ଅନଗୁଳ-ଢେଙ୍କାନାଳ

ଆବାସ ଯୋଜନାରେ ଅଜବ କାର୍ଯ୍ୟ; ସ୍ତ୍ରୀଙ୍କୁ ଇନ୍ଦିରା, ସ୍ବାମୀଙ୍କୁ ପ୍ରଧାନମନ୍ତ୍ରୀ ଆବାସ

ଆବାସ ଯୋଜନାରେ ଅଜବ କାର୍ଯ୍ୟ; ସ୍ତ୍ରୀଙ୍କୁ ଇନ୍ଦିରା, ସ୍ବାମୀଙ୍କୁ ପ୍ରଧାନମନ୍ତ୍ରୀ ଆବାସ

ବନ୍ତଳା,୧୭।୧୨- ଅନେକ ଗରିବ, ବାସହୀନଙ୍କୁ ସରକାରୀ ଯୋଜନାରେ ଘରଟିଏ ମିଳୁନି। ହେଲେ ଅନୁଗୋଳ ବ୍ଲକ ବନ୍ତଳା ଥାନା ଅଞ୍ଚଳର ଏକ ଦମ୍ପତିଙ୍କୁ ଆବାସ ଯୋଜନାରେ ୨ଟି ଗୃହ ବ୍ଲକ ପକ୍ଷରୁ ଯୋଗାଇ ଦିଆଯାଇଛି। ସବୁଠାରୁ ଆଶ୍ଚର୍ଯ୍ୟର କଥା, ବାରଗୌଣିଆ ପଞ୍ଚାୟତ ସାନହିଂସ ଗ୍ରାମର ଗୋଟିଏ ପ୍ଲଟରେ ଦୁଇଟି ଯାକ ଗୃହ ନିର୍ମାଣ ହୋଇଥିଲେ ହେଁ ଉଭୟ ଘର କାନ୍ଥରେ କିନ୍ତୁ ଭିନ୍ନ ଭିନ୍ନ ପଞ୍ଚାୟତ ଓ ଗଁା ନଁା ଉଲ୍ଲେଖ କରାଯାଇଛି। ସ୍ତ୍ରୀ ସୁକୁମାରୀ ଭୋଇଙ୍କ ଘର କାନ୍ଥରେ ଏହା ତଳଗଡ଼ ପଞ୍ଚାୟତର ପୋଡାସାହି ବୋଲି ଉଲ୍ଲେଖ କରାଯାଇଥିବା ବେଳେ ତାଙ୍କ ସ୍ବାମୀ ନବ ଭୋଇଙ୍କ ଘର କାନ୍ଥରେ ବାରଗୌଣିଆ ପଞ୍ଚାୟତ ସାନହିଂସ ଗ୍ରାମ ଲେଖାଯାଇଛି। ଯଦିଓ ଦୁଇ ପଞ୍ଚାୟତ ପକ୍ଷରୁ ଏଥିପାଇଁ ଭୋଟର ପରିଚୟପତ୍ରକୁ ଦାୟୀ କରାଯାଇଛି ତଥାପି ବ୍ଲକ ପ୍ରଶାସନ ଓ ଦାୟିତ୍ୱରେ ଥିବା ଅଧିକାରୀମାନେ ଏପରି ଅଜବ କାର୍ଯ୍ୟକୁ କିପରି ସ୍ବୀକୃତି ଦେଲେ ତାହା ସାଧାରଣରେ ଚର୍ଚ୍ଚାର ବିଷୟ ହୋଇଛି।
ଉଭୟ ଘର କାନ୍ଥରେ ଥିବା ଲିଖିତ ସୂଚନା ଅନୁଯାୟୀ, ୨୦୧୪-୧୫ ବର୍ଷରେ ଇନ୍ଦିରାଆବାସ ଯୋଜନାରେ ୪୫ ହଜାର ଟଙ୍କାର ଗୃହ ନିର୍ମାଣ କାର୍ଯ୍ୟାଦେଶ ହିତାଧିକାରୀ ତଳଗଡ଼ ପଞ୍ଚାୟତ ପୋଡ଼ାସାହି ଗ୍ରାମର ସୁକୁମାରୀ ଭୋଇ ପାଇଛନ୍ତି। ସେହିପରି ୨୦୧୬-୧୭ ବର୍ଷରେ ପ୍ରଧାନମନ୍ତ୍ରୀ ଆବାସ ଯୋଜନାରେ ହିତାଧିକାରୀ ବାରଗୌଣିଆ ପଞ୍ଚାୟତ ସାନହିଂସ ଗ୍ରାମର ନବ ଭୋଇଙ୍କୁ ୧ ଲକ୍ଷ ୨୦ ହଜାର ଟଙ୍କାର ଗୃହ ନିର୍ମାଣ କାର୍ଯ୍ୟାଦେଶ ଦିଆଯାଇଛି। ପ୍ରଦାନ କରାଯାଇଥିବା କାର୍ଯ୍ୟାଦେଶ ଅନୁଯାୟୀ ହିତାଧିକାରୀ ସୁକୁମାରୀ ତଳଗଡ଼ ପଞ୍ଚାୟତ ପୋଡ଼ାସାହିର ହୋଇଥିବାରୁ ସେଠାରେ ଘର ନିର୍ମାଣ କରିବା କଥା। ଏପରି ହୋଇଥିଲେ ଭୋଟର ପରିଚୟ ପତ୍ର, ସରକାରୀ କାର୍ଯ୍ୟାଦେଶ ଓ ଗୃହ ନିର୍ମାଣରେ କୌଣସି ତ୍ରୁଟି କେହି ବାହାର କରିପାରି ନ ଥାନ୍ତେ। ହେଲେ ସମ୍ପୃକ୍ତ ହିତାଧିକାରୀ ସାନହିଂସ ଗ୍ରାମ ବାସିନ୍ଦା ତଥା ଉକ୍ତ ଗ୍ରାମର ନବ ଭୋଇଙ୍କ ସ୍ତ୍ରୀ ହୋଇଥିବାରୁ ସେ ପୋଡ଼ାସାହି କାର୍ଯ୍ୟାଦେଶକୁ ସାନହିଂସରେ ବ୍ୟବହାର କରିଥିବା କୁହାଯାଉଛି। ଏହା ବେଆଇନ ହୋଇଥିଲେ ବି ଏହି ଘଟଣାକୁ ଦୁଇ ପଞ୍ଚାୟତ କର୍ତ୍ତୃପକ୍ଷ ଓ ବ୍ଲକ ପ୍ରଶାସନିକ ଅଧିକାରୀମାନେ କିପରି ଅଣଦେଖା କଲେ ଏବଂ ଭୋଟର ପରିଚୟପତ୍ର ଉପରେ ଦୋଷ ଲଦି ନିଜ ଉପରୁ ଦାୟିତ୍ୱ ଖସାଇ ଦେବାର ଉଦ୍ୟମ କଲେ ବୋଲି ସ୍ଥାନୀୟ ଲୋକେ ପ୍ରଶ୍ନ କରିଛନ୍ତି। ତୁରନ୍ତ ଏହାର ଉଚ୍ଚସ୍ତରୀୟ ତଦନ୍ତ କରାଯିବା ପାଇଁ ସାଧାରଣରେ ଦାବି ହୋଇଛି।
ଏ ବିଷୟରେ ହିତାଧିକାରୀ ନବ ଭୋଇ କୁହନ୍ତି, ତଳଗଡ଼ ପଞ୍ଚାୟତରୁ ସ୍ତ୍ରୀଙ୍କ ନାମରେ ଓ ବାରଗୌଣିଆ ପଞ୍ଚାୟତରୁ ମୋ ନାମରେ କାର୍ଯ୍ୟାଦେଶ ପାଇଥିଲୁ। ଗୋଟିଏ ଜାଗାରେ ଏକାଠି ଘର କରିଛୁ। ଅନୁଗୋଳ ବିଡିଓ ଦାୟିତ୍ୱରେ ଥିବା ତହସିଲଦାର ସରିତା ପ୍ରଧାନ କହିଛନ୍ତି, ଗୋଟିଏ ଦମ୍ପତି କେମିତି ୨ଟି ଗୃହର କାର୍ଯ୍ୟାଦେଶ ପାଇଲେ ସେ ବିଷୟରେ ବୁଝିଲା ପରେ କହିବି। ତଳଗଡ଼ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ କାବୁଲି ନାୟକ କହିଛନ୍ତି, ଭୋଟର ପରିଚୟପତ୍ର ଅନୁସାରେ ସୁକୁମାରୀ ହେଉଛନ୍ତି ତଳଗଡ଼ ପଞ୍ଚାୟତ ବାସିନ୍ଦା। ୨୦୧୪-୧୫ରେ ବିଲ୍‌ ବାଦଦରେ ସେ ୪୫ ହଜାର ଟଙ୍କା ନେଇଥିଲେ। ଏବେ ଘର ଶେଷ ହୋଇଛି କି ନାହିଁ ତାହା ଜଣାନାହିଁ। ବାରଗୌଣିଆ ସରପଞ୍ଚ ସୌରାଷ୍ଟ୍ର ସାହୁ କହିଛନ୍ତି, ସାନହିଂସ ଗ୍ରାମର ନବ ଭୋଇ ଆମ ପଞ୍ଚାୟତ ଲୋକ ଏବଂ ସାନହିଂସ ଗଁା ଏହି ପଞ୍ଚାୟତରେ ଯାଉଛି। ତେଣୁ ସେ ଗୃହ ନର୍ମାଣ କାର୍ଯ୍ୟାଦେଶ ପାଇଛନ୍ତି।

