ରାୟଗଡା

ଓଡ଼ିଆ ଛାତ୍ରୀ ରାଜଶ୍ରୀ ଯିବେ ଇସ୍ରୋ

ଓଡ଼ିଆ ଛାତ୍ରୀ ରାଜଶ୍ରୀ ଯିବେ ଇସ୍ରୋ
ନବରଙ୍ଗପୁର,୧୭।୧୨(ବି.ପ୍ର.) ନବରଙ୍ଗପୁର ଉଚ୍ଚ ବାଳିକା ବିଦ୍ୟାଳୟର ଛାତ୍ରୀ ରାଜଶ୍ରୀ ଇସ୍ରୋ ଯିବେ । ସେଠାରେ ବୈଜ୍ଞାନକମାନଙ୍କ ସହ ଆଲୋଚନା କରିବା ସହିତ ପ୍ରଶ୍ନୋତ୍ତର କାର୍ଯ୍ୟକ୍ରମରେ ଭାଗ ନେବେ । ଏନେଇ ସେ ଏବେଠାରୁ ବିଭିନ୍ନ ବିଜ୍ଞାନ ସମ୍ପର୍କିତ ପାଠ୍ୟକ୍ରମ ଉପରେ ପ୍ରସ୍ତୁତ ହେଉଛନ୍ତି । ନବରଙ୍ଗପୁର ତେଲିସାହିର କରୁଣାକର ସାହୁ ମାଆ ରୁନୁ ସାହୁଙ୍କ ଝିଅ ରାଜଶ୍ରୀ ସାହୁ ଦଶମ ଶ୍ରେଣୀର ଛାତ୍ରୀ । ଜିଲାର ବିଭିନ୍ନ ପ୍ରତିଯୋଗିତାରେ ଭାଗ ନେଇ ସୁନାମ ରଖିବା ସହ ଅକ୍ଟୋବର ମାସରେ ଆୟୋଜିତ ୟଙ୍ଗ ଆଷ୍ଟ୍ରୋନମର ଟ୍ୟାଲେଣ୍ଟ ପ୍ରତିଯୋଗିତାରେ ଭାଗ ନେଇ ନବରଙ୍ଗପୁର ଜିଲା ପକ୍ଷରୁ କୃତିତ୍ୱ ହାସଲ କରିଥିଲେ । ରାଜଶ୍ରୀ ସମେତ ସେନାପତି ସାହିର ଆକାଂକ୍ଷା ନନ୍ଦ ମଧ୍ୟ ଏହି ପ୍ରତିଯୋଗିତାରେ କୃତିତ୍ୱ ହାସଲ କରି ରାଜ୍ୟ ସ୍ତର ପ୍ରତିଯୋଗୀତାରେ ଭାଗ ନେଇଥିଲେ । ଭାରତରେ ମହାକାଶ ଯାନ କାର୍ଯ୍ୟକ୍ରମ ଉପରେ ବିଷୟ ବସ୍ତୁ ରହିଥିଲା । ସାରା ରାଜ୍ୟରେ ୩୦ ଜିଲାର ୩୨ହଜାର ଛାତ୍ରୀଛାତ୍ର ପରୀକ୍ଷା ଦେଇଥିଲେ । ସେଥିମଧ୍ୟରୁ ନବରଙ୍ଗପୁର ଜିଲାରେ ୩୨୦ ଛାତ୍ରୀଛାତ୍ର ପରୀକ୍ଷା ଦେଇଥିଲେ । ଉତ୍ତୀର୍ଣ୍ଣ ହେବା ପରେ ୬୦ ଜଣ ରାଜ୍ୟସ୍ତରକୁ ଉନ୍ନୀତ ହୋଇଥିଲେ । ୧୩ ତାରିଖ ଭୁବନେଶ୍ୱର ପଠାଣି ସାମନ୍ତ ଅଡିଟୋରିୟମଠାରେ ହୋଇଥିବା ପରୀକ୍ଷାରେ ୫ଟି ପ୍ରଶ୍ନର ସଠିକ ଉତ୍ତର ଦେଇ ରାଜ୍ୟର ୨୦ ଜଣ ଇସ୍ରୋ ଯିବାକୁ ଉନ୍ନିତ ହୋଇଛନ୍ତି । ସେଥିମଧ୍ୟରେ ରହିଛନ୍ତି ନବରଙ୍ଗପୁରର ରାଜଶ୍ରୀ ।
All Right Reserved By

