ଅପରାଧ |

ବନ୍ଧୁକ ମୁନରେ ଛାତ୍ରୀଙ୍କୁ ଅପହରଣ

ବନ୍ଧୁକ ମୁନରେ ଛାତ୍ରୀଙ୍କୁ ଅପହରଣ
ବାଳକାଟୀ, ୧୭।୧୨ (ଡି.ଏନ.ଏ.): ଅସୁରକ୍ଷିତ ହୋଇପଡ଼ିଛି କମିଶନ୍‌ରେଟ ପୋଲିସ ବ୍ୟବସ୍ଥା ପରିସରଭୁକ୍ତ ବାଳକାଟୀ ଫାଣ୍ଡି ଅଞ୍ଚଳ। ପୁଣି ଫୁଟିଛି ବନ୍ଧୁକରୁ ଗୁଳି। ମାତ୍ର ଏଥର ଗୁଳି ଫୁଟିଛି କୌଣସି ଲୁଟ୍‌ କିମ୍ବା ରାହାଜାନି ପାଇଁ ନୁହେଁ। ତିନି ରାଉଣ୍ଡ ଗୁଳି ଫୁଟାଇ ୩ ଜଣ ଯୁବକଙ୍କ ସହ ଜଣେ ଯୁବତୀ ମିଶି ଅଧରାତିରେ ଅପହରଣ କରି ନେଇଛନ୍ତି ଜଣେ ସପ୍ତମ ଶ୍ରେଣୀରେ ପଢୁଥିବା ୧୩ ବର୍ଷିଆ ନାବାଳିକାଙ୍କୁୁ। ଘଟଣା ଘଟିଛି ଶନିବାର ରାତି ପ୍ରାୟ ସାଢ଼େ ୧୨ଟାରେ ଫାଣ୍ଡି ନିକଟ ସାତକାଞ୍ଜିଆ ଗ୍ରାମ ନିକଟବର୍ତ୍ତୀ ଏକ ବସ୍ତିରେ। ଏ ନେଇ ଅପହୃତା ନାବାଳିକାଙ୍କ ମା’ ରାତି ୧ଟାରେ ଫାଣ୍ଡିରେ ଅଭିଯୋଗ କରିଥିଲେ। ଘଟଣାସ୍ଥଳରେ ବାଲିଅନ୍ତା ପୋଲିସ ପହଞ୍ଚି ତଦନ୍ତ ଚଳାଇଥିଲା। ଧଉଳି ଥାନା ଅନ୍ତର୍ଗତ ଶିଶୁପାଳଗଡ ଅଞ୍ଚଳରୁ ରାତି ୨ଟାରେ ଅପହରଣକାରୀଙ୍କ ସମ୍ପର୍କୀୟଙ୍କ ମଧ୍ୟରୁ ୨ ଜଣଙ୍କୁ ପୋଲିସ ଆଣି ଫାଣ୍ଡିରେ ରଖି ପଚରାଉଚରା ଚଳାଇଛି। ଅଟକ ୨ ଜଣଙ୍କ ତଥ୍ୟକୁ ଆଧାର କରି ନାବାଳିକାଙ୍କୁ ଉଦ୍ଧାର ପାଇଁ ବିଭିନ୍ନ ସ୍ଥାନରେ ପୋଲିସ ଚଢ଼ାଉ ଚଳାଇଛି। ନାବାଳିକା ମା’ଙ୍କ ଅଭିଯୋଗ ଅନୁଯାୟୀ, ଶନିବାର ରାତିରେ ୩ ଜଣ ଯୁବକ ଓ ଜଣେ ଯୁବତୀ ୨ଟି ପଲ୍‌ସର ବାଇକ୍‌ରେ ଆସି ତାଙ୍କ ଘର ପାଖରେ ପହଞ୍ଚିଥିଲେ। ଏମାନଙ୍କ ମଧ୍ୟରୁ ୨ ଜଣ ଯୁବକ ହାତରେ ୨ଟି ବନ୍ଧୁକ ଧରିଥିବାବେଳେ ଯୁବତୀ ଜଣକ ହାତରେ ଏକ ଭୁଜାଲି