ବ୍ରହ୍ମପୁର

ତେଜିଲେ ମଦବିରୋଧୀ ନାରୀ ମହାସଂଘ, ଲୋକ ପ୍ରତିନିଧି

ତେଜିଲେ ମଦବିରୋଧୀ ନାରୀ ମହାସଂଘ, ଲୋକ ପ୍ରତିନିଧି
ଦାରିଙ୍ଗବାଡ଼ି,୧୮।୧୨(ଡି.ଏନ.ଏ.)-କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ବାଲିଗୁଡ଼ା ଥାନା ତିଲୋରୀ ପଞ୍ଚାୟତ କାର୍ଯ୍ୟାଳୟରେ ସୋମବାର ପଞ୍ଚାୟତବାସୀ ଏକତ୍ରିତ ହୋଇ ମଦ ବିରୋଧୀ ଅଭିଯାନ ଆରମ୍ଭ କରିଛନ୍ତି । ସରପଞ୍ଚ ବିଷ୍ଣୁ ଚରଣ ପ୍ରଧାନଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଥିଲା। ଅଞ୍ଚଳକୁ ନିଶାମୁକ୍ତ କରାଯିବା ସହ ଶିକ୍ଷା ଓ ସ୍ବାସ୍ଥ୍ୟର ବିକାଶ ସମେତ ବାଲ୍ୟ ବିବାହ ରୋକିବା ଦିଗରେ ପଦକ୍ଷେପ ସମ୍ପର୍କରେ ବିସ୍ତୃତ ଆଲୋଚନା ହୋଇଥିଲା। ଏଥିରେ ଯୋଗଦେଇଥିବା ଅନ୍ତରଙ୍ଗ ଯୁବ ମହାସଂଘ ଓ ନାରୀ ମହାସଂଘ ପକ୍ଷରୁ କୁହାଯାଇଥିଲା ଯେ, ଯେଉଁ ପରିବାର ଚୋରା ମଦ କାରବାର କରିବ ଓ ମଦ ପିଇବ ସେମାନଙ୍କୁ ସରକାରଙ୍କ ବିଭିନ୍ନ ଯୋଜନାରୁ ବାଦ୍‌ ଦିଆଯିବ । ରାଶନକାର୍ଡ଼ ତାଲିକାରୁ ନାମ ବାଦ ଦିଆଯିବା ସହ ପ୍ରଧାନମନ୍ତ୍ରୀ ଆବାସ ଯୋଜନାରେ ଗୃହ ଯୋଗାଇବା ବନ୍ଦକରି ଦିଆଯିବା ନିଷ୍ପତ୍ତି ହୋଇଥିଲା । ସେହିପରି ଲୋକଙ୍କ ଦାବିକୁ ଯେଉଁମାନେ ପାଳନ କରୁନାହାନ୍ତି ଆବଶ୍ୟକ ପଡ଼ିଲେ ଚୋରାମଦ କାରବାର କରୁଥବା ଲୋକଙ୍କୁ ଏହି ପଞ୍ଚାୟତ ଅଞ୍ଚଳରୁ ବିତାଡ଼ିତ କରାଯିବ ବୋଲି ଆଲୋଚନା ହୋଇଛି । ଏହି ବୈଠକ ପଞ୍ଚାୟତ କାର୍ଯ୍ୟାଳୟରେ କରିବା ପରେ ସେଠାରୁ ଶତାଧିକ ମହିଳା ପୁରୁଷ, ଅନ୍ତରଙ୍ଗ ଯୁବ ମହାସଂଘ, ଲୋକ ପ୍ରତିନିଧିମାନେ ଶୋଭାଯାତ୍ରାରେ ତିଲୋରୀ ଗ୍ରାମ ପରିକ୍ରମା କରିଥିଲେ । ମଦ ବିରୋଧୀ ସ୍ଲୋଗାନ ଲେଖାଥିବା ପ୍ଲାକାର୍ଡ଼ ଧରିଥିଲେ । ସେମାନେ ବିକ୍ଷୋଭ କରିବା ସହ ଚୋରାମଦ କାରବାର ବନ୍ଦ କରିବା ସହ ଆମଙ୍କୁ ମଦ ନୁହଁ ଶାନ୍ତି ଦିଅ, ପାଣିଦିଅ ଓ ଶିକ୍ଷା ଦିଅ ବୋଲି ଦାବି କରିଥିଲେ ା ଶୀଘ୍ର ତାଙ୍କ ଦାବି ସରକାର ମାନିନେବା ସହ ଏହି ଅଞ୍ଚଳରେ ଚାଲିଥିବା ଚୋରା ଦେଶୀ ଓ ବିଦେଶୀ ମଦ ପ୍ରଚଳନ ବନ୍ଦ କରିବାକୁ ନାରୀନେତ୍ରୀମାନେ କହିଥିଲେ । କାର୍ଯ୍ୟକ୍ରମରେ ସରପଞ୍ଚ ପ୍ରଧାନଙ୍କ ସମେତ ସମିତିସଭ୍ୟ ଇନ୍ଦ୍ରଜିତ ପ୍ରଧାନ, ଜାଗୃତି ସମ୍ପାଦକ କୈଳାସ ଚନ୍ଦ୍ର ଦଣ୍ଡପାଟ, ଅନ୍ତରଙ୍ଗ ଯୁବ ମହାସଂଘ ସଭାପତି ରମାକାନ୍ତ ପ୍ରଧାନ, ପ୍ରଫୁଲ୍ଲ ନାୟକ, ନାରୀ ମହାସଂଘ ସଭାନେତ୍ରୀ ଜୀବାନୀ ନାୟକ, ଓ୍ବାର୍ଡ ସଭ୍ୟା ସୁଚିତ୍ରା ଦିଗାଳ, ସୁବନ୍ତୀ ଦିଗାଳ, ରୁତୁଲି ଦିଗା, ଆରତୀ ଦିଗାଳ ଓ ଜେମନ୍ତୀ ଦିଗାଳ କମଳିନୀ ପ୍ରଧାନ ପ୍ରମୁଖ ଯୋଗଦେଇଥିଲେ । ସେହିପରି ଅଞ୍ଚଳର ମୁଗୁପାଙ୍ଗା ଗ୍ରାମ ସମେତ ଗ୍ଳୁଡା, ଡେମିଙ୍ଗିଆ, ଗଣ୍ଡିଗୁଡ଼ା, ମାଦିମାହା, ପାଙ୍ଗାଲି, ବଡହକିଆ, ଟକିମାହା, ସାମନବାଡ଼ି, ଜଗେରମାହା, ବଡ଼ପାଦେରୀ ଓ ସିରାମପଦା ଆଦି ଗ୍ରାମର ପ୍ରାୟ ୫୦ମହିଳା ସ୍ବୟଂ ସହାୟକ ଗୋଷ୍ଠୀର ସଦସ୍ୟ ବିକ୍ଷୋଭରେ ଯୋଗ ଦେଇଥିଲେ ା
All Right Reserved By

