ରାଜ୍ୟ |

ଯୋଗାଣ ମନ୍ତ୍ରୀ ଦେଲେ ନିର୍ଦ୍ଦେଶ : ଖିଲାପୀ ମିଲରଙ୍କ ତଦନ୍ତ କରିବ ଇଡ଼ି

ଯୋଗାଣ ମନ୍ତ୍ରୀ ଦେଲେ ନିର୍ଦ୍ଦେଶ : ଖିଲାପୀ ମିଲରଙ୍କ ତଦନ୍ତ କରିବ ଇଡ଼ି
କଟକ ଅଫିସ, ୧୯।୧୨-ସରକାରଙ୍କ ଠାରୁ ଧାନ ନେଇ ଚାଉଳ ଫେରସ୍ତ ଦେଇନାହାନ୍ତି ଅନେକ ମିଲର। ଚାଉଳ ବାବଦରେ ସରକାରଙ୍କ ବିପୁଳ ଟଙ୍କା ଦୀର୍ଘଦିନ ହେବ ସେମାନଙ୍କ ଉପରେ ବକେୟା ପଡିଛି। ୨୦୧୬-୧୭ ଖରିଫ ମାର୍କେଟିଂ ଋତୁରେ ରାଜ୍ୟର ବିଭିନ୍ନ ମିଲରଙ୍କ ଉପରେ ୧୦୦ କୋଟିରୁ ଉର୍ଦ୍ଧ୍ୱ ଟଙ୍କାର ଚାଉଳ ଅନାଦେୟ ରହିଥିବା ଜଣାପଡିଛି। ଡିସେମ୍ବର ସୁଦ୍ଧା ସେମାନେ ଯଦି ଉକ୍ତ ଚାଉଳ ଫେରସ୍ତ ନ ଦିଅନ୍ତି ତେବେ ଇଡି (ପ୍ରବର୍ତ୍ତନ ନିର୍ଦ୍ଦେଶାଳୟ) ଜରିଆରେ ତଦନ୍ତ କରାଯିବ। ଏହାବାଦ୍‌ ପୂର୍ବ ବର୍ଷଗୁଡ଼ିକର ଖିଲାପୀ ମିଲରଙ୍କ ଉପରେ ମଧ୍ୟ ସରକାର କଡା ଆଭିମୁଖ୍ୟ ଗ୍ରହଣ କରିବାକୁ ଯାଉଛନ୍ତି। ଏହି ମିଲରଙ୍କ ସମ୍ପତ୍ତି ବାଜ୍ୟାପ୍ତି କରି ଉକ୍ତ ଅର୍ଥରେ ସରକାରଙ୍କ କ୍ଷତି ଭରଣା କରାଯିବ। ରାଜ୍ୟ ଯୋଗାଣ ବିଭାଗକୁ ରାଜ୍ୟ ଖାଦ୍ୟ ଯୋଗାଣ ଓ ଖାଉଟୀ କଲ୍ୟାଣ ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ର ଏନେଇ ନିର୍ଦ୍ଦେଶ ଦେଇଛନ୍ତି। ବର୍ତ୍ତମାନ ସ୍ଥିତିରେ ଖିଲାପୀ ମିଲରଙ୍କ ଉପରେ ଯୋଗାଣ ବିଭାଗ ପକ୍ଷରୁ ଚଢାଉ ଜାରି ରହିଛି। ଆଗକୁ ଆହୁରି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମନ୍ତ୍ରୀ ପାତ୍ର କହିଛନ୍ତି। କଟକ ଜିଲାର ସ୍ଥିତିକୁ ଦେଖିଲେ ମିଲରମାନେ ସରକାର ଓ ପ୍ରଶାସନ ଆଖିରେ ଆଙ୍ଗୁଠି ଗୁଞ୍ଜି ଲୁଟି ଚାଲିନ୍ତି। ୨୦୦୯-୧୦ରୁ ଲଗାତରଭାବେ ୫ବର୍ଷ ମଧ୍ୟରେ ୫ଜଣ ମିଲର ଲୁଟି ନେଇଛନ୍ତି ୧୫କୋଟି ଟଙ୍କାର ଚାଉଳ। ବିଧିରକ୍ଷା କରିବା ଭଳି ଥାନାରେ ଏତଲା ଓ ସାର୍ଟିଫିକେଟ କେସ୍‌ ରୁଜୁ କରି ପ୍ରଶାସନ ହାତ ବାନ୍ଧି ବସିଛି। ମାତ୍ର ସରକାର ହରାଇଥିବା ଏହି ରାଜସ୍ବ କେବେ ଏହି ମିଲରମାନଙ୍କ ଠାରୁ ଆଦାୟ କରାଯିବ ସେ ନେଇ କୌଣସି ସ୍ପଷ୍ଟ ଉତ୍ତର ପ୍ରଶାସନିକ ଅଧିକାରୀଙ୍କଠାରୁ ମିଳୁନାହିଁ। ମନ୍ତ୍ରୀ ପାତ୍ର କହିଛନ୍ତି ଯେ, କଟକରେ ଯୋଗାଣ ବିଭାଗ ପକ୍ଷରୁ ଖିଲାପୀ ମିଲରଙ୍କ ବିରୋଧରେ ସାର୍ଟିଫିକେଟ କେସ୍‌ ରୁଜୁ କରି ସମ୍ପତ୍ତିକୁ ମାମଲାରେ ଯୋଡିବାକୁ ଉଦ୍ୟମ କରାଯାଇଥିଲା। ହେଲେ ଜଣେ ଖିଲାପୀ ମିଲ୍‌ର ପ୍ରପର୍ଟି ଆଟାଚ୍‌ମେଣ୍ଟ କରିବାକୁ ଯୋଗାଣ ବିଭାଗ ଉଦ୍ୟମ ଆରମ୍ଭ କରିବାବେଳକୁ ତାହା ବିକ୍ରି ହୋଇଯାଇଥିବା ଜଣାପଡିଥିଲା। ଏପରିସ୍ଥିତିରେ ମନ୍ତ୍ରୀଙ୍କ ନିର୍ଦ୍ଦେଶ ଚାଉଳ ଲୁଟିଥିବା ମିଲର ଓ ସେମାନଙ୍କୁ ସହଯୋଗ କରିଥିବା ଯୋଗାଣ ବିଭାଗର ଅଧିକାରୀଙ୍କ ଉପରେ କ’ଣ ପ୍ରଭାବ ପକାଉଛି ତାହାକୁ ନେଇ ଚର୍ଚ୍ଚାର ଆରମ୍ଭ ହୋଇଛି। ଖିଲାପୀ ମିଲ୍‌ଗୁଡିକୁ ଦେଖିଲେ ଉପରୋକ୍ତ ସମୟ ମଧ୍ୟରେ ସରକାରଙ୍କ ୭୯୭୩.୩୬୧୮ ମେଟ୍ରିକ ଟନ୍‌ ଚାଉଳ ସେମାନଙ୍କ ଉପରେ ଅନାଦାୟ ହୋଇ ରହିଛି। ୨୦୦୯-୧୦ ଖରିଫ ଋତୁରେ ମହାବୀର ଫୁଡ ପ୍ରୋସେସିଂ ନାମକ ମିଲ୍‌ ୩୮୬୭.୨୫୦ ମେଟ୍ରିକ ଟନ୍‌ ଚାଉଳ ଫେରସ୍ତ ଦେଇ ନ ଥିଲା। ସେହିପରି ମା’ ତାରିଣୀ ଫୁଡସ୍‌ ନାମକ ଅନ୍ୟ ଏକ ମିଲ୍‌ ଉପରେ ୨୯୭.୧୮୮ ମେଟ୍ରିକ ଟନ୍‌ ବକେୟା ଚାଉଳ ରହିଛି। ଉଭୟ ମିଲ୍‌ ବିରୋଧରେ ଥାନାରେ ଏତଲା ଦିଆଯାଇଛି। ପ୍ରଥମ ମିଲ୍‌ ବିରୋଧରେ ସାର୍ଟିଫିକେଟ ଅଫିସରଙ୍କ କୋର୍ଟରେ ୧/୨୦୧୨ ରେ ଏକ ମାମଲା ଓ ଦ୍ୱିତୀୟ ଖିଲାପୀ ମିଲ୍‌ ବିରୋଧରେ ୨/୨୦୧୨ରେ ମାମଲା ରୁଜୁ କରାଯାଇଥିଲା। ୨୦୧୧-୧୨ ଖରିଫ ଋତୁରେ ପାର୍ବତୀ ପ୍ୟାଡି ଓ ଫୁଡ୍‌ ପ୍ରୋସେସିଂ ୟୁନିଟ ନାମକ ମିଲ୍‌ ୭୮୫.