ବ୍ରହ୍ମପୁର

୨ ଗୃହରେ ଆଠଟି ଶ୍ରେଣୀ

୨ ଗୃହରେ ଆଠଟି ଶ୍ରେଣୀ
ଶଙ୍କରାଖୋଲ,୧୭।୧୨(ଡି.ଏନ୍‌.ଏ.)- କନ୍ଧମାଳ ଜିଲା ଚକାପାଦ ବ୍ଲକ କୁସୁମେଣ୍ଡି ପଞ୍ଚାୟତ ପଣସପଦର ଗ୍ରାମରେ ରହିଛି ପୁରାତନ ପଣସପଦର ଉଚ୍ଚପ୍ରାଥମିକ ବିଦ୍ୟାଳୟ। ବହୁବର୍ଷ ହେଲା ଅବ୍ୟବସ୍ଥାରେ ଏହା ଚାଲିଛି। ଏହା ୧୯୫୬ରେ ପ୍ରତିଷ୍ଠା ହୋଇଥିବା ବେଳେ ସରକାରଙ୍କ ଦୃଷ୍ଟି ଅଢୁଆଳରେ ରହିଥିବା ଜଣାଯାଇଛି। ଯେଉଁଠି ବିଦ୍ୟାଳୟରେ ପିଲା ନ ଥିବେ ସେଠାରେ ସର୍ବଶିକ୍ଷା ଅଭିଯାନ ପକ୍ଷରୁ ଗୃହ ନିର୍ମାଣ କରାଯାଇଛି। ଫଳରେ ଉକ୍ତ ବିଦ୍ୟାଳୟ ଅନୁପାତ ଅନୁସାରେ ବନ୍ଦ ହେଲେ ଗୃହଗୁଡ଼ିକ ଖତ ଖାଉଛି। ବାସ୍ତବରେ ଯେଉଁ ବିଦ୍ୟାଳୟରେ ପିଲା ସଂଖ୍ୟା ବୃଦ୍ଧି ଥିବ ସେଠାରେ ଗୃହ ନ ଥିବାରୁ ଛାତ୍ରୀଛାତ୍ରମାନେ ବାରଣ୍ଡାରେ ବସି ପଢୁୁଛନ୍ତି। ଉକ୍ତ ବିଦ୍ୟାଳୟରେ ପ୍ରଥମରୁ ଅଷ୍ଟମ ଶ୍ରେଣୀ ରହିଥିବା ବେଳେ ୫ ଶ୍ରେଣୀ ଗୃହ ରହିଛି। ସେଥିମଧ୍ୟରୁ ତିନୋଟି ଗୃହ ପରିତ୍ୟକ୍ତ ଅବସ୍ଥାରେ ରହିଥିବାବେଳେ ଦୁଇଟି ଶ୍ରେଣୀ ଗୃହରେ ଛଅଟି ଶ୍ରେଣୀ ପିଲାମାନେ ଅଧ୍ୟୟନ କରୁଛନ୍ତି। ଅନ୍ୟ ଦୁଇଟି ଶ୍ରେଣୀ ଛାତ୍ରୀଛାତ୍ର ବାରଣ୍ଡାରେ ବସି ପଢୁଥିବାର ଦେଖିବାକୁ ମିଳିଛି। ବିଦ୍ୟାଳୟରେ ନଳକୂପ ନ ଥିବାରୁ ପାଣି ପିଇବାରେ ବହୁତ ଅସୁବିଧାର ସମ୍ମୁଖୀନ ହେଉଛନ୍ତି। ଯାହାକି ୩ ଶହ ମିଟର ଦୂରରେ ଥିବା ନାଳ ପାଣି ପିଇବା ସହ ଶୌଚ ହେବା ପାଇଁ ବ୍ୟବହାର କରୁଛନ୍ତି। ଶୌଚାଳୟ ନିର୍ମାଣ ହୋଇଥିଲେ ମଧ୍ୟ ତାହା ଅଧା ଭାଙ୍ଗି ରହିଥିବାରୁ ବ୍ୟବହାର ଉପଯୋଗୀ ହୋଇପାରୁ ନାହିଁ। ଚାରିପଟେ ପାଚେରି ନ ଥିବାରୁ ଗୋରୁ ଠାରୁ ଆରମ୍ଭ କରି ବିଭିନ୍ନ ଜନ୍ତୁଙ୍କ ଆଡ୍ଡାସ୍ଥଳୀ ପାଲଟିଛି। ଆଜି ପର୍ଯ୍ୟନ୍ତ ବିଦ୍ୟାଳୟକୁ ଭଲ ରାସ୍ତା ନ ଥିବାରୁ ବର୍ଷା ଦିନେ ବିଦ୍ୟାଳୟକୁ ଯିବା ପାଇଁ ଛାତ୍ରୀଛାତ୍ରମାନେ ପାଣି କାଦୁଅରେ କଷ୍ଟ ଅନୁଭବ କରୁଛନ୍ତି। ବର୍ତ୍ତମାନର ଶିକ୍ଷା ପଦ୍ଧତି କମ୍ପ୍ୟୁଟର ମାଧ୍ୟମରେ ପାଠ ପଢ଼ା ଯାଉଥିବାବେଳେ ବିଦ୍ୟୁତ ନ ଥିବାରୁ ଛାତ୍ରୀଛାତ୍ର କମ୍ପ୍ୟୁଟର ଶିକ୍ଷାରୁ ବଞ୍ଚତ୍ତ ହେଉଛନ୍ତି। ସେହିପରି ଖେଳ ପଡ଼ିଆ ନାହିଁ। ଛାତ୍ରୀଛାତ୍ର ଖୋଲା ଆକାଶ ତଳେ ମଧ୍ୟାହ୍ନଭୋଜନ ଖାଉଛନ୍ତି। ଉକ୍ତ ବିଦ୍ୟାଳୟରେ ଦୁଇଜଣ ନିୟମିତ ଓ ତିନିଜଣ ଶିକ୍ଷା ସହାୟକ ଶିକ୍ଷୟିତ୍ରୀ ଶିକ୍ଷକ ଅଛନ୍ତି। ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ୫୦ ଜଣ ଛାତ୍ରୀଛାତ୍ର ପଢୁଛନ୍ତି। ଏହା ପୂର୍ବରୁ ଉକ୍ତ ବିଦ୍ୟାଳୟରେ ଅଧିକ ସଂଖ୍ୟାର ଛାତ୍ରୀଛାତ୍ର ପଢଛନ୍ତି। କିଛି ବର୍ଷ ହେବ ଉକ୍ତ ବିଦ୍ୟାଳୟ ଅବ୍ୟବସ୍ଥାରେ ଚାଲୁଥିବାରୁ ଦିନକୁ ଦିନ ଛାତ୍ରୀଛାତ୍ର ସଂଖ୍ୟା କମିବାରେ ଲାଗିଛି। ଏପରିକି ଅଷ୍ଟମ ଶ୍ରେଣୀ ପିଲାଙ୍କ ପାଇଁ ଟେବୁଲ ଚେୟାର ନ ଥିବାରୁ ତଳେ ବସି ପଢୁଛନ୍ତି। ଏ ପରି ଅବ୍ୟବସ୍ଥା ମଧ୍ୟରେ ଚାଲିଲେ ତାହା ବନ୍ଦ ହୋଇଯିବ ବୋଲି ଚନ୍ଦ୍ର ଦଳବେହେରା ଓ ସୂର୍ଯ୍ୟକାନ୍ତି ନାୟକ ପ୍ରମୁଖ ଅଭିଭାବକମାନେ ଅଭିଯୋଗ କରିଛନ୍ତି। ତୁରନ୍ତ ଶିକ୍ଷା ବିଭାଗ ଓ ପ୍ରଶାସନ ଦୃଷ୍ଟି ଦେଇ ସମସ୍ୟାର ସମାଧାନ କରିବା ପାଇଁ ଗ୍ରାମବାସୀ ତଥା ବିଦ୍ୟାଳୟ ପରିଚାଳନା କମିଟି ସଭ୍ୟମାନେ ଦାବି କରିଛନ୍ତି। ଉକ୍ତ ସମସ୍ୟା ନେଇ ଚକାପାଦ ବଇଓ ଦାୟିତ୍ୱରେ ଥିବା ଏବିଇଓ ଲକ୍ଷ୍ମୀଧର ବେହେରାଙ୍କୁ ଯୋଗାଯୋଗ କରିବାରୁ ବିଦ୍ୟାଳୟ ସମସ୍ୟାକୁ ସିଆରସିସି ଓ ଏବିଇଓ ଲିଖିତ ଭାବେ ଜଣାଇଲେ ଆମେ ଡିପିସିଙ୍କ ସହିତ ସାକ୍ଷାତ କରି ସମସ୍ୟାର ସମାଧାନ କରିବୁ ବୋଲି କହିଥିଲେ। ଏ ନେଇ ଡିପିସି ଧର୍ମେନ୍ଦ୍ର ମଲ୍ଲିକଙ୍କୁ ଯୋଗାଯୋଗ କରିବାରୁ ମୁଁ ସେହି ସ୍କୁଲକୁ ଦେଖିବା ପରେ କାମ ଅସୁବିଧା ହୋଇଛି। ନିଶ୍ଚିତ ଭାବେ ସମସ୍ୟାର ସମାଧାନ କରାଯିବ ବୋଲି ପ୍ରକାଶ କରିଥିଲେ।
All Right Reserved By

ବ୍ରହ୍ମପୁର

ପାହାଡ଼ ନିକଟରୁ ଯୁବକଙ୍କ ମୃତଦେହ ଉଦ୍ଧାର, ପଥରରେ ଛେଚି ହତ୍ୟା ସନ୍ଦେହ

ପାହାଡ଼ ନିକଟରୁ ଯୁବକଙ୍କ ମୃତଦେହ ଉଦ୍ଧାର, ପଥରରେ ଛେଚି ହତ୍ୟା ସନ୍ଦେହ

ଆସିକା,୧୯।୧(ଡି.ଏନ୍‌.ଏ.): ଗଞ୍ଜାମ ଜିଲା ହରଣପଦର ପଞ୍ଚାୟତ ନିକଟରେ ଥିବା ମାଗୁରା ପାହାଡ଼ ନିକଟରୁ ଜଣେ ଯୁବକଙ୍କ ରକ୍ତ ଜୁଡୁବୁଡ଼ୁ ମୃତଦେହ ଶନିବାର ଉଦ୍ଧାର କରାଯାଇଛି। ସେ ହେଲେ ରବୀନ୍ଦ୍ର ନାହାକ। ତାଙ୍କ ଘର ଭେଙ୍କଟରାଇପଲ୍ଲୀ ଗାଁରେ ବୋଲି ଜଣାପଡ଼ିଛି। 

ଦୁର୍ଗମ ପାରିଗଡ଼ରେ ଏଲ୍‌ପିଜି ପଞ୍ଚାୟତ କାର୍ଯ୍ୟକ୍ରମ

ଦୁର୍ଗମ ପାରିଗଡ଼ରେ ଏଲ୍‌ପିଜି ପଞ୍ଚାୟତ କାର୍ଯ୍ୟକ୍ରମ

ଦାରିଙ୍ଗବାଡ଼ି,୧୯।୧(ଡି.ଏନ୍‌.ଏ): କନ୍ଧମାଳ ଜିଲା ଦାରିଙ୍ଗବାଡ଼ିର ପଡ଼ୋଶୀ କୋଟଗଡ଼ ବ୍ଲକ ଦୁର୍ଗମ ପଞ୍ଚାୟତ ପାରିଗଡ଼ଠାରେ ଶୁକ୍ରବାର ଏଲ୍‌ପିଜି ପଞ୍ଚାୟତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। 

ଆସିକା ଚିନିଶିଳ୍ପରେ ସଙ୍କଟ:  କର୍ମଚାରୀଙ୍କ କାର୍ଯ୍ୟବନ୍ଦ, ଆଖୁଚାଷୀଙ୍କ ସମାବେଶ

ଆସିକା ଚିନିଶିଳ୍ପରେ ସଙ୍କଟ: କର୍ମଚାରୀଙ୍କ କାର୍ଯ୍ୟବନ୍ଦ, ଆଖୁଚାଷୀଙ୍କ ସମାବେଶ

ଆସିକା,୧୯ା୧(ଡି.ଏନ୍‌.ଏ.)-ଆସିକା ସମବାୟ ଚିନିଶିଳ୍ପରେ ଆଖୁପେଡା ପାଇଁ ଶୁକ୍ରବାର କାରଖାନା ବଏଲରରେ ଅଗ୍ନି ସଂଯୋଗ ଲାଗି ଦିନ ଧାର୍ଯ୍ୟ କରାଯାଇଥିଲା। ଅଗ୍ନି ସଂଯୋଗର ଏକ ସପ୍ତାହ ପରେ ଆଖୁପେଡା ଆରମ୍ଭ ହୋଇଥାନ୍ତା। 

