ବାଲେଶ୍ୱର

ପଥରରେ ଛେଚି ହତ୍ୟା

ପଥରରେ ଛେଚି ହତ୍ୟା
ବାଲେଶ୍ୱର ଅଫିସ/ରେମୁଣା, ୧୮।୧୨(ଡି.ଏନ.ଏ.)-ବାଲେଶ୍ୱର ଜିଲା ସହଦେବଖୁଣ୍ଟା ଥାନା ଅଧୀନ ୬୦ନଂ. ଜାତୀୟ ରାଜପଥ କାସିମପୁର ଛକ ନିକଟରେ ମାଧବ ବେହେରା (୫୨) ନାମକ ବ୍ୟକ୍ତିଙ୍କୁ କେତେଜଣ ଦୁର୍ବୃତ୍ତ ପଥରରେ ଛେଚି ହତ୍ୟା କରିଛନ୍ତି। ମାଧବଙ୍କ ଘର ଶିଳ୍ପାଞ୍ଚଳ ଥାନା ଗଣେଶ୍ୱରପୁର ଗ୍ରାମରେ। ଏନେଇ ମୃତକଙ୍କ ଭାଇ ଯାଦବ ବେହେରା ଥାନାରେ ଅଭିଯୋଗ କରିଛନ୍ତି। ପୋଲିସ ଏନେଇ ଥାନାରେ କେସ୍‌ (ନଂ. ୩୦୫/୧୭) ରୁଜୁ କରି ତଦନ୍ତ ଆରମ୍ଭ କରିଛି। ରବିବାର ରାତି ପ୍ରାୟ ୧୦ଟାରେ ମାଧବଙ୍କୁ ଦୁର୍ବୃତ୍ତମାନେ ଘେରିଯାଇ ତାଙ୍କ ମୁଣ୍ଡକୁ ପଥରରେ ଛେଚି ହତ୍ୟା କରିବାକୁ ଉଦ୍ୟମ କରିଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ରକ୍ତ ଜୁଡୁବୁୁଡୁ ଅବସ୍ଥାରେ ତାଙ୍କୁ ଉଦ୍ଧାର କରି ଡାକ୍ତରଖାନାକୁ ଚିକିତ୍ସା ପାଇଁ ନେଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପକେଟ୍‌ରେ ଥିବା ଆଧାରକାର୍ଡ଼ରୁ ପରିଚୟ ପାଇ ପୋଲିସ ତାଙ୍କୁ ଘରଲୋକଙ୍କୁ ଖବର ଦେଇଥିଲା। ସାନଭାଇ ଯାଦବ ବେହେରା ମୃତଦେହ ଚିହ୍ନିବା ପରେ ବ୍ୟବଚ୍ଛେଦ କରାଯାଇଥିଲା। ମାଧବ ଜଣେ ଦିନ ମଜୁରିଆ। ସେ ସ୍ଥାନୀୟ ଚାଉମିନ୍‌ ଦୋକାନରେ ପ୍ଲେଟ୍‌ ଧୋଇବା କାର୍ଯ୍ୟ କରନ୍ତି। ଗୋଟେ ଓଳିକୁ ୫୦ଟଙ୍କା କରି ଦୁଇଓଳିରେ ୧୦୦ ଟଙ୍କା ରୋଜଗାର କରିଥାନ୍ତି। ତାଙ୍କର ସେଭଳି କେହି ଶତ୍ରୁ ନ ଥିବା ବେଳେ ଦୁର୍ବୃତ୍ତମାନେ ତାଙ୍କୁ କାହିଁକି ହତ୍ୟା କଲେ ପୋଲିସ କାରଣ ଖୋଜୁଛି। ଏହି ଘଟଣାରେ ୩ଜଣଙ୍କୁ ଅଟକ ରଖି ପଚରାଉଚରା କରାଯାଉଥିବା ସହଦେବଖୁଣ୍ଟା ଆଇଆଇସି ପରେଶ ରାଉତ କହିଛନ୍ତି।
All Right Reserved By

