Dharitri News
ରାଜ୍ୟ |

ଟଙ୍କା ଫେରାଇବାକୁ ଡାକି ଠକିଲା ଏମ୍‌ଏମ୍‌ ଫଣ୍ଡ୍‌ ମାନେଜର୍ସ ଲିମିଟେଡ

ଟଙ୍କା ଫେରାଇବାକୁ ଡାକି ଠକିଲା ଏମ୍‌ଏମ୍‌ ଫଣ୍ଡ୍‌ ମାନେଜର୍ସ ଲିମିଟେଡ କଟକ ଅଫିସ, ୧୯।୧୨- ଜମାକାରୀଙ୍କ ଟଙ୍କା ଠକି ନେଇଥିଲା ଚିଟ୍‌ଫଣ୍ଡ ସଂସ୍ଥା ଏମ୍‌ଏମ୍‌ ଫଣ୍ଡ୍‌ ମ୍ୟାନେଜର୍ସ ଲିମିଟେଡ। ଏବେ ଟଙ୍କା ଫେରାଇବା ପାଇଁ ଜମାକାରୀଙ୍କୁ ଡାକି ପୁଣି ଠକିଛି ସଂସ୍ଥା। ମଙ୍ଗଳବାର ୨୫ଜଣ ଜମାକାରୀ ତଦନ୍ତ କମିଶନଙ୍କ କାର୍ଯ୍ୟାଳୟରେ ୬ଘଣ୍ଟା ଭୋକ ଉପାସରେ ଅପେକ୍ଷା କରି ନିରାଶରେ ଫେରିଛନ୍ତି। ତେବେ ଫେରିବା ପୂର୍ବରୁ ସେମାନେ ତଦନ୍ତ କମିଶନ ଜଷ୍ଟିସ ଏମ୍‌.ଏମ୍‌. ଦାସଙ୍କୁ ଭେଟି ଅଭିଯୋଗ କରିଥିଲେ। କମିଶନ ଉକ୍ତ ସଂସ୍ଥାର ନିର୍ଦ୍ଦେଶକ ଦୀପକ ବେହେରାଙ୍କୁ ଆସନ୍ତା ଜାନୁୟାରୀ ୨୫ରେ ବ୍ୟକ୍ତିଗତ ହାଜର ହୋଇ ଜବାବ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି। ଉକ୍ତଦିନ ମାମଲାର ପରବର୍ତ୍ତୀ ଶୁଣାଣି ପାଇଁ କମିଶନ ଧାର୍ଯ୍ୟ କରିଛନ୍ତି। ଏଥିସହ ଜମାକାରୀମାନଙ୍କୁ ସେମାନଙ୍କ ଟଙ୍କା ତୁରନ୍ତ ଫେରସ୍ତ ପାଇଁ ସଂସ୍ଥାର ନିର୍ଦ୍ଦେଶକଙ୍କୁ ନିର୍ଦ୍ଦେଶ ଦେଇଛନ୍ତି। ଅଭିଯୋଗ ଅନୁସାରେ, ଏମ୍‌ଏମ୍‌ ଫଣ୍ଡ୍‌ ମ୍ୟାନେଜର୍ସ ଲିମିଟେଡ୍‌ କ୍ଷୁଦ୍ର ଜମାକାରୀ (୧୦ହଜାର ଟଙ୍କା)ଙ୍କୁ ସେମାନଙ୍କ ଟଙ୍କା ଫେରସ୍ତ ପାଇଁ ନୋଟିସ ଜାରି କରିଥିଲା। ମଙ୍ଗଳବାର ଆଧାର କାର୍ଡ ଓ ଜମା ରଖିଥିବା ପ୍ରମାଣପତ୍ର ଧରି ତଦନ୍ତ କମିଶନଙ୍କ କାର୍ଯ୍ୟାଳୟ ଆସିବାକୁ ଉକ୍ତ ନୋଟିସରେ ଦର୍ଶାଯାଇଥିଲା। ଅନୁପସ୍ଥିତ ରହିଲେ ଆଉ ସେମାନଙ୍କ ଟଙ୍କା ଫେରସ୍ତ କରାଯିବ ନାହିଁ ବୋଲି ସେଥିରେ ଉଲ୍ଲେଖ ରହିଥିଲା। ଠକାମିର ଶିକାର ହୋଇ ମାନସିକ ଯନ୍ତ୍ରଣାରେ ଛଟପଟ ହେଉଥିବା ଜମାକାରୀମାନେ ଏହି ଚିଠି ପାଇବା ପରେ ଖୁସି ହୋଇଯାଇଥିଲେ। ମୟୂରଭଞ୍ଜ, ବାଲେଶ୍ୱରରୁ ୨୫ଜଣ ପୁରୁଷ ଓ ମହିଳା ଜମାକାରୀ କମିଶନଙ୍କ କାର୍ଯ୍ୟାଳୟରେ ପହଞ୍ଚତ୍ଥିଲେ। ପୂର୍ବାହ୍ନ ୧୧ଟାରେ ଜମା ଟଙ୍କା ଫେରସ୍ତ ପାଇଁ ନୋଟିସରେ ଦର୍ଶାଯାଇଥିଲା। ଏପରିକି କମିଶନଙ୍କ କାର୍ଯ୍ୟାଳୟ ନିକଟରେ ସଂସ୍ଥା ପକ୍ଷରୁ ଉକ୍ତ ଜମାକାରୀଙ୍କ ଆଧାର କାର୍ଡ ଓ ପ୍ରମାଣପତ୍ରର ଜେରକ୍ସ କପି ନିଆଯାଇ ତୁରନ୍ତ ଟଙ୍କା ମିଳିବ ବୋଲି ଅପେକ୍ଷା କରିବାକୁ କୁହାଯାଇଥିଲା। ହେଲେ ଜମାକାରୀମାନେ କମିଶନଙ୍କ କାର୍ଯ୍ୟାଳୟରେ ପୂର୍ବାହ୍ନ ୧୧ଟାରୁ ଅପରାହ୍ନ ୫ଟା ପର୍ଯ୍ୟନ୍ତ ଭୋକ ଉପାସରେ ପଡ଼ି ରହିଥିଲେ ମଧ୍ୟ ସଂସ୍ଥା ପକ୍ଷରୁ କାହାର ଦେଖା ମିଳି ନ ଥିଲା। ଶେଷରେ ସେମାନେ ତଦନ୍ତ କମିଶନ ଜଷ୍ଟିସ ଦାସଙ୍କୁ ସାକ୍ଷାତ କରି ଘଟଣା ସମ୍ପର୍କରେ ଜଣାଇଥିଲେ। କମିଶନ ଉଦ୍‌ବେଗ ପ୍ରକାଶ କରିବା ସହିତ ଉପରୋକ୍ତ ନିର୍ଦ୍ଦେଶ ଦେଇଛନ୍ତି। ସୂଚନାଯୋଗ୍ୟ, ଠକେଇ ଅଭିଯୋଗରେ ଏମ୍‌ଏମ୍‌ ଫଣ୍ଡ ମ୍ୟାନେଜର୍ସ ଲିମିଟେଡ ନାମରେ କମିଶନ ଏକ ମାମଲା (ନଂ. ୫ସି) ରୁଜୁ କରିଛନ୍ତି। ଟଙ୍କା ଫେରସ୍ତ ପାଇଁ କମିଶନ ୩୫ ଜଣ କ୍ଷୁଦ୍ର ଜମାକାରୀଙ୍କୁ ଚିହ୍ନଟ କରିଛନ୍ତି।

