ସମ୍ବଲପୁର

ହାଜତ ଗେଟ ସମ୍ମୁଖରୁ ଯୁବକଙ୍କୁ ଉଠାଇ ନେଲା ପୋଲିସ: ଦାଦନ ଚାଲାଣ ନାମରେ ଟଙ୍କା ଲୁଟି ଅଭିଯୋଗ

ହାଜତ ଗେଟ ସମ୍ମୁଖରୁ ଯୁବକଙ୍କୁ ଉଠାଇ ନେଲା ପୋଲିସ: ଦାଦନ ଚାଲାଣ ନାମରେ ଟଙ୍କା ଲୁଟି ଅଭିଯୋଗ
ନୂଆପଡା ଅଫିସ,୧୭।୧୨- ନୂଆପଡାରୁ ତେଲେଙ୍ଗାନାକୁ ଶ୍ରମିକ ଚାଲାଣ କରୁଥିବା ଅଭିଯୋଗରେ ମାନିଗୁଡା ଗାଁର ସନ୍ତୋଷ କୁଲଦୀପ ନାମକ ଜଣେ ଯୁବକଙ୍କୁ ଲଖନା ପୋଲିସ ଗିରଫ କରି କୋର୍ଟ ଚାଲାଣ କରିଥିଲା। ଶନିବାର ଜେଲ ହାଜତରୁ ବାହାରିବା ମାତ୍ରେ ପୁଣିଥରେ ପୋଲିସ ତାଙ୍କୁ ହାଜତ ଗେଟ ସମ୍ମୁଖରୁ ଉଠାଇ ନେଇଛି। ସେ ଶ୍ରମିକ ସର୍ଦ୍ଦାରଙ୍କଠାରୁ ୧୪ଲକ୍ଷ ଟଙ୍କା ନେଇ ଶ୍ରମିକ ପଠାଉ ନ ଥିବା ଅଭିଯୋଗ ହୋଇଛି। ଜିଲାରୁ ଶ୍ରମିକ ଚାଲାଣକୁ ରୋକିବାକୁ ପୋଲିସ ପ୍ରଶାସନ ଅଙ୍କୁଶ ଲଗାଉ ଥିବା କୁହାଯାଉଥିବାବେଳେ ଏହି ମାମଲାରେ ପୋଲିସ ମଝିରେ ପଡିଥିବା ଚର୍ଚ୍ଚାର ବିଷୟ ହୋଇଛି। ପ୍ରକାଶ ଯେ, ଶ୍ରମିକ ଚାଲାଣ ସମୟ ଆସିଲେ ରାଜ୍ୟ ବାହାରୁ ହାଇଦ୍ରାବାଦ, ତେଲେଙ୍ଗାନା ଆଦି ଅଞ୍ଚଳରୁ କୋଟିପତି ଶ୍ରମିକ ସର୍ଦ୍ଦାରମାନେ ଖରିଆରରୋଡ, ନୂଆପଡା ଆଦି ଜାଗାରେ ପ୍ରଶାସନର ନାକତଳେ ଆଡ୍ଡା ଜମାଇ ରହିଥାନ୍ତି। ଜିଲାର ବଛା ବଛା ଶ୍ରମିକ ଦଲାଲଙ୍କୁ ବୋଲକରା କରି ସେମାନଙ୍କ ଜରିଆରେ ଶ୍ରମିକ ସଂଗ୍ରହ କରି ସେଠାକୁ ନେଇଥାନ୍ତି। ଯେତେବେଳେ ଶ୍ରମିକ ଚାଲାଣ ପୋଲିସ ହାତରେ ଧରାପଡିଥାଏ ସେତେବେଳେ ଛୋଟକାଟିଆ ଦଲାଲମାନେ ଜେଲ ଯାଇଥାନ୍ତି ଏବଂ କୋଟିପତି ସର୍ଦ୍ଦାରମାନେ ଖସିଯାଇଥାନ୍ତି। ଠିକ ଏହିଭଳି ଘଟିଛି ଲଖନା ଥାନା ଅଞ୍ଚଳରେ। ଗତ ମାସରେ ଲଖନା ଥାନା ପୋଲିସ ଏକ ଶ୍ରମିକ ଚାଲାଣ ମାମଲାରେ କୋମନା ଥାନା ଅନ୍ତର୍ଗତ ମାନିଗଡା ଗାଁର ସନ୍ତୋଷ କୁଲଦୀପଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। ସେ ଜେଲ ହାଜତକୁ ଗଲାପରେ ତାଙ୍କର ସର୍ଦ୍ଦାର ତେଲେଙ୍ଗାନାର ଏସ.