ରାୟଗଡା

କଂଗ୍ରେସ ଛାଡି ବିଜେଡିରେ ସାମିଲ ହେଲେ କର୍ମୀ

କଂଗ୍ରେସ ଛାଡି ବିଜେଡିରେ ସାମିଲ ହେଲେ କର୍ମୀ

ମାଥିଲି, ୨୫।୯ (ଡି.ଏନ.ଏ) - ମାଲକାନଗିରି ଜିଲା ମାଥିଲି ବ୍ଲକ ଅନ୍ତର୍ଗତ ସାଲିମିଠାରେ ମଙ୍ଗଳବାର ଅନୁଷ୍ଠିତ ବିଜେଡିର ଏକ ସମ୍ମିଳନୀରେ କେତେକ କଂଗ୍ରେସ କର୍ମୀ ନିଜ ଦଳ ଛାଡି ବିଜେଡିରେ ଯୋଗଦେଇଛନ୍ତି। ଚିତ୍ରକୋଣ୍ତା ବିଧାୟକ ଡମ୍ବରୁ ଶିଶାଙ୍କ ଲୋକପ୍ରିୟତା ଏବଂ ବିଜେଡି ଆଦର୍ଶରେ ଅନୁପ୍ରାଣିତ ହୋଇ ସେମାନେ ବିଜେଡିରେ ସାମିଲ ହୋଇଥିବା କହିଛନ୍ତି। 

ବିଜେଡିର କର୍ମୀ ସମ୍ମିଳନୀ

ବିଜେଡିର କର୍ମୀ ସମ୍ମିଳନୀ

ଖଇରପୁଟ, ୨୫ା୯ (ଡି.ଏନ୍‌.ଏ.)-ମାଲକାନଗିରି ଜିଲା  ଖଇରପୁଟ ବ୍ଲକ ଗୋବିନ୍ଦପାଲ୍ଲିସ୍ଥିତ  ଝାଡେଶ୍ୱରୀ ମନ୍ଦିର ପ୍ରାଙ୍ଗଣରେ ପଞ୍ଚାୟତସ୍ତରୀୟ ବିଜୁ ଜନତା ଦଳ ପକ୍ଷରୁ କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟଅତିଥି ଭାବେ ଚିତ୍ରକୋଣ୍ଡା ବିଧାୟକ ଡମ୍ବରୁ ଶିଶା ଯୋଗଦେଇ ନବୀନ ସରକାରଙ୍କ ସୁଶାସନ ତଥା ଜନହିତକର କାର୍ଯ୍ୟଗୁଡିକ କିଭଳି ସବୁ ଲୋକଙ୍କ ପାଖରେ ପହଞ୍ଚତ୍ ପାରିବ ସେନେଇ ଗୁରୁତ୍ୱାରୋପ କରିଥିଲେ। 

ବଜ୍ରପାତରେ ବାଳକ ମୃତ

ବଜ୍ରପାତରେ ବାଳକ ମୃତ

ପାପଡାହାଣ୍ଡି,୨୫।୯(ଡି.ଏନ.ଏ)-ନବରଙ୍ଗପୁର ଜିଲା ପାପଡାହାଣ୍ଡି  ବ୍ଲକ ତୁମ୍ବର୍ଲା ପଞ୍ଚାୟତ ରଜାମାଟୁ ଗ୍ରାମର ବାଳକ ଚନ୍ଦ୍ର ଜାନୀଙ୍କ ବଜ୍ରପାତରେ ମଙ୍ଗଳବାର ମୃତ୍ୟୁ ଘଟିଛି। ସେ ନିକଟସ୍ଥ କାଜୁବାଡରେ ଗାଈ ଚରାଇବାକୁ ଯାଇଥିଲେ। ଏହି ସମୟରେ ପ୍ରବଳ ବର୍ଷା ସହ ବଜ୍ରପାତ ହୋଇଥିଲା। ବଜ୍ରପାତରେ ସେ ଅଚେତ ହୋଇଯାଇଥିଲେ। ପରିବାର ଲୋକ ତାଙ୍କୁ ଉଦ୍ଧାର କରି ଘରକୁ ଆଣିଥିଲେ। ପରେ ପାପଡାହାଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ । ସେଠାରେ  ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। 

