ବ୍ରହ୍ମପୁର

ଗ୍ରାସୀମ ଇଣ୍ଡଷ୍ଟ୍ରିଜରେ ନିଯୁକ୍ତି ପ୍ରସଙ୍ଗ: ତ୍ରିପାକ୍ଷିକ ଆଲୋଚନା ବିଫଳ

ଗ୍ରାସୀମ ଇଣ୍ଡଷ୍ଟ୍ରିଜରେ ନିଯୁକ୍ତି ପ୍ରସଙ୍ଗ: ତ୍ରିପାକ୍ଷିକ ଆଲୋଚନା ବିଫଳ
ଗଞ୍ଜାମ,୧୮।୧୨(ଡି.ଏନ.ଏ.)-ଗଞ୍ଜାମ ସହର ଗ୍ରାସୀମ ଇଣ୍ଡଷ୍ଟ୍ରିଜରେ ସ୍ଥାନୀୟ ଶିକ୍ଷିତ ଯୁବକଙ୍କ ନିଯୁକ୍ତି ପ୍ରସଙ୍ଗକୁ ନେଇ କମ୍ପାନୀ କର୍ତ୍ତୃପକ୍ଷ ଓ ଗ୍ରାମବାସୀ ମଧ୍ୟରେ ଏବେବି ଛକାପଞ୍ଝା ଲାଗି ରହିଛି। ସୋମବାର କମ୍ପାନୀ ପ୍ରଶାସନିକ ଭବନରେ କଲ୍ୟାଣପୁର ଓ ଜରାପଦର ଗ୍ରାମବାସୀ ଏବଂ କମ୍ପାନୀ କର୍ତ୍ତୃପକ୍ଷଙ୍କ ମଧ୍ୟରେ ଆଲୋଚନା ହୋଇଥିଲା । ପ୍ରଥମେ ଦୁଇ ଗ୍ରାମବାସୀଙ୍କ ତରଫରୁ ବିଭିନ୍ନ ଦାବି ଯଥା ସ୍ଥାନୀୟ ଅଞ୍ଚଳର ଯୁବକଙ୍କୁ (୬୦ ପ୍ରତିଶତ) କମ୍ପାନୀରେ ନିଯୁକ୍ତି, କଲ୍ୟାଣପୁର ପ୍ରାଥମିକ ବିଦ୍ୟାଳୟରେ ୫ଜଣଙ୍କୁ ନିଯୁକ୍ତି ଦିଆଯିବା ସହ ସ୍କୁଲ ପାଚେରି ନିର୍ମାଣ, ଷ୍ଟାଣ୍ଡ ପାଣି ଟ୍ୟାପ୍‌, ଜରାପଦର ଗ୍ରାମରେ ସୋଲାର ଲାଇଟ, ବୃକ୍ଷରୋପଣ, ଗରିବ ଓ ଅସହାୟକଙ୍କ ଲାଗି ଚକ୍ଷୁ ଚିକିତ୍ସା ଶିବିର ଇତ୍ୟାଦି ବିଷୟରେ କମ୍ପାନୀ କର୍ତ୍ତୃପକ୍ଷଙ୍କୁ ଗ୍ରାମବାସୀ ଦାବିପତ୍ର ପ୍ରଦାନ କରିଥିଲେ। ଆଲୋଚନା ବୈଠକରେ ପ୍ରଶାସନ ପକ୍ଷରୁ ତହସିଲଦାର ଶକ୍ତିକାନ୍ତ ରାଏ, ଥାନାଧିକାରୀ ରମାକାନ୍ତ ମାହାଲିକ ଏବଂ କମ୍ପାନୀ ପକ୍ଷରୁ ଲୋକ ସମ୍ପର୍କ ଅଧିକାରୀ ପ୍ରମୋଦ କୁମାର ପଣ୍ଡା, ଡି.କେ. ରାଓ ଏବଂ ସିକ୍ୟୁରିଟି ମୁଖ୍ୟ ପି.କେ. ଦାସ ପ୍ରମୁଖ ଉପସ୍ଥିତ ଥିଲେ। ଗ୍ରାମବାସୀ ଦିନ ୧୧ଟାରୁ ଅପରାହ୍ନ ୩ଟା ପର୍ଯ୍ୟନ୍ତ ବସିଥିଲେ ମଧ୍ୟ କମ୍ପାନୀ ଓ ପ୍ରଶାସନ ପକ୍ଷରୁ ଅଣଦେଖା କରାଯାଇଥିବା ଗ୍ରାମବାସୀ ଅଭିଯୋଗ କରିଛନ୍ତି । କୌଣସି ସମାଧାନର ବାଟ ବାହାରି ପାରି ନ ଥିଲା । ଫଳରେ ଅସନ୍ତୋଷର ନିଆଁ କୁହୁଳୁଥିବା ଜଣାପଡ଼ିଛି । କମ୍ପାନୀ କଲ୍ୟାଣପୁରଠାରେ ଏକ ପାଣି ପମ୍ପ ହାଉସ ନିର୍ମାଣ କରି ବିପଦଜନକ ମେସିନ ଦ୍ୱାରା ପାଣି ନେଇ କମ୍ପାନୀ ତାର କ୍ଲୋରିନ ଗ୍ୟାସ, କଷ୍ଟିକ ସୋଡ଼ା ଉତ୍ପାଦନ କରି ବିଶେଷ ଲାଭବାନ ହେଉଥିବା ବେଳେ ଏହାଦ୍ୱାରା ସ୍ଥାନୀୟ ଅଞ୍ଚଳର ବିଭିନ୍ନ ଚାଷ କାର୍ଯ୍ୟରେ ବାଧା ଉପୁଜୁଥିବା ସହ ଜଳସ୍ତର ଦିନକୁ ଦିନ କମୁଥିବା ଗ୍ରାମବାସୀ ଅଭିଯୋଗ କରିଛନ୍ତି । ଏଥିସହିତ ଗ୍ରାମଗୁଡ଼ିକରେ ଥିବା ଷ୍ଟାଣ୍ଡପୋଷ୍ଟଗୁଡ଼ିକରୁ ଲୁଣଯୁକ୍ତ ପାଣି ବାହାରୁଛି । ଏହି ପାଣିକୁ ଗ୍ରାମବାସୀ ବ୍ୟବହାର କରି ବିଭିନ୍ନ ମାରାତ୍ମକ ରୋଗରେ ପଡ଼ି ଅକାଳରେ ମୃତ୍ୟୁବରଣ କରୁଛନ୍ତି। ଏଣୁ ସ୍ଥାନୀୟ ଅଞ୍ଚଳରେ ଏହାର ପ୍ରତିକାର ନିମନ୍ତେ ୱାଟର ରିଚାର୍ଜର ଆବଶ୍ୟକତା ରହିଛି ବୋଲି ଗ୍ରାମବାସୀ ସୂଚନା ଦେଇଛନ୍ତି । ଗ୍ରାମବାସୀ ଆହୁରି ଅଭିଯୋଗ କରିଛନ୍ତି ୧୯୯୦ବନ୍ୟା ସମୟରେ ସ୍ଥାନୀୟ ଅଞ୍ଚଳର ମୌଳିକ ସମସ୍ୟା ନିମନ୍ତେ ଗ୍ରାମବାସୀଙ୍କ ସହ ଚୁକ୍ତି ହୋଇଥିଲା । ଏଥିସହିତ ପୂର୍ବରୁ ଜୟଶ୍ରୀ କମ୍ପାନୀ କେତେକ ସରକାରୀ ଜାଗା ଓ ପଟ୍ଟା ଜାଗାରେ ଏହି ପମ୍ପ ହାଉସ ନିର୍ମାଣ କରିଥିଲା । ବିରଲା ଗ୍ରୁପସ ଗ୍ରାସୀମ ଇଣ୍ଡଷ୍ଟ୍ରିଜ ତାହା କିଣିବା ପରେ ପଟ୍ଟା ଜାଗା ଦେଇଥିବା ଲୋକଙ୍କ ସହ କମ୍ପାନୀ କର୍ତ୍ତୃପକ୍ଷ ଆଲୋଚନା କରିନଥିବା ଅଭିଯୋଗ ହୋଇଛି । ୬୦ପ୍ରତିଶତ ଶିକ୍ଷିତ ଯୁବକଙ୍କୁ ନିଯୁକ୍ତି ଏବଂ ଅନ୍ୟାନ୍ୟ ମୌଳିକ ସମସ୍ୟା କମ୍ପାନୀ କର୍ତ୍ତୃପକ୍ଷ ପୂରଣ ନ କରିବା ଯାଏ ଆନ୍ଦୋଳନ ଜାରି ରହିବ ବୋଲି ଦୁଇ ଗ୍ରାମବାସୀ ଗଣମାଧ୍ୟମକୁ ସୂଚନା ଦେଇଛନ୍ତି ।
All Right Reserved By