ବାଲେଶ୍ୱର

କୁଲିଙ୍କୁ ଗ୍ରୁପ୍‌ ଡି’ ମାନ୍ୟତା ଦାବିରେ ବିକ୍ଷୋଭ

କୁଲିଙ୍କୁ ଗ୍ରୁପ୍‌ ଡି’ ମାନ୍ୟତା ଦାବିରେ ବିକ୍ଷୋଭ

ବାଲେଶ୍ୱର ଅଫିସ, ୧୯।୧-କୁଲିଙ୍କୁ ଗ୍ରୁପ୍‌ ଡି’ ମାନ୍ୟତା ଦାବିରେ ବାଲେଶ୍ୱର ରେଳଷ୍ଟେଶନରେ କାର୍ଯ୍ୟ କରୁଥିବା ଅଲ୍‌ ଇଣ୍ଡିଆ ଲାଲ୍‌ ବରଦୀ କୁଲି ୟୁନିଅନ୍‌ ପକ୍ଷରୁ ଶନିବାର ବିକ୍ଷୋଭ ପ୍ରଦର୍ଶନ କରାଯାଇଥିଲା। ଏନେଇ ଏକ ସ୍ମାରକପତ୍ର ପ୍ରଧାନମନ୍ତ୍ରୀ ଓ ରେଳମନ୍ତ୍ରୀଙ୍କୁ ସ୍ମାରକପତ୍ର  ପ୍ରଦାନ କରାଯାଇଛି। 

‘ପିଠା’ କାର୍ଯ୍ୟକ୍ରମକୁ ବିରୋଧ

‘ପିଠା’ କାର୍ଯ୍ୟକ୍ରମକୁ ବିରୋଧ

ରେମୁଣା,୧୯।୧(ଡି.ଏନ.ଏ.)-ରେମୁଣା ବ୍ଲକ ବିରୁଆଁ ପଞ୍ଚାୟତରେ ‘ପିଠା’ କାର୍ଯ୍ୟକ୍ରମ ଶନିବାର ପଞ୍ଚାୟତ କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି। ସରପଞ୍ଚ ଗୌରୀମଣି ବେହେରାଙ୍କ ସଭାପତିତ୍ୱରେ ସଭା କାର୍ଯ୍ୟ ଆରମ୍ଭ ହୋଇଥିଲା। 

ବନବାସୀଙ୍କ ପ୍ରିୟ ଖାଦ୍ୟ କୁରୁକୁଟି କାଇ

ବନବାସୀଙ୍କ ପ୍ରିୟ ଖାଦ୍ୟ କୁରୁକୁଟି କାଇ

କେନ୍ଦୁଝର, ୧୯ା୧ (ସ୍ବ.ପ୍ର.)-କେନ୍ଦୁଝର ଜିଲାର ବନବାସୀ ସମ୍ପ୍ରଦାୟର ଲୋକ ମାନେ ଜଙ୍ଗଲ ଜୀବିକା ଉପରେ ନିର୍ଭରଶୀଳ ା ଆଦିବାସୀ ଲୋକଙ୍କ ଚାଲିଚଳନ, ବେଶଭୂଷାସମ୍ପୂର୍ଣ୍ଣ ଭିନ୍ନ ହୋଇଥାଏ। ସେମାନଙ୍କ ଖାଦ୍ୟପେୟ ମଧ୍ୟ ଟିକେ ନିଆରା ହୋଇଥାଏ। 