ମିନିବସ୍‌ ଓଲଟି ୧୭ ଆହତ

ମିନିବସ୍‌ ଓଲଟି ୧୭ ଆହତ

କବିସୂର୍ଯ୍ୟନଗର,୧୯ା୧-ସ୍ଥାନୀୟ ବ୍ଲକ ସମ୍ମୁଖ ଡିଭାଇଡରରେ ଏକ ମିନିବସ୍‌ ଦୁର୍ଘଟଣାଗ୍ରସ୍ତ ହୋଇ ୧୭ ଜଣ ଆହତ ହୋଇଛନ୍ତି। ଆସିକାରୁ ବୁଢ଼ାମ୍ବ ଯାଉଥିବା ଏକ ମିନିବସ ଶୁକ୍ରବାର ଅପରାହ୍ନରେ ବାଲୁଙ୍କେଶ୍ୱରୀ କବିସୂର୍ଯ୍ୟନଗର ବ୍ଲକ ସମ୍ମୁଖ ଡିଭାଇଡର ଚଢ଼ି ଓଲଟି ପଡ଼ିଥିଲା। ଏଥିରେ ବସିଥିବା ୩୦ରୁ ଊର୍ଦ୍ଧ୍ୱ ବ୍ୟକ୍ତିଙ୍କ ମଧ୍ୟରୁ ୧୭ ଜଣ ଆହତ ହୋଇଥିଲେ।

ରୋଗୀ ମୃତ୍ୟୁକୁ ନେଇ ରାସ୍ତାରୋକୋ

ରୋଗୀ ମୃତ୍ୟୁକୁ ନେଇ ରାସ୍ତାରୋକୋ

ପାତ୍ରପୁର,୧୯ା୧(ଡି.ଏନ୍‌.ଏ.)-ଖାରିଆଗୁଡ଼ା ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ଡାକ୍ତର ନ ଥିବାରୁ ଜଣେ ରୋଗୀଙ୍କ ମୃତ୍ୟୁକୁ ନେଇ ଶୁକ୍ରବାର  ଖାରିଆଗୁଡ଼ାରେ ରାସ୍ତାରୋକୋ କରାଯାଇଥିଲା। ଖବର ପାଇ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଅଧିକାରୀ ପହଞ୍ଚତ୍ ଡାକ୍ତର ପଦବୀ ପୂରଣ ପାଇଁ ପ୍ରତିଶ୍ରୁତି ଦେବା ପରେ ଲୋକେ ଆନ୍ଦୋଳନରୁ ଓହରିଥିଲେ।

କିଶୋର ନ୍ୟାୟ ଅଧିନିୟମ କର୍ମଶାଳା

କିଶୋର ନ୍ୟାୟ ଅଧିନିୟମ କର୍ମଶାଳା

ବ୍ରହ୍ମପୁର ଅଫିସ୍‌,୧୯ା୧-ଗଞ୍ଜାମ ଜିଲା ଶିଶୁ ସୁରକ୍ଷା କାର୍ଯ୍ୟାଳୟ ତରଫରୁ ବ୍ରହ୍ମପୁରସ୍ଥିତ ରାଜସ୍ବ ଡାକବଙ୍ଗଳା ସମ୍ମିଳନୀ କକ୍ଷରେ ଜିଲାର ସ୍ବତନ୍ତ୍ର ବିଦ୍ୟାଳୟ କର୍ମକର୍ତ୍ତାଙ୍କୁ ନେଇ କିଶୋର ନ୍ୟାୟ(ଯତ୍ନ ଓ ସୁରକ୍ଷା) ଅଧିନିୟମ-୨୦୧୫ ସମ୍ପର୍କିତ କର୍ମଶାଳା ଅନୁଷ୍ଠିତ ହୋଇଯାଇଛି।

