ସମ୍ପାଦକୀୟ |

ପ୍ରଦୂଷଣ ବଳୟରେ ପୃଥିବୀ

ପ୍ରଦୂଷଣ ବଳୟରେ ପୃଥିବୀ

ଡା. ସୁରେନ୍ଦ୍ରନାଥ ପତି
ବର୍ତ୍ତମାନ ସମୟରେ ପୃଥିବୀର ସବୁ ଦେଶ ବାୟୁ ପ୍ରଦୂଷଣରେ ପୀଡ଼ିତ। ଧନୀ, ଶିଳ୍ପୋନ୍ନତ ଦେଶଗୁଡ଼ିକ ଏହାର କାରଣ, କିନ୍ତୁ ଦୁର୍ଦ୍ଦଶା ଭୋଗୁଛନ୍ତି ଦରିଦ୍ର, ମଧ୍ୟବିତ୍ତଶାଳୀ ରାଷ୍ଟ୍ରମାନେ। ଚାଇନା ବିଶ୍ୱର ସବୁଠାରୁ ଅଧିକ ପ୍ରଦୂଷିତ ଦେଶ ଭାବରେ ପ୍ରଥମ ସ୍ଥାନ ଅଧିକାର କରିଥିଲା, କିନ୍ତୁ ଏହାର ସୁଦୂରପ୍ରସାରୀ କୁପ୍ରଭାବକୁ ହୃଦୟଙ୍ଗମ କରି ଅତ୍ୟାଧୁନିକ ପ୍ରତିବିଧାନ କରିବା ଫଳରେ ଏଥିରେ ସାମାନ୍ୟ ଉନ୍ନତି ଘଟିଛି। ଭାରତ ପ୍ରଦୂଷଣ ଶିଡିରେ ତଳକୁ ଯାଉଛି। ପ୍ରଦୂଷିତ ବାୟୁମଣ୍ଡଳରେ ବାସ କଲେ ଶାରୀରିକ, ମାନସିକ, ସାମାଜିକ ଓ ଅର୍ଥନୈତିକ ସମସ୍ୟା ମାନ ଦେଖାଯାଏ। କମ୍‌ ବୟସର ପିଲା, ବୃଦ୍ଧ ବ୍ୟକ୍ତି ଅଧିକ ଶାରୀରିକ ଅସୁସ୍ଥତା ଭୋଗ କରିଥାନ୍ତି। ବାୟୁ ପ୍ରଦୂଷଣ ପୂର୍ବକାଳରେ ନ ଥିଲା। ସେତେବେଳେ ଜନସଂଖ୍ୟା ଅଳ୍ପ ଥିଲା, ଘଞ୍ଚ ଜଙ୍ଗଲରେ ଭୂମି ପୂରିଥିଲା, କଳକାରଖାନା ନ ଥିଲା, ନଦୀ, ନାଳ, ପୁଷ୍କରିଣୀ ସର୍ବଦା ଜଳପୂର୍ଣ୍ଣ ରହୁଥିଲା। ତେବେ ପ୍ରଦୂଷଣର ପ୍ରଧାନ କାରଣମାନ କ’ଣ? ଗୃହ ମଧ୍ୟରେ କାଠ, ବାଉଁଶ, ଡାଳପତ୍ର, ଗୋବର ଘଷି ଜାଳି ରୋଷେଇ କରିବା। ଏହାଦ୍ୱାରା ନିର୍ଗତ ଧୂଆଁ ଗୃହ ମଧ୍ୟରେ ଘୂରିବୁଲେ। ବସ୍‌, ଟ୍ରକ୍‌, କାର ଆଦି ଗାଡ଼ି ଓ ଉଡାଜାହାଜରୁ ଇନ୍ଧନ ଦହନଜନିତ ଧୂଆଁ ଦ୍ୱାରା ବାୟୁମଣ୍ଡଳ ଦୂଷିତ ହୁଏ। କଳକାରଖାନା, ତାପଜ ବିଦ୍ୟୁତ୍‌ କେନ୍ଦ୍ରରୁ ପ୍ରଚୁର ଧୂଆ ନିର୍ଗତ ହୁଏ। ଦୈନନ୍ଦିନ ଜୀବନରେ ଛୋଟ, ମଧ୍ୟମ ଧରଣର ମେଶିନ କୋଇଲା ବା ଡିଜେଲ ଦ୍ୱାରା ଚାଳିତ ହୁଏ। ଏ ସବୁର ଦହନ ଦ୍ୱାରା ସଲ୍‌ଫର ଅକ୍ସାଇଡ, କାର୍ବନ ମନୋକ୍‌ସାଇଡ, ନାଇଟ୍ରୋଜେନ ଅକ୍ସାଇଡ ପ୍ରଭୃତି ନିର୍ଗତ ହୋଇ ବାୟୁମଣ୍ଡଳରେ ମିଶିଥାଏ। ଜମିରେ କୀଟପତଙ୍ଗମରା ଔଷଧ ଓ ରାସାୟନିକ ସାର