All Right Reserved By

ଅନଗୁଳ-ଢେଙ୍କାନାଳ

ମହିଳାଙ୍କଠାରୁ ସୁନାଚେନ ଲୁଟ୍‌

ମହିଳାଙ୍କଠାରୁ ସୁନାଚେନ ଲୁଟ୍‌

ତାଳଚେର,୧୭ା୭(ନି.ପ୍ର.)- କଲିୟାରୀ ଥାନା ନିକଟରେ ମଙ୍ଗଳବାର ଅପରାହ୍ନରେ ଲୁଟ୍‌ ହୋଇଛି। ୩ ଜଣ ଦୁର୍ବୃତ୍ତ ଜଣେ ମହିଳାଙ୍କ ସ୍ବାମୀଙ୍କୁ ମାଡ଼ମାରି ତାଙ୍କଠାରୁ ସୁନାଚେନ ଲୁଟି ନେଇଛନ୍ତି। ଏ ନେଇ ଥାନାରେ ଅଭିଯୋଗ ହୋଇଛି। ଭରତପୁର କୋଇଲା ଖଣିରେ ତାଳଚେର ସହରର ଭରତ ଚନ୍ଦ୍ର ସାମଲ ଫୋରମ୍ୟାନ ଭାବେ କାମ କରନ୍ତି।

ବାଇକ ଧକ୍କାରେ ଯୁବକ ମୃତ

ତାଳଚେର,୧୭ା୭(ନି.ପ୍ର.)- ଟିଟିପିଏସ୍‌ ଭେଲ କଲୋନୀ ମାର୍କେଟ ନିକଟରେ ମଙ୍ଗଳବାର ଅପରାହ୍ନରେ ବାଇକ୍‌ ଧକ୍କାରେ ଜଣେ ଯୁବକ ପ୍ରାଣ ହରାଇଛନ୍ତି। ସେ ହଲେ ତାଳଚେର ବ୍ଲକ କଜଗନ୍ନାଥପୁରା ଗ୍ରାମର ବାବୁଲାଲ ପାତ୍ର (୪୨)। ବାବୁଲାଲ ନିଜ ଅଟୋକୁ ଭେଲ କଲୋନୀ ମାର୍କେଟ ନିକଟରେ ରଖି ଛିଡା ହୋଇଥିଲେ।