ଗାଡିମୋଟର ଯାଞ୍ଚ: ଜରିମାନା ଆଦାୟ

ଗାଡିମୋଟର ଯାଞ୍ଚ: ଜରିମାନା ଆଦାୟ

ରାୟଗଡା ଅଫିସ, ୨୫।୯(ଡି.ଏନ୍‌.ଏ.) ରାୟଗଡା ଜିଲା ଏସ୍‌ପି ରାହୁଲ ପିଆର୍‌ଙ୍କ ନିର୍ଦ୍ଦେଶ କ୍ରମେ ଆଞ୍ଚଳିକ ପରିବହନ ବିଭାଗ ଓ ପୋଲିସ ପ୍ରଶାସନ ପକ୍ଷରୁ ସୋମବାରଠାରୁ ସହରରେ ଯାନ ବାହାନ ଯାଞ୍ଚ କରାଯାଉଛି।  ସହରର କୋରାପୁଟ ଛକ, ସାଇ ଇଣ୍ଟର ନ୍ୟାସନାଲ ଛକ, ପି.ଡବ୍ଲ୍ୟୁଡି ଛକ, ଆମ୍ବେଡକର ଆଦି ଛକରେ ମଙ୍ଗଳବାର ଗାଡି ମୋଟର ଯାଞ୍ଚ କରାଯାଇଛି। 

ଦିନ ଦୟାଲ ଉପାଧ୍ୟାଙ୍କ ଜୟନ୍ତୀ ପାଳିତ

ଦିନ ଦୟାଲ ଉପାଧ୍ୟାଙ୍କ ଜୟନ୍ତୀ ପାଳିତ

ମୁନିଗୁଡା, ୨୫।୯(ଡି.ଏନ୍‌.ଏ.)-ରାୟଗଡା ଜିଲା ମୁନିଗୁଡା ପଞ୍ଚାୟତ କାର୍ଯ୍ୟାଳୟ ସଭାଗୃହରେ ନେହେରୁ ଯୁବ କେନ୍ଦ୍ର ସଙ୍ଗଠନ ଓ ଗୁଣ୍ଡିଚା ନଗରସ୍ଥିତ ଡକ୍ଟର ଏପିଜେ ଅବ୍‌ଦୁଲ କଲାମ କ୍ରୀଡା ଏବଂ ସାମାଜିକ ଯୁବ କ୍ଲବ ମିଳିତ ଆନୁକୂଲ୍ୟରେ ଦୀନ ଦୟାଲ ଉପାଧ୍ୟାୟଙ୍କ ୧୦୩ ତମ ଜୟନ୍ତୀ ପାଳିତ ହୋଇଯାଇଛି। 

ଡାକ୍ତରଙ୍କ ଅବହେଳା ଯୋଗୁ ଗର୍ଭବତୀଙ୍କ ମୃତ୍ୟୁ ଅଭିଯୋଗ:  ଜିଲାମୁଖ୍ୟ ଚିକିତ୍ସାଳୟରେ ଉତ୍ତେଜନା

ଡାକ୍ତରଙ୍କ ଅବହେଳା ଯୋଗୁ ଗର୍ଭବତୀଙ୍କ ମୃତ୍ୟୁ ଅଭିଯୋଗ: ଜିଲାମୁଖ୍ୟ ଚିକିତ୍ସାଳୟରେ ଉତ୍ତେଜନା

କୋରାପୁଟ, ୨୫।୯(ସ୍ବ.ପ୍ର./ଡି.ଏନ୍‌.ଏ.)-ଜଣେ ଗର୍ଭବତୀଙ୍କ ମୃତ୍ୟୁକୁ ନେଇ କୋରାପୁଟ ଜିଲାମୁଖ୍ୟ ଚିକିତ୍ସାଳୟରେ ମଙ୍ଗଳବାର ଉତ୍ତେଜନା ଦେଖାଦେଇଛି। ମୃତକ ଜଣଙ୍କ ହେଲେ ସ୍ଥାନୀୟ ମର୍ଶିପୁଟ ଗ୍ରାମର ସୁନିଆ ଭୋଇଙ୍କ ସ୍ତ୍ରୀ ସାବି  (୨୦)। ଡାକ୍ତରଙ୍କ ଅବହେଳା ଯୋଗୁ ଗର୍ଭବତୀଙ୍କ ମୃତ୍ୟୁ ହୋଇଥିବା ଅଭିଯୋଗ କରି ମୃତକଙ୍କ ସମ୍ପର୍କିୟମାନେ ଜିଲା ମୁଖ୍ୟ ଚିକିତ୍ସାଳୟର ମହିଳା ଓ ଶିଶୁ ବିଭାଗ ମୁଖ୍ୟ ଫାଟକ ବନ୍ଦ କରି ତା ଆଗରେ ଧାରଣା ଦେଇଛନ୍ତି। 