ବ୍ୟବହାର ହେବା ଦ୍ୱାରା ପ୍ରଚୁର ଆମୋନିଆ ଗ୍ୟାସ୍‌ ନିର୍ଗତ ହୁଏ। ମିଥେନ୍‌ ଗ୍ୟାସ୍‌ ଅନ୍ୟ ଏକ ବିଷାକ୍ତ ଧୂମ। ଯେଉଁ ଗୋସମ୍ପଦକୁ ଆମେ ଏତେ ଆଦର କରୁ ସେମାନଙ୍କ ହଜମ ପ୍ରକ୍ରିୟାରୁ ମିଥେନ୍‌ ଗ୍ୟାସ୍‌ ନିର୍ଗତ ହୁଏ। ଅତ୍ୟାଧୁନିକ ମେଶିନରୁ କ୍ଲୋରୋଫ୍ଲୋରୋ କାର୍ବନ ନିର୍ଗତ ହୋଇ ଓଜୋନ ସ୍ତରରେ ଗର୍ତ୍ତ ସୃଷ୍ଟି କରୁଛି। ସହରର ଅଳିଆ ଆବର୍ଜନା ଖୋଲା ସ୍ଥାନରେ ପକାଇବାରୁ ମିଥେନ୍‌ ଗ୍ୟାସ୍‌ ନିର୍ଗତ ହୁଏ। ଅଙ୍ଗାରକାମ୍ଳ ଓ ମିଥେନ୍‌ ଗ୍ଲୋବାଲ ଓ୍ବାର୍ମିଂର ପ୍ରମୁଖ କାରଣ। ଅଟୋସଲ୍‌ଫର ଅକ୍ସାଇଡ ଓ ନାଇଟ୍ରୋଜେନ ଅକ୍ସାଇଡ୍‌ ଅମ୍ଳ ବର୍ଷା ଆକାରରେ ଭୂପୃଷ୍ଠରେ ପତିତ ହୋଇ ବୃକ୍ଷଲତା, ଜୀବଜଗତ ଓ ଜଳର ପ୍ରଦୂଷଣ କରେ। ୨୦୧୫ ମସିହାରେ ଏକ ହିସାବରୁ ଜଣାଯାଇଥିଲା, ସମଗ୍ର ପୃଥିବୀରେ ୬.୫ ମିଲିୟନ ବ୍ୟକ୍ତି ପ୍ରଦୂଷିତ ବାୟୁ ସେବନ କରି ଅକାଳରେ ମୃତ୍ୟୁମୁଖରେ ପଡିଛନ୍ତି। ଭାରତରେ ଏହାର ପ୍ରଭାବ ୨.୫ ଓ ଚାଇନାରେ ୧.୮ ମିଲିୟନ। WHO ସହିତ ଉତ୍ତର ଆମେରିକାର ଏନ୍‌ଭାଇରନ୍‌ମେଣ୍ଟାଲ ପ୍ରୋଟେକ୍‌ଶନ୍‌ ଏଜେନ୍ସି ଷ୍ଟଡି କରି ସିଦ୍ଧାନ୍ତରେ ଉପନୀତ ହୋଇଛନ୍ତି ଯେ- ଧୂମପାନ, ଏଡ୍‌ସ, ଟିବି, ମ୍ୟାଲେରିଆ ସବୁ ମିଶି ଯେତେ ସଂଖ୍ୟକ ଅକାଳ ମୃତ୍ୟୁର କାରଣ ସାଜନ୍ତି, ଏକାକୀ ବାୟୁ ପ୍ରଦୂଷଣଜନିତ ମୃତ୍ୟୁସଂଖ୍ୟା ତା’ର ଦେଢ଼ଗୁଣ। ପ୍ରଦୂଷିତ ବାୟୁ ଶ୍ୱାସନଳୀରେ ପ୍ରବେଶ କରି ପ୍ରଜ୍ୱଳନ, ଶ୍ୱାସ, ଫୁସ୍‌ଫୁସ୍‌ କ୍ୟାନ୍‌ସର, ସିଓପିଡି, ହୃଦ୍‌ରୋଗ, ଧମନୀ ସଙ୍କୋଚନ, ଉଚ୍ଚ ରକ୍ତଚାପ, ଆଲର୍ଜି ସୃଷ୍ଟି କରେ। ପିଲାଙ୍କଠାରେ ଶ୍ୱାସରୋଗ, କାଶ, ନିମୋନିଆ ଦେଖାଦିଏ। ଗୋଟିଏ ରୋଗ ସୃଷ୍ଟି ହୋଇ ଅନ୍ୟ ରୋଗକୁ ଜନ୍ମଦିଏ ଓ ମାନସିକ ସ୍ବାସ୍ଥ୍ୟହାନି କରାଏ। କୋଇଲା ଖଣିରେ କାର୍ଯ୍ୟରତ ଶ୍ରମିକମାନେ ନ୍ୟୁମୋକୋନିଓସିସ୍‌, ରଙ୍ଗକାମ ଶ୍ରମିକ ମୂତ୍ରାଶୟ କର୍କଟ, ଆଜବେଷ୍ଟସ କାରଖାନା ଶ୍ରମିକ ଫୁସ୍‌ଫୁସ୍‌ କର୍କଟ, ମେସୋଥେଲିଓମ୍‌, ସୀସାଜନିତ ପ୍ରଦୂଷଣରେ ରକ୍ତଚାପ, ମୂତ୍ରାଶୟ ଅକାମୀ, ହୃଦ୍‌ରୋଗ ଆଦିର ଶିକାର ହୁଅନ୍ତି। ସମଗ୍ର ପୃଥିବୀରେ ପ୍ରତି ଦୁଇ ମିନିଟ୍‌ରେ ଜଣେ ବ୍ୟକ୍ତିର ଅକାଳ ମୃତ୍ୟୁ ହେଉଛି ପ୍ରଦୂଷିତ ବାୟୁ ଯୋଗୁ। ବାୟୁ ପ୍ରଦୂଷଣକୁ ପ୍ରତିହତ କରିବା ପାଇଁ ଆମେ ଉନ୍ନତଧରଣର ଚୁଲା ବା ଷ୍ଟୋଭ୍‌ ବ୍ୟବହାର କରିବା, ଏଲ୍‌ପିଜି ଗ୍ୟାସ୍‌, ଇଲେକ୍‌ଟ୍ରିକ୍‌ ହିଟର ଦ୍ୱାରା ରୋଷେଇ କରିବା, ସାମୂହିକ ଯାନ ଅଧିକ ବ୍ୟବହାର କରିବା, କାରର ଇଞ୍ଜିନକୁ ଠିକ୍‌ ଭାବରେ ଟିଉନ୍‌ଡ କରି ରଖିବା, କାଠ ଜାଳେଣି କମ୍‌ ବ୍ୟବହାର କରିବା, ଆବର୍ଜନାକୁ ଉଚିତ ପଦ୍ଧତିରେ କମ୍ପୋଷ୍ଟରେ ପରିଣତ କରିବା, ଦରକାର ନ ଥିବାବେଳେ ଲାଇଟ, ଫ୍ୟାନ୍‌, କମ୍ପ୍ୟୁଟର, ଏସି ଆଦି ବନ୍ଦ କରିଦେବା, ବୃକ୍ଷରୋପଣ କରିବା, ରାସାୟନିକ ସାର ଓ ପୋକମରା ଔଷଧ ବ୍ୟବହାର ବନ୍ଦ କରିବା, ଅର୍ଗାନିକ ଦ୍ରବ୍ୟ ବ୍ୟବହାରରେ ଅଭ୍ୟସ୍ତ ହେବା, ଗୃହ ମଧ୍ୟରେ ଧୂମପାନ ନ କରିବା ଇତ୍ୟାଦି ଦରକାର। ଏ ସବୁ ହେଲା ବ୍ୟକ୍ତିଗତ ତଥା ପାରିବାରିକ କ୍ଷେତ୍ରରେ ପ୍ରତିଷେଧକ ବ୍ୟବସ୍ଥା। ପ୍ରଦୂଷଣ ନିୟନ୍ତ୍ରଣ ପାଇଁ ସରକାର ଯେଉଁ ପଦକ୍ଷେପମାନ ଗ୍ରହଣ କରୁଛନ୍ତି ତାକୁ ସମର୍ଥନ ଓ ସହଯୋଗ କରି ଜନମତ ସୃଷ୍ଟି କରିବାକୁ ଆଗେଇ ଆସିବା ପ୍ରତ୍ୟେକ ନାଗରିକର କର୍ତ୍ତବ୍ୟ। ଆମ ଦେଶର ରାଜଧାନୀ ଦିଲ୍ଲୀର ବାୟୁମଣ୍ଡଳ ସମ୍ପ୍ରତି ମାତ୍ରାଧିକ ପ୍ରଦୂଷିତ। ସେଥିପାଇଁ ଭାରତ ସରକାର ଗାଡିମୋଟର, ଯାନବାହନ ପାଇଁ ବହୁତ କଟକଣା କଲେଣି। ତାହାଦ୍ୱାରା ଆଂଶିକ ସୁଫଳ ମଧ୍ୟ ମିଳୁଛି। ଅନ୍ୟ ବୃହତ୍‌ ସହରମାନ- ବମ୍ବେ, ବାଙ୍ଗାଲୋର, ମାଡ୍ରାସ, କଲିକତା, ହାଇଦ୍ରାବାଦ, ବାରାଣସୀ ଆଦିରେ ବି ପ୍ରଦୂଷଣ ମାତ୍ରାଧିକ। ପରିବେଶକୁ ଆମେ ରକ୍ଷାକଲେ ହିଁ ପରିବେଶ ଆମକୁ ସୁରକ୍ଷା ଦେବ।
ରେଣୁକା ଏନ୍‌କ୍ଲେଭ, ପୁରୀ, ମୋ-୯୪୩୭୪୯୪୭୭୬