ଧରି ଘର କବାଟ ବାଡ଼େଇଥିଲେ। କବାଟ ଖୋଲିବା କ୍ଷଣି ଘର ଭିତରକୁ ପଶି ଯାଇ ଜଣେ ଯୁବକ ନାବାଳିକାଙ୍କ ମୁଣ୍ଡରେ ବନ୍ଧୁକ ଲଗାଇବା ବେଳେ ଯୁବତୀ ଜଣକ ବେକରେ ଭୁଜାଲି ଲଗାଇଥିଲେ। ଅନ୍ୟ ଜଣେ ବନ୍ଧୁକଧାରୀ ଯୁବକ ଘର ବାହାରେ ରହି ୩ ରାଉଣ୍ଡ ଗୁଳି ଫୁଟାଇ ଭୟଭୀତ କରାଇଥିଲେ। ବାଇକ୍‌ ଯୋଗେ ଝିଅକୁ ଅଧରାତିରେ ଅପହରଣ କରି ନେଇ ଯାଇଥିଲେ। ଘଟଣା ସମ୍ପର୍କରେ ପୋଲିସକୁ ମୋବାଇଲ ଫୋନ୍‌ ଯୋଗେ ଖବର ଦେବାରୁ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ କରିଥିଲା। ତେବେ ଅପହରଣକାରୀଙ୍କୁ ନାବାଳିକାଙ୍କ ମା’ ଜାଣିଥିବା ପୋଲିସ ଆଗରେ ସୂଚନା ଦେଇଥିଲେ। ଏହି ବସ୍ତିରେ ସ୍ଥାନୀୟ ଅଞ୍ଚଳର ଜନୈକ ବ୍ୟକ୍ତି ଘର କରି ୮ ଜଣଙ୍କୁ ଭଡ଼ା ଦେଇଥିଲେ। ଏହି ୮ ଜଣଙ୍କ ମଧ୍ୟରେ ୨ ଜଣ ମହିଳା, ୬ ଜଣ ଯୁବକ ଥିଲେ। ମହିଳା ଦ୍ୱୟ ଘରେ ରହୁଥିବାବେଳେ ୬ ଜଣ ଯୁବକ ତିନୋଟି ନମ୍ବର ବିହୀନ ପଲସର ବାଇକ୍‌ରେ ସନ୍ଧ୍ୟା ୬ଟାରେ ଯାଇ ଭୋର ୪ଟାରେ ଫେରୁଥିଲେ। ସପ୍ତାହେ ହେଲା ସେମାନେ ଏହି ଘର ଛାଡ଼ି ଶିଶୁପାଳଗଡ ଅଞ୍ଚଳରେ ରହୁଥିଲେ। ଶନିବାର ରାତିରେ ଅପହରଣ ଘଟଣାରେ ଏମାନଙ୍କ ମଧ୍ୟରୁ ୩ ଯୁବକ ଓ ଜଣେ ମହିଳା ସାମିଲ ଥିବା ଚିହ୍ନି ପାରିଥିବା ନାବାଳିକାଙ୍କ ମା’ ସୂଚନା ଦେଇଛନ୍ତି। ଏ ନେଇ ଥାନାରେ ନଂ. ୩୩୫/୧୭ରେ ମାମଲା ରୁଜୁ ହୋଇଛି। ଏ ସମ୍ପର୍କରେ ଥାନା ଅଧିକାରୀ ସୁଜିତ ଦାଶଙ୍କୁ ପଚାରିବାରେ ପୋଲିସ ଖୁବ୍‌ଶୀଘ୍ର ଛାତ୍ରୀଙ୍କୁ ଉଦ୍ଧାର କରିବ ବୋଲି କହିଛନ୍ତି।
All Right Reserved By

