ବାଣିଜ୍ୟ |

୫ ଲକ୍ଷ ଅତି ଧନୀ ବ୍ୟକ୍ତିଙ୍କୁ ଆୟକର ବିଭାଗର ନୋଟିସ୍‌

୫ ଲକ୍ଷ ଅତି ଧନୀ ବ୍ୟକ୍ତିଙ୍କୁ ଆୟକର ବିଭାଗର ନୋଟିସ୍‌
ନୂଆଦିଲ୍ଲୀ, ୧୮-୧୨(ପି.ଟି.) ଦେଶରେ ପ୍ରାୟ ୪ରୁ ୫ ଲକ୍ଷ ଅତି ଧନୀକ ଶ୍ରେଣୀର ବ୍ୟକ୍ତିଙ୍କୁ ଆୟକର ବିଭାଗ ନୋଟିସ୍‌ ଜାରି କରିଛି। ଏହି ବ୍ୟକ୍ତିମାନେ ବିଟ୍‌ କଏନ୍‌ ଭଳି ବେଆଇନ୍‌ ଭର୍ଚୁଆଲ୍‌ କରେନ୍ସିରେ ନିବେଶ ଏବଂ କାରବାର କରୁଥିବାରୁ ସେମାନଙ୍କ ପାଖକୁ ଆୟକର ବିଭାଗ ନୋଟିସ୍‌ ଜାରି କରିଛି ବୋଲି ଜଣେ ବରିଷ୍ଠ ଅଧିକାରୀ କହିଛନ୍ତି। ଗତ ସପ୍ତାହରେ ଆୟକର ବିଭାଗ ଦେଶର ବିଭିନ୍ନ ସ୍ଥାନରେ ତଦନ୍ତ କରିବା ସହ ୯ଟି ଏଭଳି ଘଟଣା ସମ୍ପର୍କରେ ସୁରାକ ପାଇଛି। ଏହି ସଂସ୍ଥାଗୁଡିକ ବିଟ୍‌ କଏନ୍‌ରେ ନିବେଶ କରି ଟିକସ ଫାଙ୍କୁଥିବା ନେଇ ଆୟକର ବିଭାଗ ସନ୍ଦେହ ପ୍ରକଟ କରିଛି ବୋଲି ଅଧିକାରୀ ଜଣକ କହିଛନ୍ତି। ଦେଶରେ ପାଖାପାଖି ୨୦ ଲକ୍ଷ ସଂସ୍ଥା ବିଟ୍‌ କଏନ୍‌ କାରବାରରେ ପଞ୍ଜୀକୃତ ହୋଇଥିବା ବେଳେ ସେଥି ମଧ୍ୟରୁ ୪ ରୁ ୫ ଲକ୍ଷ ସଂସ୍ଥା ନିବେଶ ଓ କାରବାରେ ଜଡିତ ଅଛନ୍ତି। ବାଙ୍ଗାଲୋର ସ୍ଥିତ ଆୟକର ବିଭାଗର ତଦନ୍ତ ଶାଖା ଏହି ସର୍ଭେ କରିଥିବା ବେଳେ ହାସଲ କରିଥିବା ତଥ୍ୟକୁ ଦେଶର ଅନ୍ୟ ୮ଟି ଶାଖାକୁ ଅଧିକ ତଦନ୍ତ ପାଇଁ ପଠାଇଛି। ଯେଉଁ ବ୍ୟକ୍ତି ଏବଂ ସଂସ୍ଥାଗୁଡିକର ତଥ୍ୟ ଆୟକର ବିଭାଗ ସଂଗ୍ରହ କରିଛି ସେମାନେ ଟିକସ ଫାଙ୍କୁଛନ୍ତି କି ନାହିଁ ତାହା ତଦନ୍ତ କରାଯିବ। ଉକ୍ତ ସଂସ୍ଥାଗୁଡିକ ବିଟ୍‌ କଏନ୍‌ ନିବେଶ ଏବଂ କାରବାର କରି ଯେଉଁ ପୁଞ୍ଜି ହାସଲ କରିଛନ୍ତି ତା’ ଉପରେ ଟିକସ ପୈଠ କରିବା ପାଇଁ ସେମାନଙ୍କୁ ନୋଟିସ୍‌ ଜାରି କରାଯାଇଛି। ସେହିପରି ଉକ୍ତ ୪ ରୁ ୫ ଲକ୍ଷ ଅତି ଧନୀକ ଶ୍ରେଣୀର ବ୍ୟକ୍ତି ଏବଂ ସେମାନଙ୍କ ବ୍ୟବସାୟ ସଂସ୍ଥା ସମ୍ପର୍କରେ ବିଭିନ୍ନ ଆର୍ଥିକ କାରବାର ସଂକ୍ରାନ୍ତୀୟ ତଥ୍ୟ ମଗାଯାଇଛି। ଯେହେତୁ ବର୍ତ୍ତମାନ ସୁଦ୍ଧା ଭାରତରେ ବିଟ୍‌ କଏନ୍‌ କାରବାର ଓ ନିବେଶକୁ ବୈଧ ଏବଂ ଆଇନ୍‌ସମ୍ମତ କରାଯାଇ ନାହିଁ ସେହି କାରଣରୁ ଆୟକର ବିଭାଗ ଏଭଳି ପଦକ୍ଷେପ ଗ୍ରହଣ କିରିଛି ବୋଲି ଅଧିକାରୀ ଜଣକ କହିଛନ୍ତି। ଆୟକର ଅଧିନିୟମ ୧୩୩-ଏ ଅନୁସାରେ ଏହି ସର୍ଭେ କରାଯାଇ ସଂସ୍ଥାଗୁଡିକ ବାବଦରେ ତଥ୍ୟ ସଂଗ୍ରହ କରାଯାଇଛି। ଉକ୍ତ ସଂସ୍ଥାଗୁଡିକ କାହା ସହିତ କାରବାର କରିଛନ୍ତି, କେଉଁ ବ୍ୟାଙ୍କ ଆକାଉଣ୍ଟ ଏଥିରେ ବ୍ୟବହାର କରାଯାଇଛି ଏବଂ ଅନ୍ୟାନ୍ୟ ଆର୍ଥିକ ନଥିପତ୍ର ସଂଗ୍ରହ କରାଯାଇଛି। ଅନ୍ୟପକ୍ଷରେ ବିମୁଦ୍ରୀକରଣ ପରେ ଏହି ବିଟ୍‌ କଏନ୍‌ ବ୍ୟବସାୟ ମାଧ୍ୟମରେ କଳାଧନକୁ ଧଳା କରିବା ପାଇଁ ପ୍ରୟାସ କରାଯାଇଛି କି ନାହିଁ ତାହାକୁ ମଧ୍ୟ ଆୟକର ବିଭାଗ ନଜରରେ ରଖିଛି। ସୂଚନାଯୋଗ୍ୟ ଭାରତରେ ଏ ପର୍ଯ୍ୟନ୍ତ ଏଭଳି ଭର୍ଚୁଆଲ୍‌ କରେନ୍ସିକୁ ଏକ ଲିଗାଲ୍‌ ଟେଣ୍ଡର ଭାବେ ଆଇନ୍‌ଗତ ସ୍ବୀକୃତି ପ୍ରଦାନ କରାଯାଇ ନାହିଁ। ଭାରତୀୟ ରିଜର୍ଭ ବ୍ୟାଙ୍କ ବିଟ୍‌ କଏନ୍‌ ବ୍ୟବହାରକାରୀ, ବ୍ୟବସାୟୀଙ୍କ ଉଦ୍ଦେଶ୍ୟରେ ସତର୍କତା ଜାରି କରିଛି। ସେହିପରି ଚଳିତ ବର୍ଷ ମାର୍ଚ୍ଚ ମାସରେ ଅର୍ଥ ମନ୍ତ୍ରଣାଳୟ ଏକ ଆନ୍ତଃ ମନ୍ତ୍ରୀସ୍ତରୀୟ ସୃଙ୍ଖଳା କମିଟି ଗଠନ କରି ବିଟ୍‌ କଏନ୍‌ର ସ୍ଥିତି ସମ୍ପର୍କରେ ଆଲୋଚନା କରିଥିଲେ। ଏହି କମିଟି ଏହାର ରିପୋର୍ଟ ମଧ୍ୟ ଦାଖଲ କରିଛି।
All Right Reserved By

ବାଣିଜ୍ୟ |

ୟୁକେ ହାଇକୋର୍ଟରେ ଆବେଦନ କଲା ସୁଇସ୍‌ ବ୍ୟାଙ୍କ;ଲଣ୍ଡନରେ ବାସହୀନ ହେବେ ମାଲ୍ୟା

ୟୁକେ ହାଇକୋର୍ଟରେ ଆବେଦନ କଲା ସୁଇସ୍‌ ବ୍ୟାଙ୍କ;ଲଣ୍ଡନରେ ବାସହୀନ ହେବେ ମାଲ୍ୟା

ନୂଆଦିଲ୍ଲୀ,୨୨-୧୦: ଭାରତୀୟ ବ୍ୟାଙ୍କରୁ ଋଣ ନେଇ ଫେରାର ହେବା ପରେ ଲଣ୍ଡନରେ ମଉଜ କରୁଥିବା ମଦ ବ୍ୟବସାୟୀ ବିଜୟ ମାଲ୍ୟା ବାସହୀନ ହେବାକୁ ଯାଉଛନ୍ତି। ମା’, ପୁଅ ସହ ଲଣ୍ଡନର ରିଜେଣ୍ଟ ପାର୍କସ୍ଥିତ ବିଳାସପୂର୍ଣ୍ଣ  ମାନସନ୍‌ରେ ମାଲ୍ୟା ରହୁଥିଲେ। ଏହାକୁ ଖାଲି କରିବା ତଥା ଦଖଲକୁ ନେବା ଉଦ୍ଦେଶ୍ୟରେ ସୁଇସ୍‌ ବ୍ୟାଙ୍କ ୟୁବିଏସ୍‌ ଏଜି ପକ୍ଷରୁ ୟୁକେ ହାଇକୋର୍ଟରେ ଆବେଦନ କରାଯାଇଛି।

ଆଇଡିବିଆଇର ୬୦୦ କୋଟିର ଦୁର୍ନୀତି;ଅଭିଯୁକ୍ତଙ୍କ ଲାଗି ସିବିଆଇ ବଦଳାଇଥିଲା ଲୁକ୍‌ଆଉଟ ସର୍କୁଲାର

ଆଇଡିବିଆଇର ୬୦୦ କୋଟିର ଦୁର୍ନୀତି;ଅଭିଯୁକ୍ତଙ୍କ ଲାଗି ସିବିଆଇ ବଦଳାଇଥିଲା ଲୁକ୍‌ଆଉଟ ସର୍କୁଲାର

ନୂଆଦିଲ୍ଲୀ,୨୨-୧୦: ଆଇଡିବିଆଇ ବ୍ୟାଙ୍କରୁ ୬୦୦ କୋଟି ଟଙ୍କାର ଋଣ ନେଇ ଖିଲାପ କରିଥିବା ଏୟାରସେଲ୍‌ର ପୂର୍ବତନ ପ୍ରମୋଟର ସି.ଶିବଶଙ୍କରନ୍‌ଙ୍କୁ ବିଦେଶ ଯିବାରେ ସହାୟତା କରିବା ଉଦ୍ଦେଶ୍ୟରେ ସିବିଆଇ ଲୁକ୍‌ଆଉଟ ସର୍କୁଲାର ବଦଳାଇଥିଲା ବୋଲି ଜଣାପଡିଛି। 

