ବ୍ରହ୍ମପୁର

ଆସନ୍ତା ୨୦ରୁ ଏକାଦଶ ଜାତୀୟ ଶିଶୁ ମହୋତ୍ସବ

ଆସନ୍ତା ୨୦ରୁ ଏକାଦଶ ଜାତୀୟ ଶିଶୁ ମହୋତ୍ସବ

ବ୍ରହ୍ମପୁର ଅଫିସ, ୧୭।୧୨: ଶିଶୁବାର୍ତ୍ତା ପକ୍ଷରୁ ଏକାଦଶ ଜାତୀୟ ଶିଶୁ ମହୋତ୍ସବ ଡିସେମ୍ବର ୨୦ ତାରିଖରୁ ୨୨ ତାରିଖ ପର୍ଯ୍ୟନ୍ତ ପୁରୀ ଶରଧାବାଲିସ୍ଥିତ ମୁକ୍ତାକାଶ ରଙ୍ଗମଞ୍ଚରେ ଅନୁଷ୍ଠିତ ହେବ। ଏହାକୁ ପୁରୀ ଜିଲାପାଳ ଅରବିନ୍ଦ ଅଗ୍ରଓ୍ବାଲ ଆନୁଷ୍ଠାନିକ ଭାବେ ଉଦ୍‌ଘାଟନ କରିବାର କାର୍ଯ୍ୟକ୍ରମ ରହଥିବା ନେଇ ଅନୁଷ୍ଠାନ ତରଫରୁ ଏକ ଖବରଦାତା ସମ୍ମିଳନୀରେ ସୂଚନା ଦିଆଯାଇଛିି। ଉତ୍ସବରେ ଦେଶର ପାଞ୍ଚଟି ପ୍ରଦେଶର ଶିଶୁ କଳାକାରମାନେ ଯୋଗଦେଇ ସେମାନଙ୍କ ଲୋକକଳା ଓ ଲୋକନୃତ୍ୟ ପରିବେଷଣ କରିବେ। ଏହି କାର୍ଯ୍ୟକ୍ରମରେ ଗଞ୍ଜାମ ଜିଲାର ପ୍ରସିଦ୍ଧ ଯୋଡିଶଙ୍ଖ, ରଣପ୍ପା ନୃତ୍ୟ ପରିବେଷଣ କରାଯିବ। ଏଥିସହ ସର୍ବଭାରତୀୟସ୍ତରରେ କଳା, ସଂସ୍କୃତିକ୍ଷେତ୍ରରେ ବିଶେଷ ଅବଦାନ ପାଇଁ କଳାହାଣ୍ଡି ସଦର ବ୍ଲକର ପଞ୍ଚମ ଶ୍ରେଣୀର ଛାତ୍ର ରୋଷଣ ରଣାଙ୍କୁ ସମ୍ମାନିତ କରାଯିବ।

All Right Reserved By

Model This Week

ନିକିତା

ବ୍ରହ୍ମପୁର

ବାଣ ନିଆଁରୁ ଅଗ୍ନିକାଣ୍ଡ: ଜଳିଗଲା ୧୫ ବଖରା

ଦିଗପହଣ୍ଡି,୨୦।୪(ଡି.ଏନ.ଏ)- ଦିଗପହଣ୍ଡି ସୁନାରି ସାହିରେ ବାଣ ନିଆଁରୁ ଅଗ୍ନିକାଣ୍ଡ ଘଟି ୩ଟି ପରିବାରର ୧୫ ବଖରା ଜଳି ଯାଇଛି। ଶୁକ୍ରବାର ଅପରାହ୍ନ ପ୍ରାୟ ସାଢ଼େ ୫ଟାରେ ସାହିର କେତେକ ନାବାଳକ ବାଣ ଫୁଟାଉଥିଲେ। ବାଣ ନିଆଁ ପ୍ରଥମେ ବି. ମୋହନ ରେଡ୍ଡୀଙ୍କ ଘର ଉପରେ ପଡ଼ିଥିଲା। ପରେ ତାଙ୍କ ପଡ଼ୋଶୀ କେ. କୃଷ୍ଣମୂର୍ତ୍ତି ଆଚାରୀ ଏବଂ ଦଣ୍ଡପାଣି ରଣାଙ୍କ ଘରକୁ ବ୍ୟାପିଯାଇଥିଲା।

