ରାଜ୍ୟ |

ଆଶାରେ ଅଟକିଲା ‘୧୫୦’ ଆସ୍ଫାଳନ

ଆଶାରେ ଅଟକିଲା ‘୧୫୦’ ଆସ୍ଫାଳନ
ଭୁବନେଶ୍ୱର, ୧୮।୧୨ (ସ୍ବ.ପ୍ର.)-ଗୁଜରାଟ ନିର୍ବାଚନ ଫଳାଫଳ ପ୍ରମାଣିତ କରି ଦେଇଛି ଯେ କାହାର ଆକଳନ କିମ୍ବା କାହାର ଆସ୍ଫାଳନ ସପକ୍ଷରେ ଜନତାର ମତ ସମାନ୍ତରାଳ ଭାବେ ଗତି କରେ ନାହିଁ। ଜନସାଧାରଣ କାହା ସପକ୍ଷରେ ଅଛନ୍ତି ତାହା କେବଳ ପ୍ରକାଶିତ ଭୋଟ ଫଳାଫଳ ହିଁ ସାବ୍ୟସ୍ତ କରେ। ଗୁଜରାଟ ନିର୍ବାଚନ ପରବର୍ତ୍ତୀ ଏକ୍‌ଜିଟ୍‌ ପୋଲ ଯେଉଁ ଆକଳନ କରିଥିଲା ତାହା ମଧ୍ୟ ପୂର୍ବ ନିର୍ବାଚନଗୁଡିକ ପରି ସଂଖ୍ୟାତ୍ମକ ଦୃଷ୍ଟିରୁ ଅସତ୍ୟ ପ୍ରମାଣିତ ହେଲା। ସର୍ବୋପରି ଏହି ରାଜ୍ୟରେ ଏଥର ଶାସକ ଭାରତୀୟ ଜନତା ପାର୍ଟି (ଭାଜପା) ୧୮୨ରୁ ୧୫୦ ଆସନ ଜିତିବ ବୋଲି ଦଳର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ କରିଥିବା ଆସ୍ଫାଳନକୁ ମଧ୍ୟ ଲୋକେ ଗ୍ରହଣ କରିନାହାନ୍ତି। ଗୁଜରାଟରେ ଭାଜପା ବିଜୟୀ ହୋଇ ଲଗାତର ଭାବେ ଷଷ୍ଠଥର ସକାଶେ ସରକାର ଗଠନ କରିବାକୁ ଯାଉଥିଲେ ମଧ୍ୟ ପୂର୍ବର ସଂଖ୍ୟାକୁ ଏଥର ଛୁଇଁପାରିନାହିଁ ଦଳ। ନବ ନିର୍ବାଚିତ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ‘ସୋସିଆଲ ଇଞ୍ଜିନିୟରିଂ’ ଫର୍ମୁଲା ଭାଜପାକୁ ୯୯ ଆସନରେ ସୀମିତ କରିଦେଇଛି। ଦଳିତ, ଓବିସି ଓ ପଟିଦାରଙ୍କୁ ସାଙ୍ଗରେ ନେଇ ଗୁଜରାଟ ନିର୍ବାଚନକୁ ଓହ୍ଲାଇଥିବା ରାହୁଲ କଂଗ୍ରେସକୁ କ୍ଷମତାସୀନ କରିପାରି ନ ଥିଲେ ମଧ୍ୟ ଭାଜପା ସହ କଡା ଟକ୍କର ଦେଇ ଅମିତ ଶାହଙ୍କ ଆସ୍ଫାଳନରେ ପାଣି ଢାଳି ଦେଇଛନ୍ତି। ଗୁଜରାଟରେ ୧୯୯୫ରୁ କ୍ଷମତା ବାହାରେ ରହିଛି କଂଗ୍ରେସ। ଦଳୀୟ ଅନ୍ତର୍ଦ୍ୱନ୍ଦ୍ୱ ଓ ନେତୃତ୍ୱ ପାଇଁ ବାଡ଼ିଆପିଟା ଏହି ଦଳକୁ ରାଜ୍ୟରେ ସଫଳ ହେବାକୁ ଦେଉନାହିଁ। ଗତ ରାଜ୍ୟ ସଭା ନିର୍ବାଚନର ଅବ୍ୟବହିତ ପୂର୍ବରୁ ଶଙ୍କର ସିଂ ବାଘେଲାଙ୍କ ବିଦ୍ରୋହ, କେତେଜଣ ବିଧାୟକଙ୍କ ସହ ଦଳ ତ୍ୟାଗ ଭଳି ଘଟଣା କଂଗ୍ରେସକୁ ଅଧିକ କ୍ଷତିଗ୍ରସ୍ତ କରିଥିଲା। ଏହା ସତ୍ତ୍ୱେ ଦଳ ଅହମ୍ମଦ ପଟେଲଙ୍କୁ ଜିତାଇ ରାଜ୍ୟ ସଭା ପଠାଇବା ସକାଶେ ସମର୍ଥ ହୋଇଥିଲା, ଯାହା ଶାସକ ଭାଜପା ସକାଶେ ଶକ୍ତ ଧକ୍କା ସଦୃଶ ଥିଲା। ଏହି ନିର୍ବାଚନର ଫଳ ପ୍ରକାଶ ପାଇଁ ରାତିଅଧିଆ ଡ୍ରାମା କେନ୍ଦ୍ରର ମୋଦି ସରକାରଙ୍କ ଇଙ୍ଗିତରେ ଚାଲିଥିଲା ବୋଲି ଅଭିଯୋଗ ଉଠିଥିଲା। ଏପରି କି ଫଳ ପ୍ରକାଶ ସକାଶେ ଭାଜପା ଏବଂ କଂଗ୍ରେସ ବିଳମ୍ବିତ ରାତିରେ ନିର୍ବାଚନ କମିଶନଙ୍କ ଦ୍ୱାରସ୍ଥ ହୋଇଥିଲେ। ଏହି ନିର୍ବାଚନରେ କଂଗ୍ରେସ ପ୍ରାର୍ଥୀ ଅହମ୍ମଦ ପଟେଲଙ୍କ ବିଜୟ ଭାଜପା ସକାଶେ ଏକ ଝଟକା ଦେଇଥିଲା। ଏହା କଂଗ୍ରେସର ମନୋବଳକୁ ବୃଦ୍ଧି କରିଥିଲା। ବିଧାନସଭା ନିର୍ବାଚନର ଅବ୍ୟବହିତ ପୂର୍ବରୁ ଅମିତ ଶାହ ଏଥର ଦଳ ୧୫୦ ଆସନ ପାଇବ ବୋଲି ଆସ୍ପର୍ଦ୍ଧା ଦେଖାଇଥିଲେ। ନିଜ ରାଜ୍ୟରେ ଏଭଳି ଅହଙ୍କାର ପ୍ରକାଶର ଏକମାତ୍ର କାରଣ ଥିଲା କଂଗ୍ରେସର ଦୁର୍ବଳ ସ୍ଥିତି। ନିର୍ବାଚନରେ କଂଗ୍ରେସ କାହାକୁ ଆଗରେ ରଖି ପାରି ନ ଥିଲା। ବରଂ ରାହୁଲ ନିଜେ ଗୁଜରାଟ ନିର୍ବାଚନର ମଙ୍ଗ ଧରିଥିଲେ। ରାଜ୍ୟ ସଭା ସଦସ୍ୟ ଅହମ୍ମଦ ପଟେଲଙ୍କୁ ସାଙ୍ଗରେ ନିଆଯାଉଥିଲେ ମଧ୍ୟ ତାଙ୍କର ନାମ ଆଗକୁ ଆସୁ ନ ଥିଲା। ଅନ୍ୟପକ୍ଷରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବର୍ତ୍ତମାନର ମୁଖ୍ୟମନ୍ତ୍ରୀ ବିଜୟ ରୁପାନୀଙ୍କୁ ଆଗରେ ରଖିଥିଲେ ମଧ୍ୟ ପ୍ରଚାର ମଙ୍ଗ ନିଜେ ଧରିଥିଲେ। ଅର୍ଥାତ୍‌ ଏଥରର ଗୁଜରାଟ ନିର୍ବାଚନ ବସ୍ତୁତଃ ଥିଲା ମୋଦି ବନାମ ରାହୁଲ। ଏହା ରାହୁଲଙ୍କର ବ୍ୟକ୍ତିତ୍ୱକୁ ଅଧିକ ଦୃଢ କରିଥିଲା। ଅନ୍ୟପକ୍ଷରେ ମୋଦିଙ୍କ ଏଥର ପ୍ରଚାର ଧାରାକୁ ଲକ୍ଷ୍ୟ କଲେ ସେ ରାଜ୍ୟସ୍ତରକୁ ଓହ୍ଲାଇ ଆସିଥିଲେ ବୋଲି ରାଜନୈତିକ ମହଲରେ ଆଲୋଚନା ହେଉଥିଲା। ଗୁଜରାଟ ନିର୍ବାଚନ ପ୍ରକ୍ରିୟା ଅବ୍ୟାହତ ରହିଥିବାବେଳେ ଦଳରେ ରାହୁଲଙ୍କ ପଦୋନ୍ନତି ଘଟିଥିଲା। ଗତ ୧୬ ତାରିଖରେ ସେ ବିଧିବଦ୍ଧ ଭାବେ ଦଳର ମଙ୍ଗ ଧରିଛନ୍ତି। ଏହି