ସୁବ୍ବା କୁଆଡେ ସନ୍ତୋଷ ତାଙ୍କଠାରୁ ୧୪ଲକ୍ଷ ଟଙ୍କା ନେଇଥିବା ନେଇ ଥାନାରେ ଏତଲା ଦେଇଥିଲେ। ଏହାକୁ ନେଇ ସେ ଜିଲାପାଳ ଏବଂ ଏସପିଙ୍କୁ ମଧ୍ୟ ଭେଟିଥିବା କୁହାଯାଉଛି। ତାପରେ ସନ୍ତୋଷଙ୍କ ନାମରେ ପୁଣିଥରେ ଏକ ମାମଲା(ନଂ ୧୦୨/୧୭) ରୁଜୁ ହୋଇଥିଲା। ପୋଲିସ ସେବେଠାରୁ ତାଙ୍କୁ ପୁଣିଥରେ ଗିରଫ କରି ତଦନ୍ତ କରିବାକୁ ଜଗି ରହିଥିଲା। ସନ୍ତୋଷଙ୍କର ଶୁକ୍ରବାର ସନ୍ଧ୍ୟାରେ ଜାମିନ ମିଳିଥିଲା। ହେଲେ ତାଙ୍କ ପରିବାର ପକ୍ଷରୁ କେହି ନେବାକୁ ନ ଆସିବାରୁ ସେ ଘରକୁ ଯାଇ ନ ଥିଲେ। ତେବେ ଦୁଇଦିନ ଧରି ଲଖନା ପୋଲିସ ତାଙ୍କୁ ଧରିବାକୁ ଜେଲ ହାଜତ ଚାରିକଡେ ପଇଁତରା ମାରୁଥିଲା। ଶନିବାର ସନ୍ଧ୍ୟା ୭ଟାବେଳେ ପରିବାର ଲୋକଙ୍କ ସହ ଗେଟ ବାହାରକୁ ଆସିବା ପରେ ପୋଲିସ ତାଙ୍କୁ ଟାଣିନେଇ ଗାଡିରେ ଭର୍ତ୍ତି କରି ନେଇଯାଇଥିଲା। ଏ ନେଇ ଲଖନା ଥାନାଧିକାରୀ ସରୋଜ କୁମାର ମଲ୍ଲିକଙ୍କୁ ପଚାରିବାରେ ସନ୍ତୋଷଙ୍କ ନାମରେ ୧୪ଲକ୍ଷ ଟଙ୍କା ନେଇଥିବା ନେଇ ଏକ ମାମଲା ରୁଜୁ ହୋଇଛି। ତାକୁ କେନ୍ଦ୍ର କରି ପୋଲିସ ତାଙ୍କୁ ଧରିଛି। ପୋଲିସ ରିମାଣ୍ଡରେ ନନେଇ ହାଜତ ସମ୍ମୁଖରୁ କାହିଁକି ଉଠାଇ ନେଲା ବୋଲି ପଚାରିବାରେ ତାଙ୍କ ପରିବାର ଲୋକଙ୍କୁ ବାରମ୍ବାର ଆମେ ଯାଇ ପଚରାଉଚୁରା କରୁଥିଲୁ ା ହେଲେ ସେମାନେ କୌଣସି ପ୍ରକାର ସହଯୋଗ କରୁ ନ ଥିଲେ ବୋଲି ଶେଷରେ ଏଭଳି ଖଲାସ ହେବା ପରେ ଧରିଛୁ।
All Right Reserved By