ବ୍ରହ୍ମପୁର

ଗୁଞ୍ଜିବାଡ଼ିରେ ମାଓବାଦୀ ପୋଷ୍ଟର, ବ୍ୟାନର

ଗୁଞ୍ଜିବାଡ଼ିରେ ମାଓବାଦୀ ପୋଷ୍ଟର, ବ୍ୟାନର

ରାଇକିଆ,୧୦।  ୧୨(ଡ଼ି.ଏନ.ଏ)-କନ୍ଧମାଳ ଜିଲାର ବିଭିନ୍ନ ଅଞ୍ଚଳରେ ଗତ କିଛିଦିନ ହେଲା ଲଗାତର ଭାବେ ମାଓବାଦୀ ପୋଷ୍ଟର ବ୍ୟାନର ଲଗାଯାଉଥିବା ଦେଖିବାକୁ ମିଳୁଛି। ରବିବାର ସିମନବାଡ଼ି ଅଞ୍ଚଳରେ ମାଓବାଦୀ ପୋଷ୍ଟର ମରାଯାଇଥିବା ବେଳେ ସୋମବାର କ. ନୂଆଗାଁ ବ୍ଲକର ଗୁଞ୍ଜିବାଡ଼ି ଅଞ୍ଚଳରେ ପୋଷ୍ଟର ଓ କଳା ରଙ୍ଗର ବ୍ୟାନର ଲାଗିଥିବା ଦେଖିବାକୁ ମିଳିଛି।

ନବ ନିର୍ମାଣ କୃଷକ ସଂଗଠନର ଅନଶନ

ନବ ନିର୍ମାଣ କୃଷକ ସଂଗଠନର ଅନଶନ

ଛତ୍ରପୁର,୧୦। ୧୨(ଡି.ଏନ.ଏ.)-ଚାଷୀଙ୍କୁ ପେନସନ ପ୍ରଦାନ ଦାବି ନେଇ ନବ ନିର୍ମାଣ କୃଷକ ସଂଗଠନର ରାଷ୍ଟ୍ରୀୟ ସଂଯୋଜକ ଅକ୍ଷୟ କୁମାର ଅନଶନ ଚଳାଇଛନ୍ତି। ଏହାକୁ ସମର୍ଥନ ଜଣାଇ ଛତ୍ରପୁରସ୍ଥିତ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ନବ ନିର୍ମାଣ କୃଷକ ସଙ୍ଗଠନର ଗଞ୍ଜାମ ଜିଲା ଶାଖା ପକ୍ଷରୁ ଗଣ ଉପବାସ କରାଯିବା ସହ ଧାରଣା ଦିଆଯାଇଛି।

ପୋଖରୀରେ ବୁଡ଼ି ଯୁବକଙ୍କ ମୃତ୍ୟୁ


ହିଞ୍ଜିଳିକାଟୁ, ୧୦।୧୨(ଡି.ଏନ୍‌.ଏ.):  ହିଞ୍ଜିଳି ଥାନା ଦୟାପଲ୍ଲୀ ଗ୍ରାମରେ ସୋମବାର ପୋଖରୀରେ ଗାଧୋଉଥିବା ବେଳେ  ବୁଡ଼ିଯାଇ ଜଣେ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ ଉକ୍ତ ଗ୍ରାମର ଏନ. ଚକ୍ରପାଣି (୩୦) ।

କେନାଲ ହୁଡ଼ାରେ ପଡ଼ି ଜଣଙ୍କ ମୃତ୍ୟୁ

ବ୍ରହ୍ମପୁର ଅଫିସ୍‌,୧୦।୧୨- କେନାଲକୁ ଗାଧୋଇ ଯିବା ବେଳେ ହୁଡ଼ାରେ ପଡ଼ିଯାଇ ସଜ୍ଞାହୀନ ହୋଇଯାଇଥିବା ଜଣେ ବ୍ୟକ୍ତିଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ସେ ହେଲେ ଦିଗପହଣ୍ଡି ଥାନା ଚଷା ନିମଖଣ୍ଡିପେଣ୍ଠ ଗ୍ରାମର ଗୋବିନ୍ଦ ନାୟକ (୬୦) ।

ନିମ୍ବ ଗଛରୁ ଝୁଲନ୍ତା ମୃତଦେହ ଉଦ୍ଧାର

ଆସିକା,୧୦।୧୨(ଡି.ଏନ୍‌.ଏମ.)- ଆସିକା ବ୍ରହ୍ମପୁର ୫୯ ନଂ. ଜାତୀୟ ରାଜପଥର କର୍ଣ୍ଣୋଳି ଛକରୁ କିଛି ଦୂରରେ ଏକ ନିମ୍ବ ଗଛରୁ ଝୁଲନ୍ତା ମୃତଦେହ ପୋଲିସ ସୋମବାର ସକାଳ ଉଦ୍ଧାର କରିଛି।