All Right Reserved By

ସମ୍ପାଦକୀୟ |

ଭୋଟ ବିଭାଜନ ହିଁ ନିର୍ଣ୍ଣାୟକ

ଭୋଟ ବିଭାଜନ ହିଁ ନିର୍ଣ୍ଣାୟକ

ସହଦେବ ସାହୁ: ୨୦୧୯ ନିର୍ବାଚନ ବହୁତ ଡେରି ଅଛି, କିନ୍ତୁ ରାଜନୈତିକ ଦଳମାନେ ସଜବାଜ ହେଲେଣି। ଲୋକଙ୍କ ସମସ୍ୟାର ସମାଧାନ ପାଇଁ ଯେତେ ନୁହେଁ, ଦଳର କୁହାଳିଆ ବା ନିର୍ବାଚନ ମଣ୍ଡଳୀରେ ପତିଆରା ଥିବା ଲୋକଙ୍କୁ ଥଇଥାନ କରିବା ଲକ୍ଷ୍ୟ। ନ ହେଲେ ସେହିମାନେ ସୁପ୍ରିମୋ (ଦଳର ମୁଖିଆ) ବାଛିଥିବା ପ୍ରାର୍ଥୀଙ୍କୁ ହରାଇବାର ଚେଷ୍ଟା କରିବେ। ଏହି କାରଣ ନ ଥିଲେ ୨୦୧୫ ଆରମ୍ଭରେ ରାଜ୍ୟର ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ ଆଣିଥିବା ୪୯ ସଦସ୍ୟବିଶିଷ୍ଟ ବିଧାନ ପରିଷଦ (ଲେଜିସ୍ଲେଟିଭ୍‌ କାଉନ୍ସିଲ୍‌) ପ୍ରତିଷ୍ଠା ପ୍ରସ୍ତାବ ୩ ବର୍ଷ ଶୀତଳଭଣ୍ଡାରରେ ପଡ଼ିଲା ପରେ ୨୦୧୮ ଜୁଲାଇରେ କାହିଁକି ସରଗରମ ହୋଇ ଉଠନ୍ତା! ୫ ଜଣିଆ କମିଟିରୁ କଂଗ୍ରେସ ଓ ଭାଜପା ଓହରିଯାଇଛନ୍ତି।...

ପୁରୁଣାରେ ଖୁସି

ପୁରୁଣାରେ ଖୁସି

ନିକଟରେ ବିଶ୍ୱ ବ୍ୟାଙ୍କ ରିପୋର୍ଟ ୨୦୧୭ରେ ପ୍ରକାଶ ପାଇଥିଲା ଯେ ମୋଟ ଘରୋଇ ଉତ୍ପାଦ(ଜିଡିପି) ଦୃଷ୍ଟିକୋଣରୁ ଫ୍ରାନ୍ସକୁ ଅତିକ୍ରମ କରି ଭାରତ ବିଶ୍ୱର ଷଷ୍ଠ ବୃହତ୍‌ ଅର୍ଥନୀତିର ମାନ୍ୟତା ଲାଭ କରିଛି। ଏହା ଶୁଣିବା ପରେ ଅନେକ ଅପରିପକ୍ୱ ଭାରତୀୟ ଆନନ୍ଦିତ ହୋଇଥିବେ। କିନ୍ତୁ ବାସ୍ତବତା ଯେ କେତେ ଭିନ୍ନ, ତାହା ଅର୍ଥନୈତିକ ବ୍ୟବସ୍ଥାରେ ଦେଖାଦେଉଥିବା ଅବ୍ୟବସ୍ଥାରୁ ବୁଝାପଡ଼ୁଛି। ୧୬ ଜୁଲାଇ ୨୦୧୮ରେ ଏହି ସ୍ତମ୍ଭରେ ‘ହିସାବରେ ଅତିକ୍ରମ’ ଶୀର୍ଷକ ଲେଖାରେ ଏ ସଂକ୍ରାନ୍ତରେ ଉଲ୍ଲେଖ କରିଥିଲୁ। ବର୍ତ୍ତମାନର କେନ୍ଦ୍ର ନେତୃତ୍ୱ କହିଚାଲିଛନ୍ତି ଯେ, ଭାରତ ଦ୍ରୁତତମ ଅର୍ଥନୀତି ଭାବେ ଆଗେଇ ଚାଲିଛି।...