ତୈଳଦର ହ୍ରାସ ଦାବିରେ ଅଟୋ ଚାଳକ ସଂଘର ୨ ଦିନିଆ ଧାରଣା

ତୈଳଦର ହ୍ରାସ ଦାବିରେ ଅଟୋ ଚାଳକ ସଂଘର ୨ ଦିନିଆ ଧାରଣା

ମାଲକାନଗିରି, ୨୫।୯(ଡି.ଏନ୍‌.ଏ.)-ମାଲକାନଗିରି ଅଟୋ ଚାଳକ ସଂଘ ପକ୍ଷରୁ ମଙ୍ଗଳବାରଠାରୁ ୨ ଦିନିଆ ବନ୍ଦ ଡାକରା ଦିଆଯାଇଛି। ତୈଳ ଦର ହ୍ରାସ କରିବା ଦାବିରେ ସେମାନେ ଧାରଣାରେ ବସିଛନ୍ତି। ଡିଜେଲ, ପେଟ୍ରୋଲ ଦର ବୃଦ୍ଧି ଯୋଗୁ ଯାତ୍ରୀ ଅଧିକ ଟଙ୍କା ଦେଇ ଯାତାୟତ କରିବାକୁ ଚାହୁଁ ନ ଥିବା ବେଳେ ବହୁ କ୍ଷତି ସହି ଗାଡି ଚଳାଇବାକୁ ପଡୁଛି ବୋଲି ସଂଘ ସଦସ୍ୟମାନେ କହିଛନ୍ତି। ରାଜ୍ୟ ଓ କେନ୍ଦ୍ର ସରକାର ଏଥିପ୍ରତି ଗୁରୁତ୍ୱ ଦେଇ ଲୋକଙ୍କ ହିତ ପାଇଁ ତୈଳଦର ହ୍ରାସ କରନ୍ତୁ ବୋଲି ସେମାନେ କହିଛନ୍ତି।

ଶହୀଦ ପ୍ରଶାନ୍ତଙ୍କ  ଶ୍ରାଦ୍ଧଦିବସ ପାଳିତ

ଶହୀଦ ପ୍ରଶାନ୍ତଙ୍କ ଶ୍ରାଦ୍ଧଦିବସ ପାଳିତ

କୋଷାଗୁମୁଡା,୨୫।୯(ଡି.ଏନ.ଏ.): ନବରଙ୍ଗପୁର ଜିଲା କୋଷାଗୁମୁଡା ବସଷ୍ଟାଣ୍ଡଠାରେ ସୋମବାର ଶହୀଦ ପ୍ରଶାନ୍ତ ପାତ୍ରଙ୍କ ଶ୍ରାଦ୍ଧଦିବସ ପାଳନ କରାଯାଇଥିଲା । ସମସ୍ତ ଅତିଥି ଏବଂ ଗ୍ରାମବାସୀ ପ୍ରଶାନ୍ତଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରି ସ୍ମୃତିଚାରଣ କରିଥିଲେ। କାର୍ଯ୍ୟକ୍ରମରେ ରାଜ୍ୟ ଶହୀଦ ସ୍ମୃତି ସଂସଦ ଅଧ୍ୟକ୍ଷ ମୁନା ତ୍ରିପାଠୀ ସଭାପତିତ୍ୱ କରିଥିବାବେଳେ ମୁଖ୍ୟଅତିଥି ଭାବେ ଡାବୁଗାଁ ବିଧାୟକ ଭୁଜବଳ ମାଝି, ଏପିଡି ରତ୍ନାକର ସାହୁ, ଡିପିଓ ବସନ୍ତ କୁମାର ପାତ୍ର, ବ୍ଲକ ଅଧ୍ୟକ୍ଷା ଗୀତାମଣି ସମରଥ, ଉପାଧ୍ୟକ୍ଷ ପଦମସାଏ ମାଳି, ଭାଜପା ରାଜ୍ୟ କାର୍ଯ୍ୟକାରିଣୀ ସଦସ୍ୟ କୁଞ୍ଜବିହାରୀ ଦାସ, ଜିଲା ପରିଷଦ ସଭ୍ୟ ଯୁଗଧର ହରିଜନ, ସଭ୍ୟା କାମିନୀ ହରିଜନ, ପ୍ରଦେଶ କଂଗ୍ରେସ ସଭ୍ୟ ଧରମ ସିଂ, ବ୍ଲକ କଂଗ୍ରେସ ସଭାପତି ସଞ୍ଜିବ ବିଶୋୟୀ, ଡିଏସପି ଗୋବିନ୍ଦ ଚନ୍ଦ୍ର ବୁରୁଦା, ସବଇନ୍ସପେକ୍ଟର ଆର.ଏନ. ସାହୁ, ଜିଲା ପୋଲିସ ସଂଘ ସଭାପତି ଗୋରୀ ମାଝି ଅତିଥିଭାବେ ଯୋଗ ଦେଇଥିଲେ। 