ଜିଏସ୍‌ଟି ରିଟର୍ନ ଦାଖଲ କରିବା ସମୟସୀମା ବୃଦ୍ଧି

ଜିଏସ୍‌ଟି ରିଟର୍ନ ଦାଖଲ କରିବା ସମୟସୀମା ବୃଦ୍ଧି

ନୂଆଦିଲ୍ଲୀ,୨୨-୧୦: କେନ୍ଦ୍ର ଅର୍ଥ ମନ୍ତ୍ରଣାଳୟ ସେପ୍ଟେମ୍ବର ମାସ ପାଇଁ ଜିଏସ୍‌ଟିଆର-୩ବି ବିକ୍ରି ରିଟର୍ନ ଦାଖଲ କରିବାର ସମୟସୀମାକୁ ଅକ୍ଟୋବର ୨୫ ଯାଏ  ବୃଦ୍ଧି କରିଛନ୍ତି। ଫଳରେ ବ୍ୟବସାୟୀଙ୍କୁ ରିଟର୍ନ ଦାଖଲ କରିବାକୁ ଆହୁରି ୫ ଦିନ ସମୟ ମିଳିଯାଇଛି। ଏଥିସହିତ ୨୦୧୭ ଜୁଲାଇରୁ ଚଳିତ ବର୍ଷ ମାର୍ଚ୍ଚ ପର୍ଯ୍ୟନ୍ତ ଇନପୁଟ୍‌ ଟ୍ୟାକ୍ସ କ୍ରେଡିଟ(ଆଇଟିସି) ଦାବି ସମୟସୀମାକୁ ଅକ୍ଟୋବର ୨୫ ପର୍ଯ୍ୟନ୍ତ ବଢ଼ାଇ ଦିଆଯାଇଛି। 

ପୁଞ୍ଜିବଜାରରୁ ମୁହଁ ମୋଡ଼ୁଛନ୍ତି ବିଦେଶୀ ନିବେଶକ

ପୁଞ୍ଜିବଜାରରୁ ମୁହଁ ମୋଡ଼ୁଛନ୍ତି ବିଦେଶୀ ନିବେଶକ

ନୂଆଦିଲ୍ଲୀ,୨୨-୧୦: ଚଳିତବର୍ଷ ବିଦେଶୀ ନିବେଶକ ଭାରତୀୟ ପୁଞ୍ଜି ବଜାରରେ ନିବେଶ କରିଛନ୍ତି କମ୍‌, ଉଠାଇ ନେଇଛନ୍ତି ଅଧିକ। ଚଳିତ ମାସର ପ୍ରଥମ ୩ ସପ୍ତାହରେ ସେମାନେ ପ୍ରାୟ ୩୨ ହଜାର କୋଟି ଟଙ୍କାର ପୁଞ୍ଜି ପ୍ରତ୍ୟାହାର କରିଛନ୍ତି। ଏହାକୁ ମିଶାଇଲେ ସେମାନେ ଚଳିତବର୍ଷ ଆରମ୍ଭରୁ ଆଜିଯାଏ ପ୍ରାୟ ୯୩ ହଜାର କୋଟି ଟଙ୍କା ପ୍ରତ୍ୟାହାର କରିସାରିଲେଣି।

୪ର୍ଥ ଦିନ ଲାଗି ତେଲ ଦର କମିଲା

୪ର୍ଥ ଦିନ ଲାଗି ତେଲ ଦର କମିଲା

ନୂଆଦିଲ୍ଲୀ,୨୨-୧୦: ରବିବାର ଚତୁର୍ଥ ଦିନ ଲାଗି ପେଟ୍ରୋଲ ଓ ଡିଜେଲ ଦର ହ୍ରାସ ପାଇଛି। ଦୁଇ ମାସ ଧରି କ୍ରମାଗତ ଦର ବୃଦ୍ଧି ପରେ ଖାଉଟି ସାମାନ୍ୟ ଆଶ୍ୱସ୍ତ ହୋଇଛନ୍ତି। ରବିବାର ପେଟ୍ରୋଲ ଲିଟର ପିଛା ୨୫ ପଇସା ଏବଂ ଡିଜେଲ ଲିଟର ପିଛା ୧୭ ପଇସା ହ୍ରାସ ପାଇଛି ବୋଲି ତୈଳ ବିପଣନ କମ୍ପାନୀ ପକ୍ଷରୁ ପ୍ରକାଶ କରାଯାଇଛି। 

