ବାଲେଶ୍ୱର

ନଦୀ ମଝିରେ ଡ଼ଙ୍ଗା ଦଉଡ଼ି ଛିଣ୍ଡିଲା: ଅଳ୍ପକେ ବର୍ତ୍ତିଲେ ଯାତ୍ରୀ

ନଦୀ ମଝିରେ ଡ଼ଙ୍ଗା ଦଉଡ଼ି ଛିଣ୍ଡିଲା: ଅଳ୍ପକେ ବର୍ତ୍ତିଲେ ଯାତ୍ରୀ

ରୂପ୍‌ସା, ୧୮।୧୨(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ସୋଲପଟାସ୍ଥିତ ପଞ୍ଚୁପଡ଼ା ନଦୀରେ ସୋମବାର ଏକ ଦୁର୍ଘଟଣା ଘଟିଛି। ନୌକାରେ ଯାତ୍ରୀମାନେ ବାଇକ୍‌ ନେଇ ନଦୀ ପାରି ହେଉଥିବା ବେଳେ ଦଉଡ଼ି ଛିଣ୍ଡିଯିବାରୁ ନୌକା ନଦୀସ୍ରୋତରେ ଭାସିଯାଇ ପୂର୍ବରୁ ନିର୍ମିତ ହୋଇଥିବା ପୋଲ ପାଇଁ ଏକ ଭଙ୍ଗା ପିଲର ଦେହରେ ବାଡ଼େଇ ଯାଇଥିଲା। କିନ୍ତୁ ନୌକା ବୁଡ଼ି ନ ଯାଇ ପାଣିରେ ଭାସି ରହିଥିବାରୁ ଯାତ୍ରୀମାନେ ଆସନ୍ନ ବିପଦରୁ ବର୍ତ୍ତି ଯାଇଥିଲେ। ସ୍ଥାନୀୟ ଲୋକେ ସଂଗେ ସଂଗେ ପହଞ୍ଚତ୍ ଅନ୍ୟ ନୌକା ଦ୍ୱାରା ଯାତ୍ରୀମାନଙ୍କୁ ନଦୀରୁ ଉଦ୍ଧାର କରିଥିଲେ। ବାଇକ୍‌ଗୁଡ଼ିକୁ ମଧ୍ୟ ନୌକାରେ ଆଣି ନଦୀ ଘାଟରେ ପହଞ୍ଚାଇଥିଲେ। ପ୍ରକାଶ ଯେ, ନଦୀର ଉତ୍ତରଘାଟରୁ ଦକ୍ଷିଣଘାଟ ପର୍ଯ୍ୟନ୍ତ ନୌକା ଚଳାଚଳ ପାଇଁ ଦୀର୍ଘଦିନରୁ ଏକ ଦଉଡ଼ି ବନ୍ଧା ଯାଇଥିଲା। ଅଚାନକ ଦଉଡ଼ି ଛିଣ୍ଡିଯିବାରୁ ଏଭଳି ପରିସ୍ଥିତି ଉପୁଜିଥିବା ସ୍ଥାନୀୟ ଲୋକେ ବସିଛନ୍ତି। ପଞ୍ଚୁପଡ଼ା ପୋଲ ନିର୍ମାଣ କାର୍ଯ୍ୟ ଶେଷ ହୋଇ ନ ଥିବାରୁ ଏବେ ବି ନଦୀ ପାରି ହେବା ପାଇଁ ଯାତ୍ରୀମାନେ ନୌକା ଉପରେ ନିର୍ଭର କରୁଛନ୍ତି।

All Right Reserved By

Model This Week

ନିକିତା

ବାଲେଶ୍ୱର

ଯୁବକଙ୍କ ସନ୍ଦେହଜନକ ମୃତ୍ୟୁ

ଧାମନଗର,୨୪।୪(ଡି.ଏନ୍‌.ଏ.): ଭଦ୍ରକ ଜିଲା ଧାମନଗର ଥାନା ଅଧୀନ କୋରକଦା ଗ୍ରାମର କାଶିନାଥ ପରିଡା(୪୨)ଙ୍କ ମୃତଦେହ ମୁସ୍ତାଫାପୁର ପଞ୍ଚାୟତ ଗୌଡବିଶି ନୁଆପଡା ନିକଟ ଏକ ପରିତ୍ୟକ୍ତ ସ୍ଥାନରୁ ଉଦ୍ଧାର ହୋଇଛି।

ଦୂରହେବ ନୀଳଗିରିବାସୀଙ୍କ ବିଦ୍ୟୁତ୍‌ ସମସ୍ୟା

ଦୂରହେବ ନୀଳଗିରିବାସୀଙ୍କ ବିଦ୍ୟୁତ୍‌ ସମସ୍ୟା

ସଜନାଗଡ଼, ୨୪।୪(ଡି.ଏନ୍‌.ଏ.): ବହୁ ଦିନ ଧରି ବାଲେଶ୍ୱର ଜିଲା ନୀଳଗିରିବାସୀଙ୍କ ବିଦ୍ୟୁତ୍‌ ସମସ୍ୟା ଲାଗି ରହିଥିଲା। ଏ ନେଇ ବିଧାୟକ ସୁକାନ୍ତ କୁମାର ନାୟକ ପ୍ରଶାସନିକ ସ୍ତରରେ ବହୁବାର ଦାବି ଉଠାଇବା ପରେ ରାଜ୍ୟ ସରକାର ଏକ ସ୍ବତନ୍ତ୍ର ୩୩ କେଭି ଲାଇନ ପାଇଁ ଅର୍ଥ ମଞ୍ଜୁର କରିଥିଲେ।

ରାସ୍ତାପାର୍ଶ୍ୱରେ ଗଡୁଛି ମଣିଷ ଖପୁରି: ତନ୍ତ୍ର ସନ୍ଦେହ

ରାସ୍ତାପାର୍ଶ୍ୱରେ ଗଡୁଛି ମଣିଷ ଖପୁରି: ତନ୍ତ୍ର ସନ୍ଦେହ

ନୀଳଗିରି,୨୪।୪ (ଡି.ଏନ୍‌.ଏ.): ବାଲେଶ୍ବର ଜିଲା ନୀଳଗିରି ଏନ୍‌ଏସିର ୧୧ ନମ୍ବର ଓ୍ବାର୍ଡ ଷ୍ଟେସନସାହି ରାସ୍ତାପାର୍ଶ୍ୱରେ ମଣିଷ ଖପୁରି, ହାଡ ଏକଖଣ୍ଡ, ପୂଜା ସାମଗ୍ରୀ ଓ ମଦ ବୋତଲ ପଡ଼ିଥିବା ମଙ୍ଗଳବାର ପୂର୍ବାହ୍ନରେ ସ୍ଥାନୀୟ ଲୋକ ଦେଖିଥିଲେ।

ସଡ଼କ ସୁରକ୍ଷା ସଚେତନତା ପାଇଁ ବାଇକ୍‌ ଶୋଭାଯାତ୍ରା

ସଡ଼କ ସୁରକ୍ଷା ସଚେତନତା ପାଇଁ ବାଇକ୍‌ ଶୋଭାଯାତ୍ରା

ଭଦ୍ରକ ଅଫିସ,୨୪।୪: ଜାତୀୟ ସଡ଼କ ସୁରକ୍ଷା ସପ୍ତାହ ପାଳନ ଅବସରରେ ପରିବହନ ବିଭାଗ ଓ ସଞ୍ଜୀବ ହିରୋ ମିଳିତ ସହଯୋଗରେ ମଙ୍ଗଳବାର ଭଦ୍ରକ ସହରରେ ଏକ ବାଇକ୍‌ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ଏସ୍‌ପିଙ୍କ କାର୍ଯ୍ୟାଳୟରୁ ଆରମ୍ଭ ହୋଇଥିବା ଏହି ଶୋଭାଯାତ୍ରାକୁ ଅତିରିକ୍ତ ଏସ୍‌ପି କୈଳାସଚନ୍ଦ୍ର ପରିଡ଼ା ପତାକା ଦେଖାଇ ଉଦ୍‌ଘାଟନ କରିଥିଲେ।

