Dharitri News
ଅନଗୁଳ-ଢେଙ୍କାନାଳ

କେନ୍ଦୁପତ୍ର କର୍ମଚାରୀ ସଂଘର ବୈଠକ; କାର୍ଯ୍ୟାଳୟ ସ୍ଥାନାନ୍ତର ହେଲେ ଆନ୍ଦୋଳନ

କେନ୍ଦୁପତ୍ର କର୍ମଚାରୀ ସଂଘର ବୈଠକ; କାର୍ଯ୍ୟାଳୟ ସ୍ଥାନାନ୍ତର ହେଲେ ଆନ୍ଦୋଳନ ବଇଣ୍ଡା,୧୬।୧୨(ଡି.ଏନ.ଏ)- ଅନୁଗୋଳ ଜିଲା କିଶୋରନଗର ବ୍ଲକ ବଇଣ୍ଡାରେ କେନ୍ଦୁପତ୍ର ବନାଞ୍ଚଳ କାର୍ଯ୍ୟାଳୟର ନୂତନ କୋଠା ନିର୍ମାଣ ପାଇଁ ସରକାରଙ୍କ ପକ୍ଷରୁ ନିଷ୍ପତ୍ତି ନିଆଯାଇଛି। ହେଲେ ଏହି କୋଠା ବଇଣ୍ଡା ବଦଳରେ ଅନ୍ୟତ୍ର ନିର୍ମାଣ ପାଇଁ ବିଭାଗ ପକ୍ଷରୁ ଉଦ୍ୟମ କରାଯାଉଥିବା ଓଡ଼ିଶା କେନ୍ଦୁପତ୍ର କର୍ମଚାରୀ ସଂଘର (ଆଠମଲ୍ଲିକ ଶାଖା) ପକ୍ଷରୁ ଅଭିଯୋଗ ହୋଇଛି। ଏହାକୁ ସଂଘ ପକ୍ଷରୁ ବିରୋଧ କରାଯାଇଛି। ବଇଣ୍ଡା ବଦଳରେ ଏହି କାର୍ଯ୍ୟାଳୟକୁ ଅନ୍ୟତ୍ର ସ୍ଥାନାନ୍ତର କରାଗଲେ ସଂଘ ଆନ୍ଦୋଳନକୁ ଓହାଲଇବ ବୋଲି ଚେତାବନୀ ଦେଇଛି। ଏ ନେଇ ବଇଣ୍ଡାଠାରେ ଶାଖା ପକ୍ଷରୁ ଶନିବାର କାର୍ଯ୍ୟାଳୟ ନିକଟରେ ଏକ ବୈଠକ ବସିଥିଲା। ଶାଖାର ସମ୍ପାଦକ ବିନୋଦ କୁମାର ପ୍ରଧାନଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ଉଗ୍ରସେନ ପ୍ରଧାନ, ମାୟାଧର ପ୍ରଧାନ, ବସନ୍ତ କୁମାର ସାହୁ, ବଂଶୀଧର ପଣ୍ଡା, ଘନଶ୍ୟାମ ବେହେରା, ସପ୍ନେଶ୍ୱର ବେହେରା, ଭୀମ୍‌ସେନ ପ୍ରଧାନ, ମନୋଜ କୁମାର ବେହେରା, ବାଙ୍କନିଧି ସାହୁ, କୃଷ୍ଣଚନ୍ଦ୍ର ପ୍ରଧାନ, ଜଗବନ୍ଧୁ ପ୍ରଧାନ, ସନ୍ତୋଷ କୁମାର ସାହୁ, ବାମଦେବ ସାହୁ ପ୍ରମୁଖ ଯୋଗ ଦେଇଥିଲେ। ସଂଘର ଅଭିଯୋଗ ମୁତାବକ, ୨୦୧୫ ଏପ୍ରିଲ ୧ରେ ହଣ୍ଡପା କେନ୍ଦୁପତ୍ର ବନାଞ୍ଚଳକୁ ବଇଣ୍ଡା ବନାଞ୍ଚଳ କାର୍ଯ୍ୟାଳୟରେ ମିଶ୍ରଣ କରି ବଇଣ୍ଡା ସ୍ଥିତ ବଡ଼ହୁଲା ଗ୍ରାମ ନିକଟରେ ଏହି କାର୍ଯ୍ୟାଳୟ ନିର୍ମାଣ କରାଯାଇଥିଲା। ଏବେ ୨୭ ଲକ୍ଷ ଟଙ୍କା ଅଟକଳରେ ରାଜ୍ୟ ସରକାରଙ୍କ ପକ୍ଷରୁ ଏକ ନୂତନ କାର୍ଯ୍ୟାଳୟ ପାଇଁ କୋଠା ନିର୍ମାଣ କରାଯିବାକୁ ସ୍ଥିର ହୋଇଛି। ହେଲେ ଉକ୍ତ କୋଠାଟି ବଇଣ୍ଡା ପରିବର୍ତ୍ତେ ଅନ୍ୟ ଏକ ସ୍ଥାନରେ ନିର୍ମାଣ କରାଯିବ ବୋଲି ବିଭାଗ ପକ୍ଷରୁ ଯୋଜନା କରାଯାଉଛି। ଏହାକୁ ନେଇ ଅସନ୍ତୋଷ ଦେଖାଦେଇଛି। ଏହି ଅଞ୍ଚଳରେ ଜାଗା ଚିହ୍ନଟ କରା ନ ଯାଇ ଅନ୍ୟତ୍ର କାର୍ଯ୍ୟାଳୟ ନିର୍ମାଣ କରାଯିବ ବୋଲି ଯୋଜନା କରାଯାଉଥିବା ଶାଖାର ସମ୍ପାଦକ ଅଭିଯୋଗ କରିଛନ୍ତି। ଏପରି ହେଲେ ଆନ୍ଦୋଳନ କରାଯିବ ବୋଲି ଚେତାବନୀ ଦିଆଯାଇଛି। ଏ ସମ୍ପର୍କରେ ବଇଣ୍ଡା କେନ୍ଦୁପତ୍ର ବନା଼ଞ୍ଚଳ ରେଞ୍ଜର ବୀରେନ ମହାପାତ୍ର କୁହନ୍ତି, ନୂତନ କୋଠା ନିର୍ମାଣ କରିବା ପାଇଁ ବଇଣ୍ଡା ରେଞ୍ଜ କାର୍ଯ୍ୟାଳୟଠାରେ ଯୋଜନା କରାଯାଇଛି। ଏ ନେଇ ଜାଗା ଚିହ୍ନଟ ହୋଇପାରୁ ନ ଥିବାବେଳେ ନିକଟସ୍ଥ ଗ୍ରାମବାସୀ ନୂତନ କାର୍ଯ୍ୟାଳୟକୁ ବିରୋଧ କରୁଛନ୍ତି। ଅନ୍ୟତ୍ର ଜାଗା ଦେବା ପାଇଁ କିଶୋରନଗର ତହସିଲଦାରଙ୍କୁ ଅବଗତ କରାଯାଇଛି। ଜାଗା ଚିହ୍ନଟ ହେଲେ କୋଠା ନିର୍ମାଣ ହେବ। ଏ ନେଇ ବଡ଼ହୁଲା ଗ୍ରାମ କମିଟି ସଭ୍ୟ ଅରିକ୍ଷିତ ସାହୁ କୁହନ୍ତି, ଏହି କୋଠା ରେଞ୍ଜ କାର୍ଯ୍ୟାଳୟଠାରେ ସ୍ଥାପନ ହେଉ। ଗ୍ରାମବାସୀ ଏହାକୁ ବିରୋଧ କରୁନାହାନ୍ତି।