ବଜ୍ରପାତ : ୪ ଗାଈ ମୃତ, ଗାଈଆଳ ଆହତ

ଦିଗପହଣ୍ଡି,୨୦।୪(ଡି.ଏନ.ଏ.)- ଦିଗପହଣ୍ଡି ବ୍ଲକ ସହଦେବ ଟିକରପଡ଼ା ପଞ୍ଚାୟତ ବାଲିପାଟ ଗ୍ରାମ ରାସ୍ତାରେ ବଜ୍ରପାତ ଯୋଗୁ ଗାଈଆଳ ତ୍ରିନାଥ ଗୌଡ଼ ଆହତ ହେବା ସହ ତାଙ୍କର ୪ଟି ଗାଈ ମୃତ୍ୟୁବରଣ କରିଛନ୍ତି। ଶୁକ୍ରବାର ସନ୍ଧ୍ୟା ପ୍ରାୟ ୬ଟାରେ ବର୍ଷା ହୋଇଥିଲା। ଫଳରେ ତ୍ରିନାଥ ଗାଈମାନଙ୍କୁ ରାସ୍ତାକଡ଼ରେ ଥିବା ଗଛମୂଳେ ଆଶ୍ରୟ ନେଇଥିଲେ। ସେହି ସମୟରେ ବଜ୍ରପାତ ହେବାରୁ ସେ ଚେତାଶୂନ୍ୟ ହୋଇପଡ଼ିଥିଲେ। ଗ୍ରାମବାସୀ ତାଙ୍କୁ ଉଦ୍ଧାର କରି ଭୀଷ୍ମଗିରି ପ୍ରାଥମିକ ଚିକିତ୍ସାଳୟରେ ଭର୍ତ୍ତି କରିଛନ୍ତି।

ମାଣିକ୍ୟପୁରରେ ୧୦ ବଖରା ଜଳିଗଲା

ମାଣିକ୍ୟପୁରରେ ୧୦ ବଖରା ଜଳିଗଲା

ଧରାକୋଟ,୨୦।୪(ଡି.ଏନ୍‌.ଏ.)- ଧରାକୋଟ ନିକଟସ୍ଥ ମାଣିକ୍ୟପୁର ଗ୍ରାମରେ ଶୁକ୍ରବାର ମଧ୍ୟାହ୍ନରେ ଭୟାବହ ଅଗ୍ନିକାଣ୍ଡ ଘଟିଛି। ଏଥିରେ ଗ୍ରାମର କାହ୍ନୁଚରଣ ଗୌଡ, ଜିତୁ ସ୍ବାଇଁ, ଟୁଙ୍ଗୁରୁ ସ୍ବାଇଁ, କୁମାରୀ ପ୍ରଧାନ ଓ ବିଜୟ ଗୌଡଙ୍କର ୧୦ ବଖରା ଘର ପୋଡି ପାଉଁଶ ହୋଇଯାଇଛି। ଖବର ପାଇ ଶେରଗଡ ଦମକଳବାହିନୀ ପହଞ୍ଚତ୍ ନିଅଁାକୁ ଆୟତ୍ତ କରିଥିଲା। ଏନେଇ ଧରାକୋଟ ତହସିଲଦାର ଗଦାଧର ପାତ୍ରଙ୍କ ସହ ଯୋଗାଯୋଗ ବେଳେ ସ୍ଥାନୀୟ ରାଜସ୍ବ ନିରୀକ୍ଷକଙ୍କୁ କ୍ଷୟକ୍ଷତି ଆକଳନ ପାଇଁ ପଠାଯାଇଛି, ରିପୋର୍ଟ ଆସିବାପରେ ସରକାରୀ ନିୟମ ପ୍ରକାରେ କ୍ଷତିପୂରଣ ପ୍ରଦାନ କରାଯିବ। ସ୍ଥାନୀୟ ଗ୍ରାମ ପଞ୍ଚାୟତ ତରଫରୁ କ୍ଷତିଗ୍ରସ୍ତଙ୍କୁ ରନ୍ଧାଖାଦ୍ୟ ପ୍ରଦାନ କରାଯାଇଛି।

