙ୍କ କରିସ୍ମା କାମ କରିଛି ଆଉ ଭାଜପା ୬ଷ୍ଠ ଥର ପାଇଁ କ୍ଷମତାକୁ ଆସିଛି। ହେଲେ ବଡ଼ କଥା ହେଲା, ଏହି ବିଜୟ ଭାଜପା ଶିବିର ପାଇଁ ଚିନ୍ତାର କାରଣ ହୋଇଛି। କାରଣ କ୍ଷମତାରେ ଏତେ ବର୍ଷ ରହିବା ପରେ ପ୍ରଥମଥର ପାଇଁ ଦଳ ୯୯ ଆସନରେ ସୀମିତ ରହିଛି। ଏହା ଦଳ ଓ ଗୁଜରାଟ ମଡେଲ୍‌ ପାଇଁ ଏକପ୍ରକାର ସତର୍କ ଘଣ୍ଟି କହିଲେ ଭୁଲ୍‌ ହେବନି।୨୦୧୫ ମସିହା କଥା ଟିକେ ଭାବନ୍ତୁ। ରାସ୍ତାକୁ ଓହ୍ଲାଇ ସାରିଥିଲା ଗୁଜରାଟର ପଟିଦାର ସମାଜ। ୨୦୧୭ରେ ରାଜ୍ୟର କପଡା ବେପାରୀ ବି ରାସ୍ତାକୁ ଓହ୍ଲାଇଥିଲେ। ଏହି ବର୍ଷ ଦଳିତ ଯୁବବର୍ଗ ବି ଆନ୍ଦୋଳନକୁ ଓହ୍ଲାଇଥିଲେ। ସମସ୍ତଙ୍କ ଟାର୍ଗେଟରେ ଥିଲା ମୋଦିଙ୍କ ଗୁଜରାଟ ମଡେଲ। ଅଗଷ୍ଟ ୨୦୧୫ରେ ହାର୍ଦ୍ଦିକ୍‌ ପଟେଲଙ୍କ ବିରାଟ ରାଲି ପରେ ବି କଂଗ୍ରେସର ନିଦ ଭାଙ୍ଗି ନ ଥିଲା, ଏପରିକି ୨୦୧୭ରେ କପଡା ବ୍ୟବସାୟୀଙ୍କ ଆନ୍ଦୋଳନ ବି କଂଗ୍ରେସକୁ ସଚେତନ କରିପାରି ନ ଥିଲା। କୁମ୍ଭକର୍ଣ୍ଣ ନିଦରେ ଶୋଇଥିବା ଗୁଜରାଟ କଂଗ୍ରେସର ନିଦ ଭାଙ୍ଗିଥିଲା ଯେତେବେଳେ ରାହୁଲ ଗାନ୍ଧୀ ଗୁଜରାଟରେ ପହଞ୍ଚିଥିଲେ। କଂଗ୍ରେସ ପାଇଁ ସାହାରା ହୋଇଥିଲେ ପଟିଦାର ନେତା ହାର୍ଦ୍ଦିକ୍‌ ପଟେଲ୍‌, ଓବିସି ନେତା ଅଳ୍ପେଶ ଠାକୁର ଓ ଦଳିତ ଯୁବନେତା ଜିଗ୍‌ନେଶ ମଓ୍ବୋନି। ଏମାନଙ୍କ ସାହାରା କଂଗ୍ରେସ ପାଇଁ ଅକ୍ସିଜେନ୍‌ ପରି କାମ ଦେଇଥିଲା। ଆଉ ପ୍ରଥମ ଥର ପାଇଁ ୨୨ ବର୍ଷର ଭାଜପା ସରକାରକୁ ଟକ୍କର ଦେବା ପାଇଁ ଠିଆ ହୋଇଥିଲା କଂଗ୍ରେସ। ୨୦୧୪ରୁ ବରାବର ଗୁଜରାଟ ମଡେଲକୁ ନେଇ ଅଡୁଆରେ ଥିବା କଂଗ୍ରେସକୁ ୨୦୧୯ ପାଇଁ ଆଶା ଦିଶିଥିଲା। ଗତ ୨୨ବର୍ଷ ଭିତରେ ଭାଜପାର ବିଜୟ ରଥ ପ୍ରଥମ ଥର ପାଇଁ ଗୁଜରାଟରେ ସବୁଠାରୁ ଦୁର୍ବଳ ପ୍ରଦର୍ଶନ କରି ଜିତିଥିବା ବେଳେ କଂଗ୍ରେସ ୨୨ବର୍ଷ ଭିତରେ ସବୁଠାରୁ ଶକ୍ତିଶାଳୀ ପ୍ରଦର୍ଶନ କରି ନିର୍ବାଚନ ହାରିଛି। ଗୁଜରାଟର ଏ ହାରଜିତ୍‌ ପ୍ରଥମ ଥର ପାଇଁ ପ୍ରଶ୍ନ ରଖିଛି, ୨୦୧୯ରେ ନରେନ୍ଦ୍ର ମୋଦିଙ୍କ ପାଇଁ ନିର୍ବାଚନ ସହଜସାଧ୍ୟ ହେବ ତ?