ଅନଗୁଳ-ଢେଙ୍କାନାଳ

ଟ୍ରକ-ବସ୍‌ ଧକ୍କା: ୨ ଆହତ

ଟ୍ରକ-ବସ୍‌ ଧକ୍କା: ୨ ଆହତ

ବଅଁରପାଳ,୧୭।୧(ଡି.ଏନ୍‌.ଏ.): ନାଲକୋ ଥାନା ଅନ୍ତର୍ଗତ କାଣ୍ଡସର ପିତାବଳୀ ପୀଠ ନିକଟରେ ବୁଧବାର ଭୋର ସମୟରେ ଏକ ଟ୍ରକ ଓ ବସ୍‌ ମଧ୍ୟରେ ଧକ୍କା ହୋଇଛି। ଦୁର୍ଘଟଣାରେ ୨ ଜଣ ଆହତ ହୋଇଛନ୍ତି। ଆହତଙ୍କ ପରିଚୟ ମିଳିପାରି ନାହିଁ।

ପୁଷ୍ପ ପ୍ରଦର୍ଶନୀ ଲାଗି ପ୍ରସ୍ତୁତି ବୈଠକ

ପୁଷ୍ପ ପ୍ରଦର୍ଶନୀ ଲାଗି ପ୍ରସ୍ତୁତି ବୈଠକ

ବଅଁରପାଳ,୧୭।୧(ଡି.ଏନ୍‌.ଏ.): ଚଳିତ ମାସ ଶେଷ ସପ୍ତାହରେ ହେବାକୁଥିବା ପୁଷ୍ପ ପ୍ରଦର୍ଶନୀ ଲାଗି ନାଲକୋ ଉଦ୍ୟାନ ବିଭାଗ ପକ୍ଷରୁ ବୁଧବାର ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି।

ବିପିଏମ୍‌ୟୁ ଅଫିସ ଛାର୍‌ଖାର

ବିପିଏମ୍‌ୟୁ ଅଫିସ ଛାର୍‌ଖାର

ଢେଙ୍କାନାଳ ଅଫିସ,୧୬।୧-ଢେଙ୍କାନାଳ ସଦର ବ୍ଲକ ବେଲଟିକିରି ସ୍ବାସ୍ଥ୍ୟକେନ୍ଦ୍ର ପରିସରରେ ଥିବା ବ୍ଲକ ପ୍ରୋଗ୍ରାମ ମ୍ୟାନେଜମେଣ୍ଟ ୟୁନିଟ୍‌ (ବିପିଏମ୍‌ୟୁ) କାର୍ଯ୍ୟାଳୟରେ ସୋମବାର ରାତିରେ ଭୟାବହ ଅଗ୍ନିକାଣ୍ଡ ଘଟିଛି। ଏଥିରେ ବହୁ କମ୍ପ୍ୟୁଟର ସାମଗ୍ରୀ, ଆସବାବପତ୍ର ଜଳିପୋଡ଼ି ଛାରଖାର ହୋଇଯାଇଛି। ସୂଚନାପାଇ ଢେଙ୍କାନାଳ ଅଗ୍ନିଶମ ସଂସ୍ଥା କର୍ମଚାରୀ ପହଞ୍ଚତ୍ ନିଆଁକୁ ଆୟତ୍ତ କରିଥିଲେ।

କପିଳାସ ଜାଗର: ପ୍ରାତଃ ୪ଟା୨୦ ସୁଦ୍ଧା ଉଠିବ ମହାଦୀପ

କପିଳାସ ଜାଗର: ପ୍ରାତଃ ୪ଟା୨୦ ସୁଦ୍ଧା ଉଠିବ ମହାଦୀପ

ଢେଙ୍କାନାଳ ଅଫିସ, ୧୬।୧-ଢେଙ୍କାନାଳର ପ୍ରସିଦ୍ଧ ଶୈବପୀଠ ତଥା କପିଳାସ ଅଧୀଶ୍ୱର ମହାପ୍ରଭୁ ଶ୍ରୀଚନ୍ଦ୍ରଶେଖରଜୀଉଙ୍କ ପବିତ୍ର ଜାଗରଯାତ୍ରା ଫେବୃୟାରୀ ୧୪ରେ ଅନୁଷ୍ଠିତ ହେବ। ପ୍ରସିଦ୍ଧ ଜାଗରଯାତ୍ରାକୁ ଶାନ୍ତିଶୃଙ୍ଖଳାର ସହ ସମାପନ କରିବାକୁ ଆରମ୍ଭ ହୋଇଛି ପ୍ରଶାସନିକ ପ୍ରସ୍ତୁତି। ଏ ନେଇ ମଙ୍ଗଳବାର ପୂର୍ବାହ୍ନରେ ଜିଲା କାର୍ଯ୍ୟାଳୟ ସଦ୍‌ଭାବନା ଗୃହରେ ଏକ ବୈଠକ ଅନୁଷ୍ଠିତ ହୋଇଥିଲା।