ପରିପ୍ରେକ୍ଷୀରେ ଗୁଜରାଟ ନିର୍ବାଚନରେ କଂଗ୍ରେସ ପୂର୍ବାପେକ୍ଷା ଆସନ ସଂଖ୍ୟା ବୃଦ୍ଧି କରି ରାହୁଲଙ୍କ କ୍ରମବର୍ଦ୍ଧମାନ ଦକ୍ଷତାର ପ୍ରମାଣ ଦେଇଛି। ଅନ୍ୟପଟେ ଭାଜପାର ପୂର୍ବାପେକ୍ଷା ଆସନ ସଂଖ୍ୟା କମିବା ମୋଦିଙ୍କ ଲୋକପ୍ରିୟତା ହ୍ରାସର ସଂକେତ ବୋଲି ତଥ୍ୟାଭିଜ୍ଞ ମହଲ ମତ ଦେଉଛନ୍ତି। ଭାଜପାର ବିଜୟ ସତ୍ତ୍ୱେ ଆସନ ବିପଯର୍ର୍‌ୟୟର ବିଭିନ୍ନ କାରଣ ରହିଛି। ପ୍ରଥମତଃ ପଟିଦାର ଆନ୍ଦୋଳନ ଏବଂ ଦ୍ୱିତୀୟତଃ ଜିଏସ୍‌ଟି। ହାର୍ଦ୍ଦିକ୍‌ ପଟେଲଙ୍କୁ କଂଗ୍ରେସ ନେତା ରାହୁଲ ନିଜ ଆଡ଼କୁ ଟାଣି ନେବାରେ ସମର୍ଥ ହୋଇଥିଲେ। ପ୍ରକାଶ ଯେ, ରାଜ୍ୟର ୧୪ ପ୍ରତିଶତ ପଟେଲ ସମ୍ପ୍ରଦାୟ ଭାଜପାର ଦୃଢ ସମର୍ଥକ। ମାତ୍ର ଏଥର ଏହି ସମ୍ପ୍ରଦାୟର ଯୁବବର୍ଗ ହାର୍ଦ୍ଦିକ ପଟେଲଙ୍କ ପାଇଁ କଂଗ୍ରେସ ଆଡକୁ ଢଳିଗଲେ। ଅନ୍ୟ ପଛୁଆ ବର୍ଗ (ଓବିସି) ୪୯ ପ୍ରତିଶତ ଭୋଟର ମଧ୍ୟରେ ବିଭାଜନ ଦେଖିବାକୁ ମିଳିଲା। ଅଧା ଭାଜପା ଆଡକୁ ଢଳିବାବେଳେ ଅଧା କଂଗ୍ରେସ ସପକ୍ଷରେ ରହିଥିଲେ। ମୋଟ ୧୦ ପ୍ରତିଶତ ମୁସଲମାନ ଭୋଟ କଂଗ୍ରେସ ସପକ୍ଷରେ ରହିଥିଲେ ମଧ୍ୟ ତନ୍ମଧ୍ୟରୁ କିଛିଟା ଭାଜପା ଆଡକୁ ଯାଇଥିବା ଅନୁମାନ କରାଯାଏ। ଏତଦ୍‌ବ୍ୟତୀତ ୧୨ ପ୍ରତିଶତ ଆଦିବାସୀ ଓ ୭ ପ୍ରତିଶତ ଦଳିତ ଭୋଟ ଉପରେ କଂଗ୍ରେସର କବ୍‌ଜା ରହିଥିଲା। ଏହାସତ୍ତ୍ୱେ ଭାଜପା ପାଇଁ ସବୁଠାରୁ ଚିନ୍ତାଜନକ ଥିଲା ଜିଏସ୍‌ଟିକୁ ବିରୋଧ କରୁଥିବା ଗୁଜରାଟର ବ୍ୟବସାୟୀ ଗୋଷ୍ଠୀ। ନିର୍ବାଚନ ପ୍ରକ୍ରିୟା ଅବ୍ୟାହତ ଥିବା ସମୟରେ କେନ୍ଦ୍ର ସରକାର ଜିଏସ୍‌ଟି ପରିଷଦର ବୈଠକ ଡାକି ଅନେକ ସାମଗ୍ରୀକୁ ଉଚ୍ଚ ସ୍ଲାବରୁ ହ୍ରାସ କରିଥିଲେ। ଉଦ୍ଦେଶ୍ୟ ଥିଲା ବ୍ୟବସାୟୀ ଗୋଷ୍ଠୀଙ୍କୁ ସନ୍ତୁଷ୍ଟ କରି ଭୋଟ ହାତେଇବା। ଏସବୁ ପଛରେ ମୁଖ୍ୟ ଉଦ୍ଦେଶ୍ୟ ଥିଲା ଅମିତ ଶାହଙ୍କର ୧୫୦ ସଂଖ୍ୟା ହାସଲର ଆସ୍ଫାଳନ। ମାତ୍ର ଗୁଜରାଟ ଭୋଟର ସେହି ଆସ୍ଫାଳନକୁ ଆଶାରେ ସୀମିତ କରି ଦେଇଛନ୍ତି।
All Right Reserved By