ବଜ୍ରପାତରେ ଜଣେ ମୃତ

ବଜ୍ରପାତରେ ଜଣେ ମୃତ

ଚାନ୍ଦବାଲି,୨୪।୪(ଡି.ଏନ.ଏ)-ଭଦ୍ରକ ଜିଲା ଚାନ୍ଦବାଲି ବ୍ଲକ ଅଧୀନ ଓରାସାହି ପଞ୍ଚାୟତ କସ୍ତୁରୀକଣ ଗ୍ରାମର ପ୍ରଫୁଲ୍ଲ ରାଉତ(୩୫) ସୋମବାର ବଜ୍ରପାତରେ ପ୍ରାଣ ହରାଇଛନ୍ତି। ସେ ଚିଙ୍ଗୁଡ଼ି ଘେରିରେ କାମ କରୁଥିବା ବେଳେ ଏହି ଅଘଟଣ ଘଟିଥିଲା। ସ୍ଥାନୀୟ ଲୋକେ ତାଙ୍କୁ ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ। ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।

ବ୍ୟବସାୟୀଙ୍କଠାରୁ ଲକ୍ଷାଧିକ ଲୁଟ୍‌

ବ୍ୟବସାୟୀଙ୍କଠାରୁ ଲକ୍ଷାଧିକ ଲୁଟ୍‌

ଭଦ୍ରକ ଅଫିସ,୨୪।୪-ଭଦ୍ରକ ଜିଲା ରାନ୍ଦିଆ ଅଞ୍ଚଳର ଓଭରବ୍ରିଜ ନିକଟରେ ବ୍ୟବସାୟୀ ମନୋଜ ମଣ୍ଡଳଙ୍କଠାରୁ ପ୍ରାୟ ୧ଲକ୍ଷ ୩୫ ହଜାର ଟଙ୍କା ୨ ଜଣ ଦୁର୍ବୃତ୍ତ ଏକ ବାଇକ୍‌ରେ ଆସି ସୋମବାର ମଧ୍ୟାହ୍ନରେ ଲୁଟି ନେଇଛନ୍ତି। ମନୋଜ ଉକ୍ତ ଟଙ୍କା ବ୍ୟାଙ୍କରେ ଡିପୋଜିଟ କରିବାକୁ ନେଇ ଯାଉଥିବାବେଳେ ଦୁର୍ବୃତ୍ତମାନେ ଟଙ୍କା ବ୍ୟାଗ୍‌ ଝାମ୍ପି ନେଇ ପଳାଇଯାଇଥିଲେ। ଉକ୍ତ ବ୍ୟାଗ୍‌ରେ ୧ ଲକ୍ଷ ୫ ହଜାର ଟଙ୍କା ଓ ୩୦ହଜାର ଟଙ୍କାର ଏକ ଚେକ୍‌ ଥିବା ମନୋଜ କହିଛନ୍ତି।

ଶିକ୍ଷକ ନିଯୁକ୍ତି ଦାବିରେ ଆମରଣ ଅନଶନ

ଶିକ୍ଷକ ନିଯୁକ୍ତି ଦାବିରେ ଆମରଣ ଅନଶନ

ବନ୍ତ,୨୪।୪-ଭଦ୍ରକ ଜିଲା ବନ୍ତ ବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ କୁମ୍ଭକରାଳ ବ୍ଲକ ଗ୍ରାଣ୍ଟ ମଧ୍ୟଇଂରାଜୀ ବିଦ୍ୟାଳୟରେ ଶିକ୍ଷକ ନିଯୁକ୍ତି ଦାବିରେ ପରିଚାଳନା କମିଟି ସଭ୍ୟ ଓ ଅଭିଭାବକମାନେ ସୋମବାର ଆମରଣ ଅନଶନରେ ବସିଛନ୍ତି। ଏହି ବିଦ୍ୟାଳୟରେ କୌଣସି ଶିକ୍ଷକ ନ ଥିବାରୁ ଛାତ୍ରୀଛାତ୍ରଙ୍କ ନାମଲେଖା ଓ ପାଠପଢ଼ାରେ ବ୍ୟାଘାତ ସୃଷ୍ଟି ହେଉଥିବା ଅଭିଯୋଗ ହୋଇଛି। ଏନେଇ ଗତ ୨୦ତାରିଖରେ ବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟାଳୟ ଆଗରେ ଧାରଣା ଦିଆଯାଇଥିଲା।