ରାଜ୍ୟ |

ରେଭେନ୍‌ଶାରେ ପଦୋନ୍ନତି ଜାଲିଆତି ଅଭିଯୋଗ

ରେଭେନ୍‌ଶାରେ ପଦୋନ୍ନତି ଜାଲିଆତି ଅଭିଯୋଗ

କଟକ ଅଫିସ,୧୭ା୧- ରେଭେନ୍‌ଶା ବିଶ୍ୱବିଦ୍ୟାଳୟରେ ସହଯୋଗୀ ପ୍ରଫେସରଙ୍କ ପଦୋନ୍ନତିରେ ଜାଲିଆତି ହୋଇଥିବା ଅଭିଯୋଗ ହୋଇଛି। ବିଶ୍ୱବିଦ୍ୟାଳୟ ନିୟମକୁ ଉଲ୍ଲଂଘନ କରାଯାଇ କେତେଜଣ ସହଯୋଗୀ ପ୍ରଫେସରଙ୍କୁ ପଦୋନ୍ନତି ଦିଆଯାଇଛି। ୨ଦିନ ତଳେ କୁଳପତିଙ୍କ ନିକଟରେ ଏହି ଅଭିଯୋଗ ହୋଇଥିବା ଜଣାପଡ଼ିଛି।