ମଧୁମେହ ପଞ୍ଚାୟତ କାର୍ଯ୍ୟକ୍ରମ

ମଧୁମେହ ପଞ୍ଚାୟତ କାର୍ଯ୍ୟକ୍ରମ

ବ୍ରହ୍ମପୁର ଅଫିସ୍‌,୧୯ା୧-ଭାରତକୁ ବର୍ତ୍ତମାନ ବିଶ୍ୱର ମଧୁମେହ ରାଜଧାନୀ ରୂପେ ପରିଗଣିତ କରାଯାଉଛି। ଦେଶର ପ୍ରାୟ ୧୧ପ୍ରତିଶତ ଲୋକ ଏହି ଜୀବନଶୈଳୀ ଅବ୍ୟବସ୍ଥାଜନିତ ସମସ୍ୟାରେ ଆକ୍ରାନ୍ତ। ପ୍ରତ୍ୟେକସ୍ତରରେ ମଧୁମେହର ମୁକାବିଲା ପାଇଁ ଆଲୋଚନା ହେଉଛି। 

ଗଞ୍ଜାମ ଜିଲା ଭାଜପାର ଅଭିଯୋଗ: କମିଶନରେଟ୍‌ ପୋଲିସ ଗଠନ ପ୍ରସ୍ତାବରେ ସୀମିତ

ଗଞ୍ଜାମ ଜିଲା ଭାଜପାର ଅଭିଯୋଗ: କମିଶନରେଟ୍‌ ପୋଲିସ ଗଠନ ପ୍ରସ୍ତାବରେ ସୀମିତ

ବ୍ରହ୍ମପୁର ଅଫିସ,୧୯ା୧-ବ୍ରହ୍ମପୁରରେ ଆଇନଶୃଙ୍ଖଳା ହୁଗୁଳା ହୋଇଯାଇଛି । ଅପରାଧୀଙ୍କୁ ନିୟନ୍ତ୍ରଣ କରିବାରେ ପୋଲିସ ବିଫଳ ହୋଇଛି। ନାରୀ ନିର୍ଯ୍ୟାତନା ଓ ଶିଶୁ ହତ୍ୟା ଭଳି ଲୋମଟାଙ୍କୁରା ଘଟଣା ବଢ଼ିଚାଲିଛି । ତେଣୁ ରେଶମ ନଗରୀ ବ୍ରହ୍ମପୁରକୁ କମିଶନରେଟ ପୋଲିସ କରିବା ପାଇଁ ଗଞ୍ଜାମ ଜିଲା ଭାଜପା ଦାବି କରିଛି ।

ଦୁର୍ଘଟଣାରେ ୨ଛାତ୍ର ମୃତ

ଦୁର୍ଘଟଣାରେ ୨ଛାତ୍ର ମୃତ

ଫୁଲବାଣୀ ଅଫିସ/ଖଜୁରୀପଡା,୧୮।୧- କନ୍ଧମାଳ ଜିଲା ଖଜୁରିପଡା ଥାନା ପିରିକୁଡି ପଞ୍ଚାୟତ ବିଲାବାଡି ଗ୍ରାମ ନିକଟ ଫୁଲବାଣୀ-ଭୁବନେଶ୍ୱର ରାଜପଥରେ ଶୁକ୍ରବାର ଅପରାହ୍ନ ପ୍ରାୟ ୪ଟାରେ ଏକ ସଡକ ଦୁର୍ଘଟଣା ଘଟିଛି। ଏଥିରେ ୨ ଛାତ୍ରଙ୍କ ମୃତ୍ୟୁ ଘଟିଛି। ସେମାନେ ହେଲେ ହେଲେ ଖଉମୁଣ୍ଡା ଗ୍ରାମର ପିକୁନ୍‌ ବେହେରା ଓ ରାଜକିଶୋର କହଁର। ଉଭୟ ପିରିକୁଡି ଉଚ୍ଚ ବିଦ୍ୟାଳୟର ୯ମ ଶ୍ରେଣୀ ଛାତ୍ର। ପ୍ରକାଶ ଯେ, ପିକୁନ୍‌ ଓ ରାଜକିଶୋର ଶୁକ୍ରବାର ଦୂତିପଡା ସରକାରୀ ହାଇସ୍କୁଲକୁ କମ୍ପ୍ୟୁଟର ପାଠ୍ୟକ୍ରମରେ ନାମ ଲେଖାଇବାକୁ ଯାଇଥିଲେ।

