ମେଟ୍ରୋ |

କମିଶନରେଟ ପୋଲିସ ଇଲାକାରେ ଆଡ୍ଡା: ଅପମିଶ୍ରଣ, ନକଲି ପ୍ରସ୍ତୁତକାରୀଙ୍କୁ ସହଯୋଗ

କମିଶନରେଟ ପୋଲିସ ଇଲାକାରେ ଆଡ୍ଡା: ଅପମିଶ୍ରଣ, ନକଲି ପ୍ରସ୍ତୁତକାରୀଙ୍କୁ ସହଯୋଗ

-ଧରାପଡ଼ୁନାହାନ୍ତି ମାଷ୍ଟର ମାଇଣ୍ଡ୍‌
-ଶ୍ରମିକଙ୍କୁ ଧରି ଚୁପ୍‌ ବସୁଛି ପୋଲିସ
-ନିଜ ଆଡୁ ହେଉନି ଖୋଳତାଡ଼
ଭୁବନେଶ୍ୱର,୧୮।୧୨(ବ୍ୟୁରୋ)- ଏବେ ରାଜଧାନୀ ବଜାରରେ ବିକ୍ରି ହେଉଛି ବିଭିନ୍ନ ଅପମିଶ୍ରଣ ଓ ନକଲି ସାମଗ୍ରୀ। ଖୋଦ୍‌ କମିଶନରେଟ ପୋଲିସ ଇଲାକାରେ ଚାଲୁଛି ଏସବୁ ସାମଗ୍ରୀର ପ୍ରସ୍ତୁତି। ଏହିଠାରୁ ହିଁ ରାଜ୍ୟର ଅନ୍ୟ ଅଞ୍ଚଳକୁ ପଠାଯାଉଛି। ପୋଲିସର ନିରବତା ପରୋକ୍ଷ ସହଯୋଗ ଦେଉଥିବାରୁ ଦିନକୁ ଦିନ ଏଠାରେ ନକଲି କାରଖାନା ଗଢ଼ି ଉଠୁଛି। ମାଫିଆମାନେ ଯୋଜନାବଦ୍ଧ ଭାବେ ଏସବୁ କାରବାର କରୁଛନ୍ତି। ନଜର ଏଡାଇବା ଠାରୁ ଆରମ୍ଭ କରି ସୁରକ୍ଷା କ୍ଷେତ୍ରରେ ସ୍ଥାନୀୟ ପୋଲିସ କର୍ମଚାରୀଙ୍କ ସହ ଭିତିରି ସମ୍ପର୍କ ରଖୁଛନ୍ତି। ଅଭିଯୋଗ ପରେ ପୋଲିସ ଚଢ଼ାଉ ପ୍ରହସନ କରୁଛି। ଏଥିରେ ନିୟୋଜିତ ଶ୍ରମିକଙ୍କୁ ଧରି ବାହାବାଃ ନେବା ବ୍ୟତୀତ ଏଯାଏ କୌଣସି ଘଟଣାର ମାଷ୍ଟରମାଇଣ୍ଡ୍‌ଙ୍କୁ ଗିରଫ କରିନି। ନକଲି ଘିଅ, ଜର୍ଦ୍ଦା ପାନ ମସଲା, ନକଲି ଗୁଟ୍‌ଖା ଓ ଇଞ୍ଜିନ୍‌ ଅଏଲ ତିଆରି କାରଖାନା ଉପରେ ପୋଲିସ ଚଢ଼ାଉ ଘଟଣାରୁ ଏହା ସ୍ପଷ୍ଟ ବାରି ହୋଇପଡୁଛି। ଏପରିକି ପୋଲିସର ପରୋକ୍ଷ ସହଯୋଗରେ ଏସବୁ ବେଆଇନ କାରବାର ଚାଲିଥିବା ଅଭିଯୋଗ ଉଠୁଛି। ଏବେବି ରାଜଧାନୀ ଉପକଣ୍ଠ ଓ ବସ୍ତି ଅଞ୍ଚଳରେ ବହୁ ସ୍ଥାନରେ ମେଶିନ ବସାଇ ନକଲି ସାମଗ୍ରୀ ତିଆରି ଚାଲିଛି। ବିଶେଷକରି କରି ଅପମିଶ୍ରିତ ଲଙ୍କା ଗୁଣ୍ଡ, ହଳଦୀ ଓ ବିଭିନ୍ନ ମସଲା ନାମୀଦାମୀ କମ୍ପାନୀ ପ୍ୟାକେଟରେ ବଜାରକୁ ଛଡ଼ାଯାଉଛି। ଗ୍ରାହକମାନେ ଶସ୍ତାରେ କିଣି ଘରକୁ ରୋଗ ନେଉଛନ୍ତି। ସେହିପରି ବଜାରରେ ବିକ୍ରି ହେଉଥିବା ବିଭିନ୍ନ ଦାମୀ କମ୍ପାନୀର ଲୋଗୋଥିବା ଖାଦ୍ୟ ସାମଗ୍ରୀ ମଧ୍ୟ ନକଲି ବୋଲି ଅଭିଯୋଗ ହେଉଛି। ତେବେ ପୋଲିସ ଏସବୁର ପ୍ରସ୍ତୁତି ସ୍ଥାନ ଓ କାରବାରକୁ ଅଧିକ ନଜର ଦେଉନି। ସବୁଠୁ ବଡ଼କଥା ହେଲା, ପୋଲିସ ଜାଣିଥିଲେ ମଧ୍ୟ ଏହିସବୁ ନକଲି ସାମଗ୍ରୀ ପ୍ରସ୍ତୁତକାରୀ ସଂସ୍ଥା ଉପରେ ପଦକ୍ଷେପ ନେବାକୁ ସେତେଟା ଆଗଭର ହେଉନି। ଏହି ର଼୍ୟାକେଟ ପଛରେ ପ୍ରଭାବଶାଳୀ, ଅସାମାଜିକଙ୍କ ସମ୍ପୃକ୍ତି ରହୁଥିବାରୁ ଭୟ କରୁଥିବା କୁହାଯାଉଛି। ନାଲିଆଖି ଆଗରେ ପୋଲିସ ହାତଗୁଞ୍ଜା ନେଇ ଚୁପ୍‌ ବସିବାକୁ ଉଚିତ୍‌ ମଣୁଛି। ଅଭିଯୋଗ ହେଲେ ଚଢ଼ାଉ କରୁଛି, ହେଲେ ଏହାପୂର୍ବରୁ ସୂଚନା ପାଇ ମୁଖ୍ୟ କାର୍ପଟଦାର ଖସି ଯାଉଛନ୍ତି। କିଛିଦିନ ବନ୍ଦ ପରେ ପୁଣି ରାଜଧାନୀରେ ନକଲି ପେଡି ଖୋଲନ୍ତି ବୋଲି ବିଶେଷ ସୂତ୍ରରୁ ଜଣାପଡିଛି। ୨୦୧୫ରେ ଖାରବେଳନଗର ଥାନା ପୋଲିସ ମାଲିସାହି ନିକଟରେ ଚଢଉ କରି ନକଲି ଗୁଟୁଖା ପ୍ରସ୍ତୁତ କାରଖାନା ଠାବ କରିଥିଲା। ପୋଲିସ ସେଠାରୁ ୫ଜଣ ଶ୍ରିମକଙ୍କୁ ଗିରଫ କରି କୋର୍ଟଚାଲାଣ କରିଥିଲା। ଏଥିସହ ଏଥିରେ ବ୍ୟବହୃତ ମେଶିନକୁ ମଧ୍ୟ ଜବତ କରିଥିଲା। ହେଲେ ପୋଲିସ ଏଯାଏ ଏହି ରାକେଟ୍‌ ଚଳାଉଥିବା ମାଷ୍ଟରମାଇଣ୍ଡ୍‌କୁ ଧରିପାରିନି। ଫଳରେ ସେମାନେ ରାଜଧାନୀର ବିଭିନ୍ନ ସ୍ଥାନରେ ନକଲି କାରଖାନା ଚଳାଉଥିବା ଚର୍ଚ୍ଚା ହେଉଛି। ୨୦୧୬ରେ ଲକ୍ଷ୍ମୀସାଗର ତଳସାହିରେ ପୋଲିସ ଚଢଉ କରି ନକଲି ଜର୍ଦ୍ଦା କାରଖାନାକୁ ଠାବ କରିବା ସହ ୩ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। ହେଲେ ଏହି ରାକେଟର ମାଷ୍ଟରମାଇଣ୍ଡକୁ ପୋଲିସ ଗିରଫ କଲାନାହିଁ। ୨୦୧୭ ନଭେମ୍ବରରେ ଳକ୍ଷ୍ମୀସାଗର ଥାନା ପୋଲିସ ପୁରୁଣାଷ୍ଟେଶନ ନିକଟରେ ଚଢଉ କରି ନକଲି ଘିଅ ପ୍ରସ୍ତୁତ କରାଖାନା ଠାବ କରିଥିଲା। ନିୟୋଜିତ ୩ଜଣ ଶ୍ରମିକଙ୍କୁ ପୋଲିସ ଗିରଫ କରିଥିଲା। ସେହିଭଳି ଗତ ଦୁଇଦିନ ତଳେ ମଞ୍ଚେଶ୍ୱର ସମେଇଗାଡିଆ ଅଞ୍ଚଳରେ କମିଶନରେଟ ପୋଲିସର କୁଇକ୍‌ ଆକ୍ସନ ଟିମ୍‌ (କ୍ୟୁଏଟି) ଏକ ନକଲି ଇଞ୍ଜିନ୍‌ ଅଏଲ ପ୍ରସ୍ତୁତ କାରଖାନାକୁ ଠାବ କରିବା ସହ ବିପୁଳ ନକଲି ଇଞ୍ଜିନ୍‌ ଅଏଲ, ବିଭିନ୍ନ କମ୍ପାନୀର ଷ୍ଟିକର ଓ କିଛି କଞ୍ଚାମାଲକୁ ପୋଲିସ ଜବତ କରିଥିଲା। ଏଥିରେ ସମ୍ପୃକ୍ତ ବାବାଜୀ ନାମକ ଜଣେ ବ୍ୟକ୍ତିକୁ ପୋଲିସ ଗିରଫ କରିଥିଲା। ହେଲେ ଏହି ର଼୍ୟାକେଟ ପଛରେ କିଏ ରହିଛନ୍ତି ତାହା ଖୋଜିବାକୁ ପୋଲିସ ଚେଷ୍ଟା କରୁନି। ଫଳରେ ରାଜଧାନୀ ଦିନକୁ ଦିନ ନକଲି ସାମଗ୍ରୀ ପ୍ରସ୍ତୁତକାରୀଙ୍କ ଆଡ୍ଡାସ୍ଥଳ ପାଲଟିବାରେ ଲାଗିଛି। ଏହା ଉପରେ ରୋକ୍‌ ଲଗାଇବା ପାଇଁ କମିଶନ୍‌ରେଟ୍‌ ପୋଲିସ ପକ୍ଷରୁ ଏକ ସ୍ବତନ୍ତ୍ର ଟିମ ଗଠନ କରାଯାଇ ଦୃଢ଼ ପଦକ୍ଷେପ ଗ୍ରହଣ କରାଯିବା ଜରୁରୀ ହୋଇପଡିଛି। ଏ ସମ୍ପର୍କରେ ଭୁବନେଶ୍ୱର ଡିସିପିଙ୍କୁ ପଚାରିବାରୁ ସେ କହିଲେ, ଏଠାରେ ନକଲି ସାମଗ୍ରୀ ପ୍ରସ୍ତୁତ ହେଉଥିବା ନେଇ ଉକ୍ତ କମ୍ପାନୀ ଅଭିଯୋଗ କଲେ ଆମେ ଜାଣିବୁ। ଅଭିଯୋଗ ଆଧାରରେ ମଧ୍ୟ ବିଭିନ୍ନ ସ୍ଥାନରେ ଚଢଉ କରି ଏହି ନକଲି କାରଖାନା ଠାବ କରୁଛୁ। ଏଥିସହ ସରକାରଙ୍କ ଯୋଗାଣ ବିଭାଗ ପକ୍ଷରୁ ମଧ୍ୟ ଏହା ଉପରେ ନଜର ରଖାଯାଉଛି। ଯଦି ଆମେ କୌଣସି ସୂତ୍ରରୁ ଆଗୁଆ ଖବର ପାଉଛୁ ତେବେ ଆମେ ଚଢଉ କରୁଛୁ ଓ ବିଭାଗକୁ ମଧ୍ୟ ଅବଗତ କରୁଛୁ।