ପୁଇଁତୋଳା ଛକରୁ ଦୋକାନ ହଟିବା ଘଟଣା: ଉଠା ଦୋକାନୀ ମାଲିକ ସଂଘ ପକ୍ଷରୁ ତହସିଲ ଅଫିସ ଘେରାଉ

ପୁଇଁତୋଳା ଛକରୁ ଦୋକାନ ହଟିବା ଘଟଣା: ଉଠା ଦୋକାନୀ ମାଲିକ ସଂଘ ପକ୍ଷରୁ ତହସିଲ ଅଫିସ ଘେରାଉ

ଗଞ୍ଜାମ,୧୦।୧୨(ଡି.ଏନ୍‌.ଏ.): ଗଞ୍ଜାମ ଜିଲା ପୁଇଁତୋଳା ଛକ  ୧୬ ନଂ. ଜାତୀୟ ରାଜପଥ ପାର୍ଶ୍ୱରେ ଥିବା ବେଆଇନ ଦୋକାନଗୁଡିକୁ ଉଠାଇବା ପାଇଁ ଡିସେମ୍ବର ୫ରେ ଜିଲା ପ୍ରଶାସନର ନିର୍ଦ୍ଦେଶ କ୍ରମେ ତହସିଲ କାର୍ଯ୍ୟାଳୟ ପକ୍ଷରୁ  ନୋଟିସ ଜାରି ହୋଇଥିଲା। ଟ୍ରାଫିସ ସମସ୍ୟା ଓ ସଡ଼କ ନିରାପତ୍ତାର  ଆଳ ଦେଖାଇ ଏହି ନୋଟିସ  ଜାରି ହୋଇଥିଲା। 

ଜୈବିକ ପଦ୍ଧତିରେ କରାଯାଉଥିବା କ୍ଷୁଦ୍ରଦାନା ଶସ୍ୟର ପୁନରୁଦ୍ଧାର ଉଦ୍ୟମ

ଜୈବିକ ପଦ୍ଧତିରେ କରାଯାଉଥିବା କ୍ଷୁଦ୍ରଦାନା ଶସ୍ୟର ପୁନରୁଦ୍ଧାର ଉଦ୍ୟମ

ଦାରିଙ୍ଗବାଡ଼ିତ,୧୦।୧୨(ଡି.ଏନ.ଏ)- ବିଷାକ୍ତ ଖାଦ୍ୟଠାରୁ ଦୂରେଇ ରହିବା ସହ ହଜିଯାଉଥିବା ମୂଳଖାଦ୍ୟ ଏବଂ କ୍ଷୁଦ୍ରଦାନା ଶସ୍ୟକୁ ପୁନରୁଦ୍ଧାର କରିବା ଏବଂ ଏଥିପାଇଁ ଲୋକଙ୍କ ମଧ୍ୟରେ ସଚେତନ କରିବାକୁ ପ୍ରୟାସ କରାଯାଇଛିା 

ଧାନ ଗଦାରେ  ନିଆଁ: ୨୦ ଭରଣ ଧାନ ନଷ୍ଟ

ଧାନ ଗଦାରେ ନିଆଁ: ୨୦ ଭରଣ ଧାନ ନଷ୍ଟ

ଛତ୍ରପୁର, ୧୦।୧୨(ଡି.ଏନ.ଏ.): ଛତ୍ରପୁର ବ୍ଲକ ଚି଼କଲଖଣ୍ଡି ମୋଜ଼ା ବୀରେଶ୍ବର ମନ୍ଦିର ନିକଟ ବିଲରେ ଥିବା ୪ଟି ଧାନ ଗଦାରେ ରବିବାର ବିଳମ୍ବିତ ରାତିରେ କେହି ଦୁର୍ବୁତ୍ତ ନିଆଁ ଲଗାଇବା ଫଳରେ  ୨୦ ଭରଣ ଧାନ ନଷ୍ଟ ହୋଇଯାଇଛି।