ସମ୍ବଲପୁର

ସାନପୋଡାଗୁଡା ଦୁର୍ଗାପୂଜା ରୌପ୍ୟ ଜୟନ୍ତୀ, ଘୁମୁରା ପ୍ରତିଯୋଗୀତା ଅନୁଷ୍ଠିତ

ସାନପୋଡାଗୁଡା ଦୁର୍ଗାପୂଜା ରୌପ୍ୟ ଜୟନ୍ତୀ, ଘୁମୁରା ପ୍ରତିଯୋଗୀତା ଅନୁଷ୍ଠିତ

କୋକସରା,୧୬।୧୦(ଡି.ଏନ.ଏ.): କଳାହାଣ୍ଡି ଜିଲା କୋକସରା ବ୍ଲକ ସାନପୋଡାଗୁଡାଠାରେ ଦୁର୍ଗାପୂଜାର ୨୫ ବର୍ଷ ପୂର୍ତ୍ତି ଅବସରରେ ଦଶାବତାର ଦୁର୍ଗାପୂଜା ଅନୁଷ୍ଠିତ ହୋଇଯାଇଛି । ଏହି ଉପଲକ୍ଷେ ପୂଜା କମିଟି ପକ୍ଷରୁ ଘୁମୁରା ପ୍ରତିଯୋଗୀତା ଅନୁଷ୍ଠିତ ହୋଇଯାଇଛି । ଦୁର୍ଗା ପୂଜା କମିଟି ସଭାପତି ହରେକୃଷ୍ଣ ନାଏକଙ୍କ ସଭାପତିତ୍ୱରେ ମୁଖ୍ୟଅତିଥି ଭାବେ କଳାହାଣ୍ଡି ଜିଲା ଭାଜପା ଉପସଭାପତି ବଦ୍ରୀନାରାୟଣ ପଟ୍ଟନାୟକ ଯୋଗଦେଇ ଘୁମୁରା ପ୍ରତିଯୋଗୀତା ଉଦ୍‌ଘାଟନ କରିଥିଲେ ।

ନଦୀବାଲିରୁ ନିଖୋଜ ବାଳକର ମୁଣ୍ଡ ଗଣ୍ଡି ଅଲଗା ମୃତଦେହ ଉଦ୍ଧାର: ବଳି ଚର୍ଚ୍ଚା ଜୋର ଧରିଲା

ନଦୀବାଲିରୁ ନିଖୋଜ ବାଳକର ମୁଣ୍ଡ ଗଣ୍ଡି ଅଲଗା ମୃତଦେହ ଉଦ୍ଧାର: ବଳି ଚର୍ଚ୍ଚା ଜୋର ଧରିଲା

ବଲାଙ୍ଗୀର ଅଫିସ/ବଙ୍ଗୋମୁଣ୍ଡା, ୧୬ା୧୦(ଡି.ଏନ୍‌.ଏ.): ତିନିଧରି ନିଖୋଜ ଥିବା ଜଣେ ୯ ବର୍ଷର ବାଳକଙ୍କ ମୁଣ୍ଡ ଗଣ୍ଡି ଅଲଗା ଥିବା ମୃତଦେହ ଉନ୍ଦେର ନଦୀ ବାଲିରେ ଅଧା ପୋତା ଅବସ୍ଥାରେ ମଙ୍ଗଳବାର ଉଦ୍ଧାର ହୋଇଛି ।  ଟିଟିଲାଗଡ ଏସଡିପିଓଙ୍କ ଉପସ୍ଥିତିରେ ସିନ୍ଧେକେଲା ପୋଲିସ ଟିମ୍‌ ଉକ୍ତ ମୃତଦେହକୁ ଉଦ୍ଧାର କଲାପରେ ବ୍ୟବଚ୍ଛେଦ ପାଇଁ ପଠାଇଛି ।