୩୪୪ ମେଟ୍ରିକ ଟନ୍‌ ଚାଉଳ ନେଇ ଚମ୍ପଟ ମାରିଥିଲା। ଥାନାରେ ମିଲ୍‌ ମାଲିକଙ୍କ ବିରୋଧରେ ଏତଲା ଦିଆଯାଇ ଜିଲା ପ୍ରମାଣପତ୍ର ଅଧିକାରୀଙ୍କ ନିକଟରେ ୧/୨୦୧୪ରେ ଏକ ସାର୍ଟିଫିକେଟ ମାମଲା ରୁଜୁ କରାଯାଇଛି। ୨୦୧୨-୧୩ରେ ଶ୍ରଦ୍ଧାଞ୍ଜଳି ରାଇସ ମିଲ୍‌ ନାମକ ମିଲ୍‌ ଉପରେ ଅନାଦାୟ ହୋଇ ରହିଥିଲା ୧୭୫୯.୨୪୭ ମେଟ୍ରିକଟନ୍‌ ଚାଉଳ। କିଶନନଗର ଥାନାରେ ଯୋଗାଣ ବିଭାଗ ପକ୍ଷରୁ ମିଲ ମାଲିକଙ୍କ ବିରୋଧରେ ଏତଲା ଦିଆଯିବା ପରେ ଥାନାରେ ମଧ୍ୟ ମାମଲା ରୁଜୁ ହୋଇଥିଲା। ଏହାପରେ ଯୋଗାଣ ବିଭାଗ ପକ୍ଷରୁ ମିଲ ମାଲିକଙ୍କ ବିରୋଧରେ ୨/୨୦୧୪ରେ ଏକ ସାର୍ଟିଫିକେଟ କେସ୍‌ ରୁଜୁ କରାଯାଇଛି। ୨୦୧୩-୧୪ ଖରିଫ ଋତୁରେ ମା’ ଚର୍ଚ୍ଚିକା ଫୁଡସ୍‌ ପ୍ରାଇଭେଟ ଲିମିଟେଡ ନାମକ ମିଲ୍‌ ଉପରେ ୧୨୨୪.୩୩୨୮ ମେଟ୍ରିକଟନ୍‌ ଚାଉଳ ଅନାଦାୟ ହୋଇ ରହିଥିଲା। ମିଲ୍‌ ବିରୋଧରେ ଥାନାରେ ଏତଲା ଦିଆଯାଇଥିବା ଜିଲା ଯୋଗାଣ ଅଧିକାରୀ କହିଛନ୍ତି। ଜିଲା ଯୋଗାଣ ଅଧିକାରୀ ଅମର ମହାପାତ୍ର କୁହନ୍ତି, ଧାନ ଚାଉଳ ହେଉଛି କି ନାହିଁ, ଷ୍ଟକ୍‌ ଠିକ୍‌ ଠାକ୍‌ ଅଛି କି ନାହିଁ ତାହାର ତଦାରଖ କରିବାକୁ ପ୍ରତି ମିଲ୍‌ ପାଇଁ ଯୋଗାଣ ବିଭାଗର ଜଣେ ନିରୀକ୍ଷକଙ୍କୁ ଅଥରାଇଜଡ୍‌ ଅଫିସର ଓ ଜଣେ ଜିଲା ସହକାରୀ ଯୋଗାଣ ଅଧିକାରୀଙ୍କୁ ସୁପରଭାଇଜିଂ ଅଫିସରଭାବେ ନିଯୁକ୍ତି ଦିଆଯାଇଥାଏ। ଏହାବାଦ୍‌ ଜିଲା ସ୍ତରରେ ଥିବା ଯୋଗାଣ ବିଭାଗର ଏନଫୋର୍ସମେଣ୍ଟ ସ୍କ୍ବାର୍ଡ ମଧ୍ୟ ଗଠନ କରାଯାଇଥାଏ। ହେଲେ ସମସ୍ତ ବଳୟକୁ ଭେଦ କରି ମିଲରମାନେ ଚାଉଳ ନ ଦେଇ ପାର୍‌ ହୋଇଯିବା ଯୋଗାଣ ବିଭାଗ ଅଧିକାରୀଙ୍କ କାର୍ଯ୍ୟଧାରାକୁ ନେଇ ପ୍ରଶ୍ନ ଉଠୁଛି।
All Right Reserved By

