ରାଜ୍ୟ |

ସି-ଶୋର ଚିଟ୍‌ଫଣ୍ଡ ଠକେଇ : ୩ ମାମଲାରେ ପ୍ରଶାନ୍ତଙ୍କୁ ସର୍ତ୍ତମୂଳକ ଜାମିନ

ସି-ଶୋର ଚିଟ୍‌ଫଣ୍ଡ ଠକେଇ : ୩ ମାମଲାରେ ପ୍ରଶାନ୍ତଙ୍କୁ ସର୍ତ୍ତମୂଳକ ଜାମିନ

କଟକ ଅଫିସ, ୧୯।୧୨- ସି-ଶୋର ଚିଟ୍‌ଫଣ୍ଡ ଠକେଇ ଘଟଣାର ୩ ମାମଲାରେ ସଂସ୍ଥାର ମୁଖ୍ୟ ପ୍ରଶାନ୍ତ ଦାସଙ୍କୁ ମଙ୍ଗଳବାର ହାଇକୋର୍ଟ ସର୍ତ୍ତମୂଳକ ଜାମିନ ପ୍ରଦାନ କରିଛନ୍ତି। ୨୦୧୩ରେ ଟିଟିଲାଗଡ଼, ନବରଙ୍ଗପୁର ଓ ଯାଜପୁର ଟାଉନ ଥାନାରେ ଏସବୁ ଠକେଇ ମାମଲା ରୁଜୁ ହୋଇଥିଲା। ଏବେ ଜାମିନ ମଞ୍ଜୁର ହୋଇଥିବାରୁ ପ୍ରଶାନ୍ତଙ୍କ ପାଇଁ ଜେଲ୍‌ରୁ ମୁକୁଳିବା ବାଟ ଫିଟିଯାଇଛି। ଜାମିନ ଆବେଦନର ଶୁଣାଣିବେଳେ ବରିଷ୍ଠ ଆଇନଜୀବୀ ସୁରେଶ ତ୍ରିପାଠୀ ଯୁକ୍ତି ଉପସ୍ଥାପନା କରିଥିଲେ ଯେ, ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ସିବିଆଇ ସି-ଶୋର ଘଟଣାରେ ତଦନ୍ତ ଆରମ୍ଭ କରିଥିଲା। ସି-ଶୋର ବିରୋଧରେ ବିଭିନ୍ନ ସ୍ଥାନରେ ଥିବା ମାମଲାକୁ ଏକାଠି କରି ସିବିଆଇ ଗୋଟିଏ ମାମଲା ରୁଜୁ କରିବା କଥା। ମାତ୍ର ସି-ଶୋର ବିରୋଧରେ ରାଜ୍ୟ ଓ ରାଜ୍ୟ ବାହାରେ ଥିବା ସମସ୍ତ ଅଭିଯୋଗର ତଦନ୍ତ କରି ସିବିଆଇ ଚାର୍ଜଶିଟ ଦାଖଲ କରିଛି। ମାତ୍ର ଏହି ୩ଟି ମାମଲାର ପୃଥକ୍‌ ବିଚାର ହେବା ସାମ୍ବିଧାନିକ ବ୍ୟବସ୍ଥାର ପରିପନ୍ଥୀ ବୋଲି ତ୍ରିପାଠୀ ତାଙ୍କ ଯୁକ୍ତିରେ ଦର୍ଶାଇଥିଲେ। ଏଥିସହ ସଂସ୍ଥା ବିରୋଧରେ ଉଦ୍ଦେଶ୍ୟମୂଳକ ଭାବେ ଏକାଧିକ ମାମଲା ରୁଜୁ କରାଯାଇଛି, ଯାହା ବେଆଇନ। ଏଣୁ ଆବେଦନକାରୀ ଦାସଙ୍କୁ ଜାମିନ ମଞ୍ଜୁର କରାଯାଉ ବୋଲି ତ୍ରିପାଠୀ କୋର୍ଟଙ୍କୁ ନିବେଦନ କରିଥିଲେ। ଅପରପକ୍ଷରେ ସିବିଆଇ ପକ୍ଷରୁ ଦର୍ଶାଯାଇଥିଲା, ରାଜ୍ୟ ସରକାରଙ୍କ ପକ୍ଷରୁ ଉକ୍ତ ୩ଟି ମାମଲାର କେସ୍‌ ଡାଏରୀ ଦାଖଲ କରାଯାଇଥିଲା। ସିବିଆଇ ମଧ୍ୟ ଏହା ଉପରେ ତଦନ୍ତ କରିଥିଲା। ସୂଚନାଯୋଗ୍ୟ, ୫୭୦ କୋଟିରୁ ଊର୍ଦ୍ଧ୍ୱ ଟଙ୍କା ଠକେଇ ଅଭିଯୋଗ ସି-ଶୋର ବିରୋଧରେ ରହିଥିଲା। ୨୦୧୩ ଜୁନ ୧୯ରେ କ୍ରାଇମବ୍ରାଞ୍ଚ ବମ୍ବେରୁ ପ୍ରଶାନ୍ତଙ୍କୁ ଗିରଫ କରିଥିଲା। ସେହିବର୍ଷ କୋରାପୁଟ ଜିଲାର କୋରାପୁଟ ଟାଉନ୍‌, ସେମିଳିଗୁଡ଼ା ଓ ଜୟପୁର ଥାନାରେ ସି-ଶୋର ବିରୋଧରେ ଥିବା ୩ଟି ମାମଲାରେ ଦାସଙ୍କୁ ଜାମିନ ମିଳିଥିଲା। ୨୦୧୭ ଅଗଷ୍ଟ ୧୮ରେ ସିବିଆଇ ପକ୍ଷରୁ ରୁଜୁ କରାଯାଇଥିବା ମାମଲାରେ ହାଇକୋର୍ଟ ଦାସଙ୍କୁ ସର୍ତ୍ତମୂଳକ ଜାମିନ ମଞ୍ଜୁର କରିଥିଲେ। ସୁପ୍ରିମକୋର୍ଟଙ୍କ ନିର୍ଦ୍ଦେଶ କ୍ରମେ ସି-ଶୋର ଠକେଇ ମାମଲାର ତଦନ୍ତ ସିବିଆଇ ଗ୍ରହଣ କରି ପ୍ରଶାନ୍ତ ଓ ଅନ୍ୟ ଅଭିଯୁକ୍ତଙ୍କ ବିରୋଧରେ ୨୦୧୫ ମାର୍ଚ୍ଚ ୮ରେ ୨୭୬ ପୃଷ୍ଠାର ଚାର୍ଜଶିଟ ଦାଖଲ କରିଥିଲା।