ଅବଦୁରଙ୍କ ବିରୋଧରେ ଶୁଣାଣି ଆରମ୍ଭ: ଅଦାଲତରେ କଥା ବଦଳାଇଲେ ସାକ୍ଷୀ

ଅବଦୁରଙ୍କ ବିରୋଧରେ ଶୁଣାଣି ଆରମ୍ଭ: ଅଦାଲତରେ କଥା ବଦଳାଇଲେ ସାକ୍ଷୀ

କଟକ ଅଫିସ, ୧୭।୧- ଅଲ୍‌କାଏଦା ଲିଙ୍କ୍‌ ସନ୍ଦେହରେ ଗିରଫ ହୋଇଥିବା ଅବଦୁର ରହମନଙ୍କ ବିରୋଧରେ ବୁଧବାର ଶୁଣାଣି ଆରମ୍ଭ ହୋଇଛି। ଜିଲା ଦୌରାଜଜ୍‌ ସତ୍ୟନାରାୟଣ ମିଶ୍ରଙ୍କ ଅଦାଲତରେ ପୂର୍ବ ନିର୍ଦ୍ଦେଶ ମୁତାବକ ସାକ୍ଷୀ ସଲିମ୍‌ ଖଁା ସାକ୍ଷ୍ୟ ପ୍ରଦାନ କରିଥିଲେ। ସାକ୍ଷ୍ୟ ପ୍ରଦାନ କରି ସଲିମ୍‌ କହିଥିଲେ ଯେ, ସେ ଅବଦୁର୍‌ଙ୍କୁ ଚିହ୍ନିଛନ୍ତି।

ଜଟଣୀ ଫ୍ଲାଇ ଓଭର ବ୍ରିିଜ୍‌ କାର୍ଯ୍ୟ ନିମ୍ନମାନର ମାମଲା: ସିସି ଟିଭି ଫୁଟେଜ ଯାଞ୍ଚ୍‌ ପାଇଁ ଭିଜିଲାନ୍ସକୁ ନିର୍ଦ୍ଦେଶ

ଜଟଣୀ ଫ୍ଲାଇ ଓଭର ବ୍ରିିଜ୍‌ କାର୍ଯ୍ୟ ନିମ୍ନମାନର ମାମଲା: ସିସି ଟିଭି ଫୁଟେଜ ଯାଞ୍ଚ୍‌ ପାଇଁ ଭିଜିଲାନ୍ସକୁ ନିର୍ଦ୍ଦେଶ

କଟକ ଅଫିସ, ୧୭।୧- ଜଟଣୀରେ ୫୫ କୋଟି ଟଙ୍କା ବ୍ୟୟରେ ନିର୍ମାଣାଧୀନ ଫ୍ଲାଇ ଓଭର ବ୍ରିଜ କାର୍ଯ୍ୟ ନିମ୍ନମାନର ବୋଲି ଅଭିଯୋଗ ହୋଇଛି। ଏ ସମ୍ପର୍କିତ ଆଗତ ମାମଲାରେ ବୁଧବାର ଭିଜିଲାନ୍ସ ପକ୍ଷରୁ ପୂର୍ବ ନିର୍ଦ୍ଦେଶ ମୁତାବକ ଏକ ରିପୋର୍ଟ ହାଇକୋର୍ଟରେ ଦାଖଲ କରାଯାଇଛି। ଉକ୍ତ ରିପୋର୍ଟରେ ରାଉରକେଲା ଏନ୍‌ଆଇଟିର ବିଶେଷଜ୍ଞ ଦଳ ଏହାର ତଦନ୍ତ କରୁଛନ୍ତି। ଏହି ବିଶେଷଜ୍ଞ ଦଳର ତଦନ୍ତ ଶେଷ ପରେ ଚୂଡ଼ାନ୍ତ ରିପୋର୍ଟ ଅଦାଲତରେ ପ୍ରଦାନ କରାଯିବ ବୋଲି ଭିଜିଲାନ୍ସ ପକ୍ଷରୁ ଦର୍ଶାଯାଇଛି। ଅନ୍ୟପକ୍ଷରେ ପୋଲ ନିକଟରେ ଥିବା ସିସି ଟିଭି ଫୁଟେଜକୁ ଯାଞ୍ଚ କରିବାକୁ ଭିଜିଲାନ୍ସକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି।