୧୦୨ ଆମ୍ବୁଲାନ୍ସ, ପିକ୍‌ଅପ୍‌ ମୁହଁ।ମୁହିଁ ଧକ୍କା: ଗର୍ଭବତୀଙ୍କ ସମେତ ୫ ଗୁରୁତର

୧୦୨ ଆମ୍ବୁଲାନ୍ସ, ପିକ୍‌ଅପ୍‌ ମୁହଁ।ମୁହିଁ ଧକ୍କା: ଗର୍ଭବତୀଙ୍କ ସମେତ ୫ ଗୁରୁତର

ବାଲିପଡ଼ା,୨୦।୪- ସଦର ଥାନା ଅନ୍ତର୍ଗତ ରଘୁନାଥପୁର ଗ୍ରାମରେ ଶୁକ୍ରବାର ସନ୍ଧ୍ୟା ପ୍ରାୟ ୬ଟାରେ ଏକ ୧୦୨ ଆମ୍ବୁଲାନ୍ସ ସହ ଏକ ମାକ୍ସ ପିକ୍‌ଅପ୍‌ ମୁହାଁମୁହିଁ ଧକ୍କା ହୋଇଛି। ଫଳରେ ଆମ୍ବୁଲାନ୍ସରେ ଥିବା ଗର୍ଭବତୀଙ୍କ ସମେତ ୫ ଜଣ ଆହତ ହୋଇଛନ୍ତି।

ଜି.ଉଦୟଗିରିରେ କାଳବୈଶାଖୀ, କୁଆପଥର ବର୍ଷା

ଜି.ଉଦୟଗିରିରେ କାଳବୈଶାଖୀ, କୁଆପଥର ବର୍ଷା

ଜି.ଉଦୟଗିରି,୨୦।୪(ଡି.ଏନ.ଏ)- ଜି.ଉଦୟଗିରି ସହର ତଥା ଆଖପାଖ ଗ୍ରାମରେ ଶୁକ୍ରବାର ଅପରାହ୍ନ ୨ଟାରୁ ୩ଟା ପର୍ଯ୍ୟନ୍ତ ଘଡ଼ଘଡ଼ି ସହ ପବନ ଓ କୁଆପଥର ବର୍ଷା ହୋଇଯାଇଛି। ଅନେକ ସ୍ଥାନରେ ଗଛ ଭାଙ୍ଗିଥିବା ମଧ୍ୟ ଜଣାପଡ଼ିଛି।

ବେଆଇନ ବାଲିଚାଲାଣ: ୬ ଟ୍ରକ ଜବତ

ବେଆଇନ ବାଲିଚାଲାଣ: ୬ ଟ୍ରକ ଜବତ

ଚିକିଟି,(ଡି.ଏନ୍‌.ଏ.)/ବ୍ରହ୍ମପୁର ଅଫିସ,୨୦।୪-ଚିକିଟି ବ୍ଲକ ପାରସମା ଗ୍ରାମଦେଇ ଯାଇଥିବା ବାହୁଦା ନଦୀ ତଟରୁ ଗୁରୁବାର ରାତି ପ୍ରାୟ ସାଢ଼େ ୧୧ଟାରେ ବେଆଇନ ଭାବେ ଆନ୍ଧ୍ରପ୍ରଦେଶକୁ ବାଲି ଚାଲାଣ କରୁଥିବା ୬ଟି ଟ୍ରକକୁ ଜବତ କରାଯାଇଛି। କୌଣସି ସୂତ୍ରରୁ ଖବର ପାଇ ବ୍ରହ୍ମପୁର ଉପଜିଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ ଘଟଣାସ୍ଥଳରେ ପହଞ୍ଚତ୍ ବାଲି ଚାଲାଣ କରୁଥିବା ଟ୍ରକ ନଂ.ଏପି ୧୬ ଟି୫ ୪୯୯୧, ଏପି ୧୬ ଟିଟି ୯୫୧୪, ଏପି ୦୫ଭି ୦୫୬୭, ଏପି ୨୦ ଡବ୍ଲୁ ୩୮୨୫, ଏପି ୨୦ ଟିଏ ୮୯୮୭, ଏପି ୧୬ ଟିଭି ୫୨୬୦କୁ ଜବତ କରିଛନ୍ତି।