ଟିକେ ପଛକୁ ଯିବା, ମନେପକାଇବା ୨୦୧୪ର ନରେନ୍ଦ୍ର ମୋଦିଙ୍କୁ। ତାଙ୍କ ଗୁଜରାଟ ମଡେଲକୁ। ଗୁଜରାଟ ମଡେଲର ବ୍ରାଣ୍ଡ ଆମ୍ବାସାଡର ହୋଇଥିବା ମୋଦିଙ୍କ ସମକକ୍ଷ ହେବା ପାଇଁ କେହି ବିକଳ୍ପ ନ ଥିଲେ। ଏହାପରେ ପରବର୍ତ୍ତୀ ସାଢେ ତିନି ବର୍ଷ। ସେଇ ଗୁଜରାଟ ମଡେଲ୍‌। ବ୍ରାଣ୍ଡ ଆମ୍ବାସାଡର ମୋଦି ସମସ୍ତଙ୍କୁ ଧୂଳି ଚଟାଇଥିଲେ। ଜନତା ବି ମାନିନେଇଥିଲେ ଏକତରଫା ବିଜୟର ଆବଶ୍ୟକତା। ସେଥିପାଇଁ ମହାରାଷ୍ଟ୍ର, ହରିୟାଣା, ଝାଡ଼ଖଣ୍ଡ, ଜମ୍ମୁ ଓ କଶ୍ମୀରରେ ଭାଜପା (ଏକାକୀ ବା ମେଣ୍ଟ) ସରକାର ଗଢ଼ିଥିଲା। ଏହାପରେ ଆସାମ, ପଶ୍ଚିମବଙ୍ଗ, ଉତ୍ତରାଖଣ୍ଡ ଓ ୟୁପିର ଜନାଦେଶ ବି ଏକତରଫା ହୋଇଥିଲା। ପଞ୍ଜାବରେ କଂଗ୍ରେସର ବିଜୟ ବି ଏକତରଫା ଥିଲା। ହେଲେ ଯେଉଁ ଗୁଜରାଟ ମଡେଲର ଚର୍ଚ୍ଚା ୨୦୧୪ରୁ ଥିଲା, ତାହା ଦୋହଲିଗଲା ଆଉ କଂଗ୍ରେସକୁ ଟକ୍କର ଦେବା ସ୍ଥିତିରେ ଆଣି ପହଞ୍ଚାଇଦେଲା। ପ୍ରଥମଥର ପାଇଁ ଗୁଜରାଟ ନିର୍ବାଚନର ଫଳ, କଂଗ୍ରେସର ଆତ୍ମବିଶ୍ୱାସକୁ ଫେରାଇଆଣିଛି ଯେ, ଲଢିଲେ ସେମାନେ ଜିତିପାରିବେ। ଭାଜପାକୁ ଗୁଜରାଟ ଫଳ ଭାବିବାକୁ ବାଧ୍ୟ କରିଛି, ଯଦି ଏତିକି ପ୍ରସ୍ତୁତିରେ କଂଗ୍ରେସ ଟକ୍କର ଦେଇପାରିଛି, ତେବେ ୨୦୧୯ର ଲଢେଇ ଏତେଟା ସହଜ ହେବନି। ଗୁଜରାଟର ନିର୍ବାଚନ ଫଳ ଦୀର୍ଘ ବର୍ଷ ଧରି ଶୋଇଥିବା କଂଗ୍ରେସକୁ ଉଠାଇଦେଇଛି, ଆସନ୍ତାବର୍ଷ ୪ଟି ରାଜ୍ୟର ବିଧାନସଭା ନିର୍ବାଚନ। କର୍ନାଟକକୁ ଛାଡିଦେଲେ ରାଜସ୍ଥାନ, ମଧ୍ୟପ୍ରଦେଶ ଓ ଛତିଶଗଡରେ ଭାଜପା ସରକାର ରହିଛି। ଅର୍ଥାତ୍‌ ଗୁଜରାଟ ପରେ ଓ ୨୦୧୯ ପୂର୍ବରୁ ଏପରି ଏକ ରାଜନୈତିକ ଲଢେଇ ହେବାକୁ ଯାଉଛି, ଯେଉଁଠି ମୁହାଁମୁହିଁ ହେବେ ନରେନ୍ଦ୍ର ମୋଦି ଓ ରାହୁଲ ଗାନ୍ଧୀ। ଏହାଛଡା ୨୦୧୯ରେ କିଏ କାହା ସହ ରହିବ ତାହା ବି ଏବେଠାରୁ ସ୍ଥିର ହୋଇଯିବ। ଆଞ୍ଚଳିକ ଦଳଗୁଡିକୁ ନିଜର ସ୍ଥିତି ରକ୍ଷା ପାଇଁ ମୋଦି ଅବା ରାହୁଲଙ୍କ ପକ୍ଷକୁ ଆସିବାକୁ ପଡିବ। ବର୍ତ୍ତମାନ ସମୟରେ ମୋଦିଙ୍କ ସହ ନୀତୀଶ କୁମାର, ପ୍ରକାଶ ସିଂ ବାଦଲ, ଚନ୍ଦ୍ରାବାବୁ ନାଇଡୁ, ମେହବୁବା ମୁଫ୍‌ତି, ରାମବିଳାସ ପାଶ୍ୱାନ ଥିବା ବେଳେ ରାହୁଲଙ୍କ ସହ ଅଛନ୍ତି ଅଖିଳେଶ ଯାଦବ, ଲାଲୁପ୍ରସାଦ, କରୁଣାନିଧି, ଫାରୁକ୍‌ ଅବଦୁଲ୍ଲା, ଶରଦ ପାୱାର ଓ ଅସାଦୁଦ୍ଦିନ୍‌ ଓବେସିଙ୍କ ପରି ନେତା। ଆଗକୁ ବାମଦଳ ଓ ବିଏସ୍‌ପିକୁ ସାଥିରେ ଆଣିବାକୁ ରାହୁଲ୍‌ ନିଶ୍ଚିତ ପ୍ରୟାସ କରିବେ। ସେହିପରି ଭାଜପା ଓ କଂଗ୍ରେସ, କାହା ସହ ଏଯାଏ ନ ଥିବା ତୃଣମୂଳ ନେତ୍ରୀ ମମତା ବାନାର୍ଜୀ, ବିଜେଡି ସୁପ୍ରିମୋ ନବୀନ ପଟ୍ଟନାୟକ ଓ ଟିଆରଏସ୍‌ ପ୍ରମୁଖ କେ. ଚନ୍ଦ୍ରଶେଖର ରାଓ କେଉଁ ଦିଶାରେ ଯାଉଛନ୍ତି ତାକୁ ବି ଅପେକ୍ଷା କରିବାକୁ ପଡିବ।ଏହା ଭିତରେ ଦୁଇଟି ପ୍ରଶ୍ନ ସାମ୍‌ନାକୁ ଆସୁଛି। ପ୍ରଥମ, ସମୟ ଥିଲା କଂଗ୍ରେସ ବିରୋଧରେ ମେଣ୍ଟ ରାଜନୀତି ଆରମ୍ଭ ହୋଇଥିଲା ଓ ୨୦୧୯ରେ ଭାଜପା ବିରୋଧରେ ବିରୋଧୀଙ୍କ ମେଳି ରାଜନୀତି ହେବାକୁ ଯାଉଛି। ଦ୍ୱିତୀୟ ପ୍ରଶ୍ନଟି ହେଲା, ଧର୍ମ-ଜାତି ରାଜନୀତିଠାରୁ ପୃଥକ୍‌ ନାନା ଆର୍ଥିକ ପ୍ରସଙ୍ଗ ଯାହା ଗୁଜରାଟ ମଡେଲକୁ ଅଡୁଆରେ ପକାଇଛି, ତାହା ୨୦୧୯ରେ ପଲିଟିକାଲ୍‌ ଡିସକୋର୍ସ ବଦଳାଇଦେବନି ତ! ତେବେ ପଲିଟିକାଲ୍‌ ଡିସକୋର୍ସ ମୋଦି ବଦଳାଇବେ ନା କଂଗ୍ରେସ ରାସ୍ତାରେ ମୋଦି ଚାଲିଛନ୍ତି ଏହା ବି ପ୍ରଶ୍ନ ଉଠିବା ସ୍ବାଭାବିକ। ନରେନ୍ଦ୍ର ମୋଦି ଓ ଅମିତ୍‌ ଶାହ ଯୋଡିଙ୍କ ରଣନୀତିରେ ବରିଷ୍ଠ ନେତାମାନେ ଅଣଦେଖା ହୋଇସାରିଛନ୍ତି। ଭାଜପାରେ ଧୂଆଁଧାର ନେତା କୁହାଯାଉଥିବା ଆଡ୍‌ଭାନୀ, ମୁରଲୀ ମନୋହର ଯୋଶୀ, ୟଶୱନ୍ତ ସିହ୍ନା ଅଲୋଡା ହୋଇସାରିଥିବା ବେଳେ ୨୦୧୪ ପୂର୍ବରୁ ଦଳରେ ଗୁରୁତ୍ୱ ବହନ କରୁଥିବା ରାଜନାଥ ସିଂହ, ସୁଷମା ସ୍ବରାଜ, ନୀତିନ ଗଡ୍‌କରୀ, ରବିଶଙ୍କର ପ୍ରସାଦ ବା ଉମାଭାରତୀଙ୍କ କାଟ୍‌ତି ବି ଦଳରେ ଆଉ ନାହିଁ। ଏମାନଙ୍କ ତୁଳନାରେ ଗତ ଲୋକ ସଭା ନିର୍ବାଚନରେ ପରାଜୟର ମୁହଁ ଦେଖିଥିବା ଅରୁଣ ଜେଟ୍‌ଲୀ ବରଂ ଶକ୍ତିଶାଳୀ ଭାବେ ଉଭା ହୋଇଛନ୍ତି। ଭାଜପାର ନୂଆ ବ୍ରିଗେଡ୍‌ କହିଲେ ଏବେ ନିର୍ମଳା ସୀଥାରମଣ, ଧର୍ମେନ୍ଦ୍ର ପ୍ରଧାନ, ସ୍ମୃତି ଇରାନୀ, ପୀୟୂଷ ଗୋୟଲ୍‌ ଓ ପ୍ରକାଶ ଜାଭଡେକରଙ୍କୁ ବୁଝାଯାଉଛି। ସେହିପରି ଭାଜପାଶାସିତ ରାଜ୍ୟଗୁଡିକର ମୁଖ୍ୟମନ୍ତ୍ରୀମାନଙ୍କୁ ତର୍ଜମା କଲେ ଜଣାପଡୁଛି, ସମସ୍ତଙ୍କ ଡୋର ରହିଛି ଅମିତ୍‌ ଶାହ ଓ ନରେନ୍ଦ୍ର ମୋଦିଙ୍କ ହାତରେ। ମହାରାଷ୍ଟ୍ରରେ ଫଡ୍‌ନବିସ୍‌ ହୁଅନ୍ତୁ ଅବା ହରିୟାଣାରେ ଖଟ୍ଟାର। ସେହିପରି ଝାଡ଼ଖଣ୍ଡର ରଘୁବର ଦାସ, ଉତ୍ତରାଖଣ୍ଡର ତ୍ରିବେନ୍ଦ୍ର ରାୱତ୍‌, ଆସାମର ସର୍ବାନନ୍ଦ ସୋନୋବାଲ୍‌, ମଣିପୁରର ବୀରେନ୍‌ ସିଂହ ଓ ଉତ୍ତରପ୍ରଦେଶର ଯୋଗୀ ଆଦିତ୍ୟନାଥ। ଏମାନେ ଗୋଟିଏ ଝଟ୍‌କାରେ ମୁଖ୍ୟମନ୍ତ୍ରୀ ହୋଇଛନ୍ତି ଓ ଏମାନଙ୍କ ପରିଚୟ ଜାତୀୟସ୍ତରରେ ଗଣତି ହୁଏନି। ସେହିପରି ମଧ୍ୟପ୍ରଦେଶର ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ, ଛତିଶଗଡର ରମଣ ସିଂହ, ରାଜସ୍ଥାନର ବସୁନ୍ଧରା ରାଜେ ଓ ଗୋଆର ମନୋହର ପାରିକର ନିଜ ନିଜର ଯୋଗ୍ୟତା ବଳରେ ଜାତୀୟସ୍ତରର ପରିଚୟ ତିଆରି କରିଛନ୍ତି। ଭାଜପା ଓ ପ୍ରଧାନମନ୍ତ୍ରୀ ମୋଦି ଏବେ ସେଇ ରାସ୍ତାରେ ଚାଲିବା ଆରମ୍ଭ କରିଦେଇଛନ୍ତି, ଯେଉଁ ଧାରାରେ ଦିନେ କଂଗ୍ରେସ ଚାଲୁଥିଲା। ଅଶୀ ଦଶକ ଯାଏ ରାଜ୍ୟମାନଙ୍କରେ କଂଗ୍ରେସ ସରକାରଙ୍କ ନେତୃତ୍ୱ ସ୍ଥିର କରୁଥିଲେ ହାଇକମାଣ୍ଡ। ଏବେ ଭାଜପା ସେଇ ହାଇକମାଣ୍ଡ ଧାରାରେ ଚାଲୁଛି। ତେବେ କଂଗ୍ରେସଠାରୁ ଭାଜପାର ଫରକ ଏତିକି ଯେ, ନିର୍ବାଚନ ଜିତିବା ପାଇଁ ଅମିତ୍‌ ଶାହଙ୍କ ରଣନୀତି ଓ ଏହାର ବ୍ରାଣ୍ଡ ଆମ୍ବାସାଡର ପରି ପ୍ରଧାନମନ୍ତ୍ରୀ ମୋଦିଙ୍କ ଅତ୍ୟଧିକ ସଂଶ୍ଳିଷ୍ଟତା, ଯାହାକୁ ମୁକାବିଲା କରିବାର ଅସ୍ତ୍ର କଂଗ୍ରେସ ପାଖରେ ନାହିଁ। କାରଣ କଂଗ୍ରେସ ଯେତେବେଳେ ଲଢ଼େଇ ପାଇଁ ପ୍ରସ୍ତୁତି କରୁଥାଏ, ସେତେବେଳେ ଭାଜପା ତୃଣମୂଳସ୍ତରରେ ଗୋଟିଏ ବାଜି ଲଢ଼ିସାରିଥାଏ। କଂଗ୍ରେସ ରାଜ୍ୟସ୍ତରରେ ନିଷ୍ପତ୍ତି ନେବା ସମୟରେ ଭାଜପା ବୁଥ୍‌ ସ୍ତରରେ ପହଞ୍ଚତ୍ ସାରିଥାଏ।ତେବେ ପ୍ରଶ୍ନ ଉଠୁଛି, ଗୁଜରାଟର ଶିକ୍ଷା କ’ଣ କଂଗ୍ରେସର କୁମ୍ଭକର୍ଣ୍ଣ ନିଦ ଭାଙ୍ଗିପାରିବ! ପାରମ୍ପରିକ ରାଜନୀତି ପାଇଁ ଜଣାଶୁଣା କଂଗ୍ରେସ ରାହୁଲ୍‌ ଗାନ୍ଧୀଙ୍କ ନେତୃତ୍ୱରେ ନିଜକୁ କେତେ ବଦଳାଇପାରୁଛି ତାହା ମୋଟାମୋଟି ବଡ଼ ପ୍ରଶ୍ନ। ମୋ- ୯୪୩୮୨୯୬୫୧୯, amitav.dear@gmail.com
All Right Reserved By

