ବାଲେଶ୍ୱର

ଦିବ୍ୟ ହେଲେ ଅକ୍ଷୟ ଆଇଡଲ୍‌

ଦିବ୍ୟ ହେଲେ ଅକ୍ଷୟ ଆଇଡଲ୍‌
ବାଲେଶ୍ୱର ଅଫିସ,୧୮।୧୨-‘ସ୍ମୃତିରେ ଆମ ଅକ୍ଷୟ’ର ୧୬ଶ ଅକ୍ଷୟୋତ୍ସବ ଗାନ୍ଧୀ ସ୍ମୃତି ଭବନର ମୁକ୍ତ ପରିବେଶରେ ଗତ ରବିବାର ଅନୁଷ୍ଠିତ ହୋଇଯାଇଛି। ଉତ୍ତରଓଡ଼ିଶା ଅକ୍ଷୟ ଆଇଡଲ ପ୍ରତିଯୋଗିତାକୁ ହେମନ୍ତ ସାହୁ ଓ ଘନଶ୍ୟାମ ବିଶ୍ୱାଳ ଅତିଥି ଭାବେ ଯୋଗଦେଇ ଉଦ୍‌ଘାଟନ କରିଥିଲେ। ଅନ୍ୟତମ ଅତିଥି ଭାବେ ସଙ୍ଗୀତ ନିର୍ଦ୍ଦେଶକ ବିକାଶ ଦାସ, କଣ୍ଠଶିଳ୍ପୀ ଚିତ୍ରଭାନୁ ମହାନ୍ତି ଓ ଜେନାମଣି ସଞ୍ଜୀବ କୁମାର ଯୋଗଦେଇ ବକ୍ତବ୍ୟ ଦେଇଥିଲେ। ଉପଦେଷ୍ଟା ପ୍ରଶାନ୍ତ ଦାସ ପରିଚାଳନା କରିଥିବା ବେଳେ ସଭାପତି ଶାନ୍ତନୁ ଦାସ, ଉପଦେଷ୍ଟା ସତ୍ୟଶିବ ଦାସ ଓ ଶଶୀ ରଞ୍ଜନ ମଲ୍ଲିକ ବକ୍ତବ୍ୟ ରଖିଥିଲେ। ୧୬ଶ ଅକ୍ଷୟୋତ୍ସବ ସନ୍ଧ୍ୟାରେ ଅନୁଷ୍ଠିତ ହୋଇଥିଲା। ଉତ୍ସବରେ ଅତିଥି ଭାବେ ଅତିରିକ୍ତ ଜିଲାପାଳ ମନ୍ମଥ ପାଣି ଯୋଗଦେଇ ଅକ୍ଷୟ ସଂଗୀତ ଚିରକାଳ ଫୁଲର ମହକ ଭଳି ସୁବାସ ବୁଣିବ ଓ ତାର ମହକରେ ମହକିତ ହେବେ ଅଗଣିତ ଅକ୍ଷୟପ୍ରେମୀ, ଶ୍ରୋତା ଓ ଦର୍ଶକ। ଅକ୍ଷୟଙ୍କ ଧର୍ମପନତ୍ୀ ପ୍ରମିଳା ମହାନ୍ତି ମଞ୍ଚାସୀନ ହୋଇ ଅନୁଭବ କଥା ରଖିଥିଲେ। ସଙ୍ଗୀତ ନିର୍ଦ୍ଦେଶକ ଅମରେନ୍ଦ୍ର ମହାନ୍ତି ୧୬ଶ ଅକ୍ଷୟ ସମ୍ମାନ ଗ୍ରହଣ କରି ଭାବାବେଗର ସହିତ ଅକ୍ଷୟ ସଙ୍ଗୀତର କଥା ରଖିଥିଲେ ଓ ପ୍ରଥମ ଅକ୍ଷୟ ଝଙ୍କାର ସମ୍ବର୍ଦ୍ଧନା ଯନ୍ତ୍ରଶିଳ୍ପୀ ଆଶିଷ ମହାପାତ୍ର ଗ୍ରହଣ କରିଥିଲେ। ଓଡ଼ିଶାର ଖ୍ୟାତନାମା କଣ୍ଠଶିଳ୍ପୀ ଚିତ୍ରଭାନୁ ମହାନ୍ତି, ସୌରଭ ନାୟକ, ଶୈଳଭାମା ମହାପାତ୍ର, ମାନସୀ ପାତ୍ର, ଅର୍ପିତା ଚୌଧୁରୀ ଓ ମିତ୍ରଭାନୁ ମହାନ୍ତି ପରିବେଷଣ କରିଥିଲେ। ଅକ୍ଷୟ ଆଇଡଲ ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ଶିଳ୍ପୀମାନେ ସନ୍ଧ୍ୟାରେ ସଙ୍ଗୀତ ପରିବେଷଣ କରିଥିଲେ। ଅନୁଷ୍ଠାନ ତରଫରୁ ରବୀନ୍ଦ୍ର ମହାନ୍ତି, ଆମତ୍ାରାମ ମହାପାତ୍ର, କାର୍ଯ୍ୟକାରୀ ସଦସ୍ୟ ଦେବେନ୍ଦ୍ର ଖଟୁଆ, ବ୍ରହ୍ମାନନ୍ଦ ସ୍ବାଇଁ, ସନ୍ତୋଷ ଦଳେଇ, ସୁରେଶ ଗିରି, ଶୋଭନ ମିଶ୍ର, ଅଜୟ ଗୁହା, ଅନୁପ ଦାସ, ଅମରଜିିତ୍‌ ଦାସ, ଆଶିଷ ଖଣ୍ଡେଲୱାଲ, ସୁରଜିତ ମହାପାତ୍ର, ଅଭିଜିତ ମହାପାତ୍ର, ନୀଳମଣି ମଣ୍ଡଳ ଓ ସୁକୁମାର ଘୋଷ ପ୍ରମୁଖ ସହଯୋଗ କରିଥିଲେ। ସନ୍ଧ୍ୟା ଉତ୍ସବକୁ କବି ପ୍ରଶାନ୍ତ ଦାସ ପରିଚାଳନା କରିଥିବା ବେଳେ ସଭାପତି ଶାନ୍ତନୁ ଦାସ ସ୍ବାଗତ ଭାଷଣ ପ୍ରଦାନ କରିଥିଲେ। ପର୍ଶୁରାମ ପ୍ରଧାନ, ମୁରଲୀଧର ନାୟକ ଓ ପୂର୍ଣ୍ଣଚନ୍ଦ୍ର ମହାନ୍ତି ବକ୍ତବ୍ୟ ରଖିଥିବା ବେଳେ ରାଜେଶ ଗିରି ଧନ୍ୟବାଦ ଦେଇଥିଲେ। ଚଳିତବର୍ଷ ଦିବ୍ୟଜ୍ୟୋତି ମହାନ୍ତିଙ୍କୁ ଅକ୍ଷୟ ଆଇଡଲ୍‌ ଘୋଷଣା କରାଯାଇଥିଲା।
All Right Reserved By