 ପଶୁ ଡାକ୍ତର ନିଯୁକ୍ତି ହେଉ ନହାନ୍ତି: ବ୍ୟାପୁଛି  ଫାଟୁଆ

ପଶୁ ଡାକ୍ତର ନିଯୁକ୍ତି ହେଉ ନହାନ୍ତି: ବ୍ୟାପୁଛି ଫାଟୁଆ

ବଇଣ୍ଡା,୧୭।୭(ଡି.ଏନ.ଏ.)- ଅନୁଗୋଳ ଜିଲା ଆଠମଲ୍ଲିକ ଉପଖଣ୍ଡରେ ପଶୁ ଚିକିତ୍ସା ସେବା ବିପର୍ଯ୍ୟସ୍ତ ହୋଇପଡ଼ିଛି। ପଶୁ ଡାକ୍ତର ଓ ଅନ୍ୟାନ କର୍ମଚାରୀ ନିଯୁକ୍ତି କରାଯାଉ ନ ଥିବା ଯୋଗୁ ଏପରି ସମସ୍ୟା ସୃଷ୍ଟି ହୋଇଛି। ଠାକୁରଗଡ଼, ପାଇକସାହି, ସାନହୁଲା ଆଦି ପଶୁ ଡାକ୍ତରଖାନାରେ ପଶୁ ଡାକ୍ତର ପଦବୀ ଖାଲି ପଡ଼ିଛି। ଦୀର୍ଘଦିନ ଧରି ଏହି ପଦବୀ ପୂରଣ କରାଯାଉ ନ ଥିବା ଯୋଗୁ ଉକ୍ତ ଅଞ୍ଚଳରେ ପଶୁ ଗୁଡ଼ିକ ଚିକିତ୍ସା ପାଇପାରୁ ନାହାନ୍ତି। ଫଳରେ ଅନେକ ଗ୍ରାମରେ ଫାଟୁଆ ରୋଗ ବ୍ୟାପିବାରେ ଲାଗିଛି।

କର୍ଣ୍ଣପାଳ ଗ୍ରାମ ରାସ୍ତା ଶୋଚନୀୟ

କର୍ଣ୍ଣପାଳ ଗ୍ରାମ ରାସ୍ତା ଶୋଚନୀୟ

ଛେଣ୍ଡିପଦା,୧୭।୭(ଡି.ଏନ.ଏ.)- ଛେଣ୍ଡିପଦା ବ୍ଲକ କଣଲୋଇ ପଞ୍ଚାୟତ କର୍ଣ୍ଣପାଳ ଗ୍ରାମ ରାସ୍ତା ଶୋଚନୀୟ ହୋଇପଡ଼ିଛି। ସାମାନ୍ୟ ବର୍ଷା ହେଲେ ଉକ୍ତ ରାସ୍ତାରେ କାଦୁଅ ପୂର୍ଣ୍ଣ ହୋଇଯାଉଛି। କଣଲୋଇ-ଭଟପାଳ ମୁଖ୍ୟ ରାସ୍ତାଠାରୁ ଏହି ଗ୍ରାମକୁ ସଂଯୋଗ କରୁଥିବା ରାସ୍ତାଟି ଆବଶ୍ୟକୀୟ ରକ୍ଷଣାବେକ୍ଷଣ ଅଭାବରୁ ଏପରି ସମସ୍ୟା ସୃଷ୍ଟି ହୋଇଛି।