All Right Reserved By

ରାଜ୍ୟ |

କ୍ରୀଡ଼ା ଛାତ୍ରାବାସ ନିମନ୍ତେ ୨୭ରୁ ପ୍ରତିଭା ଚୟନ

କ୍ରୀଡ଼ା ଛାତ୍ରାବାସ ନିମନ୍ତେ ୨୭ରୁ ପ୍ରତିଭା ଚୟନ

ଅନୁଗୋଳ ଅଫିସ,୨୧ା୬ ରାଜ୍ୟ କ୍ରୀଡ଼ା ଛାତ୍ରାବାସରେ ଯୋଗଦାନ ପାଇଁ କ୍ରୀଡ଼ା ପ୍ରତିଭା ଅନ୍ବେଷଣ କାର୍ଯ୍ୟକ୍ରମକୁ ନେଇ ବୁଧବାର ପୂର୍ବାହ୍ନରେ ଜିଲାପାଳ ଅନିଲ କୁମାର ସାମଲଙ୍କ ଅଧ୍ୟକ୍ଷତାରେ ତାଙ୍କ କାର୍ଯ୍ୟାଳୟରେ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି।

ଅଧାପନ୍ତରିଆ ପାନୀୟ ଜଳ ପ୍ରକଳ୍ପ

ଅଧାପନ୍ତରିଆ ପାନୀୟ ଜଳ ପ୍ରକଳ୍ପ

ଆଠମଲ୍ଲିକ,୨୧ା୬(ଡି.ଏନ.ଏ.) ଖରାଦିନକୁ ଆଖିରେ ରଖି ଅନୁଗୋଳ ଜିଲା ଆଠମଲ୍ଲିକ ଏନ୍‌ଏସି ପକ୍ଷରୁ ସ୍ଥାନୀୟ ଗାନ୍ଧୀ ଛକ ନିକଟରେ ଥଣ୍ଡା ପାନୀୟ ଜଳ ପ୍ରକଳ୍ପ ନିର୍ମାଣ ଆରମ୍ଭ ହୋଇଥିଲା। ହେଲେ ଏହି ନିର୍ମାଣକୁ ୧୫ ମାସରୁ ଊର୍ଦ୍ଧ୍ୱ ସମୟ ବିତି ଯାଇଥିଲେ ମଧ୍ୟ ଏହା ଅଧାପନ୍ତରିଆ ହୋଇ ପଡିରହିଛି।