ଏସ୍‌ସିବିରେ କଳାହାଣ୍ଡି ଏସିଡ୍‌ ପୀଡିତା: ଜିଲା ଜଜ୍‌ଙ୍କ ଉପସ୍ଥିତିରେ ଆସିଲା ଧମକପୂର୍ଣ୍ଣ ମେସେଜ

ଏସ୍‌ସିବିରେ କଳାହାଣ୍ଡି ଏସିଡ୍‌ ପୀଡିତା: ଜିଲା ଜଜ୍‌ଙ୍କ ଉପସ୍ଥିତିରେ ଆସିଲା ଧମକପୂର୍ଣ୍ଣ ମେସେଜ

କଟକ ଅଫିସ, ୧୭।୧- ଏସ୍‌ସିବି ମେଡିକାଲର ପ୍ଲାଷ୍ଟିକସର୍ଜରୀ ବିଭାଗରେ ଚିକିତ୍ସା ନିମନ୍ତେ ଭର୍ତ୍ତି ହୋଇଛନ୍ତି କଳାହାଣ୍ଡି ଏସିଡ ପୀଡିତା। ବୁର୍ଲା ମେଡିକାଲରୁ ମଙ୍ଗଳବାର ବିଳମ୍ବିତ ରାତିରେ ତାଙ୍କୁ ଏସ୍‌ସିବି ସ୍ଥାନାନ୍ତର କରାଯାଇଥିଲା। ବୁଧବାର ଭୋରରେ ପୀଡିତା କାଜୁଆଲିଟିରେ ପହଞ୍ଚତ୍ବା ପରେ ତାଙ୍କୁ ପ୍ଲାଷ୍ଟିକସର୍ଜରୀ ବିଭାଗକୁ ପଠାଯାଇଥିଲା। ବିଭାଗୀୟ ପ୍ରଫେସର ଡା. ଅରୁଣ କୁମାର ଚୌଧୁରୀଙ୍କ ୟୁନିଟରେ ପୀଡିତା ଭର୍ତ୍ତି ହୋଇଛନ୍ତି।

ହାଇକୋର୍ଟରେ ନାଟ ମଣ୍ଡପ ମରାମତି ମାମଲା:ନିରୂପିତ ସ୍ଥାନ ଏଏସ୍‌ଆଇକୁ ପ୍ରଦାନ କରିବାକୁ ନିର୍ଦ୍ଦେଶ

ହାଇକୋର୍ଟରେ ନାଟ ମଣ୍ଡପ ମରାମତି ମାମଲା:ନିରୂପିତ ସ୍ଥାନ ଏଏସ୍‌ଆଇକୁ ପ୍ରଦାନ କରିବାକୁ ନିର୍ଦ୍ଦେଶ

କଟକ ଅଫିସ, ୧୭।୧- ଶ୍ରୀଜଗନ୍ନାଥ ମନ୍ଦିର ପରିସରରେ ଥିବା ଗରୁଡ଼ସ୍ତମ୍ଭ ନିକଟ ନାଟ ମଣ୍ଡପ ପଥର ବିମ୍‌ରେ ଫାଟ ଦେଖାଦେଇଛି। ଏହି ଫାଟ ଓ ଅନ୍ୟାନ୍ୟ ମରାମତି କାର୍ଯ୍ୟ ନିମନ୍ତେ ନିରୂପଣ କରାଯାଇଥିବା ସ୍ଥାନ ଚଳିତ ମାସ ୨୨ ତାରିଖ ସୁଦ୍ଧା ଭାରତୀୟ ପ୍ରତ୍ନତତ୍ତ୍ବ ସର୍ବେକ୍ଷଣ ସଂସ୍ଥା (ଏଏସ୍‌ଆଇ)କୁ ପ୍ରଦାନ କରିବାକୁ ଶ୍ରୀମନ୍ଦିର ପ୍ରଶାସନକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ଏଥିସହ ଗରୁଡ଼ ସ୍ତମ୍ଭ ନିକଟରେ କ’ଣ ମରାମତି କରାଯିବ। କାର୍ଯ୍ୟ ପାଇଁ କେତେ ସମୟ ଲାଗିବ ଓ ବ୍ୟୟ ଅଟକଳ ପ୍ରସଙ୍ଗରେ ସତ୍ୟପାଠ ଦାଖଲ କରିବାକୁ ଏଏସ୍‌ଆଇକୁ ମଧ୍ୟ କୁହାଯାଇଛି। ମୁଖ୍ୟ ବିଚାରପତି ବିନୀତ ସରନ ଓ ବିଚାରପତି ବିଦ୍ୟୁତ୍‌ ରଞ୍ଜନ ଷଡଙ୍ଗୀଙ୍କୁ ନେଇ ଗଠିତ ଖଣ୍ଡପୀଠ ଉପରୋକ୍ତ ନିର୍ଦ୍ଦେଶ ଦେଇଛନ୍ତି।