ସମ୍ପାଦକୀୟ |

ସମ୍ପାଦକୀୟ/ ଚୋକ୍‌ସିଙ୍କ ପଥ

ସମ୍ପାଦକୀୟ/ ଚୋକ୍‌ସିଙ୍କ ପଥ

ପଞ୍ଜାବ ନ୍ୟାଶନାଲ ବ୍ୟାଙ୍କ (ପିଏନ୍‌ବି) ସ୍କାମ୍‌ ପ୍ରାୟ ବର୍ଷେ ପୂରଣ କରିବାକୁ ଯାଉଛି। ଇତିମଧ୍ୟରେ ଏହାର ମୁଖ୍ୟ ଅଭିଯୁକ୍ତ ହୀରା ବ୍ୟବସାୟୀ ନୀରବ ମୋଦି ଓ ତାଙ୍କ ମାମୁ ମେହୁଲ ଚୋକ୍‌ସିଙ୍କୁ ଭାରତ ପ୍ରତ୍ୟର୍ପଣ କରାଯାଇପାରିଲା ନାହିଁ। ଚୋକ୍‌ସି ଆଣ୍ଟିଗୁଆ ନାଗରିକତ୍ୱ ଗ୍ରହଣ କରିସାରିଥିବାରୁ ୨୦୧୯ ଜାନୁୟାରୀ ୨୧ରେ ଭାରତୀୟ ପାସ୍‌ପୋର୍ଟ ସମର୍ପଣ କରିଦେଇଛନ୍ତି। ଭାରତୀୟ ବୈଦେଶିକ ନୀତି ଅନୁଯାୟୀ, ଯେତେବେଳେ ଜଣେ ନାଗରିକ ଅନ୍ୟ ଦେଶର ..

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ

୨୦୧୯ ବର୍ଷର ଶେଷ ‘ମନ୍‌ କି ବାତ୍‌’ରେ ପ୍ରଧାନମନ୍ତ୍ରୀ ମୋଦି କହିଥିଲେ ଯେ, ନକାରାତ୍ମକତାର ପ୍ରସାର କରିବା ଅତି ସହଜ କିନ୍ତୁ ଲୋକେ ସକାରାତ୍ମକତାର ପ୍ରସାର ପାଇଁ ଆଗେଇ ଆସିବା ଦରକାର। ପ୍ରଧାନମନ୍ତ୍ରୀଙ୍କ ଭଳି ନେତୃସ୍ଥାନୀୟ ବ୍ୟକ୍ତି ଏଭଳି ସକାରାତ୍ମକତାର ବିଚାର ଦେବା ଅନେକ ଆଶା ଉଦ୍ରେକ କରାଏ। ଏହି ନିର୍ବାଚନୀ ଋତୁରେ ପ୍ରଧାନମନ୍ତ୍ରୀ ‘ମନ୍‌ କି ବାତ୍‌’ରେ ରଖିଥିବା ବିଚାରକୁ ନିଜ ଆଚାରରେ ପରିଣତ କରିପାରିଲେ ତାହା ସକାରାତ୍ମକତାର ଉଦାହରଣ ସୃଷ୍ଟିକରିବ। ନିଜ ବିଚାରକୁ ଆଚାରରେ ପରିଣତ କରି ବିରୋଧୀଙ୍କୁ ଟାହିଟାପରା କରିବାର ପ୍ରବୃତ୍ତିରୁ ନିଜକୁ ଦୂରେଇ ବା ବିରୋ..