ଟଙ୍କା ମୂଲ୍ୟ ହ୍ରାସ, ଏନ୍‌ପିଏ ଚିନ୍ତାର ବିଷୟ: ଜଲାନ

ଟଙ୍କା ମୂଲ୍ୟ ହ୍ରାସ, ଏନ୍‌ପିଏ ଚିନ୍ତାର ବିଷୟ: ଜଲାନ

ନୂଆଦିଲ୍ଲୀ,୨୨-୧୦: ଅନାଦାୟ ଋଣ(ଏନ୍‌ପିଏ)ପରିମାଣ ବୃଦ୍ଧି ସହିତ ଟଙ୍କାର ମୂଲ୍ୟ ହ୍ରାସକୁ ନେଇ ରିଜର୍ଭ ବ୍ୟାଙ୍କର ପୂର୍ବତନ ଗଭର୍ନର ବିମଳ ଜାଲାନ ଚିନ୍ତାବ୍ୟକ୍ତ କରିଛନ୍ତି। ଏଥିସହିତ ଦେଶ ଏବେ କୁଶାସନ, କେତେକ ରାଜ୍ୟରେ ଅଣ-ଧର୍ମନିରପେକ୍ଷ ତଥା ଅନ୍ୟାନ୍ୟ ସମସ୍ୟାକୁ ନେଇ ବିରୋଧ ଜାରି ରହିବା ଦେଶ ପକ୍ଷରେ ହିତକର ନୁହେଁ ବୋଲି ସେ ଚେତାଇ ଦେଇଛନ୍ତି। 

ବିଶ୍ୱ ସ୍ବାସ୍ଥ୍ୟ ସଂଗଠନରେ ସାମିଲ ହେଲେ ଆୟୁଷ ପ୍ରତିନିଧି

ବିଶ୍ୱ ସ୍ବାସ୍ଥ୍ୟ ସଂଗଠନରେ ସାମିଲ ହେଲେ ଆୟୁଷ ପ୍ରତିନିଧି

ନୂଆଦିଲ୍ଲୀ,୨୨-୧୦: ଦୀର୍ଘଦିନ ପରେ ବିଶ୍ୱ ସ୍ବାସ୍ଥ୍ୟ ସଂଗଠନ(ଡବ୍ଲ୍ୟୁଏଚ୍‌ଓ)ରେ ଆୟୁଷ ମନ୍ତ୍ରଣାଳୟର ପ୍ରତିନିଧିଙ୍କୁ ସାମିଲ କରାଯାଇଛି। କେନ୍ଦ୍ର ରାଷ୍ଟ୍ରମନ୍ତ୍ରୀ ଶ୍ରୀପଦ ନାଏକ ଏ ସମ୍ପର୍କରେ ସୂଚନା ଦେଇଛନ୍ତି। ଏଥିସହ ସେ କହିଛନ୍ତି ଯେ, ଯୋଗ ଏବଂ ନେଚ୍‌ରୋପାଥିକୁ ସାରା ଦେଶରେ ବିସ୍ତାର କରାଯିବା ଲକ୍ଷ୍ୟରେ ଇନଷ୍ଟିଚ୍ୟୁଟ୍‌ ପ୍ରତିଷ୍ଠା କରାଯିବ। 

ଆର୍‌ବିଆଇ ୧୬.୩ ବିଲିୟନ ଡଲାର ୟୁଏସ ବଣ୍ଡ୍‌ ବିକିଛି

ଆର୍‌ବିଆଇ ୧୬.୩ ବିଲିୟନ ଡଲାର ୟୁଏସ ବଣ୍ଡ୍‌ ବିକିଛି

ମୁମ୍ବାଇ,୨୨-୧୦: ଅନ୍ୟ ବିକାଶଶୀଳର ଦେଶ ସହିତ ତାଳ ଦେଇ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ଗତ ଏପ୍ରିଲରୁ ଆଜିସୁଦ୍ଧା ୧୬.୩ ବିଲିୟନ ଡଲାର ୟୁଏସ୍‌ ଟ୍ରେଜେରୀ ବଣ୍ଡ୍‌ ବିକ୍ରି କରିଛି। ଏପ୍ରିଲରେ ବଣ୍ଡ୍‌ ମୂଲ୍ୟ ୧୫୭ ଡଲାର ଥିବା ବେଳେ ଅଗଷ୍ଟ ମାସରେ ଏହା ୧୪୦  ଡଲାରକୁ ହ୍ରାସ ପାଇଛି।