ବ୍ରହ୍ମପୁର

ବିଦ୍ୟୁତ ସଂସ୍ପର୍ଶରେ ଆସି କଲେଜ ଛାତ୍ର ମୃତ

ବିଦ୍ୟୁତ ସଂସ୍ପର୍ଶରେ ଆସି କଲେଜ ଛାତ୍ର ମୃତ

କବିସୂର୍ଯ୍ୟନଗର,୧୫ା୧୦-କବିସୂର୍ଯ୍ୟନଗର ଥାନା ବୋଲସର ଗ୍ରାମର ଜଣେ ଛାତ୍ରଙ୍କ ଅସାବଧାନତାରୁ ବିଦ୍ୟୁତ ସଂସ୍ପର୍ଶରେ ଆସି ମୃତ୍ୟୁ ଘଟିଛି। ସେ ହେଲେ ସଦାଶିବ ସେଠୀ (୧୮)।

ଧୋଇଗଲା ପୋଲ, ୧୫ ଗ୍ରାମବାସୀ ହଇରାଣ

ଧୋଇଗଲା ପୋଲ, ୧୫ ଗ୍ରାମବାସୀ ହଇରାଣ

ଖଜୁରିପଡ଼ା,୧୫।୧୦(ଡି.ଏନ୍‌.ଏ): ଖଜୁରିପଡ଼ା ବ୍ଲକ ବଲସକୁମ୍ପା ପଞ୍ଚାୟତର ବଲସକୁମ୍ପାଠାରୁ ଆର୍‌ ନୂଆଗାଁ ପଞ୍ଚାୟତକୁ ସଂଯୋଗ ହୋଇଥିବା ପ୍ରଧାନମନ୍ତ୍ରୀ ସଡ଼କର ଗାରଡ଼ାପାଜୁ ଓ ଛନ୍ଦୁପଦର ମଝିରେ ଥିବା ପିଲାସାଲୁଙ୍କି ଡ୍ୟାମ ନାଳର ପୋଲ ତିତଲି ପ୍ରଭାବ ହୋଇଥିବା ବର୍ଷାରେ ଧୋଇଯାଇଛି।

୨ ବାଇକରେ ଗୋଟିଏ ନମ୍ବର: ଥାନାରେ ମାମଲା

୨ ବାଇକରେ ଗୋଟିଏ ନମ୍ବର: ଥାନାରେ ମାମଲା

ବେଗୁନିଆପଡ଼ା,୧୫ା୧୦(ଡି.ଏନ.ଏ.)-ବେଗୁନିଆପଡ଼ା ଫାଣ୍ଡି ଅନ୍ତର୍ଗତ ଖଣ୍ଡିଆନଈ ପଞ୍ଚାୟତ ତିରିଡ଼ା ଗ୍ରାମରେ ପୋଲିସ ଚଢ଼ାଉ କରି ସମାନ ନମ୍ବର ଥିବା ୨ଟି ବାଇକକୁ ଜବତ କରିଛି । 