All Right Reserved By

Model This Week

Model This Week

ମେଟ୍ରୋ |

ମିଛ ମାମଲାରେ ଛନ୍ଦିଦେଲା ପୋଲିସ:ଥାନାର କନଷ୍ଟେବଳ ମାଗୁଥିଲେ ଟଙ୍କା

ଭୁବନେଶ୍ୱର,୨୭।୪(ବ୍ୟୁରୋ)/ ଚନ୍ଦ୍ରଶେଖରପୁର(ଡିଏନ୍‌ଏ) : ସାଧାରଣ ଲୋକଙ୍କୁ ନ୍ୟାୟ ଦେବା ପାଇଁ କମିଶନ୍‌ରେଟ୍‌ ପୋଲିସ ‘ଉଇ କେୟାର ଓ ଉଇ ଡେୟାର’ ସ୍ଲୋଗାନ ଦେଉଛି। କିନ୍ତୁ ବାସ୍ତବରେ ପୋଲିସ ଅନ୍ୟ ଶକ୍ତିଦ୍ୱାରା ପ୍ରଭାବିତ ହୋଇ ସାଧାରଣ ଲୋକଙ୍କ ଉପରେ ଦାଉ ସାଧୁଛି। କେଉଁଠି ଦୋଷ ନ କରି ସ୍ବୀକାର କରିବା ପାଇଁ ମାଡ଼ ମାରୁଛି ତ ଆଉ କେଉଁଠି ମିଛ ମାମଲାରେ ଫସାଇ କୋର୍ଟ ଚାଲାଣ କରୁଛି। ଚନ୍ଦ୍ରଶେଖରପୁର ଥାନାଞ୍ଚଳର ପାଣ୍ଡବ ଦେଓଗାମ୍‌ ନାମକ ଜଣେ ବ୍ୟକ୍ତି ଏଭଳି ପୋଲିସର ଆକ୍ରୋଶର ଶିକାର ହୋଇଛନ୍ତି। ପୋଲିସ ତାଙ୍କୁ ମିଛ ମାମଲାରେ ଫସାଇ କୋର୍ଟ ଚାଲାଣ କରିଛି ବୋଲି ସମ୍ପୃକ୍ତ ବ୍ୟକ୍ତିଙ୍କ ପରିବାର ଓ ବସ୍ତିବାସିନ୍ଦା ଅଭିଯୋଗ କରିଛନ୍ତି।

ନିଖିଳ ଉକତ୍ଳ ଶିକ୍ଷକ ମହାସଂଘର ଧାରଣା:ମୁଖ୍ୟମନ୍ତ୍ରୀଙ୍କୁ ସ୍ମାରକପତ୍ର, ପ୍ରତଶ୍ରୁତି ଦେଲେ ସଚିବ