ରାଜ୍ୟ |

‘ଭାରି ଯାନ ଚଳାଚଳ ବନ୍ଦ କରାଯାଉ’

‘ଭାରି ଯାନ ଚଳାଚଳ ବନ୍ଦ କରାଯାଉ’

ବନ୍ତ,୨୫।୯(ଡି.ଏନ.ଏ.)-ଭଦ୍ରକ-ଆନନ୍ଦପୁର ରାଜ୍ୟ ରାଜପଥର ଗଣିଜାଙ୍ଗଠାରୁ ବନ୍ତ ପର୍ଯ୍ୟନ୍ତ ରାସ୍ତାର ନିର୍ମାଣ କାର୍ଯ୍ୟ ନ ସରିବା ଯାଏ ଭାରିଯାନ ଚଳାଚଳ ବନ୍ଦ ରଖାଯିବାକୁ ବନ୍ତ-ଭଣ୍ଡାରିପୋଖରୀ ବିକାଶ ପରିଷଦ ପକ୍ଷରୁ ଦାବି କରାଯାଇଛି। 

ପ୍ରଧାନମନ୍ତ୍ରୀ ଆବାସ ଯୋଗାଣରେ ଅନିୟମିତତା

ପ୍ରଧାନମନ୍ତ୍ରୀ ଆବାସ ଯୋଗାଣରେ ଅନିୟମିତତା

ବାଲେଶ୍ୱର ଅଫିସ, ୨୫।୯-ବାଲେଶ୍ୱର ସଦର ବ୍ଲକ ଅଧୀନ ବୁଆଁଳ ପଞ୍ଚାୟତରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଅନିୟମିତତା ହେଉଥିବା ଅଭିଯୋଗ ହୋଇଛି। ଏହି ଯୋଜନାରେ ପ୍ରକୃତ ହିତାଧିକାରୀଙ୍କୁ ଅଣଦେଖା କରାଯାଉଛି। ଏହାର ପ୍ରତିବାଦରେ ହିତାଧିକାରୀମାନେ ସୋମବାର ପୂର୍ବାହ୍ନରେ ସଦର ବିଡ଼ିଓ ଶଙ୍କର୍ଷଣ ବେହେରାଙ୍କ ଅଫିସ୍‌ ସମ୍ମୁଖରେ ଧାରଣା ଦେଇଥିଲେ। ସନ୍ଧ୍ୟା ସାଢେ ୬ଟା ପର୍ଯ୍ୟନ୍ତ କୌଣସି ଅଧିକାରୀ ହିତାଧିକାରୀଙ୍କ ନିକଟରେ ପହଞ୍ଚତ୍ ନ ଥିବା ଜଣାପଡିଛି। 

୩ ବର୍ଷ ଷ୍ଟାଇପେଣ୍ଡ ମିଳୁନି, ଜିଲା ପ୍ରଶାସନଠାରେ ଅଭିଯୋଗ କଲେ ଛାତ୍ରୀଛାତ୍ର

୩ ବର୍ଷ ଷ୍ଟାଇପେଣ୍ଡ ମିଳୁନି, ଜିଲା ପ୍ରଶାସନଠାରେ ଅଭିଯୋଗ କଲେ ଛାତ୍ରୀଛାତ୍ର

ବାଲେଶ୍ୱର ଅଫିସ, ୨୫।୯-ବାଲେଶ୍ୱର ଜିଲା ସଦର ବ୍ଲକ ଅନ୍ତର୍ଗତ ଶ୍ରୀରାମପୁର ପଞ୍ଚାୟତର ମାଣ୍ଡରକୁଲା ଗାନ୍ଧିଜୀ ହାଇସ୍କୁଲର ଅନୁସୂଚିତ ଜାତି ଓ ଜନଜାତିର ଛାତ୍ରୀଛାତ୍ରଙ୍କୁ ୩ ବର୍ଷ ହେଲା ଷ୍ଟାଇପେଣ୍ଡ ମିଳିନି। ସୋମବାର ସେମାନେ ଅତିରିକ୍ତ ଜିଲାପାଳ ମାନସ ରଞ୍ଜନ ପାଢ଼ୀଙ୍କଠାରେ ଲିଖିତ ଅଭିଯୋଗ କରିଛନ୍ତି। 

ବିଜେଡିରେ ମିଶିଲେ କଂଗ୍ରେସ କର୍ମୀ

ବିଜେଡିରେ ମିଶିଲେ କଂଗ୍ରେସ କର୍ମୀ

ଦିଗପହଣ୍ଡି,୨୫।୯(ଡି.ଏନ.ଏ.): ଦିଗପହଣ୍ଡି ବ୍ଲଖ ଫାସିଗୁଡ଼ା ପଞ୍ଚାୟତ ଜକମେରିପଲ୍ଲୀ ଓ ଜଲମେରିପଲ୍ଲୀ ଗ୍ରାମର ବହୁ କଂଗ୍ରେସ କର୍ମୀ ସୋମବାର ଦଳ ଛାଡି ବିଜେଡିିରେ ସାମିଲ ହୋଇଥିବା ଘୋଷଣା କରିଛନ୍ତି । 