ସୁଷମ ଖାଦ୍ୟରେ ପୋକ ବାହାରିବା ଘଟଣାର ତଦନ୍ତ

ତେନ୍ତୁଳିଖୁଣ୍ଟି, ୨୫।୯(ଡି.ଏନ.ଏ.)-ନବରଙ୍ଗପୁର ଜିଲା ମଞ୍ଚାଗାଁ ପଞ୍ଚାୟତ ବଙ୍ଗଳାଗୁଡା ଗ୍ରାମର ଅଙ୍ଗନଓ୍ବାଡି କେନ୍ଦ୍ରରେ ୧୫ତାରିଖରେ ହିତାଧିକାରୀଙ୍କୁ  ଦିଆଯାଇଥିବା ସୁଷମ ଖାଦ୍ୟ ସୁଜି ଓ ବାଦାମ ଲଡୁରୁ ପୋକ ବାହାରିବା ଘଟଣାର  ତଦନ୍ତ କରାଯାଇଛି। ଜିଲା ସମାଜ ମଙ୍ଗଳ ଅଧିକାରୀ ନିମାଇଁ ଚରଣ ସ୍ବର୍ଣ୍ଣକାର ଓ ଶିଶୁବିକାଶ ପ୍ରକଳ୍ପ ଅଧିକାରୀ ବିନୋଦିନୀ ପଟ୍ଟନନାୟକ ବଙ୍ଗଳାଗୁଡାର ବିଭିନ୍ନ ଅଙ୍ଗନଓ୍ବାଡି କେନ୍ଦ୍ର ଯାଇ ହିତାଧିକାରୀଙ୍କୁ ଯୋଗାଇ ଦିଆଯାଇଥିବା ଲଡୁ ,ସୁଜି ଏବଂ ଛତୁଆ ଯାଞ୍ଚ କରିଥିଲେ। 

ବରିଷ୍ଠ ନାଗରିକ କାର୍ଯ୍ୟକାରିଣୀ ବୈଠକ

ନବରଙ୍ଗପୁର,୨୫।୯(ବି.ପ୍ର.)-  ବରିଷ୍ଠ ନାଗରିକ କମିଟିର ଏକ କାର୍ଯ୍ୟାକାରିଣୀ ବୈଠକ ଅନୁଷ୍ଠିତ ହୋଇ ଯାଇଛି । କମିଟିର ସଭାପତି ଡଃ. ରାଧାନାଥ ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ସାଧାରଣ ସମ୍ପାଦକ ବି. ରାମମୂର୍ତ୍ତି ପଟ୍ଟନାୟକ ପୂର୍ବ ବୈଠକର ବିବରଣି ପାଠ କରିଥିଲେ । ଆଗାମି ଦିନରେ ଲୋକ ତଥା  ସମାଜ କଲ୍ୟାଣ ପାଇଁ ପଦକ୍ଷେପ ଗ୍ରହଣ କରିବାକୁ ନିଷ୍ପତ୍ତି ନିଆଯାଇଛି।

ରାଜ୍ୟସ୍ତରୀୟ ବିଦ୍ୟାଳୟ ସମୂହ କବାଡି ପ୍ରତିଯୋଗିତା: ଚାମ୍ପିୟନଶିପ ନବରଙ୍ଗପୁର ଦଳକୁ ସମ୍ବର୍ଦ୍ଧନା

ରାଜ୍ୟସ୍ତରୀୟ ବିଦ୍ୟାଳୟ ସମୂହ କବାଡି ପ୍ରତିଯୋଗିତା: ଚାମ୍ପିୟନଶିପ ନବରଙ୍ଗପୁର ଦଳକୁ ସମ୍ବର୍ଦ୍ଧନା