ଭୁବନେଶ୍ୱର, ୨୭।୪(ବ୍ୟୁରୋ)- ସପ୍ତମ ବେତନ କମିଶନ ଅନୁସାରେ ଦରମା ଓ ପେନସନ୍‌ ପ୍ରଦାନରେ ସରକାର ପକ୍ଷପାତିତା କରୁଛନ୍ତି। ରାଜ୍ୟରେ ଥିବା ବହୁ ଶିକ୍ଷକ, ଅଧ୍ୟାପିକା ଅଧ୍ୟାପକଙ୍କ ସହ ଅବସରପ୍ରାପ୍ତ ଶିକ୍ଷକ ଓ ଅଧ୍ୟାପକ ସପ୍ତମ ବେତନ କମିଶନ ପାଇବାରୁ ବଞ୍ଚତ୍ତ ହେଉଛନ୍ତି। ସରକାରଙ୍କ ଏହି ପକ୍ଷପାତିତା ନୀତିକୁ ନିଖିଳ ଉତ୍କଳ ଶିକ୍ଷକ ମହାସଂଘ ବିରୋଧ କରୁଛି। ୟୁଜିସି ଦରମା ସ୍କେଲ୍‌କୁ ସଂଶୋଧନ କରି ସପ୍ତମ ବେତନ ପ୍ରଦାନ କରିବାକୁ ପୂର୍ବରୁ ମହାସଂଘ ଦାବି କରି ଆସୁଥିବାବେଳେ ପୁଣି ଆନ୍ଦୋଳନକୁ ଓହ୍ଲାଇବାକୁ ବାଧ୍ୟ ହୋଇଥିବା ସାଧାରଣ ସମ୍ପାଦକ ଅଧ୍ୟାପକ ରବି ରାୟ କହିଛନ୍ତି। ଗୁରୁବାର ମହାସଂଘ ପକ୍ଷରୁ ବିଧାନସଭା ସମ୍ମୁଖରେ ଗଣଧାରଣା ଦିଆଯାଇଛି।

ପାଣ୍ଡିଆନ୍‌ଙ୍କ ଘର ଆଗରେ ମହିଳାଙ୍କ ଧାରଣା ଉଦ୍ୟମ:ଉଲଗ୍ନ ହୋଇ ବସିଥାନ୍ତେ

ଭୁବନେଶ୍ୱର,୨୬।୪(ବ୍ୟୁରୋ): ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିତ ଭି.କେ ପାଣ୍ଡିଆନ୍‌ଙ୍କ ସରକାରୀ ବାସଭବନ ଆଗରେ ଧାରଣା ଦେବାକୁ ଆସିଥିଲେ ଜଣେ ମହିଳା। ହେଲେ ସେ ପହଞ୍ଚତ୍ବାମାତ୍ରେ ଆଗୁଆ ସୂଚନା ପାଇଥିବା ପୋଲିସ ତାଙ୍କୁ ସେଠାରୁ ଉଠାଇ ନେଇଥିଲା। ମହିଳା ଜଣକ ହେଲେ ସୋନାଲିକା ମହାନ୍ତି। ସେ ନିଜକୁ ତାଳଚେର ବିଧାୟକ ବ୍ରଜ ପ୍ରଧାନଙ୍କ ସ୍ତ୍ରୀ ବୋଲି ଦାବିକରି ଆସୁଛନ୍ତି। ବିଧାୟକ ତାଙ୍କୁ ବିବାହ କରି ପ୍ରତାରଣା କରିଥିବା ଅଭିଯୋଗ ଆଣି ନ୍ୟାୟ ପାଇଁ ସେ ଏଭଳି ଆନ୍ଦୋଳନାତ୍ମକ ପନ୍ଥା ଆପଣାଉଛନ୍ତି। ତାଙ୍କ ଅଭିଯୋଗକୁ ଗୁରୁତ୍ୱ ଦିଆଯାଉ ନ ଥିବାରୁ ସୋନାଲିକା ଉଲଗ୍ନ ହୋଇ ପାଣ୍ଡିଆନଙ୍କ ଘର ଆଗରେ ଧାରଣାରେ ବସିବେ ବୋଲି ପୂର୍ବରୁ କେତେଜଣ ଗଣମାଧ୍ୟମ ପ୍ରତିନିଧିଙ୍କୁ ଜଣାଇଥିଲେ। ହେଲେ ଗୁରୁବାର ଧାରଣାରେ ବସିବା ପୂର୍ବରୁ ଏହି ଖବର ପୋଲିସ ନିକଟରେ ପହଞ୍ଚତ୍ ଯାଇଥିଲା। ଜୋନ୍‌ ଏସିପି ଓ ବହୁ ବରିଷ୍ଠ ପୋଲିସ ଅଧିକାରୀ ଉକ୍ତ ସ୍ଥାନରେ ଜଗି ରହିଥିଲେ। ସୋନାଲିକା ପାଣ୍ଡିଆନ୍‌ଙ୍କ ଘର ଆଗକୁ ଚାଲି ଚାଲି ଯାଉଥିବା ସମୟରେ ପୋଲିସ ତାଙ୍କୁ କାବୁ କରିନେଇଥିଲା।

ସାଲେପୁର ପୀଡ଼ିତାଙ୍କ ସ୍ବାସ୍ଥ୍ୟାବସ୍ଥା ସଙ୍ଗିନ:ଟ୍ରାକୋଷ୍ଟୋମୀ ଚିକିତ୍ସା ପଦ୍ଧତି ପାଇଁ ପ୍ରସ୍ତୁତି