ରାଜ୍ୟ |

ଦୁଇ ବନ୍ଧୁକ ବେପାରୀ ଗିରଫ

ଦୁଇ ବନ୍ଧୁକ ବେପାରୀ ଗିରଫ

ଭୁବନେଶ୍ୱର,୧୯।୧୦- ଭୁବନେଶ୍ୱର ନିକଟସ୍ଥ ତମାଣ୍ଡୋ ଅଞ୍ଚଳରୁ ଶୁକ୍ରବାର ଦୁଇ ବନ୍ଧୁକ ବେପାରୀ ଗିରଫ ହୋଇଥିବା ଜଣାପଡିଛି । ଖବର ଅନୁଯାୟୀ, କୌଣସି ସୂତ୍ରରୁ କ୍ୟୁଏଟି ଖବର ପାଇ ତମାଣ୍ଡୋରେ ଥିବା ଦୁଇ ବନ୍ଧୁକ ବେପାରୀଙ୍କୁ ଗିରଫ କରିଥିବା ସୂଚନା ମିଳିଛି ।

ବିଭିନ୍ନ ପୂଜାମଣ୍ଡପ ବୁଲି ଦେଖିଲେ ଅର୍ଥମନ୍ତ୍ରୀ

ବିଭିନ୍ନ ପୂଜାମଣ୍ଡପ ବୁଲି ଦେଖିଲେ ଅର୍ଥମନ୍ତ୍ରୀ

ବାଲିଅନ୍ତା,୧୯।୧୦- ମା’ ଦୁର୍ଗାପୂଜାଙ୍କ ମହାଦଶମୀ ଅବସରରେ ରାଜ୍ୟ ଅର୍ଥ ଓ ଅବକାରୀ ମନ୍ତ୍ରୀ ଶଶିଭୂଷଣ ବେହେରା ଶୁକ୍ରବାର ବାଲିଅନ୍ତା ବ୍ଲକ ଅଞ୍ଚଳକୁ ଆସି ବିଭିନ୍ନ ପୂଜାମଣ୍ଡପ ବୁଲି ଦେଖିଥିଲେ।