ରେଳ ପ୍ରକଳ୍ପ ପାଇଁ ଓଡ଼ିଶା ଲୋଡ଼ିଲା ୬୫୦୦ କୋଟି

ରେଳ ପ୍ରକଳ୍ପ ପାଇଁ ଓଡ଼ିଶା ଲୋଡ଼ିଲା ୬୫୦୦ କୋଟି

ଭୁବନେଶ୍ୱର,୧୭।୧(ବ୍ୟୁରୋ): ଆଗାମୀ ୨୦୧୮-୧୯ ସାଧାରଣ ବଜେଟରେ ଓଡିଶାର ରେଳ ପ୍ରକଳ୍ପ ସକାଶେ ରାଜ୍ୟ ସରକାର ୬୫୦୦ କୋଟି ଟଙ୍କା ଦାବି କରିଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୁଧବାର ରେଳମନ୍ତ୍ରୀ ପୀୟୂଷ ଗୋଏଲଙ୍କୁ ପତ୍ର ଲେଖି ଏହି ଦାବି ଜଣାଇଛନ୍ତି। ରାଜ୍ୟର ସବୁ ଜିଲାକୁ ରେଳ ସଂଯୋଗ ସକାଶେ ବିଭିନ୍ନ ପ୍ରକଳ୍ପ ପାଇଁ ସରକାର ମାଗଣା ଜମି ଯୋଗାଇ ଦେବେ ବୋଲି ମୁଖ୍ୟମନ୍ତ୍ରୀ ତାଙ୍କ ପତ୍ରରେ ଉଲ୍ଲେଖ କରିଛନ୍ତି।

ପୁରୀ ରେଳ ଷ୍ଟେଶନରେ ଅଘଟଣ: ସେନା ଟ୍ରେନରେ ବିସ୍ଫୋରଣ, ରୋଷେଇ ଗ୍ୟାସ ଟାଙ୍କି ଫାଟି ପ୍ୟାଣ୍ଟ୍ରିକାର ଧ୍ୱସ୍ତ

ପୁରୀ ରେଳ ଷ୍ଟେଶନରେ ଅଘଟଣ: ସେନା ଟ୍ରେନରେ ବିସ୍ଫୋରଣ, ରୋଷେଇ ଗ୍ୟାସ ଟାଙ୍କି ଫାଟି ପ୍ୟାଣ୍ଟ୍ରିକାର ଧ୍ୱସ୍ତ