କଟକ ଅଫିସ, ୨୭।୪- ବଳାତ୍କାରର ଶିକାର ହୋଇଥିବା ସାଲେପୁର ପୀଡିତାଙ୍କ ସ୍ବାସ୍ଥ୍ୟାବସ୍ଥା କ୍ରମଶଃ ସଙ୍ଗିନ ହେବାରେ ଲାଗିଛି। ଗୁରୁବାର ଦିନ ତମାମ ପୀଡିତାଙ୍କ ଶରୀର ନିସ୍ତେଜ ଥିବାବେଳେ ଚିକିତ୍ସା ପାଇଁ ଗଠିତ ୧୩ଜଣିଆ ଡାକ୍ତରୀଦଳର ଘନଘନ ବୈଠକ ବସିଥିଲା। ସନ୍ଧ୍ୟା ସୁଦ୍ଧା ଟିମ୍‌ର ନିଷ୍ପତ୍ତି ଅନୁଯାୟୀ, ପୀଡିତାଙ୍କୁ ଟ୍ରାକୋଷ୍ଟୋମୀ ଚିକିତ୍ସା ପଦ୍ଧତି ଯୋଗାଇ ଦିଆଯିବ। ଟ୍ରାକୋଷ୍ଟୋମୀ ଚିକିତ୍ସା ହେଉଛି ଭେଣ୍ଟିଲେଟର ନଳୀକୁ ବେକବାଟ ଦେଇ ଶ୍ୱାସନଳୀ ସହିତ ଖଞ୍ଜାଯିବ। ଏବେ ପୀଡିତାଙ୍କ ଶ୍ୱାସକ୍ରିୟା ପାଇଁ ଭେଣ୍ଟିଲେଟର ନଳୀ ତାଙ୍କ ପାଟି ବାଟେ ଦିଆଯାଇଛି। ଏହି ଚିକିତ୍ସା ପଦ୍ଧତି ଅତିବେଶୀରେ ୭ରୁ ୧୦ ଦିନ ଚାଲିଥାଏ। ଅଧିକ ଦିନ ଏହି ଚିକିତ୍ସା ପଦ୍ଧତିରେ ରହିଲେ ଶରୀରର ଶବ୍ଦ ଇନ୍ଦ୍ରିୟ ନଷ୍ଟ ହୋଇଯିବାର ଆଶଙ୍କା ଥାଏ। ତେଣୁ ବେକ ପାଖରେ କଣା କରାଯାଇ ଏହି ନଳୀ ଖଞ୍ଜା ଯିବାକୁ ଡାକ୍ତରୀ ଟିମ୍‌ ନିଷ୍ପତ୍ତି ଗ୍ରହଣ କରିଛି।

ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ଘଟଣା:ପୁଞ୍ଜିଲାଲଙ୍କୁ ରିମାଣ୍ଡରେ ଆଣି ଜେରା

ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ଘଟଣା:ପୁଞ୍ଜିଲାଲଙ୍କୁ ରିମାଣ୍ଡରେ ଆଣି ଜେରା

କଟକ ଅଫିସ, ୨୭।୪- କ୍ରାଇମବ୍ରାଞ୍ଚର ୬ ଦିନିଆ ରିମାଣ୍ଡରେ ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ଘଟଣାର ମୁଖ୍ୟ ଅଭିଯୁକ୍ତ ପୁଞ୍ଜିଲାଲ ମେହେର। ଭଇଁସା ଜ୍ୟୋତି ବିକାଶ କଲେଜର ଇଂଲିଶ ଅଧ୍ୟାପକ ତଥା ପୂର୍ବତନ ଅଧ୍ୟକ୍ଷ ପୁଞ୍ଜିଲାଲଙ୍କୁ ଅଧିକ ପଚରାଉଚରା ପାଇଁ କ୍ରାଇମବ୍ରାଞ୍ଚ ଗୁରୁବାର ରାତିରେ ଏହି ରିମାଣ୍ଡରେ ଆଣିଛି। ତାଙ୍କୁ କ୍ରାଇମବ୍ରାଞ୍ଚ ମୁଖ୍ୟ କାର୍ଯ୍ୟାଳୟରେ ରଖାଯାଇ ଜେରା ଆରମ୍ଭ ହୋଇଛି । କଲେଜ ଅଧ୍ୟକ୍ଷ ଚୌକିକୁ ନେଇ ପୁଞ୍ଜିଲାଲଙ୍କ ପୁଞ୍ଜିଭୂତ ଅସନ୍ତୋଷ ଲୋମହର୍ଷଣକାରୀ ଉପହାର ବୋମା ବିସ୍ଫୋରଣର ମୂଳ କାରଣ ବୋଲି କ୍ରାଇମବ୍ରାଞ୍ଚ ସ୍ପଷ୍ଟ କରିଛି। ଘଟଣା ପଛରେ ଆଉ କିଛି ରହସ୍ୟ ଥିବା ସନ୍ଦେହ କରି ପୁଞ୍ଜିଲାଲଙ୍କଠାରୁ ସତ ଓକାଳିବାକୁ ଚେଷ୍ଟା କରୁଛି। ପୁଞ୍ଜିଲାଲ ଯେଉଁ ଅଟୋ ସହାୟତାରେ ରାୟପୁର ସ୍କାଏକିଂ କୋରିୟର ସଂସ୍ଥାକୁ ଯାଇଥିଲେ, ସେ ସମ୍ପର୍କରେ ଅଧିକ ତଥ୍ୟ ପାଇଛି କ୍ରାଇମବ୍ରାଞ୍ଚ। ପାର୍ସଲଟିକୁ କୋରିୟର ସଂସ୍ଥାରେ ଦେଇଦେବାକୁ କହି ପୁଞ୍ଜିଲାଲ ଉକ୍ତ ଅଟୋ ଚାଳକଙ୍କୁ ଅଧିକ ୨୦ ଟଙ୍କା ଦେଇଥିବା ଜଣାପଡିଛି।

ମ୍ୟାଲେରିଆ, ଡେଙ୍ଗୁ ରୋଗୀଙ୍କ ସମ୍ପର୍କରେ ତଥ୍ୟ ଦେବେ ଘରୋଇ ହସ୍ପିଟାଲ:ପରୀକ୍ଷା ରିପୋର୍ଟ, ଚିକିତ୍ସା ପଦ୍ଧତିର ହେବ ଯାଞ୍ଚ