ଗିରିଧାରୀ ଚ୍ୟାଲେଞ୍ଜ କପ୍‌ ଫୁଟବଲ  ମା’ ମଙ୍ଗଳା, ଯୁଗଜ୍ୟୋତି ଟିମ୍‌ ଚାମ୍ପିୟନ

ଗିରିଧାରୀ ଚ୍ୟାଲେଞ୍ଜ କପ୍‌ ଫୁଟବଲ ମା’ ମଙ୍ଗଳା, ଯୁଗଜ୍ୟୋତି ଟିମ୍‌ ଚାମ୍ପିୟନ

ଭଣ୍ଡାରିପୋଖରୀ,୨୪।୪(ଡି.ଏନ.ଏ.)-ଭଣ୍ଡାରିପୋଖରୀ ବ୍ଲକ ଷୋଳମପୁର ପଞ୍ଚାୟତର ମଣିନାଥପୁର ଖେଳପଡ଼ିଆଠାରେ ଗୋପବନ୍ଧୁ ଯୁବକ ସଂଘ ଆନୁକୂଲ୍ୟରେ ଚାଲିଥିବା ୩୦ତମ ଗିରିଧାରୀ ଚ୍ୟାଲେଞ୍ଜ କପ୍‌ ଫୁଟବଲ ଟୁର୍ନାମେଣ୍ଟ ଉଦ୍‌ଯାପିତ ହୋଇଯାଇଛି। ପୁରୁଷ ଓ ମହିଳା ଦୁଇ ଭାଗରେ ଏହି ଟୁର୍ନାମେଣ୍ଟ ହୋଇଥିଲା। ପୁରୁଷ ବିଭାଗରେ ଖଇରାବାଦର ଫ୍ରେର୍ଣ୍ଣସ କ୍ଲବ ଓ ବରୁହଁ। ର ମା’ ମଙ୍ଗଳା ଆଥଲେଟିକ ଆସୋସିଏଶନ ମଧ୍ୟରେ ଫାଇନାଲ ମ୍ୟାଚ୍‌ ହୋଇଥିଲା। ଏଥିରେ ମା’ ମଙ୍ଗଳା ଟିମ୍‌ ୩-୦ ଗୋଲ ଦେଇ ବିଜୟୀ ହୋଇଥିଲା। ମହିଳା ବିଭାଗରେ କଟକର ଯୁଗଜ୍ୟୋତି ଟିମ୍‌ ଓ ଭଦ୍ରକ ହରିପୁରର ଜେଜେପି ଟିମ୍‌ ମଧ୍ୟରେ ଫାଇନାଲ ମ୍ୟାଚ୍‌ ହୋଇଥିଲା। ଯୁଗଜ୍ୟୋତି ଟିମ୍‌ ୨-୦ ଗୋଲ ଦେଇ ଚାମ୍ପିୟନ ହୋଇଥିଲା। ରେଫରୀ ଭାବେ ତାଜଉଦିନ ଖଁ। ମ୍ୟାଚ୍‌ ପରିଚାଳନା କରିଥିଲେ। ଲାଇନ୍ସମ୍ୟାନ ଭାବେ ସୁମନ ଦାସ ଓ ଅଭିରାମ ଦାସ ଦାୟିତ୍ୱ ତୁଲାଇଥିଲେ।