ଜାତୀୟ ବେତାର ପ୍ରସାରଣ ଦିବସ ଉପଲକ୍ଷେ: ଜନସେବାରେ ରେଡିଓ

ଜାତୀୟ ବେତାର ପ୍ରସାରଣ ଦିବସ ଉପଲକ୍ଷେ: ଜନସେବାରେ ରେଡିଓ

ଡ. କିଶୋର ମହାନ୍ତି: ଭାରତରେ ରେଡିଓ ପ୍ରସାରଣ ସେବା ସ୍ବାଧୀନତାପ୍ରାପ୍ତିର ବହୁ ପୂର୍ବରୁ ଆରମ୍ଭ ହୋଇଛି। କିନ୍ତୁ ବିଧିବଦ୍ଧ ଭାବେ ୧୯୩୪ ମସିହାରୁ ଏହାର ପ୍ରସାରଣ ସମ୍ଭବ ହୋଇଛି। ୧୯୩୨ ମସିହାରେ ବିବିସି ତରଫରୁ ଭାରତରେ ରହିଥିବା ଇଂରେଜମାନଙ୍କ ପାଇଁ ଏକ ନୂତନ କାର୍ଯ୍ୟକ୍ରମ ଆରମ୍ଭ କରାଗଲା। ୧୯୩୬ ମସିହାରେ ଦିଲ୍ଲୀଠାରେ ଜାନୁୟାରୀ ପହିଲାରେ ପ୍ରତିଷ୍ଠା ହେଲା ବେତାର କେନ୍ଦ୍ର। ୧୯୪୦ ମସିହା ମଧ୍ୟରେ ବ୍ରିଟିଶ ଶାସନାଧୀନ ଭାରତରେ ବେତାର ପ୍ରସାରଣ ପାଇଁ ଅଲ୍‌ ଇଣ୍ଡିଆ ରେଡିଓର ନାମକରଣ ସହିତ ତା’ର ପ୍ରାଶାସନିକ ସ୍ବରୂପ ଠିକଣା ହେଲା। ଓଡିଶାରେ ମଧ୍ୟ ପ୍ରସାରଣ ପାଇଁ ତଦନୁରୂପ ବ୍ୟବସ୍ଥା କରାଗଲା। ଭାରତରେ ବେତାର ପ୍ରସାରଣ ପାଇଁ ଫିଲ୍‌ଡେନଙ୍କ ଭୂମିକା ଖୁବ୍‌ ଗୁରୁତ୍ୱପୂର୍ଣ୍ଣ।...

ଏଇ ଭାରତରେ

ଏଇ ଭାରତରେ

ଇଚ୍ଛା ଥିଲେ ଉପାୟ ଆପେ ଆପେ ଆସେ। ୫୯ବର୍ଷ ବୟସରେ ଜଣେ ଭାଜପା ବିଧାୟକ ବିଏ ପରୀକ୍ଷା ଦେଉଛନ୍ତି। ଫୁଲ୍‌ ସିଂ ମିନା ୨୦୧୭ରେ ଗ୍ରାଜୁଏଶନ୍‌ (ସ୍ନାତକ) କୋର୍ସରେ ନାମ ଲେଖାଇଛନ୍ତି। କାରଣ ତାଙ୍କ ବାପା ମରିଯିବା ପରେ ସେ ଅଧାରୁ ପାଠପଢ଼ା ଛାଡି ଦେଇଥିଲେ। ରାଜସ୍ଥାନର ଉଦୟପୁର ରୁରାଲ୍‌ ବିଧାୟକ ୪ଟି କନ୍ୟାସନ୍ତାନର ପିତା। ସେମାନେ ତାଙ୍କୁ ଏ ବୟସରେ ପାଠ ପଢ଼ିବା ପାଇଁ ଉତ୍ସାହିତ କରିଛନ୍ତି।...