ମଡେଲ ଅଙ୍ଗନୱାଡି କେନ୍ଦ୍ର ପରିଦର୍ଶନ କଲେ ପ୍ରତିନିଧି ଦଳ

ମଡେଲ ଅଙ୍ଗନୱାଡି କେନ୍ଦ୍ର ପରିଦର୍ଶନ କଲେ ପ୍ରତିନିଧି ଦଳ


ଗୋପାଳପୁର,୧୮।୧- ନୂଆଦିଲ୍ଲୀସ୍ଥିତ ଇଣ୍ଟରନ୍ୟାଶନାଲ ଫୁଡ ପଲିସି ରିସର୍ଚ୍ଚ ଇନଷ୍ଟିଚ୍ୟୁଟ୍‌, ଭିଏଟ୍‌ନାମ ଏବଂ ଅନ୍ୟ ଦେଶର ୧୩ ଜଣିଆ ପ୍ରତିନିଧି ରଙ୍ଗେଇଲୁଣ୍ଡା ବ୍ଲକ ପଥରାରେ ଥିବା ମଡେଲ ଅଙ୍ଗନୱାଡି କେନ୍ଦ୍ରକୁ ପ୍ରତିନିଧି ଦଳର ମୁଖ୍ୟ ରଶ୍ମି ଆବୁଲାଙ୍କ ନେତୃତ୍ୱରେ ଗୁରୁବାର ପରିଦର୍ଶନ କରିଛନ୍ତି। ଓଡ଼ିଶାରେ ହେଉଥିବା ଅଙ୍ଗନୱାଡି କେନ୍ଦ୍ରର ଭିତ୍ତିଭୂମିର ବିକାଶ, ପିଲାଙ୍କ ପାଠପଢ଼ା, ଖାଦ୍ୟ ଓ ଆନୁଷଙ୍ଗିକ ବ୍ୟବସ୍ଥା ସମ୍ପର୍କରେ ରଙ୍ଗେଇଲୁଣ୍ଡା ସିଡିପିଓ ଜ୍ୟୋତ୍ସ୍ନା ପାଢ଼ୀ ଏବଂ ଅଙ୍ଗନୱାଡି କର୍ମଚାରୀ ପଚାରି ବୁଝିଥିଲେ। ଏଭଳି ଢାଞ୍ଚାରେ ବାହାର ଦେଶ ଓ ବିଭିନ୍ନ ସ୍ଥାନରେ କିଭଳି ପ୍ରଚଳିତ ହେବ ସେ ନେଇ ଆଲୋଚନା କରିଥିଲେ। ଏହି ଅବସରରେ ସୁପରଭାଇଜର କେ. ଅନୀତା, ଅରୁଣ ନାୟକଙ୍କ ସମେତ ଅନ୍ୟ ଅଧିକାରୀ ଓ ଅଙ୍ଗନୱାଡି କର୍ମଚାରୀ ଉପସ୍ଥିତ ଥିଲେ।

ହାତୀ ଉପଦ୍ରବ, ଫସଲ ନଷ୍ଟ

ହାତୀ ଉପଦ୍ରବ, ଫସଲ ନଷ୍ଟ

ହିଞ୍ଜିଳିକାଟୁ,୧୮।୧(ଡି.ଏନ୍‌.ଏ.)- ହିଞ୍ଜିଳିକାଟୁ ବ୍ଲକ ମକରଝୋଳ ପଞ୍ଚାୟତର ପଲୀପଦ୍ମନାଭପୁର ଗ୍ରାମରେ ଶୁକ୍ରବାର ସକାଳେ ୧୨ଟି ହାତୀ ଥିବା ଏକ ପଲ ପ୍ରବେଶ କରିଛନ୍ତି। ଦିଗପହଣ୍ଡି ରେଞ୍ଜ ବନାଞ୍ଚଳରୁ ଏହି ହାତୀପଲ ଗୁରୁବାର ରାତିରେ ପ୍ରବେଶ କରିଥିବା ଜଣାପଡ଼ିଛି। ହାତୀପଲରେ ୨ଦନ୍ତା, ୪ମାଈ ଓ ୬ ଛୁଆହାତୀ ଅଛନ୍ତି। ନିକଟବର୍ତ୍ତୀ ଅଞ୍ଚଳରେ ଏହି ହାତୀପଲ ବହୁ ଅମଳ ଫସଲ ନଷ୍ଟ କରିଥିବା ଅଭିଯୋଗ ହୋଇଛି। ବନ କର୍ମଚାରୀମାନେ ଘଟଣାସ୍ଥଳରେ ପହଞ୍ଚତ୍ ଗ୍ରାମବାସୀଙ୍କ ସହାୟତାରେ ହାତୀ ଘଉଡାଇବାକୁ ଉଦ୍ୟମ କରିଥିଲେ। ମାତ୍ର ହାତୀପଲ ଗ୍ରାମ ନିକଟ ପାହାଡ଼ରେ ଅଛନ୍ତି।