ନାବକେଳିକୁ ଆସିଲେନି ଚଳନ୍ତି ପ୍ରତିମା ଚନ୍ଦ୍ରଶେଖର

ଆରଡ଼ି,୨୪।୪(ଡି.ଏନ.ଏ.)-ପ୍ରସିଦ୍ଧ ଶୈବପୀଠ ଆରଡ଼ିରେ ଚଳିତବର୍ଷ ବାବା ଆଖଣ୍ଡଳମଣିଙ୍କ ଚନ୍ଦନଚାପ ଓ ନାବକେଳି ବନ୍ଦ ରହିଛି। ମନ୍ଦିର ବେଢ଼ାର ନବୀକରଣ ସାଙ୍ଗକୁ ସଂଲଗ୍ନ ଶିବଗଙ୍ଗା ପୁଷ୍କରିଣୀର ପୁନରୁଦ୍ଧାର କରାଯାଉଥିବାରୁ ଏହା ଶୁଖିଲା ପଡ଼ିଛି। ଏଥିରୁ ପଙ୍କ ଉଦ୍ଧାର କରାଯିବା ପରେ ଏହା ପାର୍ଶ୍ୱରେ ଥିବା ଏକ ମାର୍କେଟ କମ୍ପ୍ଲେକ୍ସ ଭୁଶୁଡ଼ି ପଡ଼ିବା ଭଳି ଅଘଟଣ ଘଟିଛି। ଦୀର୍ଘ ୨୬ବର୍ଷ ଧରି ଅନୁଷ୍ଠିତ ହୋଇଆସୁଥିବା ଚନ୍ଦନ ଚାପ ଏଥର ବନ୍ଦ ରହିବା ଘଟଣା ଭକ୍ତଙ୍କ ଭାବାବେଗ ପ୍ରତି ଆଘାତ ସୃଷ୍ଟି କରିଛି। ପ୍ରତିବର୍ଷ ବାବା ଆଖଣ୍ଡଳମଣିଙ୍କ ଚଳନ୍ତି ପ୍ରତିମା ପ୍ରଭୁ ଚନ୍ଦ୍ରଶେଖରଙ୍କୁ ରୌପ୍ୟ ପାଲିଙ୍କିରେ ଆଣି ନାବରେ ବସାଇ ଚନ୍ଦନ ଚାପ ଖେଳାଯାଇ ଆସୁଥିଲା।

ହାତୀ ଉପଦ୍ରବ:  ୩ଏକର ପରିବା ଫସଲ ଧ୍ୱଂସ

ହାତୀ ଉପଦ୍ରବ: ୩ଏକର ପରିବା ଫସଲ ଧ୍ୱଂସ

ତେଲକୋଇ, ୨୪।୪(ଡି.ଏନ.ଏ)- କେନ୍ଦୁଝର ଜିଲା ତେଲକୋଇ ବନାଞ୍ଚଳ ଅଧୀନର ଛାମୁଣ୍ଡା ପଞ୍ଚାୟତ ଗୋଳାବନ୍ଧ ଗ୍ରାମରେ ଜଣେ ଚାଷୀଙ୍କ କ୍ଷେତରେ ୧୫ରୁ ଊର୍ଦ୍ଧ୍ୱ ବଣୁଆ ହାତୀ ପଶି ସମ୍ପୂର୍ଣ୍ଣ ଧ୍ୱଂସ କରିଦେଇଛନ୍ତି। ଏନେଇ ଚାଷୀ ଚିନ୍ମୟ କୁମାର ସାହୁ ସୋମବାର ବନାଞ୍ଚଳ ଅଧିକାରୀଙ୍କଠାରେ ଅଭିଯୋଗ କରିବା ସହିତ କ୍ଷତି ପୂରଣ ଦାବି କରିଛନ୍ତି। ଚାଷୀଙ୍କ ଅଭିଯୋଗ ଅନୁଯାୟୀ ରବିବାର ମଧ୍ୟରାତ୍ରିରେ ୧୫ରୁ ଊର୍ଦ୍ଧ୍ୱ ହାତୀ ଆସି ଜମିରେ ତରଭୁଜ ,ବୋଇତାଳୁ, କୋବି, କାକୁଡି, କଲରା ଫସଲ ସବୁ ଖାଇବା ସହିତ ଗୋଡରେ ଦଳି ଚେକଟି ଉଜାଡି ଦେଇଛନ୍ତିି।