ଅପରାଧ |

ମଦ୍ୟପ ଫାଣ୍ଡି ଅଧିକାରୀଙ୍କ ଉନ୍ମତ୍ତକାଣ୍ଡ, ଫାଣ୍ଡି ଘେରିଲେ ଲୋକେ

ମଦ୍ୟପ ଫାଣ୍ଡି ଅଧିକାରୀଙ୍କ ଉନ୍ମତ୍ତକାଣ୍ଡ, ଫାଣ୍ଡି ଘେରିଲେ ଲୋକେ

କୃଷ୍ଣପ୍ରସାଦ, ୨୩।୧୦(ଡି.ଏନ୍‌.ଏ.): ପୁରୀ ଜିଲା କୃଷ୍ଣପ୍ରସାଦ ଥାନା ଅଧୀନ ମାଲୁଦ ଫାଣ୍ଡି ଅଧିକାରୀ ମଦ୍ୟପାନ କରି ଜନସାଧାରଣଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିବା ମହଙ୍ଗା ପଡିଛି। 

ଜାତୀୟ ରାଜପଥ କଡ଼ରୁ ଗଳିତ ଶବ ଉଦ୍ଧାର

ଜାତୀୟ ରାଜପଥ କଡ଼ରୁ ଗଳିତ ଶବ ଉଦ୍ଧାର

ଚଣ୍ଡିଖୋଲ, ୨୩।୧୦(ଡି.ଏନ୍‌.ଏ.): ଯାଜପୁର ଜିଲା ବାଲିଚନ୍ଦ୍ରପୁର ଥାନା ଅନ୍ତର୍ଗତ ଜାତୀୟ ରାଜପଥ ନଂ. ୫(କ)ର ଭାକୁଡ଼ ଛକ ନିକଟରୁ ମଙ୍ଗଳବାର ସକାଳେ ଜଣେ ମହିଳାଙ୍କ ଗଳିତ ଶବ ଉଦ୍ଧାର ହୋଇଛି। 

ଫେରାର ଅଭିଯୁକ୍ତ ଗିରଫ

ଫେରାର ଅଭିଯୁକ୍ତ ଗିରଫ

ରୂପ୍‌ସା, ୨୨।୧୦(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ହଳଦୀପଦା ଫାଣ୍ଡି ଅଧିକାରୀ ବଦ୍ରିଶଙ୍କର ଷଣ୍ଢ ଚଢ଼ାଉ କରି ଜଣେ ଫେରାର ଅଭିଯୁକ୍ତଙ୍କୁ ଗିରଫ କରିଛନ୍ତି। ଗିରଫ ଅଭିଯୁକ୍ତ ହେଲେ ଜଙ୍ଖରାଇ ଗ୍ରାମର ଶେଖ ତେଜମତ। ୨୦୧୬ ମସିହାର ଏକ ଗଣ୍ଡଗୋଳ ମାମଲାରେ ସେ ସମ୍ପୃକ୍ତ ଥିବା ପୋଲିସ କହିଛି। ୩ବର୍ଷ ଧରି ସେ ଫେରାର ଥିଲେ। ସେ ଘରେ ଥିବା ଖବରପାଇ ପୋଲିସ ଚଢ଼ାଉ କରିଥିଲା।

ପୁରୀ ହିଂସା ଘଟଣା, ପୁଣି ୬ କୋର୍ଟ ଚାଲାଣ

ପୁରୀ ହିଂସା ଘଟଣା, ପୁଣି ୬ କୋର୍ଟ ଚାଲାଣ

ପୁରୀ ଅଫିସ, ୨୨ା୧୦: ଶ୍ରୀମନ୍ଦିରରେ ଧାଡ଼ିଦର୍ଶନକୁ ନେଇ ହୋଇଥିବା ହିଂସାରେ ଗିରଫଦାରି ସଂଖ୍ୟା ୯୨ରେ ପହଞ୍ଚତ୍ଛି। ପୂର୍ବରୁ ପୋଲିସ ୮୬ ଜଣଙ୍କୁ ଗିରଫ କରିଥିବା ବେଳେ ସୋମବାର ଆଉ ୬ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି। 

୪ ମନ୍ଦିରରୁ ଚୋରି

୪ ମନ୍ଦିରରୁ ଚୋରି

ଡେରାବିଶ, ୨୨।୧୦ (ସ୍ବ.ପ୍ର): ଡେରାବିଶ ବ୍ଲକ ଅଞ୍ଚଳର ୪ଟି ମନ୍ଦିରରୁ ଗତ ଶୁକ୍ରବାର ରାତିରେ ଏକାବେଳେ ସ୍ଥାନୀୟ ଅଂଚଳର ୪ଟି ମନ୍ଦିରରୁ ଲୁଟ କରିଥିବା ଅଭିଯୋଗ ହୋଇଛି।