ନିଷ୍ଫଳ ଅନାସ୍ଥା

ନିଷ୍ଫଳ ଅନାସ୍ଥା

ଆକାର ପଟେଲ ମୋଦିଙ୍କ ବିରୋଧରେ ବିରୋଧୀଙ୍କ ଦ୍ୱାରା ଆଗତ ଅନାସ୍ଥା ପ୍ରସ୍ତାବ ସପକ୍ଷରେ ୧୨୬ ଓ ବିପକ୍ଷରେ ୩୨୫ଟି ଭୋଟ ପଡ଼ିବା ବାସ୍ତବରେ ବିରୋଧୀ ଦଳଗୁଡ଼ିକ ପ୍ରତି ଅନାସ୍ଥା ପ୍ରକଟ କରୁଛି। ଏହି ସଂଖ୍ୟାକୁ ଦେଖିଲେ ଏ ଅନାସ୍ଥା ପ୍ରସ୍ତାବରୁ ବିରୋଧୀଙ୍କୁ କି ଲାଭ ମିଳିଲା ଓ ପ୍ରସଙ୍ଗ କୁଆଡ଼କୁ ଗଲା କିଛି ସ୍ପଷ୍ଟ ହେଉ ନାହିଁ। ଭୋଟ୍‌ର ଫଳାଫଳକୁ ଦେଖି ବାସ୍ତବରେ କେହି ବିସ୍ମିତ ନୁହନ୍ତି। କେବଳ ଶିବସେନାର କାର୍ଯ୍ୟ ବ୍ୟତୀତ (ଏହାର ଉଦ୍ଦେଶ୍ୟ କ’ଣ ପରେ ଆମେ ଆଲୋଚନା କରିବା) ଗୃହରେ ଏପରି କିଛି ଘଟଣା ଘଟିଲା ...

ପର୍ବତ ଗୁମ୍ଫାରେ ସତର ଦିନ

ପର୍ବତ ଗୁମ୍ଫାରେ ସତର ଦିନ

ପ୍ରକାଶ ତ୍ରିପାଠୀ ସମ୍ପ୍ରତି ଥାଇଲାଣ୍ଡର ପ୍ରଖ୍ୟାତ କାର୍ଟୁନିଷ୍ଟ ସିସିଡିଆଙ୍କର ଗୋଟିଏ କାର୍ଟୁନ ସୋସିଆଲ ମିଡିଆରେ ଭାଇରାଲ ହୋଇଛି। ଏଥିରେ ଦେଖାଯାଇଛି, ୧୨ଟି ବଣୁଆ ବାର୍‌ହା ଛୁଆ, ଗୋଟିଏ ବଡ଼ ବାର୍‌ହା ଓ କିଛି ଅନ୍ୟ ଜୀବଜନ୍ତୁ ଏକ ଜଳଭର୍ତ୍ତି ଅଣଓସାରିଆ ସୁଡ଼ଙ୍ଗ ବାଟ ଦେଇ ପହଁରି ପହଁରି ଯାଉଛନ୍ତି। ସୂଚନାଯୋଗ୍ୟ ଯେ, କାର୍ଟୁନିଷ୍ଟ ସିସିଡିଆ ଏହି କାର୍ଟୁନ ମାଧ୍ୟମରେ ଥାଇଲାଣ୍ଡର ଥାମ୍‌ ଲୁଆଙ୍ଗ ପର୍ବତ ଗୁମ୍ଫାରେ ୧୭ଦିନ ଧରି ଫସି ରହିଥିବା ଥାଇଲାଣ୍ଡର ଏକ ଜୁନିୟର ଫୁଟବଲ ଟିମ୍‌ (ଓ୍ବାଇଲ୍‌ଡ ବୋର୍ସ)ର ୧୨ଜଣ ସ୍କୁଲ ...

ସେଲିବ୍ରିଟି ଉଦ୍ୟୋଗୀ

ସେଲିବ୍ରିଟି ଉଦ୍ୟୋଗୀ

ବ୍ୟକ୍ତିତ୍ୱ/ଜିତେନ୍ଦ୍ର ସମୟ ବଦଳିବା ସହ ଯୁବପିଢ଼ିର ରୁଚିରେ ପରିବର୍ତ୍ତନ ଲକ୍ଷ୍ୟ କରାଯାଉଛି। ପ୍ରଗତିଶୀଳ ଚିନ୍ତାଧାରା ପୋଷଣ କରୁଥିବା କେତେକ ଯୁବତୀଯୁବକ ଚାକିରି ଅପେକ୍ଷା ଉଦ୍ୟୋଗୀ ହେବାକୁ ପସନ୍ଦ କରୁଛନ୍ତି ଓ ସ୍ଥଳବିଶେଷରେ ସଫଳ ହେଉଛନ୍ତି। ପୂର୍ବରୁ ନିର୍ଦ୍ଦିଷ୍ଟ କେତୋଟି କ୍ଷେତ୍ର ଉପରେ ଆଧାରିତ ବ୍ୟବସାୟିକ ଚିନ୍ତାଧାରା ନେଇ ଜଣେ ଉଦ୍ୟୋଗୀ ହେଉଥିଲେ। ଏବେ ଏହାର ପରିସର ...