ବାଲେଶ୍ୱର

ମହିଳା କଂଗ୍ରେସ ପକ୍ଷରୁ ବିକ୍ଷୋଭ: ୨ ମନ୍ତ୍ରୀଙ୍କ କୁଶପୁତ୍ତଳିକା ଦାହ

ମହିଳା କଂଗ୍ରେସ ପକ୍ଷରୁ ବିକ୍ଷୋଭ: ୨ ମନ୍ତ୍ରୀଙ୍କ କୁଶପୁତ୍ତଳିକା ଦାହ

ଭଦ୍ରକ ଅଫିସ,୧୯।୧: ଦାରିଙ୍ଗବାଡ଼ରେ ଅଷ୍ଟମଶ୍ରେଣୀ ଛାତ୍ରୀଙ୍କ ପ୍ରସବ ପରେ ନବଜାତ ଶିଶୁ ମୃତ୍ୟୁ ଘଟଣାରେ ଭଦ୍ରକ ଜିଲା ମହିଳା କଂଗ୍ରେସ ପକ୍ଷରୁ ଶନିବାର ଜିଲାପାଳଙ୍କ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି। 

ବ୍ଲେଡରେ ମହିଳାଙ୍କୁ ଆକ୍ରମଣ, ହତ୍ୟା ଉଦ୍ୟମ

ବ୍ଲେଡରେ ମହିଳାଙ୍କୁ ଆକ୍ରମଣ, ହତ୍ୟା ଉଦ୍ୟମ

ବାଲେଶ୍ୱର ଅଫିସ,୧୯।୧: ସୋର ଥାନା ଅଞ୍ଚଳରେ ଶୁକ୍ରବାର ରାତି ୧୧ଟା ୩୦ରେ ଜନୈକ ମହିଳା ଶୌଚ ପାଇଁ ଯାଇଥିଲେ। ୨ ଦୁର୍ବୃତ୍ତ ମୁହଁରେ କପଡ଼ା ବାନ୍ଧି ସେଠାରେ ପହଞ୍ଚି ମହିଳାଙ୍କୁ ଟଣାଓଟରା କରିଥିଲେ। ତାଙ୍କୁ କୌଣସି ଏକ ତରଳ ପଦାର୍ଥ ପିଆଇବାକୁ ଚେଷ୍ଟା କରିବା ସହ ବ୍ଲେଡରେ ଆକ୍ରମଣମଧ୍ୟ କରିଥିଲେ। 

ବେତଡ଼ା ବଜାର ଗହଣା ଦୋକାନରୁ ଲକ୍ଷାଧିକ ଟଙ୍କାର ଅଳଙ୍କାର ଚୋରି

ବେତଡ଼ା ବଜାର ଗହଣା ଦୋକାନରୁ ଲକ୍ଷାଧିକ ଟଙ୍କାର ଅଳଙ୍କାର ଚୋରି

ବାସୁଦେବପୁର, ୧୯।୧(ଡି.ଏନ୍‌.ଏ.): ଭଦ୍ରକ ଜିଲା ବାସୁଦେବପୁର ଥାନା ଅଧୀନ ବେତଡ଼ା ବଜାରରେ ଥିବା ଗୋଦାବରୀ ଜୁଏଲର୍ସ ଦୋକାନରୁ ଶୁକ୍ରବାର ବିଳମ୍ବିତ ରାତିରେ ଚୋରି ହୋଇଛି। ଦୁର୍ବୃତ୍ତମାନେ ଦୋକନ କାନ୍ଥକୁ ତାଡ଼ି ଭିତରେ ପଶି ପ୍ରାୟ ୨ ଲକ୍ଷରୁ ଊର୍ଦ୍ଧ୍ୱ ଟଙ୍କାର ଅଳଙ୍କାର ଚୋରିକରି ନେଇଛନ୍ତି। 

୩୦ରୁ ‘ସ୍ପର୍ଶ ଅଭିଯାନ’  ଗ୍ରାମସଭାରେ କରାଯିବ ଜନଜାଗରଣ

୩୦ରୁ ‘ସ୍ପର୍ଶ ଅଭିଯାନ’ ଗ୍ରାମସଭାରେ କରାଯିବ ଜନଜାଗରଣ

ବାଲେଶ୍ୱର ଅଫିସ, ୧୯।୧-କୁଷ୍ଠରୋଗ ଚିହ୍ନଟୀକରଣ ଏବଂ ଭ୍ରାନ୍ତ ଧାରଣା ହ୍ରାସ ଉପରେ ଗୁରୁତ୍ୱାରୋପ କରି ଶୁକ୍ରବାର ଅପରାହ୍ନରେ ବାଲେଶ୍ୱର ଜିଲାପାଳଙ୍କ ଆବାସିକ କାର୍ଯ୍ୟାଳୟରେ ଜିଲାପାଳ ରମେଶ ଚନ୍ଦ୍ର ରାଉତଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଯାଇଛି। 

ମତ୍ସ୍ୟ ଚାଷୀଙ୍କୁ ଋଣ ଯୋଗାଇବା ଉପରେ ଗୁରୁତ୍ୱ

ମତ୍ସ୍ୟ ଚାଷୀଙ୍କୁ ଋଣ ଯୋଗାଇବା ଉପରେ ଗୁରୁତ୍ୱ

ବାଲେଶ୍ୱର ଅଫିସ, ୧୯।୧-ବାଲେଶ୍ୱର ଜିଲାପାଳଙ୍କ ଆବାସିକ କାର୍ଯ୍ୟାଳୟରେ ଜିଲାପାଳ ରମେଶ ଚନ୍ଦ୍ର ରାଉତଙ୍କ ଅଧ୍ୟକ୍ଷତାରେ ୨୧ତମ ଜିଲାସ୍ତରୀୟ ଉପକୂଳ ଜଳକୃଷି ପ୍ରାଧିକରଣ ବୈଠକ ଶୁକ୍ରବାର ଅନୁଷ୍ଠିତ ହୋଇଛି। 