ଘର ଭାଙ୍ଗି ଜିନିଷ ବୋହି ନେଲେ:ଆକ୍ରମଣ ସହ ଘର ପୋଡ଼ି ଉଦ୍ୟମ, ୩ ଗିରଫ

ଘର ଭାଙ୍ଗି ଜିନିଷ ବୋହି ନେଲେ:ଆକ୍ରମଣ ସହ ଘର ପୋଡ଼ି ଉଦ୍ୟମ, ୩ ଗିରଫ

ପଦ୍ମପୁର, ୧୯।୧ (ଡି.ଏନ.ଏ.) - ଭଦ୍ରକ ଜିଲା ବାସୁଦେବପୁର ବ୍ଲକ ଅଧୀନ ଜଗନ୍ନାଥପ୍ରସାଦ ପଞ୍ଚାୟତ ଦାସଡିହ ଗ୍ରାମର କେତେଜଣ ବ୍ୟକ୍ତି ଉକ୍ତ ଗ୍ରାମର ପ୍ରହ୍ଲାଦ ମଳିକଙ୍କ ଘରକୁ ଭାଙ୍ଗି ଜିନିଷପତ୍ର ବୋହି ନେଇଯାଇଛନ୍ତି। ଏଥିସହ ତାଙ୍କ ଘରକୁ ପୋଡ଼ି ଦେବାକୁ ଉଦ୍ୟମ କରାଯାଇଥିବା ପ୍ରହ୍ଲାଦ ନାୟକାଣିଡିହୀ ଥାନାରେ ଅଭିଯୋଗ କରିଛନ୍ତି। ଅଭିଯୋଗ ଆଧାରରେ ପୋଲିସ ୧୫ ଜଣଙ୍କ ନଁାରେ ଏକ ମାମଲା(ନଂ.୩/୧୯) ରୁଜୁ କରିଛି। ସେମାନଙ୍କ ମଧ୍ୟରୁ ୩ ଜଣଙ୍କୁ ପୋଲିସ ଗିରଫ କରିଛି।

ଟ୍ରେନ୍‌ରେ କଟିଗଲେ ବାପ ପୁଅ

ଟ୍ରେନ୍‌ରେ କଟିଗଲେ ବାପ ପୁଅ

ରୂପ୍‌ସା,୧୯।୧(ଡି.ଏନ.ଏ.)-ରେଳଧାରଣା ଅତିକ୍ରମ ସମୟରେ ସତର୍କତା ଅବଲମ୍ବନ କରିବାକୁ ବାରମ୍ବାର ସଚେତନତା କରାଯାଉଛି। ହେଲେ ଲୋକେ ଏହାକୁ ଗୁରୁତ୍ୱ ଦେଉ ନ ଥିବାରୁ ଅନେକ ସମୟରେ ଅକାରଣେ ଜୀବନଦୀପ ଲିଭିଯାଉଛି। ଏଭଳି ଏକ ହୃଦୟ ବିଦାରକ ଘଟଣା ଘଟିଛି ଦକ୍ଷିଣ-ପୂର୍ବ ରେଳପଥର ଖଡ଼ଗପୁର ଡିଭିଜନ ଅନ୍ତର୍ଗତ ବାଲେଶ୍ୱର ଜିଲା ରୂପ୍‌ସା ରେଳ ଜଙ୍କଶନର ଉତ୍ତରକେବିନ୍‌ଠାରେ। ଶନିବାର ଏକ ଦ୍ରୁତଗାମୀ ଟ୍ରେନ୍‌ ଧକ୍କାରେ ବାପ, ପୁଅଙ୍କ ମୃତ୍ୟୁ ଘଟିଛି। ମୃତକ ହେଲେ ଯାଜପୁରର ଜଖପୁରା ଗ୍ରାମର ପାତରାଜୁ ପ୍ରଧାନ (୩୫) ଓ ତାଙ୍କର ୪ ବର୍ଷର ପୁଅ ପୂର୍ବ।