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ଡ. ପ୍ରଫୁଲ୍ଲ କୁମାର ସାହୁ

ଉଚ୍ଚଶିକ୍ଷିତ ଭାରତୀୟଙ୍କ ପକ୍ଷରେ ଯେତେବେଳେ ଆଇସିଏସ୍‌ ଚାକିରି ଥିଲା ଶ୍ରେଷ୍ଠ ସଫଳତା, ସେତେବେଳେ ସୁଭାଷ ବୋଷ ଥିଲେ ପ୍ରଥମ ଭାରତୀୟ, ଯିଏ ଆଇସିଏସ୍‌ ପରୀକ୍ଷାରେ ସଫଳତା ଅର୍ଜନ କରି ମଧ୍ୟ ତାହାକୁ ପାଦରେ ଏଡ଼େଇ ଦେଇ କେମ୍ବ୍ରିଜ୍‌ରୁ ସ୍ବଦେଶ ଫେରି ଆସିଥିଲେ ଦେଶମାତୃକାକୁ ସ୍ବାଧୀନ କରିବାର ଦୃଢ଼ ସଂକଳ୍ପ ନେଇ। ସିଧାସଳଖ ବମ୍ବେରେ ମହାମତ୍ା ଗାନ୍ଧୀଙ୍କୁ ସାକ୍ଷାତ କରି (୨୦ଜୁଲାଇ ୧୯୨୧) ସେ କଂଗ୍ରେସରେ ଯୋଗଦେଲେ ଏବଂ..

ଏଇ ଭାରତରେ

ଏଇ ଭାରତରେ

ଦେଶର ବିଭିନ୍ନ ରାଜ୍ୟରେ ବିବାହକୁ ନେଇ ରହିଛି ଭିନ୍ନ ଭିନ୍ନ ପରମ୍ପରା। ବିବାହ ବେଳେ କନ୍ୟା ଓ ବର ଅଗ୍ନିକୁ ସାକ୍ଷୀ ରଖି ସାରା ଜୀବନ ଲାଗି ସାଥୀ ହୋଇଥାଆନ୍ତି। ତେବେ ରାଜସ୍ଥାନର ଶ୍ରୀମାଲୀ ସମ୍ପ୍ରଦାୟରେ ଏକ ଭିନ୍ନ ପରମ୍ପରା ଦେଖିବାକୁ ମିଳେ। ବିଭାଘର ବେଳେ ବର କନ୍ୟାକୁ କୋଳରେ ଧରି ଅଗ୍ନି ଚାରିପାଖରେ ସାତଥର ପ୍ରଦକ୍ଷିଣ କରିଥାଆନ୍ତି। ପୁରାଣରେ ଉଲ୍ଲେଖ ରହିଛି ପ୍ରଭୁ ଶ୍ରୀକୃଷ୍ଣ ରୁକ୍ମିଣୀଙ୍କୁ ବିବାହ କରିବା ସମୟରେ ବିଘ୍ନ ..

ସମ୍ପାଦକୀୟ/କୃଷି ଆଗ

ସମ୍ପାଦକୀୟ/କୃଷି ଆଗ

ଆଜିର ସ୍ଥିତି ଦେଖିଲେ ୨୦୧୪ରେ କ୍ଷମତାକୁ ଆସିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଦେଇଥିବା ପ୍ରତିଶ୍ରୁତି ଆଦୌ ପୂରଣ କରିନାହାନ୍ତି। ଉଚ୍ଚାଙ୍ଗ ସ୍ବରରେ ‘ସମସ୍ତଙ୍କୁ ସାଙ୍ଗରେ ନେଇ ବିକାଶ’ କଥା କହୁଥିଲେ ମଧ୍ୟ ତା’ର ଫଳ ଶୂନ ହୋଇଛି। ବିଶେଷକରି ସାମାଜିକ ଓ ଅର୍ଥନୈତିକ ଦିଗରୁ ତାଙ୍କ ଶାସନ ସମୟରେ ଦେଶର ଅଧିକ କ୍ଷତି ଘଟିଛି। ଅସହିଷ୍ଣୁତା, ମିଛିମିଛିକା ଦେଶପ୍ରେମ ଓ ବିଭାଜନ ରାଜନୀତି ସାମାଜିକ ବାତାବରଣକୁ ଘୋର ପ୍ରଭାବିତ କରିଛି। ଏକ ଉତ୍ତମ ଶାସନ ଜରିଆରେ ଭାରତୀୟ ଅର୍ଥନୀତିକୁ ନୂଆ ଦିଗ ଦେଖାଇଦିଆଯିବ ବୋଲି କୁହାଯାଇଥିଲେ ମଧ୍ୟ ତା’ର ସୁଫଳ ଲୋକେ ପାଇପାରିନାହାନ୍ତି। ଏହା ଜଣାଶୁଣା ଯେ, ମୋଦିଙ୍କ ଶାସନ ସମୟରେ କର୍ପୋରେଟ ପ୍ରୀତି ବଢ଼ିଛି..