ବର୍ଷକରେ ୪ ମା’ ଓ ୫୦ ଶିଶୁଙ୍କ ମୃତ୍ୟୁ

ବର୍ଷକରେ ୪ ମା’ ଓ ୫୦ ଶିଶୁଙ୍କ ମୃତ୍ୟୁ

ବଅଁରପାଳ,୨୧ା୬ ମାତୃ ଓ ଶିଶୁ ମୃତ୍ୟୁ ହାର ହ୍ରାସ ପାଇଁ ଉଭୟ କେନ୍ଦ୍ର ଏବଂ ରାଜ୍ୟ ସରକାରଙ୍କ ପକ୍ଷରୁ ଅନେକଗୁଡ଼ିଏ ଯୋଜନା କାର୍ଯ୍ୟକାରୀ କରାଯାଉଛି। ସମନ୍ବିତ ଶିଶୁ ବିକାଶ ଯୋଜନାଠାରୁ ଜାତୀୟ ଗ୍ରାମୀଣ ସ୍ବାସ୍ଥ୍ୟ ମିଶିନ (ଏନ୍‌ଆର୍‌ଏଚ୍‌ଏମ୍‌) ଜରିଆରେ ବହୁ ଅର୍ଥ ମଧ୍ୟ ଖର୍ଚ୍ଚ କରାଯାଉଛି।

ବାଇକ୍‌ ଚଢ଼ିବା ପିଲାଦିନୁ ସଉକ୍‌

ବାଇକ୍‌ ଚଢ଼ିବା ପିଲାଦିନୁ ସଉକ୍‌

ଆଲ୍‌ବମ ଜଗତର ଜଣେ ନାମକରା ଚେହେରା। ନିଆରା କଣ୍ଠ ସ୍ବର ପାଇଁ ସେ ଓଲିଉଡ୍‌ରେ ତିଆରି କରିଛନ୍ତି ସ୍ବତନ୍ତ୍ର ସ୍ଥାନ। ଏହାକୁ ବାଦ୍‌ଦେଲେ ୟୁଟୁବ୍‌ରେ ମଧ୍ୟ ତାଙ୍କ ରାଜୁତି ଅନେକ। ନିକଟରେ ସେ ଗାଇଥିବା ‘ରାଜଧାନୀ ପ୍ରେମ ବିଡିଏରେ, କଟକର ପ୍ରେମ ସିଡିଏରେ, ଢେଙ୍କାନାଳ ପ୍ରେମ କଲେଜରେ’ ଗୀତ ଖୁବ୍‌ ଆଦୃତି ଲାଭ କରିଛି।

ବାଘ ଛଡ଼ାଯିବା ନିଷ୍ପତ୍ତିକୁ ବିରୋଧ

ବାଘ ଛଡ଼ାଯିବା ନିଷ୍ପତ୍ତିକୁ ବିରୋଧ

ଅନୁଗୋଳ ଅଫିସ୍‌,୨୧।୬ ସାତକୋଶିଆ ଅଭୟାରଣ୍ୟରେ ବାଘ ଛଡ଼ା ଯିବା ନେଇ ଥିବା ଯୋଜନାକୁ ସାତକୋଶିଆ କ୍ଷତିଗ୍ରସ୍ତ ପ୍ରଜାସୁରକ୍ଷା ସମିତି ପକ୍ଷରୁ ବିରୋଧ କରାଯାଇଛି। ବୁଧବାର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ସମିତି ପକ୍ଷରୁ ଏକ ଦାବିପତ୍ର ଅନୁଗୋଳ ଅତିରିକ୍ତ ଜିଲାପାଳଙ୍କୁ ପ୍ରଦାନ କରାଯାଇଛି।