କ୍ରିକେଟ ଟୁର୍ନାମେଣ୍ଟ ଉଦ୍‌ଘାଟିତ

କ୍ରିକେଟ ଟୁର୍ନାମେଣ୍ଟ ଉଦ୍‌ଘାଟିତ

ଗଞ୍ଜାମ,୨୦।୪(ଡି.ଏନ.ଏ)-ଗଞ୍ଜାମ ବ୍ଲକ ବଡ଼ କାଇଁଚପୁର ଗ୍ରାମରେ ଶୁକ୍ରବାରଠାରୁ ମା’ ଶୀତଳାଇ ଜୁନିୟର କ୍ରିକେଟ ଟୁର୍ନାମେଣ୍ଟ ଆରମ୍ଭ ହୋଇଛି। ସ୍ଥାନୀୟ ସରପଞ୍ଚ ଜି. ସନ୍ତୋଷ ରେଡ୍ଡୀ ଟୁର୍ନାମେଣ୍ଟକୁ ଉଦଘାଟନ କରିଥିଲେ। ନାଏବ ସରପଞ୍ଚ ମିନି ବେହେରା, ଗ୍ରାମ୍ୟ କମିଟି ସଦସ୍ୟମାନେ ଉପସ୍ଥିତ ଥିଲେ। ଉଦଘାଟନ ମ୍ୟାଚ ଜରାପଦର ଓ ଗୋପୀନାଥ ଟିମ ମଧ୍ୟରେ ହୋଇଥିଲା।

ଆତ୍ମ ସୁରକ୍ଷା ତାଲିମ ଶିବିର ଉଦ୍‌ଯାପିତ

ଆତ୍ମ ସୁରକ୍ଷା ତାଲିମ ଶିବିର ଉଦ୍‌ଯାପିତ

ପୋଲସରା,୨୦।୪(ଡି.ଏନ.ଏ)-ପୋଲସରା ଆଞ୍ଚଳିକ ମହିଳା ମହାବିଦ୍ୟାଳୟରେ ୧୨ ଦିନ ଧରି ଚାଲିଥିବା ଆତ୍ମ ସୁରକ୍ଷା ତାଲିମ ଶିବିର ଶୁକ୍ରବାର ଉଦଯାପିତ ହୋଇଯାଇଛି। ଏଥିରେ ପୋଲସରା ବିଧାୟକ ଶ୍ରୀକାନ୍ତ ସାହୁ ମୁଖ୍ୟଅତିଥି ଭାବେ ଯୋଗଦେଇ ଦୃଢ଼ ଆତ୍ମବିଶ୍ୱାସ ବଢ଼ାଇ ଆଗକୁ ବଢ଼ିବା ପାଇଁ ଛାତ୍ରୀମାନଙ୍କୁ ପରାମର୍ଶ ଦେଇଥିଲେ। ସମ୍ମାନିତ ଅତିଥି ଭାବେ ଜିଲା ସଂଯୋଜକ ଅମୃତ ସେଠୀ ଓ ଖଲ୍ଲିକୋଟ କଲେଜର ଅଧ୍ୟାପିକା ଡ଼. ସନ୍ଧ୍ୟାରାଣୀ ପଟ୍ଟନାୟକ ଯୋଗଦେଇ ଆତ୍ମ ସୁରକ୍ଷା ତାଲିମ ଶିବିରର ଆବଶ୍ୟକତା ସମ୍ପର୍କରେ କହିଥିଲେ।

୨ ବାଇକ ଧକ୍କା: ଜଣେ ଗୁରୁତର

୨ ବାଇକ ଧକ୍କା: ଜଣେ ଗୁରୁତର

ବୁଗୁଡ଼ା,୨୦।୪(ଡି.ଏନ.ଏ)-ବୁଗୁଡ଼ା ଥାନା ଗୋଲିଆ ନିକଟସ୍ଥ ବାଘୁଆ ଶଙ୍ଖଠାରେ ଗୁରୁବାର ରାତିପ୍ରାୟ ୧୦ଟାରେ ଦୁଇ ବାଇକ ଧକ୍କା ହେବାରୁ ୨ ଜଣ ଆହତ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି। ଗୁରୁତର ଆହତ ଜଣକ ହେଲେ ମରେଇପଲ୍ଲୀ ଗ୍ରାମର ସନ୍ତୋଷ ନାୟକ।