ଏଇ ଭାରତରେ

ଏଇ ଭାରତରେ

ସ୍କୁଲ୍‌ଛାତ୍ରଙ୍କୁ ସର୍ବସମ୍ମୁଖରେ ଅପମାନଜନକ ଦଣ୍ଡଦେବା ଭଳି ଘଟଣା ଜଣେ ଶିକ୍ଷକଙ୍କ ପାଇଁ ମହଙ୍ଗା ପଡ଼ିଛି। ଫଳ ସ୍ବରୂପ ତାଙ୍କୁ ଚାକିରିରୁ ନିଲମ୍ବିତ କରାଯାଇଛି। ପୁଣେସ୍ଥିତ ବିଶ୍ରାନ୍ତଓ୍ବାଡି ପୁଣେ ଇଣ୍ଟରନ୍ୟାଶନାଲ୍‌ ସ୍କୁଲ୍‌ରେ ଜୁଲାଇ ୧୭ରେ ଏପରି ଏକ ଘଟଣା ଘଟିଛି। ଆର୍ଯ୍ୟନ୍‌ ଅମିତ୍‌ ଓ୍ବଘ୍‌ମେୟାର ନାମକ ୧୦ବର୍ଷର ବାଳକ ଷଷ୍ଠ ଶ୍ରେଣୀରେ ପଢ଼ନ୍ତି। ଶିକ୍ଷକ ଶ୍ୱେତ ଗୁପ୍ତା ଛାତ୍ରମାନଙ୍କ ସମ୍ମୁଖରେ ତାଙ୍କୁ ଦଣ୍ଡଦେଇଥିଲେ। ଛାତ୍ରର ମା’ ଅଦିତିଙ୍କ କହିବାନୁଯାୟୀ, ଶିକ୍ଷକ ଜଣକ ଗୋଟିଏ କଇଁଚି ଧରି ଆର୍ଯ୍ୟନ୍‌ଙ୍କ ମୁଣ୍ଡବାଳ ସମ୍ମୁଖ ଭାଗରୁ କା...

ଅସହଯୋଗର ଦୁଃଖ

ଅସହଯୋଗର ଦୁଃଖ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଦେଶର ସର୍ବୋଚ୍ଚ ଖାଉଟି ସମବାୟ ସଂସ୍ଥା ବୋର୍ଡ ଅଫ୍‌ ନ୍ୟାଶ୍‌ନାଲ କୋଅପରେଟିଭ୍ସ କଞ୍ଜ୍ୟୁମର୍ସ ଫେଡ଼େରେଶନ୍‌ (ଏନ୍‌ସିସିଏଫ୍‌ ବୋର୍ଡ)ର ପରିଚାଳନା ନିର୍ଦ୍ଦେଶକ (ଏମ୍‌ଡି)ଙ୍କୁ ନିଯୁକ୍ତି ଦେବା କାହାର ଅଧିକାରଭୁକ୍ତ ଏ ନେଇ ଉକ୍ତ ସଂସ୍ଥା ଏବଂ ଖାଉଟି ବ୍ୟାପାର, ଖାଦ୍ୟ ଓ ସାଧାରଣ ବଣ୍ଟନ ମନ୍ତ୍ରଣାଳୟ ମଧ୍ୟରେ ମତପାର୍ଥକ୍ୟ ଦେଖାଦେଇଛି। ମନ୍ତ୍ରଣାଳୟ ଜଣେ ଯୁଗ୍ମ ସଚିବ ଅନିଲ ବହୁଗୁଣାଙ୍କୁ ଏମ୍‌ଡି ଭାବେ ନିଯୁକ୍ତି ଦେବାବେଳେ ଏହି ମତଭେଦ ପଦାକୁ ଆସିଛି। ବିଶିଷ୍ଟ ସମବାୟ ନେତା ତଥା ପୂର୍ବତନ ବିଧାୟକ ବିଜେନ୍ଦର ...