ରୋକାଗଲା ବାଲ୍ୟବିବାହ

ରୋକାଗଲା ବାଲ୍ୟବିବାହ

ଢେଙ୍କାନାଳ ଅଫିସ୍‌, ୨୧ା୬ ବାଲ୍ୟବିବାହ ଦଣ୍ଡନୀୟ ଅପରାଧ। ଏହାକୁ ରୋକିବାକୁ ସର୍ବୋଚ୍ଚ ନ୍ୟାୟାଳୟ ପକ୍ଷରୁ ରହିଛି କଡ଼ା ନିର୍ଦ୍ଦେଶ। ଏଥିପାଇଁ ରାଜ୍ୟ ତଥା କେନ୍ଦ୍ର ସରକାରଙ୍କ ପକ୍ଷରୁ ଜାରି ରହିଛି ଅନେକ ସଚେତନତା କାର୍ଯ୍ୟକ୍ରମ। ହେଲେ ଏହା ଗ୍ରାମାଞ୍ଚଳରେ ଅପହଞ୍ଚ ହୋଇ ରହିଛି।

ଗଜପତିଙ୍କୁ ମିଳୁ କ୍ୟାବିନେଟ ପାହ୍ୟା , ଶଙ୍କରାଚାର୍ଯ୍ୟ ରୁହନ୍ତୁ ମୁଖ୍ୟ ପରାମର୍ଶଦାତା

ଗଜପତିଙ୍କୁ ମିଳୁ କ୍ୟାବିନେଟ ପାହ୍ୟା , ଶଙ୍କରାଚାର୍ଯ୍ୟ ରୁହନ୍ତୁ ମୁଖ୍ୟ ପରାମର୍ଶଦାତା

ପୁରୀ ଅଫିସ, ୨୧।୬: ଗୋବର୍ଦ୍ଧନ ମଠାଧୀଶ ଶଙ୍କରାଚାର୍ଯ୍ୟଙ୍କ କର୍ତ୍ତୃତ୍ୱରେ ରହୁ ଶ୍ରୀମନ୍ଦିର। ଶଙ୍କରାଚାର୍ଯ୍ୟ ମୁଖ୍ୟ ପରାମର୍ଶଦାତା ଏବଂ ଆଦ୍ୟ ସେବକ ଗଜପତି ମହାରାଜାଙ୍କୁ ପରାମର୍ଶଦାତା ଭାବେ ଦାୟିତ୍ୱ ଦିଆଯାଉ।

ଯୁବ ଶିଳ୍ପୀ ବିଶ୍ୱଜିତ ,ସୋଲ, କାଗଜରେ ତିଆରି କରିଛନ୍ତି କ୍ଷୁଦ୍ର ପଞ୍ଚ ମହାଦେବ

ଯୁବ ଶିଳ୍ପୀ ବିଶ୍ୱଜିତ ,ସୋଲ, କାଗଜରେ ତିଆରି କରିଛନ୍ତି କ୍ଷୁଦ୍ର ପଞ୍ଚ ମହାଦେବ

ପୁରୀ ଅଫିସ,୨୧।୬: ଇଚ୍ଛା ଥିଲେ କୌଣସି କାମ ବି ସହଜ ହୋଇଯାଏ। ନିଜ ଭିତରେ ଥିବା ଆଗ୍ରହ ସେହି କାମକୁ ପୂର୍ଣ୍ଣାଙ୍ଗ ରୂପ ଦିଏ, ଯାହାକୁ ପ୍ରମାଣିତ କରିଛନ୍ତି ଶ୍ରୀମନ୍ଦିରର ସୁଆର ସେବକ ବିଶ୍ୱଜିତ ପଣ୍ଡା।

ଟ୍ରେନ୍‌ ଶୌଚାଳୟରୁ ମହିଳାଙ୍କ ମୁଣ୍ଡବିହୀନ ମୃତଦେହ ଉଦ୍ଧାର

ଟ୍ରେନ୍‌ ଶୌଚାଳୟରୁ ମହିଳାଙ୍କ ମୁଣ୍ଡବିହୀନ ମୃତଦେହ ଉଦ୍ଧାର

ପୁରୀ ଅଫିସ, ୨୧।୬: ପୁରୀ-ଗୁଣୁପୁର ପାସେଞ୍ଜର ଟ୍ରେନ (ନଂ.୫୮୪୭୧) ଶୌଚାଳୟରୁ ବୁଧବାର ସକାଳେ ଜଣେ ବିବାହିତା ମହିଳାଙ୍କ ମୁଣ୍ଡବିହୀନ ମୃତଦେହ ଉଦ୍ଧାର କରାଯାଇଛି। ତାଙ୍କ ପରିଚୟ ମିଳିପାରିନାହିଁ। ମହିଳାଙ୍କ ବୟସ ୩୦ରୁ ୪୦ବର୍ଷ ମଧ୍ୟରେ ହେବ ବୋଲି ଅନୁମାନ କରାଯାଉଛି।