ଥୋରିଆଛନ୍ଦା ଚେଙ୍କ ଘଟଣା: ଚିକିତ୍ସିତ ହେଲେ ୧୦ ଶିଶୁ

ଥୋରିଆଛନ୍ଦା ଚେଙ୍କ ଘଟଣା: ଚିକିତ୍ସିତ ହେଲେ ୧୦ ଶିଶୁ

ଭୁବନ,୧୬।୧(ଡି.ଏନ.ଏ)-ଭୁବନ ବ୍ଲକ ଥୋରିଆଛନ୍ଦା ଚେଙ୍କ ଘଟଣା ପ୍ରଶାସନର ନିଦ ହଜାଇ ଦେଇଛି। ଅନ୍ଧବିଶ୍ୱାସର ବଶବର୍ତ୍ତୀ ହୋଇ ଗ୍ରାମର ୨୫ରୁ ଊର୍ଦ୍ଧ୍ୱ ଶିଶୁଙ୍କ ସମେତ ୫୦ ଜଣଙ୍କୁ ଚେଙ୍କ ଦିଆଯିବା ସମ୍ପର୍କରେ ଗଣମାଧ୍ୟମରେ ପ୍ରଚାରିତ ହେବାପରେ ଅଞ୍ଚଳର ବିକାଶ ପାଇଁ ଅଣ୍ଟା ଭିଡ଼ିଛି ପ୍ରଶାସନ।

ଜିଲା ମହୋତ୍ସବ ୧୮ରୁ ଆରମ୍ଭ

ଜିଲା ମହୋତ୍ସବ ୧୮ରୁ ଆରମ୍ଭ

ଅନୁଗୋଳ ଅଫିସ,୧୬।୧- ଅନୁଗୋଳ ଜିଲା ସଂସ୍କୃତି ପରିଷଦ ଆନୁକୂଲ୍ୟରେ ଷଷ୍ଠ ଜିଲା ମହୋତ୍ସବ ଆସନ୍ତା ୧୮ରୁ ୨୨ ତାରିଖ ପର୍ଯ୍ୟନ୍ତ ଅନୁଗୋଳ ଷ୍ଟାଡିୟମ ପରିସରରେ ଅନୁଷ୍ଠିତ ହେବ। ଏହି ଉପଲକ୍ଷେ ଏକ ପଲ୍ଲିଶ୍ରୀମେଳାର ଆୟୋଜନ କରାଯାଇଛି। ଓରମାସ୍‌ ମାଧ୍ୟମରେ ଅନୁଷ୍ଠିତ ଏହି ପଲ୍ଲିଶ୍ରୀମେଳା ୫ଦିନ ଧରି ଚାଲିବ। ମଙ୍ଗଳବାର ଅନୁଗୋଳ ସର୍କିଟହାଉସ୍‌ ଠାରେ ଜିଲା ପ୍ରଶାସନ ତରଫରୁ ଆୟୋଜିତ ଖବରଦାତା ସମ୍ମିଳନୀରେ ଏହି ମହୋତ୍ସବ ଆୟୋଜନ ସମ୍ପର୍କରେ ସୂଚନା ଦିଆଯାଇଛି।

୪୨୪ ହିତାଧିକାରୀଙ୍କୁ ଭତ୍ତା ବଣ୍ଟନ

୪୨୪ ହିତାଧିକାରୀଙ୍କୁ ଭତ୍ତା ବଣ୍ଟନ

ଛେଣ୍ଡିପଦା,୧୬।୧(ଡି.ଏନ.ଏ.)- ଛେଣ୍ଡିପଦା ବ୍ଲକ ପ୍ରଶାସନ ପକ୍ଷରୁ ସ୍ଥାନୀୟ ବ୍ଲକ ସଭାଗୃହଠାରେ ମଙ୍ଗଳବାର ବ୍ଲକସ୍ତରୀୟ ଭତ୍ତା ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି।