ନବରଙ୍ଗପୁର,୨୫।୯(ବି.ପ୍ର.)- ୧୭ ବର୍ଷରୁ କମ ବାଳିକା ବିଭାଗ କବାଡି ପ୍ରତିଯୋଗିତାରେ ନବରଙ୍ଗପୁର ଜିଲାର ଦଳ ଚାମ୍ପିୟାନସିପ ହୋଇଛି । ୬୪ ତମ ରାଜ୍ୟସ୍ତରୀୟ ବିଦ୍ୟାଳୟ ସମୂହ କବାଡି ପ୍ରତିଯୋଗୀତା ବରଗଡ ଜର୍ଜ ଉଚ୍ଚ ବିଦ୍ୟାଳୟ ପରିସରରେ ୨୧ ରୁ ୨୩ ତାରିଖ ପର୍ଯ୍ୟନ୍ତ ହୋଇଥିଲା ।ରବିବାର ଉଦଯାପନୀ ଦିବସରେ ବୟନଶିଳ୍ପ ମନ୍ତ୍ରୀ ସ୍ନେହାଙ୍ଗିନି ଛୁରିଆ ମୁଖ୍ୟ ଅତିଥି ଭାବେ ଯୋଗ ଦେଇ ସିଲ୍ଡ ସହ ମାନପତ୍ର ପ୍ରଦାନ କରିଥିଲେ । ନବରଙ୍ଗପୁରରେ ଦଳ ପହଞ୍ଚିବା ପରେ ଜିଲା ମଙ୍ଗଳ ଅଧିକାରୀ ପବିତ୍ର ମୋହନ ପ୍ରଧାନ ଓ ଖେଳ ପ୍ରଶିକ୍ଷକ କାଳିକିଙ୍କର  ପଟ୍ଟନାୟକ,  ଭାରପ୍ରାପ୍ତ ଶାରିରିକ ଶିକ୍ଷା ନିରିକ୍ଷକ ମନରଞ୍ଜନ ପ୍ରହରାଜ ପ୍ରମୁଖ ଖେଳାଳିମାନଙ୍କୁ ନେଇ ଜିଲାପାଳଙ୍କ ସହ ସାକ୍ଷାତ କରାଇଥିଲେ । ଜିଳାପାଳ ଡଃ. ଅଜିତ କୁମାର ମିଶ୍ର ଦଳକୁ ସମ୍ବର୍ଦ୍ଧିତ କରିଥିଲେ । 

ମା’ ଘର ଶାନ୍ତିସେନା ପକ୍ଷରୁ ନିଶାମୁକ୍ତ ଓଡ଼ିଶା ପଦଯାତ୍ରା

ମା’ ଘର ଶାନ୍ତିସେନା ପକ୍ଷରୁ ନିଶାମୁକ୍ତ ଓଡ଼ିଶା ପଦଯାତ୍ରା

ମାଲକାନଗିର, ୨୫।୯ (ଡି.ଏନ୍‌.ଏ.): ମା’ ଘର ଶାନ୍ତି ସେନା ମାଲକାନଗିରି ଜିଲା ଶାଖା ପକ୍ଷରୁ ନିଶାମୁକ୍ତ ଓଡ଼ିଶା ପଦଯାତ୍ରା ସୋମବାର ଅନୁଷ୍ଠିତ ହୋଇଯାଇଛି । ସଭାନେତ୍ରୀ ପ୍ରଶାନ୍ତିଲତା ବିଷୋୟୀଙ୍କ ନେତୃତ୍ୱରେ ହୋଇଥିବା ଏହି ପଦଯାତ୍ରା ସ୍ଥାନୀୟ ମା’ ଘର କାର୍ଯ୍ୟାଳୟରୁ ବାହାରି ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚତ୍ଥିଲା । ବିଭିନ୍ନ ଯୋଜନା ସତ୍ୱେ ମହିଳା ଓ ଶିଶୁଙ୍କ ପ୍ରତି ବଢ଼ି ଚାଲିଥିବା ହିସାଂର ମୁଖ୍ୟ କାରଣ ନିଶାଦ୍ରବ୍ୟ ସେବନ । ଯାହା କି ରାଜ୍ୟରେ ବୃଦ୍ଧି ପାଇବାରେ ଲାଗିଛି।