ଭୁବନେଶ୍ୱର,୨୭।୪(ବ୍ୟୁରୋ)- ମ୍ୟାଲେରିଆ, ଡେଙ୍ଗୁ ଏବଂ ଜାପାନୀ ଏନ୍‌ସେଫାଲାଇଟସ୍‌ ରୋଗରେ ଆକ୍ରାନ୍ତ ରୋଗୀ କୌଣସି ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ ଉକ୍ତ ହସ୍ପିଟାଲ ଏ ସମ୍ପର୍କରେ ନିକଟସ୍ଥ ସରକାରୀ ହସ୍ପିଟାଲକୁ ଜଣାଇବେ। ଏହି ଆଧାରରେ ରୋଗୀର ବିଭିନ୍ନ ପରୀକ୍ଷା ରିପୋର୍ଟ ସହ ଚିକିତ୍ସା ପଦ୍ଧତି ସମ୍ପର୍କରେ ତଦାରଖ କରାଯିବ। ଏଥିପାଇଁ ଓଡ଼ିଶା ମହାମାରୀ ରୋଗ ଆକ୍ଟ-୧୯୯୭କୁ ପରିବର୍ତ୍ତନ କରାଯାଇଛି। ଏନେଇ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଏକ ଗେଜେଟ୍‌ ନୋଟିଫିକେଶନ(ବିଜ୍ଞପ୍ତି) ପ୍ରକାଶ ପାଇଛି।

ନିରାମୟ କେନ୍ଦ୍ର ଆଗରେ ଲମ୍ବା ଧାଡ଼ି କ୍ୟାପିଟାଲ ହସ୍ପିଟାଲ:୩ବର୍ଷ ବିତିଲାଣି, ଖୋଲୁନି ପ୍ରସ୍ତାବିତ ୪ ନିରାମୟ କେନ୍ଦ୍ର

ଭୁବନେଶ୍ୱର, ୨୭।୪(ବ୍ୟୁରୋ)- କ୍ୟାପିଟାଲ ହସ୍ପିଟାଲରେ ୫ଟି ନିରାମୟ କେନ୍ଦ୍ର ଖୋଲିବାକୁ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ପ୍ରସ୍ତାବ ରହିଥିଲା। କିନ୍ତୁ ବିଭାଗ ଗୋଟିଏ କେନ୍ଦ୍ର ଖୋଲି ଦେଇ ଚୁପ୍‌ ବସିପଡ଼ିଛି। ଫଳରେ ଏହାର ପରିଣତି ରୋଗୀଙ୍କୁ ଭୋଗିବାକୁ ପଡୁଛି। ନିରାମୟ କେନ୍ଦ୍ର ଅଭାବ ଥିବାରୁ ସମସ୍ତ ବିଭାଗର ରୋଗୀ ଓ ସମ୍ପର୍କୀୟମାନେ ଔଷଧ ପାଇଁ ହସ୍ପିଟାଲରେ ଥିବା ଏକମାତ୍ର କେନ୍ଦ୍ର ଆଗରେ ଘଣ୍ଟା ଘଣ୍ଟା ଧରି ଛିଡ଼ା ହେଉଛନ୍ତି। ସରକାର ୨୦୧୫ରେ ନିରାମୟ ଯୋଜନା ଆରମ୍ଭ କରିଥିଲେ। ସ୍ବାସ୍ଥ୍ୟ ବିଭାଗ ପକ୍ଷରୁ କ୍ୟାପିଟାଲ ହସ୍ପିଟାଲରେ ୫ଟି ନିରାମୟ କେନ୍ଦ୍ର ଖୋଲିବାକୁ ପ୍ରସ୍ତାବ ରଖିଥିଲେ। ସେଗୁଡ଼ିକ ମଧ୍ୟରୁ ଗୋଟିଏ ବହିର୍ବିଭାଗ ରୋଗୀଙ୍କ ପାଇଁ, ୨ୟଟି ୧୦୦ ଶଯ୍ୟା ବିଶିଷ୍ଟ ସ୍ତ୍ରୀ ଓ ପ୍ରସୂତି ବିଭାଗ କୋଠାରେ ଖୋଲିବାକୁ ସ୍ଥିର ହୋଇଥିଲା। ୩ୟ କେନ୍ଦ୍ର ଶିଶୁ ବିଭାଗ ପାର୍ଶ୍ୱରେ, ୪ର୍ଥଟି ଓ୍ବାର୍ଡରେ ଚିକିତ୍ସିତ ରୋଗୀଙ୍କ ପାଇଁ ଏବଂ ୫ମ କେନ୍ଦ୍ରଟି କାଜୁଆଲଟିକୁ ଆସୁଥିବା ଗୁରୁତର ରୋଗୀଙ୍କ ପାଇଁ ଖୋଲିବାକୁ ପ୍ରସ୍ତାବ ରହିଥିଲା। ସାଢେ ୩ ବର୍ଷ ପୂରି ଯାଇଥିଲେ ମଧ୍ୟ ସମସ୍ତ କେନ୍ଦ୍ର ଖୋଲିପାରିଲା ନାହିଁ।