ଧାରଣା ପରେ ମିଳିଲା ଭତ୍ତା

ଧାରଣା ପରେ ମିଳିଲା ଭତ୍ତା

କଣିହାଁ,୧୬।୧(ଡି.ଏନ.ଏ.)- କଣିହାଁ ବ୍ଲକ ବଡ଼ଗୁଣ୍ଡୁରୀ ପଞ୍ଚାୟତର ମଧୁବାବୁ ପେନସନ ଯୋଜନାର ହିତାଧିକାରୀମାନେ ଭତ୍ତା ଦାବିରେ ମଙ୍ଗଳବାର କଣିହାଁ ବ୍ଲକ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଥିଲେ। ଏହାକୁ ସମର୍ଥନ କରି ସରପଞ୍ଚ, ନାଏବ ସରପଞ୍ଚ ଓ ଓ୍ବାର୍ଡ ସଭ୍ୟମାନେ ଧାରଣାରେ ସାମିଲ ହୋଇଥିଲେ।

ଥାନା ଅଧିକାରୀଙ୍କ ବଦଳି ଦାବି

ପାଲଲହଡ଼ା,୧୬।୧(ଡି.ଏନ.ଏ.)- ପାଲଲହଡ଼ା ଉପଖଣ୍ଡରେ ଚୋରି, ଡକାୟତି ଆଦି ଆପରାଧିକ କାର୍ଯ୍ୟକଳାପ ବଢ଼ୁଥିବା ବେଳେ ସ୍ଥାନୀୟ ପୋଲିସ ଏହା ଉପରେ ଅଙ୍କୁଶ ଲଗାଇବାରେ ବିଫଳ ହୋଇଥିବା ପାଲଲହଡ଼ା ଭାଜପା ପକ୍ଷରୁ ଅଭିଯୋଗ କରାଯାଇଛି।

କାର-ବାଇକ ଧକ୍କା: ଜଣେ ମୃତ, ୨ ଗୁରୁତର

କାର-ବାଇକ ଧକ୍କା: ଜଣେ ମୃତ, ୨ ଗୁରୁତର

ବଇଣ୍ଡା,୧୬।୧(ଡି.ଏନ.ଏ.)- କଟକ-ସମ୍ବଲପୁର ୫୫ ନଂ. ଜାତୀୟ ରାଜପଥର ହଣ୍ଡପା ଥାନା ନିକଟରେ ମଙ୍ଗଳବାର ରାତି ୮ଟାରେ ଏକ କାର ସହ ବାଇକର ମୁହାଁମୁହିଁ ଧକ୍କା ହୋଇଥିଲା।

ରାମେଶ୍ୱର ସ୍ପୋର୍ଟିଂ ଫାଇନାଲରେ

ତାଳଚେର,୧୬।୧(ନି.ପ୍ର.)- ତାଳଚେର ବ୍ଲକ ଗୋପାଳପ୍ରସାଦ ଗଜରାଜ ଷ୍ଟାଡିୟମଠାରେ ଚାଲିଥିବା ଅଲ ଓଡ଼ିଶା ୩୨ ତମ ମା’ ହିଙ୍ଗୁଳା କପ୍‌ କ୍ରିକେଟ ଟୁର୍ନାମେଣ୍ଟର ମଙ୍ଗଳବାର ମ୍ୟାଚରେ ଭୁବନେଶ୍ୱରର ରାମେଶ୍ୱର ସ୍ପୋର୍ଟିଂ କ୍ଲବ ଏସିସି ଅନୁଗୋଳକୁ ପରାସ୍ତ କରି ଫାଇନାଲରେ ପ୍ରବେଶ କରିଛି।

ଜର୍ମାନ ମିଳିମିଳା ସମ୍ପର୍କରେ ସଚେତନତା କାର୍ଯ୍ୟକ୍ରମ

ଜର୍ମାନ ମିଳିମିଳା ସମ୍ପର୍କରେ ସଚେତନତା କାର୍ଯ୍ୟକ୍ରମ

ବଇଣ୍ଡା,୧୬।୧(ଡି.ଏନ.ଏ.)- କିଶୋରନଗର ବ୍ଲକ ଲୁହାମୁଣ୍ଡା ଓ ପଞ୍ଚଗଡ଼ ଉଚ୍ଚ ପ୍ରାଥମିକ ବିଦ୍ୟାଳୟରେ ମଙ୍ଗଳବାର ଜର୍ମାନ ମିଳିମିଳା ରୋଗ ସମ୍ପର୍କରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।