ପୁରୀ ଅଫିସ, ୧୭।୧: ପୁରୀ ରେଳ ଷ୍ଟେଶନରେ ଲଗାତର ୩ଟି ଟ୍ରେନରେ ଅଗ୍ନିକାଣ୍ଡ ଘଟଣା ଲୋକଙ୍କ ମନରୁ ନ ଲିଭୁଣୁ ବୁଧବାର ପୁଣି ଘଟିଛି ଏକ ଅଘଟଣ। ଷ୍ଟେଶନର ୨ନମ୍ବର ପ୍ଲାଟଫର୍ମରେ ଲାଗିଥିବା ମିଲିଟାରୀ(ସେନା)ର ସ୍ବତନ୍ତ୍ର ଟ୍ରେନର ପ୍ୟାଣ୍ଟ୍ରିକାର (ରୋଷ ବଗି)ରେ ଏକ ଗ୍ୟାସ ସିଲିଣ୍ଡର ଫାଟି ଘଟିଛି ବିସ୍ଫୋରଣ। ଏଥିରେ ଉକ୍ତ ବଗିର କିଛି ଅଂଶ ଜଳିଯିବା ସହ ଧ୍ୱସ୍ତ ବିଧ୍ୱସ୍ତ ହୋଇଯାଇଛି। ବିସ୍ଫୋରଣର ପ୍ରଚଣ୍ଡ ଶବ୍ଦରେ ଷ୍ଟେଶନ ଆଖାପାଖ ଅଞ୍ଚଳ ଥରି ଉଠିଥିଲା। ପ୍ରଚଣ୍ଡ ଶବ୍ଦ ଶୁଣି ବିଭିନ୍ନ ପ୍ଲାଟଫର୍ମରେ ଥିବା ଯାତ୍ରୀ ଭୟରେ ଦୌଡାଦୌଡି କରିଥିଲେ। ଏହି ସମୟରେ ପ୍ଲାଟଫର୍ମରେ ରହିଥିବା ଧଉଳି ଏକ୍ସପ୍ରେସର ପ୍ୟାଣ୍ଟ୍ରିକାର ମ୍ୟାନେଜର ବିନୋଦ କୁମାର ଆର୍ଯ୍ୟ ଏବଂ କର୍ମଚାରୀ ଚନ୍ଦନ କୁମାର ଦାସ ଆହତ ହୋଇଛନ୍ତି। ତେବେ କୌଣସି ଯାତ୍ରୀ ଆହତ ହୋଇନାହାନ୍ତି। ବିସ୍ଫୋରଣର କାରଣ ସ୍ପଷ୍ଟ ହୋଇ ନାହିଁ। ପ୍ୟାଣ୍ଟ୍ରିକାରରେ ରୋଷେଇ ଚାଲିଥିବା ବେଳେ ଏହି ବିସ୍ଫୋରଣ ଘଟିଥିବା ସନ୍ଦେହ କରାଯାଉଛି। ରିପୋର୍ଟ ଲେଖାଯିବା ପର୍ଯ୍ୟନ୍ତ ଜିଆରପି କିମ୍ବା ଆରପିଏଫ ନିକଟରେ କୌଣସି ମାମଲା ରୁଜୁ ହୋଇନାହିଁ।

ଯାତ୍ରାପାର୍ଟି ମାଲିକ ସଂଘର ଘୋଷଣା: ‘ବନ୍ଦ ହେବ ଯାତ୍ରା’

ଯାତ୍ରାପାର୍ଟି ମାଲିକ ସଂଘର ଘୋଷଣା: ‘ବନ୍ଦ ହେବ ଯାତ୍ରା’

ଭୁବନେଶ୍ୱର, ୧୭।୧(ବ୍ୟୁରୋ)- ଯାତ୍ରାପ୍ରେମୀଙ୍କ ପାଇଁ ଦୁଃଖଦ ଖବର। ସେମାନେ ଆଉ ଦେଖିବାକୁ ପାଇବେନି ଯାତ୍ରା। କାରଣ ଆସନ୍ତା ଜୁଲାଇରୁ ଏହା ବନ୍ଦ ହେବ। ଯାତ୍ରା ପାଇଁ ଯେତିକି ଟଙ୍କା ଖର୍ଚ୍ଚ ହେଉଛି ସେହି ତୁଳନାରେ ଆୟ ହୋଇପାରୁ ନାହିଁ। ତେଣୁ ଯାତ୍ରା ଚାଲୁରଖିବା ସମ୍ଭବ ହେଉନାହିଁ। ଏହି କାରଣରୁ ଆସନ୍ତା ଜୁଲାଇରୁ ଯାତ୍ରା ପରିବେଷଣ ବନ୍ଦ କରାଯିବ ବୋଲି ବୁଧବାର ଯାତ୍ରା ମାଲିକ ସଂଘ ପକ୍ଷରୁ କୁହାଯାଇଛି। ସଂଘ ପକ୍ଷରୁ ସ୍ଥାନୀୟ ଏକ ହୋଟେଲରେ ଆୟୋଜିତ ଖବରଦାତା ସମ୍ମିଳନୀରେ ସଂଘ ସଭାପତି ସୌମ୍ୟରଞ୍ଜନ ପଟ୍ଟନାୟକ ଏହି ସୂଚନା ଦେଇଛନ୍ତି।