ପାଟଖଣ୍ଡା ଯାତରା : ତେଲନଦୀ ପଠା ହେଲା ରକ୍ତ ରଞ୍ଜିତ

ପାଟଖଣ୍ଡା ଯାତରା : ତେଲନଦୀ ପଠା ହେଲା ରକ୍ତ ରଞ୍ଜିତ

ରିଷିଡ଼ା,୧୬।୧୦(ଡି.ଏନ.ଏ.): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ପୌରକେଲାଠାରେ ସୋମବାର ପ୍ରସିଦ୍ଧ ପାଟଖଣ୍ଡା ଯାତରା ଅନୁଷ୍ଠିତ ହୋଇଯାଇଛି । ଏଥିରେ ୭ଟି ବୋଦା ଓ ଗରରା ବଳି ଦିଆଯାଇଛି ।

ମୋଟର ପମ୍ପ ଚୋରି ଅଭିଯୋଗ: ୩ ଯୁବକ ଗିରଫ

ମୋଟର ପମ୍ପ ଚୋରି ଅଭିଯୋଗ: ୩ ଯୁବକ ଗିରଫ

ବିଜେପୁର,୧୬।୧୦(ଡି.ଏନ.ଏ.): ବରଗଡ ଜିଲା ବିଜେପୁର ପୋଲିସ ମୋଟର ପମ୍ପ ଚୋରି ଅଭିଯୋଗରେ ୩ଜଣ ଯୁବକଙ୍କୁ ଗିରଫ କରି ମଙ୍ଗଳବାର ସୋହେଲା କୋର୍ଟଙ୍କୁ ଚାଲାଣ କରିଛି । 

ଗଛମୂଳରୁ ମୃତଦେହ ଉଦ୍ଧାର

ଗଛମୂଳରୁ ମୃତଦେହ ଉଦ୍ଧାର

ବରଗଡ଼ ଅଫିସ୍‌,୧୬।୧୦: ବରଗଡ଼ ସଦର ଥାନା ଅନ୍ତର୍ଗତ ଗୋବିନ୍ଦପୁରର ଏକ ରାଇସ ମିଲ ନିକଟ ଗଛମୂଳରୁ ମଙ୍ଗଳବାର ପୋଲିସ ଏକ ଗଳିତ ଶବ ଉଦ୍ଧାର କରିଛି । ମୃତଦେହଟି ପଚିଯାଇ ଥିବାବେଳେ ଏପର୍ଯ୍ୟନ୍ତ ପରିଚୟ ମିଳି ପାରି ନାହିଁ । 

ଗଳିତ ମୃତଦେହ ଉଦ୍ଧାର, ହତ୍ୟା ସନ୍ଦେହ

ଗଳିତ ମୃତଦେହ ଉଦ୍ଧାର, ହତ୍ୟା ସନ୍ଦେହ

ବରଗଡ଼ ଅଫିସ୍‌,୧୬।୧୦: ବରଗଡ଼ ସଦର ଥାନା ଅନ୍ତର୍ଗତ ଏସ.ଡୁମ୍ବେରପାଲି ନିକଟ ଏକ ବିଲରୁ ମଙ୍ଗଳବାର ସକାଳୁ ଜଣେ ଲୋକଙ୍କ କ୍ଷତାକ୍ତ ମୃତଦେହ ଉଦ୍ଧାର କରାଯାଇଛି ।

ପାଣିରେ ଭାସି ଜୀବନ ହାରିଲେ ଯୁବକ

ପାଣିରେ ଭାସି ଜୀବନ ହାରିଲେ ଯୁବକ

ବରଗଡ଼ ଅଫିସ୍‌,୧୬।୧୦: ବରଗଡ଼ ସହରର ଘରୋଇ ବସଷ୍ଟାଣ୍ଡ କଡରେ ବହି ଯାଇଥିବା କେନାଲ ପାଣିରେ ଭାସି ଯାଇ ମଙ୍ଗଳବାର ସକାଳେ ଜଣେ ଯୁବକଙ୍କ ମୃତ୍ୟୁ ଘଟିଛି ।