ପୁଣି କୋଟଗଡ଼ରେ ନାବାଳିକାଙ୍କୁ ବଳାତ୍କାର

ପୁଣି କୋଟଗଡ଼ରେ ନାବାଳିକାଙ୍କୁ ବଳାତ୍କାର

ଫୁଲବାଣୀ ଅଫିସ/କୋଟଗଡ,(ଡି.ଏନ.ଏ.), ୨୫ା୯-କନ୍ଧମାଳ ଜିଲା କୋଟଗଡ ଥାନା ଅଞ୍ଚଳରେ ଜଣେ ୯ ବର୍ଷର ନାବାଳିକାଙ୍କୁ ବଳାତ୍କାର ପରେ ହତ୍ୟା ଘଟଣାକୁ ନେଇ ଉତ୍ତେଜନା ଥମି ନ ଥିବା ବେଳେ ସୋମବାର ପୁଣି ଏକ ବଳାତ୍କାର ଘଟଣା ପଦାକୁ ଆସିଛି।

ଗୃହରକ୍ଷୀଙ୍କ ପାସିଂ ଆଉଟ୍‌ ପରେଡ୍‌

ଗୃହରକ୍ଷୀଙ୍କ ପାସିଂ ଆଉଟ୍‌ ପରେଡ୍‌

ଛତ୍ରପୁର,୨୫ା୯(ଡି.ଏନ.ଏ)-ଗଞ୍ଜାମ ପୋଲିସ ଜିଲାରେ ନୂତନ ଭାବେ ନିଯୁକ୍ତି ପାଇଥିବା ଗୃହରକ୍ଷୀମାନଙ୍କ ପାସିଂ ଆଉଟ୍‌ ପ୍ୟାରେଡ୍‌ ସୋମବାର ଛତ୍ରପୁରସ୍ଥିତ ପୋଲିସ ପଡିଆରେ ଅନୁଷ୍ଠିତ ହୋଇଥିଲା ା 

ତପ୍ତପାଣି ଘାଟିରେ ଟ୍ରକ ଦୁର୍ଘଟଣାଗ୍ରସ୍ତ, ୩ ଗୁରୁତର

ତପ୍ତପାଣି ଘାଟିରେ ଟ୍ରକ ଦୁର୍ଘଟଣାଗ୍ରସ୍ତ, ୩ ଗୁରୁତର

ଦିଗପହଣ୍ଡି/ପାଟପୁର, 
୨୫ା୯ (ଡି.ଏନ.ଏ.)- ଗଞ୍ଜାମ-ଗଜପତି ଜିଲା ସୀମାନ୍ତ ତପ୍ତପାଣି ଘାଟିରେ ସାର ବୋଝେଇ ଟ୍ରକ୍‌ (ନଂ. ଓଆର୦୪ଜି୩୪୧୬) ଓଲଟି ପଡ଼ିବାରୁ ୩ ଜଣ ଗୁରୁତର ହୋଇଛନ୍ତି। 

କଲ୍ୟାଣ ଶିକ୍ଷକ,ଶିକ୍ଷା ନିରୀକ୍ଷକଙ୍କ ଜିଲାସ୍ତରୀୟ ସମ୍ମିଳନୀ

କଲ୍ୟାଣ ଶିକ୍ଷକ,ଶିକ୍ଷା ନିରୀକ୍ଷକଙ୍କ ଜିଲାସ୍ତରୀୟ ସମ୍ମିଳନୀ

ରାଇକିଆ,୨୫ା୯(ଡ଼ି.ଏନ.ଏ.)-କନ୍ଧମାଳ ଜିଲା ଫିରିଙ୍ଗିଆ ବ୍ଲକ ନେଡ଼ିପଦର ସରକାରୀ ବାଳିକା ଉଚ୍ଚ ବିଦ୍ୟାଳୟରେ ନିଖିଳ ଉତ୍କଳ କଲ୍ୟାଣ ଶିକ୍ଷକ ଓ ଶିକ୍ଷା ନିରୀକ୍ଷକ ସଂଘ କନ୍ଧମାଳ ଶାଖାର ଜିଲାସ୍ତରୀୟ ସମ୍ମିଳନୀ ରବିବାର ଅନୁଷ୍ଠିତ ହୋଇଯାଇଛି ା