ସର୍ବନିମ୍ନ ମଜୁରୀ, ସାମାଜିକ ସୁରକ୍ଷା ଦାବିରେ ବିକ୍ଷୋଭ

ସର୍ବନିମ୍ନ ମଜୁରୀ, ସାମାଜିକ ସୁରକ୍ଷା ଦାବିରେ ବିକ୍ଷୋଭ

ପୁରୀ ଅଫିସ, ୧୭।୧: ସର୍ବନିମ୍ନ ମଜୁରୀ ୧୮ ହଜାର ଟଙ୍କା, ସାମାଜିକ ସୁରକ୍ଷା ତଥା ଅନ୍ୟାନ୍ୟ ଦାବି ନେଇ ଏଆଇଟିୟୁସି ଓ ସିଆଇଟିୟୁ କର୍ମଚାରୀଙ୍କ ପକ୍ଷରୁ ବୁଧବାର ପୁରୀ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି।

ମହାନଦୀ ପ୍ରସଙ୍ଗରେ ବସିବ ଗୃହ କମିଟି ବୈଠକ

ମହାନଦୀ ପ୍ରସଙ୍ଗରେ ବସିବ ଗୃହ କମିଟି ବୈଠକ

ଭୁବନେଶ୍ୱର, ୧୭।୧(ବ୍ୟୁରୋ)- ମହାନଦୀ ପ୍ରସଙ୍ଗରେ ଆଗାମୀ କାର୍ଯ୍ୟପନ୍ଥା କ’ଣ ହେବ ସେ ନେଇ ଗୃହ କମିଟି ବୈଠକରେ ସ୍ଥିର କରାଯିବ। ଏ ନେଇ ସୂଚନା ଦେଇଛନ୍ତି ଶାସକ ଦଳ ମୁଖ୍ୟ ସଚେତକ ଅମର ଶତପଥୀ।

କେନ୍ଦ୍ର ରେଳମନ୍ତ୍ରୀଙ୍କୁ ନବୀନଙ୍କ ଚିଠି: ୬,୫୦୦ କୋଟି ଅନୁଦାନ ଦେବାକୁ ଦାବି

କେନ୍ଦ୍ର ରେଳମନ୍ତ୍ରୀଙ୍କୁ ନବୀନଙ୍କ ଚିଠି: ୬,୫୦୦ କୋଟି ଅନୁଦାନ ଦେବାକୁ ଦାବି

ଭୁବନେଶ୍ୱର,୧୭।୧(ବ୍ୟୁରୋ): ଆଗାମୀ ସାଧାରଣ ବଜେଟରେ ଓଡିଶାକୁ ରେଳବାଇ ଅନୁଦାନ ଦାବି କରି ବୁଧବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ରେଳମନ୍ତ୍ରୀ ପୀୟୂଷ ଗୋଏଲଙ୍କୁ ଚିଠି ଲେଖିଛନ୍ତି। ରାଜ୍ୟକୁ ୬ ହଜାର ୫ଶହ କୋଟିର ରେଳବାଇ ଅନୁଦାନ ଦେବାକୁ ମୁଖ୍ୟମନ୍ତ୍ରୀ ଜଣାଇଛନ୍ତି।

ସମ୍ବଲପୁର ବିଶ୍ୱବିଦ୍ୟାଳୟର ନୂଆ କୂଳପତି

ସମ୍ବଲପୁର ବିଶ୍ୱବିଦ୍ୟାଳୟର ନୂଆ କୂଳପତି

ଭୁବନେଶ୍ୱର ୧୭।୧(ବ୍ୟୁରୋ): ସମ୍ବଲପୁର ବିଶ୍ୱବିଦ୍ୟାଳୟର ନୂଆ କୂଳପତି ଭାବେ ନିଯୁକ୍ତ ହୋଇଛନ୍ତି ପ୍ରଫେସର ଦୀପକ କୁମାର ବେହେରା। ବୁଧବାର ଗଭର୍ଣ୍ଣର ଡ. ଏସ୍‌. ସି ଜମିର ତାଙ୍କୁ ଏହି ଦାୟିତ୍ୱ ଦେଇଛନ୍ତି।