ବସ୍ତି ଉଚ୍ଛେଦ ନ କରିବାକୁ ସ୍ମାରକପତ୍ର

ବସ୍ତି ଉଚ୍ଛେଦ ନ କରିବାକୁ ସ୍ମାରକପତ୍ର

ଗଞ୍ଜାମ,୧୫।୧୦(ଡି.ଏନ.ଏ.)-ଗଞ୍ଜାମ ଏନଏସି ବଡ଼ବଜାର ଦଳିତ ସାହି ବସ୍ତି ଉଚ୍ଛେଦ ନ କରିବା ପାଇଁ ବସ୍ତି ବାସିନ୍ଧା ସୋମବାର ତହସିଲଦାର ଅବନି କୁମାର ସାହୁ ଓ ଏନଏସି କାର୍ଯ୍ୟନିର୍ବାହୀ ଅଧିକାରୀ ଏମ. ନୀଳକଣ୍ଠ ନାଇଡ଼ୁଙ୍କୁ ପୃଥକ ଭାବେ ଭେଟି ସ୍ମାରକପତ୍ର ପ୍ରଦାନ କରିଛନ୍ତି।

ମହିଳାଙ୍କୁ ଅସଦାଚରଣ ଅଭିଯୋଗ ଅଭିଯୁକ୍ତ ୨ ଭାଇ ଫେରାର


ଦିଗପହଣ୍ଡି,୧୫।୧୦(ଡି.ଏନ.ଏ.)-ଦିଗପହଣ୍ଡି ବ୍ଲକ ଅଞ୍ଚଳର ଜଣେ ମହିଳାଙ୍କୁ ଅସଦାଚରଣ କରାଯାଇଥିବା ଅଭିଯୋଗ ହୋଇଛି । ମହିଳାଙ୍କ ଏତଲାକୁ ଭିତ୍ତିକରି କେ.ନୂଆଗାଁ ଥାନା ପୋଲିସ ଅଭିଯୁକ୍ତ ୨ ଭାଇଙ୍କ ନାଁରେ ନଂ. ୧୨୭/୧୮ ରେ ମାମଲା ରୁଜୁ କରିଛି ।

ଲୁଟ୍‌ ମାମଲା , ବାପା ଗିରଫ, ପୁଅଙ୍କୁ ଖୋଜୁଛି ପୋଲିସ

ଛତ୍ରପୁର,୧୫।୧୦(ଡି.ଏନ.ଏ)- ଛତ୍ରପୁର ସହରରେ ବାରମ୍ବାର ବ୍ୟାଙ୍କ ନିକଟରୁ ଲୋକଙ୍କଠାରୁ ଟଙ୍କା ଲୁଟ୍‌ ହୋଇ ଆସୁଥିଲା । ଏହି ଘଟଣାରେ ଜଣଙ୍କୁ ପୋଲିସ ରବିବାର ଗିରଫ କରିଛି। ସେ ହେଲେ ଆସିକା ଥାନା କାଳଷଣ୍ଢପୁର ଗାଁର ଏ. ଗୋପୀ (୫୫)। ଅନ୍ୟପକ୍ଷରେ ଲୁଟ୍‌ ଘଟଣାରେ ସମ୍ପୃକ୍ତ ଥାଇ ଫେରାର୍‌ ଥିବା ଗୋପୀଙ୍କ ବଡ଼ ପୁଅଙ୍କୁ ଧରିବା ଉଦ୍ୟମ ଚାଲିଛି। ଏମାନଙ୍କର ୫ ଜଣିଆ ଗ୍ୟାଙ୍ଗ ରହିଥିବା ଛତ୍ରପୁର ଥାନା ଆଇଆଇସି ପ୍ରିୟଶ ରଞ୍ଜନ ଛୋଟରାୟ ସୂଚନା ଦେଇଛନ୍ତି। ଗୋପୀଙ୍କୁ ସୋମବାର କୋର୍ଟ ଚାଲାଣ କରାଯାଇଛି। ତାଙ୍କଠାରୁ ୨୩ ହଜାର ଟଙ୍କା, ଗାଡ଼ି ଡିକି ଭାଙ୍ଗିବା ପାଇଁ ବିଭିନ୍ନ ସରଞ୍ଜାମ ଜବତ ହୋଇଛି।  