ଦୁଇ ପରିବାର ମଧ୍ୟରେ ସଂଘର୍ଷ: ସମସ୍ତ ଅଭିଯୁକ୍ତ ଫେରାର

ଦିଗପହଣ୍ଡି,୧୦।୧୨(ଡି.ଏନ୍‌.ଏ.): ଗଞ୍ଜାମ ଜିଲା ଦିଗପହଣ୍ଡି ଥାନା କୁଶପଡ଼ା ଗ୍ରାମରେ ପାରିବାରିକ ଶତ୍ରୁତାକୁ କେନ୍ଦ୍ରକରି ଦୁୁଇ ପରିବାର ମଧ୍ୟରେ ସଂଘର୍ଷ ହୋଇଥିଲା। ଏନେଇ ସୋମବାର ଉଭୟ ପରିବରାରଙ୍କ ଏତଲା କ୍ରମେ ପୋଲିସ  କେସ୍‌ ନଂ.୨୧୮/୧୮ ଓ ୨୧୯/୧୮  ଘଟଣାର ତଦନ୍ତ ଆରମ୍ଭ କରିଛି ।

ସ୍ବାମୀଙ୍କ ଟାଙ୍ଗିଆ ଚୋଟରେ ସ୍ତ୍ରୀଙ୍କ ମୃତ୍ୟୁ

ସ୍ବାମୀଙ୍କ ଟାଙ୍ଗିଆ ଚୋଟରେ ସ୍ତ୍ରୀଙ୍କ ମୃତ୍ୟୁ

ଚନ୍ଦ୍ରଗିରି,୧୦।୧୨(ଡି.ଏନ୍‌.ଏ.): ଗଜପତି ଜିଲା ମୋହନା ଥାନା କିଡ଼ାସିଂ  ଗ୍ରାମରେ  ସୋମବାର ସକାଳେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି।

କବିତା ପାଠୋତ୍ସବ, ସାଂସ୍କୃତିକ କାର୍ଯ୍ୟକ୍ରମ ମନ ମୋହିଲା

କବିତା ପାଠୋତ୍ସବ, ସାଂସ୍କୃତିକ କାର୍ଯ୍ୟକ୍ରମ ମନ ମୋହିଲା

ଦାରିଙ୍ଗବାଡ଼ି,୧୦।୧୨(ଡି.ଏନ.ଏ)-ଦାରିଙ୍ଗବାଡ଼ି  ବ୍ଲକ ଅଫିସ ନିକଟ ପଡ଼ିଆରେ ରବିବାରଠାରୁ ଶୀତ ଉତ୍ସବ ଓ ପୁସ୍ତକ ମେଳା ଆରମ୍ଭ ହୋଇଛି। ଏହି ଅବସରରେ ପ୍ରଥମ ପର୍ଯ୍ୟାୟରେ ଅପରାହ୍ନ ୩ଟାରେ ଆରମ୍ଭ ହୋଇଥିଲା କବିତା ପାଠୋତ୍ସବ। 

ଜି.ଉଦୟଗିରିରେ ପ୍ରବଳ ଶୀତ, ଘନ କୁହୁଡ଼ି

ଜି.ଉଦୟଗିରିରେ ପ୍ରବଳ ଶୀତ, ଘନ କୁହୁଡ଼ି

ଜି.ଉଦୟଗିରି,୧୦ା୧୨(ଡି.ଏନ.ଏ.)-ଜି.ଉଦୟଗିରି ସହରରେ ଶନିବାର ରାତିରୁ ପ୍ରବଳ ଶୀତ ଅନୁଭୂତ ହେଉଛି। ରବିବାର ସର୍ବନିମ୍ନ ତାପମାତ୍ରା ୭.୭ ଡିଗ୍ରୀ ସେଲସିୟସ ଥିବା ବେଳେ ସକାଳୁ ଘନ କୁହୁଡ଼ି ଆଚ୍ଛାଦିତ ହୋଇ ରହିଥିଲା।