ଏମାର ମଠ ରୁପାଇଟା ରତ୍ନଭଣ୍ଡାରରେ ରଖିବାକୁ ଦାବି

ଏମାର ମଠ ରୁପାଇଟା ରତ୍ନଭଣ୍ଡାରରେ ରଖିବାକୁ ଦାବି

ପୁରୀ ଅଫିସ, ୨୧।୬: ରତ୍ନଭଣ୍ଡାର ଚାବି ହଜିବା ଓ ମିଳିବା ଘଟଣାକୁ ନେଇ ଚର୍ଚ୍ଚା ଥମୁନାହିଁ। ଏହି ଘଟଣାର ରାଜ୍ୟ ସରକାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦେଇଛନ୍ତି। ଜଷ୍ଟିସ ରଘୁବୀର ଦାସଙ୍କୁ ତଦନ୍ତ କମିଶନ ଭାବେ ନିଯୁକ୍ତ କରାଯାଇଛି।

ତିଆରି ହେଉଛି ଅଞ୍ଜନା ଖୁଣ୍ଟି

ତିଆରି ହେଉଛି ଅଞ୍ଜନା ଖୁଣ୍ଟି

ପୁରୀ ଅଫିସ,୨୧।୬: ଆସନ୍ତା ୨୮ ତାରିଖରେ ଦେବସ୍ନାନ ପୂର୍ଣ୍ଣିମା। ସ୍ନାନ ମଣ୍ଡପକୁ ବିଜେ କରି ୧୦୮ ଗରା ଜଳରେ ସ୍ନାନ କରିବେ ମହାପ୍ରଭୁ। ସ୍ନାନ ମଣ୍ଡପରେ ଠାକୁର ପହଞ୍ଚତ୍ବା ପରେ ଅଞ୍ଜନା ଖୁଣ୍ଟିରେ ରୁନ୍ଧା ହେବେ। ଏହି ଅଞ୍ଜନା ଖୁଣ୍ଟି ଦୋଳବେଦି ପରିସରରେ ତିଆରି ଚାଲିଛି। ଶ୍ରୀମନ୍ଦିର ମହାରଣା ବସନ୍ତ ମହାରଣା ଏହାକୁ ତିଆରି କରୁଛନ୍ତି।

ଚିଲିକାରେ ଆରମ୍ଭ ହେବ ପ୍ଲାଷ୍ଟିକ୍‌ମୁକ୍ତ ଅଭିଯାନ

ଭୁବନେଶ୍ୱର,୨୧।୬(ବ୍ୟୁରୋ)-ଚିଲିକାକୁ ପ୍ଲାଷ୍ଟିକ୍‌ମୁକ୍ତ କରିବାକୁ ଚିଲିକା ଉନ୍ନୟନ କର୍ତ୍ତୃପକ୍ଷ(ସିଡିଏ) ଖୁବ୍‌ଶୀଘ୍ର ଆରମ୍ଭ କରିବାକୁ ଯାଉଛନ୍ତି ପ୍ଲାଷ୍ଟିକ୍‌ମୁକ୍ତ ଅଭିଯାନ। ଏଥିପାଇଁ ପ୍ରାରମ୍ଭିକ ପ୍ରକ୍ରିୟା ଆରମ୍ଭ ହୋଇଯାଇଥିବା ବେଳେ ଆସନ୍ତା ୧ ବର୍ଷ ମଧ୍ୟରେ ଚିଲିକା ହ୍ରଦକୁ ସମ୍ପୂର୍ଣ୍ଣ ଭାବେ ପ୍ଲାଷ୍ଟିକ୍‌ମୁକ୍ତ କରାଯିବ।

Model This Week

ପ୍ରଭାତ