 ଫେସ୍‌ବୁକ୍‌ରେ ଅଶ୍ଲୀଳ ଫଟୋ, ଭିଡିଓ ଭାଇରାଲ ଘଟଣା, ଅଭିଯୁକ୍ତ ଗିରଫ ପରେ କୋର୍ଟ ଚାଲାଣ

ଫେସ୍‌ବୁକ୍‌ରେ ଅଶ୍ଲୀଳ ଫଟୋ, ଭିଡିଓ ଭାଇରାଲ ଘଟଣା, ଅଭିଯୁକ୍ତ ଗିରଫ ପରେ କୋର୍ଟ ଚାଲାଣ

ବ୍ରହ୍ମପୁର ଅଫିସ,୧୫।୧୦: ମହିଳାଙ୍କ ନାମରେ ଫେସ୍‌ବୁକ୍‌ ଆକାଉଣ୍ଟ ଖୋଲି ଅଶ୍ଲୀଳ ଫଟୋ, ଭିଡିିଓ ଏବଂ ମନ୍ତବ୍ୟ ପୋଷ୍ଟ କରିବା ଅଭିଯୋଗରେ ବ୍ରହ୍ମପୁର ସାଇବର ଥାନା ପୋଲିସ ଜଣଙ୍କୁ ଗିରଫକରି ସୋମବାର କୋର୍ଟ ଚାଲାଣ କରିଛି ।

ତିତ୍‌ଲିର ପ୍ରଭାବରେ କ୍ଷୟକ୍ଷତିକୁ ନେଇ ଜରୁରୀ ବୈଠକ

ଶେରଗଡ଼,୧୫।୧୦(ଡି.ଏନ୍‌.ଏ.): ତିତ୍‌ଲିର ପ୍ରଭାବରେ ଗଞ୍ଜାମ ଜିଲା ଶେରଗଡ଼ ବ୍ଲକର ୨୨ଟି ପଞ୍ଚାୟତର ୯୫ ଗ୍ରାମରେ ବ୍ୟାପକ କ୍ଷୟକ୍ଷତି ହୋଇଛି । 

ବନ୍ୟା ପରେ ପ୍ରଶାସନକୁ ଘାରିଲା ରିଲିଫ୍‌ ଚିନ୍ତା: ତିନିଦିନ ମଧ୍ୟରେ କ୍ଷୟକ୍ଷତି ଆକଳନ ପାଇଁ ଜିଲାପାଳଙ୍କ ନିର୍ଦ୍ଦେଶ

ବନ୍ୟା ପରେ ପ୍ରଶାସନକୁ ଘାରିଲା ରିଲିଫ୍‌ ଚିନ୍ତା: ତିନିଦିନ ମଧ୍ୟରେ କ୍ଷୟକ୍ଷତି ଆକଳନ ପାଇଁ ଜିଲାପାଳଙ୍କ ନିର୍ଦ୍ଦେଶ

ଗଞ୍ଜାମ, ୧୫।୧୦(ଡି.ଏନ.ଏ.): ଥମିଲା ବନ୍ୟା ଓ ବାତ୍ୟା। କିନ୍ତୁ ଏହାର ପରବର୍ତ୍ତୀ ସମୟରେ ଲୋକଙ୍କ କ୍ଷୟକ୍ଷତି ଆକଳନ କରିବା ପ୍ରଶାସନକୁ ଚିନ୍ତା ଘାରିଛି। 