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

ସହଦେବ ସାହୁ

ଜାତିସଂଘର ଖାଦ୍ୟ ଓ କୃଷି ସଂସ୍ଥା (ଏଫ୍‌ଏଓ) ସହିତ କାର୍ଯ୍ୟ କରୁଥିବା କ୍ଷୁଧା ଓ କୁପୁଷ୍ଟି ବିରୋଧୀ ଅନ୍ତର୍ଜାତୀୟ ସଂଗୋଷ୍ଠୀ (ଇଣ୍ଟରନ୍ୟାଶନାଲ ଆଲାଏନ୍ସ ଏଗେଁଷ୍ଟ ହଙ୍ଗର ଆଣ୍ଡ ମାଲନ୍ୟୁଟ୍ରିଶନ୍‌) କୃଷି କ୍ଷେତ୍ରରେ ଭାରତର ଅଭୂତପୂର୍ବ ବିକାଶକୁ ପ୍ରଶଂସା କରିଛି। ୧୯୫୦-୫୧ରେ ଭାରତରେ ଖାଦ୍ୟଶସ୍ୟ ଉପତ୍ାଦନ ପରିମାଣ ୫ କୋଟି ଟନ୍‌ ଥିବାବେଳେ ୨୦୧୬-୧୭ରେ ୨୭ କୋଟି ୨୦ ଲକ୍ଷ ଟନ୍‌ ହୋଇଛି, ପ୍ରାୟ ୫ଗୁଣ। ଲୋକସଂଖ୍ୟା ବଢ଼ିଛି ୪ ଗୁଣ। ତେଣୁ ଖାଦ୍ୟ-ଅଭାବୀ ପରିସ୍ଥିତିକୁ ପଛରେ ପକାଇ ଭାରତ ଏକ ଖାଦ୍ୟ ରପ୍ତାନିକାରୀ ରାଷ୍ଟ୍ର ହୋଇଗଲାଣି। ତଥାପି ଭାରତରେ କ୍ଷୁଧା ଓ କୁପୁଷ୍ଟି କାରଣରୁ ଏକଚତୁର୍ଥାଂଶ ଲୋକ କାର୍ଯ୍ୟକ୍ଷମ ହୋଇପାରୁ ନାହା..

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ବ୍ରହ୍ମାନନ୍ଦ ପଣ୍ଡା

ଆଜିକାଲି ଭାରତୀୟ ଶିକ୍ଷା ବ୍ୟବସ୍ଥାର ଏଭଳି ଅଧୋଗତି ହୋଇଛି ଯେ, ପ୍ରାୟ ୬୦% ମାଧ୍ୟମିକ ଛାତ୍ରୀଛାତ୍ର ଦରଖାସ୍ତଟିଏ ଲେଖିବାକୁ ବା ସାଧାରଣ ହିସାବଟିଏ କରିବାକୁ ଅସମର୍ଥ। ଭାରତର ୭୫% ଯାନ୍ତ୍ରିକ ଓ କାରିଗରି ଶିକ୍ଷାପ୍ରାପ୍ତ ସ୍ନାତକ ଚାକିରି ପାଇବାକୁ ଅଯୋଗ୍ୟ ବୋଲି ନିକଟ ଅତୀତରେ ପ୍ରକାଶ ପାଇଥିବା ତଥ୍ୟ ସାରା ଭାରତରେ ଆଲୋଡ଼ନ ସୃଷ୍ଟି କରିଥିଲା। ଖାଲି ସେତିକି ନୁହେଁ ଛାତ୍ରସମାଜର ଆଜି ନୈତିକ ସ୍ଖଳନ ଘଟିଛି। ଭାରତୀୟ ସଂସ୍କୃତିର ଅବକ୍ଷୟ ହେଉଛି। ମାନବିକ ମୂଲ୍ୟବୋଧ ଲୋପ ପାଉଛି। ଆଜିର ଶିକ୍ଷା ବ୍ୟୟବହୁଳ ଏବଂ ଚାକିରିସର୍ବସ୍ବ ହୋଇଛି। ଜ୍ଞାନ ଓ ଗବେଷଣା ଅର୍ଥସର୍ବସ୍ବ ହୋଇଛି। ସମାଜସେବା ପ୍ରଚାରସର୍ବସ୍ବ ହୋଇଛି। ଯଦି ସ୍ନାତକ ଓ ସ୍ନାତକୋତ୍ତର ଛାତ୍ରୀଛାତ୍ର ପିଅନ ..