ସରିଲା କବିତା ଦରବାର

ସରିଲା କବିତା ଦରବାର

ରୂପ୍‌ସା, ୧୯।୧(ଡି.ଏନ.ଏ.)-ବାଲେଶ୍ୱର ଜିଲା ସିଂଲା ଥାନା ବଂଶୀଧର ପାଠାଗାର ଓ ପଠନ କେନ୍ଦ୍ର ଆନୁକୂଲ୍ୟରେ ଅନୁଷ୍ଠିତ କବିତା ଦରବାର ଉଦ୍‌ଯାପିତ ହୋଇଯାଇଛି। ପ୍ରାକ୍ତନ ପ୍ରାଧ୍ୟାପକ ଯତୀନ୍ଦ୍ରନାଥ ପରିଡ଼ା ଉତ୍ସବକୁ ଉଦ୍‌ଘାଟନ କରିଥିଲେ। 

ବିରଳ ଶାଳିଆପତନି ଉଦ୍ଧାର

ବିରଳ ଶାଳିଆପତନି ଉଦ୍ଧାର

ଉଦଳା, ୧୯।୧ (ଡି.ଏନ.ଏ.) - ଉଦଳା ବନଖଣ୍ଡ ଅଧୀନ ଦୁଗୁଧା ଗ୍ରାମର  ଗୌରୀ ଜେନାଙ୍କ ଘରୁ ଏକ ବିରଳ ପ୍ରଜାତିର ଶାଳିଆପତନି  ଉଦ୍ଧାର ହୋଇଛି।  ଖବର ପାଇ ଉଦଳା ରେଞ୍ଜ ଅଧିକାରୀ ଅଜୟ କୁମାର ଦାସ ଏବଂ ବନବିଭାଗ କର୍ମଚାରୀମାନେ ପହଞ୍ଚତ୍ ଉକ୍ତ ଶାଳିଆପତନିକୁ ଉଦ୍ଧାର କରିଥିଲେ।  

କ୍ରିଷ୍ଣା କ୍ଲୋରେଟ କମ୍ପାନୀ: ହୋଇପାରୁନି ଦ୍ୱିପାକ୍ଷିକ ଆଲୋଚନା

କ୍ରିଷ୍ଣା କ୍ଲୋରେଟ କମ୍ପାନୀ: ହୋଇପାରୁନି ଦ୍ୱିପାକ୍ଷିକ ଆଲୋଚନା

ବାରିପଦା ଅଫିସ,୧୯।୧- ୨୦୧୬ ଅଗଷ୍ଟ ୨୩ ତାରିଖ ଠାରୁ ବନ୍ଦ ଥିବା   କ୍ରିଷ୍ଣା କ୍ଲୋରେଟ ସ୍ପିନିଂ ମିଲ୍‌କୁ  ତୁରନ୍ତ ଖୋଲିବା  ଲାଗି ଦୀର୍ଘ ଦିନ ହେଲା ଦାବି ହୋଇ ଆସୁଛି। ଉକ୍ତ କମ୍ପାନୀ କର୍ତ୍ତୃପକ୍ଷଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ପାଇଁ ବିଜୁ ଶ୍ରମିକ କଲ୍ୟାଣ ମଞ୍ଚର ସଭାପତି ତଥା ଜିଲା ବିଜୁ ଜନତା ଦଳର କାର୍ଯ୍ୟକାରୀ ସଭାପତି ଦେବାଶିଷ ମହାନ୍ତି ଦାବି କରିଛନ୍ତି।

‘ଘରୁ ଲୁଚି ପଳାଇଥିଲି’

‘ଘରୁ ଲୁଚି ପଳାଇଥିଲି’