ବିଜୟାଦଶମୀରେ କ୍ଷତ୍ରୀୟଙ୍କ ଖଣ୍ଡା ଶୋଭାଯାତ୍ରା

ବିଜୟାଦଶମୀରେ କ୍ଷତ୍ରୀୟଙ୍କ ଖଣ୍ଡା ଶୋଭାଯାତ୍ରା

କଣ୍ଟାପଡା,୧୯।୧୦(ଡି.ଏନ୍‌.ଏ.)- ରାଜ୍ୟ ସାରା ଦଶହରା ପର୍ବ ମହାସମାରୋହରେ ପାଳିିତ ହେଉଥିବା ବେଳେ କଣ୍ଟାପଡାର ଗୋବିନ୍ଦପୁର ଅଞ୍ଚଳରେ ନିଆରା ପର୍ବ ଆୟୋଜନ ହେଉଥିବା ଦେଖାଯାଇଛି । ଶୁକ୍ରବାର ବିଜୟାଦଶମୀ ଅବସରରେ ଉକ୍ତ ଗ୍ରାମରେ କ୍ଷତ୍ରୀୟମାନଙ୍କ ପାରମ୍ପରିକ ଖଣ୍ଡା ଶୋଭାଯାତ୍ରା  ଅନୁଷ୍ଠିତ ହୋଇଯାଇଛି। 

ବୋଲଗଡରେ ନିଆରା ଦଶହରା: କନକଦୁର୍ଗାଙ୍କ ଆଖିରେ ବନ୍ଧା ହେବ ଅନ୍ଧପୁଟୁଳି, ମୁସଲମାନ ଦଳବେହେରା ଦେବେ ହୋମରେ ଘୃତାହୁତି

ବୋଲଗଡରେ ନିଆରା ଦଶହରା: କନକଦୁର୍ଗାଙ୍କ ଆଖିରେ ବନ୍ଧା ହେବ ଅନ୍ଧପୁଟୁଳି, ମୁସଲମାନ ଦଳବେହେରା ଦେବେ ହୋମରେ ଘୃତାହୁତି

ଖୋର୍ଦ୍ଧା ଅଫିସ,୧୯ା୧୦:ଖୋର୍ଦ୍ଧାର ବୋଲଗଡ ବ୍ଲକର ମାଣିକାଗୋଡା ଗଁାରେ ହିନ୍ଦୁ ମୁସଲମାନ ମିଳିମିଶି ନିଆରା ଢଙ୍ଗରେ ପାଳନ କରାଯାଏ ଦଶହରା ପର୍ବ । ଉକ୍ତ ଗାଁର ଥିବା ମା’ କନକଦୁର୍ଗାଙ୍କ ଆରମ୍ଭ ହୋଇଥିବା ଆଶ୍ୱିନ ଶୁକ୍ଳପକ୍ଷ ସପ୍ତମୀରୁ ଅନ୍ଧପୁଟୁଳି ଖୋଲିବା ପରେ ମହାଦଶମୀରେ ପୁଣି ମା’ଙ୍କ ଆଖିରେ ବନ୍ଧା ହେବ  ।

ବୀରମହାରାଜପୁରରେ ପାର୍ବଣର ମହକ: ମନମୋହୁଛି ଲୋକନୃତ୍ୟ

ବୀରମହାରାଜପୁରରେ ପାର୍ବଣର ମହକ: ମନମୋହୁଛି ଲୋକନୃତ୍ୟ

ବୀରମହାରାଜପୁର,୧୯।୧୦(ଡି.ଏନ୍‌.ଏ.)- ସୁବର୍ଣ୍ଣପୁର ଜିଲା ବୀରମହାରାଜପୁରଠାରେ ପୂର୍ବ ବର୍ଷ ଭଳି ଏଥର ମଧ୍ୟ ୩ଟି ପୂଜା କମିଟି ଆନୁକୂଲ୍ୟରେ ସାର୍ବଜନୀନ ଦୁର୍ଗାପୂଜା ଆୟୋଜନ କରାଯାଇଛି। ଉଫୁଲାସ୍ଥିତ ଶୈଲସୂତା କ୍ଲବ ପୂଜା କମିଟି ପକ୍ଷରୁ ପାଳିତ ହୋଇଆସୁଥିବା ଶାରଦୀୟ ପୂଜା ଉତ୍ସବ ସର୍ବପୁରାତନ ହୋଇଥିବା ବେଳେ ମୁଖ୍ୟବସ୍ତିର ତ୍ରିବେଣୀଛକ ଦୁର୍ଗାପୂଜା ୨୧ବର୍ଷରେ ପହଞ୍ଚିଛି।