ମହାରାଜା କୃଷ୍ଣଚନ୍ଦ୍ର ଗଜପତି ଥିଲେ ଉତ୍କଳ ଏକତ୍ରୀକରଣର ମହାନ୍‌ କର୍ଣ୍ଣଧାର

ଭୁବନେଶ୍ୱର,୨୭।୪(ବ୍ୟୁରୋ)-ନବ ଉତ୍କଳର ପ୍ରମୁଖ ନିର୍ମାତାମାନଙ୍କ ମଧ୍ୟରେ ଅଗ୍ରଗଣ୍ୟ ପାରଳା ମହାରାଜା କୃଷ୍ଣଚନ୍ଦ୍ର ଗଜପତି ନାରାୟଣ ଦେବ ଥିଲେ ଉତ୍କଳ ଏକତ୍ରୀକରଣର ମହାନ୍‌ କର୍ଣ୍ଣଧାର। ସେ ଥିଲେ ଜଣେ ସାହିତ୍ୟାନୁରାଗୀ, ସୁଶାସକ ତଥା ପ୍ରଜାବତ୍ସଳ ଦାନବୀର। ସ୍ବତନ୍ତ୍ର ଓଡ଼ିଶା ପ୍ରଦେଶ ଗଠନ କରିବାରେ ତାଙ୍କର ଭୂମିକା ଥିଲା ଉଲ୍ଲେଖନୀୟ। ଭାଷା ଭିତ୍ତିରେ ଓଡ଼ିଶା ରାଜ୍ୟ ଗଠନ ଦାବି ଆମ ସ୍ବାଭିମାନ ଓ ଅସ୍ମିତାର ପ୍ରତୀକ ଥିଲା ବୋଲି ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ ସୂର୍ଯ୍ୟନାରାୟଣ ପାତ୍ର କହିଛନ୍ତି। ଗୁରୁବାର ସୂଚନା ଭବନଠାରେ ମହାରାଜା କୃଷ୍ଣଚନ୍ଦ୍ର ଗଜପତି ନାରାୟଣ ଦେବଙ୍କ ରାଜ୍ୟସ୍ତରୀୟ ଜୟନ୍ତୀ ସମାରୋହରେ ମୁଖ୍ୟଅତିଥି ଭାବେ ଯୋଗଦେଇ ମନ୍ତ୍ରୀ ପାତ୍ର ଏହା କହିଥିଲେ। ସୂଚନା ଓ ଲୋକସମ୍ପର୍କ ବିଭାଗ, ଦକ୍ଷିଣ ଓଡ଼ିଶା ଉନ୍ନୟନ ପରିଷଦ ଏବଂ ପାରଳା ଗଜପତି ବିକାଶ ମଞ୍ଚ, ଭୁବନେଶ୍ୱରର ମିଳିତ ଆନୁକୂଲ୍ୟରେ ଏହି ରାଜ୍ୟସ୍ତରୀୟ କାର୍ଯ୍ୟକ୍ରମ ଆୟୋଜିତ ହୋଇଥିଲା।

ନିଷ୍ଠୁର ମା’:୭ମାସର ଶିଶୁ କନ୍ୟାକୁ ନିଆଁରେ ଶୁଆଇଦେଲେ, ଏସ୍‌ସିବିରେ ଚିକିତ୍ସାଧୀନ ଅବସ୍ଥାରେ ଆଖିବୁଜିଲେ

ଭୁବନେଶ୍ୱର,୨୭।୪(ବ୍ୟୁରୋ) : ମା’ ସ୍ନେହ ପାଇବାକୁ କାନ୍ଦୁଥିଲା ୭ ମାସର ଶିଶୁକନ୍ୟା। କୋଳେଇନେବା ବଦଳରେ ନିଆଁ କୋଳରେ ଶୁଆଇ ଦେଲେ ନିର୍ଦ୍ଦୟା ମା’। ନୟାପଲ୍ଲୀ ଥାନା ସାଲିଆସାହି ଶକ୍ତିବିହାରରେ ଗୁରୁବାର ସକାଳେ ଘଟିଛି ଏଭଳି ଏକ ହୃଦୟବିଦାରକ ଘଟଣା। ଶିଶୁକନ୍ୟାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ପ୍ରଥମେ କ୍ୟାପିଟାଲ ହସ୍ପିଟାଲ ଓ ପରେ ଏସ୍‌ସିବି ମେଡିକାଲରେ ଭର୍ତ୍ତି କରାଯାଇଥିଲା। ନିଆଁରେ ଶିଶୁକନ୍ୟା ଶରୀରର ୯୦ ପ୍ରତିଶତ ପୋଡ଼ିଯାଇଥିଲା। ତାଙ୍କୁ ମେଡିକାଲର ବେବି ସର୍ଜରି ବିଭାଗରେ ଚିକିତ୍ସା କରାଯାଉଥିଲା। ବିଳମ୍ବିତ ରାତିରେ ଶିଶୁକନ୍ୟାଟିର ମୃତ୍ୟୁ ଘଟିଥିବା ଥାନାଧିକାରୀ ସ୍ପଷ୍ଟ କରିଛନ୍ତି। ଅନ୍ୟପକ୍ଷରେ ଘଟଣାକୁ ନେଇ ଉକ୍ତ ବସ୍ତିରେ ଉତ୍ତେଜନା ପ୍ରକାଶ ପାଇଥିଲା। ପୋଲିସ ପହଞ୍ଚତ୍ ସ୍ଥିତି ନିୟନ୍ତ୍ରଣ କରିବା ସହ ଅଭିଯୁକ୍ତ ମା’ ସୁନା ପିଙ୍ଗୁଆଙ୍କୁ ଥାନାକୁ ଆଣି ପଚରାଉଚରା କରୁଛି। ପାରିବାରିକ କଳହରୁ ଏହି ଘଟଣା ଘଟିଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି। ଶୁକ୍ରବାର ହତ୍ୟା ମାମଲା ରୁଜୁ କରି ଅଭିଯୁକ୍ତ ମା’ଙ୍କୁ କୋର୍ଟ ଚାଲାଣ କରାଯିବ ବୋଲି ସୂଚନା ମିଳିଛି।