ଏଇ ଭାରତରେ

ଏଇ ଭାରତରେ

କାହିଁ କେଉଁ ଆଦିମ କାଳରୁ କୁକୁର ହେଉଛି ମଣିଷର ସାଥୀ। ଏହି ପ୍ରାଣୀ ମଣିଷର ଅତ୍ୟନ୍ତ ବିଶ୍ୱସ୍ତ ଭୃତ୍ୟ ଭାବରେ କାର୍ଯ୍ୟ କରେ। ଏପରି କି ମାଲିକର ଲୁଣ ଖାଇବାରୁ ତା’ର ଗୁଣ ଗାଏ। ମାଲିକର ଜୀବନ ବଞ୍ଚାଇବାକୁ ଯାଇ ଦରକାର ପଡ଼ିଲେ ନିଜ ଜୀବନ ହାରିଦିଏ। ଏପରି ଏକ ଘଟଣା ଘଟିଛି ଜୟପୁରରେ। ରାଜସ୍ଥାନର ଜୟପୁରରେ ବାସ କରୁଥିବା ପୂର୍ବତନ ରଣଜୀ ଖେଳାଳି ସଞ୍ଜୀବ ଓହଲାନ୍‌ଙ୍କ ବାସଭବନରେ ନିଆଁ ଲାଗିଯାଇଥିଲା। ତଳ ମହଲାରେ ତାଙ୍କ ସ୍ତ୍ରୀ, ପୁଅ ଓ ଚାକରକୁ ଉଦ୍ଧାର କରାଯାଇଥିଲେ ମଧ୍ୟ ନିଆଁ ଲାଗିବା ଯୋଗୁ ସଞ୍ଜୀବ..

ମୋଦି: ସବୁଥିରେ ଆଙ୍ଗୁଠି

ମୋଦି: ସବୁଥିରେ ଆଙ୍ଗୁଠି

ସ।ଧାରଣ ନିର୍ବାଚନ ଯେତେ ନିକଟତର ହେଉଛି, ରାଜନୈତିକ ଉଷ୍ମତା ସେତେ ବଢ଼ିବାରେ ଲାଗିଲାଣି। ଜାନୁୟାରୀ ୧୯ରେ କୋଲକାତାରେ  ବିରୋଧୀଙ୍କ ରାଲିର କଳେବର ଦେଖିଲେ ମହାଗଠବନ୍ଧନ ଶକ୍ତିଶାଳୀ ହେଉଥିବା ମନେହେଉଛି। 

ସବୁଜ ପରିବହନ ବ୍ୟବସ୍ଥା

ସବୁଜ ପରିବହନ ବ୍ୟବସ୍ଥା

 ବିଶ୍ୱ ସ୍ବାସ୍ଥ୍ୟ ସଂସ୍ଥାର ଏକ ରିପୋର୍ଟରୁ ଜଣାଯାଏ ଯେ, ଭାରତରେ ଅଧିକାଂଶ ସହର ବାୟୁ ପ୍ରଦୂଷଣ ଦ୍ୱାରା ଆକ୍ରାନ୍ତ। ଏପରି କି ପୃଥିବୀର ସବୁଠାରୁ ଅଧିକ ପନ୍ଦରଟି ସହର ମଧ୍ୟରେ ଭାରତର ଚଉଦଟି ସହର ଅଛି। ସବୁଠାରୁ ପ୍ରଦୂଷିତ ସହର ହେଉଛି କାନପୁର। 

ବାସିପାଣିରେ ପଚରା

ବାସିପାଣିରେ ପଚରା

ହଇରେ ମୋତେ କ’ଣ ଆଉ ବାସିପାଣିରେ ପଚାରୁନୁ? ଚିହ୍ନା ଲୋକଟିଏ, ଆପଣାର ମଣିଷଟିଏ ଆମକୁ ପୂର୍ବାପେକ୍ଷା ହତାଦର କରିବାର ଅନୁଭବ କଲେ ଆମେ ଏ ରୂଢିଟିର ପ୍ରୟୋଗ କରିଥାଉ! ଏଠାରେ ବାସିପାଣିକୁ ନିକୃଷ୍ଟ ଅର୍ଥରେ ବ୍ୟବହାର କରାଯାଇଛି। ନଚେତ୍‌ ଆମେ କହୁଥାନ୍ତେ- ହଇରେ ମୋତେ କ’ଣ ଆଉ ସଜପାଣିରେ ପଚାରୁନୁ? ନଚେତ୍‌ କହିଥାନ୍ତେ- କିରେ ମୋତେ କ’ଣ ଆଉ ମଦପାଣିରେ ପଚାରୁନୁ? ମାନେ ବାସିପାଣିଟି ପଚାରିବା ବା ବନ୍ଧୁ ଚର୍ଚ୍ଚା କରିବା ଯୋଗ୍ୟ ନୁହେଁ।

ଏଇ ଭାରତରେ

ଏଇ ଭାରତରେ

ଭଲ ପାଇବାର ହୃଦୟଟିଏ ଥିଲେ କେତେକ ପୁରୁଷ ଓ ମହିଳା ଅତିକ୍ରାନ୍ତ ବୟସରେ ବି ଭଲପାଇ ବସନ୍ତି। ତେବେ ଭଲ ପାଇବା ପାଇଁ ଜଣେ ବିବାହିତା ମହିଳା ଏକ ଅଭିନବ ପନ୍ଥା ଆପଣାଇଥିଲେ।