କାନଭାସରେ ମା’ ଦୁର୍ଗାଙ୍କ ଛବି

କାନଭାସରେ ମା’ ଦୁର୍ଗାଙ୍କ ଛବି

ସମ୍ବଲପୁର, ୧୬।୧୦ (ବ୍ୟୁରୋ): ଗୋବିନ୍ଦତୋଲା ପୂଜା ମଣ୍ଡପ ପରିସରରେ କାନଭାସରେ ମା’ ଦଶଭୁଜାଙ୍କ ଚିତ୍ର ଦେଖିବାକୁ ମିଳିଛି। 

ପୂର୍ବ ଶତ୍ରୁତାରୁ ଯୁବକଙ୍କୁ ଗୁଳିମାଡ଼

ପୂର୍ବ ଶତ୍ରୁତାରୁ ଯୁବକଙ୍କୁ ଗୁଳିମାଡ଼

ସମ୍ବଲପୁର,୧୬।୧୦(ବ୍ୟୁରୋ): ସମ୍ବଲପୁର ସହର ଅଇଁଠାପାଲି ଥାନା ଅନ୍ତର୍ଗତ ଫାଟକ ଡେଲି ମାର୍କେଟରେ ସୋମବାର ସକାଳ ସାଢ଼େ ୭ଟାରେ ଜଣେ ଯୁବକଙ୍କୁ ଗୁଳିମାଡ଼ ହୋଇଛି।

୨୦ ହଜାର ହେକ୍ଟର ଜମିରେ ମରୁଡ଼ି

୨୦ ହଜାର ହେକ୍ଟର ଜମିରେ ମରୁଡ଼ି

ଝାରସୁଗୁଡ଼ା ଅଫିସ,୧୬।୧୦: ଜିଲାରେ ମରୁଡ଼ି ସ୍ଥିତି ଗମ୍ଭୀର। ଢିପ ଜମିରେ ହୋଇଥିବା ଧାନ ଫସଲ ମରୁଡ଼ି ସମ୍ମୁଖୀନ ହୋଇଥିବା ବେଳେ ବର୍ତ୍ତମାନ ଖାଲୁଆ ଜମି ମଧ୍ୟ ମରୁଡ଼ି ଆଶଙ୍କା ଦେଖାଦେଲାଣି। 

୨୫ ଏକର ଧାନଚାଷ ନଷ୍ଟ

୨୫ ଏକର ଧାନଚାଷ ନଷ୍ଟ

ଦେଓଗାଁ,୧୬।୧୦(ଡି.ଏନ୍‌.ଏ.): ବଲାଙ୍ଗୀର ଜିଲା ଦେଓଗାଁ ବ୍ଲକ ଉପରଝର ପଞ୍ଚାୟତ ଅଧୀନ ନୂଆଁପାଲିର ଜନୈକ ଚାଷୀଙ୍କ ୨୫ ଏକର ଧାନ ତିତ୍‌ଲି ପ୍ରଭାବରେ ତଳେ ପଡି ନଷ୍ଟ ହୋଇଯାଇଥିବା ଅଭିଯୋଗ ହୋଇଛି। 

ତିତ୍‌ଲି  ପ୍ରଭାବରେ ଆଖୁଚାଷ କ୍ଷତିଗ୍ରସ୍ତ

ତିତ୍‌ଲି ପ୍ରଭାବରେ ଆଖୁଚାଷ କ୍ଷତିଗ୍ରସ୍ତ

ଗୁଡ଼ଭେଲା,୧୬।୧୦(ଡି.ଏନ୍‌.ଏ.): ତିତଲି ପ୍ରଭାବରେ ଗୁଡ଼ଭେଲା ବ୍ଳକରେ କ୍ଷୟକ୍ଷତି ହୋଇଥିବା ଅଭିଯୋଗ ହୋଇଛି।