ଶିକ୍ଷୟିତ୍ରୀ, ଶିକ୍ଷକଙ୍କୁ ପ୍ରଶିକ୍ଷଣ

ଶିକ୍ଷୟିତ୍ରୀ, ଶିକ୍ଷକଙ୍କୁ ପ୍ରଶିକ୍ଷଣ

ଘସିପୁରା,୨୪।୪(ଡି.ଏନ୍‌.ଏ.)- ସର୍ବଶିକ୍ଷା ଅଭିଯାନ ଆନୁକୂଲ୍ୟରେ କେନ୍ଦୁଝର ଜିଲା ଘସିପୁରା ବ୍ଲକ ରାମଚନ୍ଦ୍ରପୁର ହାଇସ୍କୁଲ ପରିସରରେ ୩ ଦିନିଆ ଉଜ୍ଜ୍ୱଳ ପ୍ରଶିକ୍ଷଣ ଶିବର ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷକ ସୁଶାନ୍ତ କୁମାର ସାହୁ ଶିବିରକୁ ଉଦ୍‌ଘାଟନ କରିଥିଲେ। ଉକ୍ତ କେନ୍ଦ୍ରରେ ବିଭିନ୍ନ ବିଦ୍ୟାଳୟରୁ ୪୫ ଶିକ୍ଷୟିତ୍ରୀ ଓ ଶିକ୍ଷକ ଅଂଶଗ୍ରହଣ କରିଥିଲେ। ପ୍ରଶିକ୍ଷକ ଭାବେ ମହେନ୍ଦ୍ର କୁମାର କର, ଶରତ କୁମାର ସାହୁ, ରଶ୍ମିରଞ୍ଜନ ରାଉତ ପ୍ରମୁଖ ଯୋଗଦେଇଥିଲେ। ସିଆରସିସି ଗୋଲକବିହାରୀ ସାହୁ, ପ୍ରଫୁଲ୍ଲ କୁମାର ସାହୁ , ଶିକ୍ଷକ କୈଳାସ ଚନ୍ଦ୍ର ଜେନା, ବେଣୁଧର ପରିଡା ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ। ସେହିପରି ବଳରାମପୁରରେ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଥିଲା।

ସ୍କୁଲ ପରିସରରୁ କଟାଗଲା ୨୨ ଶାଳ ଗଛ ତଦନ୍ତ ଦାବି କଲେ ଗ୍ରାମବାସୀ

ସ୍କୁଲ ପରିସରରୁ କଟାଗଲା ୨୨ ଶାଳ ଗଛ ତଦନ୍ତ ଦାବି କଲେ ଗ୍ରାମବାସୀ

ତେଲକୋଇ, ୨୪।୪(ଡି.ଏନ.ଏ.)-କେନ୍ଦୁଝର ଜିଲା ତେଲକୋଇ ବନାଞ୍ଚଳ କାଳିଆହତା ଫରେଷ୍ଟ ବିଟ ଅଧୀନ ଏକ ପ୍ରାଥମିକ ବିଦ୍ୟାଳୟ ପରିସରରେ ଥିବା ୨୨ଟି ମୂଲ୍ୟବାନ ଶାଳ ଗଛକୁ କାଟି ଦିଆଯାଇଛି। ଏହାକୁ ନେଇ ଅଞ୍ଚଳରେ ବିବାଦୀୟ ସ୍ଥିତି ସୃଷ୍ଟି ହୋଇଛି। କଟାଯାଇଥିବା ଗଛର ମୂଲ୍ୟ ପ୍ରାୟ ୮ ଲକ୍ଷ ଟଙ୍କା ହେବ। ଗତ ୨ଦିନ ମଧ୍ୟରେ ବିରିପାଳ ଗ୍ରାମ କୁଟାରୀ ନାଳୀ ସାହିରେ ଥିବା ଏହି ପ୍ରାଥମିକ ବିଦ୍ୟାଳୟ ପରିସରରୁ ଏସବୁ ଗଛ କଟାଯାଇଥିବାନେଇ ଗ୍ରାମବାସୀ ସୋମବାର ଜିଲା ବନାଞ୍ଚଳ ଅଧରକାରୀଙ୍କ ନିକଟରେ ଅଭିଯୋଗ କରି ଏହାର ତଦନ୍ତ ଦାବି କରିଛନ୍ତି।