ମଦ ଜବତ: ଜଣେ ଗିରଫ

ଆସିକା, ୨୦।୪ (ଡି.ଏନ.ଏ.)- ଆସିକା ଥାନା ଅନ୍ତର୍ଗତ ନଳବଣ୍ଟା ଗ୍ରାମରେ ଗୁରୁବାର ରାତିରେ ପୋଲିସ ଚଢାଉ କରି ୪୦ ଲିଟର ଦେଶୀ ମଦ ଜବତ କରିଛି। ଏଥିରେ ସମ୍ପୃକ୍ତ ଥିବାଅଭିଯୋଗରେ ଜଣଙ୍କୁ ଗିରଫ କରାଯାଇଛି। ସେ ହେଲେ ନଳବଣ୍ଟା ଗ୍ରାମର ପବିତ୍ର ଦଳେଇ। ପବିତ୍ର ଦେଶୀ ମଦକୁ ୨ଶହ ମିଲି ଲିଟର ଲେଖାଏଁର ପ୍ୟାକେଟ୍‌ କରି ଗ୍ରାମ ଶେଷ ମୁଣ୍ଡରେ ବିକ୍ରି କରୁଥିବା ଖବର ପାଇ ପୋଲିସ ସେଠାରେ ଚଢାଉ କରିଥିଲା। ଏ ନେଇ ଆସିକା ଥାନାରେ ନଂ.୧୩୧/୧୮ରେ ମାମଲା ରୁଜୁ କରାଯାଇଛି। ଶୁକ୍ରବାର ପବିତ୍ରଙ୍କୁ କୋର୍ଟଚାଲାଣ କରାଯାଇଛି ବୋଲି ଥାନା ଅଧିକାରୀ ସନ୍ତୋଷ କୁମାର ଜେନା ସୂଚନା ଦେଇଛନ୍ତି।

ବାଇକ ଧକ୍କାରେ ନାବାଳିକା ମୃତ

ବାଇକ ଧକ୍କାରେ ନାବାଳିକା ମୃତ

ପୋଲସରା,୨୦।୪(ଡି.ଏନ.ଏ)-ପୋଲସରା ଥାନା ଲକ୍ଷ୍ମଣପଲ୍ଲୀଠାରେ ଗୁରୁବାର ବିଳମ୍ବିତ ରାତିରେ ବାଇକ ଧକ୍କାରେ ଗୁରୁତର ଆହତ ନାବାଳିକାଙ୍କର ଚିକିତ୍ସାଧୀନ ଅବସ୍ଥାରେ ଶୁକ୍ରବାର ମୃତ୍ୟୁ ଘଟିଛି। ମୃତା ନାବାଳିକା ହେଲେ ଲକ୍ଷ୍ମଣପଲ୍ଲୀ ଗ୍ରାମର ଉମାକାନ୍ତ ପ୍ରଧାନଙ୍କ ଝିଅ ସୌମ୍ୟାଲିନ। ଏହି ଖବର ଗାଁରେ ପହଞ୍ଚିବା ପରେ ଉତ୍ତେଜନା ପ୍ରକାଶ ପାଇଥିଲା। କ୍ଷତିପୂରଣ ଦାବି ନେଇ ରାସ୍ତାରୋକୋ ହୋଇଥିଲା। ଦାବି ପୂରଣ ପରେ ରାସ୍ତାରୋକୋ ହଟିଛି।

୧୦୮ ସମୂହ ବ୍ରତୋପନୟନ ମହୋତ୍ସବ

୧୦୮ ସମୂହ ବ୍ରତୋପନୟନ ମହୋତ୍ସବ

ଚିକିଟି,୨୦।୪(ଡି.ଏନ.ଏ)- ଚିକିଟି ବ୍ଲକ ନୂଆପଡା ଗ୍ରାମସ୍ଥିତ ଯୁଗଶକ୍ତି ଗାୟତ୍ରୀ ବ୍ରାହ୍ମଣ ସମାଜ ତରଫରୁ ଶୁକ୍ରବାର ୧୦୮ ସମୂହ ବ୍ରତୋପନୟନ ମହୋତ୍ସବ ଅନୁଷ୍ଠିତ ହୋଇଥିଲା। ବ୍ରାହ୍ମଣ ସମାଜର ସମ୍ପାଦକ ସୁରେନ୍ଦ୍ର ନାଥ ପଣ୍ଡାଙ୍କ ତତ୍ତ୍ବବଧାନରେ ଅନୁଷ୍ଠିତ ଏହି ମହୋତ୍ସବରେ ଉତ୍ତରପ୍ରଦେଶ କାଶୀ ସୁମେରୁ ପିଠାଧୀଶ୍ୱର ଜଗତ୍‌ଗୁରୁ ଶଙ୍କରାଚାଯର୍‌ୟ ନରେନ୍ଦ୍ରାନନ୍ଦ ସରସ୍ବତୀ, ମହନ୍ତ ହରିହର ଦାସ, ସତ୍ୟାନନ୍ଦ ମହାରାଜ ଏବଂ ସାଧୁସନ୍ଥ ଯୋଗ ଦେଇଥିଲେ