‘ଆମେ ଚାହଁୁ ପ୍ଲାଷ୍ଟିକ ମୁକ୍ତ ଓଡ଼ିଶା’

‘ଆମେ ଚାହଁୁ ପ୍ଲାଷ୍ଟିକ ମୁକ୍ତ ଓଡ଼ିଶା’

ଭଞ୍ଜନଗର,୨୫।୯(ଡି.ଏନ.ଏ.)-ଧରିତ୍ରୀ ଏବଂ ଓଡ଼ିଶା ପୋଷ୍ଟ ପକ୍ଷରୁ ଚାଲିଥିବା ପ୍ଲାଷ୍ଟିକ୍‌ ମୁକ୍ତ ଓଡ଼ିଶା ଅଭିଯାନରେ ଭଞ୍ଜନଗର ସାଇ ଗୁରୁକୁଳ ଆବାସିକ ବିଦ୍ୟାଳୟ ଛାତ୍ରୀଛାତ୍ର ସାମିଲ ହେବାପାଇଁ ସୋମବାର ନିଷ୍ପତ୍ତି ନେଇଛନ୍ତି। 

ଗୁମ୍ମାରେ ବିଏସଏନଏଲ ସେବା ଠପ୍‌

ଗୁମ୍ମାରେ ବିଏସଏନଏଲ ସେବା ଠପ୍‌

ଗୁମ୍ମା ୨୫।୯ (ଡି.ଏନ.ଏ)-
ଗଜପତି ଜିଲା ଗୁମ୍ମା ବ୍ଲକ ସଦର ମହକୁମାଠାରେ ବିଏସଏନଏଲ ସେବା ଦୀର୍ଘ ଏକ ମାସ ହେଲା ଲୋକଙ୍କୁ ସେବା ଯୋଗାଇ ଦେବା ବିଫଳ ହୋଇଛି। ବିଭାଗୀୟ ଅଧିକାରୀ ଙ୍କୁ ଏନେଇ  ଜଣାଇଲେ ମଧ୍ୟ କୌଣସି ପଦକ୍ଷେପ ନିଆଯାଉନାହିଁ।  

ରାସ୍ତାରେ ଖାଲଖମା , ମରାମତି ଦାବି

ରାସ୍ତାରେ ଖାଲଖମା , ମରାମତି ଦାବି

ସେମିଳିଗୁଡ଼ା,୨୫।୯(ସ୍ବ.ପ୍ର)-ସୁନାବେଡ଼ା ପୌରପରିଷଦ ଅଧୀନ କାକିଗଁାକୁ ପଡ଼ିଥିବା ରାସ୍ତା ଅବସ୍ଥା ଶୋଚନୀୟ ହୋଇପଡ଼ିଛି। ଦୀର୍ଘଦିନ ଧରି ଏହି ରାସ୍ତାର ମରାମତି କରାଯାଉ ନ ଥିବାରୁ ମଝିରେ ଖାଲଖମା ସୃଷ୍ଟି ହୋଇଛି। 

ସୀମାନ୍ତ ଅଞ୍ଚଳରେ ରାତିଅଧିଆ ମାଲ୍‌  ପରିବହନ: ରାଜସ୍ବ ହରାଉଛନ୍ତି ସରକାର

ସୀମାନ୍ତ ଅଞ୍ଚଳରେ ରାତିଅଧିଆ ମାଲ୍‌ ପରିବହନ: ରାଜସ୍ବ ହରାଉଛନ୍ତି ସରକାର

ପାରଳାଖେମୁଣ୍ଡି, ୨୫।୯ (ସ୍ବ.ପ୍ର.) 
ଗଜପତି ଜିଲା ସଦର ମହକୁମା ପାରଳାଖେମୁଣ୍ଡିସ୍ଥିତ ପୁରୁଣାପାଟଣା ରୋଡର ଓଡିଶା-ଆନ୍ଧ୍ର ସୀମାନ୍ତବର୍ତ୍ତୀ ସ୍ଥାନରୁ ରାତିଅଧିଆ ଟ୍ରକ ଯୋଗେ ପଡୋଶୀ ଆନ୍ଧ୍ରକୁ ବିଭିନ୍ନ ସାମଗ୍ରୀ ଚାଲାଣ ହେଉଥିବା ଦୃଷ୍ଟିକୁ ଆସିଛି ା