ଗୋଟିଏ ମଞ୍ଚରେ ମୁକେଶ ଅମ୍ବାନୀ, ସୁନୀଲ ମିତ୍ତଲ

ଗୋଟିଏ ମଞ୍ଚରେ ମୁକେଶ ଅମ୍ବାନୀ, ସୁନୀଲ ମିତ୍ତଲ

ନୂଆଦିଲ୍ଲୀ,୨୨-୧୦: ଟେଲିକମ ଉଦ୍ୟୋଗରେ ଦେଖାଦେଇଥିବା ସଙ୍କଟର ସମାଧାନ ପନ୍ଥା ବାହାର କରିବା ଉଦ୍ଦେଶ୍ୟରେ ଆସନ୍ତା ୨୫ରୁ ୨୭ ତାରିଖ ଯାଏ ଇଣ୍ଡିଆ ମୋବାଇଲ କଂଗ୍ରେସ ଆୟୋଜିତ ହେବାକୁ ଯାଉଛି। ଏହି ବୈଠକରେ ଦୁଇ ପ୍ରତିଦ୍ୱନ୍ଦ୍ୱି ରିଲାଏନ୍ସ ଜିଓ ମୁଖ୍ୟ ମୁକେଶ ଅମ୍ବାନୀ ଓ ଏୟାରଟେଲ ମୁଖ୍ୟ ସୁନୀଲ ଭାରତୀ ମିତ୍ତଲ ଉଦ୍‌ବୋଧନୀ ଅଧିବେଶନରେ ଗୋଟିଏ ମଞ୍ଚରେ ଉପସ୍ଥିତ ରହିବେ।

ଆଜି ନୀତି ଆୟୋଗ ଲେକ୍‌ଚର କାର୍ଯ୍ୟକ୍ରମରେ ଯୋଗ ଦେବେ ପ୍ରଧାନମନ୍ତ୍ରୀ

ଆଜି ନୀତି ଆୟୋଗ ଲେକ୍‌ଚର କାର୍ଯ୍ୟକ୍ରମରେ ଯୋଗ ଦେବେ ପ୍ରଧାନମନ୍ତ୍ରୀ

ନୂଆଦିଲ୍ଲୀ,୨୨-୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ନୀତି ଆୟୋଗ ଲେକ୍‌ଚର ସିରିଜର ୪ର୍ଥ ସଂସ୍କରଣ କାର୍ଯ୍ୟକ୍ରମରେ ଯୋଗ ଦେବେ। ସମୂହ ଅଭିବୃଦ୍ଧିରେ କୃତିମ ବୁଦ୍ଧିମତ୍ତା(ଆର୍ଟିଫିସିଆଲ ଇଣ୍ଟେଲିଜେନ୍ସ)ର ଉପଯୋଗିତା ଉପରେ ଏହି କାର୍ଯ୍ୟକ୍ରମରେ ବିଶେଷଜ୍ଞମାନେ ନିଜର ମତାମତ ଦେବେ। 

କୋଶ ପକ୍ଷରୁ ରୁଟି ଦାନ ଅଭିଯାନ

କୋଶ ପକ୍ଷରୁ ରୁଟି ଦାନ ଅଭିଯାନ

ଭୁବନେଶ୍ୱର,୨୧-୧୦: ବିଗ୍‌ବଜାରର ମିଳିତ ଆନୁକୁଲ୍ୟରେ କୋଶ୍‌ ଓଟ୍ସ ପକ୍ଷରୁ ରୁଟି ଦାନ ଅଭିଯାନ ସମ୍ପର୍କରେ ଘୋଷଣା କରାଯାଇଛି। ଅକ୍ଟୋବର ୧୬ରୁ ୨୨ ଯାଏ ଏହି ଅଭିଯାନ ଚାଲିବ। 

ଗୁଗନାନୀ ଅଟୋକାର ଶୋ’ରୁମ ଶୁଭାରମ୍ଭ

ଗୁଗନାନୀ ଅଟୋକାର ଶୋ’ରୁମ ଶୁଭାରମ୍ଭ

ଭୁବନେଶ୍ୱର,୨୧-୧୦: ଟାଟା ମୋଟର୍ସର ନୂଆ ପାସେଞ୍ଜର କାର୍‌ ଡିଲର ଗୁଗନାନୀ ଅଟୋକାର ଶୋ’ରୁମ ଶୁଭାରମ୍ଭ ହୋଇଛି। କଟକର ପ୍ରତାପନଗରୀ ଜାତୀୟ ରାଜପଥ ପାର୍ଶ୍ୱରେ ୫ ହଜାର ବର୍ଗଫୁଟ ସ୍ଥାନରେ ଏହି ନୂଆ ଶୋ’ରୁମ ଖୋଲିଛି।