୩ ଚୋରଙ୍କୁ ପୋଲିସ ଜିମା

୩ ଚୋରଙ୍କୁ ପୋଲିସ ଜିମା

ନୀଳଗିରି, ୧୯।୧(ଡି.ଏନ.ଏ.)-ନୀଳଗିରି ସହର ଉପକଣ୍ଠ ପୂର୍ତ୍ତବିଭାଗ ଅଫିସ ସମ୍ମୁଖ ତେଜରାତି ଦୋକାନରୁ ୩ଜଣ ଯୁବକ ଚୋରି କରୁଥିବା ବେଳେ ଲୋକଙ୍କ ହାତରେ ଧରାପଡିଛନ୍ତି। ଲୋକେ ସେମାନଙ୍କୁ ପୋଲିସ ଜିମା ଦେବା ପରେ ଗିରଫ କରାଯାଇଛି। ପୋଲିସ ଅଭିଯୁକ୍ତମାନଙ୍କୁ ଶନିବାର କୋର୍ଟରେ ହାଜର କରିଛି। ଅଭିଯୁକ୍ତମାନେ ହେଲେ ଖନ୍ତାପଡା ଥାନା ଓଥୁଳି ଗାଁର ରମାକାନ୍ତ ପଣ୍ଡା, ବାହାଳ ଗାଁର ମନୋରଞ୍ଜନ ମଳିକ ଓ ରୂପସା ଥାନା ନୂଆଗାଁର ଦିପ୍ତିରଞ୍ଜନ ସାହୁ । 

ମହିଳା କଂଗ୍ରେସ ପକ୍ଷରୁ ବିକ୍ଷୋଭ: ୨ ମନ୍ତ୍ରୀଙ୍କ କୁଶପୁତ୍ତଳିକା ଦାହ

ମହିଳା କଂଗ୍ରେସ ପକ୍ଷରୁ ବିକ୍ଷୋଭ: ୨ ମନ୍ତ୍ରୀଙ୍କ କୁଶପୁତ୍ତଳିକା ଦାହ

ଭଦ୍ରକ ଅଫିସ,୧୯।୧: ଦାରିଙ୍ଗବାଡ଼ରେ ଅଷ୍ଟମଶ୍ରେଣୀ ଛାତ୍ରୀଙ୍କ ପ୍ରସବ ପରେ ନବଜାତ ଶିଶୁ ମୃତ୍ୟୁ ଘଟଣାରେ ଭଦ୍ରକ ଜିଲା ମହିଳା କଂଗ୍ରେସ ପକ୍ଷରୁ ଶନିବାର ଜିଲାପାଳଙ୍କ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି। 

ବ୍ଲେଡରେ ମହିଳାଙ୍କୁ ଆକ୍ରମଣ, ହତ୍ୟା ଉଦ୍ୟମ

ବ୍ଲେଡରେ ମହିଳାଙ୍କୁ ଆକ୍ରମଣ, ହତ୍ୟା ଉଦ୍ୟମ

ବାଲେଶ୍ୱର ଅଫିସ,୧୯।୧: ସୋର ଥାନା ଅଞ୍ଚଳରେ ଶୁକ୍ରବାର ରାତି ୧୧ଟା ୩୦ରେ ଜନୈକ ମହିଳା ଶୌଚ ପାଇଁ ଯାଇଥିଲେ। ୨ ଦୁର୍ବୃତ୍ତ ମୁହଁରେ କପଡ଼ା ବାନ୍ଧି ସେଠାରେ ପହଞ୍ଚି ମହିଳାଙ୍କୁ ଟଣାଓଟରା କରିଥିଲେ। ତାଙ୍କୁ କୌଣସି ଏକ ତରଳ ପଦାର୍ଥ ପିଆଇବାକୁ ଚେଷ୍ଟା କରିବା ସହ ବ୍ଲେଡରେ ଆକ୍ରମଣମଧ୍ୟ କରିଥିଲେ। 