ଆଦିବାସୀଙ୍କ ନିଆରା ପରମ୍ପରା : ୨୦ରୁ ଊର୍ଦ୍ଧ୍ୱ ଲାଠି ପୂଜା ପାଇଲେ

ଆଦିବାସୀଙ୍କ ନିଆରା ପରମ୍ପରା : ୨୦ରୁ ଊର୍ଦ୍ଧ୍ୱ ଲାଠି ପୂଜା ପାଇଲେ

କୋରାପୁଟ,୧୯।୧୦(ସ୍ବ.ପ୍ର)-କେଉଁ ଆବାହାନକାଳୁ ଜୟପୁର ମହାରାଜାଙ୍କ ଉଧ୍ୟମରେ ଆଦିବାସୀମାନେ ଲାଠିଯାତ୍ରା ପାଳନ କରିଆସୁଥିବା ନଜିର ରହିଛି । ଦଶହରା ଅବସରରେ କୋରାପୁଟଠାରେ ଆଦିବାସୀମାନଙ୍କ ନିଆରା ପରମ୍ପରା ସ୍ବରୂପ ଲାଠି ଶୋଭାଯାତ୍ର ପାଳନ ହୋଇଥାଏ । ଏଠାରେ ଲାଠିକୁ ଦେବୀଦେବାଭାବେ ସେମାନେ ପୂଜା କରିଥାନ୍ତି ।

ବ୍ରହ୍ମପୁର ରେଳ ଷ୍ଟେଶନ୍‌ରେ ଅଭାବନୀୟ ଘଟଣା: ବ୍ଲେଡରେ ବେକ କାଟିଲେ ବୃଦ୍ଧ

ବ୍ରହ୍ମପୁର ରେଳ ଷ୍ଟେଶନ୍‌ରେ ଅଭାବନୀୟ ଘଟଣା: ବ୍ଲେଡରେ ବେକ କାଟିଲେ ବୃଦ୍ଧ

ବ୍ରହ୍ମପୁର ଅଫିସ,୧୯ା୧୦-ବ୍ରହ୍ମପୁର ରେଳ ଷ୍ଟେଶନ୍‌ରେ ଶୁକ୍ରବାର ସକାଳେ ଏକ ଅଭାବନୀୟ ଘଟଣା ଘଟିଛି । ଜଣେ ବୃଦ୍ଧା ଏକ ବ୍ଲେଡ୍‌ରେ ନିଜ ବେକକୁ କାଟି ଦେଇଥିଲେ । ଗୁରୁତର ଅବସ୍ଥାରେ ତାଙ୍କୁ ବ୍ରହ୍ମପୁର ବଡ଼ ମେଡ଼ିକାଲରେ ଭର୍ତ୍ତି କରାଯାଇଛି। ମିଳିଥିବା ସୂଚନା ଅନୁଯାୟୀ, ଆସିକା ବ୍ଲକ ସିଦ୍ଧନଇ ପଞ୍ଚାୟତ ମହାରାଜା ଗ୍ରାମର ଟୁଙ୍ଗୁରୁ ବେହେରା ସୁରତ୍‌ରେ କାମ କରୁଛନ୍ତି । 

ମହାଦଶମୀ ଅବସରରେ ମା’ ମଙ୍ଗଳା ମନ୍ଦିରରେ ଭକ୍ତଙ୍କ ଭିଡ଼

ମହାଦଶମୀ ଅବସରରେ ମା’ ମଙ୍ଗଳା ମନ୍ଦିରରେ ଭକ୍ତଙ୍କ ଭିଡ଼

କାକଟପୁର,୧୯।୧୦(ଡି.ଏନ୍‌.ଏ.)- ଶୁକ୍ରବାର ମହାଦଶମୀ ଅବସରରେ ପ୍ରାତଃରୁ ବିଭିନ୍ନ ସ୍ଥାନରୁ ଭକ୍ତଙ୍କ ସୁଅ ଛୁଟିଥିଲା କାକଟପୁରର ମା’ ମଙ୍ଗଳା ମନ୍ଦିରକୁ। ମା’ଙ୍କ ଦର୍ଶନ ଓ ପୂଜାର୍ଚ୍ଚନା କରିବା ପାଇଁ  ଭକ୍ତଙ୍କ ଭିଡ଼ରେ ଚଳଚଞ୍ଚଳ ହୋଇ ପଡିଥିଲା ମଙ୍ଗଳା ମନ୍ଦିର । 