କେନ୍ଦୁଝର, ୧୯ା୧(ସ୍ବ.ପ୍ର.): କଳା ଶିକ୍ଷା ପାଇଁ ଘରେ ଥିବା ଏକ ଗାଈ ବିକି ଦେଇଥିଲି। ଲୁଚିଛପି ଘରୁ ପଳାଇ ପ୍ରଥମେ ଭୁବନେଶ୍ୱରରେ ଠୁଙ୍ଗା ଓ ପେପର ବିକିବାକୁ ପଡ଼ିଥିଲା। ନିଜର ସାଧନ ବଳରେ ଆଜି ଜିଲା ତଥା ବାହାରେ ପ୍ରତିଷ୍ଠିତ ହୋଇପାରିଛି। ଘରେ ମା’ବାପାଙ୍କ ତାଗିଦ ଓ ଷ୍ଟେଜରେ ଦର୍ଶକଙ୍କ ତାଚ୍ଛଲ୍ୟ ସତ୍ତ୍ୱେ ହାର ମାନିନି ବୋଲି ଧରିତ୍ରୀକୁ ଏକ ସାକ୍ଷାତକାରରେ ଟିଭି ସିରିଏଲ ତାରକା ଗୁରୁ ଦାସ କହିଛନ୍ତି।

ନାବାଳିକାଙ୍କୁ ଅପହରଣ: ଯୁବକ ଗିରଫ

ନାବାଳିକାଙ୍କୁ ଅପହରଣ: ଯୁବକ ଗିରଫ

ବନ୍ତ, ୧୯।୧ (ସ୍ବ.ପ୍ର.) - ଭଦ୍ରକ ଜିଲା ଆଗରପଡ଼ା ଅଞ୍ଚଳର ଜଣେ ନାବାଳିକାଙ୍କୁ ଅପହରଣ ସହ ତାଙ୍କୁ ଦୁର୍ବ୍ୟବହାର କରିବା ଅଭିଯୋଗରେ ପୋଲିସ ଜଣେ ଯୁବକଙ୍କୁ ଗିରଫ କରି ଶୁକ୍ରବାର କୋର୍ଟ ଚାଲାଣ କରିଛି। ଗିରଫ ଯୁବକ ହେଲେ ଆଗରପଡ଼ା  ଥାନା ଅଧୀନ ରାଉତରାପୁର ଗ୍ରାମର ଚନ୍ଦ୍ରା ଦେହୁରୀ(୨୫)। 

୧୪୮ ଜିଆର୍‌ଏସ୍‌ ବହିଷ୍କୃତ

୧୪୮ ଜିଆର୍‌ଏସ୍‌ ବହିଷ୍କୃତ

ଭଦ୍ରକ ଅଫିସ, ୧୯।୧ - ଭଦ୍ରକ ଜିଲାର ବିଭିନ୍ନ ବ୍ଲକର ୧୪୮ ଜିଆର୍‌ଏସ୍‌(ଗ୍ରାମରୋଜଗାର ସେବକ)ଙ୍କୁ ଶୁକ୍ରବାର ଜିଲାପାଳ ଚାକିରିରୁ ବହିଷ୍କୃତ କରିଛନ୍ତି। ସେମାନେ କାର୍ଯ୍ୟରେ ଯୋଗ ନ ଦେଇ ଆନ୍ଦୋଳନରେ ସାମିଲ ଥିବାରୁ ବହିଷ୍କୃତ କରାଯାଇଥିବା ଜିଲାପାଳ ଜ୍ଞାନରଞ୍ଜନ ଦାସ ସୂଚନା ଦେଇଛନ୍ତି।

ଚିକିତ୍ସା ଅବହେଳାରୁ ନବଜାତ ଶିଶୁପୁତ୍ରଙ୍କ ମୃତ୍ୟୁ ଅଭିଯୋଗ

ଚିକିତ୍ସା ଅବହେଳାରୁ ନବଜାତ ଶିଶୁପୁତ୍ରଙ୍କ ମୃତ୍ୟୁ ଅଭିଯୋଗ

ଭଦ୍ରକ ଅଫିସ, ୧୯।୧ - ଭଦ୍ରକ ଜିଲା ଚିକିତ୍ସାଳୟରେ ଚିକିତ୍ସା ଅବହେଳାରୁ ଜଣେ ନବଜାତ ଶିଶୁପୁତ୍ରଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ତିହିଡ଼ି ଅଞ୍ଚଳର ଜଣେ ଗର୍ଭବତୀ ମହିଳାଙ୍କୁ ଗତ ବୁଧବାର ଜିଲା ଚିକିତ୍ସାଳୟରେ ଡାକ୍ତର ସମୟ ହୋଇ ନ ଥିବା କହି ଫେରାଇ ଦେଇଥିଲେ।