ନକଲି ମାଓବାଦୀ ସାଜି ଜେଲଗଲେ ଯୁବକ

ନକଲି ମାଓବାଦୀ ସାଜି ଜେଲଗଲେ ଯୁବକ

ବେଲପଡା, ୨୨ା୧୦(ଡି.ଏନ.ଏ.): ନିଜକୁ ମାଓବାଦୀ ବୋଲି ପରିଚୟ ଦେଇ ବ୍ଲକ ଅଧ୍ୟକ୍ଷାଙ୍କ ସ୍ବାମୀଙ୍କୁ ଟଙ୍କା ମାଗିବା ଜଣେ ଯୁବକଙ୍କୁ ମହଙ୍ଗା ପଡିଛି। ବଲାଙ୍ଗୀର ଜିଲା ବେଲପଡା ଥାନା ପୋଲିସ ସମ୍ପୃକ୍ତ ଯୁବକଙ୍କୁ ଗିରଫ କରିଛି। 

ଚନ୍ଦନ ହତ୍ୟାକାଣ୍ଡ, ଅଭିଯୁକ୍ତ ମୀନକେତନ ଗିରଫ

ଚନ୍ଦନ ହତ୍ୟାକାଣ୍ଡ, ଅଭିଯୁକ୍ତ ମୀନକେତନ ଗିରଫ

ପରଜଙ୍ଗ,୨୨।୧୦(ଡି.ଏନ୍‌.ଏ.): ଢେଙ୍କାନାଳ ଜିଲା ପରଜଙ୍ଗ ଥାନା ନୂଆ କୁଆଳୋ ଗ୍ରାମରେ ଶୁକ୍ରବାର ସାରେ ଗ୍ରାମର ଚନ୍ଦନ ବେହେରାଙ୍କୁ ଉକ୍ତ ସାହିର ମୀନକେତନ ସାହୁ ଟାଙ୍ଗିଆରେ ହାଣି ନିିର୍ମମ ହତ୍ୟା କରି ଫେରାର ଥିଲେ। 

ନବବିବାହିତା ମହିଳାଙ୍କୁ ହତ୍ୟା ଅଭିଯୋଗ, ଜଣେ ଅଟକ

ନବବିବାହିତା ମହିଳାଙ୍କୁ ହତ୍ୟା ଅଭିଯୋଗ, ଜଣେ ଅଟକ

ଛେଣ୍ଡିପଦା,୨୨।୧୦(ସ୍ବ.ପ୍ର) ଛେଣ୍ଡିପଦା ଥାନା ଅନ୍ତର୍ଗତ ବାଲିନାଳି ଗ୍ରାମରେ ପାରିବାରିକ କଳହକୁ କେନ୍ଦ୍ର କରି ରବିବାର ରାତିରେ ଜଣେ ନବବିବାହିତାଙ୍କ ମୃତ ଦେହ ଉଦ୍ଧାର ରାଯାଇଛି। 

ଗୁଣିଗାରେଡି ସନ୍ଦେହରେ ମହିଳାଙ୍କୁ ଆକ୍ରମଣ ଘଟଣା: ୧୦ଜଣଙ୍କ ନାମରେ  ମାମଲା, କଲ୍ୟାଣୀ ଗାଁରେ ଚାପା ଉତ୍ତେଜନା

ଗୁଣିଗାରେଡି ସନ୍ଦେହରେ ମହିଳାଙ୍କୁ ଆକ୍ରମଣ ଘଟଣା: ୧୦ଜଣଙ୍କ ନାମରେ ମାମଲା, କଲ୍ୟାଣୀ ଗାଁରେ ଚାପା ଉତ୍ତେଜନା

ନୀଳଗିରି, ୨୧ା୧୦(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ଥାନା ଅଧୀନ ମଛୁଆ ପଞ୍ଚାୟତ କଲ୍ୟାଣୀ ଗାଁରେ ଗୁଣିଗାରେଡି ସନ୍ଦେହରେ ଶ୍ରୀମତୀ ସିଂ ନାମ୍ନୀ ମହିଳାଙ୍କୁ ଆକ୍ରମଣ ଘଟଣାରେ ପୋଲିସ ରବିବାର ୧୦ଜଣଙ୍କ ନାମରେ ମାମଲା(ନଂ.୨୪୧/୧୮) ରୁଜୁ କରିଛି। ଏହାର ଅଧିକ ତଦନ୍ତ ଜାରି ରହିଥିବା ଥାନା ଅଧିକାରୀ ନଳିତା ମୋଦୀ କହିଛନ୍ତି। ଅଭିଯୁକ୍ତମାନେ ହେଲେ କାର୍ତ୍ତିକ ସିଂ, ଅନାଦି ସିଂ, ଗଙ୍ଗାଧର ସିଂ, ପୂର୍ଣ୍ଣ ସିଂ, ଜଳଧର ସିଂ, ବର୍ଜୁ ସିଂ, କାନ୍ଦୁରୁ ସିଂ ,ବସନ୍ତ ସିଂ, ରମା ସିଂ ଓ ମହେଶ୍ୱର ସିଂ। ଏହାକୁ ନେଇ  ଗାଁରେ ଚାପା ଉତ୍ତେଜନା ଲାଗି ରହିଛି।