ବିପର୍ଯ୍ୟସ୍ତ ଟ୍ରାଫିକ୍‌, ଅସୁରକ୍ଷିତ ଲୋକେ

ବିପର୍ଯ୍ୟସ୍ତ ଟ୍ରାଫିକ୍‌, ଅସୁରକ୍ଷିତ ଲୋକେ

ବଅଁରପାଳ, ୧୭ା୭(ଡି.ଏନ.ଏ.)- ବିପର୍ଯ୍ୟସ୍ତ ଟ୍ରାଫିକ୍‌ ବ୍ୟବସ୍ଥା ଘେରରେ ବଅଁରପାଳ ବଜାର। ଭିଡ଼ ନିୟନ୍ତ୍ରଣ ପାଇଁ ନା ଅଛନ୍ତି ଟ୍ରାଫିକ ପୋଲିସ ନା ଜଳୁଛି ଲାଇଟ୍‌। ୫୫ ଓ ୧୪୯ ନମ୍ବର ଜାତୀୟ ରାଜପଥ ସହ ସଂଯୋଗ ଥିବା ଏହି ଗୁରୁତ୍ୱପୂର୍ଣ୍ଣ ଛକ ପୋଲିସ ପ୍ରଶାସନ ଅବହେଳାର ଶିକାର ହୋଇଛି। ଫଳରେ ଦିନକୁ ଦିନ ଏଠାରେ ଯାତାୟାତ ସମସ୍ୟା ବଢିବା ସହ ଦୈନିକ ଛୋଟବଡ ଦୁର୍ଘଟଣାମାନ ଘଟୁଛି। ଏପରିକି ୨ ଦିନ ତଳେ ବଜାରରେ ଥିବା ଏକ ଟ୍ରାଫିକ୍‌ ପୋଷ୍ଟଟି ଗାଡ଼ି ଧକ୍କାରେ ଭାଙ୍ଗି ଯାଇଛି। ଏପରିସ୍ଥିତିରେ ବିପଦପୂର୍ଣ୍ଣ ଭାବେ ସେଠାରେ ଯାନବାହାନ ଚଳାଚଳକୁ ନେଇ ଅସନ୍ତୋଷ ପ୍ରକାଶ ପାଇଛି।

ଏସ୍‌ପିଙ୍କ ନିକଟରେ ଫେରାଦ ହେଲେ ଜରାସିଂହାବାସୀ

ଏସ୍‌ପିଙ୍କ ନିକଟରେ ଫେରାଦ ହେଲେ ଜରାସିଂହାବାସୀ

ଅନୁଗୋଳ ଅଫିସ, ୧୭ା୭- କୁମଣ୍ଡ ଭଣ୍ଡଗୋଳ ଅଞ୍ଚଳରେ ଗତ ୮ ତାରିଖରେ ନିହାର ରଞ୍ଜନ ସାହୁଙ୍କ ଅସ୍ବାଭାବିକ ମୃତ୍ୟୁ ଘଟଣାର ତଦନ୍ତ କରି ଦୋଷୀଙ୍କୁ ଗିରଫ କରିବା ପାଇଁ ଜରାସିଂହା ଗ୍ରାମ ସଭାପତିଙ୍କ ସହ ଏକ ପ୍ରତିନିଧି ଦଳ ସୋମବାର ଅନୁଗୋଳ ଏସ୍‌ପିଙ୍କୁ ଭେଟି ଦାବିପତ୍ର ପ୍ରଦାନ କରିଛନ୍ତି।

ଶ୍ରୀଗୁଣ୍ଡିଚା ଭଜନ ସମାରୋହର ତୃତୀୟ ସନ୍ଧ୍ୟା: ଭୁଜ ତଳେ ମୋତେ ରଖ ମହାବାହୁ..

ଶ୍ରୀଗୁଣ୍ଡିଚା ଭଜନ ସମାରୋହର ତୃତୀୟ ସନ୍ଧ୍ୟା: ଭୁଜ ତଳେ ମୋତେ ରଖ ମହାବାହୁ..

ଢେଙ୍କାନାଳ ଅଫିସ,୧୭।୭- ଢେଙ୍କାନାଳ ବାଜିଚୌକଠାରେ ୯ଦିନ ବ୍ୟାପି ଅନୁଷ୍ଠିତ ହେଉଥିବା ଶ୍ରୀଗୁଣ୍ଡିଚା ଭଜନ ସମାରୋହର ସୋମବାର ଥିଲା ତୃତୀୟ ସନ୍ଧ୍ୟା।

କଙ୍କଡ଼ାହାଡ଼ ବ୍ଲକ ଅଫିସରେ ବର୍ଷା ପାଣି ପଶିଲା

ଢେଙ୍କାନାଳ ଅଫିସ,୧୭।୭- ଲଗାଣ ବର୍ଷା ଯୋଗୁ ଢେଙ୍କାନାଳ ଜିଲା କଙ୍କଡାହାଡ ବ୍ଲକ କାର୍ଯ୍ୟାଳୟରେ ସୋମବାର ପାଣି ପଶିଯାଇଛି।