ଗୁଜବର ବ୍ୟାପକତା

ଗୁଜବର ବ୍ୟାପକତା

ଶିବରାମ ଶତପଥୀ ପ୍ରାୟ ଷାଠିଏ ବର୍ଷ ପୂର୍ବର କଥା। ଲୋକେ ପଦବ୍ରଜରେ ଯିବା ଆସିବା କରୁଥିଲେ। ଦିନେ ମୁଁ ପଦିଆ ମାମୁଙ୍କୁ ପଚାରିଲି- ତୁମେ ପରା ଆଜି ଅମୁକ ଗାଁକୁ ଯିବାର ଥିଲା, ଯାଉନ। ସେ କହିଲେ ଖଙ୍ଗାର ମାତିଛି ପରା, ଏକୁଟିଆ କେମିତି ଯିବି? ପିଲାଙ୍କୁ ତାଗିଦ କରାଯାଉଥିଲା, ଏକା ଏକା ଦେଖିଲେ ପିଲାଙ୍କୁ ଖଙ୍ଗାର ବସ୍ତାରେ ପୂରାଇ ନେଇଯିବ। ଅମୁକଠାରେ ପୋଲ ତିଆରି ହେଉଛି ତ, ତା ନିଅଁରେ ପକାଇବା ପାଇଁ ପିଲାଙ୍କୁ ଧରି ନିଆଯାଉଛି। ପୋଲର ସ୍ଥାୟିତ୍ୱ ପାଇଁ ନରବଳି ଆବଶ୍ୟକ। ଏହା ଅବଶ୍ୟ ଏକ ଅନ୍ଧବିଶ୍ୱାସ।...

ଭକ୍ତ ଓ ଭଗବାନଙ୍କ ମହାମିଳନ

ଭକ୍ତ ଓ ଭଗବାନଙ୍କ ମହାମିଳନ

ବିମଳ ପ୍ରସନ୍ନ ଦାସ ଭକ୍ତ ଓ ଭଗବାନଙ୍କ ସମ୍ପର୍କ ଯୁଗେ ଯୁଗେ ଅନୁପମ ଓ ଅଲୌକିକ। ସେଥିପାଇଁ ଦାସିଆ ବାଉରିଙ୍କ ଅଧିକାର ଓ ଅଭିମାନ ଯୁଗ ଯୁଗକୁ ଅତୁଟ ରହିଛି ଓ ରହିଥିବ। କାରଣ ଲୀଳାମୟ, କାଳିଆ ସାଆନ୍ତ, ମହାବାହୁ ରାଜାଧିରାଜ ମଣିଷର ଠାକୁର। ଭକ୍ତର ଭାବରେ ବନ୍ଧା। ତା’ର ଜୀବନ ଧନ-ଅନ୍ଧ ଲଉଡି। କେତେ ବିଶ୍ୱାସ ଓ ନିର୍ଭରତା ଭକ୍ତର। ସାମାନ୍ୟ ଭରତିଆ ପକ୍ଷୀଟିର ଉଦାହରଣ ଯଥେଷ୍ଟ। କୁରୁକ୍ଷେତ୍ର ଯୁଦ୍ଧ ପ୍ରାରମ୍ଭରେ ପକ୍ଷୀଟି ବ୍ୟାକୁଳ ପ୍ରାର୍ଥନା କରିଛି ତା’ର ଅଣ୍ଡା ଦୁଇଟିକୁ ରକ୍ଷା କରିବାକୁ। ଭକ୍ତ ବଳରାମଙ୍କ କାଳଜ...

ଏଇ ଭାରତରେ

ଏଇ ଭାରତରେ

ନୀଚକୁଳରେ ଜନ୍ମ ହୋଇଥିବାରୁ ଜଣେ ମହିଳାଙ୍କ ହାତରନ୍ଧା ଖାଇବାକୁ କେତେକେ ନାକ ଟେକିଛନ୍ତି। ପରିଣାମ ସ୍ବରୂପ ଉକ୍ତ ମହିଳାଙ୍କୁ ସ୍କୁଲ୍‌ରୁ ହଟାଇ ଦେବାପାଇଁ ଉଚ୍ଚଜାତିର ଲୋକମାନେ ଦାବି ଉଠାଇଥିଲେ। ତାମିଲନାଡୁର ଏକ ସ୍କୁଲ୍‌ରେ ମଧ୍ୟାହ୍ନଭୋଜନ ରୋଷେଇ କରିବାରୁ ଉକ୍ତ ଦଳିତ ମହିଳାଙ୍କୁ ବଞ୍ଚତ୍ତ କରାଯାଇଛି। ତିରୁପୁର ଜିଲାର ଓକାମ୍‌ପଲାୟମ୍‌ ଗାଅଁାରେ ପି. ପାପଲ୍‌ ନାମ୍ନୀ ଏହି ମହିଳା ଗତ ୨ବର୍ଷ ହେଲା ମଧ୍ୟାହ୍ନଭୋଜନ ପାଚିକା ଭାବରେ ନିଯୁକ୍ତି ପାଇଥିଲେ। ସପ୍ତାହକ ତଳେ ନିଜ ଅନୁରୋଧ କ୍ରମେ ...

Watch Live Broadcast of Rath Yatra Puri, Odisha Here

Model This Week

ଚିଣ୍ଟୁ