ବାଘ ଆକ୍ରମଣ ଗୁଜବକୁ ନେଇ ଡିଏଫ୍‌ଓଙ୍କ ପ୍ରେସ୍‌ମିଟ୍‌

ବାଘ ଆକ୍ରମଣ ଗୁଜବକୁ ନେଇ ଡିଏଫ୍‌ଓଙ୍କ ପ୍ରେସ୍‌ମିଟ୍‌

ବାଲିଗୁଡା,୧୮।୧(ଡି.ଏଡ଼୍‌.ଏ.)- କନ୍ଧମାଳ ଜିଲା ବାଲିଗୁଡା ବନଖଣ୍ଡ ଅଧୀନସ୍ଥ ଦାରିଙ୍ଗବାଡି ଅଞ୍ଚଳରେ କିଛିଦିନ ହେଲା ପର୍ଯ୍ୟଟକଙ୍କୁ ବାଘ ଆକ୍ରମଣ କରିଥିବା ନେଇ ଭିଡିଓ ଓ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି। ଏନେଇ ଅଞ୍ଚଳରେ ଆତଙ୍କ ଖେଳିଯିବା ସହ ଦାରିଙ୍ଗବାଡିକୁ ପର୍ଯ୍ୟଟକ ମଧ୍ୟ ଆସିବା କମିଯାଇଥିବା ପରିଲକ୍ଷିତ ହେଉଛି। ଗୁଜବ ପ୍ରଚାର ପରେ ବାଲିଗୁଡା ବନଖଣ୍ଡର ସମସ୍ତ କର୍ମଚାରୀ ପାଟ୍ରୋଲିଂ କରିବା ସହ ତନାଘନା ଚଳାଇଥିଲେ ମଧ୍ୟ ଏଭଳି କୌଣସି ଘଟଣା ଘଟିଥିବା ସୁରାକ ମିଳିନାହିଁ। ଏନେଇ ଶୁକ୍ରବାର ସ୍ଥାନୀୟ ଡି.ଏଫ୍‌.ଓ ବିଶ୍ୱନାଥ ନୀଳନବର ଏକ ଖବରଦାତା ସମ୍ମିଳନୀରେ ସ୍ପଷ୍ଟ କରିଛନ୍ତି। ସେ କହିଛନ୍ତି, ଯେଉଁ ଭିଡିଓ ଓ ଫଟୋ ଭାଇରାଲ ହୋଇଛି ତାହା ମିଥ୍ୟା। ଉକ୍ତ ଘଟଣା ଗୁଡିକ ମହାରାଷ୍ଟ୍ର ଓ କର୍ନାଟକ ଅଞ୍ଚଳର ବୋଲି ଜଣାପଡିଛି। ଜନସାଧାରଣଙ୍କୁ ଅନୁରୋଧ କରାଯାଉଛି କି, ପର୍ଯ୍ୟଟନସ୍ଥଳୀ ଦାରିଙ୍ଗବାଡିରେ ଏପରି କୌଣସି ଘଟଣା ଘଟିନାହିଁ। ଏଥିରେ କେହି ଆତଙ୍କିତ ଓ ବିଚଳିତ ନ ହୋଇ ପର୍ଯ୍ୟଟନସ୍ଥଳୀରେ ପ୍ରକୃତିର ଭରପୂର ମଜା ନେବାକୁ ଡିଏଫ୍‌ଓ ବିଶ୍ୱନାଥ ଆହ୍ବାନ ଦେଇଛନ୍ତି। ବାଲିଗୁଡା ବନଖଣ୍ଡ ଅଞ୍ଚଳର ସମସ୍ତ ରେଞ୍ଜର, ଫରେଷ୍ଟର ଓ କର୍ମଚାରୀ ଏହି ସମ୍ମିଳନୀରେ ଉପସ୍ଥିତ ଥିଲେ।