ଅବକାରୀ ବିଭାଗ ଅତର୍କିତ ଚଢ଼ାଉ, ୩ ଚୋରା ମଦ ବେପାରୀ ଗିରଫ

ଅବକାରୀ ବିଭାଗ ଅତର୍କିତ ଚଢ଼ାଉ, ୩ ଚୋରା ମଦ ବେପାରୀ ଗିରଫ

ଜଳେଶ୍ୱର, ୨୧ା୧୦(ଡି.ଏନ୍‌.ଏ.)-ବାଲେଶ୍ୱର ଜିଲା ଜଳେଶ୍ୱର ଥାନା ଅଞ୍ଚଳର ଚନ୍ଦନା, ବିରିଶପୁର ଓ ଗୋପ ଗ୍ରାମରେ ଅବକାରୀ ବିଭାଗ ଅତର୍କିତ ଚଢ଼ାଉ କରି ୩ ଜଣ ଚୋରାମଦ ବେପାରୀଙ୍କୁ ଗିରଫ କରିଛି। ସେମାନଙ୍କ ନିକଟରୁ ୭୦ ଲିଟର ରନ୍ଧା ଦେଶୀମଦ ଜବତ ହୋଇଛି। 

ଜ୍ୱାଇଁଙ୍କ ସନ୍ଦେହଜନକ ମୃତ୍ୟୁ ଘଟଣା: ଶାଶୁ ଶ୍ୱଶୁରଙ୍କୁ କୋର୍ଟ ଚାଲାଣ

ଜ୍ୱାଇଁଙ୍କ ସନ୍ଦେହଜନକ ମୃତ୍ୟୁ ଘଟଣା: ଶାଶୁ ଶ୍ୱଶୁରଙ୍କୁ କୋର୍ଟ ଚାଲାଣ

ରାଜନଗର, ୨୧।୧୦(ଡି.ଏନ.ଏ.): ମହାକାଳପଡା ଥାନା ଅନ୍ତର୍ଗତ ରତନପୁର ଗ୍ରାମର ପରିକ୍ଷିତ ସେଠୀଙ୍କ ପୁଅ ଶ୍ରୀଧର ସେଠୀ ଶ୍ୱଶୁର ଘର ରାଜନଗରକୁ ଦୁର୍ଗାପୂଜା ବୁଲିବାକୁ ଆସିଥିଲେ। 

ଚାକିରି ଦେବାକୁ କହି ୨୦ ଲକ୍ଷ ଠକେଇ

ଚାକିରି ଦେବାକୁ କହି ୨୦ ଲକ୍ଷ ଠକେଇ

ରାଉରକେଲା ଅଫିସ,୨୧।୧୦- ଝିରପାଣି ଥାନା ଝିରପାଣି ପୁନର୍ବସତି କଲୋନୀରେ ରହୁଥିବା ଜଣେ ଯୁବତୀ କେତେକ ବେକାର ଯୁବକଙ୍କୁ ଚାକିରି ଦେବା ଆଳରେ ୨୦ଲକ୍ଷରୁ ଅଧିକ ଟଙ୍କା ଠକିଥିବା ଅଭିଯୋଗ ହୋଇଛି। ଏ ନେଇ ଶନିବାର ମଧ୍ୟାହ୍ନରେ କିଛି ଯୁବକ ଥାନାରେ ଅଭିଯୋଗ କରିବାକୁ ପହଞ୍ଚି ଥିଲେ। ହେଲେ ଠକେଇ କରିଥିବା ଯୁବତୀ ଜଣକ ଘଟଣା ସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ଦେଖାଯାଇଥିଲା। ‘ମୁଁ ସୁବିଧା ଅନୁସାରେ ଟଙ୍କା ଫେରାଇ ଦେବି। ଆପଣମାନେ