ବେତଡ଼ା ବଜାର ଗହଣା ଦୋକାନରୁ ଲକ୍ଷାଧିକ ଟଙ୍କାର ଅଳଙ୍କାର ଚୋରି

ବେତଡ଼ା ବଜାର ଗହଣା ଦୋକାନରୁ ଲକ୍ଷାଧିକ ଟଙ୍କାର ଅଳଙ୍କାର ଚୋରି

ବାସୁଦେବପୁର, ୧୯।୧(ଡି.ଏନ୍‌.ଏ.): ଭଦ୍ରକ ଜିଲା ବାସୁଦେବପୁର ଥାନା ଅଧୀନ ବେତଡ଼ା ବଜାରରେ ଥିବା ଗୋଦାବରୀ ଜୁଏଲର୍ସ ଦୋକାନରୁ ଶୁକ୍ରବାର ବିଳମ୍ବିତ ରାତିରେ ଚୋରି ହୋଇଛି। ଦୁର୍ବୃତ୍ତମାନେ ଦୋକନ କାନ୍ଥକୁ ତାଡ଼ି ଭିତରେ ପଶି ପ୍ରାୟ ୨ ଲକ୍ଷରୁ ଊର୍ଦ୍ଧ୍ୱ ଟଙ୍କାର ଅଳଙ୍କାର ଚୋରିକରି ନେଇଛନ୍ତି। 

୩୦ରୁ ‘ସ୍ପର୍ଶ ଅଭିଯାନ’  ଗ୍ରାମସଭାରେ କରାଯିବ ଜନଜାଗରଣ

୩୦ରୁ ‘ସ୍ପର୍ଶ ଅଭିଯାନ’ ଗ୍ରାମସଭାରେ କରାଯିବ ଜନଜାଗରଣ

ବାଲେଶ୍ୱର ଅଫିସ, ୧୯।୧-କୁଷ୍ଠରୋଗ ଚିହ୍ନଟୀକରଣ ଏବଂ ଭ୍ରାନ୍ତ ଧାରଣା ହ୍ରାସ ଉପରେ ଗୁରୁତ୍ୱାରୋପ କରି ଶୁକ୍ରବାର ଅପରାହ୍ନରେ ବାଲେଶ୍ୱର ଜିଲାପାଳଙ୍କ ଆବାସିକ କାର୍ଯ୍ୟାଳୟରେ ଜିଲାପାଳ ରମେଶ ଚନ୍ଦ୍ର ରାଉତଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଯାଇଛି। 

ମତ୍ସ୍ୟ ଚାଷୀଙ୍କୁ ଋଣ ଯୋଗାଇବା ଉପରେ ଗୁରୁତ୍ୱ

ମତ୍ସ୍ୟ ଚାଷୀଙ୍କୁ ଋଣ ଯୋଗାଇବା ଉପରେ ଗୁରୁତ୍ୱ

ବାଲେଶ୍ୱର ଅଫିସ, ୧୯।୧-ବାଲେଶ୍ୱର ଜିଲାପାଳଙ୍କ ଆବାସିକ କାର୍ଯ୍ୟାଳୟରେ ଜିଲାପାଳ ରମେଶ ଚନ୍ଦ୍ର ରାଉତଙ୍କ ଅଧ୍ୟକ୍ଷତାରେ ୨୧ତମ ଜିଲାସ୍ତରୀୟ ଉପକୂଳ ଜଳକୃଷି ପ୍ରାଧିକରଣ ବୈଠକ ଶୁକ୍ରବାର ଅନୁଷ୍ଠିତ ହୋଇଛି। 

ସରିଲା କବିତା ଦରବାର

ସରିଲା କବିତା ଦରବାର

ରୂପ୍‌ସା, ୧୯।୧(ଡି.ଏନ.ଏ.)-ବାଲେଶ୍ୱର ଜିଲା ସିଂଲା ଥାନା ବଂଶୀଧର ପାଠାଗାର ଓ ପଠନ କେନ୍ଦ୍ର ଆନୁକୂଲ୍ୟରେ ଅନୁଷ୍ଠିତ କବିତା ଦରବାର ଉଦ୍‌ଯାପିତ ହୋଇଯାଇଛି। ପ୍ରାକ୍ତନ ପ୍ରାଧ୍ୟାପକ ଯତୀନ୍ଦ୍ରନାଥ ପରିଡ଼ା ଉତ୍ସବକୁ ଉଦ୍‌ଘାଟନ କରିଥିଲେ।