ଦିନକର କାହାଣୀ:ସ୍ବେଚ୍ଛାସେବୀ ଦାମୋଦର ସାହୁ

ଦିନକର କାହାଣୀ:ସ୍ବେଚ୍ଛାସେବୀ ଦାମୋଦର ସାହୁ

ସକାଳୁ ରାତି ପର୍ଯ୍ୟନ୍ତ ବିଭିନ୍ନ ସମୟରେ ତାଙ୍କୁ ଦେଖିବାକୁ ମିଳିଥାଏ ନୟାଗଡ ଜିଲା ମୁଖ୍ୟ ଚିକିତ୍ସାଳୟରେ। ଚିକିତ୍ସାଳୟକୁ ଆସୁଥିବା ରୋଗୀ ଓ ସେମାନଙ୍କ ସମ୍ପର୍କୀୟମାନଙ୍କୁ ସାହାଯ୍ୟ କରିବା ସହ କେଉଁ ବିଭାଗକୁ ଯାଇ କାହା ସହିତ ଦେଖାକରିବେ ସେ କଥା ମଧ୍ୟ ବୁଝାଇ ଦିଅନ୍ତି। ଅନ୍ୟକୁ ସହଯୋଗ କରୁଥିବା ଏହି ବ୍ୟକ୍ତି ଜଣଙ୍କ ହେଉଛନ୍ତି ନୟାଗଡ଼ ଯଦୁମଣି ନଗରର ବାସିନ୍ଦା ଦାମୋଦର ସାହୁ(୬୪)। ଶିକ୍ଷକତା ବୃତ୍ତିରୁ ଅବସର ନେବା ପରେ ସମାଜସେବାକୁ ଗ୍ରହଣ କରି ନେଇଛନ୍ତି। ପ୍ରତିଦିନ ଭୋର ୪ଟାରୁ ଉଠି ନିତ୍ୟକର୍ମ ସାରି ପୂଜାପାଠ କରିବା ପରେ ବଜାରକୁ ଯାଆନ୍ତି। ପରେ ସକାଳ ୭ଟାରୁ ଅପରାହ୍ନ ପର୍ଯ୍ୟନ୍ତ ମେଡ଼ିକାଲ୍‌ରେ ରହି ଲୋକମାନଙ୍କୁ ସାହାଯ୍ୟ କରନ୍ତି। ମଧ୍ୟାହ୍ନଭୋଜନ ପରେ ଘରେ ଟିକିଏ ବିଶ୍ରାମ ନେଇ ପୁଣି ଚାଲିଯାଆନ୍ତି ଡାକ୍ତରଖାନା। ରାତି ୧୦ଟାରେ ଫେରନ୍ତି ଘରକୁ ।

ଭୁଜାଲି ଦେଖାଇ ୬୪ ହଜାର ଟଙ୍କା ଲୁଟ୍‌

ଭୁଜାଲି ଦେଖାଇ ୬୪ ହଜାର ଟଙ୍କା ଲୁଟ୍‌

ବାଲିଅନ୍ତା,୨୬।୪(ଡି.ଏନ୍‌.ଏ.): ବାଲିଅନ୍ତା ଥାନା ଅଞ୍ଚଳରେ ଚୋରି ଓ ଲୁଟ୍‌ ଘଟଣା ଦିନକୁ ଦିନ ବଢ଼ିବାରେ ଲାଗିଛି। ଏଥିପାଇଁ ସ୍ଥାନୀୟ ଲୋକେ ପାଟ୍ରୋଲିଂକୁ ଦାୟୀ କରିଛନ୍ତି। ପିସିଆର୍‌ ନ ଥିବାରୁ ୨୪ ଘଣ୍ଟିଆ ପାଟ୍ରୋଲିଂ ହୋଇପାରୁନାହିଁ। ଫଳରେ ଦିନ ଦ୍ୱିପ୍ରହରରେ ଲୁଟେରାମାନେ ଲୁଟ୍‌ କରି ଖସି ପଳାଇବାରେ ସକ୍ଷମ ହେଉଛନ୍ତି।

ସିଟି ବସ୍‌ରେ ଯୁବତୀଙ୍କୁ ଅସଦାଚରଣ ଘଟଣା: ପୋଲିସକୁ ଜଣାଇଲେ ବସ୍‌ କଣ୍ଡକ୍ଟର

ଭୁବନେଶ୍ୱର,୨୫।୪(ବ୍ୟୁରୋ): ସିଟି ବସ୍‌ରେ ଯାତ୍ରା କରୁଥିବା ଜଣେ ଯୁବତୀ ଅସଦାଚରଣର ଶିକାର ହୋଇଥିଲେ। ଯୁବତୀ ଜଣକ ସମ୍ପୃକ୍ତ ଯୁବକଙ୍କୁ ପ୍ରତିରୋଧ କରିବା ସହ ଚପଲରେ ପିଟିଥିଲେ। ଚଳନ୍ତା ବସ୍‌ରେ ଘଟିଥିଲା ଏହି ଘଟଣା। ଏହି ଦୃଶ୍ୟ ବୁଧବାର ଭାଇରାଲ ହେବା ପରେ ଘଟଣା ପଦାକୁ ଆସିଥିଲା।