ଅନାଥଙ୍କ ସହ କଟକ ମେଢ଼ ବୁଲିଲେ ପଦ୍ମାଳୟା

ଅନାଥଙ୍କ ସହ କଟକ ମେଢ଼ ବୁଲିଲେ ପଦ୍ମାଳୟା

କଟକ ଅଫିସ,୧୯।୧୦- ଓଡ଼ିଶାର ଯେକୌଣସି ଅଞ୍ଚଳରେ ବୁଲିଲେ ମଧ୍ୟ ଦୁର୍ଗାପୂଜା ପାଇଁ କଟକ ସହର ବେଶ ଜଣାଶୁଣା। ସେଠାକାର ମଣ୍ଡପରେ ହୋଇଥିବା ଆକର୍ଷଣୀୟ ମୂର୍ତ୍ତି ହେଉ କି ସୁସଜ୍ଜିତ ତୋରଣ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛି । 

ବନ୍ୟା କ୍ଷତିଗ୍ରସ୍ତ ଚାଷୀଙ୍କୁ ମିଳିବ ଇନ୍‌ପୁଟ୍‌ ସବ୍‌ସିଡି, ପ୍ରଭାବିତ ଅଞ୍ଚଳ ବୁଲି ରିପୋର୍ଟ ଦେବାକୁ ଏସ୍‌ଆର୍‌ସିଙ୍କ ନିର୍ଦ୍ଦେଶ

ବନ୍ୟା କ୍ଷତିଗ୍ରସ୍ତ ଚାଷୀଙ୍କୁ ମିଳିବ ଇନ୍‌ପୁଟ୍‌ ସବ୍‌ସିଡି, ପ୍ରଭାବିତ ଅଞ୍ଚଳ ବୁଲି ରିପୋର୍ଟ ଦେବାକୁ ଏସ୍‌ଆର୍‌ସିଙ୍କ ନିର୍ଦ୍ଦେଶ

ଭୁବନେଶ୍ୱର,୧୯।୧୦(ବ୍ୟୁରୋ): ବାତ୍ୟା ଓ ବନ୍ୟା କ୍ଷତିଗ୍ରସ୍ତ ଚାଷୀଙ୍କୁ ଇନ୍‌ପୁଟ୍‌ ସବ୍‌ସିଡି ମିଳିବ। ଜଳସେଚିତ ଜମି ପାଇଁ ହେକ୍ଟର ପିଛା ୧୩,୫୦୦ଟଙ୍କା ସବ୍‌ସିଡି ମିଳିବ। ସେହିଭଳି ଅଣ ଜଳସେଚିତ ଜମି ପାଇଁ ହେକ୍ଟର ପିଛା ୬,୮୦୦ ଟଙ୍କା ଦିଆଯିବ ବୋଲି ଏସ୍‌ଆର୍‌ସି ବିଷ୍ଣୁପଦ ସେଠୀ ସୂଚନା ଦେଇଛନ୍ତି।

ଦଶହରାରେ ଦାରିଙ୍ଗବାଡ଼ି ଉତ୍ସବ ମୁଖର, ମା’ ପାଟଖଣ୍ଡାଙ୍କ ପୀଠରେ ଶ୍ରଦ୍ଧାଳୁଙ୍କ ଭିଡ଼

ଦଶହରାରେ ଦାରିଙ୍ଗବାଡ଼ି ଉତ୍ସବ ମୁଖର, ମା’ ପାଟଖଣ୍ଡାଙ୍କ ପୀଠରେ ଶ୍ରଦ୍ଧାଳୁଙ୍କ ଭିଡ଼

ଦାରିଙ୍ଗବାଡ଼ି,୧୯।୧୦(ଡି.ଏନ.ଏ.)- କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଳକ ଅଞ୍ଚଳରେ ଶୁକ୍ରବାର  ଦଶହରା ପର୍ବ ବା ବିଜୟା ଦଶମୀ ବଡ଼ ଧୁମ୍‌ଧାମ୍‌ରେ ପାଳିତ ହୋଇଯାଇଛି। ଉକ୍ତ ବ୍ଳକର ଦାରିଙ୍ଗବାଡ଼ି ସମେତ ସିମନବାଡ଼ିଠାରେ ମା’ ଦୁର୍ଗାଙ୍କ ମୃଣ୍ମୟୀ ମୁର୍ତ୍ତି ସ୍ଥାପନ କରାଯାଇ ପୁଜାର୍ଚ୍ଚନା କରାଯାଉଛି। ଦଶମୀ ଦର୍ଶନ ପାଇଁ ଶ୍ରଦ୍ଧାଳୁ ମାନେ ଭିଡ଼ ଜମାଇଥିଲେ ।