ପରିପୂର୍ଣ୍ଣ ଜୀବନ ପାଇଁ ନିଷ୍ଠାପର ସାଧନା ଜରୁରୀ

ପରିପୂର୍ଣ୍ଣ ଜୀବନ ପାଇଁ ନିଷ୍ଠାପର ସାଧନା ଜରୁରୀ

ଢେଙ୍କାନାଳ ଅଫିସ,୧୭।୭- ଢେଙ୍କାନାଳ ସଦର ବ୍ଲକ ବାରଦାସ୍ଥିତ ମାତୃଭବନ ପରିସରରେ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ରର ୩୮ତମ ପ୍ରତିଷ୍ଠା ଦିବସ ସୋମବାର ପାଳିତ ହୋଇଯାଇଛି। ଏହି ଉତ୍ସବରେ ମୁଖ୍ୟଅତିଥି ପରିବେଶବିତ୍‌ ପ୍ରଦ୍ୟୁମ୍ନ କୁମାର ରଥ ମାତୃ ପତାକା ଉତ୍ତୋଳନ କରିବା ସହ ଛାତ୍ରୀଛାତ୍ରଙ୍କ ଦ୍ୱାରା ମାର୍ଚ୍ଚପାଷ୍ଟରେ ଅଭିବାଦନ ଗ୍ରହଣ କରିଥିଲେ। ଅରବିନ୍ଦଙ୍କ ଯୋଗ ଆଦର୍ଶରେ ଅନୁପ୍ରାଣିତ ହୋଇ ଶୃଙ୍ଖଳିତ ଜୀବନଯାପନ କରିବାକୁ ସେ ପରାମର୍ଶ ଦେଇଥିଲେ।

୩୫୮ ପରିବାରକୁ ଚାରା ବଣ୍ଟନ

ଭାପୁର,୧୭।୭(ଡି.ଏନ.ଏ.)- ଢେଙ୍କାନାଳ ଜିଲା ସଦର ବ୍ଲକ ଚନ୍ଦ୍ରଶେଖର ପ୍ରସାଦ ପଞ୍ଚାୟତ ଅଧୀନ ଅଉଖମା ଗ୍ରାମରେ କୃଷି ବିଭାଗ ପକ୍ଷରୁ କୃଷକ କଲ୍ୟାଣ ଅଭିଯାନରେ ସୋମବାର ୩୫୮ ପରିବାରକୁ ୧୭୯୦ ଆମ୍ବଚାରା ପ୍ରଦାନ କରାଯାଇଛି। ଏହି ଅବସରରେ ଏକ ସଭାର ଆୟୋଜନ କରାଯାଇଥିଲା। ଏ

ନାବାଳିକାଙ୍କୁ ଅପହରଣ ଅଭିଯୋଗ

ତାଳଚେର, ୧୭ା୭(ନି.ପ୍ର.)- ତାଳଚେର ବ୍ଲକ କଲିୟାରୀ ଥାନା ଅଞ୍ଚଳର ଜଣେ ନାବାଳିକାଙ୍କୁ ଅପହରଣ କରାଯାଇଥିବା ସୋମବାର ଅଭିଯୋଗ ହୋଇଛି।

ଭୁଜାଲି ଦେଖାଇ ନେଇଗଲେ ବାଇକ

ଭୁଜାଲି ଦେଖାଇ ନେଇଗଲେ ବାଇକ

ତାଳଚେର,୧୭ା୭(ନି.ପ୍ର.)- ତାଳଚେର ଥାନା ଅନ୍ତର୍ଗତ ଯଦୁନାଥପୁର ଗ୍ରାମ ନିକଟରେ ରବିବାର ରାତିରେ ଲୁଟ୍‌ ହୋଇଛି। ୩ ଜଣ ଦୁର୍ବୃତ୍ତ ଭୁଜାଲି ଓ ମାଉଜର ଦେଖାଇ ଏକ ବାଇକ ଲୁଟି ନେଇଛନ୍ତି। ଏ ନେଇ ଥାନାରେ ଅଭିଯୋଗ ହୋଇଛି।

Model This Week

ରୂପେଶ