ହତ୍ୟା ଉଦ୍ୟମ ମାମଲା, ଫେରାର ଅଭିଯୁକ୍ତ ଗିରଫ

ହତ୍ୟା ଉଦ୍ୟମ ମାମଲା, ଫେରାର ଅଭିଯୁକ୍ତ ଗିରଫ

ଦିଗପହଣ୍ଡି/ପାଟପୁର,୧୫।୧୦(ଡି.ଏନ୍‌.ଏ.): ହତ୍ୟା ଉଦ୍ୟମ ମାମଲାରେ ପାଟପୁର ପୋଲିସ ଜଣେ ଅଭିଯୁକ୍ତଙ୍କୁ ଗିରଫକରି ସୋମବାର କୋର୍ଟ ଚାଲାଣ କରିଛି । ସେ ହେଲେ ପୋଡ଼ାମାରି ଗ୍ରାମର ରାମକୃଷ୍ଣ ପ୍ରଧାନ ଓରଫ ଜିତୁ ।

ରାଜସ୍ବ କୃଷି ଉଦ୍ୟାନ, କୃଷି ବିଭାଗର ମିଳିତ ବୈଠକ: କ୍ଷୟକ୍ଷତି ଆକଳନ ଟିମ ଗଠନ

ରାଜସ୍ବ କୃଷି ଉଦ୍ୟାନ, କୃଷି ବିଭାଗର ମିଳିତ ବୈଠକ: କ୍ଷୟକ୍ଷତି ଆକଳନ ଟିମ ଗଠନ

ଶେରଗଡ଼,୧୫।୧୦(ଡି.ଏନ୍‌.ଏ.): ଗଞ୍ଜାମ ଜିଲା ଶେରଗଡ଼ ବ୍ଲକରେ  ତିତ୍‌ଲିର ତାଣ୍ଡବରେ ବ୍ୟାପକ କ୍ଷୟକ୍ଷତି  ଘଟି ଫସଲ ନଷ୍ଟ ହୋଇଯାଇଛି।  ଏ ନେଇ ରାଜସ୍ବ କୃଷି ଉଦ୍ୟାନ ଓ କୃଷିବିଭାଗର ମିଳିତ ବୈଠକ ଶେରଗଡ଼ ତହସିଲ କାର୍ଯ୍ୟାଳୟରେ ରବିବାର ଅନୁଷ୍ଠିତ ହୋଇଯାଇଛି। 

ନିମ୍ନମାନର ପଲିଥିନ ଯୋଗାଣକୁ ନେଇ ଉତ୍ତେଜନା

ଦାରିଙ୍ଗବାଡ଼ି,୧୫।୧୦(ଡି.ଏନ.ଏ)-ତିତ୍‌ଲ ବାତ୍ୟାରେ ଦାରିଙ୍ଗବାଡ଼ି ବ୍ଲକ ଅଞ୍ଚଳର ୨୫ ପଞ୍ଚାୟତ କ୍ଷତିଗ୍ରସ୍ତ ହୋଇଛି। ଦାରିଙ୍ଗବାଡ଼ି ସମେତ ବ୍ରାହ୍ମଣୀଗାଁ, ତାଜୁଙ୍ଗିଆ, ହାତିମୁଣ୍ଡା, କାଟିଙ୍ଗିଆ, ଦାରିଙ୍ଗବାଡ଼ି, ବାଡାବାଙ୍ଗା, ସିଆଙ୍ଗବାଲି, ଗ୍ରିନବାଡ଼ି, ଦାସିଂବାଡ଼ି, ସୋନପୁର, ସିର୍କାବର୍ଗ, ଦନେକବାଡ଼ି, କିରିକୁଟି, ବୁଡାଗୁଡ଼ା, ତିଲୋରୀ ଆଦି ପଞ୍ଚାୟତରେ ବହୁ ଘର କ୍ଷତିଗ୍ରସ୍ତ ହୋଇଛି।